|
|
 أكبر شارع بكوستي يتحول لمنزل
|
الشارع الذي يفصل بين النصر والاندلس , ويمر بجوار جامع سيدي الحسن , وهو بقرب مدخل كوستي , فكان شارعا جيد لدخول العربات والراجلين , تم توزيعه لمنزل كبير المساحة , تركت الشارع ثلاثة امتار حسب تقديري , ويقال ان صاحب المنزل المواجه له وهو من اشتراه , فلا أظن احدا يسمح ان يكون الشارع امام داره ثلاث امتار , وبالجهة الاخري منازل حكومية ?
هذا الشارع بهذا الشكل يمنع الهواء عن نفسه وجيرانه , وغير آمن فلا سبيل لمرور عربات الاطفاء
|
|
 
|
|
|
|
|
|
|
|
Re: أكبر شارع بكوستي يتحول لمنزل (Re: عبدالحفيظ ابوسن)
|
هذا الشارع منفذا ومتنفسا للمدارس , حوله عددا من مدارس الاساس , وجامع سيدي الحسن , والشارع الآمن في الخريف , فلا يصح التضحية بكل ذلك من اجل مصلحة شخص واحد
الدول التي تهتم بمواطنيها تهد منزلا للمصلحة العامة ولا تغلق شارعا للمصلحة الخاصة
| |
|
|
|
|
|
|
|
|
|
Re: أكبر شارع بكوستي يتحول لمنزل (Re: عبدالحفيظ ابوسن)
|
من الفيس
الطيب البدوي
وجع شديد والله ,, لكن ما بنسكت وسكتنا كتير
فلتقم حملة في الفيس وفي كل المواقع
تعرف شفتو الليلة بس , مودي بتي الكورس وياهو شارعي , لقيت الحيطة والرملة قافلة الشارع ,, شارع خمسين متر قافلو زول واحد , مريت بصعوبة جنوب الحيطة , وقدرت المسافة الباقية بين البيت الجديد والموازي ليهو ب 3 امتار , يعني لو الاتنين عملو ترتوار قدام بيوتهم بي عجلة ماتمشي
وقفلوا من بعض اهم الرياح الشمالية والجنوبية
ولا قول حصلت كارثة الشارع ده اقرب شارع واوسع واحد
| |
|
|
|
|
|
|
|
|
|
Re: أكبر شارع بكوستي يتحول لمنزل (Re: عبدالحفيظ ابوسن)
|
.
.
.
| Quote: هذا الشارع بهذا الشكل يمنع الهواء عن نفسه وجيرانه , وغير آمن فلا سبيل لمرور عربات الاطفاء |
يا عبد الحفيظ سلام
ما ده هو المقصود بالضبط
ياخي الكيزان ديل بيخططوا إنه بعد 20 سنه ما يكون في زول غيرهم في السودان ده كله
تقول لي عربة إطفاء !!!!!!!!
.
.
.
.
.
| |
|
|
|
|
|
|
|
|
|
Re: أكبر شارع بكوستي يتحول لمنزل (Re: محمد جمعه الخير)
|
بسم الله الرحمن الرحيم
الحبيب / ابوسن
ونماذج مثل هذه واكثر حدثت ببورتسودان
فميادين كانت متنفساً للاحياء صارت بين
ليلة وضحاها منازل اهلة .. وكذلك بكسلا
( وبعدين هواء شنو ليهم ده ترف ما بستحقو المواطن )
دمت بخير
ارتيقا
| |
|
|
|
|
|
|
|
|
|
Re: أكبر شارع بكوستي يتحول لمنزل (Re: Artiga Gilani)
|
مرحبا بشير
وحبابك
ياريت لو كان التفكير يتم بهدف استراتيجي ايا كان
لكن الامر لايعدو كون ان السودان تحول لدكان تاجر جشع ماعندو مانع يبيع الرفوف
طغت المصلحة الشخصية علي اي مفهوم اخلاقي او طني
شكرا للدعم
| |
|
|
|
|
|
|
|
|
|
Re: أكبر شارع بكوستي يتحول لمنزل (Re: عبدالحفيظ ابوسن)
|
ود ابو سن سلامات يابلدياتي
حسب وصفك
ده الشارع الاحمر الردمية " العالية "
البتقع بين الجامع وبين " بيت عبد القوي ساكت ،، والجهة التانية نادي الدناقلة وبيوت الحكومة " السورها واطي ديك "
لو صحي يكون العملها ده ابليس
ده اهم مدخل ومخرج والحتة دي ابداع هندسي كبير
بتجيبك من الشارع الرئيسي الداخل كوستي " لاندلس" لداخل المدينة وتجيب ناس حي " النصر " وتختصر المشوار لاحياء " 27,28,34,الرابعة "
وكذلك طريق لحي النصر ومدخل لقيادة الجيش ومدخل مدارس كتيرة " الفنية، الصناعية، جملون، المعهد"
ومدخل لكل الاحياء من الاندلس وانت ماشي ل" الكهرباء والموية والسوق والمستشفى "
علي الايمان لو ياها الحتة دي طوالي مظاهرات ..
| |
|
|
|
|
|
|
|
|
|
Re: أكبر شارع بكوستي يتحول لمنزل (Re: عبدالحفيظ ابوسن)
|
Quote: ناصر
كتلتها كتلة ياها زاتا
تصدق |
ياخ معقولة
خلي بالك ده مفتكرها " السريحة " بتاعة حي 34 ديك وزعوها اراضي
لكن دي تختلف تماما مابتتحمل نهائي
وأكيد هو زاااتو حيتضايق من الحركة الكتيرة
أها ادوها ليه بس ولا خلاص بدا في البناء كمان ...!!!
حليل كوستي وناسها البيقيفوا الف احمر ..
| |
|
|
|
|
|
|
|
|
|
Re: أكبر شارع بكوستي يتحول لمنزل (Re: شمس الدين ساتى)
|
حفيظ يا صاحب اضربوا على الحديد وهو ساخن
ما تدقسوا دقستنا في سنار خلينا المرابي احمد عباس باع كل الميادين والساحات حتى السينما
لكن اخيرا وقفنا ليه احمر في مدرسة البنات الثانوية القديمة
لا تتهاونوا قودوا حملة قوية لوقف هذا العبث و سكان الحي وعموم كوستي ما حا يخذلوكم
يلا من الان
تحياتي
| |
|
|
|
|
|
|
|
|
|
Re: أكبر شارع بكوستي يتحول لمنزل (Re: عبدالحفيظ ابوسن)
|
الاخ اب سن
بعيد عن متنفس و هوا للبيوت الحواليه ...
نعد الشارع دا من الجهة الشرقيه لي كوستي بربط كم مدرسه ..
المنار + الروضه بتاعتها + التجاني الثانويه + القوميه اساس + الشعبيه + مدارس الاندلس
من الجانب الشرقي بررط بي .. جملون( نمرة 9) للناس القدام الزينا + الفنيه + الاندلس الفرع التاني ...
غير الناس الممكن يسهل ليها الوصول لمستشفي الدايات من النصري
دا بالنسبه للطلبه فقط
غير الناس الممكن يسهل ليها الوصول لمستشفي الدايات من النصري
نجي للمناطق الرابطها .. النصر مع 34 مع الاندلس مع 27 28 و اختصار للوصول للسوق الشعبي و مدخل كذلك بالعكس ..
بس يا اب سن ما يكون المبني هيتبعو لي ناس الضرائب الفي بيت ناس شبيلي و دا ظني الاكبر ...
حقيقة قمة السلبيه و اللامبالاة و التخبط في العشوائيه و نظرية بيع المحلج الغامضه ما زالت في الاذهان .. ناهيك عن ميدان الحريه القلبوه اكشاك .. و المساعي في تفكيك السينما الاهليه البدو يطوقوها من كل الاتجاهات ..
الله في بس .. الكلام دا محتاج وقفه كبيره المره دي يا عبد الحفيظ
| |
|
|
|
|
|
|
|
|
|
Re: أكبر شارع بكوستي يتحول لمنزل (Re: عبدالحفيظ ابوسن)
|
بيع الشوارع
او ربما الاستيلاء على الشوارع الرئيسية والحيوية وتحويلها لمنازل وملكيات خاصة قمة الفوضى
وهذا الموقع تحديدا لن يرضى اي مسئول ان يتم بيعه
فلننتظر راي حكومة الولاية
هل سوف تصمت على تلك الهمجية والعشوائية ام سوف تتحرك لمنع " الانحطاط" نعم الانحطاط فان الصمت على هذه الجريمة انحطاط
اتمنى ان يتم تثبيت البوست ياباشمهندس بكري فهو في غاية الاهمية
فوق من اجل كوستي عيونا
| |
|
|
|
|
|
|
|
|
|
Re: أكبر شارع بكوستي يتحول لمنزل (Re: ناصر حسين محمد)
|
لاقيت سيد القطعة وهو
عيسي موسي ابوشيبة
حكي لي ووراني المستندات وقال لي شيلها معاك صورها , ولو داير عندي صور للموقع , الصور في موبايلو وما عجبتني لأنها محصورة
قال
الناس جو ودقو الجرس قدام بيتو , ولو خلاهم حيشتريها غيرو يبنيها ويقفل منو الهوا , واشتريتها مضطر , 2100 متر مربع وهن قطعتين ما واحدة سنة 2001 شفت الورق بتاع البيع
وقال لي بعد اشتريتها ,, مشيت للوالي الشمبلي ولكل الوزراء ولي ناس الاراضي وقلت ليهم
المحل ده ما محل بتباع , وفعلا شفت ورقة من 2003 بتعويضو ,
بجيكم
| |
|
|
|
|
|
|
|
|
|
Re: أكبر شارع بكوستي يتحول لمنزل (Re: عبدالحفيظ ابوسن)
|
الراجل ده كويس وواعٍ تماماً بأهمـية الشارع للعامة
ليت حكومـة الشنبلي تتعاون معه وتدفع له التعويض المناسب
ما هي دفوعات / مبررات سلطات أراضي كوستي (ومن غيرها مخولٌ
له عمل مزادٍ خاسرٍ كهـذا ) ?!
---------------
ود أب سـن
تحيات نديات لك ولأهـل كوستي
ما تقوم به هنا تجاه كوستي وأهلها من فعل الأوفياء
ويجـد منا كامل التقدير والإعجاب والمؤازرة ...
| |
|
|
|
|
|
|
|
|
|
Re: أكبر شارع بكوستي يتحول لمنزل (Re: عبدالحفيظ ابوسن)
|
فقال لي عيسي موسي الشايب
زايد علي كدة القطعة دي بجي ماري فيها خط موية 16 بوصة وهو امية لأحياء كاملة
وهو حريص علي مصلحة كوستي , والقطعة اشتراها مجبر , لأنها قداام بيتو
ولو داير يبنيها كان بناها قبل 14 سنة
وقال كرعينو حفت من الذهاب للوالي او المسؤولين , وبدل هم يجوهو هو البمشي ليهم
وهم غير جادين في الحل
وكلمهم مستعد
يبيعها للحكومة
يعوض في اي منطقة في اي محل , ولو استدعي الامر بدفع فرق قروش
وبقول دي محل بتجيب سخط الناس ودعواتهم
| |
|
|
|
|
|
|
|
|
|
Re: أكبر شارع بكوستي يتحول لمنزل (Re: عبدالحفيظ ابوسن)
|
أبوسن تحياتي
وتحيّة أخرى خاصة وإكبار لما تقوم به من خدمة
مجتمعية راقية تسمّي وتفضح مثل هذه التجاوزات
علي الحق العام. يمكن أيضا تعيين محامي ذو خبرة
معتبرة ورفع شكوى باسم الأهالي أو مجلس المدينة
أو باسم مجلس الحي (مثلا) ضد الجهة المرخِّصة بتحويل الشارع
العام الي منزل. الشكوى ستكون طعن في قرار التخطيط
وستجبر السلطات علي فتح هذا الملف ومراجعة القرار. ولو كانت
المحكمة المختصة شايفة شغلها تمام ربما أبطلت قرارالتخطيط (أو مصلحة الأراضي) بحكم قضائي
واذا تدخل "منتفذ" لعرقلة عمل المحكمة فذلك دليل آخر للناس
يقوى من متن حجتهم في رفض هذا القرار العجيب.
| |
|
|
|
|
|
|
|
|
|
Re: أكبر شارع بكوستي يتحول لمنزل (Re: عبدالحفيظ ابوسن)
|
بالفعل ده شارع مهم
ولا يمكن ان يتم عرض للبيع وهكذا دون تفكير وبلا دراسة
وبهذا الاستهتار فمصحلة الناس تقتضي جعل هذا الشارع سالكا كما كان من قبل
ولتعوض الولاية المالك الحالي في أي مكان آخر حسب رغبته ليقينه بالمصلحة العامة للناس
فهذه قمة الوعي من المالك عيسى وقمة في النضج والنصح في الحق
هسه عليك الله
هي الدنيا دي الواحد بيملك فيها شنو غير الشبر البيدفنوهو فيهو
إنت الناس دي نست الموت ولا شنو ؟؟
ــــــــــــــــــــــــــــــــــــــــــــــــــــــــــــــــــــــــــــــــــ
كل شئ برسم البيع هذا شعار معروف وقد جربناه مرارا وتذوقنا مراراته كثيرا
وما حدث من جلبة في ميادين معروفة بكوستي تم عرضها للبيع شئ معروف وللكل
يجب أن ترعوي الولاية والوالي
وتفكر جيدا ً قبل ان تقوم ببيع وتوزيع الميادين والشوارع
| |
|
|
|
|
|
|
|
|
|
Re: أكبر شارع بكوستي يتحول لمنزل (Re: خالد العبيد)
|
بشري
اتصل بي احدهم من داخل الولاية مبشرا بأن الوالي اوقف البناء مع تعويض المشتري ,
فالشكرا
اولا
لسودانيز اون لاين
وثانيا
لكل الاعضاء الذين كتبوا هنا داعمين
وثالثا
للذين كتبوا من نافذة الفيس بوك
وهذا يدل علي وصول سودانيز لكل اهل السودان
طلبت من مصدري مدي بصيغة القرار حتي أكتب مستوثقا ووعدني بذلك
| |
|
|
|
|
|
|
|
|
|
Re: أكبر شارع بكوستي يتحول لمنزل (Re: محمد مجيدو)
|
تحية وشكر للجميع
فأنتم من دعمتم كوستي
مجيدو
الوضع الآن مختلف عنه سايقا , ثورة المعلومات جعلت العالم غرفة صغيره
يكفي الحكومة انتهاكات فلا تسعي لتأليب الرأي العام عليها
صمتنا هو ما اودي بنا موارد التهلكة
| |
|
|
|
|
|
|
| |
عبدالحفيظ ابوسن
بشير حسـن بشـير
محمد جمعه الخير
Artiga Gilani
باسط المكي
ناصر حسين محمد
شمس الدين ساتى
علي دفع الله
حسن ابراهيم كاروري
عبدالعزيز عثمان
Abd Alla Elhabib
عبدالله محمد احمد بلة
Tumadir
BALLAH EL BAKRY
جمال ود القوز
خالد العبيد
محمد مجيدو
فيس بوك
تويتر
انستقرام
يوتيوب
بنتيريست