|
|
 (ابوحمد) تطالب بالانضمام للولاية البحر الاحمر و اهلنا البجا يقولوا (حبابكم)مننا و فينا!!
|
اه الفيلم السوداني سخن جدا كما يبدو
وفي اعتصمام اهلنا بابوحمد قرروا مشروعية حقهم بالمطالبه للانضمام لولاية البحر الاحمر.
Quote: كلمة السيدعمر بابكر امام المعتصمين اليوم 4/1/2014 بسم الله والصلاة والسلام على رسول الله ا
ولا لايخفى عليكم الظلم الذى وقع علينا منئذوجودنا فى هذه البسيطة وحتى الان وظلننا مسخرة للاغراب وامتلات
مسامعكم بالشماته. وانا انقل لكم امانسمعهو يوميا انهم يعرفون حدود المحلية من صوت اللستك فى الظلط من
الدقداق والحفر بالليل من الظلام الدامس الذى ترقد فيهو المحلية وبهذه المناسبة الظلط اصلنا لولا ترحيل معدات السد
ماكان قام وهو الان مقطوع فى اربعة اجزاء وظل بهذه الحالة فترة اربعة سنين عموما نحن جدولنا مطالبنا وسوف
اتلوها عليكم وهى كالاتى *اقالة معتمد محلية ابوحمد وكل المتورطين فى الفساد الادارى *الانضمام لولاية البحر الاحمر
(وهذا الخيار خيار قانونى يكفل الدستور 2005وهو معمول به حتى الان كما اعطاء للجنوبين حق تقرير المصير وهو
خيار قانوى بنص القانون الدولى وانا رجل قانون ومسؤول مما قلت *الاعتصام مطلبى سلمى ونوكد على سلميته قائم
حتى تنفيذ كل المطالب *بالاضافة الى بنود المزكرة الاولى التى رفعت للولاية كاملة كل هذه المطالب معتمدة بتواقيع كل
المعتصمين والله من وراء القصد وهو يهدى السبيل. |
هذه كلمات احيد قيادات المعتصمين.
ويقال انه ابن عم الافندي ولكنه ليس بمؤتمر شعبي او وطني.
وفي حديث مع احد قيادات البجا...قال لي اهل ابو حمد حباهم هم منا و فينا
وان لم تشيلهم الارض نشيلهم فوق راسنا!
اها بينما تضيق اراضي السودان باهلها
وبينما تصطرع كل الاطراف....رافضله لقبولهم لبعضهم البعض
فعلي الاقل هنالك امل... في هذا السودان ان هنالك بعضهم من يقول نرغب في الانضام لؤالئك و بعضهم يقولون (حبابكم)!
|
|
  
|
|
|
|
|
|
|
|
Re: (ابوحمد) تطالب بالانضمام للولاية البحر الاحمر و اهلنا البجا يقولوا (حبابكم)مننا و فينا!! (Re: محمد المسلمي)
|
صبي صلاح قوش نديك تذاكر تنزل المحطه القادمه:
Quote:
الفهم قسم ياخرفانة ديل مطالبين الانضمام اداري ( بدل ولاية نهر النيل محلية ابو حمد محلية ابو حمدالبحر الأحمر ) يعني مانازحين من ارضهم ياحبوبة
-----------
يتم تحويلك للأخ محمد الطيب لإجراء اللازم |
الله يسامح (الكرين) شكله حاله واقف خلاك متبطل هنا!!
نزع جلدك منو قال ينزحوا ولا يتنيلوا
الكلام قدامك عربي فصيح......قلنا ناس قالوا عايزين ينضموا و ناس ثانين قالوا (حبابهم) الف!
مالك ومالهم ينضموا( معنويا, اقليميا, ادرايا, سياسيا, قانونيا, تنمويا,تشريعا,تنفيذيا...الخ)
| |
|
|
|
|
|
|
|
|
|
Re: (ابوحمد) تطالب بالانضمام للولاية البحر الاحمر و اهلنا البجا يقولوا (حبابكم)مننا و فينا!! (Re: Tragie Mustafa)
|
| Quote: (ابوحمد) تطالب بالانضمام للولاية البحر الاحمر و اهلنا البجا يقولوا (حبابكم)مننا و فينا!! |
ده شنو يا البسوس
اذا كانو واعين جد لا خير في الوضع الحالي ولا في الانضمام الى ولاية البحر الاحمر
بل يطالبو باستعادة الاقليم الشمالي في حدود المديرية الشمالية -كوش لاند 1 يناير 1956....
يقدمو الطلب ده للمحكمة الدستورية العليا...عندي بوست هنا قراه 8000 سوداني ..معقول ما فيهم زول واحد من ابو حمد؟؟؟!!!!!!!!!!!!!!!!!!!!!!!!!!!!!!!!!!!!!!!!!!!!
واجراء انتخابات حرة ونزيهة وباشراف دولي في بالطاقات 9و10و11و12.-حام اقليم -برلمان اقليم حكومة اقليم .وفقا لدستور االقائم الان ومرجعية اتفاقية نيفاشا ويكون الشمال كله اتحرر من اصر المركز المعطوب دستوريا والموبؤ بالعاطلين عن المواهب ذى المسلمي ده...
ويا البسوس ركزي على استاعدة الاقليم الشرقي القديم...وخلي الالعاب الهوائية البتجيب لك هوا دي"داير يتفنن وقع اتجنن"
كوش لاند kushland
| |
|
|
|
|
|
|
|
|
|
Re: (ابوحمد) تطالب بالانضمام للولاية البحر الاحمر و اهلنا البجا يقولوا (حبابكم)مننا و فينا!! (Re: هاشم نوريت)
|
| Quote: (ابوحمد) تطالب بالانضمام للولاية البحر الاحمر و اهلنا البجا يقولوا (حبابكم)مننا و فينا!! |
طبعا مداخلتي مرت ساكت
فعلا ذى ما قال الفيتوري
غيري
اعمى
مهما اصغى
لن يبصرني
والله اخير منكم عسكوري
القال زمن
يجيبو ناس بورتسودان جمب النيل في بوست قديم جدا عن سد مروي
ياخ نحن في 2014
ولازال حتى ناس المعارضة يتخبطهم المس
الانتماء الجغرافي لمنطقة ابوحمد هو الاقليم الشمالي وهي مهمشة ذى كل المناطق هناك بين حلفا ودنقلا وبين دنقلا ومروي..وبين مروي وعطبرة وبين عطبرة وشندي وبين شندي والخرطوم..
وفي ظل هذا لنظام كان ضموها للظهران في السعودية ما بتنفع واقليم البحر الاحمر اتعس من الاقليم الشمالي ياخ موية زرقا ما عندكم ...
بالله خلو اللغة الهتافية الفالصو دي وكلمونا كلام مؤسس وعلمي
الحركة الشعبية قالت ليكم كل زول يقعد في محلو ويطورو ويخليه ذى االخرطوم او احسن..ونحن في فلان عايز ينضم لي بوركينا فاسو وفلان عايز ينضم لي كاب الجداد
والله لو دا مستواكم
ان لابي حنيفة ان يمدد رجله
ونخلي بط المؤتمر ده يضقل بيكم ذى ما عايز...
| |
|
|
|
|
|
|
|
|
|
Re: (ابوحمد) تطالب بالانضمام للولاية البحر الاحمر و اهلنا البجا يقولوا (حبابكم)مننا و فينا!! (Re: adil amin)
|
خالتو تراجي
يعني انتي هس ماسكاك ام فريحانه عشان الكلام دا
طيب
انت فاكرة ابوحمد كلها حا يشيلوها يودوها بورتسودان ولا شنو
سبحان الله
معتمد ابو حمد دا نفسو ممكن يمشي يكون معتمد في بورتسودان
وكذلك الوالي وغيره من المسؤلين
يعني انتي هس لو معتمد بورتسودان دا ما نفع معاكم وبي فرحتك دي ممكن عادي
تقولي دايرين نتبع اداريا لمحلية شالوم بالوم التي يراس معتمديتها جلعاط شاليط
بعدين انا صراحة ما حزين على طرحك
ولكن يكمن حزني في مجموعة الطنابرة التي يندفعون من خلفك
وهم يمثلون الخط الامامي لمعارضة السجم والرماد
شكرا
| |
|
|
|
|
|
|
|
|
|
Re: (ابوحمد) تطالب بالانضمام للولاية البحر الاحمر و اهلنا البجا يقولوا (حبابكم)مننا و فينا!! (Re: ود الباوقة)
|
Quote: يعني انتي هس لو معتمد بورتسودان دا ما نفع معاكم وبي فرحتك دي ممكن عادي
تقولي دايرين نتبع اداريا لمحلية شالوم بالوم التي يراس معتمديتها جلعاط شاليط
بعدين انا صراحة ما حزين على طرحك
ولكن يكمن حزني في مجموعة الطنابرة التي يندفعون من خلفك
وهم يمثلون الخط الامامي لمعارضة السجم والرماد
شكرا |
حكمة بالغة وما تغني النذر
سبحان الله ....حتى الساعة المعطلة بتصدق مرتين في اليوم
واول
مرة يا ود الباوقة اكون معاك في راي...لكن متاكد ما بتستمر اربعة وعشرين ساعة وترفع لي ضغطي
لانك تبع ناس البصيرة ام حمد-المركز والمؤتمر الوطني الذى ضل سعيهم في الحياة الدنيا ...
ونحن بنتكلم عن ابو حمد مش امو وبنعارض بي مشروع مضاد وواضح مش ورجغة اسافير ساكت
وقررط عل كده
| |
|
|
|
|
|
|
|
|
|
Re: (ابوحمد) تطالب بالانضمام للولاية البحر الاحمر و اهلنا البجا يقولوا (حبابكم)مننا و فينا!! (Re: adil amin)
|
يا عادل امين جاينك يا زول بهدؤ
مالك مستعجل.....
و التحيه للمتداخل من الفيس بوك الاخ حسن فرح:
Quote: لعلمكم يا اخوان منطقة الرباطاب تركيبتها السكانية منسوجة بجانب الرباطاب والمناصير من البشاريين والعبابدة وهى قبائل
بجاوية وهناك روابط دم ونسب تربط جميع هذه المكونات وانا شخصيا جدى رباطابى وجدتى عبادية وكما يعيش البشاريون والعبابدة
فى معتمدية ابوحمد يعيش المئات وربما الالاف من الرباطاب فى بورتسودان وغيرها من مدن البحر الاحمر وكما قال الاخ ابوالريش هناك
روابط تاريخية قديمة بين سكان الشرق وسكان الشريط النيلى ... وهكذا تتكون الامم...تنزع الرداء القبلى الضيق وترتدى العباءة القومية
رد · أعجبني · متابعة المنشور · منذ 34 |
كل ما اوردته صحيح و قد اكده هاشم نرويت ايضا وهو معروف لاغلب اهل الشرق هذا التمازج.
ايكد السؤل ليس عن الانضمام الادراي من عدم
السؤال مفروض يكون لماذا الغبن علي اهلنا الرباط لحد مطالبتهم بمغادرة هذه الولايه؟!
| |
|
|
|
|
|
|
|
|
|
Re: (ابوحمد) تطالب بالانضمام للولاية البحر الاحمر و اهلنا البجا يقولوا (حبابكم)مننا و فينا!! (Re: adil amin)
|
| Quote: واقليم البحر الاحمر اتعس من الاقليم الشمالي ياخ موية زرقا ما عندكم ... |
سلام يا استاذ عادل،
أولا صـدر حيدثك يمكن بصورة جميلة يوجـه لناس ابو حمد.. أما العبارة اعلاه فليست صحيحـة على إطلاقهـا، وإنما تتحدث عن مرحلـة بدأ
الشرق فى تخطيها.. ثم أن دخل الشرق من الميناء والذهب والثروة الحيوانية، التى تذهب لتسيير الحكومة (او الحكام) فى الخرطوم، لو عادت
لتنمية الشرق فلن نحتاج لصندوق تنميتهم.. الحكومة المركزية وطيلة العقود تنهب موارد الشرق، ثم أخيرا وكأنه لم يكفها ذلك صارت تشحـد
بإسم السرق ثم تستولى على (المنتج)..
يا أخى الفاضل الشرق من أغنى أقاليم السودان، إن لم يكون أغناها.. أنظر فقط للحياة البحرية والشواطئ الرملية على طول البحر الأحمر، ومزارع
الشعب المرجانية والأسماك الملونة النادرة، والمسابح البحرية التى تستقطب السياحة الدولية.. أزمة الشرق يا عزيزى هى من صنع هـذه الخرطوم
الظالم أهلها.. العلاقـة مع الخرطوم والإرتباط بالمركز لم يجنى منه الشرق سوى الدمار والتخلف وسرقـة الموارد والإهانة فى التوظيف.... الخ.
ثم راجع التاريخ البعيد والقريب، وشوف العلاقـة بين شعوب البجا وشمال النهر حتى النوبة فقد كانت حضارة واحدة.. حتى ان البجا والنوبة كانوا
يمثلون إثنية واحدة.. شوف صـور المواطنين فى ابو حمد وحولها فى بدايات هـذا القرن فقط، تجدهم كانوا يلبسون ويعيشون مثل البدو من البجا اليوم.
الخرائط القديمـة موجودة التى توضح حدود الحضارة القديمـة..
| |
|
|
|
|
|
|
|
|
|
Re: (ابوحمد) تطالب بالانضمام للولاية البحر الاحمر و اهلنا البجا يقولوا (حبابكم)مننا و فينا!! (Re: Abureesh)
|
Quote: ثم راجع التاريخ البعيد والقريب، وشوف العلاقـة بين شعوب البجا وشمال النهر حتى النوبة فقد كانت حضارة واحدة.. حتى ان البجا والنوبة كانوا
يمثلون إثنية واحدة.. شوف صـور المواطنين فى ابو حمد وحولها فى بدايات هـذا القرن فقط، تجدهم كانوا يلبسون ويعيشون مثل البدو من البجا اليوم.
الخرائط القديمـة موجودة التى توضح حدود الحضارة القديمـة.. |
كلامك صحيح مية فى المية أبو الريش يا قريبي .
والتاريخ أهو مبذول لمن اراد ان يبحث فيه ..ويتعلم من عبره .
ومش تاريخ كوش القديم فقط ..بل حتى التاريخ القريب والتزاوج الملحوظ بين هذه المجموعات والبجا .
وهو السودان دا ذاتو شنو ؟
ما كله أمة واحدة ..لكن صارت ما طايقة بعض
وكل زول يحارب فى التاني ويتبرى من التاني كأنه جرب !!
لأ وبل كمان بعضهم عايزين يتلصقوا فى أمم تانية !!
ومرحب بيهم حبابهم ألف أهلنا ..
وأيتنينا
وكان ما شالتهم الولاية تشيلهم حدقات العيون .
بالرغم من أن ولاية البحر الأحمر والشرق عموما تعاني نفس معاناة كل مناطق السودان بل أكثر .
والأمر ليس فقر موارد كما ذكرت
بل سوء إدارة وجشع من حكام المركز
ثم تنكر للإقليم وأهله كأنهم غير موجودين ..
ومعاها كمان حقارة وقلة أدب وتمييز عنصري .
الأمر الذي جعل كثير من سكان مثلث حلايب وشلاتين يفضلون نار التبعية لمصر ولا جنة الوطن ..
ومن يلومهم ؟!
أنا غايتو ما بفتح خشمي نهائي فى الفضلوا ينضموا لمصر ولا بعايرهم بعدم الوطنية ..
لأن للأوطان حق على الإنسان أيضا .
وطالما حكام المركز (كلهم ) ..
تقول عايزين يخربوها ويقعدوا على تلها !!
| |
|
|
|
|
|
|
|
|
|
Re: (ابوحمد) تطالب بالانضمام للولاية البحر الاحمر و اهلنا البجا يقولوا (حبابكم)مننا و فينا!! (Re: Abureesh)
|
Quote:
أولا صـدر حيدثك يمكن بصورة جميلة يوجـه لناس ابو حمد.. أما العبارة اعلاه فليست صحيحـة على إطلاقهـا، وإنما تتحدث عن مرحلـة بدأ |
برضه يا ابوريش ما فندت كلامي
انا قصدت الموية الزرقاء ما المالحة بل الموية العذبة الصالحة للشراب ودي ازمة الشرق المتأصلة في الشرق وبورتسودان لدرجة فكرو ينقلو موية من ابوحمد لي بورتسودان بالانابيب
وبرضه بي نفس منطقك ده نحن لو حررنا الاقليم الشمالي من اصر المركز ده السيا حة"الاثرية " البتيجب 10 مليون سائح لمصر لو جابت مليون بس للسودان وكل واحد انفق الف دولار ...يتغطي كل الخدمات لكل ناس الاقليم وناس ابو حمد ياكلوا هوط دوق..... شنو الفرق ينتقلو من اقليم تعيس الى اقليم اتعس بسبب نفس المشكلة القائمة وهي "ود الباوقة" اسف للخطا المطبعي -المركز والرئيس العجيب والاخوان المسلمين...
برنامجي السياسي وواضح ومعلن في البورد ده من 2005
عودة الاقليم باسس جديدة وما شغال بي قبايل ولا طوائف ولا جهات كل زول يقعد محل يرتاح وما يجر الناس معاه
| |
|
|
|
|
|
|
|
|
|
Re: (ابوحمد) تطالب بالانضمام للولاية البحر الاحمر و اهلنا البجا يقولوا (حبابكم)مننا و فينا!! (Re: adil amin)
|
| Quote: شنو الفرق ينتقلو من اقليم تعيس الى اقليم اتعس بسبب نفس المشكلة القائمة |
أنا غايتو فاهمة وجهة نظرك يا أستاذ عادل أمين .
لكن برضه فاهمة غرض تراجي من البوست دا :
إنو السودانيين البييكرهوا بعض ديل وما طايقين بعض وكل قبيلة أو مجموعة فيهم تبذل جهدها عشان تتبرى من الأخرى ..
لدرجة عجيبة محتاجة دراسات وبحوث فى علم النفس الإجتماعي عشان تحلحل الورطة دى ..وتشوف الشعب دا ماله ؟
ومشكلته مع نفسه شنو ؟
والظاهرة دي أسبابها شنو ؟
عشان كدا تراجي غرضها إنها تحتفي بهذا السلوك النادر من ناس أبوحمد ..
الذي يقابله سلوك آخر نادر من ناس البحر الأحمر .
هذا بغض النظر عن جدوى وفعالية إنضمام أبوحمد لولاية البحر الأحمر .
وأتفق معك حول ضرورة عودة التقسيم الإقليمي القديم والتركيز على التنمية داخل كل أقليم
والإستفادة من مميزات كل أقليم على حدة ، ومن ثم بالتالي سينعكس الأمر على الدولة السودانية ككل أرضا وشعبا .
| |
|
|
|
|
|
|
|
|
|
Re: (ابوحمد) تطالب بالانضمام للولاية البحر الاحمر و اهلنا البجا يقولوا (حبابكم)مننا و فينا!! (Re: AMNA MUKHTAR)
|
العزيزة تراجى مصطفى تحياتى العاطرات
اولاً شكرا ليك ولمجهوداتك الكبيرة فى نشر كل ما يسهم فى توعية اهلنا فى مناطق السودان المختلفة بقضايا ومناطق اخرى داخل السودان (معرفة بينية) ، وكان بامكانك ان تبحثى عن الدفء فى كندا وتسدى اذنيك وتبعدى عن الوطن ، وهذا ما فعله كثيرون.
الخبر الذى اوردتيه صحيح 100% فقد طالب اهالى محلية ابوحمد وتحديداً فى مركز المحلية " مدينة" ابوحمد بالانضمام إداريا الى ولاية البحر الاحمر جراء السياسيات التى اتبعتها حكومة ولاية نهر طوال السنوات الماضية فقد عانت المحلية من اهمال فى مختلف قطاعاتها الخدمية والتنموية وعانى مواطنيها من الاهمال وفى ظنى ان الامر يعود الى عدم اشراكهم فى ادارة الولاية لان القائمون على الحكومة مستجلبون من خارج الولاية سنوات الوالى (غلام الدين عثمان) ثم جاء (احمد المجذوب) فى اطار الموازنات القبلية التى يديرها النافع وتم ذلك قبل ما يسمى إنتخابات فى العام 2010م ، واستمر على ذات نهج من سبقه فاتى باهله وعشيرته دون تجد الكيانات الاجتماعية - ( شكل من اشكال التطور الإجتماعى) - ولا حتى الكيانات الادارية (محليات ) ولا اى نوع من التمثيل العادل لكل المحليات ، ثم جاءت الطامة الكبرى بتولى ظابط المخابرات الحالى الفريق ركن الهادى عبد الله محمد العوض (الدامر) الذى جعل الولاية تتزى برداء قبلى مبين.
لا زالت مشاكل الولاية قابعة فى تلة من الاهمال مشاكل فى التعليم وتحديدا فى محليتى البحيرة وابوحمد لا زال الاطفال يتسربون من التعليم ، الحكومة تغلق المدارس فى بعض المناطق ، الطلاب يجلسون فى الاحجار كما شاهدت ذلك بام عينى فى مناطق الكربكان وشررى والكاب وبعض الوحدات الادارية التابعة لمحلية ابو حمد ، اكبر مستشفى يتم فيها العلاج هى مستشفى عطبرة (حالها يحنن) تبعد 238 كيلو من محلية ابوحمد و414 كيلومتر من اخر نقطة فى محلية البحيرة ، والطريق الواصل اليها عملت فيها رمال الصحارى ما فعلت وتكسر ولم يعد يصلح للسفر باللوارى كمان الطريق ينتهى فقط فى ابوحمد ، ولا يدخل محلية البحيرة التى توقفت عنها قطارت السكة الحديد فقد تم الاستغناء عنها تماماً (مفهوم التنمية الكيزانية) ، ولك انت تعلمى سيدتى ان الارسال التلفزيونى الارضى لا يصل الى بعض اجزاء محلية ابوحمد كما انه لا يصل نهائياً الى من اجزاء محلية البحيرة والتى لا يصلها حتى ارسال الاذاعة " القومية" ام درمان!!! وحتى اذاعة الولاية لا تصل الى محلية البحيرة.
بخصوص شركات الاتصال فالشركة الوحيدة التى تعمل فى مناطق محلية البحيرة هى شركة سودانى ( التابعة بقدر ما الى جهاز الامن ) وتم توصيلها لمقتضيات امنية عندما تم احتجاز 23 عربة محملة بالدوكشا وافراد من جهازالامن التابع للسد فى منطقة الكربكان فى مارس 2007م وارادات الحكومة التفاوض مع لجنة المتاثرين بسد مروى – المناصير- وكانت هناك صعوبة لان الاتصال وقتها يتم عبر" الثريا " فطلب وزير الداخلية من شركة سودانى ان تبدأ فى التشغيل وكان الشركات الثلاثة " موبتيل وقتها ، "اريبا" ، "سودانى" قد قامت ببناء " الانتينات والمحطات " ولكن ادارة سد مروى اوقفتها تحت دواعى ان هذه المنطقة سوف يتم تهجير سكانها! وحتى هذه - المنحة - وهى حق من حقوق الاهالى كان لمقتضيات امنية!
بالعودة الى ابوحمد واعتصامها باختصار تعانى هذه المحلية من انعدام الكهرباء فى الكثير من مناطقها كما ان المناطق التى بها خطوط كهرباء تعانى من القطوعات المستمرة ، وهناك مشاكل فى الجازولين لرى المشروعات الصغيرة ( 5 - 20 ) فدان ، مشاكل امنية سرقات وغيره من خلال وجود سوق الدهب ووجود اعداد كبيرة من البشر من العابرين للبحث عن الذهب ( الضغط على الموارد الشحيحة ) فضلا عن قطاع الخدمات سواء فى التعليم او الصحة او الاتصالات اضافة الى قطاع النقل وتوقف السكة حديد ونزيف الهجرة وتعطل المشروعات الزراعية على محدوديتها باختصار ليس هناك آفق لحل اى مشكلة ، ثم جات الطامة الكبرى وهى مرض الكبد الوبائى الذى اجتاح جميع الوحدات الادارية بمحلية ابوحمد.
العلاقة مع الشرق من الناحية الاجتماعية اعمق بكثير من ما يعرف هولاء المثقفين فحوالى 15 % من سكان ولاية نهر النيل هم من البجا فقد اختلطت الدماء وتداخل الناس فى الزمان القديم وهنا نشير فقط الى منطقة الشعديناب بمدينة الدامر والتى ينحدر اغلب اهلها من اصول بشارية اضافة الى سكان بعض قرى العبيدية ( عرب الفرقة ) فى (الهادباب) و(النفافير ) حيث يطلقون على البجا مفردة عرب ، ومنطقة ود الشيخ وبعضهم تعود اصوله الى " الآتمن " وهى قيلة بجاوية 100% ، وبعض منهم مواطنيين فى قرى السعدابية بالقرب من بربر.
اما اكبر تداخلات سكان منطقة ابوحمد فكانت مع البشاريين ، مع العلم ان اغلب سكان " مدينة" ابوحمد هم من العبابدة ثم الرباطاب ثم البشاريين وحدث تلاقح إجتماعى بين الرباطاب وقبيلة الآتمن البجاوية فى مناطق مجرى نهر عطبرة إبتداءاً من قرى ( العبكة ، سيدون ، الشبابيت ، المدبب والقليعة ، الواور ، والهودى والمقرن ) هذه بعضاً من تفاعلات الماضى القريب. التقسيم الادارى الجديد لم يستشار فيه سكان هذه المناطق ومن حق سكان محلية ابوحمد ان يطالبوا بما يشاؤوا وهم يجاورن ولاية البحر الاحمر ، اتركوا الناس تعيش وتطلق خيالها بمستقبل حياتها وهم احرار.
بخصوص عودة الاقليم الشمالى من خلال دعوة بعض القيادات السياسية مثل عمنا على محمود واخرين ، جميعنا ننتظر لحظة هذا التقسيم الادارى ولكن قبل التسليم به لابد من اسس عادلة تضمن الحقوق الاقتصادية والاجتماعية والثقافية لكل التقسيمات مادون الاقاليم وما دون ما دون الاقاليم وان تكون المشاركة مرتبطة بعدد السكان وليس بالفهولة التى عشناها وعايشناها دون ان نسلم بها.
| |
|
|
|
|
|
|
|
|
|
Re: (ابوحمد) تطالب بالانضمام للولاية البحر الاحمر و اهلنا البجا يقولوا (حبابكم)مننا و فينا!! (Re: adil amin)
|
Quote: ينضمو للشرق
وهل الشرق وفر تعليم حتى الان |
هذا يوجـه لناس ابو حمـد لأن المبادرة منهم، وهم طالبوا بالإنضمام لولاية البحر الاحمر..
ثم...
طوالى مشيت يا عادل لذات التفكير الخرطومى المركزى، بأن الحكومة هى التى يجب ان تفعل كل شئ بعد ان تاخذ كل شئ من القاليم
ثم لا تفعل شيئاً..
وأضمن ليك حاجتين:
1- الحكومة الولائية لن تسرق مواردهم ولا تشل يدهم عن العمل بتكبيلها بالأتاوات، كما يحدث لهم الان.
2- أبو حمد بمواردها الطبيعية وارضها الخصبة ومياهها وذهبها لن تحتاج الحكومة الولائية فى التعليم او غيره.. كل ما تحتاجه هو الحكم الذاتى
لإدارة مواردها الطبيعية والبشريـة.. وتستطيع ان تشترط هـذا فى إتفاقية الوحدة مع الشرق.
| |
|
|
|
|
|
|
|
|
|
Re: (ابوحمد) تطالب بالانضمام للولاية البحر الاحمر و اهلنا البجا يقولوا (حبابكم)مننا و فينا!! (Re: adil amin)
|
الاستاذ عادل امين
شكرا علي المرور......وبعتقد انه اصحاب الوجعه جوك وردوا تحت وانا ليس لدي ما اضيفه
اذا كانوا هم ادري بحالهم و بخياراتك هذه ولم يوافقوا عليها....فمن انت لتفرض عليهم حلولك؟!
Quote:
اذا كانو واعين جد لا خير في الوضع الحالي ولا في الانضمام الى ولاية البحر الاحمر
بل يطالبو باستعادة الاقليم الشمالي في حدود المديرية الشمالية -كوش لاند 1 يناير 1956....
يقدمو الطلب ده للمحكمة الدستورية العليا...عندي بوست هنا قراه 8000 سوداني ..
معقول ما فيهم زول واحد من ابو حمد؟؟؟!!!!!!!!!!!!!!!!!!!!!!!!!!!!!!!!!!!!!!!!!!!! |
منو قال لك كونه الناس اتطلعت علي كلامك معانتها وافقت عليه؟!
| |
|
|
|
|
|
|
|
|
|
Re: (ابوحمد) تطالب بالانضمام للولاية البحر الاحمر و اهلنا البجا يقولوا (حبابكم)مننا و فينا!! (Re: Tragie Mustafa)
|
| Quote: اذا كانوا هم ادري بحالهم و بخياراتك هذه ولم يوافقوا عليها....فمن انت لتفرض عليهم حلولك؟! |
ومن هم حتى يفرضو رائيهم على ناس الاقليم الشمالي وعلي كمان..
تاني ما فيش حد احسن من حد في السودان
نحن لا عاجبنا البنا ولا البعجن في الطين.................في السودان القديم يا البسوس
لو كانت الناس في السودان بتعرف مصالحا
كانت من 1956 مشت في خط الناس ديل على التوالي
السيد عبدالرحمن المهدي والكومونولث وديموقراطية وست منستر
محمودمحمد طه دستور 1955
د.جون قرنق "رؤية السودان الجديد"الاصل"...مش النسخة المضروبة الحايمة هنا من زمن
وخلونا من ودا وسواعا ويغوثا ويعوقا ا ونسرا...بتاعين المركز
| |
|
|
|
|
|
|
|
|
|
Re: (ابوحمد) تطالب بالانضمام للولاية البحر الاحمر و اهلنا البجا يقولوا (حبابكم)مننا و فينا!! (Re: بله محمد الفاضل)
|
سلام واشواق بنت الخال تراجي والمتداخلين ...
وكل عام وانتم بالف خير بمناسبة مولد اعظم خلق الله سيدي محمد
عليه افضل الصلوات واكثر الصلوات واكمل الصلوات والتسليم ..
Quote: اذهبي بالقطار شمالا لتشاهدي بام عينك
ان ابو احمد ترفل في خير وفير مقارنة بغيرها من محليات
الولاية |
في المقتبس اعلاه ما كتبه اخي ودالباوقة ..
صحيح شكل المدينة تغير كثيرا من زي قبل ... وهنالك نهضة واضحة ..
ولكن جل فوائدها هي لمن يتبعون للحزب الحاكم ..
فمواطن المحلية يحتاج للتعليم النوعي والعلاج المواكب وهو ما لم يتوفر حتى الآن ..
تم تصنيف المنطقة من المناطق الغنية بالذهب .. وهذا نعلمه منذ ثمانينات القرن الماضي
ولكن لم يصاحب هذا التدفق الهائل للباحثين عن الذهب أي سيطرة أمنية للمدينة فكثرت الجرائم
ولم يعد أهلنا يشعرون بالامان وتدهورت البيئة لحد خطير ...
كنا زمان نتجول في ابوحمد في اي وقت من الليل ذهابا الي مزارع نخيلنا التي تبعد 5 كيلومترات من ابوحمد
ولا يقابلك اي شخص الا وانت تعرفه او تعرف اهله ..
الآن الوضع تغير جدا مما دفع كثير من سكان محلية ابوحمد الي ترك مناطقهم والهجرة منها ..
تمثلت مطالب أهلنا في البنود التالية :
- أمنية
خدمية
تنموية : تتعلق بشكل مباشر بمراجعة أداء الأجهزة الشرطية والعدلية والقضائية والتنفيذية والتشريعية،
حفظ حقوق المحلية المنصوص عليها في الدستور من عائدات التعدين وضبط أنشطته ومظاهره السالبة
وترحيل سوق الطواحين بعيداً عن المدينة.
هذه الحقوق لا زالت حكومة الولاية تماطل فيها .
ذهب وفد من المنطقة لمقابلة مدير جهاز الأمن وغيره من المسئولين فلم يجدوا غير التجاهل وعدم الإحترام .
فالحقوق لا تستجدى أبدا .. بل تنتزع انتزاعا .. وسننتزعها وسيعلو سقف المطالب خلال يومين فقط...
المسألة ماشه في تعقيد أكثر وأكثر ...
| |
|
|
|
|
|
|
|
|
|
Re: (ابوحمد) تطالب بالانضمام للولاية البحر الاحمر و اهلنا البجا يقولوا (حبابكم)مننا و فينا!! (Re: Dr. Ahmed Amin)
|
فاتنى ان احى اهلنا فى الشرق والذين رحبوا بطلب اهالى محلية ابوحمد بالانضمام الى ولاية البحر الاحمر
وهذا من صميم اخلاقهم وكرمهم المعهود.
ولسكان المحلية الحق فى يختاروا ما يشاؤون من ولاية او اقليم طالما كان هذا الاقليم محادداً لهم وهذا
حق دستورى ويمكن اجراء استفتاء حول هذا الامر.
مجددا شكرى وتقديرى للاجلأ آمنة مختار ، Abureesh ، هاشم نوريت .
ونضيف على ما سبق ان محلية ابوحمد مهددة باقامة ثلاثة سدود هى ( الشلال ، ودقش والشريك ،
" سد الشلال" يبدأ من ناهية بحيرة سد مروى وسد دقش والذى يبدأ من نهاية بحيرة سد الشلال ثم
اخيراً سد الشريك والذى يبدأ من نهاية بحيرة سد دقش وهذا يعنى ان المنطقة فى استراتيجية الانقاذيين
يجب ان تهجر خارج محازاة النيل بالضفتين.
| |
|
|
|
|
|
|
|
|
|
Re: (ابوحمد) تطالب بالانضمام للولاية البحر الاحمر و اهلنا البجا يقولوا (حبابكم)مننا و فينا!! (Re: Farida Mahgoub)
|
يا عادل قل ما شئت بأى طريقـة تراهـا..
الســـودان حيستمـر فى الفركشـة، لأنو قادته أقزام لم يروا اكثر من ارنبـة أنوفهـم.. وسيتقسـم الى عدة دول، ولذلك قلنا لو ناس ابو حمـد
قرروا ضم إقليمهم الى البحر الاحمر فمرحبا بهم.. بعدين ما تقدر تغيظنى لما تقول حلايب مصريـة لأن ملايين المصريين يقولون ذلك
مكررين أكاذيب قادتهم كالببغـاء.. بل سياسيين سودانيين قالوا ذلك، وهـذا هو السبب الذى من أجله سنترك هؤلاء الأقزام.. نحن نحل مشكلة
حدودنا، وبعدين لما نمشى أدوا المصريين دنقلا وكريمة واتبرة.. سوف لن نحزن لأنها حينها لن تكون ارضنا ولا وطننـا.
| |
|
|
|
|
|
|
|
|
|
Re: (ابوحمد) تطالب بالانضمام للولاية البحر الاحمر و اهلنا البجا يقولوا (حبابكم)مننا و فينا!! (Re: Abureesh)
|
تحذير من خطورة الحل الأمني في أبو حمد
الميدان: عادل كلــر
دفع أعضاء لجنة مواطني محلية أبو حمد بإستقالات جماعية من اللجنة، وحمّلوا الحكومة الإتحادية مسؤولية الأرواح
وكافة ما سيجري على الأرض بمحلية أبوحمد، محذّرةً من خطورة إتجاه حكومة نهر النيل لتطبيق الحل الأمني تجاه
معتصمي ميدان(عزة) بأبوحمد، وذلك على خلفية فشل اللجنة في مقابلة المسؤولين المركزيين بالخرطوم، لحل
ومناقشة مطالب أهالي أبو حمد في التنمية والأمن، وقال الناطق الرسمي بإسم اللجنة عمر بابكر لـ(الميدان)
أمس السبت، بأنهم سيرجعون إلى “أبو حمد لإطلاع قواعد المواطنين على حصيلة زيارة اللجنة إلى الخرطوم
لحل المشكلة، وقال بأن المواطنون أمهلوا اللجنة حتى اليوم الأحد الثاني عشر من يناير كآخر موعد لإنتهاء
تفويضهم من قبل المواطنين للتفاوض بإسم المنطقة، وقال بأنهم لم يجدوا إستجابة سياسية في الخرطوم، حيث
أوصدت جميع الأبواب أمامهم، وقال : ( المركز إتبع سياسة غلق الأبواب معنا) وأشار إلى فشلهم في مقابلة
مدير جهاز الأمن والمخابرات ورئيس المؤتمر الوطني وإدارة المراسم، وأوضح بأنهم سيقومون بتنوير
المواطنين اليوم الأحد بما جرى في الخرطوم، وبعدها سيقرر المواطنون مواصلة الإعتصام
أو التصعيد، وحذّر من المساس بأرواح المواطنين الذين سيخرجون من أجل مطالبهم
المشروعة في التنمية والأمن.
| |
|
|
|
|
|
|
|
|
|
Re: (ابوحمد) تطالب بالانضمام للولاية البحر الاحمر و اهلنا البجا يقولوا (حبابكم)مننا و فينا!! (Re: فرح الطاهر ابو روضة)
|
Quote: يعني يا تراجي دي بصمة بالعشرة
على الشروق ووالي الشروق وولاية الشرق
ولا الشغلانة
الاستجارة بالرمضاء في النار
والله بيني ما بينك الناس في السودان غلبه العايزاهو |
ابو الروض
سلام
وطبعا مداخلاتي تمر مرور الكرام لا ريث ولاعجل
على قاعدة اسماعيل كلم القط والقط ما فهم
ويبدو ان معاناة محمود محمد طه وجون قرنق الاذكياء مع الناس ديل كانت شديدة من 1956
قلنا يرجعو الاقاليم ويحكموها ابناءها القاعدين فيها وليس بوصاية المركز يقولو ليك ..............احلبو...
شوف شطحة ابوريش دي كيف... بس قول ليه حلايب مصريو ..تجيب كثافتو طوالي
قال السودان حتيفكك
ودا ر ابوك كان حرقت شيل ليك منها شقيقة والمثل الانتهازي القديم...والشقيقة ابو حمد عشان يتلم التعيس الى التعيس جدا...طيب يقروا والادهم وين الصورة لا تكذب...
ياخ البندول البيزانطي لا يخطي
اذا زال السودان القديم حيجي االسودان االجديد "الاصل" الذى يسع كل السودانيين وذى الضفر القجديد لمن يزح الضفر القديم وانا اتكلم مع خارطة طريق والبسوس تورجغ مع القبائل يعني لسه ما وصلت مستوى الاقاليم ولها هتيفة في اركان السودان الاربعة الا انا شوكة حوت كده في حلقا لحدي ما تقول الرووب.. وتأأأأأأأأأأأأأأمن مع امنة مختار وهاشم نوريت...
لان السودان القديم هو بضاعتة خان الخليلي الكسدت في مصر...والسودان الجديد بضاعة الايقونات في صورة بروفايلي ديل...
| |
|
|
|
|
|
|
|
|
|
Re: (ابوحمد) تطالب بالانضمام للولاية البحر الاحمر و اهلنا البجا يقولوا (حبابكم)مننا و فينا!! (Re: Abureesh)
|
اعتقد ان ابوحمد تستحق اكثر من نظرة فالمنطقة بها الكثير من الثروات وتعاني ظلما واضحا من المركز
وكما تفضل الاخ عادل امين انضمام ابوحمد للبحر الاحمر ليس حلا لان البحر الاحمر نفسها تعاني من بعض المشكلات فليس المسالة شهامة وترحيب وغيرو
وان انضمت للخرطوم فايضا لا يعني ان مشكلتها حلت فالخرطوم نفسها اطرافها تعاني
اعتقد ان فكرة عادل امين تستحق القراة وهي فكرة رائعة على الورق نتمنى ان تجد حظا من التنفيذ
سئمنا قبليتي وقبيلتك والعفن الطلع زيت السودان
| |
|
|
|
|
|
|
|
|
|
Re: (ابوحمد) تطالب بالانضمام للولاية البحر الاحمر و اهلنا البجا يقولوا (حبابكم)مننا و فينا!! (Re: Abureesh)
|
Quote: يا عادل كيف عايز الناس تواصل النقاش معاك، لو تعتمـد اسلوب أغيظك وموش عارف شنو.. الحركات دى الناس خلتهـا (من زمان)..
شنو تغيظ وما تغيظ وتجيب كثافتو ووزنو ..
غايتو ما داير أعلق.. لكن جـد والله الطريقـة دى قديمـة جدا لامن نسيناهـا ولا تليق بك أبداً.. |
انا متاثر بي دالي ايام اركان الجمهوريين والمناظرات اصلها كده
ما تفقد اعصابك وتفلس لمن كنت في الصين كنت حكيم ذى كونفوشيوس ولمن جيت امركيا بقيت تدور لينا حكاية القبائل والجهات ومن اكبر مرتكزات الفوضى الخلاقة في اي بلد هي خلق التناقضات المزيفة بين قبائل منطقة ما ..كما حدث في دارفور وفي كردفان والبسوس عايزة تجيبو في الشمال..
عمرها ما فتحت بوست والا تناولت قضية على اساس قبلي اوجهوي
ونحن عايزنها ترفع طرحا لمستوى الاقاليم وترجع التناقض الاساسي بين المركز والاقاليم
والاتجاه الصحيح
Quote: صدام ثيران البايسون
عادل الامين
الحوار المتمدن-العدد: 3774 - 2012 / 6 / 30 - 15:38
المحور: اليسار , الديمقراطية والعلمانية في مصر والسودان
التناقضات المتطاحنة وغير المتطاحنة
Antagonistic and non antagonistic contradictions
التناقضات المتطاحنة هي التناقضات الأساسية التي تميز تطور المجتمع تحت ظروف تاريخية مختلفة والتناقضات المتطاحنة تصدق في كل العلاقات الاجتماعية في المجتمع المستغل وهي ترجع إلى المصالح التي لا يمكن التوفيق بينها الخاصة بالطبقات والجماعات والقوى الاجتماعية المتعادية وتحل التناقضات من هذا النوع عن طريق الصراع الطبقي الثوري والثورة الاجتماعية التي تغير النظام الاجتماعي ومما يميز التناقضات المتطاحنة إنها تصبح أكثر حدة وعمقا كلما تطورت ويصبح الصراع بينهما صداما حادا وتتحدد الأشكال التي تحل بها هذا الصدام بالظروف التاريخية لنوعية للصراع ومن الأمثلة الواضحة للتناقضات المتطاحنة التناقض بين البرجوازية والطبقة العاملة في المجتمع الرأسمالي وذلك التناقض بين الدول الرأسمالية الناشئ عن التنافس بين الدول الرأسمالية وصراعاتها من اجل الأسواق ومناطق النفوذ وليس هذا التناقض طبقيا ولكنه يؤدي إلى صراعات عنيفة بين الاستعماريين في مختلف البلاد وهذه التناقضات أسباب الحروب الاستعمارية من اجل إعادة تقسيم العالم ومن اجل الأسواق،وهذا يجسده أيضا الصراع الرئيس في السودان بين الهامش بجهاته الأربع المركز عبر العصور أما التناقضات غير المتطاحنة فهي تلك التي توجد لا بين الطبقات العادية وإنما بين الطبقات والجماعات الاجتماعية التي بينها-إلى جانب التناقضات- مصالح مشتركة ومما يميز هذه التناقضات أن تطورها لا يؤدي بالضرورة إلى العداء كما أن الصراع بينها لا يؤدي إلى الصدام..كما هو الحال بين المزارعين والرعاة في دارفور وبين دينكا نقوك والمسيرية في جنوب كردفان ولا تحل التناقضات غير المتطاحنة بحرب طبقية ضارية وإنما تحل بالتحويل التدريجي المخطط للظروف الاقتصادية وغيرها التي تؤدي إلى خلق هذه التناقضات،كذلك يقضي على التناقضات غير المتطاحنة، شانها شان التناقضات الأخرى بصراع الجديد ضد القديم والتقدمي ضد المتخلف والثوري ضد المحافظ وتؤدي التغيرات في الطبيعة وفي مضمون التناقضات إلى تغيرات في شكل حلها ..أما التناقض كقانون للتطور فانه لا يختفي في ظل المجتمعات سواء كانت رأسمالية –صراع راسي- أو اشتراكية-صراع أفقي..وتكمن الأزمة السياسية في السودان الآن في عدم تمييز هذه التناقضات..والخلط المستمر للأوراق..رغم انه اتضح تماما أن التناقض المتطاحن الآن في السودان أضحى بين مشروعين فقط ..مشروع السودان الجديد والدولة المدنية الفدرالية الديمقراطية وبين مشروع السودان القديم الممتد من الاستقلال وهو الدولة المركزية الفاسدة والفاشلة والفاشية وعبارة عن مشروع غوغائي مستورد من خارج الحدود(الاخوان المسلمين)....والمخزي في الأمر أن التناقضات غير المتطاحنة هي التي سببت ولا زالت تسبب الموت الرخيص والتردي المريع في الخدمات في الهامش والمركز أيضا وأدخلتنا عالم مجلس الأمن والمحكمة الجنائية الدولية المعروف المآلات..حيث يشكل حزب المؤتمر الوطني الحاكم قمة سنام الرأسمالية الطفيلية التي خرج الانجليز وسلموها البلادفي وضع متطور لمشروع لدولة مدنية ديمقراطية...فقط كان ينقصها الفدرالية التي طالب بها أبناء الجنوب الأذكياء من 1947 لتعيد توزيع السلطة والثروة بين المركز والهامش فلبث أهل السودان القديم في مكانهم جاثمين ..وان عداء أحزاب السودان القديم المركزية الحزب الشيوعي و حزب المؤتمر الشعبي وحزب الأمة نموذجا للحزب الحاكم المؤتمر الوطني..عداء غير متطاحن..بل عملية تمويه وغوغائية سياسية..فقط ستسهم في إعاقة التغيير القادم وحسم الصراع المتطاحن الحقيقي بين المركز والهامش..فأين ذهب ذكاء أبناء حضارة رماة الحدق؟؟!!..هذه الحضارة التاريخية التي تميزت بالدقة والإتقان ولا زال أبناؤها يؤدون أعمالهم ويقدمون خبراتهم في دول مجلس التعاون الخليجي بنفس الدقة والعمل الخلاق... |
| |
|
|
|
|
|
|
|
|
|
Re: (ابوحمد) تطالب بالانضمام للولاية البحر الاحمر و اهلنا البجا يقولوا (حبابكم)مننا و فينا!! (Re: adil amin)
|
| Quote: انا متاثر بي دالي ايام اركان الجمهوريين والمناظرات اصلها كده |
طيب يا استاذ ياخ امشى غيظ دالى ياخ..
بعدين لو متأثر بدالى ودا خلاص بقى الاسلوب الذى ورثته عن دالى، فهل كان الرجل يغيظ الناس بشئ هو زاتو ما مقتنع بيه، مثل مصريـة حلايب؟
وما تفهمنى غلط دا لا يعنى انى مغتاظ ولا احد يستطيع ان يغيظنى.. ما اطرحه ليس إنفعالات حتى اغتاظ فأنا لا اناقش فى استاد كورة.
برضو "ما تفقد اعصابك"!!! داير تكحلها عميتها.
يا سيدى العزيز، انا اتوقع منك كمثقف سودانى، اراء وافكار نستفيـد منها.. وهـذا ما يحتاجه الشعب السودانى فى هـذا الوقت بالبذات.
| |
|
|
|
|
|
|
| |
Tragie Mustafa
Abureesh
محمد المسلمي
adil amin
هاشم نوريت
AMNA MUKHTAR
عبد الواحد أبراهيم
حاتم الياس
بله محمد الفاضل
محمد حمزة الحسين
Farida Mahgoub
فرح الطاهر ابو روضة
عبد الله شم
فيس بوك
تويتر
انستقرام
يوتيوب
بنتيريست