خمسيـــــــن

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 13-12-2018, 06:36 PM الصفحة الرئيسية

مدخل أرشيف الربع الاول للعام 2014م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
16-01-2014, 08:16 AM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


خمسيـــــــن

    يدق الباب في الثلث الاخير من الليل عند ابو عمر الذي قام مفزوعا من النوم

    يفتح الباب وفي راسه الف هاجس ربما يكونوا شرطة او جهه امنية يفتح الباب وهو يدعك عينيه حتى يستطيع فتحهما ليجده صديقه ابو علي ..
    ابو عمر : خير يا ابو علي نعلوا ما في مشكلة
    ابو علي : قلت ليك يا ابو عمر لو فكيت ليك البت كان جريتني ؟؟
    ابو عمر : البت ؟؟ بت منو كمان ؟؟
    ابو علي : ياخي بت الاسود
    ابو عمر : يخرب بيتك يعني هسع انت جايي تتناقش في الحريق .
    ابو علي : اسكت ساي يا ابو عمر ما تشوف الخمسين دي حرقتني كيف ياخي انا كنت فاتح قلت لكن ما افتح الا بخمسين ومطمئن وما قايلك قافل ..
    ابو عمر : شوف هنا يا ابو علي انا من هنا ومن يوم الليلة تاني لا عاوز كشتينة ولا تجيب لي سيرتها ..
    ابو علي : لا يا ابو الشباب معقولة تعتزل قبل ما ناخذ ثارنا ..
    ابو عمر : يعني ايه تاخذ ثارك ..؟؟
    ابو علي : يعني نلعب قيم حاسم هسع لو غلبتني اكون اقتنعت لو غلبتك اكون اخذت تاري ..
    ابو عمر : نلعب وين ؟؟ وهسع ؟؟
    ابو علي : ايوا عندك هنا في الصالون ماعندك فردة ؟؟
    ابو عمر : لا انا ماعندي كوتشينة في البيت ..
    ابو علي : ولا يهمك انا عندي في العربية انزل اجيبها واجي بس انت فرش الملعب .

    ابو عمر : اوفففففففف بالله دي مصيبة شنو الوقعنا فيها دي ؟؟

    يرجع ابو علي وفي يده فردة الكتشينة ويدخلا في صالون ابو عمر .. ويبدا اللعب فعلا وبعد قليل تسمع صرخة ابو علي : الف .... وحي حي حي .. الليلة وووب يلا اعتزل احي انا ..
    تجي ام عمر مفزوعة هي واطفالها .. سجمي يا احمد في شنو ؟؟

    يرد ابو علي :: في شنو غلبناه ليك قال عايز يعتزل قال يلا احي نشيل كشتينتنا ونتخارج بعد كدا لو عاوز تعتزل اعتزل ..

    ام عمر : للدرجة دي يا احمد تخلينا ننوم وتجيب اصحابك تلعبوا في الصالون تقلبوه نادي الساعة ثلاثة صباحا هسع الجيران يقولوا علينا شنو .. انا ما قاعدة معاك بكره دي تسفرني لاهلي ..

    ابو عمر : يا وليه افهمي .. والله انا كنت فاتح لكن مافي طريقه اتخلص بيها من ابو علي غير اخليه يغلبني عشان كدا انتظرتو .. وصدقيني انا في الجمعية غلبتو جا دق الباب يسال فيني عن سبب غلبه ولامن قلت ليه انا اعتزلت قال الا بعد مباراه ثاريه وانا زي ما قلت ليك خليتو يغلبني مخصوص عشان اعتزل ..

    ام عمر : وتخلي يغلبك كيف؟؟ .. شوف هنا يا ترجع تاخذ تارك يا تسفرني لاهلي ..
    ابو عمر : يا وليه انت بصحك .
    ام عمر : ايوا بصحي يعني عاوز مرتو محاسن كمان تشمت فينا وتكرهنا المناسبات .

    ابو عمر : خلاص بكره في الجمعية ..

    ام عمر : لا لا لا عندي هنا دا تعزمن عشا هو ومرتو .. ولامن تجرو خمسين عايزاك تصرخ وتقول خمسين يا ام عمر عشان انا ازغرد من جوة واغلى ليك قلب محاسن غلي ..
    ابو عمر : ابشري يا ام عمر .

    (عدل بواسطة درديري كباشي on 16-01-2014, 08:50 AM)
    (عدل بواسطة درديري كباشي on 16-01-2014, 09:03 AM)

                   |Articles |News |مقالات |بيانات

16-01-2014, 08:24 AM

بله محمد الفاضل
<aبله محمد الفاضل
تاريخ التسجيل: 27-11-2007
مجموع المشاركات: 8617

للتواصل معنا

FaceBook
تويتر Twitter
YouTube


Re: خمسيـــــــــــــــــــــــــــــــــــــــــــــــــــــــــــــــــــــــــــــــــــــــــــ (Re: درديري كباشي)

    هههههههههه

    قول للشاب دا حلك تعتزل من كلو
    وتنفك من الخمسينات والستينات زاتو

    يحرق أبو دي كوشتينة يا اخي



    ثم أنه سلام عليك
    على نسجك الحريف



    تحياتي، محبتي واحترامي
                   |Articles |News |مقالات |بيانات

16-01-2014, 08:31 AM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: خمسيـــــــــــــــــــــــــــــــــــــــــــــــــــــــــــــــــــــــــــــــــــــــــــ (Re: بله محمد الفاضل)

    Quote: هههههههههه

    قول للشاب دا حلك تعتزل من كلو
    وتنفك من الخمسينات والستينات زاتو

    يحرق أبو دي كوشتينة يا اخي



    ثم أنه سلام عليك
    على نسجك الحريف



    تحياتي، محبتي واحترامي


    سلام يا شاعر يا فنان

    بل خمسين سلام

    تتنازعنا الارقام بين خمسين الكتشينة وستين الف الداهية

    وعشرة الف سعر الدولار
                   |Articles |News |مقالات |بيانات

16-01-2014, 08:33 AM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: خمسيـــــــــــــــــــــــــــــــــــــــــــــــــــــــــــــــــــــــــــــــــــــــــــ (Re: درديري كباشي)

    وفي اليوم التالي في بيت ابو علي

    محاسن : انت متاكد انه ما عندهم اي مناسبة للدعوة دي يعني لا ميلاد شافع ولا نجاح اخت .

    ابو علي : يا وليه ناس بيريدونا لله عازمننا عشا نقعد نتحقق ونشك فيهم ..؟

    محاسن : كان بيريدونا ما بعرف ..
    ابو علي : هو في ايه شنو الخلاك تشكي ..؟

    محاسن : سعاد دي صاحبتي من زمن نحن بنات وطالبات بعرفها زي جوع بطني ما بتعمل ليها حاجة بدون هدف تحت تحت وزولة بتاعة مقالب وخوازيق.

    ابو علي : اللهم طولك يا روح ياخي هي دي اول مرة نعزمهم ولا يعزمونا نحن البينا عامرة من زمان ..

    محاسن لازالت شاك في الامر ( يتخيل لي عندها حق)

    محاسن : كدي انت آخر مرة قابلت ابو عمر متين وكنتو تعملوا في شنو .؟

    ابو علي : اتقابلنا امس الخميس في الجمعية اقصد الصباح الجمعة لا لا لا الخميس يعني صبحان على الجمعة .

    محاسن : يا راجل مالك تقطع خميس وجمعة وصباح .. انت صحي يوم الجمعة الصباح بدري قلت اتصلوا بيك ناس الشغل وقالوا في حالة طارئة وطلعت زي ثلاثة صباحا وجيت بعد ساعة انا بعاين ليك كنت مبسوط تغني .. في شنو في الشغل خلاك تكون مبسوط وتغني .

    ابو علي شعر بجرجرة محاسن ستورطه في التحقيق لو قال ليها كان عند ابو عمر وراح جراه خمسين في عقر داره وسط اهله يمكن الخبر يفرحها لكن حكاية التسلل ثلاثة صباحا دي غبر مامونة العواقب لذلك قرر ان يحسم النقاش مستخدما صلاحياته الذكورية ..


    ابو علي : شوفي هنا يا وليه عايزة تروحي العشا اهلا وسهلا ارجع من الشغل الاقيكم لابسين ما عايزة قولي ما عايزة ما تملينا كلام كتير .


    محاسن تؤثر فيها اللهجة الحادة وتبتلع لسانها وتذهب وهي تهز في راسها وتؤشر بيديها دليل على انها لازالت تشك في الامر ..

    وفي بيت ابو عمر

    سنعود
                   |Articles |News |مقالات |بيانات

16-01-2014, 08:44 AM

ناصر حسين محمد

تاريخ التسجيل: 09-01-2013
مجموع المشاركات: 5205

للتواصل معنا

FaceBook
تويتر Twitter
YouTube


Re: خمسيـــــــــــــــــــــــــــــــــــــــــــــــــــــــــــــــــــــــــــــــــــــــــــ (Re: درديري كباشي)

    Quote: سنعود


    هههههههههه
    تعال سريع بالله يادرديري
    والله زكرتني حلة اسمها ام كري
    كوشتينة موووت
                   |Articles |News |مقالات |بيانات

16-01-2014, 08:53 AM

نصر الدين عثمان
<aنصر الدين عثمان
تاريخ التسجيل: 24-03-2008
مجموع المشاركات: 3765

للتواصل معنا

FaceBook
تويتر Twitter
YouTube


Re: خمسين (Re: ناصر حسين محمد)

    الأخ دريري .. تحياتي،

    آمل التكرم بتعديل عنوان البوست بإزالة المدة الطويلة قدر الإمكان .. ذلك أنه قد صعب علينا التصفح..

    ولك فائق مودتي وتقديري

    (عدل بواسطة نصر الدين عثمان on 16-01-2014, 08:55 AM)

                   |Articles |News |مقالات |بيانات

16-01-2014, 09:35 AM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: خمسين (Re: نصر الدين عثمان)

    حاولت يا نصر عدلت الرئيسي لكن الباقي ما مشى والله
                   |Articles |News |مقالات |بيانات

16-01-2014, 09:34 AM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: خمسيـــــــــــــــــــــــــــــــــــــــــــــــــــــــــــــــــــــــــــــــــــــــــــ (Re: ناصر حسين محمد)

    Quote: هههههههههه
    تعال سريع بالله يادرديري
    والله زكرتني حلة اسمها ام كري
    كوشتينة موووت


    سلام يا ناصر

    سنعود بالباقي
                   |Articles |News |مقالات |بيانات

16-01-2014, 09:45 AM

ملهم كردفان
<aملهم كردفان
تاريخ التسجيل: 16-02-2013
مجموع المشاركات: 4742

للتواصل معنا

FaceBook
تويتر Twitter
YouTube


Re: خمسيـــــــــــــــــــــــــــــــــــــــــــــــــــــــــــــــــــــــــــــــــــــــــــ (Re: درديري كباشي)

    خمسين عجيبه ياخ ...بالله لمن فتلت لى كمبيوترى ...
    ...
    درديرى
    رياحينك ريحتا فايحه فى الحوش
    من يوم ماهل نورك ياصاحب القلم الجميل

    احترامى
                   |Articles |News |مقالات |بيانات

16-01-2014, 10:00 AM

عبدالحفيظ ابوسن
<aعبدالحفيظ ابوسن
تاريخ التسجيل: 24-06-2013
مجموع المشاركات: 20249

للتواصل معنا

FaceBook
تويتر Twitter
YouTube


Re: خمسيـــــــــــــــــــــــــــــــــــــــــــــــــــــــــــــــــــــــــــــــــــــــــــ (Re: ملهم كردفان)

    سلام يا صاحب ليك ولضيوفك
    ههههههههه
    دي خمسين ولا سيييك اصلها
    ههههه
    مرة واحد صاحبنا فاتح وداير الخمسين جروه خمسين لا السفة وقعت من شلوفتو في الطربيزة , وبحكي فيها زي شهر كدة
    انا كنت فاتح واي كرت طرف ممكن اجر خمسين وما محتاج ليهو زاتو , ويقنب يعد بلي ودامة وروا هارت وررررررر
    لكن حاره والله
    فاتحين لكن راجينك بالخمسين
                   |Articles |News |مقالات |بيانات

16-01-2014, 10:24 AM

نصر الدين عثمان
<aنصر الدين عثمان
تاريخ التسجيل: 24-03-2008
مجموع المشاركات: 3765

للتواصل معنا

FaceBook
تويتر Twitter
YouTube


Re: خمسين (Re: عبدالحفيظ ابوسن)

    تسلم أخي دريري
                   |Articles |News |مقالات |بيانات

16-01-2014, 12:56 PM

عبدالعزيز عثمان
<aعبدالعزيز عثمان
تاريخ التسجيل: 26-05-2013
مجموع المشاركات: 4037

للتواصل معنا

FaceBook
تويتر Twitter
YouTube


Re: خمسين (Re: نصر الدين عثمان)

    ود ،ماها ام..
    والله دي خمسين دي المرقتك عند اهلنا في ود كري,
                   |Articles |News |مقالات |بيانات

16-01-2014, 01:13 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: خمسين (Re: عبدالعزيز عثمان)

    Quote: ود ،ماها ام..
    والله دي خمسين دي المرقتك عند اهلنا في ود كري,


    حلوة يا عزو رغم اني ما فهمتها ..

    بس نحن من زمان بيعجبنا الكلام الما بنفهمه من زمن الصادق المهدي شابنكا السندكالية والراديكالية والماعارف شنو كدا
                   |Articles |News |مقالات |بيانات

18-01-2014, 04:14 AM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: خمسيـــــــــــــــــــــــــــــــــــــــــــــــــــــــــــــــــــــــــــــــــــــــــــ (Re: عبدالحفيظ ابوسن)

    Quote: ههههههههه
    دي خمسين ولا سيييك اصلها
    ههههه
    مرة واحد صاحبنا فاتح وداير الخمسين جروه خمسين لا السفة وقعت من شلوفتو في الطربيزة , وبحكي فيها زي شهر كدة
    انا كنت فاتح واي كرت طرف ممكن اجر خمسين وما محتاج ليهو زاتو , ويقنب يعد بلي ودامة وروا هارت وررررررر
    لكن حاره والله
    فاتحين لكن راجينك بالخمسين


    سلام يا حفيظ الظاهر اتعقبنا في الطريق
                   |Articles |News |مقالات |بيانات

16-01-2014, 01:11 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: خمسيـــــــــــــــــــــــــــــــــــــــــــــــــــــــــــــــــــــــــــــــــــــــــــ (Re: ملهم كردفان)

    Quote: خمسين عجيبه ياخ ...بالله لمن فتلت لى كمبيوترى ...
    ...
    درديرى
    رياحينك ريحتا فايحه فى الحوش
    من يوم ماهل نورك ياصاحب القلم الجميل

    احترامى


    تسلم يا ملهم بوجود امثالك دقينا اوتاد خيمنا هنا
                   |Articles |News |مقالات |بيانات

16-01-2014, 03:28 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: خمسيـــــــــــــــــــــــــــــــــــــــــــــــــــــــــــــــــــــــــــــــــــــــــــ (Re: درديري كباشي)

    في بيت ابو عمر
    ابو عمر : اها الناس ديل وافقوا وجايين الليلة حانعشيهم شنو ؟
    سعاد : حانعشيهم شنو يعني حا نضبح ليهم . ما عشا عادي ..
    ابو عمر : كيف يعني عشا عادي زي شنو .
    سعاد : فول وجبنة وبيض وطعمية وتونة وطحنية وكدا يعني .
    ابو عمر : دا كلام شنو يا ولية في زول يعزم الناس عشا ويعشيهم فول .
    سعاد : يهني عاوز تجيب ليهم شنو يعني المحمر والمشمر .
    ابو عمر : ما لازم طالما عزمتي الناس تكوني قدر العزومة دي .
    سعاد : ما انا خايفاه يجرك خمسين كمان تبقى علينا ميتة وخراب ديار .
    ابو عمر : يا ولية ما تبطلي العصبية بتاعتك دي كمان.ما يجرني يعني شنو.
    سعاد : كيف يعني ما يجرك . ومال نحن عاملين العشا لشنو ..
    ابو عمر : ياخ دا براه ودا براه .
    سعاد : شوف هنا انت اكان الغلب ما بيهمك انا بيحرقني جوة في قلبي دا ماشفت انا متغاظة كيف لامن اتذكر صرخته الامس ديك هو يقول الف ويتوحوح .انا قلت البيت وقع فينا.
    ابو عمر : طيب ما اختلفنا خلينا نعشيهم عشا كويس طالما عزمناهم ..
    سعاد : انت واثق من نفسك ..
    ابو عمر : تقصدي شنو باني واثق في نفسي ..
    سعاد : انا خايفه نصرف عليهم في العشا بعدين يغلبونا .. انت متمرن كويس .. انا غايتو محاسن دي لو غلبتنا وعرفت الحكاية الا اخلي ليها البلد وارجع نهائي..
    ابو عمر : يا ام عمر الكشتينة دي زي الكورة غالب ومغلوب بعدين هي حظوظ .
    ام عمر : طيب هي وقت زي الكورة ما تتمرن كويس ولا شوف ليك مدرب .
    ابو عمر : ياخ انتي ماخدة الموضوع بجدية اكتر من اللازم .. الكشتينة حظوظ افرض هو في التوزيعة جوه اربعة جواكر انا التمرين بينفعني بشنو تاني .
    ام : عمر ايوا فكرة انت ما تدس جواكر تحت الفرشة ..
    ابو عمر مغتاظا ومنفعلا : يا ولية اختشي ولا هسع بضرب للناس ديل تلفون اعتذر والغي الدعوة ..
    ام عمر : لا لا لا خلاص خلاص بس انشاء الله ما تتغلب ..

    (عدل بواسطة درديري كباشي on 16-01-2014, 03:31 PM)

                   |Articles |News |مقالات |بيانات

16-01-2014, 04:03 PM

ناصر حسين محمد

تاريخ التسجيل: 09-01-2013
مجموع المشاركات: 5205

للتواصل معنا

FaceBook
تويتر Twitter
YouTube


Re: خمسيـــــــــــــــــــــــــــــــــــــــــــــــــــــــــــــــــــــــــــــــــــــــــــ (Re: درديري كباشي)

    Quote: سعاد : ما انا خايفاه يجرك خمسين كمان تبقى علينا ميتة وخراب ديار .




    والله يادرديري عذبتنا عديل وجريتنا خمسين
    كب البتاع ده عليك الله
    خلينا نشوف نهاية الحنك شنو ...!!
                   |Articles |News |مقالات |بيانات

16-01-2014, 05:28 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: خمسيـــــــــــــــــــــــــــــــــــــــــــــــــــــــــــــــــــــــــــــــــــــــــــ (Re: ناصر حسين محمد)

    lمعليش يا ناصر ما هو الحنك ما جاهز نظام كوبي وبيست الخامة ضاعت ومعتمد على الذاكرة والدوام ما مساعد
                   |Articles |News |مقالات |بيانات

16-01-2014, 07:48 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: خمسيـــــــــــــــــــــــــــــــــــــــــــــــــــــــــــــــــــــــــــــــــــــــــــ (Re: درديري كباشي)

    بيت ابو العلي الوقت بعد المغرب بقليل في ذات يوم الدعوة

    ابو علي : يا محاسن انتي لسع ما لبستي العيال ديل ..

    محاسن أجي يا راجل البسهم من المغرب ليه هو نحن معزومين عشا ولا فطور رمضان .

    ابو علي : يا ولية عشان نمشي بدري ونجي بدري انت عارفة بكرة في دوام ومدارس ..

    محاسن : انا ذاتي دعوة بداية الاسبوع دي ما داخلة لي في راسي ...
    ابو علي : يا مرة هوي بطلي الوسواس دا ناس عازمننا عشا دي فيها حاجة ؟

    محاسن : عشا بلا مناسبة وفي بداية الاسبوع دي ما حاجة تشكك ..؟

    ابو علي : يمكن عاملين لينا مفاجأة ..

    محاسن : مفاجأة زي شنو يعني ؟؟

    ابو علي : محاولا التمويه وابعاد نفسه بعيدا عن الشبهات : يمكن مثلا اشتروا بيت ..

    محاسن : طيب نحن البفاجئنا شنو لو اشتروا بيت ما يشتروا نحن مالنا ومالهم ..

    ابو علي شعر باللكمة المضادة السريعة فاستخدم سلاح الذكورة من جديد : يا مرة ما تبطلي النقة الكتيرة دي لبسي الاولاد خلينا نمشي ما نساهر بالناس .

    محاسن تستجيب للنهرة بغيظ وتبدأ تنهر في الاطفال ... ( يا بت يا سحر شطفي اخوانك ديل ولبسيهم .. انت يا خالد يا زفت خلي البلي استشن دا امشي البس ..

    - ماما نحن ماشين وين ؟؟

    - حانمشي وين يعني ماشين نتحشي عشا لا ليه راس ولا قعر وراجعين ..
                   |Articles |News |مقالات |بيانات

17-01-2014, 05:04 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: خمسيـــــــــــــــــــــــــــــــــــــــــــــــــــــــــــــــــــــــــــــــــــــــــــ (Re: درديري كباشي)

    نكمل
                   |Articles |News |مقالات |بيانات

17-01-2014, 05:13 PM

عبدالحفيظ ابوسن
<aعبدالحفيظ ابوسن
تاريخ التسجيل: 24-06-2013
مجموع المشاركات: 20249

للتواصل معنا

FaceBook
تويتر Twitter
YouTube


Re: خمسيـــــــــــــــــــــــــــــــــــــــــــــــــــــــــــــــــــــــــــــــــــــــــــ (Re: درديري كباشي)

    شنو يا صاحب
    داير تتعلم حركة السناير البايخة دي
    تكتب كلمتين وتتمهم بكرة
    وزرع الورق ده ولا ندكو ليك
    ده حنك ضارب
                   |Articles |News |مقالات |بيانات

17-01-2014, 05:16 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: خمسيـــــــــــــــــــــــــــــــــــــــــــــــــــــــــــــــــــــــــــــــــــــــــــ (Re: عبدالحفيظ ابوسن)

    لا لا ياحبيب خلي حنكك لمن يحتاجه

    كان عندي ضيوف مقيلين معاي ودعتهم وجيت قعدت ..انا براي القصة كان ما تميتها بحرها تاني سيجرفها نهر النسيان وعيييك
                   |Articles |News |مقالات |بيانات

17-01-2014, 05:42 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: خمسيـــــــــــــــــــــــــــــــــــــــــــــــــــــــــــــــــــــــــــــــــــــــــــ (Re: درديري كباشي)

    بعد قليل تحركت سيارة ابو علي متجهة ناحية بيت ابو عمر لتلبية الدعوة .
    ضجة الاطفال في المقاعد الخلفية لم تمنع محاسن من التفكير والسرحان في امر هذه الدعوة المشبوهة وخاصة لان الطرف الداعي هو صديقتها اللدودة منذ مرحلة الدراسة سعاد .. هي تعرف انها ليست انسانة شريرة بمعناها الحرفي والمنحرف .. لكنها حماسية وغيورة وممكن تحول أي شئ الى منافسة وانتصار و هزيمة حتى لو كان المجال لا يتيح ذلك .. فهي لها القدرة في ثني رقبته حتى يصب في بحر المنافسة المتلاطم .. فهي تريد ان تنتصر في أي شئ .. لدرجة انه محاسن ربما شعرت بعض المرات بالندم في انها اختارتها عروسا لصديق زوجها وزميله .. اذ انها سبقتها بسنوات في الزواج .. وعندما طلب منها ابو عمر ان تختار له زوجة رشحت له صديقتها سعاد .. لكنها لم تكن تتصور ان تظل سعاد بطبعها الحماسي والعدواني الى مرحلة الزواج والاسرة .. صحيح هي لا تحسدهم ولا تغار بالمعنى المفهوم لكنها تريد ان تنصر وتفرح فقط بذاك الفرح الصبياني الذي لا مبرر له والذي كثيرا ما يزرع فيها احساس الهزيمة المر ..
    ابوعلي مقاطعا سرحت زوجته : شنو يا ام علي سارحة مالك ؟
    ام علي : والله دعوة ناس ابو عمر ديل قدر ما قلبتها شمال يمين ما عرفت ليها سبب ؟
    ابو علي : يا ولية انت مكبرة الموضوع ساي .. ناس عازمننا عشا نفرح ونشكرهم ولا ننشغل بسبب دعوتهم ..
    ام علي : ما هي الدعوة لو كانت من أي ناس تانين انا ما كنت انشغلت بيها لكن سعاد انت ما بتعرفها زيي ..
    ابو علي : ياخ سعاد دي ما صاحبتك وانتي اخترتيها لاخونا ابو عمر ..
    ام علي : وانا ما قلت حاجة هي عروسة جميلة وست بيت ممتازة بس ما عايزة تخلي حركاتها الصبيانية ديك ابدا ..
    ابو علي : حركاتها الصبيانية زي شنو ؟
    ام علي : هي تكره الهزيمة عمة حتى في المصارعة دي لو شجعت مصارع وانهزم ممكن تبكي وتتأثر اكثر من المصارع المهزوم .
    ابو علي سرح ويادوب بدأ يجمع ...وقال مستدركا : يعني ممكن تكون هي الاقترحت الدعوة علي ابو عمر ..
    أم علي : وهي تقترح الدعوة ليه .ز ما هو في معلومة ما واصلاني انا كان فهمت وفهمتك ..
    ابو علي تقريبا وصل للسبب لكن خاف ان يفاتح زوجته فيضطر ان يعترف بقصة الخمسين في الساعة الثالثة صباحا فيصبح موضع شك في كل شئ ثاني من قبل زوجته وتتحول حياته لجحيم .. اذا لايوجد حل سوى قفل النقاش الآن ولاحقا يحلها الف حلال ..
    أم علي : سكت مالك وسرحت وين ..
    ابو علي : ياخ خلينا نركز في الطريق ما نعمل حادث ونضيع كلنا اطردي الشيطان من قلبك نتعشى ونرجع سريع .
    أم علي شعرت هذه المرة بتهرب ابو علي من شئ ما لكنها آثرت الصمت ..ز وعلى رأي المصرين الخبر الغالي اليوم بكرة يبقى ببلاش ..
                   |Articles |News |مقالات |بيانات

17-01-2014, 06:00 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: خمسيـــــــــــــــــــــــــــــــــــــــــــــــــــــــــــــــــــــــــــــــــــــــــــ (Re: درديري كباشي)

    أما في بيت ابو عمر اتفق الزوجان ان تكون وجبة العشاء على ما ذكرته ام عمر اولا وهو الفول وفرقته وتوابعه على ان يضاف اليها سمك مقلي جاهز لان ابو علي يحب السمك وصينية بيتزا لتفرح الاطفال .. وهو كله يصب في خانة أخف الاضرار أي تجنب كارثة الميتة وخراب ديار بعد ( الخمسين )..
    وصل الضيوف وضج البيت بالسلامات المعهودة .. و سلام بالحضن بين الصديقتين اللدودتين وتبادلا القبلات الروتينية .. وحاولت سعاد ان تداري سبب الدعوة بكلام من نوع and#61516; والله اشتقنا ليكم ساي كدا واشتقنا لونستكم) .. رغما عن انها توقن تماما بأن مثل هذا الكلام لا يدخل ذمة محاسن بتعريفة كما يقال .. وخاصة ان الدعوة في بداية الاسبوع .
    وجلس الجميع .. ابو علي توجه مع صديقه ناحية الصالون ليجد مائدة الكتشينة معدة ليست مائدة عشاء بل مفروش بهد فرشة من القماش تفرش عادة في لعب الورق حتى لا يتخرش بالجر في الخشب .. استرجع كلام زوجته وبدأ الفأر يلعب في صدره او في عبه كما يقال ..
    ابو علي : شنو يا ابو عمر انت عازمنا عشا ولا كتشينة .. وبعدين انت مش قلت اعتزلت اللعب أمس ..
    ابو عمر متلعثما : لا لالا لا ياخ اعتزل شنو انت بصحك ياخ هي الكتشينة بتتخلى ..
    ابو علي : طيب شنو انت محضر الملعب للكتشينة افضل من عشاك العزمتنا ليه دا ومشتري كتشينة جديدة كمان هو في اييه بالظبط .
    ابو عمر : ياخ فيها شنو ما أي بيت واحد في شلتنا فيه كتشينة بس افضل انا الوحيد وكل ما يجوني ضيوف ما يلاقوا عندي ورق للعب ؟ .. ( ثم يلاحظ انه التبرير لم يدخل دماغ ابو علي ويعلب على وتر الادمان عنده ) .. لكن لو ما عايز خلاص بلاش منها خلينا نتونس ساي . ويتظاهر بأنه بدع يجمع في الفرشة ,,
    لكن ابو علي بسرعة الى صوابه اقصد الى جنونه وادمانه للعب الورق : لا لا لا ياخ تلمها شنو يا خانا بهظر معاك معقولة تجي منك انت وانا افوتها يلا نلعب اها قصيت ليك وزع الورق ؟؟
    سعد ابو عمر بنجاح خطته وذكائه وبدأ يوزع ورق الحريق بينهما ..
                   |Articles |News |مقالات |بيانات

17-01-2014, 06:20 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: خمسين (Re: درديري كباشي)

    بدأ الصديقان اللعب وتبادل العبارات المعهودة من نوع ( يلا جر .. ما تفك البايظ ياخ .. ما عندك بايظ نعفيك من المهمة دي ؟؟.. انت تتكبكب كدا مالك ؟؟ .. ترجف كدا تقول عاوز تشوت بلنتي في بيتر شيك )
    اما في مجلس النساء جلس الصديقتان .. ولاحظت محاسن ان سعاد تتونس معها لكن بالها وتركيزها مشغول بشئ آخر .. فتخرج الردود منها مبهمة ومختصرة وكاشفة عدم التركيز في كلام ضيفتها .. لكن محاسن في الاول لم تعرف السبب الذي يجعل ذهن سعاد شاردا بهذه الطريقة ويصب في مكان آخر .. لكن بعد ملاحظة لاحظت نظراتها منصبة ناحية صالون الرجال كأنها تتوقع خبرا من هناك .. لم تستطيع الصبر فسألت .
    محاسن : انت في شنو يا سعاد بالك وين .
    سعاد : اجي كيف بالي وين ما معاك .
    محاسن : معايش نو هسع لو قلت ليك نحن قعد نتكلم في شنو ما تكوني فاكرة .
    سعاد محاولة التمويه والدفاع عن نفسها : كلام شن ودا يا محاسن انا طبعا مركز على كل كلمة انت قلتيها .ز
    محاسن : طيب مالك بتعاين ناحية الصالون هو ابو علي وابو عمر قعد يعملوا في شنو ..؟
    سعاد محاولة تتويهها اكثر : يعلموا شنوا كيد بيتفرجوا في الكورة او المصارعة الحرة ..
    محاسن : طيب مالهم كل مرة يصرخوا ويضح واحد فيهم بصوت عالي هي الكورة والمصارعة فيهم حاجة بتضحك ؟
    سعاد : نحن مالنا ومالهم يا اختي خلينا في ونستنا ..
    محاسن : ما هو لو كان انتي مهتمة بونستنا انا ما مكنت انشغلت بيهم لكن ملاحظة ليك مشغولة بيهم ..
    سعاد : ياخ سيبك من شكك وتحقيقاتك البايخو الدي ارحكي المطبخ نخت العشا سوى .
    تتحركان ناحية المطبخ لكن دون ان يرتاح بال محاسن هي اصلا تشعر ان هذا اليوم لن يعدي على خير اكيد فيه لقم اعدته سعاد الملعونة لكنها لاتستطيع ان تصبر حتى تكتشفه قبل ان ينفجر ..
                   |Articles |News |مقالات |بيانات

17-01-2014, 06:33 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: خمسين (Re: درديري كباشي)

    في المطبخ ظلت سعاد مشغولة ومتوترة في انتظار العبارة المتفق عليها مع زوجها ابو عمر .. لكن الامر طول وصديقتها محاسن لازالت تضغط عليها وتكاد تكتشف الملعوب قبل ان تحصد خطتها .. مع وضع الاعتبار ان ابو علي هو من ينتصر ويجر زوجها الخمسين وتحقق الميتة وخراب الديار .. بالرغم من العشاء ذو الكلفة المنخفضة لكن الهزيمة هي الهزيمة حتى لو لم تكن مدفوعة الكلفة .
    وضع الصديقتان صينية العشاء للرجال ولكن قبل ما تنادي زوجها ليحملها تسمع العبارة التي انتظرتها طويلا حتى كادت تيأس .. اذ ان ابو عمر قالها بأعلى صوته ::

    ( خمسيييييييييييييييين يا أم عمر )


    أم عمر تضع الصينية في الارض وتصم اصابعها وتقربها من فمها وتطلق زغرودة لم يسمعها عريس من والدته في يوم زفافه ...
    هنا حدثت الربكة بين ابو علي في الصالون وزوجته في المطبخ
    حتى نعود ...

    (عدل بواسطة درديري كباشي on 17-01-2014, 06:35 PM)

                   |Articles |News |مقالات |بيانات

17-01-2014, 06:42 PM

عبدالحفيظ ابوسن
<aعبدالحفيظ ابوسن
تاريخ التسجيل: 24-06-2013
مجموع المشاركات: 20249

للتواصل معنا

FaceBook
تويتر Twitter
YouTube


Re: خمسين (Re: درديري كباشي)

    هههههه
    لكن ما خمسين
    حقو كان يجي يهز في ام عيالو وهي تديهو شبال
                   |Articles |News |مقالات |بيانات

17-01-2014, 07:14 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: خمسين (Re: عبدالحفيظ ابوسن)

    في المطبخ
    محاسن : بسم بالله في شنو يا سعاد مالك بتزغردي وابو عمر مالو صرخ وقال خمسين يا اام عمر ..
    سعاد : ابو عمر جاب خمسين .
    محاسن : من ماية ؟
    سعاد : من مية شنو هي خمسين من مية بيزغردوا ليها كمان ... جاب خمسين من خمسين.
    محاسن : وجابها في شنو هو ابو عمر ممتحن ؟
    سعاد : لاممتحن ولا حاجة الخمسين جابها في راجلك ابو علي ؟
    محاسن : كيف انا ما فاهمة أي حاجة ؟
    سعاد : في الكتشينة يعني في شنو .
    محاسن مستدركة .أهااااااااااااااا .. والله انتي عمرك ما بتعقلي .. وانا اصلا حكاية العشا بتاعكم دي ما داخلة دماغي .. وعشاكم دا يسمنا ..
    سعاد : لا لا لا انت التعقلي يا محاسن دا ما لعب ساي .. معقولة ناس بيتسلوا نحن راح ننشغل بيهم ..
    محاسن : هو انت عندك حاجة اسمها لعب ساي اتاريك عازمانا في يوم السبت بداية الاسبوع عشان الرجال يلعبوا كتشينة ومن قبيل مركز على صوت الرجال في الصالون ومتفقة مع راجلك لا من يفوذ عشان تزغردي ليه انا من زمان عارفاك جاهلة وما تكبري لكن ما كنت قايلة للدرجة دي .
    سعاد : شنو هو انتي زودتيها جاهلة وما بتقدري يعني راجلك لامن جا دق لينا الباب الساعة تلاتة صباحا كان عامل خليفة المسلمين يتفقد الرعية ما جا عشان يلعب كتشينة ويغلب راجي وما انستر صرخ بأعلي صوته لامن صحى الجيران .. ونحن حقنا ما بنخليه يروح ساكت .. نشطبه اول بأول ..
    محاسن نادت بنتها : يا بت يا سحر امشي نادي ابوك دا قولي ليه نحن ماشين ..
    سعاد : لا لا لا محاسن اعقلي ياخ اتعشوا وامشوا ما معقول نحن حضرنا العشا وخسرنا فيه ..
    محاسن : خسرتو فيه ؟؟هاه .. كان خسرتوا فيه ما بعرفه .. امشي يا بت نادي ابوك .
    ابو عمر يسمع جلبة الحريم ومن خلفة ابو علي يتداري حوله لانه ادرك بغريزته ان سعاد ( فتته ) أي كشفته وانا زوجته اليوم لن نبيته مرتاح هذا لو لم تطلب الطلاق وتسفيرها لاهلها ..
    بعد مباصرات وترضيات وبنفوس مشحونة بالغضب قبل الضيفان تناول العشاء على مضض .. وانصرفوا ..
    لتعود سعاد الى زوجها مسرورة بعد ان ارضى غرورها ومبتغاها ,,
    ابو عمر مداعبا زوجته : اها كيف معاك ما جيهته وريحتك .؟؟؟
    أم عمر : كدي يا يابا اماني ما ريحتني ..
    ابو عمر : اها وعشانا كيف الليلة ,
    أم عمر : الليلة عشاك دبل ..
    وكانت نهاية الخمسين .
                   |Articles |News |مقالات |بيانات

17-01-2014, 08:48 PM

عزيز عيسى
<aعزيز عيسى
تاريخ التسجيل: 18-09-2005
مجموع المشاركات: 1389

للتواصل معنا

FaceBook
تويتر Twitter
YouTube


Re: خمسين (Re: درديري كباشي)

    دخلت من أجل التحية والسلام يا الدرديري

    مشتاقون،

    أنت وصاحبك الدسيس مكملين لبعض في الظرافة.
    دائماً تمتعوننا بحكاويكم وقصصكم المضحكة.
    يا الدرديري واحد في الإثنين إما أنت أبوعلي أو أبوعمر
    لو طلعت أبوعلي تكون كيشة تزلق الخمسين.
    وما تستبعد الخبر يكون وصل الأهل في السودان من زمان
    وعم القرى والحضر.

    الله يديكم العافية
                   |Articles |News |مقالات |بيانات

18-01-2014, 06:30 AM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: خمسين (Re: عزيز عيسى)

    Quote: دخلت من أجل التحية والسلام يا الدرديري

    مشتاقون،

    أنت وصاحبك الدسيس مكملين لبعض في الظرافة.
    دائماً تمتعوننا بحكاويكم وقصصكم المضحكة.
    يا الدرديري واحد في الإثنين إما أنت أبوعلي أو أبوعمر
    لو طلعت أبوعلي تكون كيشة تزلق الخمسين.
    وما تستبعد الخبر يكون وصل الأهل في السودان من زمان
    وعم القرى والحضر.

    الله يديكم العافية


    سلام يا عزيز
    نحن بالاشوق اذا جاز التعبير

    انا حريف حريق بس لكن ماني ابو عمر والله

    ولا ابو علي

    ولا مدمن لدرجة العبها ثلاثة صباحا

    يمكن يكون صاحبك الدسيس
                   |Articles |News |مقالات |بيانات

17-01-2014, 10:02 PM

عوض جاه الرسول
<aعوض جاه الرسول
تاريخ التسجيل: 24-01-2013
مجموع المشاركات: 773

للتواصل معنا

FaceBook
تويتر Twitter
YouTube


Re: خمسين (Re: درديري كباشي)

    متعة للطيش
    ربي يخدر ضراعك
                   |Articles |News |مقالات |بيانات

17-01-2014, 10:55 PM

عثمان محمد كرار
<aعثمان محمد كرار
تاريخ التسجيل: 14-12-2008
مجموع المشاركات: 1731

للتواصل معنا

FaceBook
تويتر Twitter
YouTube


Re: خمسين (Re: عوض جاه الرسول)

    like
                   |Articles |News |مقالات |بيانات

18-01-2014, 01:17 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: خمسين (Re: عثمان محمد كرار)

    شاكر يا كرار
                   |Articles |News |مقالات |بيانات

18-01-2014, 08:36 AM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: خمسين (Re: عوض جاه الرسول)

    Quote: متعة للطيش
    ربي يخدر ضراعك


    متعك الله بالصحة والعافية يا حبيبنا عوض
                   |Articles |News |مقالات |بيانات

18-01-2014, 08:56 AM

ناصر حسين محمد

تاريخ التسجيل: 09-01-2013
مجموع المشاركات: 5205

للتواصل معنا

FaceBook
تويتر Twitter
YouTube


Re: خمسين (Re: درديري كباشي)



    ههههههههههههههههه
    تسلم يادرديري

                   |Articles |News |مقالات |بيانات

19-01-2014, 03:56 AM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: خمسين (Re: ناصر حسين محمد)

    Quote: ههههههههههههههههه
    تسلم يادرديري


    تسلم يا ناصر
                   |Articles |News |مقالات |بيانات

18-01-2014, 10:00 AM

بله محمد الفاضل
<aبله محمد الفاضل
تاريخ التسجيل: 27-11-2007
مجموع المشاركات: 8617

للتواصل معنا

FaceBook
تويتر Twitter
YouTube


Re: خمسيـــــــــــــــــــــــــــــــــــــــــــــــــــــــــــــــــــــــــــــــــــــــــــ (Re: درديري كباشي)

    Quote: كان عندي ضيوف مقيلين معاي



    ههههههه
    ما يكون برضك عندهم معاك تار بايت
    والزواغة (مقيلين)
    والموضوع كان عشاء


    يا اخي تسلم والله على الحكي الطاعم
    ومدنكل



    تحياتي، محبتي واحترامي
                   |Articles |News |مقالات |بيانات

19-01-2014, 01:51 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: خمسيـــــــــــــــــــــــــــــــــــــــــــــــــــــــــــــــــــــــــــــــــــــــــــ (Re: بله محمد الفاضل)

    Quote: ههههههه
    ما يكون برضك عندهم معاك تار بايت
    والزواغة (مقيلين)
    والموضوع كان عشاء


    يا اخي تسلم والله على الحكي الطاعم
    ومدنكل



    تحياتي، محبتي واحترامي


    والله ما اكذب عليك الحريق دور وشلت عشرة

    بس الحمد لله ما جاني واحد ثلاثة صباحا دق الباب
                   |Articles |News |مقالات |بيانات

19-01-2014, 03:01 PM

Abuobeida Ali Abdullah
<aAbuobeida Ali Abdullah
تاريخ التسجيل: 13-08-2007
مجموع المشاركات: 278

للتواصل معنا

FaceBook
تويتر Twitter
YouTube


Re: خمسيـــــــــــــــــــــــــــــــــــــــــــــــــــــــــــــــــــــــــــــــــــــــــــ (Re: درديري كباشي)

    الدرديري يا رفيق.

    ما وريتنا كرت الفتوح؟

    في ذمتي كشتينة الغربة دي بطلق النسوان.

    مشتاقين يا حكواتي... ابقى مارق في اجازة المدارس دي يا اخو.

    البطل الحبيبته ماتت في انتظارك.
                   |Articles |News |مقالات |بيانات

19-01-2014, 03:07 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: خمسيـــــــــــــــــــــــــــــــــــــــــــــــــــــــــــــــــــــــــــــــــــــــــــ (Re: Abuobeida Ali Abdullah)

    Quote: الدرديري يا رفيق.

    ما وريتنا كرت الفتوح؟

    في ذمتي كشتينة الغربة دي بطلق النسوان.

    مشتاقين يا حكواتي... ابقى مارق في اجازة المدارس دي يا اخو.

    البطل الحبيبته ماتت في انتظارك.


    سلام يا باشمهندس مشتاقين والله

    جاييكم يمكن آخر الشهر

    جهزوا الفرد

    ولمنا بالاحباب


    وكرت الفتوح ما شفناه ما نحن كنا مع جماعة المطبخ


    ( والله ما أداهو)
                   |Articles |News |مقالات |بيانات

20-01-2014, 05:05 AM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: خمسيـــــــن (Re: درديري كباشي)

    Quote: و الله كلامك لذيذ و طاعم كالعادة يا الكباشي .. اضحكتني في هذا الصباح الرمادي
    بالله ما تبخلوا علينا أنت و الدسيس بمثل هذا الجمال
    رد · أعجبني · متابعة المنشور · منذ ‏22‏ ساعة


    مشكور يا عبد العزيز
                   |Articles |News |مقالات |بيانات

20-01-2014, 01:50 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: خمسيـــــــن (Re: درديري كباشي)

    .
                   |Articles |News |مقالات |بيانات

22-01-2014, 07:49 AM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: خمسيـــــــن (Re: درديري كباشي)

    Quote: شنو سنعود دي ؟!!!
    الواحد لو ما ( فاطر ما يخاطر ) ... بقيتو ( مكسيك او لاين ) .ز


    عدنا ولم تعد
                   |Articles |News |مقالات |بيانات

22-01-2014, 08:04 AM

ملهم كردفان
<aملهم كردفان
تاريخ التسجيل: 16-02-2013
مجموع المشاركات: 4742

للتواصل معنا

FaceBook
تويتر Twitter
YouTube


Re: خمسيـــــــن (Re: درديري كباشي)

    Quote: أم عمر : الليلة عشاك دبل .. وكانت نهاية الخمسين .

    اخونا ضرب العشا الأول وضرب العشا التانى ونام ملء جفونه ...والأفكار تتناوشه
    فى ذات اللحظه التى يعلو فيها شخيره ...
    ياربى الزول ده لو خطط لى قيم انتقامى اعمل شنو ؟؟؟
    ....
    اها لو عزمنا بى مكايده من مرتو وعشانا ترمس وكبكبى نعمل شنو ؟؟؟
    ولو لعبتا معاهو عشره وجرانى خمسين اعمل شنو؟؟؟
    ولو الهزيمه بقت قدام كميه كبيره من الجمهور الدباره كيف ...؟؟؟
    .....
    يشخر ويتقنت لحدى ما الواطا اصبحت
    خخخخخخ خخخخخ خخ خخخخخخخ خخخخ

    ......

    القصه مفتوحه يادرديرى كباشى

    ياخ استمر

    مع احلى التحايا
                   |Articles |News |مقالات |بيانات

22-01-2014, 02:21 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: خمسيـــــــن (Re: ملهم كردفان)

    Quote:
    اخونا ضرب العشا الأول وضرب العشا التانى ونام ملء جفونه ...والأفكار تتناوشه
    فى ذات اللحظه التى يعلو فيها شخيره ...
    ياربى الزول ده لو خطط لى قيم انتقامى اعمل شنو ؟؟؟
    ....
    اها لو عزمنا بى مكايده من مرتو وعشانا ترمس وكبكبى نعمل شنو ؟؟؟
    ولو لعبتا معاهو عشره وجرانى خمسين اعمل شنو؟؟؟
    ولو الهزيمه بقت قدام كميه كبيره من الجمهور الدباره كيف ...؟؟؟
    .....
    يشخر ويتقنت لحدى ما الواطا اصبحت
    خخخخخخ خخخخخ خخ خخخخخخخ خخخخ

    ......

    القصه مفتوحه يادرديرى كباشى

    ياخ استمر

    مع احلى التحايا


    تعرف يا ملهم لو فتحناها راح يتحول البوست لدار جمعية سودانية ..

    هنا الجمعيات السودانية فيها عشرات الحريق مدورة ليها اكثر من عشرين سنة يمكن بدون مبالغة من نفس الافراد ...
                   |Articles |News |مقالات |بيانات

22-01-2014, 02:36 PM

عبدالعزيز عثمان
<aعبدالعزيز عثمان
تاريخ التسجيل: 26-05-2013
مجموع المشاركات: 4037

للتواصل معنا

FaceBook
تويتر Twitter
YouTube


Re: خمسيـــــــن (Re: درديري كباشي)

    يا زول والله غلب الكشتينة دا حار بالحيل ،،حدثني من اثق في روايته،،انو في واحد مجنن الشلة بي جرهم الخمسين،،يوم جروه جرا حااااره،،وسيروه،،ياهو ياهو،،لمن وصل البيت ،،امو شالت القرجة،،ساقتو قداما،،ومعاهو مرتو،،قالن ليهو وله تتسدي الخمسين دي ولا الليلة بنفلقك،،رحمة الله،طق جر الجماعة،امو رمت توبه ،وهاك هي ومرتو شاقات الحلة زغاريد...
    كانت الكشتينة في الحلال عالم مدهش.
                   |Articles |News |مقالات |بيانات

24-01-2014, 06:32 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: خمسيـــــــن (Re: عبدالعزيز عثمان)

    Quote: يا زول والله غلب الكشتينة دا حار بالحيل ،،حدثني من اثق في روايته،،انو في واحد مجنن الشلة بي جرهم الخمسين،،يوم جروه جرا حااااره،،وسيروه،،ياهو ياهو،،لمن وصل البيت ،،امو شالت القرجة،،ساقتو قداما،،ومعاهو مرتو،،قالن ليهو وله تتسدي الخمسين دي ولا الليلة بنفلقك،،رحمة الله،طق جر الجماعة،امو رمت توبه ،وهاك هي ومرتو شاقات الحلة زغاريد...
    كانت الكشتينة في الحلال عالم مدهش.



    حلوة يا عزو قصة حريق الحريم ..

    يمكن فعلا هي اللعبة الوحيدة التي يصعب لعبها من قبل الحريم
                   |Articles |News |مقالات |بيانات

04-02-2014, 05:09 AM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: خمسيـــــــن (Re: درديري كباشي)

    .
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de