|
|
|
 Re: اسقى الشمس شاى الصباح (Re: أبوذر بابكر)
|
كدي قبل نقرأ يا صاحبي
خلينا بس في العنوان
"اسقي الشمس شاي الصباح"
لأنه آية في الإبداع والعلو
وعلى بساطة تطريزه (عباراته)
إلا أنه جاء متسقاً مع بعضه بشكل مدهش
ولنذهب عقب ذلك إلى النص
تحياتي، محبتي واحترامي
| |
  
|
|
|
|
|
|
|
|
Re: اسقى الشمس شاى الصباح (Re: بله محمد الفاضل)
|
Quote: اتوكل على خوفك
وليك الويل
دس يقينك فى الزحام
وليك الويل
ارميهو فى بطن الوجع تيراب
حس الوجع غلبو الكلام
والطين موسّم
بالوجوه الخايفه
من قولة تعال
ضلك معسّم
مكتوف على وش النعال |
صباحتك انيقة يا زول يا جميل
وينالناس ؟ ليك وحشة
| |
|
|
|
|
|
|
|
|
|
Re: اسقى الشمس شاى الصباح (Re: Sidig Rahama Elnour)
|
Quote: ناشف نميمك
وين تقبل ووين تروح
راجيك سيل
اتوكل على خوفك
وليك الويل
دس يقينك فى الزحام
وليك الويل
ارميهو فى بطن الوجع تيراب
حس الوجع غلبو الكلام
والطين موسّم
بالوجوه الخايفه
من قولة تعال
ضلك معسّم
مكتوف على وش النعال
رمش الهنا وكحل الوئام
مالى العيون النازفه
من شح الوصال
وكيف السبيل
والممكن المسكين بعيد
ما باقى ليك غير المحال
المرقة فى دربك سؤال
والرجعة زادك والجواب
ورحلك مستف بالغباين
بالمشاوير الطوال
موية شرابك
قطرة فى نية السراب
من ياتو جيهة بجيك مناك ؟
وعين الشمس مصرورة
مضاريه بى شقل السحاب
وضو الجهات مسروق
جنات عذابك باليمين
ساكنه العروق
ونيران سعادتك بالشمال
لى ياتو جيهة تسوق غناك ؟
وحس البلود مخنوق
خت الوصية قريب حداك
فى ذمة الليل القديم
اسقى الشمس شاى الصباح
قبال يحين وقت المروق
قبال تداهمك
خيل مواجعك والجراح
قبال يفوت باقى الغنا
الفضل معاك
قبال تضلم
وينكسف خاطر البروق
امرق تعال
اختا الدروب الما بتحن
اضارا بى شوك الرياح
امرق تعال
قبال تجن
مسيومه روحك
وانتم مافى
مربوطة بى مغس الحبال
لملم جروحك
وفى المنافى
صنقر تحت ضل المنى الممحوق
واخير تجى
امرق تعال
قبال تبور فى السوق
المرقة فى درب سؤال
والرجعة زادك والجواب
امرق تعال
|
نص جميل ويجبرك علي القراءة
مفردة رزينة
وأعجبني الوزن الثلاثي
شكرا ليك يا زول يادعاش
محبتي
| |
|
|
|
|
|
|
|
|
|
Re: اسقى الشمس شاى الصباح (Re: عبيد الطيب)
|
نحن والله المجبورين عليك
زى ما غنت البلبلات التلاتة
او قريبا منه
صباحاتك فرح يا عبيد
ولحظاتك انيسة وسعيدة
ودائما بتزورنا الغبطة
وتغشانا السعادة
فى رفقتك
فى اوان جيتك
| |
|
|
|
|
|
|
|
|
|
Re: اسقى الشمس شاى الصباح (Re: أبوذر بابكر)
|
جيتك تسعدنا حد الثمالة وحرفك يعطينا الأمل ويحبب الينا البقاء فى المنبر نسقى معاك الشمس شاى الصباح نسمعها الكلام المباح وبعد المغيب نناجيها شفاء للجراح
ابقى معنا دوما لتوشح دارنا بأنيق العبارات ونحن أحوج ما نكون اليك أبا ذر
| |
|
|
|
|
|
|
|
|
|
Re: اسقى الشمس شاى الصباح (Re: Yahia Abd El Kareem)
|
يا يحيى
جيتك بتكتب
فرح المغنى
وتلون الفجة
بى قوس قزح شوفتك
والله يا يحيى
معاك وفى حضرة حروفك
طوالى الزول برجع لأيام مزهرة ونضيرة
ايام خصيبة ولحظات حبيبة
إنت وثلة من السمحين الطيبين
والزول يضوق فعلا
طعم الحضور
إن شاء الله طيب ياخ
| |
|
|
|
|
|
|
|
|
|
Re: اسقى الشمس شاى الصباح (Re: Yahia Abd El Kareem)
|
أبوذر
سعدت بقراءة الكلمات التي صحبتي برفقة قائلها
كم شعرت بوجوده القريب حتى لم يقوى السؤال عن الكاتب أن يستريح تحت السطور
أترى كيف الآن قد عرفت
تحيا
تحيا
يا نبات ملك المكان
يناديه الندى لو ساق ريا
يسند فروعه على الصباح
وحمل أوراق وساقا سويا
| |
|
|
|
|
|
|
|
|
|
Re: اسقى الشمس شاى الصباح (Re: المسافر)
|
يا أيها المسافر
والرفيق قبل الطريق
ونحن سعدنا برفقتك المبهجة
والطريق قد أخرجت ازهارها
وجادت المحطات بأنوارها
وما غير الود لنا دليل
كيف الحال والأحوال
وعساك طيب
وشديد وسعيد
| |
|
|
|
|
|
|
|
|
 Re: اسقى الشمس شاى الصباح (Re: أبوذر بابكر)
|
الله عليك يا ابا در ياخ ...
كغيري من الكثيرين شدني العنوان الممعن في الابهار ... المترع حقا بالشاعرية اللافته ....
استعرضت النص الرائع بحق ... انا بطبعي لا احبد تشريح النص ووضعه تحت مقصلة التقصي المقيتة ... في البداية اعتقدت انه نعي موغل في الرمزيه لشاعر الشعب وفقيد الامة محجوب شريف ... ولكني لمحت انه ينعي الوطن الجميل وشاعرنا الجميل يخاطب نفسه ويبكي غربته وابتعاده عن الوطن ومراتع الصبا الباكر ويبث احزانه مستخدما حرفه الجزل الجميل ولغته الشعريه المتمكنه عبر هده الصور والاخيله البديعة ... وصدق من قال ان الشاعر هو ضمير امته ...
العايز اقوله يا حبيب ... عليك الله شيشك بشيش على قلوبنا المهتراه اصلا بنصال الحزن المقيم ...وبالجد يا ابا در انا لي زمن ما شويه ما قريت نص بكل هدا البهاء ... حرام عليك ياخ ... النص ده خرافه ... بيعشرق عديل ياخ ... قراته ثلاث مرات ... بعدين اخوك الغلبان ده عنده السكر ...وقد نصحني طبيبي بالابتعاد عن الحاجات الحلوه ...وقاعد اتناول اقراص لانو قالوا من النوع الما شديد داك ...لكن لومك علي المره الجايه قبل ما احاول اقراه لابد من حقتة انسولين كاربه يا زول يا سكر انت ....
في النهايه خليني اقول ليك مطلع اعتقد انه لشاعرنا المبدع عبد الله محمد الامين يغنيه بعد ان لحنه صديقي الفنان الشاعر الجميل خلف الله ود الشيخ ودايما يستشهد بيهو :
ينصر ديتك ...
وينصر دين ابو اهلك زاتو ....
ان شاء الله تسلم اخوي ....
مع كل الحب الدي تعرف ؛؛؛
| |
|
|
|
|
|
|
|
|
|
Re: اسقى الشمس شاى الصباح (Re: إدريس محمد إبراهيم)
|
إدريس ومحمد وإبراهيم
أول الأنبياء
وخاتم الأنبياء والرسل
وأب الأنبياء
عليهم جميعا صلوات الله وتسليم لا ينتهى
أتاهم الوحى من لدن الخالق العظيم
أهى مصادفة أن يأت إسمك هكذا يا صاحبى ؟
وأنت يأتيك وحى الشعر من سماوات القول وأراضين الكلام
فطوبى لك بالإسم
وهنيئا لنا بالشعر
كيف الحال
وأنا أيضا مثلك
لا احبذ تفصيل وشرح الشعر تحديدا، وليبذل النص نفسه لمن شاء
وليفسر كل على هواه وكيفما اتفق مع ما وصل اليه من معنى
لكنك لم تذهب بعيدا
إن هو إلا شئ من عناء وخوف ووجل
مبعثه تغريب وغربة و اغتراب، مع ما فى ذلك كله من غرابة لا تطاق
وربما لا تفسر
والوطن سيد المعانى كلها
حيثما ولى الحديث وجهه، فهو حتما ملاقيه
الوطن يسكننا يا صديقى، ولسنا نحن الساكنين
هو الجدير حقا بالغناء والعناء
نغنى له بكاءا وفرحا
ونعانى شوقا وتوقا وحنين
ها قد اصابنا الزهو بكلماتك يا إدريس
وانحاز الينا فرح عميم والله
وليتنا كنا مثل ما قلت
ولو بالقليل
هذا
ولله الحمد، خالق الكون بجماله
ولك الود ذاخرا فياضا
ولك
كل ما فى التحية من عطر
| |
|
|
|
|
|
|
|
|
 Re: اسقى الشمس شاى الصباح (Re: أبوذر بابكر)
|
Quote: إدريس ومحمد وإبراهيم
أول الأنبياء
وخاتم الأنبياء والرسل
وأب الأنبياء
عليهم جميعا صلوات الله وتسليم لا ينتهى
أتاهم الوحى من لدن الخالق العظيم
أهى مصادفة أن يأت إسمك هكذا يا صاحبى ؟
|
تخيل يا حبيبنا اول مره افكر للمصادفة الجميله دي ... ومنكم نستفيد ...
عرضت النص وردك الجميل على احد اصدقائي خارج المنبر ممن اثق في دائقتهم الادبية ...فكان رده الساخر ....كلكم اولاد لزينا ....
كما اتحفتنا بالشعر الفريد ..ها انت يا حبيبنا تخجلنا بهدا السحر وتطرب دواخلنا حد المباهاه ...
اقول ليك حاجه ...
كلك ..كلك ...حلو ....
ولك من الحب حدا لا يبلغه خيالك العجيب والممتد هبر سماوات الابداع يا صديقي الجميل ...
| |
|
|
|
|
|
|
|
|
|
Re: اسقى الشمس شاى الصباح (Re: Jamal Mustafa)
|
جمال مصطفى
اصطفينا ظروفنا
والحظ اصطفانا
زى ما قال محمد الشير عتيق
وجمالك انت برضو جانا واصطفانا
وعمنا سيد عبد العزيز قال
الجمال والحب فى بلادى
ونحن نقول ليك
الجمال وجمال
فى ديارنا
شكرا ليك انت ياخ
وشكرا عليك
| |
|
|
|
|
|
|
|
|
|
Re: اسقى الشمس شاى الصباح (Re: إدريس محمد إبراهيم)
|
اخنوخ
ده إسم إدريس فى التوراة
كيف يعنى ما تفكر لإسمك ياخ
زول "مكاور" ليهو اسامى تلاتة انبياء وحايم بيها
ههههههههههه
كيف الحال
تحياتى لصديقك البشبهك
وكلامه صاح فيما يتعلق بإنك "ود لزينا"
وزى ما قال عاطف خيرى
إبن الذين أحبهم
والله يا إدريس
إنت الفرحتنا فعلا
وحضورك فاح مشاعر
وعم الطيب فريقنا
وبزيارتك بيتنا نوّر
وبق نور
الخ كل النور والعطور والزهور الفى الأغنيات
يا البيك نور اقليمك
أحييك مجددا
واهديك كل الود الهميم
والتقدير العميم
وكل يوم إن شاء الله
طيب وسعيد وشديد
| |
|
|
|
|
|
|
| |
أبوذر بابكر
بله محمد الفاضل
محمد عبد الله حرسم
Sidig Rahama Elnour
عبيد الطيب
Nasr
عبدالحفيظ ابوسن
Yahia Abd El Kareem
المسافر
إدريس محمد إبراهيم
Jamal Mustafa
فيس بوك
تويتر
انستقرام
يوتيوب
بنتيريست