|
|
 هاشم صديق يتأبط شـعــراً !
|
هذا الرجل الشاعر فارس الكلمة الذي لم تقيد أحرفه أية مصالح خاصة
الشاعر الذي لم يركن إلا إلى الحقيقة
الفارس الذي لا يداهن ولا يوافق ولا ينافق
هذا الشاعر الفارس والفارس الشاعر يجب أن نردد كلماته
هاشم صديق بشعره يزعزع اركان الأنظمة الفاشية
شعره يحول دون المنافقين والنوم
شعره يحرك وجدان الحجارة فتتفجر ماءاً
هاشم صديق شاعر سوداني متعمقة فيه سودانيته وغيرته الوطنية
تجري في دمائه كبرياء السوداني الحر الأبي
هذا الشاعر هاشم صديق يتأبط شعـراً !
|
|
 
|
|
|
|
|
|
|
 Re: هاشم صديق يتأبط شـعــراً ! (Re: Asim Fageary)
|
خربانة البلد بكبار
(1)
……………..
تعبنا من القيام
ومن الجلوس
ومن الجلوس
ومن القيام
………….
عقدين
من الزمن الرماد
مرجيحة
مابين
( سين وصاد )
صاغرين
تقول سُخرة
وهوام
وبندي للطاغية
التمام
…………..
لا ( جودو )
عانق للحلم
لا ( الخَضِر )
فجّ الضلام .
………….
الثورة ( مانشيت )
في الرمال
والريح بِتَمحا
حروفها
ما بين ( يمينها )
ومن شمال
ومهيرة
( تعلن ) عن رجال
لقيادة ما صفوف
الاعادة
لي حزمة
من فرسان عُدال
مجبولة للنار
والشهادة ،
وللقيادة ،
الا الوشوش
نفس الوشوش
( والكلام
ياهو الكلام )
زي تقول
عِقِر البلد
زي تقول
نحنا الدواب
والطاغية ماسك
للجّام .
………..
وبقينا بين
نار الخليفة
وساقية أسيادنا
المخيفة
بين ( جِزَم ) عسس النظام
وبين أساطين الكلام .
………….
بركه
يا ( سيد الضرايح )
دفرة
يالصفوة الفوالح
فكرة
يا ( عفلق )
و ( ماركس )
حركة
يا ( قردين وحابس )
فتنه
يا ( غبراء وداحس )
نظرة
يا ( المهدي الامام ) .
……………
ياما أدمنا الحقارة
راجين شراره
عشان نحس
طال انتظارا
ساكتين عقود
والبكما ما بتصرخ
تقول
وين الدبارة
والجوع نتر
كسر الشَرَف
دَشْدَش ضَهرَ
ساوم بكارة .
الشمعة
انشنقت ظُلم
مسكينة
بي حبل المغارة
العجايب
جات مصايب
وآ خجلنا
يا خسارة
| |
|
|
|
|
|
|
|
|
|
Re: هاشم صديق يتأبط شـعــراً ! (Re: Asim Fageary)
|
المحاكمة
..........
هاشم صديق
.......
لئيمة مكايد الاحقاد
وكت تنعيكا للدنيا
قبيحة خناجر الاصحاب
وكت تطعن ضهر غنية
غبية محاكم الفاشست
وكت تلوى الضمير عنية
وامينة دفاتر الاشعار
صدق كلماتها بالدنيا
أرافع لا لقاضى الحزب
ولا لى عسكر السلطان
أرافع لى ضمير الشعب
تحت زرقة سما ام درمان
أدق طبل الغضب وأصرخ
واقول كل الكلام مليان
مزيف فى جرايد الحشية والطغيان
مجرح بالكلام أسمى
من السفلة ومن الصحبا ن
مرسوم يوم تحت لافتة..
ومكتوب يوم تحت عنوان
"فيلم هندى" القصص عنى
ميلودراما وبالالوان
مواجه بقلم فاشى
ومصلوب فى جرايد السر
تقول عقل الوطن ناسى
مناضل قالوا لو "حزبى"
وساقط لو "ديمقراطى"
صحيح صبح الفهم واطى
وضمير القاضى ما خجلان
يشد سلع المناضل يوم..
ويوم يكتب فى اسمو هوان
تقول كسرت سن قلمى
وتقول بايعت للشيطان
تقول معنى النضال اصبح
قلم سايح بدون أوطان
تقول الردة
رجعة قدمى للسودان
وبين تنكيل قلم جاهل
وتحليل حملة الاختام
بقيت ثائر بدون تاريخ
وراجى اشارة الاعدام
وكل التهمة ما ساومت
واستسلمت للاحلام
و استنيت خلاص بلدى
بايد ثوار من المريخ
سيوف ميتة وطول اقزام
كرهت تفاهة الثوار
وكت يبقى النضال "قعدة"
كرهت قصائد الحفلات
عن "الثورة" وعن "الجبهة*"
كرهت معارك الأحقاد
تحيل اسم البلد لعبة
كرهت تطاول الاولاد
و الساقطين من النقاد
وصوت فنان ملوث
بى هوى الاسياد
وساقط من ضمير الكلمة والمبدأ
وحامل راوية الاوغاد..
أموت يا وطنى
بى خنجر مكايد الحاشية والطاغية
ولا الشايلين اسم ثوار
وهم عصبة المافيا
اقوم يا وطنى من جرحى
واشوف بى رؤية العافية
جروحك فى المزاد للبيع
واسمك فى خشوم لاهية
واحسك غابة من اشواك
عليك قدم البحس حافية
يمينك لعبة الاوزان
يسارك يل وطنن تايه
معسم فى الحروب كيمان
نتوه فى سكة الجبهة
نقيف فى سكة الجبهة
كأنك ما قدر نصبح
عشانك يا وطن وحدة
كاننا لسه فى الاحزان
دروح من واقعة الردة
ناصبين للحزن صيوان
ومستنين فرح مجهول
يجلجل فى سما السودان
نسيب السهر والشوك
نعود لى أمنا الساحة
نقيف راجين نفير الحق
وشهور تجرى وسنين زاحة
وسيوف الجبهة فى الاغماد
لا دكت هوى النيران
ولا سوت ارض واحة
مناشير عن نضال أحزاب
اشعار عن رجال أحزاب
أقوال من فكر احزاب
كانو الحزب هم نفسو
كأنو الازمة بس جرحو
وجرح الامة ضاق راحة
كانو بلاهو:
لا ولدت بطون امات
ولا صبح النضال ساحة
ويقيف الشعب
فى ساحة المحطة دهور
قطار الوحدة لا شرف
ولا فارق عيونا السور
ونجرح ونتلقى من العسكر
وطعن الخونة و الطابور
ونتقعر عن الازمات
عن تقريب مسافة الرؤيا
والرايات
نتفلسف عن الثورة
وعن المنفى وعن الاحباط
ونتحذلق عن المعنى
وعن الاسقاط
ونتحامل على التأريخ
ونجرح صحاف الشرفا بالتلميح
ونتفنن فى ختم الشعرا بالاختام
ونغرق فى بخار التيه
وننبدل سيوف افعالنا بالاحلام
وفى الدوامة
تتبدل سمانا سواد
يموت معنى الوطن
وفى زفة الاوغاد
يضيع نبض الوطن
فى زحمة الاحقاد
يئن شرف الوطن
من جزمة الاسياد
يغيب شرف الكلام
فى بحة المذياع
وفى تهويمة التلفاز
وفى مسرح صبح مشنوق
بحبل المافيا
من جنس الحطام" وشواذ"
تتصارد حروف الحق
ويعود معنى الثقافة جناز
وتقوم الزفة
عن اعيادها بالتعيين
ويصير عيد الفنون تأبين
متين كان الحرف مصنوع؟!
متين شبت ثقافة الامة
فى الصحرا
والحصاد والجوع
تعيش يا معنى كلمة لا
تدك الحصن الضلال
بى اشرف الاشعار
تعيش يا وطنى
رغم جروحك المليون
ورغم المافيا والانصار
تعيش يا شعبى صف مضموم
بساعج العافية والاضرار
أحبك
لا بقع فى الشين
ولا بسكن لوجع الفجعة
فى جرح العذاب الخاص
اقوم من كل جروحى وأقيف
وفى ساحتك
الممهورة بالرصاص
واصيح فى مسمع التأريخ
اقول عن أزمة الراجين:
شباب واقف على السكين
بيسأل بى عقل ملهوف
تددق ساعة الحرابة متين؟
انحنا سواعد الجبهة
وسيوف الجبهة تصحا متين؟
اصيح فى مسمع التأريخ
اوقل عن معدن الراجين
شباب ثورى وديمقراطى
وقلب واعى وصاحى
شباب واقف
سنين مشتاق
تقوم الجبهة من تعسيلة الاوراق
تقوم الجبهة من تعسيلة الاوراق
هاشم صديق
..
| |
|
|
|
|
|
|
|
|
|
Re: هاشم صديق يتأبط شـعــراً ! (Re: Asim Fageary)
|
Quote:
Bedour Elamin · Cairo university khartoum branch
هاشم صديق من زمن بعيد مسكون بالشعر وبالوطن وبهموم المواطن وبحال البلد ربنا يديه الصحة والعافية عشان يبدع كمان وكمان
رد · · 1 · أمس في الساعة 01:13 صباحاً |
شكراً بدور الأمين على المرور من نافذة الفيسبوك
| |
|
|
|
|
|
|
|
|
|
Re: هاشم صديق يتأبط شـعــراً ! (Re: Asim Fageary)
|
| Quote: طبعاً يا ابو العزائم دي بتعرف تتمها براك (قصدي النقط دي ولو كنت عارف لغة أبناء ملوك النيل كنا ترجمناها ليك هنا |
والله دي إلاّ تكتبها بالحبر السري.
____
مبدع هاشم صديق .....
القصيدة دي ذكرتني القصيدة العملها في سئ الذكر جعفر نميري، لما إتخيلو شاف ليهو كابوس وصحى أصدر قرارات جمهورية خطيرة.
| |
|
|
|
|
|
|
| |
Asim Fageary
محمد أبوالعزائم أبوالريش
فيس بوك
تويتر
انستقرام
يوتيوب
بنتيريست