امي فاطنة بت حليمة وابوي ود اب سن

Quote: ود أب سن حبابك في الحديث ال مو خمج في ناسا بستاهلوا كل شي وأظن في إندياحك هذا ستطربنا حتي الثمالة أحكي ونحن لك من الناصتين بالجنبة كدا ياقول عمنا عبد الله المشهور ب - أب راية - عندي ملحوظية نحن خلنا - بدو- لكن ما سمعت بي الإعلان البقول: علي مستمعينا في الأقاليم مراعاة فروق الوقت؟ باقي ليك كلمتك باللون اللحمر الفوق دي مي دايرة ليها شرح ؟

Quote: والله لم اشاهده يأكل اطايب طعامه قط , بل يتركه للآخرين ,, وتتقاصر يده عن الطعام حين كثرة الناس مرة وهو يأكل أتي شقيقه صديق ابوسن ,, فعزمه ابي ونادهو ,, وعمي هذا حاضر البديهه طريفا , وابي يضع طعامه في الارض ويحاط به الناس ,, فقال له عمي يعني اربط يدي بي حريرة ? يقول انه يخشي ان لا يعرف يده من كثرة ايادي الآخرين فيحتاج ان يربطها بقطعة حرير حتي يعرفها

Quote: اذنكم ناس فوق صديقي جمال الشهير عندي ب ود عكر علي بالطلاق فرحان بي طلتك

Quote: اذنكم النجاوب الحليلة فييز هو الزول البعرف الاتوكيت وبحب الحاجات في كمالها ,, كان لبس بلبس افضل , ولو أكل بياكل الاحسن ,, وكان ادي بدي الكتير الما شوية , وزول واجب بكسر الفاء ,, وكسر الياء وجرها

Quote: والله هو مجرد شورتو لي عدم تقدير لحق الجيرة ,

Quote: بيد الطيب كتر خيرك والله وإن في النفس شيئا كثيرا من مغصة سكبنا سيرة آباءنا وامهاتنا هنا بقصد الود والمحبة والمشاركة , فكانت وبالا علينا ان يساء لهم ويفهم القول بشكل مختلف ,, ثم يدافع البعض عن المسئ الذي لم يكلف نفسه مجرد الاعتذار او التوضيح كأنه يتعالي درجة فوق الناس ومستعصما بالبعد فوق البشر لا كبير عندنا غير الجمل قال عمي صديق ابوسن لواحد قال ليهو والله انا راجل وشو شبر ما بخاف منو قال ليهو عمنا علي بالطلاق تلاقيني بالليل وشي ده قدر ما تعبرو ما تلحق حدو

(عدل بواسطة عبيد الطيب on 03-25-2014, 08:58 AM)

Quote: في اي الحدائق العامرات نسامرك صاحبي... في صقيعة جدك حياتي االقرقرا ،الصنقع وما قرا،،او نحو ذلك من قراءتها،صقيعة جعلها بحرفه العاشق المشوق،روضة اريضة. ام بنغم نائ قديم بعثه ابوك حنينا في تلكم الفجاج. ام حيث ،ام ،الهمتك الحرف والشوق،راضية مرضية في العالمين.. ام حيثك انت الان،،تحس اليتم رغم خمسينك وزيادة،،ذلك انك تخشي ان ينفذ زيت فانوسك في زمن العتمة والبلادة،،فتعجز ان تشارك اقمارك بالبيت،،الوجد والضياء... الحق اقول،،اسطع بنورك صاحبي،،فما تبقي للفجر الا ميعاد قليل.. الا تري شدة العتمة،، مد اشواقك حيث روضة امك وابيك تجئيك انفاس الصباح عطرات.