|
|
|
 Re: التسوي بايدك يغلب جنجويدك....!!! (Re: ismeil abbas)
|
| Quote: الجماعة دى بتفكر قدر مد أرجله....ليس هناك خطط ودراسات لمصلحة الوطن..كل شىء آنى...وإذا فى تخطيط يركز لأستمرار حكمهم..الله يكون فى العون |
هلا يا اسماعيل وحياك الغمام والله
ونعم يا اسماعيل القصة كلها بقت ورجغة في دغمسة في استهبال في هبتلي
والامور قعدت في الصقيعة في كل النواحي..
والشي البداء مكوجن كل يوم بزيد في الكوجين
وبكل اسف هذا هو وضع البلد الان
| |
  
|
|
|
|
|
|
|
|
Re: التسوي بايدك يغلب جنجويدك....!!! (Re: عبدالعظيم عثمان)
|
| Quote: البلد المحن لابد يلولوي صغارن |
هلا يا ياعبد العظيم وحبابك
وفعلا بني كوز رعو المرافعين وهاهي الان تنطلق لكي تاكلها وهي بضاعتهم ردت اليهم
ولسسع يا عبد العظيم القادم سيكون فادح وان لم تذهب هذه السلطة العنيدة العربيدة
| |
|
|
|
|
|
|
|
|
|
Re: التسوي بايدك يغلب جنجويدك....!!! (Re: عبدالكريم الامين احمد)
|
Quote:
أبو سارا · الأكثر تعليقا · Khartoum university School of management
ثبت الحقوق الفكرية للزول السرقتو منو العنوان بلاش اونطجيه معاك ...عمل رائح لما اشار المتداخل للعنوان ....ماتقول ماحقى وثبت حق الناس ....طبعا بتحاول تجدع ليك كرسى كرسين تصحى بيهم البوست كالعادة ....اجدع اجدعك الجيلى .... |
هلا محمد عبدالرحمن
وليه يا زول البهتان والتجني البلوشي علي الاخرين ... في شنو يازول الشديد القوي البخليك تلبد بتحت وانت زول عندك باصوريد في هذا المنبر وبتمارس عبر النفاح التحتاني المفترض يكون معول اضافي للجدل والنقاش وليس وكر بتاع بهتان
اها العنوان ده استيتس كتبتو انا في الفيس بووم 9-03-2014 في الفيس بوووك..
Quote: ..
.
عبدالكريم الامين
9 March
.
التسوي بايدك بغلب جنجويدك
|
______________
اها حتجيب من جوووه ولا ارشك ببرنت اسكرين هههههههههه
| |
|
|
|
|
|
|
|
|
|
Re: التسوي بايدك يغلب جنجويدك....!!! (Re: حسن ادم محمد العالم)
|
Quote: كيكي والله مشتاقين كثير وشديد
كبر ضد موسي هلال
وموسي هلال ضد حميدتي
هل تعتقد ان تلك الديربيات التي نشاهدها في نواحي فاشر السلطان وتمنح اهل دارفور الهلع والموت والتمزيق ايمكن ان تنتقل الي استاد الخرطوم
وبقية ملاعب بلادي ام ماذا بعد |
اوووووووووووه حسن ادم
ومنور والله سودانيز وكده الزول حيكون عينه قوية وسنو ملوية كون اولاد اهلي يتقاطرون صوب هذا المكان هههههههههه
واثق تماما يا حسن بانك ستكون اضافة حقيقية لهذا المكان الذي اتمني ان يطيب لك فيه البقاء... وشوق شديد والله
--
الديربي يا حسن سنياروهاته مفتوحة علي كل الاحتمالات والخرطوم لن تكون في مامن علي الاطلاق من هذه الكركبات وتداعياتها
وكل الشوق يا ابو علي وتحياتي وتقديري
| |
|
|
|
|
|
|
| |
عبدالكريم الامين احمد
ismeil abbas
عبدالعظيم عثمان
حاتم محمد عثمان
فيس بوك
تويتر
انستقرام
يوتيوب
بنتيريست