تأكلوا الحمت رمت إن شاء الله (صورتين ) واحدة فى الذاكرة

Quote: شوف النفس العادمة الذوق لا خافت خالق لا مخلوق تاكلو ترمرمو حق الفقرا والمسكين اصبح مريوق وباكر ياما الموت يغشاكم وتلقي كريشتك في لحيد مزنوق ده كان ما الاغبش شمر وجاكم وذي ما ضاق الصرمة تضوق بالقانون والدفتر جاهز فيه السارق والمسروق ياود عمي الحق نور ابلج وشمس الحق بتضي شروق

(عدل بواسطة Jamal Mustafa on 04-20-2014, 08:18 AM)

Quote: إن جاع في شدة قومٌ شركتهم *** في الجوع أو تنجلي عنهم غواشيها جوع الخليفة و الدنيا بقبضته ** في الزهد منزلة سبحان موليها فمن يباري أبا حفص و سيرته *** أو من يحاول للفاروق تشبيها يوم اشتهت زوجه الحلوى فقال لها * من أين لي ثمن الحلوى فأشريها

Quote: والي الجزيره وصيام الضب 04-20-2014 11:55 AM د. الرازى الطيب ابو قناية رشح في الاخبار ان السيد الزبير طه والي الجزيره يصوم يومي الاثنين والخميس من كل اسبوع وتقوم الحكومه بتوفير المكان والموارد الماليه لتحضير فطور سيادته علي نفقتها بواقع سبعه مليون ونصف جنيه للفطره الواحده. بتوافقوني ياجماعه لو كل والي عمل كده, فريضه الصيام بتصبح نغمه وليست نعمه علي المساكين الزينا كده؟ اولا, نشكر الله كثيرا ان سيادته قد اصبح مسلما (نص كم) ويصوم يومين في الاسبوع فقط, والا كانت منصرفات فطوره قد بلغت رقما قياسيا يصعب حسابه حتي علي الجلاكسي اس فايف الجديد. ولا ندري ان كان سيادته قد وافق ام لا علي تجهيز الفطور الجماعي له. ولكن وجود اسرته في الخرطوم والتي تعيش (كيري) علي حساب جامعه الخرطوم منذ خمسه سنوات في منزل كهربته حرام وحراسته حرام وحتي ماؤه الطهور حرام, يؤكد انه يعيش (عزابي) في مدني وان هذه العيشه صعبه لدرجه لا يستطيع الشخص العادي فيها تجهيز سندوتش سيبك من فطور رمضاني كامل الدسم. ولكن الشئ المستغرب مقدره سيادته علي غض الطرف عن تلمس الحرام رغم صيامه يومين في الاسبوع. ونستغرب جدا نحن ابناء ولايه الجزيره الذين يعيشون حاله من الفقر لا يعلم مداها الا الله عندما نراه يقدل (باستايل شايقي) في الرقص علي جثث القتلي في جنوب كردفان ابان احتلال ابكرشوله وقد تركنا وراءه نئن من الجوع والمرض وطريحي الفراش. نحن الان في حيره من امرنا لاندري بالظبط ان كنا ولايه مسلمه علي راسها امير المؤمنين ام احد مدن امريكا الجنوبيه التي ولاها الله باناس لا يعرفون عن الدين شيئا. فوالينا الهمام اصبح من متقني العيش علي الاموال العامه حتي اصابنا الشك في ان الدوله اوجدت لخدمته والاهتمام به بدلا من ان يهتم هو بها. وقد تاكدنا من المصادر, ان سيادته يسكن ايضا في قصر الضيافه الخاص بالولايه علي ضفاف النيل الازرق يخدمه جيش جرار من الخدم والحشم وتحرس اسوار القصر مجموعه من الشرطه الشعبيه والدفاع الشعبي وشعبه (حمايه الوالي) وضعت تحت تصرفها ميزانيه كفيله باجلاس جميع تلاميذ الولايه في مدارس تتانق فصولها بكراسي مريحه وساحاتها بحدائق غناء كما الحال عندما كنا تلاميذا فيها. اشك عموما في وجود شعب في هذه الدنيا يعاني مانعانيه او عاش تجربتنا بسبب وجود والي عليه كوالي ولايتنا الغنيه. فنحن ابناء الجزيره (شاغانا) المغسه عديل كده لتدهورنا من الولايه رقم اتنين للولايه رقم متين. حتي تمثيلنا في الدوري الممتاز اتدهور لغايه مابقينا الطيش والسبب الزبير بشير طه والفاتح الكرنكي واخرين من ابناء الولايه. قال شنو, قال ماهم من اولاد مدني خلاص. هسع بلاي الناس دي بمثلو اولاد مدني؟ الزبير زول خريج فلسفه, والكرنكي ماعارفنو خريج شنو ولا مؤهلاتو شنو, والبقيه جوقه لاهم لها سوي الكسب المادي الرخيص. حررام تحطيم الولايه بهذه الطريقه ياكيزان. طيله زمن اغترابنا كانت سمعتنا كاولاد مدني يحفها الاحترام لاننا بطبعنا متميزين من حيث الفكاهه والتعليم واشياء اخري . اذكر اول زياره لي لمدينه ليدز في شمال بريطانيا لاحد الاصدقاء وقامو الجماعه اتلمو للكشتينه وفجاه لقيت نفسي محاط بي مجموعه من اولاد مدني اكتشفته انهم عاملين ليهم رابطه مسمنها رابطه اولاد مدني. مع نهايه الزياره صاحبي قال لي "ياخ اصلو انته جاي لي اولاد مدني؟ يوم واحد مانشوفك؟" وتذكرت صديقي هاشم بطري امد الله في عمره وهومن عظماء مدني. فعندما تخرج من الجامعه في اواخر السبعينيات وكان اولاد مدني البقرو او شغالين في الخرطوم مالاقين سكن اجر بيت في منطقه كوبر الحبيبه سماهو (بيت الشعب). يجي ياخ الزول دا قروش الولايه كلها مبعزقها في الجهاد القاطعو من راسو دا؟ انا غايتو بفتكر حكايه الجهاد القايم لينا فيها دي مسرحيه عشان راسو فاضي وكمان هروب من مسؤولياتو. عشان كده نحنا مادايرنو شيلو لينا وجيبو لينا انشاء الله (ود الفتلي) فعلي الاقل فيو حراره قلب ناس مدني واكيد حيكون زول فنان ولعاب وبعرف (بيت الشعب) يعني شنو.

Quote: متى يضوق هؤلاء الغافلين الصرمة ؟؟؟ وتدخل العدالة رواكيب الغبش مرضى الكلى فى مدنى تهرسهم الأنات ويتجشأ الحاكم وحكومته هذه الملايين

Quote: شكا مرضى السرطان بودمدني من انعدام دواء المورفين (حبوب وشراب) منذ أكثر من شهرين، وعبّر عدد من المرضى في حديثهم عن معاناتهم من شدة الآلام نتيجة انعدام دواء (المورفين)، ووصفوا معاناتهم بالموت أكثر من مرة، مناشدين الجهات ذات الصلة والحكومة باستجلاب المورفين فوراً رفعاً لمعاناتهم. وقال مدير المعهد القومي للسرطان بودمدني، بروفسور دفع الله أبو إدريس إن كل الوعود التي تمت منذ أكثر من شهرين من قبل الإمدادات الطبية بتوفير دواء (المورفين)، لم تنفذ ولم يتم استجلاب الدواء، وإن الإمدادات عجزت عن توفيره. وأضاف أن كل محاولاته من أجل توفير الدواء فشلت، والآن لا يوجد مورفين في السودان، ما يؤدي إلى مضاعفة معاناة مرضى السرطان. وقال إن انعدام المورفين يجعل المرضى في حالة ألم مستمر دون انقطاع، لا تستطيع المسكنات العادية إسكاته وقد يؤدي إلى الوفاة، وحمل أبو إدريس كل الاجهزة الصحية مسؤولية معاناة مرضى السرطان لعجزها عن توفير دواء (المورفين) مناشداً الدولة بتوفيره فوراً لإنقاذ مئات المرضى من الموت وتخفيف معاناة مرضى السرطان. السوداني

Quote: [ ياخ سؤال وهيط ومقياس وميس عديل.........! متي يضوق هؤلاء الغافلين الصُّرمة ؟؟؟؟؟ إنت عارف يا أخوي الزول البضوق الصُّرمة دي... ربنا لطف بيهو ودايرو يستعدل...... لكن ديل جرتهن برااااها إنت عارف عندي أخوي قال : شاهد أحد أخوانا يشتري لأحدهم بعيرا ويشتري له كل ملتزمات وزاودة تكفيه من سوق أبو زيد إلي واحة الكوفة بالجماهيرية الليبية والغريب هو لا يعرف هذا الشخص المسافر ولم يلتقِ به مسبقا وسابقا فسأل أخونا علي إبن عمنا قائلا: دفعت لهذا الرجل وانت لا تعرفه...!؟ فرد أخونا قائلا: يا أبو علوة الصُّرمة حارة خلاااس والبضوقها بساعد النَّاس ديلا ما ضاقوا صُرمة وكمان ماشافو خير قبل كدي يعني المثل الدارجي "لا تُكُد المُكدِّي ..ولا تخلِّي المكِدِّي يكدَّك

Quote: الحمت هو اللوم والرمت قيل هو الرمث وهو نبات ,, الحمت رمت زمان فتشت أكيفها وغلبتني رغما عن استعمالنا لها

Quote: لا حول ولا قوة إلاّ بالله.. مصّ القوم كل مقدّرات الوطن.. ولم يعد هناك مايكفي حتّى لسرقاتهم و ملذّاتهم.. وما حديثهم عن التقشّف إلاّ ليقينهم بأن الموجود لا يكفي لسفههم المعلوم.. وليس المقصود منه وجه الوطن والمواطن بأي حالِ من الأحوال.. للأسف شرارة التفجير القادم..سيقدح زنادها هؤلاء المظلومين.. مدفوعين بروح إنتقام اجتماعي لا يبقى ولا يذر.

Quote: الله في وبنتقم منهم ياكلون فى بطونهم نار المجرمين الحرامية وهو لو عاوز يعمل فيها باشا وايدوا سخية ما يصرف من مرتبوا بيصرف من حق الشعب المسكين ليه ؟ حرامي حقير

Quote: هولاء أعطوا للنفاق أبعادا أخرى هم متأكدين ان جنتهم هنا فى الدنيا عارفين كبائرهم كلها وشايفين بعيونهم علامات غضب الله عليهم يعنى خربت خلاص والبينهم و بين الله انشالله ما يتصلح ليوم الحساب. اللهم ارحم المساكىن. شعر صادق و معبر أستاذ عبد العزيز

Quote: تحياتى يامواطن

(عدل بواسطة Jamal Mustafa on 04-21-2014, 07:45 AM)

Quote: هاتين الصورتين أخرجتا هذا الكلام الذي لا يعلمه إلا الله ولا أبتغي منه سوى وجهه تعالى .. وأسأل الله أن يغفر لي ما قلته ولا يمسح أجراً كتبه لي