أول حاجة خليني اثبت انو انا ما ضد الفكره في المجمل ولكن ضد الطريقة التي ستتم بها وضد بيع ارض السودان بهذه الطريقة لسبب بسيط وهوانو القروش المدفوعة ما حيستفيد منها الشرق ولا السودان وانما ستذهب الاموال الى كروش الحرامية والارزقية ..
دي حته مهمة وبعدها ممكن امشي لي قدام
03-16-2014, 09:52 PM
الامين موسى البشاري الامين موسى البشاري
تاريخ التسجيل: 08-09-2009
مجموع المشاركات: 15391
مساحة سودانا دا كبيرة جداً ومفروض نشجع اي نوع من الهجرة والاستوطان فيه اراضي السودان خصبه ومحتاجة الناس تعمرها .. بينما الدول الغربية تشجع الهجرات واستقطاب الطاقات البشرية نحن نقف ضدها ولكن يجب أن تكون الهجرات نوعيه وليس خم كما يحدث في حالة البدون
آخر احصائية مخجوجة للحكومة تقول: عدد سكان السودان حوالي 40 مليون عدد الرجال يساوي تقريباً عدد النساء إن لم يكن عددهن أكثر واذا قلنا إن عدد الرجال مساوي لعدد النساء واذا طلعنا الصغار ما هم دون الخامسة عشرة والعجزة والشيوخ سيكون عدد السكان حوالي 10 -12 مليون نسمة في مساحة كبيرة تحتاج الى من يعمرها
ونواصل ........
03-16-2014, 09:56 PM
الامين موسى البشاري الامين موسى البشاري
تاريخ التسجيل: 08-09-2009
مجموع المشاركات: 15391
يبقى مفروض نشجع الهجرات والتوطين من كل دول الجوار بشروط معينه كما يحدث في كل دول العالم المتقدم استقطاب نوعي يفيد البلد لو أن احدكم سافر بالبصات أو الحافلات وفي كل اتجاهات السودان لرأى بعينه تلك المساحات الشاسعة الغير مستغله .. اغلب الناس متكدسه في المدن فقط
03-16-2014, 09:59 PM
الامين موسى البشاري الامين موسى البشاري
تاريخ التسجيل: 08-09-2009
مجموع المشاركات: 15391
التوطين دا ممكن يكون حل ... ويخفي نغمة القبلية السائدة دي نجيب افارقة وعرب واسيويين وامازيق .. الخ الخ وندمجهم في المجتمع السوداني دا تطلع خلطة عجيبة جدا .. تذيب النعرات القبلية التي زرعتها الانقاذ صحيح المهاجر ممكن يستفيد من البلد ومن توطينه لكن ايضا البلد حتستفيد لو تم وضع شروط وضوابط معينة للمهاجرين .. مثلا نستقطب مزارعين ورعاة وصنايعية مهرة ونملكهم ورش ومزارع هم حيستفيدوا صاح .. ولكن السودان برضو حيستفيد..
03-16-2014, 10:18 PM
الامين موسى البشاري الامين موسى البشاري
تاريخ التسجيل: 08-09-2009
مجموع المشاركات: 15391
السودان بلد كبير وخيرو وفير رغم الحاصل والسودان احتضن الهجرات ووقف مع الانسان من اجل انسانيته واصبح دار هجرة للقبائل العربية المعروفة فى السودان واصبح دار هجرة للقبائل الغرب افريقية ومعروفه فى السودان واصبح دار هجرة للملاييين من الاثيوبيين والارترييين والتشادييين
السودان فى امكانه استيعاب هجرات جديده
03-17-2014, 07:56 AM
الامين موسى البشاري الامين موسى البشاري
تاريخ التسجيل: 08-09-2009
مجموع المشاركات: 15391
Quote: Abdelazim Mekki · الأكثر تعليقا · TU Berlin like كل شعوب الأرض ، ما عدا المصريين رد · أعجبني · متابعة المنشور · تم التعديل · منذ 9 ساعات
عبد العظيم
من نواحي الفيسبوك حبابك وشكراً على اللايك حتى المصريين يا عبد العظيم فيهم خير وفايده وخصوصا في الزراعة ما ينتجه الفدان الواحد في مصر لا ينتجه 10 فدادين في السودان بالاضافة الى التداخل الكبير بين السودانيين والمصريين فهناك اسر ممتده بين البلدين
تحياتي
03-17-2014, 07:59 AM
الامين موسى البشاري الامين موسى البشاري
تاريخ التسجيل: 08-09-2009
مجموع المشاركات: 15391
Quote: السودان بلد كبير وخيرو وفير رغم الحاصل والسودان احتضن الهجرات ووقف مع الانسان من اجل انسانيته واصبح دار هجرة للقبائل العربية المعروفة فى السودان واصبح دار هجرة للقبائل الغرب افريقية ومعروفه فى السودان واصبح دار هجرة للملاييين من الاثيوبيين والارترييين والتشادييين
بالضبط يا هندسه
ولسه السودان ممكن يستوعب الاخرين .. بس الناس تخطط صاح نحن متفقين بالكامل وخلينا نسمع ناس عاك وعييييييييك
كن بخير
03-17-2014, 08:04 AM
الامين موسى البشاري الامين موسى البشاري
تاريخ التسجيل: 08-09-2009
مجموع المشاركات: 15391
الشمالية فاضية والشرق فاضي وجنوب النيل الازرق فاضي وجبال النوبة فاضية كردفان فاضية ايضا .. بينما الناس متكدسه في الجزيرة ووسط السودان عموما الناس متكدسه في الخرطوم وفي المدن عموما دارفور واجزاء من كردفان المساحات واسعة وفاضية ويتقاتلون على الموارد هذه المساحات الفاضية غير مستغلة بالشكل السليم السودان نظريا سلة غذا العالم وغني بموارده الطبيعية فقط يريد من يستغلها ويستثمرها ...وقلة عدد السكان يقف حجر عثره في هذا الامر
03-17-2014, 09:03 AM
فتحي الصديق فتحي الصديق
تاريخ التسجيل: 06-17-2003
مجموع المشاركات: 6072
Quote: الشمالية فاضية والشرق فاضي وجنوب النيل الازرق فاضي وجبال النوبة فاضية كردفان فاضية ايضا .. بينما الناس متكدسه في الجزيرة ووسط السودان عموما الناس متكدسه في الخرطوم وفي المدن عموما دارفور واجزاء من كردفان المساحات واسعة وفاضية ويتقاتلون على الموارد هذه المساحات الفاضية غير مستغلة بالشكل السليم السودان نظريا سلة غذا العالم وغني بموارده الطبيعية فقط يريد من يستغلها ويستثمرها ...وقلة عدد السكان يقف حجر عثره في هذا الامر
لا يا البشاري ...السبب في عدم استثمار الأراضي الشاسعة مو قلة عدد السكان .. السبب هو استسهال قيادة الدولة واستهبال مواطنيها وخداعهم بمظاهر فارغة لا تمت للتنمية بصلة .. تمركز السكان في الخرطوم والجزيرة سببه الأساسي هو المشاريع التي انشئت فيها ..وتوفر سبل العيش الكريم .. وما تنسى يا الأمين ..السبب الأساسي في قيام الحرب في دارفور هو صراع على الموارد ..
03-17-2014, 04:37 PM
الامين موسى البشاري الامين موسى البشاري
تاريخ التسجيل: 08-09-2009
مجموع المشاركات: 15391
Quote: لا يا البشاري ...السبب في عدم استثمار الأراضي الشاسعة مو قلة عدد السكان .. السبب هو استسهال قيادة الدولة واستهبال مواطنيها وخداعهم بمظاهر فارغة لا تمت للتنمية بصلة .. تمركز السكان في الخرطوم والجزيرة سببه الأساسي هو المشاريع التي انشئت فيها ..وتوفر سبل العيش الكريم
اخونا زمان فتحي الصديق
تحيات بحجم الوطن الواحد ...
بل قلة عدد السكان هو السبب وليس هو السبب الأوحد طبعا 40 مليون في مليون ميل مربع .. الفكرة يا فتحي السودان ممكن يستوعب هجرات وتوطين العديد من سكان العالم مش عشانهم بل عشان السودان نفسه يا فتحي وللاسباب التي ذكرتها ال 40 مليون ديل نفسهم ما متوزعين توزيع صاح اغلبهم مكدس في المدن
Quote: وما تنسى يا الأمين ..السبب الأساسي في قيام الحرب في دارفور هو صراع على الموارد ..
ودا الغلط الاكبر وكنا قد ذكرنا ذلك سابقا هنا في هذا البورد دارفور أكثر مناطق السودان كثافة بعد الخرطوم .. صراع الموارد هو صراع بين المزارعين والرعاة ...لماذا؟ لأن الرعاة يتحركون من منطقة الى منطقة بحثا عن الكلأ لم يفكروا هم ولم تفكر الحكومات المتعاقبو في توطين الرعاة في مكان واحد الرعاة يذهبون آلاف الكيلو مترات بحثا عن الكلأ وصولا الى جنوب السودان منطقة بحر العرب واليك فوائد توطين هؤلاء الرعاة: 1. توفر فرص تعليم أكثر لابنائهم. 2. توفر العناية الصحية لهم ولحيوناتهم 3. ايقاف الاحتكاكات بسبب دخول حيوانات الرعاة مزارع المزارعين 4. المسافات الطويلة التي تقطعها الابقار والمواسي تجعل من لحمها قويا بسبب المشاوير. 5. الاستفادة من الالبان التي تنتجها هذه الحيوانات 6. الرعاة سوف يزرعوا ويبقوا مزارعين بعد الاستقرار والتوطين 7. المزراعين حيبقوا رعاة بعد أن يشاهدوا نجاح تجربة الرعاة في (6) اعلاه
شفته كيف؟!
ارض السودان بامكانها أن تسع ل 60 مليون شخص تاني .. والله صحي :)
تحياتي
03-17-2014, 04:39 PM
الامين موسى البشاري الامين موسى البشاري
تاريخ التسجيل: 08-09-2009
مجموع المشاركات: 15391
سننقل المعركـة للكويت لو ان الأخبار المتواترة صحيحـة..
فى خبث يحسدهم عليه الذئب، تامروا مع حكومـة الإنقاذ بليل.. لأنهم يعلمون لو أعلنوا ما نووه لمات فى مهده.. هـذا عمل ضـد القانون الدولى وهو يعـد إتجار بالبشـر.. لا تستطيع مقارنته بأفراد فارين من دول قمعية.. ولو البدون وغيرهم جاءوا كأفراد لا جئين فإن الحكومة السودانية ملزمة دوليا وأخلاقيـا أن تستوعبهم.. وقد أجرنا إرتريين وإثيوبيين بأكثر من هؤلاء.. ديل جايين اسياد بلد بجوازات سودانية قبل أن يروا السودان. هـذه مؤامرة وفى سـودانيين ساذجين لا يرون ابعـد من ارنبـة انفهم.. وقديما رحب السناريون بالأتراك حين راوهم مسلمين يصلون مثلهم.. ولكن النتيجـة كانت ان أدخل الأتراك القطط فى سراويلهم.
ما يحاك جريمـة قانونية بكل معانى الكلمـة، يعاقب عليها القانون الدولى.. أمريكا ما اشترت تراجى وابو الريش من حكومة السودان بعد مفاوضات سريـة.. الكويت عندها مشكلة تريـد ان تحلها على حساب السودان. وهـذا لن بكون إلا على جثثنـا... أعراب الكويت الأجلاف يريدون تصدير مشاكلهم الينا ببضع دريهمات..
السـودان متاخر ليس لأن السودانيين لا يعملون، ولكن لأن الحكومة لا تدعهم يعملون، لأن الحكومة نفسها لا تعملو وتتعيش على العاملين.. أمشى ابدا اى مشروع، تلقاهم يتربصوا بيك لحد ما يبقى على الإنتاج ثم ينقضون عليك مثل النمر على الفريسـة.. أسال نفسك لماذا خرب مشروع الجزيرة.. مزارع الجزيرة الذى كان يذهب للحواشـة دغش ولا يرجع إلا فى الليل.. تكالبوا عليه، وفرضوا عليه فوق طاقته.. حين فى أمريكا وغيرها المزارع له ميزات كبيرة جدا منها إعفاءات ضريبيـة، وضمان شراء محصوله من الدولة بسعر السوق، وتوفير كل البيئة الصالحة للعمل له.. أمشى افتح دكان، وقبل ما تبيع تلقى ناس المحلية وناس الوسا خة وناس وناس وناس وناس الزكاة وناس الجريح ... جيش من العاطلين.. تخيل زول عاطل والحكومة تقول ليه شيل من الناس ديل ونقسمها معاك.. أمشى المحطة الوسطى ام درمان، تلقى صفوف قاعدة فى طرف الشارع، من السادسة صباحا، فارشين كل واحد عدة شغله.. دا فارش طوريـة، وداك فارش أدوات نقاشـة.. منتظرين واحد عنده مشروع بنا يأخذهم.. لا تستطيع لوم السودانيين أبدا.
الان الموضوع دا اساسا بدأ بمؤامرة خدعوا فيها الشعب السودانى حين أخفوا عنه حقيقة إهتمام الكويت بشرق السودان، وأوهموا الشعب ان الكويت تبنت إعمار الشرق. وأى عمل يبدأ بخيانة وخبث لا ترجو منه خيرا أبداً.
تحياتي .. اتفهم حماسك وغيرتك على ارض الشرق كلامي لم يكن داعما لتوطين البدون في الشرق الموضوع اعمق واكبر ذات الهبة هذه قام بها ابناء الشمالية حين سمعوا بتوطين 5 مليون مصري في صحارى الشمالية وهي اراض غير مأهولة كان يمكن أن يستفيد منهم السودان في استصلاح الاراضي المهاجر ربما يعود الى موطنه الاصلي وتبقى الارض لأهلها ارجو النظر للموضوع من هذا الجانب وحريات ما تمسكك ضنب الككو ... والله صحي :)
03-17-2014, 09:56 PM
الامين موسى البشاري الامين موسى البشاري
تاريخ التسجيل: 08-09-2009
مجموع المشاركات: 15391
Quote: التحية لك يا امين على شجاعتك في تناول هذا الموضوع بهذه الكيفية والوضوح
نعم السودان قطر شاسع
ومعدل السكان فيه
لا يتجاوز 16 نسمة لكل كلم مربع
16 شخص في مليون متر مربع
نعم نحتاج لهجرات جديدة
ولكن هجرات نوعية
علي فكي يا صاح
تلك هي الرسالة لكل صاحب قلم .. الدول الغربية تدين بالفضل للكثير من المهاجرين الذين عمروها ونحن نحتاج لهجرات بلا غرض أو هوى في النفوس هجرات لمصلحة البلد فقط .. لا لتغيير ديمغرافية المناطق ولكن للاندماج من اجل البناء والتعمير .. والارض يعمرها الانسان
كن بخير
03-17-2014, 06:27 PM
Salah Habib Salah Habib
تاريخ التسجيل: 02-11-2013
مجموع المشاركات: 451
تحية نعم السودان ممكن يشيل تانى قدر عدد سكانه لكن السؤال : ابن الخدمات التى ستقدمها الدولة حتى يستقر المواطن فى مكانه بدون الخدمات سيضر المزيد للتكدس فى المدن الشرق قاحل ولا اتوقع ان يعيش فيه سودانى ناهيك عن كويتى !!
03-17-2014, 09:52 PM
Abureesh Abureesh
تاريخ التسجيل: 09-22-2003
مجموع المشاركات: 30182
Quote: نعم السودان ممكن يشيل تانى قدر عدد سكانه لكن السؤال : ابن الخدمات التى ستقدمها الدولة حتى يستقر المواطن فى مكانه بدون الخدمات سيضر المزيد للتكدس فى المدن الشرق قاحل ولا اتوقع ان يعيش فيه سودانى ناهيك عن كويتى !!
الاخ صلاح، سلام..
يا اخى الكريم الموضوع ما يتناقش من الحتة دى.. الكلاد دا يورى إنسان طيب ومسالم وحسن الظن بالناس ...الخ ولكننا نعيش فى عصر العلم، ولابد من تطبيق قواعد العلم فى كل خطوة نخطوها.. قالوا الناس ديل جايين مهاجرين.. طيب دا ما موضوع خطير حتى على نطاق الأفراد.. المهاجر لأمريكا لازم ينتظر على الاقل عدة سنوات، لحد ما يتحروا عنه، ويعرفوا خلفيتـه وافكاره وميوله والحتات المشى ليها.. اى شئ عنه يدرسوه.. الحكومة الناس ديل قبل ارجلهم يضعوها فى السودان جيدوهم جنسيات.. حيجوا اسياد بلد وممكن من اول يوم يقولوا ليك إتفضل.. وهم جايين يقوشهم ممكن يرشوا اكبر دقن ويستولوا على مفاصل الإقتصاد.. هـذه واحدة.
ثم
هم جايين بمشاكل.. عندهم احقاد وضغائن ومشاعر عدوانية مكبوتة عبر السنين ضـد الكويتيين البقوموا ويقعدوا على كيفهم.. ولو جائوا هنا فسوف تتعقد هـذه المشاعر وتتأجج خصوصا ان لا رقيب عليها كما فى السابق.. وممكن يفجروا السفارة الكويتية فى الخرطوم.. ناس جايين (بنفسيات) وعارفين ان جيتهم هى نفى وإبعاد.. انت لا تتعامل مع دواليب خشب انت تتعامل مع إنسان له احاسيس ومشاعر وكرامـة..
03-17-2014, 10:17 PM
الامين موسى البشاري الامين موسى البشاري
تاريخ التسجيل: 08-09-2009
مجموع المشاركات: 15391
Quote: الشرق قاحل ولا اتوقع ان يعيش فيه سودانى ناهيك عن كويتى !!
صلاح حبيب
تحياتي يا حبيب .. لو استوعب أهل الشرق كلامك هذا لما اراقوا قطرة حبر في هذا المكان البدون سوف لن يخرجوا من الكويت ولا يمكنهم العيش في الشرق بسبب الظروف التي نعلمها ويعلمها الجميع وتجربة الفلسطينيين لا نزال نذكرها حينما هتفوا الميدان ولا السودان
كن بخير
03-17-2014, 10:40 PM
Abureesh Abureesh
تاريخ التسجيل: 09-22-2003
مجموع المشاركات: 30182
Quote: المهاجر ربما يعود الى موطنه الاصلي وتبقى الارض لأهلها
شكرا يا الامين..
موطنو ياتو.. قالوا ليكم بدون.. يعنى ناس بدون وطن.. والكويت ما حتصدق انهم عادروا تانى لن يسمحوا لهم بالدخول ابدا..
Quote: الشرق قاحل ولا اتوقع ان يعيش فيه سودانى ناهيك عن كويتى !!
إتخذ قرارك وفق دراسـة واستراتيجية ويكون نابع منك، وليس بناء على إفتراضاتوتوقعات.. الشرق قاحل بالنسبـة لنا.. لكن تعال جيب مصريين كان ما سووه جنة ورفضوا العودة.. المياه الجوفيـة فى الشرق على عمق متر واحد، وهى مياه عذبة وغنيـة بالمعادن.. إضافـة للمواشى.. ودلتا طوكر اخصب دلتـا فى العالم، وتيلة القطن اطول من متر.. اطول تيلة فى العالم.
القول الاخير: هـذا عمل إجرامى وإتجار بالبشــر، كل إنسان يجب ان يقف ضده، لمصلحـة السـودان اولا، ثم لمصلحـة البدون أنفسهم، لأن ارضهم الكويت وليس السودان.
03-17-2014, 10:47 PM
الامين موسى البشاري الامين موسى البشاري
تاريخ التسجيل: 08-09-2009
مجموع المشاركات: 15391
Quote: موطنو ياتو.. قالوا ليكم بدون.. يعنى ناس بدون وطن.. والكويت ما حتصدق انهم عادروا تانى لن يسمحوا لهم بالدخول ابدا..
أول حاجة صدقني لا حيجي بدون ولا مع الكويت في مرمى نيران منظمات حقوق الانسان وتتابع هذه المنظمات قضية البدون الكويت نفسها محتاجة لكلامي القلتوا عن السودان .. بلد صغيرة ومحتاجة لزيادة عدد السكان .. المشكلة الاستعلاء على هؤلاء في الكويت فما تخاف البدون سوف لن يعيشوا في السودان .. والله اعلم
03-18-2014, 10:24 AM
الامين موسى البشاري الامين موسى البشاري
تاريخ التسجيل: 08-09-2009
مجموع المشاركات: 15391
Quote: ولد ابا البشارى ما تمسك ضنب الككو .حكاية البدون دى فبركه جداده ولا جراده الكترونيه حتى يشغلوا بها الناس .كلام لا يدخل العقل السليم !!البدون من النعيم الى الحجيم !!ووين ,,فى الشرق كمان.
ول ابا صديق
تحياتي .. ابلاي برقبتو بربطو من ضنبو مالو؟ ماف ضنب ككو ولا تقل يا ول ابا اتناول القضية هنا من منظور عام علينا تشجيع الهجرات الى السودان
كن بخير
03-18-2014, 01:02 PM
Abureesh Abureesh
تاريخ التسجيل: 09-22-2003
مجموع المشاركات: 30182
يعم يا الامين، انا شخصيا كنت ولا زلت اشجع الهجرة للســودان.. ولكن لا بد من تخير المهاجرين..
1- لا يمكن ان تسمى هجرة ناس جايين لحل مشاكل ناس تانين، وما تعرف حيتصرفوا كيف لما يجوك.. عندهم احقاد وتارات وأنت تعرف العرب.. 2- العملية نفسها جريمـة و ضـد القانون الدولى، وتعتبر إتجار بالبشــر (ما قاعدين تناقشوا النقطـة دى وهى امتر من كافية لرفضهم) 3- (الناس ديل اساسا ما حيجو) دا ما رأى تبنى عليه قرار خطير مثل تأييد دخولهم.. لو حيجو أو ما حيجو، انت لا بد يكون عندك رأى سـديد وموقف محدد من العملية 4- رفض الدول إستقبالهم حتى فى هجرات فردية، سيقوى موقفهم فى الداخل وسيزيد الضغط على حكومـة الكويت فى التعجيل فى ترتيب اوضاعهم وقبولهم كمواطنين.
03-18-2014, 03:56 PM
الامين موسى البشاري الامين موسى البشاري
تاريخ التسجيل: 08-09-2009
مجموع المشاركات: 15391
Quote: يعم يا الامين، انا شخصيا كنت ولا زلت اشجع الهجرة للســودان.. ولكن لا بد من تخير المهاجرين..
تحياتي يا ابو الريش
طيب نحن متفقين تب ومافي بيننا خلاف البوست ليس مخصص لتوطين البدون فقط البوست بوست عام يتكلم عن تشجيع الهجرة الى السودان بهدف زيادة عدد السكان هجرة نوعية ومقننة وبخطط معدة بواسطة الدولة يا ابو الريش وهجرة نوعية دي فيها كلامات كتارات .. الكيف يا ابو الريش بكون مضمن داخل الكم واصلا ما ممكن توطن 100 ألف كلهم يكونا بنفس الدرجة من الذكاء والمهارة .. الخ الشرق ارض خصبة وغنية بالخيرات واهلنا في الشرق ديل لو حسوا بشوية منافسة من مهاجرين يستطيعون فلاحة الارض واستغلال خيراتها سيتركوا شرب الجبنه وينزلوا للشغل بجد وهمة والمثال ليس مقصور على الشرق بل للشمال والجنوب ودارفور وكردفان بل كل السودان قضية البدون تماثل ترحيل الفلاشا ايام نميري الجديد تغير موقف السودان من مهجر الى مستقبل خلينا ننظر للأمور نظرة كلية وأكثر ما يعيب ساسة السودان هو عدم التخطيط وتغير الخطط بتغير الحكومات والله صحي :)
كن بخير
03-18-2014, 03:17 PM
صديق عيسى صالح صديق عيسى صالح
تاريخ التسجيل: 08-26-2009
مجموع المشاركات: 876
تحياتي .. ابلاي برقبتو بربطو من ضنبو مالو؟ ماف ضنب ككو ولا تقل يا ول ابا اتناول القضية هنا من منظور عام علينا تشجيع الهجرات الى السودان
ول ابا اذا نحن السودانيين اللينا مئات السنين ما تحملنا العيش مع بعض وننعت بعضنا ديل اولاد بلد وديل اغراب تفتكر البدون يقدروا يعيشوا معنا فى وطن واحد ؟دا بافتراض ان الموضوع فيه شئ من الحقيقه.
03-18-2014, 04:00 PM
الامين موسى البشاري الامين موسى البشاري
تاريخ التسجيل: 08-09-2009
مجموع المشاركات: 15391
Quote: ول ابا اذا نحن السودانيين اللينا مئات السنين ما تحملنا العيش مع بعض وننعت بعضنا ديل اولاد بلد وديل اغراب تفتكر البدون يقدروا يعيشوا معنا فى وطن واحد ؟دا بافتراض ان الموضوع فيه شئ من الحقيقه.
قبل كم يوم قريت انو البرلمان حيعمل مؤتمر عشان الهوية ضيعنا عمرنا كلو في الهوية .. نص عرب ونص افارقة اها خلينا نخلطها كلها عرب وافارقة وامازيق واسيويين وخواجات يمكن نقدر نتعايش بعدها ...
كن بخير
03-18-2014, 01:13 PM
محمد مجيدو محمد مجيدو
تاريخ التسجيل: 07-06-2013
مجموع المشاركات: 2392
الاخ الامين وضويفك الكرام السلام عليكم .. لا اعتقد ان هذه الفكره سوف تصبح حقيقه ( مجرد اشاعه ) وهو توطين البدون من الكويت للسودان ... وكما قال لك الاخ ابوالريش ان هذه جريمه في حق الانسانيه يعاقب عليها القانون .. اما اذا احضروا بجنسيتهم الكويتيه فمرحبا بهم ...
تصدق يا امينوو .. انا بالرغم من تواجدي بالمملكه لفتره طويله الا انني اول مره اعرف ان هناك بدون في السعوديه ؟؟؟ الاسبوع الفات كنا نبحث عن عمالة رخيصه للعمل لدينا في المصنع .. واقترح علي احد الاخوان ان نستيعن بالخيرخيرين ... قلت له ومن هم ؟؟ قال لي .. ديل مواطنين (بدون ) من اهالي منطقة خرخير .. ( جنوب المملكه ) وهي منطقة متاخمه مع الحدود الامارتية العمانية ... ( متنازع عليها ) وتعمدت السعودية عدم الاعتراف بهم نسبة لمشاكل الحدود مع تلك الدول ... المهم جبنا الناس دي والان شغاله عندنا باجور متدنيه جداً .. مثلهم ومثل البنغال ... تحدثت مع احدهم وقال لي .. معظمنا رعاة .. لم نتعلم ... ولا توجد لدينا مدارس كثيره .. والمنطقه نائية جدا ً ... عمدة البلد كاتب لكل شخص ورقه ( كشهاده ) بانه مواطن درجه ثانية ... ومافي حد بيسالو من الشرطه وخلافه ...( يبدو انهم معروفين ) ولهم اكثر من لهجه محليه ( رطانه ) ولونهم اقرب الى السمار .. وبسفوا صعوط ... ما علينا ... معليش طلعت بيك بره موضوعك ...
تحياتي ,,,
03-18-2014, 04:36 PM
حماد الطاهر عبدالله حماد الطاهر عبدالله
تاريخ التسجيل: 06-29-2006
مجموع المشاركات: 2159
م. اللمين تحياتي فعلا السودان بلد كبير ومتنوع جغرافيا، وكل منطقة جغرافية تصلح لنوع محدد من السكان، لذلك يلزم دراسة فنية ومن ثم فتح باب الهجرة مثلما يحدث بدول الغرب، مع تجاوز بعض الشروط لسهولة دخول البشر (الخام) من كل الجيران، وزيادة عليهم البدون من كل الخليج.
تعليق لما هو خارج النص:
Quote: السبب الأساسي في قيام الحرب في دارفور هو صراع على الموارد ..
إن كنتم تقصدون فرية صراع الراعي والمزارع، فإنها ليست سبب الحرب الحقيقي، وإنما الطمع في إقتسام السلطة والثروة بواسطة ساسة، والدليل إستمرار الحرب كل هذه المدة، والمزارع ليس في أرضه وإنما هو نازح ومشرد، والراعي توقف عن الترحال البعيد.... وهما لا يلتقيان فلماذا تستمر الحرب؟؟؟
03-18-2014, 10:52 PM
الامين موسى البشاري الامين موسى البشاري
تاريخ التسجيل: 08-09-2009
مجموع المشاركات: 15391
Quote: فعلا السودان بلد كبير ومتنوع جغرافيا، وكل منطقة جغرافية تصلح لنوع محدد من السكان، لذلك يلزم دراسة فنية ومن ثم فتح باب الهجرة مثلما يحدث بدول الغرب، مع تجاوز بعض الشروط لسهولة دخول البشر (الخام) من كل الجيران، وزيادة عليهم البدون من كل الخليج.
نعم السودان يحتاج الى الهجرات ونحن بطبعنا الكريم داك ممكن نستقبل ونتعايش معاهم المهم التخطيط الجيد للاستفادة من الهجرات هذه
Quote: إن كنتم تقصدون فرية صراع الراعي والمزارع، فإنها ليست سبب الحرب الحقيقي
معليش هي ليست فرية يا حماد الكثير من المشاكل في دارفور سببها المرعى وقلة الموارد وددت لو انك علقت على جانب توطين الرعي والنقاط التي ذكرتها الراعي البسيط لا يعرف من يحكمه احيانا ولو عرفه سيعرف اسمه فقط دون الاهتمام بالتفاصيل
كن بخير
03-18-2014, 04:43 PM
Abureesh Abureesh
تاريخ التسجيل: 09-22-2003
مجموع المشاركات: 30182
1- أولا السودانين ليسوا كسالى.. ولكن الحكومة تمسك يدهم (عمليا) أن يعملوا.. كم وكم جاء من الغربة متحمس لإستثمار ما وفره، وكان النتيجة فر بجلده.. فالخطوة الاولى هى إطلاق يد السودايين ليعملوا وتحريرهم من الجبايات وإبتزاز أجهزة الدولة المختلفة كلما حاولوا يعملوا قرشين.. أعطوا السودانيين 10% فقط من الإمتيازات التى تعطى للشوام والاتراك اليوم ليستثمروا فى السودان.
2- الإستثمار له قواعد وقوانين معروفـة.. يجب ان تتبع إجراءاتها وتطبق على كل الأجانب.
3- إستيعاب مهاجرين جدد يجب ان يكون وفق خطة قوميـة..وليس مزاج افراد.. تحدد نسب للدول حتى تكون موازنة فلا تطغى قومية على اخرى، وهـذا مهم للأمن القومى.. وأكثر من طور السودان هم الافارقـة، ولولاهم لما قامت لمشروع الجزيرة قائمة.. خصوصا فى الحصاد.
4- اهل الشرق مواردهم منهوبة، الذهب منهوب، دخل الميناء منهوب.. حتى البقرة الحلوب توفر لها العلف.. فلا علاج فهم نهب لكل الامراض، وفقر مدقع، وعدم تعليم.. فلا تستطيع ان تلومهم أبدا.. كدولة وفر لهم العلاج والتعليم والخدمات الاساسية الضرورية للحياة، ثم امسك يدك عنهم، بعدين شوف لو ما فلقوا الحجر واخرجوا منه الماء.
5- ما يقل عن ترحيل البدون هو إتجار بالبشـر، وجريمـة قانونية، بصرف النظر انهم سيقبلوا الترحيل ام لا، فقرارهم لا وزن له.. هـذه جريمـة يجب ان ترفض من أى سـودانى.. أى سودانى يجب ان يعبر عن رفضـه أولا، ثم يقول ما شاء من انهم سيقبلوا ام لا فى إطار تعليقات جانبيـة فقط..
03-18-2014, 11:08 PM
الامين موسى البشاري الامين موسى البشاري
تاريخ التسجيل: 08-09-2009
مجموع المشاركات: 15391
Quote: - أولا السودانين ليسوا كسالى.. ولكن الحكومة تمسك يدهم (عمليا) أن يعملوا.. كم وكم جاء من الغربة متحمس لإستثمار ما وفره، وكان النتيجة فر بجلده.. فالخطوة الاولى هى إطلاق يد السودايين ليعملوا وتحريرهم من الجبايات وإبتزاز أجهزة الدولة المختلفة كلما حاولوا يعملوا قرشين.. أعطوا السودانيين 10% فقط من الإمتيازات التى تعطى للشوام والاتراك اليوم ليستثمروا فى السودان.
لم أذكر لا في هذا البوست ولا غيره أن السودانيين كسالى ولذلك لا بد من الهجرات هناك بعض المناطق يا ابو الريش لا توجد بها دولة اصلا في خلاء الله الواسع اراضي شاسعة غير مستغلة فلماذا لا يتم توطين مهاجرين فيها من فوائد الهجرات ايضاً تبادل الخبرات بين السكان الاصلين والمهاجرين في آخر اجازة لي بالصدفة كنت اجلس في صالة المغادرة بجانب مصريين كان احدهم يحدث الآخر ويبدو أنه جاء ولم يكمل عشرة ايام فطفق عائدا وهذا المصري المستعجل كان يحدث جليسه بانه لم يجد في السودان ما كانوا يحدثونه عنه قبل مجيئه فرد عليه الآخر بأن البلد مليانه خير وأن متوسط دخله في اليوم ما بين 150- 250 دولار يكسبها من مهنة النقاشه فاتحداك تجيب لي صناعي سوداني يتحدث عن نصف هذا المبلغ المسألة ليست كسل وانما ارتباطات كثيرة تشغل ود البلد عن العمل مجاملات افراح واتراح مسؤوليات ومشاغل كثيرة عايز يلعب كورة ويمشي السينما .. الخ الخ ذلك هو الفرق يا حبيب
Quote: 4- اهل الشرق مواردهم منهوبة، الذهب منهوب، دخل الميناء منهوب.. حتى البقرة الحلوب توفر لها العلف.. فلا علاج فهم نهب لكل الامراض، وفقر مدقع، وعدم تعليم.. فلا تستطيع ان تلومهم أبدا.. كدولة وفر لهم العلاج والتعليم والخدمات الاساسية الضرورية للحياة، ثم امسك يدك عنهم، بعدين شوف لو ما فلقوا الحجر واخرجوا منه الماء.
اراك تحشر اهل الشرق وتدافع عنهم واتفهم دوافعك جيدا يا حبيب اذكر أن ايلا أو غيره من ابناء الشرق قد زج باهل الشرق للعمل في الميناء فاحسسنا بفرق كبير في اجرة الشحن والتفريغ بالاضافة الى تركهم العمل لشرب القهوة .. الخ هذا ليس ذنبهم بالطبع هي هي حياتهم وطبيعتهم ولا يمكن تغييرها بسهولة نفس الشئ ينطبق على بقية ولايات السودان واهله
نحن متفقين لا لصفقة توطين البدون في الشرق السودان محتاج لهجرات نوعية ومخطط لها
كن بخير
03-18-2014, 10:43 PM
الامين موسى البشاري الامين موسى البشاري
تاريخ التسجيل: 08-09-2009
مجموع المشاركات: 15391
Quote: تصدق يا امينوو .. انا بالرغم من تواجدي بالمملكه لفتره طويله الا انني اول مره اعرف ان هناك بدون في السعوديه ؟؟؟
مجيدووووو يا صاحب
مرحبا بك في هذا الخيط .. نعم يا مجيدو هناك بدون في السعودية وهؤلاء بدو عايشين مع سعيتهم لم ينتبهوا ولم يهتموا باستخراج الاوراق الثبوتية الى أن استعصى استخراجها هناك في نجران الكثيرين بدون هويات بسبب التداخل بين السعودية واليمن
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
الامين موسى البشاري
وضاح عبدالرحمن جابر
فتحي الصديق
علي محمد الفكي
Abureesh
صديق عيسى صالح
محمد مجيدو
حماد الطاهر عبدالله
فيس بوك
تويتر
انستقرام
يوتيوب
بنتيريست