|
|
 نداء هام لهؤلاء المتسربعين
|
والمتسربعين هم الذين يدخلون بوستات الآكشن ليخمدوها..
فيا اخوانا خلوا الناس تمارس حياتها الطبيعية ويعبروا عن مكنوناتهم دون كبت أو حجر.
كل الفضائيات والجرايد وحتى الضللة بكل مواقيتها ستبور إن لم تجد أخبار آكشن تقتات عليها..
أنا بعرف كم عضو هنا قبل مايدخلوا المنبر برسلوا إيميلات عنوانها:
الليلة اللخ وين؟
ياخى أنا كرهت برنامج الاتجاه المعاكس من مابقى بارد
آخر حلقة كيفتنى بين استاذ الجامعة من بيروت واحد المعارضين السوريين
واحسن لقطة فى النهاية لما رشاه بباقى الموية واستاذ الجامعة تلفظ كأحسن من اى سربوط فى سودانيزاونلاين.
فيا اخوانا الله يهداكم ويصلح بالكم ماتمسخوا علينا المنبر بنزع الملح من الملاح.
|
|
  
|
|
|
|
|
|
|
 Re: نداء هام لهؤلاء المتسربعين (Re: Balla Musa)
|
يادكتور سلام كمان الجودية عندها شرووط مامطلوبة ساهي
والاجواد هو كبير القوم وعشا الضيفان وزول صادق
لكن يجوك ناس هناي وهناي وانا بدين الاسلوب. ده
لكن انت تقول كدي ليه الله يسالك ده اجواد ده زول
خماج حوض وعايز يناصر صاحبه لكن الاجواد هنا
معروفين لهم التحية
-----------
كان في واحد عريس جديد والعروس والعريس في الفندق
طلع يتمشا في الحدائق ويتفسح اها العروس لقت جماعة
من اهلها في الحدايق بعد الونسة والمطايبة اها العريس
قال ليها نرجع قالت لا انا ماشا اهلي وحصلت المشكلة
والعروس رجعت اهلها والعريس رجع اهله وكبر الخلاف
وطالبت العروس بالطلاق بعد مرور. من الزمن
اها جو ناس الجودية قالوا يمشواللعرييس عشان
يطلق وبعد المشاورات بينهم اتوكلوا امشوا ليه في
البيت لكن الوفد ناقص شخص من اصحاب الراي
والجودية الحقيقية قالوا امشوا يكلموه ويسوقوا
معاهم حسب مكانته
وذهبوا له وفد كبير وقابلوه واكرمهم وماعارف
حاجة قال ان شاء الله خير قالو خير تب دائرنك
تمشي معانالي فلان عشان نحل المشكلة قال
ليهم عديلة اها الحلل كيف قالوا ليه نمشي
للزول ده ويطلق قال كلام عديل ياولد جيب
العمة اها قبل مانصل الزول. ده ونقول ليه
طلق مرتك نحن كلنا نطلق النسوان حقاتنا
وهو يطلق. زينا لكن بدون نطلق انا مابمشي
لي راجل اقول له طلق مرتك
| |
|
|
|
|
|
|
|
|
|
Re: نداء هام لهؤلاء المتسربعين (Re: Balla Musa)
|
Quote: والمتسربعين هم الذين يدخلون بوستات الآكشن ليخمدوها..
فيا اخوانا خلوا الناس تمارس حياتها الطبيعية ويعبروا عن مكنوناتهم دون كبت أو حجر.
كل الفضائيات والجرايد وحتى الضللة بكل مواقيتها ستبور إن لم تجد أخبار آكشن تقتات عليها.. |
دكترة يا دكترة
ما تخمنا ساااااى
نعم ( الكماج ) الكان حاصل في بوست الخضر قد ( حرر ) سوق البوست وقفز بيهو قفزة ( نوعية ) ليكون من صفحتين - في عين الحاسدين -
قول بالواضح عاوز الشغلانية تستمر و (البورة ) تفك ..... .....
في نهاية الثمانينات كنت أعمل في شركة مقاولات
جاء أحد الزملاء المهندسين من السودان في زيارة ... وتصادف مع زيارته تطبيق تجربة جديدة لـ ( الإزالة الآمنة ) للعمارات متعددة الطوابق باستخدام تقنية جديدة
أخذته لموقع العمارة المراد إزالتها... كان أول ما لفت نظره أن العمارة ( بمقاييس السودان ) جديدة وقابلة للإستخدام لسنوات وسنوات وكيف يزيلوها " ودا والله العظيم بطر منكم "
قلت له - بعقلية المقاول - " ياخ خليهم يزيلوها عشان نحن نعرف نشتغل ونبنيها ليهم تاني "
فأجابني بعد أن تأمل إجابتي
" على كدا يا أبو الصحب لو جاكم زلزال هنا ورقد العمارات دي كلها واطة ح تكون أسعد زول "
| |
|
|
|
|
|
|
|
|
|
Re: نداء هام لهؤلاء المتسربعين (Re: ملهم كردفان)
|
الظاهر انو د بلة اعتمد اسلوب جديد في افتراع البوستات
الشيئ الذي يعني تحريك السوق!
يا دكتور .. والله نحن من المعجبين .. يا اخي عليك الله ما تنفرنا
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
يقول المثل عندنا (وفي بوستات د بلة يجد حمقاء القوم ضالتهم!!)
| |
|
|
|
|
|
|
|
|
|
Re: نداء هام لهؤلاء المتسربعين (Re: محمود على)
|
| Quote: يقول المثل عندنا (وفي بوستات د بلة يجد حمقاء القوم ضالتهم!!) |
انا شخصيا خاشى بوست دكتور بله ده محبه ساى كده
غايتو شوف حمقاء القوم وين يامحمود على .........
احترامى
| |
|
|
|
|
|
|
|
|
|
Re: نداء هام لهؤلاء المتسربعين (Re: محمود على)
|
| Quote: يقول المثل عندنا (وفي بوستات د بلة يجد حمقاء القوم ضالتهم!!) |
شوية توضيح لا يضير!
طبعاً عندنا في السودان في ناس بيعتقدوا ان معني الحماقة هي الانفعال
اي عندما يقولون فلاناً أحمق يقصدون بأنه سريع الانفعال
وهذا ليس صحيحاً
المعني الاصح لعبارة (أحمق) نستعرضه في المعجم التالي
Quote: المعجم: الرائد
أحمق :
- قليل العقل ، فاسد الرأي ، جمع : حمق وحمق وحمقى وحماق وحماقى وحماقى ، مؤنث حمقاء .
المعجم: الرائد
أحمق - أحْمَقُ :
ح : حُمْق ، حَمْقَى . مؤ : حَمْقَاءُ . جمع : حَمْقَاوَاتٌ . [ ح م ق ]. ( صف ).
" إنهُ أَحْمَقُ الحَيِّ " : رَجُلٌ قَلِيلُ العَقْلِ فَاسِدُ الرَّأْيِ ، يَأْتِي بِأعْمَالٍ لاَ مَعْنَى لَهَا . " نَظَرَ بَعْضُ الحُكَمَاءِ إِلَى أَحْمَقَ عَلَى حَجَرٍ فَقَالَ : حَجَرٌ عَلَى حَجَرٍ "( الأبشيهي ) " يَتَصَرَّفُ تَصَرُّفَ الغَبِيّ الأَحْمَقِ " " كل مَنْ رَآها يَعْتَقِدُ أنَّهَا حَمْقَاءُ ". |
| |
|
|
|
|
|
|
|
|
|
Re: نداء هام لهؤلاء المتسربعين (Re: محمود على)
|
يا دكتور انت متعود بتفتح بوستات ساخنة وبتمشي تنوم نوم غرير العين!!!
هههههههه ... والله صحي علي قول ول ابا البشاري
قولنا ندفر ليك البوست شوية شوية احتمال نقدر نوصلو للصفحة التانية!
| |
|
|
|
|
|
|
|
|
|
Re: نداء هام لهؤلاء المتسربعين (Re: محمود على)
|
تصدق يا دكتور بلة إنو في لحظات الفراغ والملل وعدم الموضوع نبحث عن هذه البوستات التي لا ينفصل ملحها عن ملاحها لأن فيها من التسلية الشئ الكثير.
بعض الأخوة /الأخوات هنا عندما يشمروا عن سواعدهم لا يجدي معهم (أجدع المتسربعين) نفعاً.
لذا دع المتسربعين وشأنهم فلن تتوقف طاحونة سودانيز أونلاين عن الدوران.
وودعناك الله
| |
|
|
|
|
|
|
|
|
|
Re: نداء هام لهؤلاء المتسربعين (Re: حاتم محمد حاج المهدي)
|
Quote: ماهو يادكتور محمود على قليل الرأى فاسد العقل ده
لو ختبنا ظروف نفسيه معينه وضغوط غير عاديه ليهو
ممكن يحصل ليهو بريك داون أوكراش ويبقى مجرد احمق
حتى لو
وصل لى مراحل غايه فى السمو من المعرفه ...
وقابلتنا الكثير من الأمثله
فى عنجهيه وتعالى المثقفين والمتعلمين الذين يعانون من فصام اجتماعى
غالباً مايقودهم الى التحرش وإلقاء الكلام على عواهنه
والمفروض كلما إزداد علم الإنسان إزداد تواضعه لأنو التحت منو محتاجين ليهو
احترامى |
انت عارف يا صديق
ولهذه الاسباب اري ان معظم الشعب السوداني محتاج لطبيب نفساني (Psychiatrist)
مودتي
| |
|
|
|
|
|
|
|
|
|
Re: نداء هام لهؤلاء المتسربعين (Re: حاتم محمد حاج المهدي)
|
جلاص يادكتور نخلى النقاش من منطلق الجديه بتاعتك
وخوفك على انو دكتور بله يتعرض لى هجمات المتحرشين
لأنو فتح على نفسو نفاج من المحتمل ان ينحرف ...
هل تفتكر يادكتور ...انو دكتور بله ما واسع الحيله وذو حنكه فى إداره بوست فتحتو ؟؟
وهل تعتقد ان شخصيه دكتور بله ممكن يلمسا زول ونحنا نعاين ساى كده من غير مانستنكر ونشجب ؟؟؟
لا يادكتور البرالمه حبشكلوا فرق بإذن الله
تحليه ...
معذره ان كانت هذه بداية معرفتنا
فكثير مايحدث سوء الفهم منى جانبى لحساسيتى الفائقه
ولكنى حريص على معالجته ما أخطىء يشأنه
بطريقه تليق بالأخر قبل ان ينحرف نقاشى معه
مع كامل احترامى لشخصكم الكريم ...
...
| |
|
|
|
|
|
|
|
|
|
Re: نداء هام لهؤلاء المتسربعين (Re: ملهم كردفان)
|
Quote: انت عارف يا صديق
ولهذه الاسباب اري ان معظم الشعب السوداني محتاج لطبيب نفساني (Psychiatrist)
|
عليك الله الحقنى بى احد سريع يادكتور عشان ما احصل امات طه
متى يحتاج الإنسان الى طبيب نفسى
وهل على الإنسان الذى يعتقد انه ماعندو اى حاجه يراجع طبيبو النفسى؟؟؟
احترامى
| |
|
|
|
|
|
|
|
|
|
Re: نداء هام لهؤلاء المتسربعين (Re: ملهم كردفان)
|
Quote: لاعليك ياباشمهندس فتحميل الأمر قد افادنى بمعرفتك وتعاملك الحميل
بالله ده ماذاتو مكسب الواحد يتعرف عليك حصل خير
احترامى |
وانا كذلك يا حبيب
كنت وما زلت من المعجبين لما يخطه قلمك الرصين واسلوبك العاقل الهادئ
ولكن للاسف لم اجد الفرصة الكافية للتداخل معك
بالجد لقد اصابني شيئ من الارتباك هنا عندما احسست بانني اخسر ودك لسوء الفهم!!
ولكن الحمد لله لقد انقشعت الضبابية
مودتي
والله غريبة !!
بوستات حبيبنا الدكتور بلة أصبحت كالعصا السحري (اما تفرق او تجمع بين الناس)!!
| |
|
|
|
|
|
|
|
|
 Re: نداء هام لهؤلاء المتسربعين (Re: اساسي)
|
والله يا أساسى الزمن داك ماكان فى أجاويد
كان اللخ لما يدور ناس تقيف معاك وناس تقيف ضدك
عشان كدا اللخ بستمر لحدى الناس ماتعرف حاجة..
تجتوج حتى هذه اللحظة يشكى لطوب الأرض كما قال لى أحد الأصدقاء الذى قابله فى القاهرة رغم أنه استعمل كل الأسلحة المحرمة .
لكن لو عاد الزمن لقلت لتجتوج من أول بوستين الرووووووب هههههههههههه
| |
|
|
|
|
|
|
| |
Balla Musa
Mahjob Abdalla
محمد المسلمي
ناصر حسين محمد
عاطف عمر
ملهم كردفان
محمود على
حاتم محمد حاج المهدي
Hafiz Bashir
مها عبدالمنعم
اساسي
فيس بوك
تويتر
انستقرام
يوتيوب
بنتيريست