|
Re: معقول عبداللطيف البونى كتب الكلام دى فى السودانى?? (Re: Zakaria Joseph)
|
Quote: نعم مشروعة بقانون الدولة فالمومس كانت تصدر لها رخصة ممارسة من السلطات المحلية، وتستخرج شهادة صلاحية طبية وتدفع ضريبة وتجدد الرخصة سنوياً.. شاهدوا طلاب تلك الخدمة يقفون صفوفاً يشاهدهم الغاشي والماشي ووسط تلك البيوتات كانت هناك بيوت مخصصة للمثليين تدار علناً وعلى عينك يا تاجر نسأل الله أن يجزي مهدي مصطفى الهادي والرئيس الأسبق جعفر نميري خير الجزاء لما قاما به من إزالة لذلك المنكر المقزز |
....................
عزيزي زكريا جوزيف كيق حالك واحوالك اولا نقول ليك ان البروفيسور عبد اللطيف البوني يكتب دائما بسخرية شديدة في انتقاداته لسوالب المجتمع السوداني او اخطاء النظام.. وكتاباته ابعد ما تكون عن كتابات الصحف الصفراء... ولكن الذي ادهشني حقا هو ما جاء اعلاه .. فهل الكلام ده صحي؟؟؟ وطبعا ما ممكن نكذب البروفيسور لأنه لا يكتب من فراغ ولا شك ان هذه هي الحقيقة..,, اذا كان فعلا هذه هي الحقيقة.. فلماذا نسكب الدموع لما يحدث الآن من فساد .. اذ كانت الفاحشة زمان كانت مقننة بقانون... .. وفعل مفروض نقول الله يجزي النميري خير الجزاء لما قام به من ازالة الفواحش المقننة بقانون ومحمية من الدولة...( يا اخوانا في زول بيقدر يثني على كلام البوني ويؤكد كلامه ده.. والله يديك العافية
| |
|
|
|
|
|
|
Re: معقول عبداللطيف البونى كتب الكلام دى فى السودانى?? (Re: اميرة السيد)
|
ولكن الذي ادهشني حقا هو ما جاء اعلاه .. فهل الكلام ده صحي؟؟؟
العزيزة اميرة، الكلام صحيح، و حتى الانداية (المكان الشعبي للخمور البلدية) كانت لها اجازة و تصريح من المحليات و المجالس الريفية.
المهم، في ذلك الزمن، لا وجود للآتي: الزواج العرفي المساكنة اولاد المايقوما المثليين الايدز العلاج بالفلوس القراية بالفلوس دولة جنوب السودان
| |
|
|
|
|
|
|
Re: معقول عبداللطيف البونى كتب الكلام دى فى السودانى?? (Re: Zakaria Joseph)
|
سلام جوزيف لست ادري اي الاجزاء من هذا الكلام سبب لك الدهشة و لكن ان كان عن بيوت الدعارة فهي كانت موجودة حتي عام 83 عندما اعلن النميري الشريعة. انا زرت الخرطوم لاول مرة في عام 85 بعد الانتفاضة و لكن كانت هذه القصص عندما يعود اهلنا من الخرطوم و يحكو لنا عنها. و كنت اتذكر كلام شكل نكته كانو يحكوها ان احدهم رجل كبير وجد صف و كان لا يعرف ما هيته فسأل احدهم فرد عليه ان صف لحاجة كويسة (نيست شنو). عمك واصل في الصف و طبعا بحكم انه رجل دين و لحية بيضاء كان المنظر غريبا حتي علي المارة. المهم تم بقية القصة من خيالك.
| |
|
|
|
|
|
|
Re: معقول عبداللطيف البونى كتب الكلام دى فى السودانى?? (Re: Mahjob Abdalla)
|
غايتو محجوب , انت جديد فى الخرطوم. البيوت دى كانت معروفة فى الخرطوم قبل قوانين سبتمبر. انا مندهش من اندهاش الناس من هذه الظواهر و كانها المهدد الاكبر لمجتمع السودانى. يقال انهم كانوا مجودون فى الخرطوم منذا التركية و المهدية و الحكم الثنائى و الحكومات ما بعد الاستقلال و لم يغيرو محمد احمد او فاطمة, فشنو الدوشة
| |
|
|
|
|
|
|
Re: معقول عبداللطيف البونى كتب الكلام دى فى السودانى?? (Re: ترهاقا)
|
كلام البونى ينطبق على الخرطوم فقط وليس على السودان. وقـد صارت الخرطوم هى بؤرة الفســاد والدعارة وكل شئ سيئ.. زمان اكون راكب مواصلات العاصمة (قبل ابو رجيلة) من الخرطوم للثورة، نهاية الستينات واوائل السبعينات.. وفى ميدان الشهـداء المقابل منزل ازهرى رحمه الله.. ورا الميدان فى بيوت ظاهرة من جوة الباص.. والصف يقرب يضرب فى بيت الأزهرى.. ورغم ذلك لا أحد يعترض عليهم.. الناس تتحولل وتتحوقل بس وتمشى فى دربها.. وواحدين يدورو يطرشوا من الطمام.. فى قريتنا كان فى زول واحد يشرب، ومعروف.. ورغم بساطة المواطنين وعدم وجود شرطة، لكن زول واحد إتكلم معاه مافى..
| |
|
|
|
|
|
|
Re: معقول عبداللطيف البونى كتب الكلام دى فى السودانى?? (Re: Abureesh)
|
نعم يا اميرة ،للاسف،،كانت هناك بيوت دعارة علنية ،مصدقه ومحميه بالقانون،،،وكانت نص المدينة،،وسط بيوت الناس العاديين،،وكانت لهذه المواخير روائح عفنة مقززة،،والناس تقف في صفوف طويلة ،بائسة،،رغم اشمئزازي من هكذا ظواهر،،ولكني اظن ان القوانين من دون معالجات جوهرية،،تسوق نفس الممارسة للسر،وربما باستفحال وشراسه اكثر,,,, علقت في بابها قنديلها ناذف الشريان محمر الفتيلة في ذقاق ضوءت اوكاره كل وكر فيه ماساة طويلة -----لعله نزار.. نتمني للمراة والرجل العيش بكرامة،،وفق قوانين تحفظها..
| |
|
|
|
|
|
|
Re: معقول عبداللطيف البونى كتب الكلام دى فى السودانى?? (Re: الصادق اسماعيل)
|
الاخ جو
تحياتي شهادتي في الدكتور مجروحة فهو أستاذي في مبتدأ الامر وثانيا أظنه أمسك عن ظواهر لو طرحت لكانت صدمة لكل سوداني الا من يعرفون ويعيشون ويمارسون هذه الممارسات لا أقول أننا مجتمع مثالي بل نحن كسائر المجتمعات في الارض فيها ما فيها من من ظواهر سلبية ومزعجة وأقول وأؤكد أن الامر لم يتقتصر علي الخرطوم العاصمة في بعض مناطق خطوط نقل البترول تري العجب علي الارض في مواخير تلك المناطق علينا الاهتمام بالصغار وبث القيم فيهم في الامس القريب حدثت حادثة قرار أهل الاعلام عدم تشرها لانها تزعج الاهل وتقض مضاجع المغتربيين هنا تحدث أشياء لو نقلت كلها لسقطنا دون أستثتاء في فوضي شاملة وأنهيار مريع للمجتمع والله علي ما أقو ل شهيد
| |
|
|
|
|
|
|
Re: معقول عبداللطيف البونى كتب الكلام دى فى السودانى?? (Re: زهير عثمان حمد)
|
Quote: لو بتتكلم عن بيوت الدعارة الزمان في الستينات والسبعينات والتمنينات |
الصادق ما تلخبط الكيمان.. أنا قلت حتى الخرطوم كانت بخير لأنو الشر كان محصور ومعروف ويمشوا ليه ناسه.. ودعك من بورتسودان حتى قريتى ضربت بها مثل وكان فى رجل يسكر ، لكن كلهم زمان، الفى الخرطوم او الاقاليم كانت حالات معزولة ومعرف اصحابها ولا يأذيهم احد.. وبورتســودان انا من بورتســودان، وكانت فى مدينة قرب المطار اسمها تل أبيب!! شفت كيف.. لكن ما يحدث الان فى الخرطوم هو الفســاد المجتمعى ولا مثيل له فى أى إقليم، لا حاليا ولا سابقـاً.. لذلك دعوت قبل اسابيع قليلة ان تكون الخرطوم كرنتينـة كبيرة، لا يدخلها مواطن من الاقاليم ولا يخرج منها مواطن.. حتى تبرأ وتعود الى وضعها الإجتماعى الطبيعى.
| |
|
|
|
|
|
|
|