دعواتكم لزميلنا المفكر د.الباقر العفيف بالشفاء العاجل
|
|
 ديوك سودانية
|
يتطرق ادبنا الشعبي لقصص او مواثق او نكات او حكم يكون ابطالها ديوك ...( ضكر الجداد)
من خلال هذا البوست او المبحث سأتطرق لبعضها
قد لاتفيد احدا
لكنها قطعا
لن تضر
|
|
 
|
|
|
|
|
|
|
|
Re: ديوك سودانية (Re: درديري كباشي)
|
غيايتو يا دريديري يا انت بتلفها يا برضو انت بتلفها اها رايك شنو؟؟ ياخ الضحك شرطني علديييييييييل والله ولو ما في المكتب كان الفريق كلو سمع صوتي ،،،، الله يجازي محنك يا صديقنا ...
اها واصل وبدون فواصل مع الديوك ديل ..
تحياتي : ياسر العيلفون
| |
|
|
|
|
|
|
|
|
|
Re: ديوك سودانية (Re: ياسر السر)
|
Quote: غيايتو يا دريديري يا انت بتلفها يا برضو انت بتلفها اها رايك شنو؟؟ ياخ الضحك شرطني علديييييييييل والله ولو ما في المكتب كان الفريق كلو سمع صوتي ،،،، الله يجازي محنك يا صديقنا ...
اها واصل وبدون فواصل مع الديوك ديل ..
تحياتي : ياسر العيلفون |
سلام يا فنان .. كرب فرامل اليد .. ما تترفد مع الشيوخ ديل بعدين تسوينا سبب
| |
|
|
|
|
|
|
|
|
|
Re: ديوك سودانية (Re: عبدالحفيظ ابوسن)
|
Quote: هههههه
مش كان احسن حق السنما !
واصل ياخ
لكن بعد تكمل الديوك عرج لينا علي التيوس ياخ و الكلوب
راجنك يا صاحب |
خلنا النكمل الديوك اولا يا ود ابو سن
| |
|
|
|
|
|
|
|
|
|
Re: ديوك سودانية (Re: محمد مجيدو)
|
Quote: بهجه .. يا درديري .... اضحك الله سنك ...
وقبوره طلع ود مفتح ...
مش زي اولاد الزمن دا ...
يديك العافيه .... |
تسم يا مجيدو
| |
|
|
|
|
|
|
|
|
|
Re: ديوك سودانية (Re: درديري كباشي)
|
الديك المطاط :وقصته قيل انه هنالك رجل سوداني انتهازي ( مستنكح) يسمى حسن (سلامة الاسم يا ابو علي )كان له ديك عجوز هرم .. وفي يوم من الايام قرر ان يدعوا ضيوف مهمين له مصلحة معهم على العشاء في بيته... ولانه مستهبل يريد ان تكون لهذه الدعوة قيمة معنوية عالية مع تكلفة قليلة لذلك اقترح لزوجته ان يذبحوا الديك العجوز وتقديمه محمرا على طبق من المعكرونة ( من غير بشمله) حتى يكون منظر صينية العشاء التي سيتوسطها الديك بمنظره الشهي المحمر مغريا مع وجود الاطباق التقليدية مثل الفول والجبن والساردين والطحنية والسلطة ستصبح السفرة عامرة .. احتجت الزوجة بكل الحجج منها ان الديك عجوز ولحمه قوي ولا يصلح للاستخدام الادمي بل اصلا لايستطيع آدمي ان يستخدمه على الاقل في الاكل.. وكذلك احتجت بان الديك يؤنس وحدتها وخاصة بعد ما ترمل وتوفت آخر زوجاته .. اصبح يؤنسها بعد ذهاب الاولاد الى المدرسة .. كل هذه الحجج والرجاءات لم تعفي رقبة الديك من المقصلة .. ساعات وكان ريشه يعمر سلة المهملات وجسمه الهرم يغلي في المرجل لتستخرج منه شوربة قدر الامكان قبل ان يتحول الى طاجن الزيت لتحميره ..
وحسن من باب التباهي له جار صديق ( صاحب مزاج ) قرر ان يدعوه من ضمن المدعويين .. واكتمل ركب الضيوف في الصالون ومن ضمنهم الجار .. واحضرت المائدة وهي تعج بمالذ وطاب .. وقد كان من ضمن الحضور السيد الديك يتوسط طبقه المائده كصينية المرور كما يتربع هو مكرفسا في الوسط بعد ان اكتسب لونا ذهبيا مغريا اخفى معالم شيخوخته كما تفعل ادوات التجميل في النساء المتصابيات ...
سم الضيوف الله وشرعوا اكلا في كل الاطباق .. والعجيب باءت كل محاولات الضيوف بالفشل في النيل من الديك .. وكل مامد احدهم يده نحوه تمطى معه اللحم كابعد ما يكون ثم عاد الى مكانه سالما آمنا فيتركه الضيف محاولا في الاطباق الاخرى .. صاحب البيت لم يقدم اي مساعدات او مقترحات تساعد ضيوفه في النيل من ديكه كانه يريد ان يحتفظ به سالما .. الجار يراقب ويهز في راسه .. الى ان تعشى الجميع وعادت المائدة الى الداخل بديكها سالما ..وتفرق الضيوف وعاد الجار الى بيته .
وقبل ما يتكى راسه في السرير تقف سياره تاكسي امام البيت اذا تفاجئهم اخته المغتربه بزوجها وابنائها دون اي مقدمات واتصال مسبق .. لتدخل عنده زوجته فزعة مهرولة متحججه بان البيت فاضي لاتوجد فيه اي عناصر لعشاء مستعجل وان البقالة قفلت ولا يوجد سوى الفول ولا يمكن تقدمه لوحده .. قام صاحبنا وقال بسيطة ومحلولة مناديا ولده ... ( تعال ياخالد رح عند عمك حسن جارنا وقل له اعطنا الديك تبعكم نعشي به الضيوف ونرجعه لكم )
| |
|
|
|
|
|
|
|
|
|
Re: ديوك سودانية (Re: درديري كباشي)
|
ياخي والله متعة و"شهوة" كتابة عالية جدا ..
واصل لينا بالله في موضوع الديوك دا خلينا نطلع من رتابة البوستات السياسية المالية المنبر ..
تحياتي يا ود كباشي ..
| |
|
|
|
|
|
|
|
|
|
Re: ديوك سودانية (Re: محمد الطيب محمد)
|
Quote: غيايتو يا دريديري يا انت بتلفها يا برضو انت بتلفها اها رايك شنو؟؟ ياخ الضحك شرطني علديييييييييل والله ولو ما في المكتب كان الفريق كلو سمع صوتي ،،،، الله يجازي محنك يا صديقنا ...
اها واصل وبدون فواصل مع الديوك ديل ..
تحياتي : ياسر العيلفون |
كديه ياخوي وريني إنت
الإسم دا منو الأداك ليهو؟؟
تحياتي
| |
|
|
|
|
|
|
|
|
|
Re: ديوك سودانية (Re: dardiri satti)
|
Quote: قبورة : بكلم امي والله اكلمها
الاب : اها خلاص عايز فيه كم ؟؟
قبورة : عشرة الف
الاب الديك المهكع دا مش كفايه اللهفته مني بسببه ..
قبوره : بكلمها والله اكلمها
الاب : خلاص جيبه وجيب معاك السكين اكان تفشنا شوربة ديك الجن دا . |
*** درديري ، بحملك المسؤولية كاااااملة لو حصلي شي . ياخ قربت أموت من الضحك ياخ .
| |
|
|
|
|
|
|
|
|
Re: ديوك سودانية (Re: dardiri satti)
|
معليش البوست خاص بالديوك وليس زوجات الديوك
المهم اول دجاجة سعيتها في حياتي كانت هدية من حبوبتي
والتي اشترطت ان تهديني هذه الدجاجة
مقابل أن لا أذهب للسباحة في النهر مع ابن خالتي المطموس حسب رايها
وقد ربطتني يوما ما على كراع العنقريب حينما عرفت انني اذهب للسباحة من ورائها
ولو كان لديها جلكسي وقتها لاتصلت على والدتي كي تأخذني
وأرجع من حيث أتيت
وبالفعل عرفت لاحقا أنها اوصت لوالدتي عن طريق المواصلات
بأن تحضر حالا لأخذ هذه المصيبة
وحكت حبوبتي كل الشمار لوالدتي
سواء الشمار المرغوب فيه من قبلنا أو غير المرغوب فيه
وأخذت كف زي السم
وربما حبوبتي على قول صلاح غريبة أنبها ضميرها
فأهدتني هذه الدجاجة المشكلة ما بين الذهبي والأسود
الدجاجة رائعة ولكنها كانت من ذوي الاحتياجات الخاصة
حيث أنها برجل واحدة
كانت هذه الدجاجة جميلة في كل شيء
وتأتي بكتاكيت في غاية الروعة
ولكن الشيء الذي كان يغيظني أن ديوك الفريق حاقرات بيها لدرجة لايتصورها عقل
فالديوك في زمنا مليئة بالفحولة
وليست مرخرخة كديوك هذا الزمن
وكان هناك ديك شرس لجيراننا
ويقوم بمطاردة الدجاج لو كان الدجاج في فترة خصوبة أو غير ذلك
فهو لايفرق بين كاب الجداد وودربيعة وأم ضريوة
المهم كل دجاجة كانت تهرب بجلدها
ماعدا دجاجتي الجميلة
والتي سرعان ما تنفزر وتنبطح وتستسلم لأنها لاتستطيع الجري
وكنت في الكثير من المرات التي أحضر فيها مثل هذه العملية الارهابية
أقوم بخطفها من تحت الديك
وأجعل الديك مذهولا ومعلقا ما بين السماء والأرض
وانا اقول له 00 بلا بيض بلا كتاكيت معاك
قال خصوبة قال !!!
| |
|
|
|
|
|
|
|
|
|
Re: ديوك سودانية (Re: ابوحراز)
|
Quote: معليش البوست خاص بالديوك وليس زوجات الديوك
المهم اول دجاجة سعيتها في حياتي كانت هدية من حبوبتي
والتي اشترطت ان تهديني هذه الدجاجة
مقابل أن لا أذهب للسباحة في النهر مع ابن خالتي المطموس حسب رايها
وقد ربطتني يوما ما على كراع العنقريب حينما عرفت انني اذهب للسباحة من ورائها
ولو كان لديها جلكسي وقتها لاتصلت على والدتي كي تأخذني
وأرجع من حيث أتيت
وبالفعل عرفت لاحقا أنها اوصت لوالدتي عن طريق المواصلات
بأن تحضر حالا لأخذ هذه المصيبة
وحكت حبوبتي كل الشمار لوالدتي
سواء الشمار المرغوب فيه من قبلنا أو غير المرغوب فيه
وأخذت كف زي السم
وربما حبوبتي على قول صلاح غريبة أنبها ضميرها
فأهدتني هذه الدجاجة المشكلة ما بين الذهبي والأسود
الدجاجة رائعة ولكنها كانت من ذوي الاحتياجات الخاصة
حيث أنها برجل واحدة
كانت هذه الدجاجة جميلة في كل شيء
وتأتي بكتاكيت في غاية الروعة
ولكن الشيء الذي كان يغيظني أن ديوك الفريق حاقرات بيها لدرجة لايتصورها عقل
فالديوك في زمنا مليئة بالفحولة
وليست مرخرخة كديوك هذا الزمن
وكان هناك ديك شرس لجيراننا
ويقوم بمطاردة الدجاج لو كان الدجاج في فترة خصوبة أو غير ذلك
فهو لايفرق بين كاب الجداد وودربيعة وأم ضريوة
المهم كل دجاجة كانت تهرب بجلدها
ماعدا دجاجتي الجميلة
والتي سرعان ما تنفزر وتنبطح وتستسلم لأنها لاتستطيع الجري
وكنت في الكثير من المرات التي أحضر فيها مثل هذه العملية الارهابية
أقوم بخطفها من تحت الديك
وأجعل الديك مذهولا ومعلقا ما بين السماء والأرض
وانا اقول له 00 بلا بيض بلا كتاكيت معاك
قال خصوبة قال !!! |
رائع يا ابو حراز والله خجيتنا خج بالضحك ..
معليش يا شباب كنت ناوي ارد بالدور لكن ما قدرت اصبر على جدادة ابو حراز المعاقة
| |
|
|
|
|
|
|
|
|
|
Re: ديوك سودانية (Re: درديري كباشي)
|
| Quote: هو مكرفسا في الوسط بعد ان اكتسب لونا ذهبيا مغريا اخفى معالم شيخوخته كما تفعل ادوات التجميل في النساء المتصابيات ... |
...................
عليا اليمين قبورة ده لو ديكو شبااااااااااااااب كان لحسي ببيع فيهو ههههههههههههه
| |
|
|
|
|
|
|
|
|
|
Re: ديوك سودانية (Re: عمران حسن صالح)
|
Quote: عليا اليمين قبورة ده لو ديكو شبااااااااااااااب كان لحسي ببيع فيهو ههههههههههههه
|
ديكك عينة يا عمران لكن ذكرني ديك ايام كنا طلاب بجامعة الجزيرة ماشين على كسلا معانا الصديق الصادق الخير ربنا يطراه بالخير .. انا نمت في البص صحاني الصادق ( درديري شوف دا درديري شوف دا ) فتحت قدامانا بتاع لوري راسم ديك في الخلفية وسابقها بعبارة (في الليلة )
في الليلة ديك ... الله يرحمك يا زيدان .. وتحايا عطرة للعزيز الصادق الخير عبد الوهاب ..
| |
|
|
|
|
|
|
|
|
|
Re: ديوك سودانية (Re: dardiri satti)
|
Quote: كديه ياخوي وريني إنت
الإسم دا منو الأداك ليهو؟؟
تحياتي |
هات شهادة ميلادك يا درديري عشان نعرف منو فينا الاقدم .. انا غايتو قديم اووي والحمد لله
| |
|
|
|
|
|
|
|
|
|
Re: ديوك سودانية (Re: هشام كمال عبادي)
|
Quote: ياخي والله متعة و"شهوة" كتابة عالية جدا ..
واصل لينا بالله في موضوع الديوك دا خلينا نطلع من رتابة البوستات السياسية المالية المنبر ..
تحياتي يا ود كباشي .. |
سلام يا هشام ومشكور على الضو الاخضر الجميل
حقيقة كلما فتحت بوست مشابه هنا حسيت كمن عصرته ضحكة في بيت البكا والجنازة طالعة يا دوب
| |
|
|
|
|
|
|
|
|
|
Re: ديوك سودانية (Re: وضاحة)
|
Quote: درديري سلام
اكتب لينا عن ديك العدة |
منورة يا دكتورة
انا لسع في بالي حزمة ديوك
منها :
ديك العدة
ديك المسلمية
ديك البطانة
الديك الزراعي
وديك الدرداقة
وديك ابو داوود
كلها اما حكم او نكات او مواقف ابطالها ديوك
| |
|
|
|
|
|
|
|
|
|
Re: ديوك سودانية (Re: وضاحة)
|
طيب ديك المسطول
عندو جداد وقدر ما يجيب ليهو ديك يزعمطنو ,, ويمرق بكرامة البليلة , وزولنا داير الخلفة
حكي لي صاحبو , صحبو قال ليهو عندي ديك بسلفو ليك ,, وما بخذلك
جاب الديك ,,, لم في الجداد كلو فسا فيهو ,,, الديك الممعوط قاعد منزوي بالجمبة اداهو حقو ,, الكديسة جات طايرة قبضها ولحقا الجداد ,, الصقر جا طاير كف ختف ليهو سوسيو ,,, نط ليك معاهو وقبضو بالجو وقضي وطره منو
المسطول مشاهد الموقف كلو
خم الديك طوالي وداهو لي صحبو
ياخ امسك ديكك ده انا نومي تقيل
| |
|
|
|
|
|
|
|
|
|
Re: ديوك سودانية (Re: عبدالحفيظ ابوسن)
|
Quote:
هات شهادة ميلادك يا درديري عشان نعرف منو فينا الاقدم .. انا غايتو قديم اووي والحمد لله |
خليك من شهادة ميلادي ،
انا شفت البروفايل بتاعك .
تعرف جامعة الجزيرة لمن عملوها ،،
موش مدرس
أنا كنت رئيس شعبة .
أنا مشغول شديد اليومين ديل ،
لكن لمن أفضى ليك
عندي كلام كتير في موضوع الديوك معاك .
تحياتي
| |
|
|
|
|
|
|
|
|
|
Re: ديوك سودانية (Re: dardiri satti)
|
Quote: خليك من شهادة ميلادي ،
انا شفت البروفايل بتاعك .
تعرف جامعة الجزيرة لمن عملوها ،،
موش مدرس
أنا كنت رئيس شعبة .
أنا مشغول شديد اليومين ديل ،
لكن لمن أفضى ليك
عندي كلام كتير في موضوع الديوك معاك .
تحياتي |
لا كدا استسلمنا تب ونرفع القبعات عاليا يا استاذنا درديري ساتي
| |
|
|
|
|
|
|
|
|
|
Re: ديوك سودانية (Re: درديري كباشي)
|
ديك البطانة ..
مثل يضرب به وهو اشبه بحكاية الاطرش في الزفة .. بمعنى شخص موجود في مكان بجسده فقط لكن عقله وذهنه لايدرون شيئا عن الحاصل ... كناية عن ضيق الافق ومحدودية النظر . او ( شاهد ماشاقش حاجة )
وحكايته انه العربان من سهول البطانة يحملون الدواجن لبيعها في المدن ويستبدلوا قيمتها بحاجياتهم الضرورية ..
وحتى لاتنكتم انفاسها او تموت دهسا بالاقدام فهم يربطونها مدلاة باطراف الشاحنة واذا لم تعجبهم الاسعار اي حاول اهل المدن يستغلونهم يعودون بها دون بيع .. فيقطع الديك مشوارا طويلا وهو لم يرى غير التراب والاسفلت وعجلات السيارة .
يصبح المثل مثل ديك البطانة مشى مدلدل وعاد مدلدل .. ومنها اختصرت لكلمة دلدول وهو المسطح الامعة ..
| |
|
|
|
|
|
|
|
|
|
Re: ديوك سودانية (Re: درديري كباشي)
|
ثم ديك المسلمية
الذي ( يعوعي ) وبصلته في النار ..
اي بمعنى انه يغني فرحا طربا لصوت ( القدر التي تغلي في النار ) وهو لا يدري انها مشروع تحويله الى ( دمعة جداد ) أي ( يخن دجاج كما يقول العرب والاتراك )
ويضرب لمن يهلل ويكبر ويفرح بقدوم تغييرا وشيكا وهو لايدري بأنه سيكون أول من يحاسب بعد أن يكتمل بدره ... والمعنى واضح لا لبس فيه وواقعنا يعج ويضج بالامثلة ..
| |
|
|
|
|
|
|
|
|
|
Re: ديوك سودانية (Re: درديري كباشي)
|
ديك العدة
الديك معروف انه اهوج واحمق ودائما رد الفعل عنده يكون اكبر من الفعل نفسه مثلا لو نهرته او اشرت بيدك تجده صاح وقفذ قفذة ربما تكون اخطر من الضربة التي كان ممكن تصيبه ..
لذلك اذا صادف وجود الديك على كومة اوني زجاجية في المنشرة يتطلب التعامل معه بحرص شديد ..
وقد وصف احد البلغاء الرئيس النميري في آخر ايامه بأنه اشبه بديك العدة اذا تركته جاثما عليها ######ها واذا نهرته كسرها ... بمعنى الضرر لابد منه واقع ... الذي على الناس ان يحصوا اخف الاضرار حتى يتخلصون منه ..
اثبتت الايام ان معظم رؤساء الدول العربية ما هم الا ديوك عدة ... لان الضرر الذي حدث وسيحدث بعد طردهم اكبر بكثير .... ولكن الكي آخر والبتر العلاج وانجعه
| |
|
|
|
|
|
|
| |
ياسر السر
محمد مجيدو
عبدالحفيظ ابوسن
هشام كمال عبادي
محمد الطيب محمد
الطيب عثمان يوسف
ابوحراز
عمران حسن صالح
وضاحة
فيس بوك
تويتر
انستقرام
يوتيوب
بنتيريست