|
|
 Justice.......العدالة
|
شنو العدالة؟
دخلتا قبل كده في نقاشات كتيرة مع اصحاب مثقفين و متعلمين حول أشياء كتيرة مختلفة، و خاصة عن الحاصل في السودان الان. لاحظتا ان اغلب الناس ( و انا اكيد منهم) عندهم فهم معين عن معني "العدالة"، او أصلا ما عارفين شنو يعني "عدالة". او "العدالة" عادلة لما تكون في مصلحتهم فقط.
و لأني زولة لايوقة قررتا أخد class عن العدالة. البوست ح يكون ملخص الكلاس و القراءات الخارجية حوله و طبعا تنظيراتي الخاصة.
في البوست ده ح اسأل أسئلة كتيرة و ح أستني لحدي ما زول او اثنين يدوني رأيهم بعدين نواصل. اتمني ان البوست يلقي متابعة و مشاركة لان محتاج مجهود كبير و اذا بقي ما في تفاعل ح اقنع.
خلونا نبدأ.
|
|
 
|
|
|
|
|
|
|
|
Re: Justice.......العدالة (Re: smart_ana2001)
|
في الاول ح أبدا بسؤال:
اذا كان عندك خيارين:
1- قتل زول واحد لإنقاذ 6 أنفار. يعني يكون بموت الزول ده 6 أنفار ح ينجوا من الموت.
2-او ما تعمل حاجة و تقيف تتفرج علي ال 6 أنفار بيمتوا.
خلونا نخت سناريو معين. اذا كنت محول قطر في محطة. و عرفتا ان القطر القادم ما عنده فرامل و ما في طريقة توقفه. و انت عارف انه في نهاية الخط المعين في 6 عمال شغالين و القطر ح يقتلهم. لكن في يدك انك تحول القطر لسكة اخري فيها عامل واحد. ح تختار شنو؟ تخلي القطر يمشي في طريقه و يقتل ال 6 عمال؟ ام ح تحوله و تقتل عامل واحد.
و ايوه، ما في طريقة لوقف القطر و تنبيه العمال.
| |
|
|
|
|
|
|
|
|
|
Re: Justice.......العدالة (Re: smart_ana2001)
|
علي حسب القطر ده وين ؟
لو كان في السعوديه مثلاً ...
____________________________________________________
مره قالوا في ظابط سعودي جاتوا اشاره انو في اتنين متصادمين في الشارع و متشاكلين ...
قال ليهم علي الراديو جيبو ( الاجنبي ) ارموهوا في الحبس ..
قالوا ليهو الاتنين اجانب !!
رد قال ليهم خلاص جيبوا المصري الفيهم ...
______________________________
ما داير ابوظ ليك بوستك يا حاجّه ...
لكنه بوست جدلي ... و سناريوهاتو صعب تفصيلها عشان نخلق كيس زي الجبتيهو ده ...
عموما نشوف حتصلي لوين ... و اعمل حساب القضاء و القدر و خلافه ...
| |
|
|
|
|
|
|
|
|
Re: Justice.......العدالة (Re: يحي قباني)
|
اسمارت..حبابك يا صديقتي
موضوع مهم للغاية..و نسمع باقي الأراء..
قبال ما اخرب ليك الرصة.. الراس كابس..و العربي طار من الدماغ..
المهم..
you looking for justice but talking about ethics
كبر
| |
|
|
|
|
|
|
|
|
|
Re: Justice.......العدالة (Re: Kabar)
|
سلامات مستر قباني.
مبالغة. جيبوا المصري!!! :)
انا اكيد مؤمنة بالقضاء و القدر. و مؤمنة بانه لو زول اتظلم في الدنيا، اكيد ربنا ح يأخذ ليه حقه في الآخرة من غير نقصان.
لكن.....
في الدنيا الزائلة دي عاوزين عدالة. عشان الشعور بالقهر و العجز بيخلي الناس تكفر باوطانها.
سلامات صديقي كبر.
احتمال ده فعلا يكون سؤال أخلاقي( دي ترجمة مناسبة؟). لكن السؤال ده مقدمة فقط عشان نتونس عن ال
moral reasoning
و دي جزء مهم في كلامنا عن العدالة.
مستر قباني و صديقي كبر، بس عشان البوست يمشي لقدام، موافقين انه أغلبنا ح يقول انهم ح يحركوا القطار للتضحية بزول واحد لحفظ أرواح 6 أنفار؟؟؟؟
يا جماعة البوست ده ح يكون فيه كمية من السناريوهات الخيالية دي. استحملونا.
| |
|
|
|
|
|
|
|
|
|
Re: Justice.......العدالة (Re: smart_ana2001)
|
Quote: اذا كان عندك خيارين:
1- قتل زول واحد لإنقاذ 6 أنفار. يعني يكون بموت الزول ده 6 أنفار ح ينجوا من الموت.
2-او ما تعمل حاجة و تقيف تتفرج علي ال 6 أنفار بيمتوا.
خلونا نخت سناريو معين. اذا كنت محول قطر في محطة. و عرفتا ان القطر القادم ما عنده فرامل و ما في طريقة توقفه. و انت عارف انه في نهاية الخط المعين في 6 عمال شغالين و القطر ح يقتلهم. لكن في يدك انك تحول القطر لسكة اخري فيها عامل واحد. ح تختار شنو؟ تخلي القطر يمشي في طريقه و يقتل ال 6 عمال؟ ام ح تحوله و تقتل عامل واحد.
و ايوه، ما في طريقة لوقف القطر و تنبيه العمال. |
سلام،
هنا عندنا:
1/قطار(حالته )
2/سائق قطار(سرعته)
3/عامل سكة(تصرفه)
4/عمال(لا ذنب لهم)
5/ادارة مؤسسة(مسئولة من 1 و 2 و 3)
*خلاصة:
العدالة لا تكون إلا بعد وقوع الحادثة، في شكل قضية (تحقيقات وأحكام)!
أما ما يحدث قبل الحادثة فهو تصرف فقط، قد يصيب وقد يخطئ وقد تتفاوت النسب في أي التصرفين الإثنين!
ولا عدالة بدون قضية أو مشكلة مسبقة.
| |
|
|
|
|
|
|
|
|
|
Re: Justice.......العدالة (Re: قصي محمد عبدالله)
|
| Quote: لأني زولة لايوقة قررتا أخد class عن العدالة. البوست ح يكون ملخص الكلاس و القراءات الخارجية حوله و طبعا تنظيراتي الخاصة. |
ازيك يا اسمارت
بالله انتى اخدتى الكلاس مع طلبه هارفرد الحلويين ديل :)
http://www.youtube.com/watch?v=kBdfcR-8hEY#t=460
يا ستى انا تصرفى حيكون كالاتى : لا اتدخل اطلاقا واحدد مين اللى حيموت ومين اللى يعيش واترك الطبيعه تأخذ مجراها
وانا اللحظه ديك بيكون فينى حيل من الخلعه عشان افكر
استمعته للمحاضره دى قبل سنتين وفعلا موضوع شيق و محفذه للتفكير ...
| |
|
|
|
|
|
|
|
|
|
Re: Justice.......العدالة (Re: قصي محمد عبدالله)
|
تحياتي اسمارت وضيوفها
الإفتراض الخيالي غير المعقول يفترض ايضا حل خيالي غير معقول !
العامل البقتلو شنو زاتو ! يعني القضيب ده معلق في الهواء ومافي سكة للعامل ده إلا يموت !
العدالة مربوطة بجرم تم ارتكابه وعقاب يتم علي مرتكب الجرم
يعني ممكن نغير السؤال لو واحد قتل واحد لإنقاذ ستة هل يعتبر قاتل ام بطل ?
| |
|
|
|
|
|
|
|
|
|
Re: Justice.......العدالة (Re: عبدالحفيظ ابوسن)
|
سلامات اخ قصي و اخ عبد الحفيظ. شرا جزيلا علي المشاركة. السناريو فعلا ما معقول. لكن الهدف منه فقط معرفة أنتو بتفكروا كيف.
خلوني اخت السؤال بصورة اخري. اذا كان لابد من موت زول، أحسن يموت زول واحد ام ستة أنفار؟ بس. و اذا كان بيدك( ما مهم كيف) انك تحفظ أرواح سته و تضحي بزول، ح تعملها؟؟؟
سلامات يا زينب. الأحوال؟
يا اخي شكرًا... شكرًا علي وصلة المحاضرة. حقيقي ما مان عندي اي فكرة ان الكورس كله موجود في يوتيوب. و لا، الكلاس ما حضرته مع طلبه هارفود الحلوين ديل. يا ريت.
احضري باقي الكلاس. المحاضرة الأولي دي فتح شهية بس. باقي الكلاس عضم و عاوز مذاكرة و عمل واجبات. :)
| |
|
|
|
|
|
|
|
|
|
Re: Justice.......العدالة (Re: محمد جمعه الخير)
|
سلام عليكم سمارت
معضلة القطار دي مرّت علي في فلم اسمه After the Dark الفلم فلسفي و بناقش معضلات أخلاقية شبيهة
كلّها بتدور حول التضحية بمجموعة أو فرد في سبيل حياة مجتمع او مجموعة أكبر, ومدى أخلاقية وعدالة معايير الإختيار
غايتو الحاجة الطلعت بيها من الفلم بعد وضعت نفسي في مكان الطلاب أنو الإختيار صعب بل مستحيل على إمكانياتنا القاصرة عن النظر للصورة كاملة
عليه فالأفضل - في رأيي - ترك الأمر للقدر و إختياره
برضو ذكرتني نكتة عن واحد عمل حادث أدى لوفاة مجموعة من البشر, الضابط سأله عن الحصل شنو, فقال كان عندي خيارين يا أشيل العربية يمين و أخش في خيمة عرس كان فيها مجموعة كبيرة من الناس يا أشيلها شمال و أصدم شخص واحد
الضابط قال ليه أها وانت اخترت شنو؟ قال ليه اخترت الشمال و اصدم الشخص الواحد طبعا, الضابط سأل طيب العدد الكبير من المصابين دا حصل كيف, قال ليه انا شلت العربية شمال لكن الغبي قام جاري و قطع الشارع و دخل الخيمة فاضطريت الف بالعربية وراه :)
| |
|
|
|
|
|
|
|
|
|
Re: Justice.......العدالة (Re: محمد البشرى الخضر)
|
سلام يا اسمارت
ما حأغير أي حاجة لأنو ممكن الـ 6 ينتبهوا في آخر لحظة إنهم شغالين في الخط الرئيسي
لكن الواحد دا بكون مطمئن 100 % تقريبا إنه في سكة فرعية وما حيجوه القطر
توجيه القطار للشخص الواحد بكون أقرب للقتل العمد في حين إنو موت الستة قد يكون قضاء وقدر إذا استبعدنا مسئولية الإهمال في صيانة القطار
| |
|
|
|
|
|
|
|
|
|
Re: Justice.......العدالة (Re: سامى عبد المطلب)
|
سلامات يا ايمن.
انا قلتا ح تقيف تتفرج( لأنك فعلا ح تقيف تتفرج) لانه بدون ما تعمل شيء، ده اللي ح يحصل.
تعرف نوع كلام الصادق المهدي ده هو اللي خلاني امشي ابحت الفترة الفاتت في التاريخ و الفلسفة و السياسة عشان اعرف احنا مشكلتنا شنو!!!! بلدنا دي مشكلتها شنو؟ هل احنا في دولة فقيرة بسبب قلة الموارد ام سؤ إدارتها ام لأننا أصلا ما عندنا دولة. او ما في
Political order ???
ده موضوع مختلف. خلينا نخلص من موضوع العدالة و بعدها نجي نشوف يعني شنو دولة.
سلامات محمد جمعة الخير، شكرًا علي مشاركتك.
سلامات ود البشري. بالضبط كده ده موضوع البوست. العلاقة بين الفرد و المجتمع اللي فيه. و شنو عادل و شنو ما عادل!!! و هل من العدالة في شيء انه نضحي بالفرد ( او الأقلية) في صالح المجتمع الكبير؟ و رأي الفلاسفة عبر التاريخ في الموضوع ده.
سامي عبد المطلب، الرد علي السؤال ده بيعتمد اذا علي رأي (الشيخ)، هل هم شهداء ام فاطيس.
سلامات حمد عبد العقار.
ملاحظتك بتاعة تحويل القطر لقتل زول واحد و انها ح تبقي كأنها قتل عمد
Is very interesting.
تابع معانا
| |
|
|
|
|
|
|
|
|
|
Re: Justice.......العدالة (Re: smart_ana2001)
|
يطيب يا جماعة، باين ان الشعب السوداني بيحب يلف و يدور. :)
نفس السؤال ده أتسأل لطلبة الكلاس و ردوا طوالي. اغلب الناس بترد علي السؤال ده بأنها ح تغيير طريق القطر و ح تضحي بزول في سبيل إنقاذ 6 أنفار.
السؤال عنده صياغة اخري:
اذا كنتا وتقف في كبري و واقف قربك زول( خلونا نقول ما بتعرفه). تحت الكبري بمسافة، 6 عمال صيانة. شغالين في صيانة خط سكة حديد. فجاءة لاحظتا انه في قطر جاي و سائق القطر ما شايف العمال اللي شغالين في نهاية الخط. حلك الوحيد انك تدفع الزول اللي واقف قربك ده شان يقع في سكة القطر و ينبه او يوقف سائق القطر لما يدوسه.
السؤال ح تعمل شنو؟ ح تقيف تتفرج علي ال 6 عمال بيموتوا؟؟؟ ام ح ترمي زولك اللي واقف جنبك؟؟
الناس -غير السودانيين- :) بيردوا علي السؤال الاول بأنهم ممكن يغيروا سكة القطر لقتل زول واحد. لكن لما يبقي الموضوع فيه دفع زول في طريق القطر لإنقاذ ال6 عمال، كل الناس ( او اغلبهم) بيقولوا :لا. ما ح يعملوا اي شيء.
مع ان النتيجة واحدة. التضحية لزول واحد في سبيل حفظ أرواح 6. دائماً الناس بيكون رده مختلف علي حسب صياغة السؤال.
حاولوا فكروا في السؤالين تاني.
و نرجع لأخوانا حمد. خمد فكر انه حتي في طريقة السؤال الأولي انه ده قتل عمد. رأيك شنو في السؤال الثاني يا هندسة؟؟
و بالمناسبة، لا يفوتني ان الشكر المهندسين علي الحضور الجميل في البوست. :)
| |
|
|
|
|
|
|
|
|
|
Re: Justice.......العدالة (Re: smart_ana2001)
|
يا سمارت يا خيتي الكبيرة الصغيرة ...
موضوعك ( امريكي ) ... لا يمكن سودنته او خلجتنه ...
لذلك ستجدي ردود افعال غير متوقعه ... فتتخيلينها ( لف و دوران ) ...
تحية من الاعماق ... لك و للبطل المقيم معك في نفس المنزل ... هههههه
| |
|
|
|
|
|
|
|
|
|
Re: Justice.......العدالة (Re: smart_ana2001)
|
سلامات يا سمارت
اول حاجة انا احتج!
لمن انتي نزلتي البوست ده انا كنت في الشغل، واسي جيت قلت اجاوب على السؤال لقيتك شبه اكتفيتي بالإجابات العندك :(
انتظرونا ياخي ههههههههههههه
طيب
في السيناريو الاول او التاني أي تصرف او تدخل لتحويل مسار القطر او رمي الزول الجمبي قدامو ( انت اصلك وكت بيهموك ارواح الستة ماتنط انت قدام سواق القطر بدل ترمي الزول الجمبك المسكين :) ) ده بيعتبر جريمة قتل وحاتكون في مسؤلية جنائية
اجابة على السؤال، شخصيا ما حا اتدخل وبعتقد انو من عدم العدل تغيير مسار القطار لقتل شخص واحد في سبيل انقاذ الاخرين
تحياتي
| |
|
|
|
|
|
|
|
|
|
Re: Justice.......العدالة (Re: smart_ana2001)
|
اسمارت
سلام
هناك ممارسة طبية هذه الايام خصوصا من شباب الاطباء في اقسام الطوارئ في مستشفياتنا و هى انه اذا كانت هناك موارد محدودة (فحوصات, ادوية, زمن ...الخ)
فانه بفضلون تخصصها للمريض صغر سنا من غير أي دخول في جدالات فلسفية
قبل 15 عاما اجرينا دراسة عن اتجاهات الرائ حول القتل الرحيم وسط الاطباء و وسط طلاب الفاينل في كلية طب الخرطوم. الاغلبية كانوا رافضين المبدا. لكن
احساسى انه اذا اعدنا الدراسة اليوم فان هذه النسبة الرافضة سوف تقل كثيرا.
| |
|
|
|
|
|
|
|
|
|
Re: Justice.......العدالة (Re: عوض محمد احمد)
|
Quote: موضوعك ( امريكي ) ... لا يمكن سودنته او خلجتنه ...
|
I agree مع عمّك قبّاني... اجتهدتي وترجمتي القصة... لكن الأفكار نفسها ما وارده اساساً في الذهنية السودانية... عجبني رأي أخونا (معليش نسيت الاسم) الاتكلم عن موضوع القتل العمد.. اعتقد برضه رأي أيمن فيه وجهة نظر... حسستي الزول البقرر ما يتصرف، بالذنب.. واديتينا hint كده اننا لازم نختار الاختيار التاني وهو التضحية بالرجل الواحد مقابل الستّة..... لكن مبدئياً كده الوضع ده ما عادل أساساً... كونه الزول حظه المنيّل خلاه يكون موجود في الحته ديك ومحتاج بسرعة يتخذ قرار زي ده، وبعد ده يتحمّل ذنب القرار في كلا الحالتين.. not fair!
| |
|
|
|
|
|
|
|
|
|
Re: Justice.......العدالة (Re: مريم بنت الحسين)
|
ساحول اتجاه القطار قطعا للاتجاه الذي يمكن أن تحدث فيه خسائر اقل .. الا أنني لن أدفع الزول الجنبي في الكوبري ولو فيها رمي ما أرمي نفسي .. هنا اكتشفت حقيقة مهمة جدا وانا بجاوب على السؤالين .. انو انا بتحرك بدافع من أحكامي الذاتية والتي اراها نزيهة جدا ازاء الحياة ولكن .. هل هي صحيحة؟! .. هل من الممكن أن تتطابق مع القوالب الجاهزة في بطن الكتب القانونية والفلسفية ؟!! لا أعلم !!
شكرا سمارت ..
| |
|
|
|
|
|
|
|
|
|
Re: Justice.......العدالة (Re: محمد حيدر المشرف)
|
Justice. -2
طيب في قضية اخري حصلت حقيقة. و كانت في المحكمة. ما ح اقول اي بلد.
كان في ناس في سفينة. و اثناء عاصفة غرقت السفينة و نزل 4 أنفار في قارب نجاة و بقي راحيين في البحر. الناس ديل كانوا 3 رجال كبار ( في الثلاثينيات او الأربعينات) و شاب صغير(خلونا نقول 17 سنة). القصة باختصار: بعد كم يوم خلص أكلهم و شرابهم و بقوا ما عارفين شنو. في النهاية قرر الرجال الثلاثة قتل الولد الصغير و شرب دمه و اكل لحمه. فعلا، قتلوه و اكلوا منه حبة حبة. بعد 3 يوم ( اثناء ما كانوا بياكلوا في فطورهم) جاءت سفينة كبيرة و شافوهم و انقذوهم. في البر تم محاكمة الثلاثة رجال بتهمة القتل العمد و اكل لحكوم البشر.
طيب محامي الدفاع قال انه الولد ده يتيم و ما عنده أسرة، و ما في زول ح يفقده. لكن الثلاثة رجال ديل اي واحد فيهم عنده أسرة و أطفال و ناس راجنه. الولد أصلا كان عيان و تعابان جداً. لانه قالوا ليه ما تشرب من موية الملح المالحة و لانه عطش شديد شرب منها. و احتمال كان يموت براه.
اها، رأيكم شنو في القصة دي؟
هل كان من العدالة اكل الولد عشان ال3 رجال يحافظوا علي روحهم؟ لو كنتي قاضي ح تحكم بشنو؟؟؟. تذكر الجوع كافر. و معروف علي مر التاريخ الناس أكلت بعض في حالات الحصار و الجوع الشديد.
| |
|
|
|
|
|
|
|
|
|
Re: Justice.......العدالة (Re: smart_ana2001)
|
Quote: Justice. -2
طيب في قضية اخري حصلت حقيقة. و كانت في المحكمة. ما ح اقول اي بلد.
كان في ناس في سفينة. و اثناء عاصفة غرقت السفينة و نزل 4 أنفار في قارب نجاة و بقي راحيين في البحر. الناس ديل كانوا 3 رجال كبار ( في الثلاثينيات او الأربعينات) و شاب صغير(خلونا نقول 17 سنة). القصة باختصار: بعد كم يوم خلص أكلهم و شرابهم و بقوا ما عارفين شنو. في النهاية قرر الرجال الثلاثة قتل الولد الصغير و شرب دمه و اكل لحمه. فعلا، قتلوه و اكلوا منه حبة حبة. بعد 3 يوم ( اثناء ما كانوا بياكلوا في فطورهم) جاءت سفينة كبيرة و شافوهم و انقذوهم. في البر تم محاكمة الثلاثة رجال بتهمة القتل العمد و اكل لحكوم البشر.
طيب محامي الدفاع قال انه الولد ده يتيم و ما عنده أسرة، و ما في زول ح يفقده. لكن الثلاثة رجال ديل اي واحد فيهم عنده أسرة و أطفال و ناس راجنه. الولد أصلا كان عيان و تعابان جداً. لانه قالوا ليه ما تشرب من موية الملح المالحة و لانه عطش شديد شرب منها. و احتمال كان يموت براه.
اها، رأيكم شنو في القصة دي؟
هل كان من العدالة اكل الولد عشان ال3 رجال يحافظوا علي روحهم؟ لو كنتي قاضي ح تحكم بشنو؟؟؟. تذكر الجوع كافر. و معروف علي مر التاريخ الناس أكلت بعض في حالات الحصار و الجوع الشديد. |
في بلادنا ... نعيش سوا و نموت سوا يا سمارت ...
( أَيُحِبُّ أَحَدُكُمْ أَنْ يَأْكُلَ لَحْمَ أَخِيهِ مَيْتًا فَكَرِهْتُمُوهُ) ... صدق الله العظيم ...
wake up man ... الحاصل شنو ؟ شكلك دخلتي كورس غلط ...
| |
|
|
|
|
|
|
|
|
|
Re: Justice.......العدالة (Re: smart_ana2001)
|
سلامات مستر قباني و مريوم.
انا ما شايفة اي امركة في القصة يا جماعة.
القصة عادية و ممكن تحصل في اي حته. بس انا غلطتي في طريقة كتابة القصة. كان مفروض أوضح انه ما في اي تبعات قانونية لقراري و أنه مثال القطر بس عشان أوضح الخيارين و اي كلام عن تكنكلتي ما معانا.
المهم، ح أتعلم من الدرس في باقي البوست.
و يا مستر قباني البطل اللي معاي ممكن يشاكلني و يزعل مني بالجد لو اختلفنا في السياسة.
خالد عبد الوهاب. ما تزعل يا اخي. خلاص تاني بديكم 24 ساعة للرد. علي الأقل امشي البوست علي راحتي و أعملك عذر. اقول راجية خالد. :)
سلامات د. عوض محمد احمد. شكرًا جزيلا علي المداخلة المفيدة جداً.
المثال اللي جبته مثال جميل جداً لفتح النقاش. هل يحق للأطباء توفير الأدوية و المعدات الطبية لعلاج المرض الصغار او اللي في أمل من علاجهم؟
في أمريكا مثلا لو كنتا بتدخن او حاولتا الانتحار قبل كده او عندك eating disorder ممكن يأثر علي قلبك، لو احتجتا عملية نقل قلب، ما ح يدوك قلب. هل ده ذي ما تدي القلب لزول كبير ( 75 سنة) و ما اظن أصلا يستحمل العملية ؟؟؟
سلامات ود المشرف. بالضبط كده. ده هو اللي كنتا عاوزة الناس تصل ليه. اننا بنفكر اننا بنتصرف علي أساس maximize النتائج. لكن دائماً أحكامنا او تصرفاتنا بتكون ما بالبساطة دي. شكرًا جزيلا.
| |
|
|
|
|
|
|
|
|
|
Re: Justice.......العدالة (Re: smart_ana2001)
|
أجي يا مستر قباني؟؟ الآية ما بتعني اكل لحم البني آدم حرفيا. الآية ( والله اعلم) بتتكلم عن القطيعة( النميمة) و انها ذي اكل لحم البني آدم.
لكن حتي لو كانت الآية بتتكلم عن اكل اللحم البشري، اذا كنتا في مكان و جعان ح تموت من الجوع و قدامك زول ميت او حتي خنزير ( ما اظن) انه حرام تأكله. تقتله و تأكله ده أكيد حرام.
كل هل ممكن افكر فيها انها دفاع عن النفس؟ لو ما أكلته ح أموت!!!
| |
|
|
|
|
|
|
|
|
|
Re: Justice.......العدالة (Re: smart_ana2001)
|
Quote:
أجي يا مستر قباني؟؟ الآية ما بتعني اكل لحم البني آدم حرفيا. الآية ( والله اعلم) بتتكلم عن القطيعة( النميمة) و انها ذي اكل لحم البني آدم.
لكن حتي لو كانت الآية بتتكلم عن اكل اللحم البشري، اذا كنتا في مكان و جعان ح تموت من الجوع و قدامك زول ميت او حتي خنزير ( ما اظن) انه حرام تأكله. تقتله و تأكله ده أكيد حرام.
كل هل ممكن افكر فيها انها دفاع عن النفس؟ لو ما أكلته ح أموت!!! |
صحيح يا سمارت الايه بتتكلم عن التجسس
لكن ضرب المثل بشئ كريه هو المقصود
و هذا ما قصدته لك ...
ربنا شبه التجسس و الغيبه لقبحهم بأكل الانسان للحم أخيه الميت
يعني مافي أسوأ من كده
شكلك بتتفرجي علي survivor كتير
| |
|
|
|
|
|
|
|
|
 Re: Justice.......العدالة (Re: smart_ana2001)
|
اسمارتي ..
الموضوع مهم وانترستينق
اتخيل لي العدالة لما تكون في ايدنا عديل يعني اننا نلز لينا زول ولا ننفذ فعل مباشر ممكن القرار يكون صعب ..
عكس لو كان الموضوع فيهو واسطة زي تحويلة القطر ولا انك تضغط ليك زر وتفجر ناس .. نفس الناس ديل لو قالوا ليك اكتلهم بايدك المجردة
حتى لو كان الهدف سامي ممكن تتردد.
في قصة الناس بتاعين السفينة ديل اتزكرت قصة سيدنا موسى مع نبي الله الخضر او الرجل الصالح
في القصة كل تصرفات الخضر كانت بتدل على عدم عدالة لانو سيدنا موسى ما كان شايف الصورة كاملة
طيب في قصصنا دي مين البيقدر يقرر انو شايف الصورة كاملة عشان يقول انا تصرفي هو العدل او الحق؟
الشاب الصغير الكتلوهو واكلوهوا دا ما مفروض يكتلوهوا لانهم لو كانوا بالجد مقتنعين انو حيموت كانوا انتظروهوا مات بعدين اكلوهوا
وقصة انو يتيم وهم عندهم اسر.. ما من العدالة انك تكتل ليك زول وهو لسه في مقتبل عمره لا اتزوج ولا جاب اطفال يشيلوا اسمه وانت على الاقل
اتمتعت بالحاجات دي وعشت مع اسرتك فترة.
تصرفهم غير عادل وفيهو ثغرات كتيرة انا لو وكيل النيابة والادعاء بحاكمهم وبقنع القاضي ينفذ فيهم العقوبة.
| |
|
|
|
|
|
|
|
|
|
Re: Justice.......العدالة (Re: رشا سالم)
|
سلام تاني للشباب
تعليق على المعضلة التانية الفيها انك ترمي شخص أمام القطار, كم تعليق تحدث عن ما أرمي رقبتي
سمارت ما كتبت جزئية مهمة انو الشخص المعني سمين كفاية لقلب القطار, يعني ما قصة ترمي اي شخص و السلام بل تحديدا هذا الشخص
عودة للموضوع, مسالة اتخاذ قرارات تتضمن التضحية بجزء في صالح الكل ما حاجة ساهلة أبدا لذا ما كل شخص بينجح في تحمل هذه المسؤولية و يكون قائد ناجحو
بعض القادة بضحوا بفرق و كتائب كاملة في عمليات خداعية و انتحارية لصالح الجيش و الوطن ككل ولا ينظر لهم كقتلة بل كقادة ناجحين
حتى فرق الإنقاذ في بعض الكوارث قد تتجاهل البعض أو قد تتخذ قرارات قاسية وتتضمن التضحية بالبعض في صالح الكل
اعتقد كل موقف وله تقديراته المختلفة ولا شيئ مطلق و يصلح لجميع الأحوال
| |
|
|
|
|
|
|
|
|
 Re: Justice.......العدالة (Re: محمد البشرى الخضر)
|
Quote: سمارت ما كتبت جزئية مهمة انو الشخص المعني سمين كفاية لقلب القطار, يعني ما قصة ترمي اي شخص و السلام بل تحديدا هذا الشخص
|
ولا تزعل يا عزيزي .. سأرميك ودونما ادنى تردد :)
..
الفكرة كانت التنبيه .. تنبيه العمال او السائق .. وبالرغم من ذلك فوجهة نظرك صحيحة .. فالسمين اكثر قدرة على لفت الانتباه ..
(شفت صورتنا انا وانت النزلها سيداحمد شامي في fb؟!!)
| |
|
|
|
|
|
|
|
|
|
Re: Justice.......العدالة (Re: محمد حيدر المشرف)
|
هههههههه يا دكتور مش لفت إنتباه بل حساب عديل دا, الشخص المعني وزنه - و حجمه - كفيلان بقلب العربة و إنقاذ الستة أشخاص
أنا طبعا مرجعيتي هي الفلم الأشرت ليه فوق قد يكون اجروا بعض التصرف على المعضلة الأشارت ليها سمارت
وما شفت الصورة الفيس علاقتي بيه سجمانة جدا ومحتاجة شغل, لكن بمش اشوفها
| |
|
|
|
|
|
|
|
|
|
Re: Justice.......العدالة (Re: رشا سالم)
|
Quote: ساحول اتجاه القطار قطعا للاتجاه الذي يمكن أن تحدث فيه خسائر اقل .. الا أنني لن أدفع الزول الجنبي في الكوبري ولو فيها رمي ما أرمي نفسي .. هنا اكتشفت حقيقة مهمة جدا وانا بجاوب على السؤالين .. انو انا بتحرك بدافع من أحكامي الذاتية والتي اراها نزيهة جدا ازاء الحياة ولكن .. هل هي صحيحة؟! .. هل من الممكن أن تتطابق مع القوالب الجاهزة في بطن الكتب القانونية والفلسفية ؟!! لا أعلم !!
|
يا دكتور دا كدا اسمو انتحار ... ويوم القيامة حيكون بيعدو في النطة بتاعتك دي للابد او كما قال الشيوخ:)
الاصح انت تنتظر القطر يقرّب من الستة وتقوم تلز الواقف جنبك وتخلص منهم السبعة:)
لانو الواقف جنبك دا ممكن يكون اخد الكورس بتاعة العدالة دا ويحاول يثبت بيك القطر:)
تحياتي يا اسمارت ومتابعين...
| |
|
|
|
|
|
|
|
|
|
Re: Justice.......العدالة (Re: محمد حيدر المشرف)
|
يا أستاذة smart_ana2001 ، شكرا على فتحك هذا الموضوع الحيوى و الهام.
نتطلع للإستفادة و المعرفة. نعرف إنك مهندسة، وما يجمع بين المهندسين و الإخوة فى مهنة القانون هو طريقة التفكير القائمة على التحليل.
نرجو أن تواصلى فى الموضوع و ذلك للمصلحة العامة بدلا عن فتح الباب للإحتمالات، لأن أغلبنا يؤمن بأن أى تغيير فى المعطيات سيقود بالضرورة لنتائج مختلفة - فى الغالب الأعم.
نتابع معك موضوع الأخلاق الفردية والشخصية و الجمعية و إرتباط ذلك بمفهوم العدالة.
| |
|
|
|
|
|
|
|
|
|
Re: Justice.......العدالة (Re: Mohamed Gadkarim)
|
سلامات مستر قباني. ما قاعدة احضر اي برنامج بتاع reality tv. حتي أمريكان ايدول ما بحضرو. احنا ناس دراما بس.
سلامات د. رشا. كلامك صح. و المحكمة في النهاية حاكمتهم بتهمة القتل و اكل اللحوم البشرية. ما كان من العدل انهم يأكلوا الولد.
سلامات ود البشرى. و فعلا ده هو موضوع البوست. هل من العدالة ان نضحي بأقلية من اجل الكل؟ و الموضوع بيجر من دفع الضرائب لحدي العقود الاجتماعية ذي ان الناس ترضي بكونها تكون تحت دولة. يعني انتي لما قمتا في السودان ما حصل مضيت عقد مع نميري و حكومته بأنك ح تكون مواطن صالح تدفع الضرائب و تلتزم بالقانون. ود البشري ده يكون اتولد في عهد الإنقاذ :)
اما مستر قباني، فده عقده كان مع الإنجليز
Just kidding
سلامات نوباتيا. الأحوال؟
اعمل حسابك و ابعد من اي قطر الايام دي. :)
سلامات محمد جاد كريم.
تسلم. كلامك صح. و كل زول عنده فهم معين للعدالة.
| |
|
|
|
|
|
|
|
|
|
Re: Justice.......العدالة (Re: smart_ana2001)
|
سلامات يا آمنة. كيفك يا فردة؟
الأسئلة اللي في المقدمة دي بس عشان نوري الناس انهم مرات بيكون قراراتهم مختلفة حتي لو كان الناتج واحد. ان شاء الله الموضوع يوضح لقدام.
بعدين ما دام ح ترمي روحك في الموية ما تخليهم ياكلوكي انتي.
ود البشرى ملاحظتك عم الزول السمين في محلها. :)
عصام حسن. شكرًا علي النكة.
| |
|
|
|
|
|
|
|
|
|
Re: Justice.......العدالة (Re: smart_ana2001)
|
Justice_3
عشان يحقق البشر العدالة اخترعوا او طوروا مفاهيم معينة و فلسفات مختلفة. عشان كل زول مننا يصل لمعني معين للعدالة خلونا نختار فلسفة معينة و نتونس حولها. قبل ما يجيني زول متخصص فلسفة او اي شيء تاني و يبرمج بي، عاوزه اقول اني في البوست ده ح امر علي حجات كتيرة مرور خفيف. ما ح نحضر ماجستير في اي من الفلسفات دي. كل اللي عاوزنه اننا نعرف اسمها و الخطوط العامة و نشوف اذا بتنع معانا!!!
خلونا نبدأ بال utilitarianism. او "المنفعية" و هي الترجمة المتوفرة في النت. ما عاجبني لكن ما قدرتا اجيب ترجمة أحسن. عشان كده ح نستحملها.
طيب ما هي ال utilitarianism?
defined as maximizing happiness and reducing sufferi
او محاولة زيادة السعادة و البهجة و تقليل الألم و المعاناة في الدنيا( بقدر الإمكان)
لكن....
هل من الحكمة اننا نحاول (دائماً) نقلل الألم في الدنيا؟
و خلونا ناخد مثال عشان نشرح يعني شنو الكلام ده. نفرض انه في مصنع سلاح في مدينة سكنية. لو ضربنا مصنع السلاح ح يموت مئات من الأبرياء اللي ساكنيين في المدينة دي. و لو ما ضربنا مصنع السلاح، دولة العدو ح تضرب مدن فيها لاف بل ملايين من البشر بالأسلحة من المصنع ده. لو كنت قائد الجيش، ح تقرر شنو؟
نفرض برضو انه في إرهابي ختا قنبلة في الخرطوم و رفض يقول وين القنبلة. لو انفجرت 5 مليون ح يموتوا. هل ممكن نعذب الإرهابي دي عشان يعترف بمكان القنبلة؟ لو رفض و بقي ما في طريقة غير تعذيب احد افرد أسرته أمامه؟؟؟.
ما هو الشيء الصحيح اللي مفروض نعمله هنا؟ نعطي الرجل او احد افرد أسرته عشان نعرف مكان القنبلة ام نخلي القنبلة تنفجر و يموت 5 مليون؟؟؟؟؟
دي هي النفعية. لو كنا تفعيين ( جادين) ح نعذب الإرهابي و نعذب ايوه ذاته.
اها رأيكم شنو؟
ما في زول يقول لي اي حل اخر. ما في اي حل اخر. اما تعذيبه ليعترف او انتظار انفجار القنبلة بعد 15 دقيقة، عشان ما تقولوا لي فضوا الخرطوم.
حاجة تانية: ما في اجابة صح ام خطا. احنا هنا بنتناقش.
| |
|
|
|
|
|
|
|
|
|
Re: Justice.......العدالة (Re: smart_ana2001)
|
سلام
العداله المطلقه اوالعداله العمياء او ماتسمى المصلحه العامه
Quote: في الاول ح أبدا بسؤال:
اذا كان عندك خيارين:
1- قتل زول واحد لإنقاذ 6 أنفار. يعني يكون بموت الزول ده 6 أنفار ح ينجوا من الموت.
2-او ما تعمل حاجة و تقيف تتفرج علي ال 6 أنفار بيمتوا.
خلونا نخت سناريو معين. اذا كنت محول قطر في محطة. و عرفتا ان القطر القادم ما عنده
فرامل و ما في طريقة توقفه. و انت عارف انه في نهاية الخط المعين في 6 عمال شغالين
و القطر ح يقتلهم. لكن في يدك انك تحول القطر لسكة اخري فيها عامل واحد. ح تختار شنو؟
تخلي القطر يمشي في طريقه و يقتل ال 6 عمال؟ ام ح تحوله و تقتل عامل واحد.
و ايوه، ما في طريقة لوقف القطر و تنبيه العمال. |
كعداله مطلقه يجب ان احول القطر حسب التعليمات الموجوده عندي بغض النظر عنما يحدث
من خسائر ماديه كانت ام بشريه
اما العداله العمياء او للمصلحه العامه احول القطر الي تحويله تحدث اقل خسائر ماديه وبشريه
واكيد في تعليمات و اوامر ان اتصرف تصرف يقلل الخسائر. بس الضمير الصاحي هو البحدد
العداله العمياء من المطلقه.
Quote: اذا كنتا وتقف في كبري و واقف قربك زول( خلونا نقول ما بتعرفه). تحت الكبري بمسافة،
6 عمال صيانة. شغالين في صيانة خط سكة حديد. فجاءة لاحظتا انه في قطر جاي و سائق القطر ما شايف
العمال اللي شغالين في نهاية الخط. حلك الوحيد انك تدفع الزول اللي واقف قربك ده شان يقع في سكة القطر
و ينبه او يوقف سائق القطر لما يدوسه.
السؤال ح تعمل شنو؟ ح تقيف تتفرج علي ال 6 عمال بيموتوا؟؟؟ ام ح ترمي زولك اللي واقف جنبك؟؟ |
كعداله مطلقه لااضحى بالراجل الواقف جنبي. اما عدالة تقليل الخسائر ارمي نفسي .
كل التصرفات بتبع من مافطر عليه الشخص صاحب التصرف.
Quote: في القصة كل تصرفات الخضر كانت بتدل على عدم عدالة لانو سيدنا موسى ما كان شايف الصورة كاملة
طيب في قصصنا دي مين البيقدر يقرر انو شايف الصورة كاملة عشان يقول انا تصرفي هو العدل او الحق؟ |
اكيد هو ما شايف الصوره البعد التصرف. يعني الشخص الوحيد المفروض يحول القطر لاتجاه ممكن يكون مستقبلا اكثر نفعا
مثلا يكون اكبر مخطط للبلد.
| |
|
|
|
|
|
|
|
|
|
Re: Justice.......العدالة (Re: عمر نملة)
|
سلام
طيب هل حياة س تساوي حياة ص بنفس منطق الرياضيات ? حياة شخصين أكثر من حياة شخص واحد , لكن هل هي افضل ?
ما المسوغ الانساني او الاخلاقي الذي يعطينا حق تقرير حياة شخص واعدام الآخر
| |
|
|
|
|
|
|
|
|
|
Re: Justice.......العدالة (Re: smart_ana2001)
|
تحياتي وسلامات عزيزتنا سمارت
بوست ثري بمادته الملهمة للخيال ، ثري بالمداخلات الوضيئة
أستاذنا كبر حاول في ( مختصره المفيد ) أن يضع البوست في إطاره الصحيح .. هل نحن نتحدث عن الأخلاق أم نتحدث عن العدالة ... ؟؟
العدالة تأتي لاحقاً لفعل الجرم
والأخلاق تسبق العدالة إذ هى تمنع وقوع الفعل من الأساس لذلك يقولون أن " القانون هو الحد الأدنى للأخلاق "
إن كنا نتحدث عن الأخلاق فسوف يأتينا الدين كمرجعية مكونة لهذه الأخلاق " إنما بعثت لأتمم مكارم الأخلاق "
في حالتنا فإن مرجعيتنا الإسلامية تتشدد في منع قتل النفس بل وساوت قتل النفس الواحدة بقتل الناس جميعاً
" مَن قَتَلَ نَفْسًا بِغَيْرِ نَفْسٍ أَوْ فَسَادٍ فِي الْأَرْضِ فَكَأَنَّمَا قَتَلَ النَّاسَ جَمِيعًا وَمَنْ أَحْيَاهَا فَكَأَنَّمَا أَحْيَا النَّاسَ جَمِيعًا "
وأغلظت العقوبة
" وَمَنْ يَقْتُلْ مُؤْمِنًا مُتَعَمِّدًا فَجَزَاؤُهُ جَهَنَّمُ خَالِدًا فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَابًا عَظِيمًا "
تماماً كما ذهب معظم المتداخلين ، ليأخذ القضاء والقدر مجراه....
جاءنا في الأثر الصوفي أن شيخاً عارفاً قد سأل ذات يوم عن أحد المريدين ... لم يكن موجوداً في مجلسه .. طلب من المريدين أن يذهبوا ويحضروه الآن أينما يكون ... ذهبوا .. وجدوه .. وأحضروه
كان هذا المريد ( جزاراً ) في القرية وكان معروفاً بطبعه الحامي وبعدم قبوله لأى إستفزاز....
خاطبه الشيخ على مسمع من المريدين
" في الأيام الجاية دي بيجيك زولاً زيهيجان كدا ... مهما قال ومهما سب .. وحتى لو ضربك أوعك تمد إيدك عليهو........ "
أمّن المريد بالسمع والطاعة وإنتهت المقابلة
صباح اليوم التالي جاءه هذه الشخص ا( الزيهيجان ) ...
أوسع الشخص الجزار إتهاماً بأن ( ضابح لينا لحم حمير) ... ثم أوسعه سباً وإتهاماً في أمانته
ثم ختم ( الوصلة ) بأن تناول قطعة لحم وضرب بها الجزار في وجهه
للحظة تحسس الجزار سكينه لـ ( يرد ) عليه كما تعود.. فتذكر تعليمات شيخه فتبسم
ذهب الشخص....
وغير بعيد من طاولة الجزار مكاناً وزمناً خر الشخص واقعاً على الأرض.... فلما لحقه أقرب من كان بجواره وجده قد فارق الحياة .....
ذهب الجزار لشيخه يستفسر فرد عليه الشيخ بسماحته المعهودة
" يا ولدي نحن عرفنا أنو الزول دا يومو تامي.... ما درنا ليك تتحمل ذنبو ..... "
| |
|
|
|
|
|
|
|
|
|
Re: Justice.......العدالة (Re: smart_ana2001)
|
سمارت تحية وتقدير
Quote: نفرض برضو انه في إرهابي ختا قنبلة في الخرطوم و رفض يقول وين القنبلة. لو انفجرت 5 مليون ح يموتوا. هل ممكن نعذب الإرهابي دي عشان يعترف بمكان القنبلة؟ لو رفض و بقي ما في طريقة غير تعذيب احد افرد أسرته أمامه؟؟؟.
ما هو الشيء الصحيح اللي مفروض نعمله هنا؟ نعطي الرجل او احد افرد أسرته عشان نعرف مكان القنبلة ام نخلي القنبلة تنفجر و يموت 5 مليون؟؟؟؟؟
دي هي النفعية. لو كنا تفعيين ( جادين) ح نعذب الإرهابي و نعذب ايوه ذاته.
اها رأيكم شنو؟
ما في زول يقول لي اي حل اخر. ما في اي حل اخر. اما تعذيبه ليعترف او انتظار انفجار القنبلة بعد 15 دقيقة، عشان ما تقولوا لي فضوا الخرطوم. |
وانا بقرا في الموضوع من البداية جا في بالي القرارات اللي عملتا إدارة بوش من تعذيب المعتقلين و خلافه ولقت معارضة كبيرة من الحقوقيين والناشطين في أمريكا، ومن بينم أوباما ، وكان رد إدارة بوش زي سؤالك ده، لأنو الناس لما ما بتكون في موقع قرار بتقدر تتحلى بالإخلاق والمبادئ ، لكن لما يدهم تكون في النار بدل الموية بتجي الحتة بتاعت المنفعية، المرونة الأخلاقية لأي شخص ممارس للقيادة لازم تكون مختلفة عن غير الممارس، لأنو بقدر يشوف الصورة الكاملة وتحملو لتبعات قراراتو جزء من العدالة عامة، يعني المحقق لازم يعذب الإرهابي ويصل لنتيجة والمجتمع حيكون سعيد بإنتهاء الخطر لكن عشان ما يعمم التعذيب يقوم يحاكم المحقق، لكن المجتمع في نفس الوقت بيعلم أطفالو أنهم يشوفوا الصورة الكاملة زي المحقق ويتعاملو بمرونة أخلاقية لكن بصورة فردية .
منتظرين باقي الأمثلة تحياتي
| |
|
|
|
|
|
|
|
|
|
Re: Justice.......العدالة (Re: Musab Osman Alhassan)
|
تحية اسمارت وضيوفها
ما اردت قوله
ان القتل هو القتل ,, سأحاول ان انقذ إن استطعت دون ان أكون قاتلا , لن اتخذ نفسي إلها ,, فأنا لا اعرف قيمة حياة أي شخص ,, لذا لن اتخذ قرارا يجعلني قاتلا مستندا علي قراءة سيحدث لعله لا يحدث ,, لعل القطار سيتوقف ,, او يهرب العمال العمال
ما ضرنا سوي تأليهنا لانفسنا وامتلاكنا لما نحسبه الصحيح حتي لو كان في ذلك روح انسان
ولعلنا لو علمنا بعد ان ضحينا بواحد ان له اسرة مكونة من 15 شخص تشردت
وان ال 6 لم يكونوا سوي 6 فقط من ارازل الناس
ذلك هدف مثالي وسؤالي في مداخلتي السابقة
ومع اكيد الود
| |
|
|
|
|
|
|
|
|
|
Re: Justice.......العدالة (Re: عبدالحفيظ ابوسن)
|
اعتذر عن بطء وسوء وتقطع الشبكة
طيب
وقت نحن ما عارفين حياة س او ص فكيف نفترض انهما متساويات ,, ولو اخذنا كل واحد علي طرفي تناقض لكان الفرق شاسعا لا يقارن
ثم
ماهو ذنب الشخص الثالث لنضحي به من اجل آخرين لا علاقة له بهم
| |
|
|
|
|
|
|
|
|
|
Re: Justice.......العدالة (Re: عبدالحفيظ ابوسن)
|
سلامات إسمارت
العدالة أولا" بتتطلب المعرفة الكاملة والإلمام التام بنتائج ما أتخذه من قرارات
مثلا" فى حالة القطار إذا كنت أنا المسئول ومتأكد بنسبة كبيرة بحتمية موت 6 أنفار
مقابل نفر واحد أكيد حأتخذ القرار وأضحى بالنفر مقابل حياة ال6 الباقيين. قد يكون
القرار قاسى وغير صائب لكنه الأفضل حسب المعرفة المتوفرة لى.
فى الطب توجد حالات شبيهة ويجب اتخاذ قرار وإلا حتفقد الكل مثلا" فى حالة حادث مرورى
وكنت أول المسعفين الواصلين وعندك أسعاف واحد يتسع لكمية معينة من المصابين وعدد
قليل من المسعفين فلا بد من تركيز جهدك على الحالات التى يمكن إنقاذها وتجاهل التى نسبة نجاتها
قليلة لكى تتمكن من إنقاذ أكبر كمية من المصابين. حتى عمليات الأنعاش القلبى الرئوى CPR يتم فيها
تجاهل البعض والتركيز على الآخرين. وكذلك الحالت الخطيرة فى الحمل أحيانا" يتم التضحية بالجنين
لإنقاذ الأم وهكذا.
طبعا" أهم شى يكون س بيساوى ص يعنى أنسان مقابل إنسان بغض النظر عن أهميته وعمله وأسرته .
قريت عن مسابقة كانت على إحدى الإذاعات أظن فى أمريكا وكان السؤال انو فى منطادعلى متنه
عالم فيزياء وعالم أحياء وعالم فلك وحصل عطل ولازم يتم التخلص من أحدهم فمن الذى يجب أن
نضحى به!! وكانت الجائزه كبييره لصاحب الأجابة الصحيحة ولم يفلح فى الإجابة الا صبى لا يتجاوز ال10 سنوات
كانت إجابته
نرمى أثقلهم وزنا :)
| |
|
|
|
|
|
|
|
|
|
Re: Justice.......العدالة (Re: عثمان الأمام)
|
| Quote: تم محاكمة الثلاثة رجال بتهمة القتل العمد و اكل لحكوم البشر |
اااااايه يا اسمارت ..
فعلا رجعتيني كلاس تاني ..
تصدقي مثالك دا تلقيناه بحذافيره من أستاذ المادة كأنك كنت حاضرة معانا هههه ..
موضوع العدالة من زاوية فلسفية يماثل موضوع البيضة من الجدادة ..
لأن العدالة المطلقة مفهوم غيبي لدي العقائديين وعدمي لدي غير الربانيين ..
مفهوم العدالة بين البشر مسم فقهي لمعيار الخير والشر ..
فكما الخير في بطنه الشر فالشر في بطنه الخير ..
كذلك العدالة كمعيار نسبي للحكم في بطنها الخير والشر ..
كل ينظر إليها من زاوية معارفه وبيئته ..
في النهاية عايز أقول لا يوجد مقاس ثابت ومعلوم تتفق عليه البشرية ..
هي مثلها مثل معادلات الوجود الأخرى قطبي عمود ..
حكمة الوجود الوحدة في التنافر..
أو ثنائية متنافرة في محيط واحد ..
رجعتك لتخصصك مش؟
| |
|
|
|
|
|
|
|
|
|
Re: Justice.......العدالة (Re: عبدالحفيظ ابوسن)
|
الاخت اسمارت
ما قدرت اقرأ البوست كلو و ممكن في ناس اتطرقو للكلام العايز اقولو.
وقفت في اول سطر بخصوص الـ 6 اشخاص و الواحد الشرير و اذا بالامكان ترتكب قتل الواحد لانقاذ الـ 6
هذه تقريبا اول درس في العسكرية او كل الاجهزة الامنية هو تبرير القتل ايا كان الذي سوف يقتل يمكن ان يكون برئيا او لاز
فقط علي القاتل (باسم القانون | الدولة) و بأمر قائده ان يقتل ذاك لان في مقتله نتجنب جرائم ربما تؤدي بحياة نصف الشعب.
| |
|
|
|
|
|
|
|
|
|
Re: Justice.......العدالة (Re: Mahjob Abdalla)
|
فى بحثنا الجاد عن معرفة مفهوم العدالة، و إتباعا للقول ...الحكمة ضالة المؤمن، أرشدنا هذا البوست إلى محاضرات قيمة فى الفلسفة و لأخلاق، بالإضافة إلى العدالة الموضوع الأساسى للبوست.
و لايفوتنى هنا إلا أن أشكر كذلك الأخت زينب محمد عبدالله لإشارتها لرابط جامعة هارفرد حول موضوع العدالة.
| |
|
|
|
|
|
|
|
|
|
Re: Justice.......العدالة (Re: Kabar)
|
Quote: ، ليأخذ القضاء والقدر مجراه....
|
الاخ العزيز عاطف ..
سلامات وكيف الاحوال ..
تعرف يا صديقي وفي موقغ المسؤول لا موقع الزول المشاهد .. المسؤول المؤهل تماما ويفهم تبعات الامر المناط به كما في مثال الزول المسؤول عن توجيه القطارات ... فالمسؤولية تحتم عليه إتخاذ القرار بحسب المتوافر عليه من معلومات .. المتوافر تحتها خطين يا عزيزي للاشارة لنقصانها في كل الاحوال من منطلقات دينية وغيبية .. أقول بحسب ذلك لابد من التدخل intervention للحيلولة دون وقوع الضرر الاكبر ..
مداخلتك نبهتي لتداخل الديني في الموضوع .. وحقيقة مسألة محيرة جدا امكانية دخولك او دخول هذا المسؤول في مثل هذه المواقف الموصوفة لحيز الآية الكريمة " ( مِنْ أَجْلِ ذَلِكَ كَتَبْنَا عَلَى بَنِي إِسْرائيلَ أَنَّهُ مَنْ قَتَلَ نَفْساً بِغَيْرِ نَفْسٍ أَوْ فَسَادٍ فِي الْأَرْضِ فَكَأَنَّمَا قَتَلَ النَّاسَ جَمِيعاً وَمَنْ أَحْيَاهَا فَكَأَنَّمَا أَحْيَا النَّاسَ جَمِيعاً وَلَقَدْ جَاءَتْهُمْ رُسُلُنَا بِالْبَيِّنَاتِ ثُمَّ إِنَّ كَثِيراً مِنْهُمْ بَعْدَ ذَلِكَ فِي الْأَرْضِ لَمُسْرِفُونَ) (المائدة:32).
ثم وفي بحثي عن الآية صادفت هذا الحديث ..عن عبد الله بن عمرو عن النبي -صلى الله عليه وسلم- قال ( لزوال الدنيا أهون عند الله من قتل رجل مسلم )
ماذا لو أضفنا من أجل المفاكرة .. لك وكبر والملك وسمارت والاصدقاء .. ماذا لو اضفنا هذا البعد الديني .. كأن يكون ذلك "النفر الواحد" مؤمنا صالحا وكانوا الستة من الكفرة المارقين او حتى شيوعيين ساي :) .. ههههه
حقيقة دخول الديني في هذه المسائل مربك جدا ..
عموما البوست ممتع واشبه ما يكون بواحة وسط معمعمات البورد القائمة ..
سادعوكم جميعا بالمعتزلة .. هههههه
مودتي
| |
|
|
|
|
|
|
| |
smart_ana2001
يحي قباني
Kabar
زينب محمد عبدالله
عبدالحفيظ ابوسن
أيمن محمود
عزام حسن فرح
محمد جمعه الخير
محمد البشرى الخضر
حمد عبد الغفار عمر
سامى عبد المطلب
مريم بنت الحسين
محمد حيدر المشرف
رشا سالم
حسين نوباتيا
عمر نملة
عاطف عمر
Musab Osman Alhassan
محمد على طه الملك
Mahjob Abdalla
فيس بوك
تويتر
انستقرام
يوتيوب
بنتيريست