دعواتكم لزميلنا المفكر د.الباقر العفيف بالشفاء العاجل
|
Re: الفى ايدو قلم ..واشياء اخرى (Re: محمد عبد الله حرسم)
|
....... و ... باتوا معه ليلته فى بيته ليكتشفوا السر .... سر اعلان الرسول ص انه من اهل الجنة .... لم يجدوا كثير صلاة ولا كثير قيام ولا ولا ..... فاضطروا لسؤاله كفاحا : يا زول انت الله راضى عنك ودخلك الجنة ضمان ليييييييه ؟؟؟ ..... كانت اجابته صاعقة : انا بنوم نضيف .... هنا نضيف .... قلبى ما بيعرف يعادى .....
| |
|
|
|
|
|
|
Re: الفى ايدو قلم ..واشياء اخرى (Re: محمد عبد الله حرسم)
|
الأهلية
الأهلية كملت يا حبيب راحت يا حليل شمس المحنة الغرَّبت طاحت بسم الله ابتديت متل البرق لاحت فى الشين والفسل بقينا نتباحت طال الكان قصير والعالى اتاحت والصولات حليلن ملكتن راحت مالك يا زمان شبعتنا هولا لبست الناس تيابا حاشا مى هولا يات من كان يجي دمَّاعو مبهوله ولله راحت بقت البواجهوله مالك يا زمان شبعتنا وح ووحيح صح الدون كضب كضب العوالى صحيح يات من كان انا جعلتو لى صليح عقرب حزّه لى ويا نفسي زين ومليح فى احوال الزمن صار الفكر حاير والياباك خلو عندو شن داير فوق اهل الفكر كاس الوحيح داير نفد سوق النفاق سوق السمح باير تُب الشباب إن بقى كوَّاس تُب الصبي إن قطع المروة خلاص تُب الشايب إن بقى وسواس تُب الأقربين الإتفاتتو الأنفاس
| |
|
|
|
|
|
|
Re: الفى ايدو قلم ..واشياء اخرى (Re: محمد عبد الله حرسم)
|
اتفق جدا معك بان السياسة ليست فقط قتلتنا واتعبتنا
انما هى ايضا شوهتنا واحس كثيرا باننا ما يحاولون ان يطلقوا عليهم فى العصر الحديث (المعوقين)
من اللحظة الاولى دعنى اخبرك امرا انا لا اقسم الانسان الى ترع وحواشات ومخابىء وبحار تفصل بينها مدارات اى بمعنى انه يصنف فى لحظة سياسى او دينى او اقتصادى او اجتماعى او امنى
اننى لا اجيد عمل الترزية ليكون او اكون فى الفعل الفلانى سياسى او فى الفعل الفلانى ثقافى وهكذا
فقط ببساطة انا انسان كائن متحرك داخل كبسولته المكونة من كل شىء تتحرك فيه ومن وله الايونات الموجبة والسالبة معا لخق مناخ حركته نحو ذاته ونحو الخارج الآخر
تحملنى الكلمة الصادقة الفكرة الذكية الحضور البهى من اى مكان يأتى واتبع الكلام النقى المفيد لى ولفكرتى دون كبير تصنيف كلامى كله يحمل ذات الدلالة وذات المنهج والفكرة اى الكبسولة عندما اكتب فكرة فهى تحمل فى جوفها (الانسان ) بسيبسته واجتمعيته وامنيته وبندقيته وكلماته وانانيته وحبه وكرهه وحنانه وقسوته
لذا يا صديقى اتفق معك بان السياسة اضاعت منا جهدا كبيرا لانها تناولت جزء واحد منا فقتلت الكثير المثير وشهت الحضور لاجمل من يكتبون فى المنبر احيانا
سؤال على جنبة : او تعرف لماذا لم يعلق احد على جمال حرفك هنا ؟
انا شخصيا اعترف بانه واحدة من تشوهات التصنيف الحاد (مع او ضد) بالذات للذين لا يفرقون كثيرا بين الوطن والسلطة والسلطة التى عندك
والسلطة التى عند الآخر
| |
|
|
|
|
|
|
Re: الفى ايدو قلم ..واشياء اخرى (Re: محمد عبد الله حرسم)
|
يابا وين طينَّا وأرضنا ؟؟ قام أبوهو إنضارى غادي ورشَّ بي دمعو الحدادي وحمتو صاقع وين أرضنا ؟ وين دواليبنا وأوضنا وين أهلنا ووين بلدنا وليش بعضنا يدوس بعضنا تاني أبوهو إنضارى غادي ورشَّ بي دمُّو الحدادي إنت مالك يابا ساكـِ يي مالك الدقّاك مِنو قام أبوهو إستغفر الله وشالُّو ملِّين قالُّو يلاَّ إشتريبه حلاوة يلاَّ حمتو راح باع الحلاوة وفي الدرب حاشوهو شفَّع ومن قَبُل يصل الحدادي نوحو كان سبّاق وأسرع خِبر أبوهو سبب بكاهو من عقاب صوتاً مقطَّع قام رجالة عشان يحصِّل لاحظ الخطوات بترجع
هذالشعر للشاعر حميد وفيه وقفة من وقفات الزمن والسؤال الهام ليه بعضنا بيدوس بعضنا ؟
| |
|
|
|
|
|
|
Re: الفى ايدو قلم ..واشياء اخرى (Re: محمد عبد الله حرسم)
|
أَعُوذُ بِاللهِ مِنَ الشَّيْطانِ الرَّجِيمِ
رَبَّنَا لاَ تُؤَاخِذْنَا إِن نَّسِينَا أَوْ أَخْطَأْنَا رَبَّنَا وَلاَ تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِن قَبْلِنَا رَبَّنَا وَلاَ تُحَمِّلْنَا مَا لاَ طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَا أَنتَ مَوْلاَنَا فَانصُرْنَا عَلَى الْقَوْمِ الْكَافِرِينَ - البقرة/286
| |
|
|
|
|
|
|
Re: الفى ايدو قلم ..واشياء اخرى (Re: محمد عبد الله حرسم)
|
Quote: سؤال على جنبة : او تعرف لماذا لم يعلق احد على جمال حرفك هنا ؟
|
أستاذي حرسم ...شكرا على تحريك جمود المياه بأمواج التأمل ...
نحن ، أهل السودان أعني ، قد نحتاج إلى ورشة عمل كبيرة لدق مفاهيم وقيم جديدة واستئصال مفاهيم وقيم راسخة ... لنخرج على الحياة بنفس جديد ، أقدر على المنح والعطاء والمشاركة ....نحن مجتمع راسخ في تقاليد الفعل السلبي والنظرة السلبية ..ولنا فلاحة وهمة عالية في الهدم والتخذيل ...وفتور وتقاعس عن ما يشد الهمة ويحفز على عكس فعل الهدم .... النتيجة ..أن أفكارك الجميلة والراقية وطروحاتك التأملية العميقة...هنا ، هي ضرب من بيع الشعر في سوق الكساد.. لكن يقيني بأن هنالك من يقرأ بصمت ويستفيد بصمت ..والأفكار الحية ..لا تموت ...لكنها تكمن كالنار تحت الرماد ... وتشتعل ....ولو بعد قرون من الزمان ... في الوقت والحين ...ربنا يعوضك ...صبرا مزيدا ... بعد كل هذه اللفة ..أعترف ، بأنني كثيرا ما، أمر بمفترعاتك الهادفة..أقرأ ..أتأمل ..أتفاعل ..في صمت .. وحينما أمد كفي للكتابة ...يغلب ذهب سكوتي..فضة كلامي ..فتذوب الحروف على أصابعي مثلما تذوب شمعة في ليل العميان ...
شكراً لك أن استفززت خيول المعاني ...
| |
|
|
|
|
|
|
Re: الفى ايدو قلم ..واشياء اخرى (Re: ibrahim fadlalla)
|
ibrahim fadlalla
Quote: أستاذي حرسم ...شكرا على تحريك جمود المياه بأمواج التأمل ... |
الجميل ابراهيم فضل الله شكرا لكلماتك الدافئة المعينة على هجير المكان
Quote: نحن ، أهل السودان أعني ، قد نحتاج إلى ورشة عمل كبيرة لدق مفاهيم وقيم جديدة واستئصال مفاهيم وقيم راسخة ... لنخرج على الحياة بنفس جديد ، أقدر على المنح والعطاء والمشاركة ....نحن مجتمع راسخ في تقاليد الفعل السلبي والنظرة السلبية ..ولنا فلاحة وهمة عالية في الهدم والتخذيل ...وفتور وتقاعس عن ما يشد الهمة ويحفز على عكس فعل الهدم .... |
هذا يكفى جدا لتصور المشهد
نعم يكفى
يديك العافية وينر طريقك
| |
|
|
|
|
|
|
Re: الفى ايدو قلم ..واشياء اخرى (Re: ibrahim fadlalla)
|
Quote: لكن يقيني بأن هنالك من يقرأ بصمت ويستفيد بصمت ..والأفكار الحية ..لا تموت ...لكنها تكمن كالنار تحت الرماد ... وتشتعل ....ولو بعد قرون من الزمان ... |
ويقينى ايضا
بان بامثالك الذين يمنحون الكتابة طعما خاصا
شكرا مرة بعد مرة
| |
|
|
|
|
|
|
Re: الفى ايدو قلم ..واشياء اخرى (Re: محمد عبد الله حرسم)
|
الى قريتى هناك على ربوة بينها وبين النيل خطوات :
هوى يا ناس دبلا كيف حالكم .... كيف قيلتو .... كيف امسيتو وكيف نيلكم حضن قيفو كيفكم انتو يا الواقفين على قيف الصبر والمر يا المارين على مهلة وما شايفين الزمن بيمر ما باريتو ضحكة تمرة فوق نخلة ولا الهمسة البنت دبلا ؟ سنين طالت وسنين بتجر و الناس بيبنو بطيبتهم انهر وناس دبلا.. ناس بس طيبتهم تبهر ويا روعة الزول البكون حر ما بهمو الفقر لو جا أو صبحت ملاذات عمرو محتاجة يا ناس دبلا كيف حالكم ؟ سؤال مكتوب على وش الفجر مشرور سؤال للناس الفاتت وما شافت وما فهمت كمان حاجة ما خلاكم شوقكم لى تاريخكم منتظرين الما جا ما ناداكم سر الرملة البيضا سراجا هوى يا ناس دبلا ما لاقاكم زولا متلى مكسر فيكم بشبه صوتكم وحس غنواتكم ما صحاكم عز الليل ضحكات بنوت بتغنى شليل ما باراكم صوت الشيخ القال فى الجامع ما تخلو الشينة تجيكم ولا تهزمكم ما تخلو البيت يتهدم فوقكم وانا فى داك اليوم كت فى صن الليل متذكر انى اعدى عليكم بس وحياتكم...مشتاق ليكم شغلتني ظروف وحياتكم وحياة الببنى جروف كايسكم ..... ما لاقيتكم يوم الطلة الجاتنا وكت النيل الشال السمحة وفاتنا
| |
|
|
|
|
|
|
Re: الفى ايدو قلم ..واشياء اخرى (Re: محمد عبد الله حرسم)
|
يابا وين طينَّا وأرضنا ؟؟ قام أبوهو إنضارى غادي ورشَّ بي دمعو الحدادي وحمتو صاقع وين أرضنا ؟ وين دواليبنا وأوضنا وين أهلنا ووين بلدنا وليش بعضنا يدوس بعضنا تاني أبوهو إنضارى غادي ورشَّ بي دمُّو الحدادي إنت مالك يابا ساكـِ يي مالك الدقّاك مِنو قام أبوهو إستغفر الله وشالُّو ملِّين قالُّو يلاَّ إشتريبه حلاوة يلاَّ حمتو راح باع الحلاوة وفي الدرب حاشوهو شفَّع ومن قَبُل يصل الحدادي نوحو كان سبّاق وأسرع خِبر أبوهو سبب بكاهو من عقاب صوتاً مقطَّع قام رجالة عشان يحصِّل لاحظ الخطوات بترجع
هذالشعر للشاعر حميد وفيه وقفة من وقفات الزمن والسؤال الهام ليه بعضنا بيدوس بعضنا ؟
| |
|
|
|
|
|
|
|