|
Re: سودان عزة بلا هوية قبلية ! وسجل وطني خالي من إسم القبيلة ! (Re: مامون أحمد إبراهيم)
|
وليكن معيار تقييم الأسر والأفراد بمقاييس العصر الحديث ، القائم على أساس الأخلاق والمبادىء والأعراف الإنسانية المتمدنة أولاً .. ثم لا ضير أن يكون أيضاَ على أساس المعرفة والتعليم والثقافة ، ومستوى التقدم المهني ، والرقي الإجتماعي !
هذا غير موجود فى السودان العربى الاسلامى ولن يوجد قريباالا بالتحرر من كل دخيل فكر حزب دين ثقافة لغة. شكرا لصاحب البوست واحترم طرحه وخياراته
| |
|
|
|
|
|
|
Re: سودان عزة بلا هوية قبلية ! وسجل وطني خالي من إسم القبيلة ! (Re: فقيرى جاويش طه)
|
Quote: وليكن معيار تقييم الأسر والأفراد بمقاييس العصر الحديث ، القائم على أساس الأخلاق والمبادىء والأعراف الإنسانية المتمدنة أولاً .. ثم لا ضير أن يكون أيضاَ على أساس المعرفة والتعليم والثقافة ، ومستوى التقدم المهني ، والرقي الإجتماعي !
هذا غير موجود فى السودان العربى الاسلامى ولن يوجد قريباالا بالتحرر من كل دخيل فكر حزب دين ثقافة لغة. |
ولكن يجب أن نسعى لإيجاده بكل ما أوتينا من قوة فكرية ومبادىء وطنية وإنسانية ومدنية .... ونحتاج في هذا لخطوات عملية جادة ، كإنشاء أحزاب جديدة ذات منهجية موحدة تقوم على أسس وثوابت فكرية وطنية مستنيرة ومتقدمة لنبذ أي صلة بنعرات قبلية أو طائفية ، لإرساء ثوابت وحدة وطنية متينة ومؤسسة على مبادىء قائمة على حق المواطنة أولاً وأخيراً !
تحياتي
| |
|
|
|
|
|
|
Re: سودان عزة بلا هوية قبلية ! وسجل وطني خالي من إسم القبيلة ! (Re: د.ماجدة ميرغني)
|
Quote: انا امدرمان تامل في وجودي انا السودان تمثل في عهودي تحياتي واحدة امدرمانية حي البوستة |
يا الله يا دكتور ماجدة ، يا بنت أم در ! ترجل اليوم ابن أمدرمان السمح وشاعر الشعب الودود محجوب ! رحل محجوب يا ماجدة ! رحل !
رحل قائل : سنبنيهو البنحلم بيهو يوماتي .. وطن حدادي مدادي !
( إنا لله وإنا إليه لراجعون ) صدق الله العظيم
شنو المابكيهو اليوم في أمدرمان يا ماجدة ؟!!!
يابا مع السلامة
يابا مع السلامة يا سكة سلامة في الحزن المطير يا كالنخلة هامة قامة واستقامة هيبة مع البساطة اصدق ما يكون راحة ايديك تماماً متل الضفتين ضلك كم ترامى حضناً لليتامى خبزاً للذين هم لا يملكون بنفس البساطة والهمس الحنون ترحل يا حبيبي من باب الحياة لباب المنون روحك كالحمامة بترفرف هناك كم سيرة وسريرا من حولك ضراك والناس الذين خليتم وراك وعيونم حزينة بتبلل ثراك ابواب المدينة بتسلم عليك والشارع يتاوق يتنفس هواك يا حليلك حليلك يا حليل الحكاوي تتونس كانك يوم ما كنت ناوي تجمع لم تفرق بين الناس تساوي نارك ما بتحرق ما بتشد تلاوي ما بتحب تفرق من جيبك تداوي الحلم الجماعي والعدل اجتماعي والروح السماوي والحب الكبير في الزمن المكندك والحزن الاضافي جينا نقول نفرق نجي نلقاه مافي لا سافر مشرق لافتران وغافي وين عمي البطرق جواي القوافي يا كرسيه وسريرو هل ما زلت دافي
يا مرتبتو امكن في مكتبتو قاعد يقرا وزهنو صافي يا تلك الترامس وينو الصوتو هامس كالمترار يساسق يمشي كما الحفيف كم في الذهن عالق ثرثرة المعالق والشاي اللطيف تصطف الكبابي اجمل من صبايا بينات الروابي والضل الوريف احمر زاهي باهي يلفت انتباهي هل سكر زيادة ام سكر خفيف ينده للبنية يديها الحلاوة والخاطر يطيب يدخل جنو منو محبوب الشقاوة يستنى النصيب الدفو والنداوة السنا والعبير كالغزلان هناك في الوادي الخصيب حيث الموية عذبة والغصن الرطيب كم تحت المخدة اكتر من مودة للجنا والغريب عش وعشب اخضر جدول من حليب يابا ابوي يا يابا الشمس البتطلع بلت منو ريقا والنجمة البتسطع فيه تشوف بريقا الندى في حركتو يطفيها الحريقة ننهل من بركتو زي شيخ الطريقة شاييهو وطرقتو والايدي الصديقة يلا نسد فرقتو حب الناس درقتو يا موت لو تركتو مننا قد سرقتو كنا نقول ده وقتو لكنك حقيقة النفاجو فاتح ما بين دين ودين نفحة محمدية دفئاً كالضريح ميضنة كم تلالي جيداً في اليالي مجداً في الاعالي مريم والمسيح قلباً نبضو واصل ما بين جيل جيل ما بين كان وحاصل او ما قد يكون ما بتشوف فواصل الا الذكريات وآلام المفاصل بعضاً من شجون يابا مع السلامة يا سكة سلامة في الحزن المطير
إلى جنات الخلد يا محجوب
| |
|
|
|
|
|
|
Re: سودان عزة بلا هوية قبلية ! وسجل وطني خالي من إسم القبيلة ! (Re: مامون أحمد إبراهيم)
|
حنبنيهو
حنبنيهو البنحلم بيهو يوماتى وطن شامخ وطن عاتى وطن خيّر ديمقراطى وطن مالك زمام أمرو ومتوهج لهب جمرو وطن غالى نجومو تلالى فى العالى إراده سياده حريّه مكان الفرد تتقدم.. قيادتنا الجماعيّه مكان السجنِ مستشفى مكان المنفى كليّه مكان الأسري ورديّه مكان الحسره أغنيّه مكان الطلقه عصفوره تحلق حول نافوره تمازج شُفّع الروضه حنبنيهو البنحلم بيهو يوماتى وطن للسلم أجنحتو ضدّ الحرب أسلحتو عدد مافوق ما تحتو مدد للأرضو محتله سند للإيدو ملويّه حنبنيهو.. البنحلم بيهو يوماتى وطن حدّادى مدّادى ما بنبنيهو فرّادى ولا بالضجه فى الرادى ولا الخطب الحماسيّه وطن بالفيهو نتساوى نحلم نقرا نتداوى مساكن كهربا ومويه تحتنا الظلمه تتهاوى نختّ الفجرِ طاقيّه وتطلع شمس مقهوره بخط الشعب ممهوره تخلي الدنيا مبهوره إراده وحده شعبيّه
| |
|
|
|
|
|
|
Re: سودان عزة بلا هوية قبلية ! وسجل وطني خالي من إسم القبيلة ! (Re: مامون أحمد إبراهيم)
|
عشة كلمينا ميري ذكرينا
عَشّه .. كلّمينا ميرى.. ذكّرينا كل سونكى أحسن يبقى ..مسطرينا نحن شعب أسطى يلا ..جيبو مونا نبنى ..نبنى00 نبنى مسرحاً..ونــــادى مصنعــاً ..وبوسته حرب لا لا لا لا كبرى..استبــاليه صالــه للثقــافــه تســرح الغزاله جنبها ...الزرافه ركَ قمرى طار قيره قيره قيره نطَط الصغار صفّق الترولى طمّن ..القطار حلقت ..وحلقت حمامة المطار كلّ طلقه..بينا نحن تبقى وفره سمسماً ..وبفره سكراً وشاى تترا سايكلين.. جاى وجاى وجاى مافى حاجه ساى كلّو عندو دِين كلّو عندو راى بور..وبورسودان بارا.. والجنينه عبرى ..ولاّ واو حاجه مش كويسه كلّ زول براو هى سودانا بكره من سودانا ناو تكتب انت تقرا تعرف السياسه فى محل حراسه حجرة الدراسه تمشى انت تلقى فى الضلمه..لمبه ألف ضحكه حلوه تسندك بجنبه بى تمن طبنجه أحسن الكمنجه أحلى شتل منقه أحسن الحليب إيد .. وإيد وإيد نزرع الجديد غابة النشيد إيد..وإيد وإيد مافى بينا سيد إيد..وإيد وإيد نلحق البعيد نحنه مش مرقنا حته واحده جينا جينا لى السرقنا حقّنا..وعصينا دمّنا..وعرقنا ولّعوا الرتينا عَشّه..كلّمينا ميرى ..ذكّرينا كلّ سونكى أحسن يبقى .مسطرينا
عَشّه كلّمينا... ميرى ذكّرينا
عَشّه .. كلّمينا ميرى.. ذكّرينا كل سونكى أحسن يبقى ..مسطرينا نحن شعب أسطى يلا ..جيبو مونا نبنى ..نبنى00 نبنى مسرحاً..ونــــادى مصنعــاً ..وبوسته حرب لا لا لا لا كبرى..استبــاليه صالــه للثقــافــه تســرح الغزاله جنبها ...الزرافه ركَ قمرى طار قيره قيره قيره نطَط الصغار صفّق الترولى طمّن ..القطار حلقت ..وحلقت حمامة المطار كلّ طلقه..بينا نحن تبقى وفره سمسماً ..وبفره سكراً وشاى تترا سايكلين.. جاى وجاى وجاى مافى حاجه ساى كلّو عندو دِين كلّو عندو راى بور..وبورسودان بارا.. والجنينه عبرى ..ولاّ واو حاجه مش كويسه كلّ زول براو هى سودانا بكره من سودانا ناو تكتب انت تقرا تعرف السياسه فى محل حراسه حجرة الدراسه تمشى انت تلقى فى الضلمه..لمبه ألف ضحكه حلوه تسندك بجنبه بى تمن طبنجه أحسن الكمنجه أحلى شتل منقه أحسن الحليب إيد .. وإيد وإيد نزرع الجديد غابة النشيد إيد..وإيد وإيد مافى بينا سيد إيد..وإيد وإيد نلحق البعيد نحنه مش مرقنا حته واحده جينا جينا لى السرقنا حقّنا..وعصينا دمّنا..وعرقنا ولّعوا الرتينا عَشّه..كلّمينا ميرى ..ذكّرينا كلّ سونكى أحسن يبقى .مسطرينا
| |
|
|
|
|
|
|
Re: سودان عزة بلا هوية قبلية ! وسجل وطني خالي من إسم القبيلة ! (Re: Adel Mohammed Abdulrahman)
|
Quote: أقل ما يقال نحو المقال ، وكاتب المقال ، سلمت وسلمت يداك بس المقالات الهادفة للاسف بتلقي الانصراف في المشاركة ،كما تجد مقالات البلاهة والحمق والسب، التي تزيد الحزن, مشاركة فعالة محبتي
|
لك خالص ودي يا عادل وسوف يهدي الله الجميع .. هي مسألة وقت ونوصل جميعاً إلى بر الأمان ، حين تشرق شمس الحقائق ساطعة وضاحة !
أجمل هوية للإنسان في الوجود ، هي وجه الله !
تحياتي
| |
|
|
|
|
|
|
|