كشاكيش من كشكولي

عزاء واجِب ، وتعريف .. بقلم عادل الحكيم
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 18-11-2018, 04:26 AM الصفحة الرئيسية

مدخل أرشيف الربع الاول للعام 2014م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
17-02-2014, 04:03 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


كشاكيش من كشكولي

    بول وبلابل
    في اواخر التسعينات اول مقدمي للمملكة العربية السعودية .. في اول عمل لي بشركة معظم العاملين فيها فلبينيين .. وبأعتبار انهم أقدم مني .. حاولوا يستعرضوا لي معلوماهتم القديمة سألوني يوم مستر درديري ( do u test pool ,plaple?) قلت بول وبلابل هنا في السعودية ؟ ( ياااع كما تقول بنتي الصغيرة ؟) انا اعرف انه الصينين في أحد مقاطاعتهم واحدة من اغلى وجباتهم هو بيض مسلوق في ( بلا مؤاخذة) بول الصبيان الذين لم يبلغوا الحلم .. اما أشمعن الصبيان واشمعن لم يبلغوا الحلم هذا سر يعلمه الصينيون فقط .. بل لو بحثت في النت ستجد تقريرا لهؤلاء الصبيان الصباح وهم متجهين للمدارس يمرون باحد المطاعم الشهيرة يصرفوا له المعلوم ليقبضوا الثمن .. بمعنى آخر اصبح هؤلاء الاطفال ( يأكلون مما يشربون ) .. والفلبينيين هم بصورة ما ابناء عمومة للصينيين .. لذلك استغربوا عندما كشيت انا من حكاية بول وبلابل .. واستغربوا اكثر انه لم اذقها حتى الآن واصروا انه يذوقني لها وقالوا هي very delicious food .. بعد عدة ايام أحضر أحدهم هذا البول والبلابل .. لاكتشف انهم يقصدون بها .. فول وفلافل .. يعنوا فول وطعمية .. هو دا البول والبلابل ؟ يخرب بيوتكم كيف ما أعرفه نحن اتربينا بالبول والبلابل ( دا لحم اكتافنا من خيرها كما يقول المصريون ) لاعرف بعدها انه الفلبينيون ينطقون الفاء باء .. فهم يقولون بلبيني بدلا عن فلبيني .. واستمعتنا ذاك اليوم بالبول والبلابل والحمد لله ..

    http://www.mbc.net/ar/variety/health/articles/%D8%A8%D8%A7%D....html#comment%7Clist
                   |Articles |News |مقالات |بيانات

17-02-2014, 04:09 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: كشاكيش من كشكولي (Re: درديري كباشي)

    نكتة منفوخة
    أعتاد أطفال الحي الشعبي الفقير تسلية جديدة بعد ان ملوا العابهم الخشنة التي كادت تصيبهم بعاهات دائمة .. من نوع سكج بكج وشليل وينو والرمة والحراس وشدت وحرينا وغيرها .. احد اشقيائهم اكتشف متعة جديدة وهي زيارة الحي الفاخر المجاور وقرع الجرس ومن ثم الجري بعد ظهور اصحاب البيوت العالية تشيعهم اللعنات لكن تدقدق ظهورهم كمالزقزقة وهم في ضحكهم البرئ ولهوهم الاغبش يدركون ان هؤلاء لا يستطيعون بهم لحاقا نسبة لما اكتنزوه من لحوم وشحوم وكروش .
    يوم ما جاء عماد القصير لاصدقائه المتجمعين في ظل النيمة يسلون انفسهم بالحكي بعد أن حاصرهم لهيب الشمس .. وقال لهم بلكنته الطفولية ولسانه الالصق ( حوي يا دماعة ألحكم نضلب الدلس ) طالبا مرافقة احدهم لتسليتهم الجديدة المكتشفة لم يجد متجاوبا من ندائه العام وبدأ يوزع دعوته للاقرب ثم الاقرب ( الح يا حتومي .. طيب يا خلودي الح انت ...ياخ .يا عمودي انا تعبان وعندي عوارة في كراعي )..حكمة الله يدللون بعضهم بعضا ..
    اخيرا قرر عمودي أن ينفذ المهمة وحده وهو يدرك ان قامته لن تساعده .. وجد كرتونة فاضية وصعد عليها لكنها عجنت تحت وزنه رغم خفته .. عثر على عصاة طلعت قصيرة .. وهو في محاولاته تلك يمر شاب انيق بالشارع .. فيجد عمودي فرصة للاستغاثة به لانجاز مهمته عساه يقبل ( يا عم تعال اضلب لي الدلس دا ) وبكل مروة وشهامة يتوجه الشاب ناحية الجرس .. لم ينتبه او يكترث للمقارنة بين شكل عمودي والبوابة .. ولم يلاحظ كذلك اثناء اداء مهمته النبيلة أن عمودي أتخذ ساترا وذهب بعيدا من موقع الحدث .. وبعد أن ينجز المهمة يتفاجأ بأن عمودي جرى ووجه له نداء كاالتالي ( يلا يا عمو أدلاك أدلاك ) ...
    الشاب قبل أن يفيق من المفاجأة ويحسن التصرف يفتح الباب ويظهر له كرش ضخم من خلفه أنسان وبعبارة مصحوب بتقطيبة دون ترحاب يقول له ( نعم ؟؟ ) تحس أن عينها خارجة من الاثني عشر مباشرة .
    الشاب بعد تعتعه حاول أن يتصرف ويتخارج من الورطة( لو سمحت دا ما بيت ناس ( محمد احمد سيد أحمد ) ...)
    يرد الضخم : أبدا ولا في زول في الحلة دي أسمه كدا ..
    حاول الشاب أن ينصرف وقال طيب شكرا .. غير أن الضخم لاحقه مرة ثانية بالسؤال : أنت عايز شنو بالظبط ؟.. والله ما عايز أي حاجة .. قالها وهو يتراجع مسرعا ويتلفت بذعر .. ليجد عمودي ينتظره عند اللفة ( ما قلت ليك أدلاك ما بتسمع الكلام ).. يا ولد أمشي مني أمشي الله يكفينا شرك ..
                   |Articles |News |مقالات |بيانات

18-02-2014, 05:20 AM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: كشاكيش من كشكولي (Re: درديري كباشي)

    فروق
    عطفا على السالفة السالفة اصبح هنالك ود وصداقة بيني وبين الفلبينيين .. بعد أن اصبح بيننا (بول وبلابل) على وزن عيش وملح .. ورغما عن شرحي لهم بأن علاقتي بالفول والفلافل هي علاقة ازلية تاريخية فطرية بيئية لا تحتاج لتعريف من أحد الا انهم لازالوا ينسبون الفضل لانفسهم طالما اني نفرت من الاسم في البداية وبعدها بحضورهم وبمعرفتهم اصبحت مدمنا على الفول والفلافل .. لكن ما علينا طالما هذه اصبحت هي قناعتهم فهي لن تضرني بشئ ..
    لكن هذا الامر شجعهم في تجريب صنف آخر معي فهم ادخلوني مدرسة تعليم الأكل من جديد كما يعتقدون ..في هذه المرة احضر احد زملائهم عائدا من الاجازة حافظة طعام .. بعد ان فتحوها هللوا ونططوا فرحا وشكروه على هذا الكرم الفياض .. وقدموا لي الحافظة :Mr Dirdiry take ?
    What is this?
    بكل ثقة ... Frogs او بمعنى آخر بعد حكاية الفول والفلافل دي انت تاني ما مفروض تسأل تلهط بس ..
    طبعا انا اعتذرت بشدة وقلت لا نحن لانأكل الضفادع بصراحة ..
    قدموا العرض لزميل آخر من الجنسيات العربية الضعيفة في الانجليزية .. وهو (على العليه) من النوع الذي يأكل اولا ثم يسأل ثانية .. تناول منهم خمشة و( كمدها ) في فمه وهو يمدغ سأل الفلبيني .. ايش هذا .. قال له (فروق نفسها) .. وجه السؤال لي أيش قال يا درديري .. انا ( غتاتة قلت اطول الموضوع حتى يبلع اللقمة تماما ) قلت قال لك فروق .....قال. ما انا سمعت فروق .. ايش يعني فروق ..؟
    فلت : فروع هذا نوع من الحيوانات البر مائية .
    - سمك يعني ؟..( وهو لازال يمضغ في اللقمة ...يبدو انه الضفادع مثل البلاستيك )
    - لا السمك مائيه فقط ماهو بر مائية عمرك شفت سمكة لافه خارج البحر ؟
    - طيب ويش تكون .؟
    - فروق دي يعني بالعربي يا سيدي ليك يسموها زي ما تقول كدا ( في هذه اللحظة هو كان قد بلع اللقمة وانتظر الرد ) ضفادع ..
    - اييييييييييش ؟
    عليكم ان تتخيلوا الباقي ..
                   |Articles |News |مقالات |بيانات

18-02-2014, 05:39 AM

عبدالحفيظ ابوسن
<aعبدالحفيظ ابوسن
تاريخ التسجيل: 24-06-2013
مجموع المشاركات: 19994

للتواصل معنا

FaceBook
تويتر Twitter
YouTube


Re: كشاكيش من كشكولي (Re: درديري كباشي)

    ههههههه
    الفروق رهيبه
    ههههههههه
    مرة مشيت الاردن مرافق لود عمي عملية قلب , اها حركات السودانين قالو شيلو منقة ,, وهناك غالية ,, شلنا تلاته كراتين ,, وحسب الوصية التلاته كراتين دي بتجيب قروش تسكنا وتأكلنا شهر في الاردن الغالية دي
    والتلفونات قبل الموبايلات شغاله وواحد قريبنا شغال هناك ,,
    وصلنا ولقيناهو راجينا في المطار كتر خيرو ,, اول حاجة عملها ونحن ماشين بيت العزابة وزع كرتونة منقة في الشارع ,, والتانية قامو بيها العزابة , والتالتة زاتنا اكلنا منها , المال تلتو ولا كتلتو وعواس السم بضوقو
    المهم سو لينا القطر قام بالليل ,, وجني قرش عضام ,, يازول وقت الناس شافوني بقرش يشيلو ويردمو لي في العضام
    عضام هشة خلاس
    لي شلاقتي قلت ليهم مالكم ماتقروشو العضام دي
    قالو لي بنقرش العضام , لكن ما بنقرش عضام البط
    بستفرغ قريب ساعتين
                   |Articles |News |مقالات |بيانات

19-02-2014, 12:07 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: كشاكيش من كشكولي (Re: عبدالحفيظ ابوسن)

    Quote: رة مشيت الاردن مرافق لود عمي عملية قلب , اها حركات السودانين قالو شيلو منقة ,, وهناك غالية ,, شلنا تلاته كراتين ,, وحسب الوصية التلاته كراتين دي بتجيب قروش تسكنا وتأكلنا شهر في الاردن الغالية دي
    والتلفونات قبل الموبايلات شغاله وواحد قريبنا شغال هناك ,,
    وصلنا ولقيناهو راجينا في المطار كتر خيرو ,, اول حاجة عملها ونحن ماشين بيت العزابة وزع كرتونة منقة في الشارع ,, والتانية قامو بيها العزابة , والتالتة زاتنا اكلنا منها , المال تلتو ولا كتلتو وعواس السم بضوقو
    المهم سو لينا القطر قام بالليل ,, وجني قرش عضام ,, يازول وقت الناس شافوني بقرش يشيلو ويردمو لي في العضام
    عضام هشة خلاس
    لي شلاقتي قلت ليهم مالكم ماتقروشو العضام دي
    قالو لي بنقرش العضام , لكن ما بنقرش عضام البط
    بستفرغ قريب ساعتين


    الحمد لله طلعت بط يا عمك ما طلعت ارانب

    البط ما بطال
                   |Articles |News |مقالات |بيانات

19-02-2014, 12:07 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: كشاكيش من كشكولي (Re: درديري كباشي)

    طوارئ

    دكتورة حنكوشة شغالة يوم في الطواري لوحدها .. قرويين جابوا ليها راجل كبير داخل في غيبوبة ودخلوه في الانعاش عندها .. عمك بعد شوية فتح عيونه .. وقاليها ( يابتي انا عايز أقطع الجمار ) قالت له حاضر يا عمو .. طلعت بره لقت الجماعة منتظرين قالت ليهم ( يا جماعة فيكم واحد بيعرف يقطع al Jimar ؟.. قالوا بصوت واحد بالحيل يا بتي كلنا بنعرف ..
    - خلاص تعالوا اقطعوا al Jimar لعمكم دا ..
                   |Articles |News |مقالات |بيانات

19-02-2014, 12:21 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: كشاكيش من كشكولي (Re: درديري كباشي)

    الغربة سترة حال
    في بداية حضوري للسعودية وقبل ما يقسم لي نصيب الرزق في عمل ما .. كنت ساكن مع بن عمي وشقيقتي .. اوزع سيرتي العطرة و شهاداتي وانتظر الرنات ؟.. واقضي الفراغ في الونسة والكتشينة والتلفزيون بعدما ينام الجميع لاسهر فيه حتى الصباح ثم يبدأ نومي مع شروق الشمس كالخفافيش ..
    يوم ما يا داب اعديت الغطاء واستعدادا للنوم مع اشراقات الصباح أتصل ابن عمي وقال يا درديري البس هسع وشيل شهداتك اركب تاكسي امشي الصناعية هناك في شركة كبيرة أسمها كذا .. تلاقي فلان عرفه بنفسك واعطيه اوراقك .( وانشاء الله يصير خير ) .. ورحت فعلا دون نوم طبعا .. وقابلت الرجل .. وادخل شهاداتي عند المدير وهو من الشوام ..طلب مني الانتظار في قاعة الاجتماعات ..
    دخلت في قاعة اجتماعات في انتظار المدير حتى حضر وبدأت المعاينة ولاحظوا انا صاحي من نهار الأمس .. طبعا ما قدرت اكتم الشهقات .. بل أصبحت تتخلل الاجابات مثلا اقول ( اهلاك الاصول الثااااااهااااااااااااااابته).. والرجل تضايق مني .. وبدأت عيوني تدمع .. فوت اول مرة وواصل في الاسئلة مرة انجليزي ومرة عربي ..
    أخيرا انفعل ( و من الاسئلة وحلا قام من البلد ولا )..وقال ( شوووو هااااااد .. بدك تعمل مآبلي وبدك تناااااام؟؟) لملم اوراقه وخرج تركني وحدي .. طبعا انا كمان لميت اوراقي واتخارجت واقنعت نفسي بأنه .. مافي نصيب ...يلا ( الف وطار)..

    انا جديد وما عندي ادنى فكرة عن اشانة سمعة السودانيين واتهامهم بالكسل والا كان شربت بور هورس ورد بول وسفت اب قبل الذهاب ..
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de