دعواتكم لزميلنا المفكر د.الباقر العفيف بالشفاء العاجل
|
|
 اسمك طلع من نفسى
|
كانت عينا تجوبان المكان على غير هدى ...
التقى بهذا الرجل الذى رسمته ايام الله رسما بهيا ..
وترك الزمن بعض بصماته على جبهته..
كان الرجل لا يركز كثيرا..
واخونا الجميل كان يحب المرح كثيرا ..
وكان ذكيا جدا ..
يطارد تلك اللحظة التى لا يجيد اصطيادها الا هو ..
ازيك يا عم عباس ..
اهلا يا ولدى ..
كيف صحتك ؟ تمام ؟
الحمد لله يا ولدى
ما عرفتنى والا شنو ؟
فنظر اليه الرجل بشىء من الريبة ..لكنه لم يمهل اللحظة وقتا طويلا ..
فاضاف
والله يا ولدى ايوا طبعا عرفتك
بس اسمك طلع من نفسى ..
|
|
 
|
|
|
|
|
|
|
|
Re: اسمك طلع من نفسى (Re: محمد عبد الله حرسم)
|
بالطبع لا أعرف إن كنت ستواصل
أم ستقف عند هذا الحد الناضج والمكتمل فحسب
فإن واصلت
فلا محالة عندي
أنك ستضيف رونقاً إلى رونق
وإن توقفت فقد سبق قولي
اسمك طلع من نفسي
جملة كالقلوبية يا حرسم
تصطادك لا محالة
مهما حاولت الهرب من براثنها
ويمكنها أن تضاف بحذافيرها ومحتواها لتساهم في رفع حالة صاحبنا ود أبسن
التي يبدو أنها مزمنة
ولا فكاك منها إلا بمثل هذه المرطبات
ع العموم
بحبك يا اخ
| |
|
|
|
|
|
|
|
|
Re: اسمك طلع من نفسى (Re: تبارك شيخ الدين جبريل)
|
في حادثة مشهورة بحلالنا..
جاء ود خير الله بعجل سمين
وخروفين اقرنين
وجاء بالمداحين
وعزم كل الاهل والاصحاب
المناسبة سماية ابنه البكر ذو الثلاثين عاما
وكان يقاشر ابنه اللئيم
ولكن يحب اسمه
قال لولده امام الناس،،اختار اسمك،ولو فرعون،،ودع لي اسمي،،،وحلف بالطلاق ان من ينادي ولده باسمه القديم،،فليس اخوه...
سمت كل الفجاج الولد بفرعون..
في عامين،،،غير الولد حياته،،صار ما اراده له ابوه جوادا طيبا شهما...
ولم يحتاج لذبيحة لاستعادة الاسم...
كان ذات صباح ان ناداه ابوه باسمه الاول...
زغردت النسوة،،وبشر الضو.
وسارت الفجاج فرحة باستعادة الضو ضوه..
| |
|
|
|
|
|
|
|
|
|
Re: اسمك طلع من نفسى (Re: عبدالعزيز عثمان)
|
كوم صحاب نحمد الله بدءا بالجميل وانتهاءا بالجميل , اردت ان أكتب الاجمل فكان ظلما
بلة يا صاحب
الحال المايل والكلام المايل بضيق الخولق
اهلنا بقولو
الاسم بباري المسمي ويتنزل عليهو
فسمي علي من تحب
كامل الود
| |
|
|
|
|
|
|
|
|
|
Re: اسمك طلع من نفسى (Re: عبدالحفيظ ابوسن)
|
بتمنى (رضينا) يا عُبد يا حبيب يا صاحب يا قريب
بتمنى (رضينا)
وأديها اسم من ينتظرونها (أولادي)
يا اخي مافي أجمل من رضينا
وهكذا تمشي الحياة وتتقدل
وإنا لا نقدر على استعدال الكون يا صاحب
لكنا نسعى
وأنت تسعى ضعفين
أعانك الله وسدد سهامك إلى البصيرة
وصدقني يا صاحب يا حبيب يا قريب
إن الحبل يلف رقبة فاتله
وإن انتاشك رائشه
المحبات والتحايا والعطر
| |
|
|
|
|
|
|
|
|
|
Re: اسمك طلع من نفسى (Re: عبدالحفيظ ابوسن)
|
عبدالحفيظ ابوسن
Quote: كوم صحاب نحمد الله بدءا بالجميل وانتهاءا بالجميل , اردت ان أكتب الاجمل فكان ظلما
بلة يا صاحب |
كوم صحاب واسماء انيقة تحدثنا عن الاناقة
ياخ كتر خيركم فى ذاك الصباح الانيق
تخيل اجى القاكم كلكم قاعدين تشربوا قهوة كدا والابتسامة مالية وجوهكم وحروفكم
الاسم ببارى صاحبه
نعم
لكل واحد من اسمه نصيب
وفى دربكة العمل اليومى والعقل يملك نصف عمله يرتطم فجأة بنكسة حين يرى ولا يتذكر
يعرف ولا ينطق ولا يجد
فكرة ما ساحاول ان اركض خلفها
| |
|
|
|
|
|
|
|
|
|
Re: اسمك طلع من نفسى (Re: عبدالعزيز عثمان)
|
عبدالعزيز عثمان
ايها القاص ما فينا
تحياتى النواضر والامنيات الفخمة لحضوركم وتواجدكم الذى يمنحنا الدفء
Quote: وكان يقاشر ابنه اللئيم
ولكن يحب اسمه |
ومن هنا تبدأ معظم الحكاوى نحونا ونحو الحياة
حضورك مبهج
| |
|
|
|
|
|
|
|
|
|
Re: اسمك طلع من نفسى (Re: تبارك شيخ الدين جبريل)
|
تبارك شيخ الدين جبريل
هناك كثيرون يمرون عليك خيالا فى البداية ثم يمتلكونك حين تراهم
هذه القلوب التى فى الصدور لها اسرارها
صدقنى يا تبارك
اقولها لك من قلبى
انى احبك يارجل
واتمناك صديقا وديارا
المهم
سعدت برؤيتك ومجالستك جدا
كن بخير دوما
| |
|
|
|
|
|
|
|
|
|
Re: اسمك طلع من نفسى (Re: محمد عبد الله حرسم)
|
خالى رجل انيق فى ذات الوقت فوضوى فى بعض ممارساته
من اكثر ما يحيرنى فيه
حين يريد شخصا ما بعينه
ثم يبدأ فى مناداة جميع اسماء الناس فى الكون حتى يعثر على ما يريد مصادفة او بذكاء من المنادى حين يجيب لاسكاته فقط ليس طاعة ولا حياء
لانه يمكن ان يظل ينادى زمنا اطول مما تتوقع
اسماء من الشمال
من الغرب
من الشرق
من الوسط
اسماء يمكن جدا ان لا تكون فى الاسرة على الاطلاق
وهذه الممارسة ليست على نطاق الاسرة فقط
انما فى اى مكان يكون فيه
فهو فخيم جدا
يتقدم الناس فى كل مكان
فى الدفن
وفى عقود النكاح
فى الافراح والحفلات
فى الاجتماعات
فى العزاءات
يدف نصيبه فى المشاركات لكنه دوما حتى اسمه يكتبه كيفما كانت لحظة دفعه
وان كان الكشف بيد من لا يعرف طباعه فانه يكتب اسما ما انزل الله به من سلطان
خال فخيم
قوى فى حضوره
لكن فوضاه هذه يمارسها علنا
يضحك الآخرون الا هو
| |
|
|
|
|
|
|
|
|
|
Re: اسمك طلع من نفسى (Re: بله محمد الفاضل)
|
بله محمد الفاضل
يا صديق النسائم القادمة ومضيف الرزاز الى الاقبية والابنية
ياخ حضورك لوحده وطن من المعانى
حتما الطريق الى هناك يحتاج منا كثيرا
حتما بدأنا
لكنى احس بان اقفال الربع قد قارب
عشمى يسبق حلمى
انى سارى الاجمل هنا
من الناس والمعانى
كتر خيرك
ومبادلة لك نفس الحنين والاشتياق والمحبة يا رونق فضاءاتنا
| |
|
|
|
|
|
|
|
|
 Re: اسمك طلع من نفسى (Re: محمد عبد الله حرسم)
|
نفيسة وام حقين وبت على.مشن حلة ناس حجة التومة
وقعدن يتونسن ونستن الزمان وبعد شراب الجبنة الماخمج حابت لهن الشربوت
باقى شربوت الضحية كانت لاماهو لى نفسه بس اكرمت بو اخواتا وصاحبات الصبا
واتوادعن راجعات لى حلتن.قعدن يتونسن الظاهر شربوت التومة اشتغل كويس
لمن وصلن الترعة حجة نفسية قالت لهن يابنات امى نحنا مالنا؟؟؟
ردت بت على ونحنا اصلن منو؟
تحياتى للناس الفوق وللجميل حرسم شخصيا
:-)
| |
|
|
|
|
|
|
|
|
|
Re: اسمك طلع من نفسى (Re: يوسف محمود)
|
ألأخ/محمد عبدالله وضيوفه الصفوة...سلام وإحترام.
| Quote: خالى رجل انيق فى ذات الوقت فوضوى |
خالى أحمد إبراهيم رجل منظم ورسمى بعد صلاة العشاء بنصلى فى خلوة خالى الشيخ محمد زين إبراهيم وبنجى نتعشى فى الصالون وبشرف علينا بنفسه وبعد العشاء كركرب بقفل الباب الجوه جوه والبره بره وثانى مافى حد بتجراْ يقول بغم إلا من إنفلاتات تتلبة ومؤامرة من الداخل لو إنكشفت الله قال بقولنا..الكلام ده فى العباسية أم درمان.
أذان الفجر بمشى يصلى فى الزاوية خلوة خالى الشيخ الزين وبصحينا كلنا..فى يوم بصحى فينا واحد واحد...فى واحد قال ليهو أنا ضيف..قال ليهو الضيف ما بصلى؟؟؟!!!!
ذكريات الصبا.....إسمك سمح وذاتك سمح تدخل فى القلوب وتنشرح...
| |
|
|
|
|
|
|
|
|
|
Re: اسمك طلع من نفسى (Re: ismeil abbas)
|
كان يترنح ويخيط الشارع من اقصى اليمي حتى اقصى اليسار وكنت اجتهد كثيرا في الامساك به ومحاولة ضبط خطواته حتى لايفضح امره في الشارع
مررنا ب ( لستك ) من تلك التي كانت تدفن حتى منتصفها في الشارع
نظر اليه صاحبنا مليا ثم قال : السلام عليكم
ضحكت وقلت له انه مجرد لستك ! نظر اليه مره اخرى وخاطبني قائلا : (والله قايلو زول قاعد )
تقدمنا بضع امتار مررنا بشاب يجلس قرب باب منزله
هو من بادرنا بالتحية وقال ممازحا ومناديا صديقي باسمه : ( شنو يا فلان مالك ما بتسلم )
نظر اليه صاحبي وقال له : ( منو ؟ فلان ؟ والله معليش قايلك لستك !! )
تحية لصاحب البوست وزواره الاكارم
| |
|
|
|
|
|
|
|
|
|
Re: اسمك طلع من نفسى (Re: محمد عبد الله حرسم)
|
ضاحك
ونبيه
ينادى فى البيت على زوجنه باسماء كثيرة ليس من بينها اسمها
والاغلب فى الاسماء التى ينادى بها اسماء رجال
هى تغضب وتزعل وتمد بوزها شبرين
وهو يضحك ولا يعبأ بما يسمعه منها
خالى يتلذذ كل ما ارد صاحبنا الخروج يناديها بكل الاسماء التى فى الصدور الا اسمها
والاغرب انعها كلها اسماء رجال
هى ليست القصة
ساعود
| |
|
|
|
|
|
|
|
|
|
Re: اسمك طلع من نفسى (Re: محمد عبد الله حرسم)
|
مرات مرات الزول بتحصل ليهو حاجة كدا عجيبة
ما بكون مركز
او بسرح
وبكون برا الشبكة لثوان
بتحصل فيها كارثة
وهى واحدة اسباب فتح البوست
وبعض من غياب الذاكرة لثوان لكنها مرات بتكون كارثة
( ذكرتني يا حرسم بي خالتي مشت بيت بكا
وبعد ما بكت مع مرت الراجل الميت قامت
قالت ليها ::::
اصبري يا بت امي المرحوم مالو لعنة الله علية
بدل ( رحمة الله علية ) المرة زعلت وطردتها )
واحدة منها
| |
|
|
|
|
|
|
|
|
|
Re: اسمك طلع من نفسى (Re: محمد عبد الله حرسم)
|
الاولى دى حكتها وفاء قاسم الصديقة صاحبة الدم الخفيف جدا
والثانية دى حكتها الصحفية وهاد\ ابراهيم فى ذات زمن مضى
(لينا خالة من النوع الاصلو ماجادي في حياتو ابدا
خاصة مع بيوت العزاء
في مرة ماشين بيت عزا ومن البيت بينبهوا عليها ماتعمل حاجة كده ولا كده
وتستر على الناس لما يرجعو...وهي بتأكد انه ماحيحصل شي
اول ما وصلو بيت العزا والناس شالت الفاتحة جات تسلم على المرة
البعزو فيها بدل تقول ليها البركة فيكم...
قالت ليها : الف مبروك )
وتم الباقى خيال بقى
| |
|
|
|
|
|
|
|
|
|
Re: اسمك طلع من نفسى (Re: ملهم كردفان)
|
الاجمل والاصدق والاشجع فينا ملهم كردفان
حمدلله انك بخير
سعيد بتوقيعك هنا كما دوما حين حضورك اثق بان الاشياء هى الاشياء لا زالت
اخباركم وسط المعمعمة فى طنطا وما جاورها
يسعدك ربى
| |
|
|
|
|
|
|
|
|
|
Re: اسمك طلع من نفسى (Re: نعمات عماد)
|
قسم السيد وعمنا ابراهيم رحمة الله عليه كانو اصدقاء وتوأم روح
محمد ولد قسم السيد اغترب واول شهر من اغترابو رسل لابوهو
عمه وشال وعباية
قسم السيد من الصباح شكاهن وانطلق على بيت عمنا ابراهيم
دق الباب .. فتح الباب ولد عمنا ابراهيم
قاليهو : ياولد ابوك في ؟
اي
امشي قوليهو نبي الله الخضر منتظرك برا ..!!
******
حروف اسمك جمال الفال وراحة البال وهجعت زول بعد ترحال ...
التحية ليكم جميعا ناثري الفرح ..
| |
|
|
|
|
|
|
|
|
|
Re: اسمك طلع من نفسى (Re: محمد عبد الله حرسم)
|
دخل اثنان منهم قبله الى لمنزل
اوقف السيارة وجاء بعدهم بقليل
وجدهم يشربون الليمون كبايتين
لم يتوقع صاحب المنزل وجود ثالث
وسلام وتحيات
وانشغل صاحب المنزل بالسلام والونسة ولم يلتفت الى ضايفة الثالث
والجو حار
والليمون مغرى جدا
بينما يفكر (الثلث) فى ما يفعله اصحابه
يساله صاحب المنزل :بكم بعت العمارة التى فى اركويت
بسرعة قال :آ الليمون ؟
انفجر اصحابه ضحكا انتبه صاحب الدار مضى وهو يضحك لجلب الكباية
| |
|
|
|
|
|
|
|
|
 Re: اسمك طلع من نفسى (Re: محمد عبد الله حرسم)
|
كان رجلا فارساً مقداماً من بين تسع بنات وكان فيهن (نورا وقمراَ مضيئاَ)
وكنّ لا ينظرن إلى الكون إلا من خلاله ولا يحكمن على الأشياء إلا بمقاييسه
بل كان مقياسهن للأشياء وعجباً سمنه كاسرا لفراسته وبسالته ورجالته
الزائده على كل المواعين فى نظرهن وكان شيخ الطيب رجلاً حكيماً بليغاً
فصيحا عرافاً لا بل كان مرجعية معرفية ضاربة فى الرسوخ والمتانه
قيل أنه تخرج من القيروان ودرس فى الزيتونه وكان كاتبا للباشا
الزبير فهو صاحب صولة وجوله وله مقام الباشا من صولجان وككر
تقدمت به السن وضعف نظره بعض الشئ وكانت له جلسة فى السهراجه
ويمر عليه الناس لتحيته ويستجوبهم بطريقته الساخره وذات ضحى
عبر أمامه ذلكم الكاسر فناداه جرقاس فقال كاسر يا جدى الطيب أنا
ما جرقاس أنا كاسر فقال شيخ الطيب كلهن كلاب تعال دخل
الكرسى ذا !!
منصور
| |
|
|
|
|
|
|
|
|
|
Re: اسمك طلع من نفسى (Re: محمد عبد الله حرسم)
|
واقف يمد يده بآليةعجيبة
يتقبل التعازى فى وفاة شقيقته
الدموع تتقاطر
يده فقط تتحرك
جعفر داخلا
ويده فى يد محجوب
الف مبروك ان شاء الله
صمت مهيب يعم الجميع
ولكن الناس يمشون والطابور لا يتوقف
وتبقى الكلمة فى حلق محجوب كمن لدغته حية
وجعفر نسى كل شىء
عندما يكونوا فى حالة ونسة فنه يضحك حتى ينقلب على قفاه
| |
|
|
|
|
|
|
|
|
|
Re: اسمك طلع من نفسى (Re: محمد عبد الله حرسم)
|
التقاه
ونظر الى قفاه
ثم دار ووصل منتاهه
لكنه لم يفق ابدا
من هو ؟
ظل السؤال يحرك كل كوامنه
لكنه لم يستطع
اووووووووووووووووووه يا فردة
لكنه خرجت باهتة ولم تشفع له
لم تقنعه
اوووووووووووووووووووووه يا مان
لم تخرج مليئة لما كان يلمع فى عينى هذا الفتى
اين رايته من هو ولماذا ابتهج كل هذه الفرحة حين رآنى ما هذه الحخرارة التى احسستها فى سلامه وفى احضانه
ارهقته تلك الثوانى التى مرت
ثقيلة
لولكن المبدع كان خفيفا كما كان
عادل سراج معاك
وضحك ضحكة لم يابه اين كان يقف ثم فجأة صن
من هو عادل سراج ؟
ونظر اليه
وبحلق
لم تسعفه الذاكرة حتى بمن هو عادل
ونواصل
| |
|
|
|
|
|
|
|
|
|
Re: اسمك طلع من نفسى (Re: محمد عبد الله حرسم)
|
الو
انزيك يا اجمل زول فى الدنيا
ههههههههههه شكرا
ليك وحشة
بى جد؟
احلف ليك
لا حاسى الكلام دا بدق لى فى نبضى
ههههههههههههه
بقيت شقى
رسلى القلتو ليك بسرعة وحاة دينى محتاجة ليهو جد جد
هو شنو هو
لو كان عندك حبة اهتمام كان ما نسيت
ياقمر هو الواحد يتذكر شنو وينسى شنو
قمر؟
آآآى
من متين ؟
من زمان
زمان يكسر ليك راسك الكبير دا
هوى هوى هوى دقيقة يا بشكوتة روقى المنقة
بشكوتة ؟
ثم اداها صن شوية لم يعد يستطيع ان يفرز من معه
سهام والا نجوى والا عيشة والا سوسن والا حنان والا ابتسام والا احلام
لكنه توكل وسالها منو معى ؟
مرتك يبا منقة
مرتى ياتا ؟
ياتا ؟
ثم
| |
|
|
|
|
|
|
| |
محمد عبد الله حرسم
بله محمد الفاضل
تبارك شيخ الدين جبريل
عبدالعزيز عثمان
عبدالحفيظ ابوسن
ismeil abbas
الطاهر الطاهر
ملهم كردفان
نعمات عماد
munswor almophtah
فيس بوك
تويتر
انستقرام
يوتيوب
بنتيريست