|
|
 واجب عزاء محجوب شريف.
|
قال الله تعالى: (ولنبلونكم بشيء من الخوف والجوع ونقص من الأموال والأنفس والثمرات وبشر الصابرين (155) الذين إذا أصابتهم مصيبة قالوا إنا لله وإنا إليه راجعون (156) أولئك عليهم صلوات من ربهم ورحمة وأولئك هم المهتدون (157))
تتقدم أسرة الديمقراضيون الاحرار ، بأحر التعازي، سائلين المولى القدير أن يتقبل أبن السودان البار ة محجوب شريف،
له الرحمة والمغفرة والجنة وحسن العزاء وخالص المواساة لأهله وذويه وأن يلزمهم جميل الصبر وعاجل السلوان وانا لله وانا اليهراجعون.. ولا حول ولا قوة إلا بالله
http://ayman1970.wordpress.com/2011/01/27/%D8%A3%D8%BA%D9%86...4%D8%B4%D8%B1%D9%8A/
أروع ما قيل في الشعر السوداني
كلمات/ محجوب شريف
الاسم الكامل إنسان
الشعب الطيب والدي
الشعب حبيبي وشرياني
اداني بطاقه شخصيه
من غيرو الدنيا وغبالو
قدامي جزائر وهميه
لا لون
لاطعم
ولا ريحه
وايام مطفيه مصابيحها
زي نجمعه بعيده ومنسيه
المهنه بناضل وبتعلم
تعليم في مدرسه الشعب
المدرسه فاتحه علي الشارع
والشارع فاتح في القلب
والقلب مساكن شعبيه
وديني محل ماتوديني
شرد اخواتي واخواني
فتش اصحابي وجيراني
خليني في سجنك وانساني
في سجنك جوه زنازينك
ارميني وكتف إيدي
من اجل الشعب السوداني
وعشان اطفالنا الجايين
والطالع ماشي الورديه
وحياه الشعب السوداني
في وش المدفع تلقاني
قدام السونكي حتلقاني
وانا بهتف تحت السكين
الثوره طريقي وايامي
معدوده وتحيا الحريه
|
|
 
|
|
|
|
|
|
|
 Re: واجب عزاء محجوب شريف. (Re: عرفات حسين)
|
إنا لله وإنا إليه راجعون
رحم الله الشاعر السياسي الأستاذ الإنسان محجوب شريف رحمة واسعة
وأسكنه فسيح جناته
وألهم آله وذويه الصبر الجميل
ولا حول ولا قوة إلا بالله العلي العظيم
العزاء للشعب السوداني
| |
|
|
|
|
|
|
|
|
Re: واجب عزاء محجوب شريف. (Re: عرفات حسين)
|
الي جنات الخلد شاعر الشعب محجوب شريف
حنبنيهو البنحلم بيهو يوماتى
وطن شامخ وطن عاتى
وطن خيّر ديمقراطى
وطن مالك زمام أمرو
ومتوهج لهب جمرو
وطن غالى
نجومو تلالى فى العالى
إراده .. سياده .. حريّه
مكان الفرد تتقدم
قيادتنا الجماعيّه
مكان السجنِ مستشفى
مكان المنفى كليّه
مكان الأسري ورديّه مكان الحسره أغنيّه
مكان الطلقه عصفوره تحلق حول نافوره
تمازج شُفّع الروضه
حنبنيهو
البنحلم بيهو يوماتى
وطن للسلم أجنحتو ضدّ الحرب أسلحتو
عدد مافوق ما تحتو مدد للأرض محتله
سند للإيدو ملويّه
حنبنيهو..
البنحلم بيهو يوماتى
وطن حدّادى مدّادىما بنبنيهو فرّادى
ولا بالضجه فى الرادى ولا الخطب الحماسيّه
وطن بالفيهو نتساوى نحلم .. نقرا .. نتداوى
مساكن .. كهربا .. ومويه تحتنا الظلمه تتهاوى
نختّ الفجرِ طاقيّه
وتطلع شمس مقهوره
بخط الشعب ممهوره
تخلي الدنيا مبهوره
إراده
وحده شعبيّه
| |
|
|
|
|
|
|
|
|
|
Re: واجب عزاء محجوب شريف. (Re: محمد نور عودو)
|
اللهم ارحم محجوب شريف واغفر له
وامطِر قبره سحائب الرحمة
واجعل الجنة مثواه
وانزلهُ منزلة الصديقين والشهداء وحسُن أولئك رفيقا
اللهم اجعله من أصحاب اليمين ( في سِدرٍ مخضود * وطلحٍ منضود *
وظِلٍ ممدود * وماٍ مسكوب * وفاكِهةٍ كثيرةٍ * لا مقطوعة ولا ممنوعة *
وفُرُشٍ مرفوعة * )
العزاء لأسرة شاعرنا المناضل محجوب شريف
العزاء لك أخي عرفات ولنا ولكل من أحب هذا الرجل السوداني
إنا لله وإنا إليه راجعون
| |
|
|
|
|
|
|
|
|
|
Re: واجب عزاء محجوب شريف. (Re: عبدالرحمن أحمد السعادة)
|
إنا لله وإنا اليه راجعون ..
ولا حول ولا قوة إلا بالله العلي العظيم ..
اللهم إنا نسألك رحمتك وعفوك ومغفرتك لعبدك محجوب شريف ..
اللهم إنه بين يديك وفي جوارك يا رب العالمين اللهم احشره مع الصديقين والشهداء ..
واللهم بارك في بنيه واجعل الجنة مثواه ..
له الرحمة والمغفرة ..
| |
|
|
|
|
|
|
|
|
|
Re: واجب عزاء محجوب شريف. و عشرة مقاطع للحياة (Re: هشام كمال عبادي)
|
عشرة مقاطع للحياة للشاعر محجوب شريف
( 1 )
غطى الجبال الليل
لكن هدير السيل
لكن صهيل الخيل
نار الغضب والجوع
تحت الجبل مسموع
يضووا عز الليل
( 2 )
والموج شديد الظلام
غطى الشهيد الهمام
لكن دماهو بتقيد
لكن طريقو المجيد
ابداً شديد الزحام
رايات ترفرف غمام
ينزل رزاز النشيد
والنجمة تلمع هناك
رغم المكان البعيد
( 3 )
والنهر عبر السنين
يزحف بعنف وبلين
في الليل بيلمع يبين
فارس بسيفو السنين
يحمينا حضنو الامين
نطلع بكتفوا الشمال
ننزل بكتفوا اليمين
لكنو مين يقدر يقول
أنا سيدو مين
( 4 )
في منحنى الدرب الطويل
الحبة تفلت من جراب
عابر سبيل مسكين هزيل
عطشان يموت في السكة
ما يتم الرحيل
تكبر تشيل تلبس جميل
تصبح مقيل عابر سبيل
( 5 )
عصفورة من أخر بلاد
في رحلة لي أخر بلاد
تعرف مواعيد الحصاد
وكل دورات الفصول
وأنضر ايام الحقول
وتعادي أسراب الجراد
وتنادي لوكركب زناد
صياد على العش والولاد
( 6 )
أنسانة ابسط ما يقال
لو صاح
اعز من النساوين الرجال
أنثى ولا دستة رجال
تمشي وما بتطأطي
ما بين بير وشاطي
تطلع عالي واطي
نهارها مع السواقي
وليلها مع الطواقي
وعمرها للجهال
( 7 )
والنملة في الصف العجيب
وعلى انفراد
نفس النشاط والأنضباط
نفس الحماس
تسعى وتجيب ولا من رقيب
ولا حتي في الأمر التباس
ولا في اختلاس
أحسن كتير من بعض ناس
ولا في اختلاس
وهيلا .. وهيلا هيلا .. هيلا
تلقى تفسها في سفينة
وهيلا .. وهيلا هيلا .. هيلا
تاني في شارع مدينة
والحكمة بنفس الحماس
تلقاها في الصف العجيب
كم مرة تهرب من مداس
من طفل عابث ومن لهيب
بالحبة تمسك في عناد
الحبة ملك الاتحاد
( 8 )
والحكمة في مر السحاب
والعلاقة البينو ما بين الجذور
واللسة في الباطن بذور
وغنا الطيور
والمعركة الدارت تصلصل
بسيوفها وبالحراب
والعلاقة البينو بين الغابة والهبابة
والربابة والمنديل
ومجرى النيل وضلفة باب
وبكية طفلة في الكتّاب
تفتش عن قلم رصاص
وقع في الباص
وحس رصاص هدر في ناحية
فيها العيش حكر للجيش
بتاكل من زمن مافيش
وتشرب من زمن مافيش
وكان اضراب
( 9 )
والشمس تطلع يبين
ادق ما في الجبال
تبدأ الموانئ العظيمة الهدور
وتصحى المصانه بيهمة وتدور
ووتملأ الشوارع وكل الجسور
وتشفى الصدور
جموع الشغيله خطاها ثقيلة
تخلى القصور تحس بالفتور
وحمى الزوال
( 10 )
تصحى المدينة
تقوم تستحم وتولع سيجارة
تدخن تسخن بشاى الصباح
وحق الملاح وسيد الجزارة
وتقعد تدندن تخيط زرارة
ترتق هدوما وتفتق هموما
وتسب الحكومة وتفن الريال
وتنفض سريعاً غبار النعال
وتنزل تواجه مشاكل عويصه
تشرّط قميصا وتدق العيال
ليه العيال يعيش النضال
يخلى الحكومة تدخن تسخن
بنار الكفاح
وتقعد تطنطن لحدي الصباح
بتطلع بتطلع حزينة وكتومة
تشرّط هدوما وتحش المصحة
يعيش الأصح يعيش النضال
وضروري النضال
| |
|
|
|
|
|
|
|
|
|
Re: واجب عزاء محجوب شريف. و عشرة مقاطع للحياة (Re: أسامة العوض)
|
الأستاذ عرفات
فليرحم الله شاعر الشعب الجميل الشريف, والموحي للجمال, محجوب شريف ويدخله جنات النعيم,
والبركة فينا وفيكم وجميع أصحاب الضمير الحي من افراد الشعب السوداني
هنالك مشروع على درجة من الأهمية يتعلق بالتوثيق لحياة محجوب شريف من خلال شهادات يقدمها كل من له علاقة,
عن بقض التفاصيل والمواقف المهمة التي تلقي مزيدا من ضوء ومن مسافة أكثر قربا من العام, حتى العام هنالك مساحة له,
كما أن العارض من المواقف يمكن أن يكون ه حضور دال, فاذا كان مثل هذا الموقف بين محجوب وشخص لا يعرفه أو ليس بينه وبينه علاقة,
فهو يمكن أن يكون ذا دلالة كبيرة, ومبلغ القول أن كل شهادة يقدمها أحد عن الراحل محجوب شريف لها أهميتها بغض النظر عن أي شئ.
فلنوثق له على البوست المفتوح غلى الرابط أدناه:
http://www.sudaneseonline.com/board/460/msg/1396566384.html
هذه الشهادات ليست فقط من أجل التوثيق, لكن ليفيد منها "أولادنا الجايين" لأنها على أنصع وأبلغ ما تكون السير, وأيضا ربما استطعنا من خلال هذه الشهادات أن نصل لوصفة
تمكننا من استنبات مثل هذه الصفات في شخصيات أبنائنا من الأجيال القادمة لأن اليقين أن شخصية محجوب ومن يشبهونه هي نتاج تجاربهم مع مجتمعهم
لك التحيات
بشير اسماعيل
| |
|
|
|
|
|
|
| |
عرفات حسين
عاطف عمر
Abu Baker Ahmed Abdel Rahman
محمد علي عثمان
elhilayla
محمد نور عودو
محمد فضل الله المكى
فيصل محمد خليل
هشام كمال عبادي
أسامة العوض
فيس بوك
تويتر
انستقرام
يوتيوب
بنتيريست