Quote: كما ينْفَذُ النّورُ بيْنَ الأصابِعْ وتجلس عصفورةٌ فوق ساعدِ طفلة وينْبُتُ وردٌ بقلْبِ الزوابعْ كما الحلمُ يفتحُ جفناً ويغمِضُ جفنا عشقناك يا امرأةً من لهيب..ٍ وضِعْنا ! * * لأجل ابتسامةِ عينيْك يوماً.. تسلّقتُ كتْفَ الرياحِ وحبْلَ الدُّخانْ ! وقبّلتُ نجماً يغازِلُني من فضاءٍ بعيدْ ! عبرْتُ حواجِزَ موتٍ رخيصٍ إليكْ تجاوزْتُ في لمحةِ البرْقِ ظلَّ الزمانْ! وأعطيْتُ نفسِيَ إسماً ، ولوناً .. وصوتاً .. إذا صِحْتُ أجفلَ ليلٌ وضاق المكانْ! لألقاكِ لحْماً ووشْما فينأى خيالكِ منّي وأبقى أسيركِ يا امرأةً من لهيبْ ! * * لحبِّكِ رائحةُ المِسْكِ والموْت ومهرُكِ دمعةُ أمٍّ وأُخْت وشمسٌ على كلِّ بيتْ! لماذا وأنتِ الشموعُ بقلبي ونارٌ.. وقنديلُ زيتْ لماذا تبيعينَ .. برْقَ ابتسامة؟ وطُهْرَ غمامة وحُسْنَ البوادي وسحْرَ الأحاجي لمن ليس أهلاً لحبِّكْ ؟! * * تذكّرْتُ أنِّي حزمْتُ المتاعَ وأنّي مِراراً نويْتُ السّفرْ ولكنَّ خُضْرةَ سهلٍ دعتْني.. فلبّيتْ ! وإنشادَ "قمريّة" هزّني.. فانتشيتْ ! وأنتِ البروقُ التي وعدتْني.. وخانتْ ! أخبِّئها بين ثوْبي ولحْمي وأغرِسُها وردةً في ضلوعي فترشح ملحا..ً وزوْبعةً في دموعي ! فأنْتِ الزوابِعُ في داخِلي أنتِ عُرْسٌ تمنّيْتُه قبل أنْ.. أتعلّمَ في حبِّكِ الأبجديّة ! وأحجيةٌ أنتِ أحفظُها دائماً ربّماألتقيكِ مصادفةً.. في محطة حزنٍ ومنفى بعيدٍ، بعيدْ فأُقسِمُ – أنِّي أراكِ - كما أنتِ- في خاطري امْرأةً مستحيلة! أغنّيك لكنّ حنجرتي صُودِرتْ ! فلم يبْقَ إلاّ شظايا بحلْقي تحدِّثُني عن صباحٍ قريبْ ووعدٍ قريبْ.. لحبٍّ كوقْعِ السِّياطِ أتاني.. رماني.. فما عدْت أتقِنُ إلاّ الأغاني عن امرأةٍ مستحيلة تعلمتُ منها تخطِّي اللّهيب لأبعث صوتي .. ولوني.. ومجْدَ القبيلة !!
استاذناالمرهف/ فضيلى جماع ما اجمل تلك الكلمات التى تحرجنا بها دوما من الاحباطات التى اصبحت تحيطنا كما السوار الا انكم دوما نذكروننا بالجمال والامل والحب وهى الاشياء التى تبقت لنا فلك الشكر والتقدير على نلك الروائع وكم بخير دوما
أسعدني تعليقك الجميل على النص. لو استطعنا أن نبشر لعالم بلا كراهية او احقاد فإن كلماتنا بلا شك تكون قد أدت الغرض الذي من أجله كتبناها. شكرا ثانية أيها الأخ الفاضل.
سلمت أخي بشرىسليمان. أجمل ما في جنس المرأة أنها تملك القدرة في أن تتشكل وتتحور في أكثر من معنى وفي أكثر من بعد..بمعنى آخر أن المرأة في مخيلة الرجل هي الرمز لأكثر من حالة. أنا مع من يرددون أن الحضارة أنثى.
قلة هم الذين نظروا إلى هذا الجانب في محاولاتي الشعرية، ويسعدني أن أقول أك واحد منهم. أعجبني أنك نظرت إلى النص من زاوية مختلفة عن قراءات الكثيرين له. لست في موقف من يتحدث عن نفسه لكن هناك أكثر من صورة شعرية في هذه المحاولة يمكن معالجتها نقديا..هذا إذا جاز لي أن أجلس لحظة عابرة في مقعد محايد في قراءة محايدة للقصيدة وهو ما لا ينبغي أن يصدقني فيه احد.
ليس غريبا أن تنظر إلى النص الشعري من زوايا كثيرة وتختار منه ما اسماه قدامى العرب ببيت القصيد..ليس غريبا عليك ذلك فأنت شاعر وأنت مهندس وبين الشعر والهندسة علاقة عضوية حميمة. شكرا كثيرا لك.
أذكر أنك نشرت من قبل وفي هذا الموقع لوحة رائعة قلت بأنها من وحي إحدى محاولاتي الشعرية وقتذاك. فاتني تخزين اللوحة في ذاكرة الكومبيوتر بقصد الأرشفة على الأقل. هل أطمح في معرفة أو مشاهدة تلك اللوحة إن كنت تذكر المناسبة.
صرت أدمن لوحاتك ولوحات نورالهادي عوض التي تسهم في قراءة نصوصي هنا بأسلوب جديد ومغاير. شكرا على المداخلة. أعترف أن هذه القصيدة-بين كتاباتي- لا تخلو من نفث به من سرعة الإيقاع وتداخل الصور الشعرية ما يجعل هذه المرأة المستحيلة (مثل مهرة برية جامحة) كما تفضلت أنت وأطلقت عليها هذه التسمية.
أختي دومة يتفاوت إحساس كل متلقى بالنص الشعري الذي يطالعه. أقدر إحساسك بهذا النص وأحترمه. أعتقد أن الأفضل هو أن تغمضي عينك عن هذه القصيدة بالذات ما دام ينتابك تجاهها هذا الإحساس المشبع بالقسوة. لو كنت مكانك لأعدت قراءة النص مرة أخرى وفي وضع نفسي أفضل. لست في موضع من يقوم بالتبرير ولا ينبغي لي..أود فقط أن أقول إن في هذه القصيدة نبرة سياسية عالية إلى جانب استخدام صورة الأنثى الرمز في التنقل التدريجي من صورة شعرية إلى أخرى خلال الصياغة، وهو تكنيك احسب أني استخدمته في أكثر من عمل شعري في الفترة الأخيرة..وهو كذلك تكنيك شعري تمتاز به القصيدة المدورة كما يسميها النقاد هذه الأيام.
أقدم اعتذاري لو نضح من ردي على مداخلتك ماأسيء فهم تفسيره. الحديث عن استيعاب أي نص مكتوب يخضع بالضرورة لحالنا ومزاجنا العام وانطباعنا ونحن نقرأ ما هو مكتوب. وهي حالة أشبه بالظرف الذي تتم فيه ولادة النص نفسه..
أقدم اعتذاري لو نضح من ردي على مداخلتك ماأسيء فهم تفسيره. الحديث عن استيعاب أي نص مكتوب يخضع بالضرورة لحالنا ومزاجنا العام وانطباعنا ونحن نقرأ ما هو مكتوب. وهي حالة أشبه بالظرف الذي تتم فيه ولادة النص نفسه..فالكاتب قد يكون في مزاج نفسي مغاير ينتج عنه تخليق النص بصورة تختلف كثيرا عن الصورة التي تخيل أنه سيكمل بها النص حين بدأ الكتابة. وددت أن أقول - ودون تعقيد للمسألة- أن ما ترينه أنت قسوة في هذه القصيدة يراه آخرون فضاء مريحا. هذا بالتحديد ما قصدته حين تحدثت في ردي عليك عن تناول أي قاريء للنص المقروء حسب رؤيته ومزاجه الخاص. ردي إذن هو تفسير عمومي أكثر منه كلام خاص.
Quote: كما ينْفَذُ النّورُ بيْنَ الأصابِعْ وتجلس عصفورةٌ فوق ساعدِ طفلة وينْبُتُ وردٌ بقلْبِ الزوابعْ
قال البحترى
قمر من الاقمار وسط دجنة يمشى به غصن من الاغصان رمت التسلى عن هواه فلم يكن لى بالتسلى عن هواه مدان
وفى موضع اخريقول:ـ يا فرحة من الشمس التى طلعت فى الرايحين بسرب الربرب القطن كثيب رمل على عليائه فنن وشمس دجن باعلى ذلك الفنن ماتقع العين منها حين تلحظها الا على فتنة من اقتل الفتن
الله يجازيك يا هند يا باشمهندس. ضحكتني بشدة. ياخي أخونا ود شيقوق راجل من بادية البطانة الجابت لينا الحاردلو وود الشهنمة وآل البنا. البادية اللي منها جاتنا مسادير الشكرية والبطاحين ، أرقى الوان الشعر الشعبي السوداني .
يا هندسة صديقك اللدود ود شيقوق في حكاية حبو للشعر دي ما في شك. دا بكون رضع حليب القوافي من طفولتو. بس طبعا لكل حصان كبوة ..كان دقس حبة وهو بيحاول يقرا النص بطريقة فيها شوية فلقسة يعني !!!
Quote: الله يجازيك يا هند يا باشمهندس. ضحكتني بشدة. ياخي أخونا ود شيقوق راجل من بادية البطانة الجابت لينا الحاردلو وود الشهنمة وآل البنا. البادية اللي منها جاتنا مسادير الشكرية والبطاحين ، أرقى الوان الشعر الشعبي السوداني .
يا هندسة صديقك اللدود ود شيقوق في حكاية حبو للشعر دي ما في شك. دا بكون رضع حليب القوافي من طفولتو. بس طبعا لكل حصان كبوة ..كان دقس حبة وهو بيحاول يقرا النص بطريقة فيها شوية فلقسة يعني !!!
ده يا شيخ العرب باقي لى زى شوكة الحوت محل امشى القاهو ناطي قدامي سمحي عندو شين وشيني عندو سمح ومجبور عليهو وحسبي القول فيه :
وعين الرضا عن كل عيب كليلة ولكن عين السخط تبدي المساويا ولست بهياب لمـن لا يهابنـي ولست أرى للمرء ما لا يرى ليا فإن تدن مني تدن منك مودتـي وإن تنأى عني تلقني عنك نائيـاً كلانا غني عـن أخيـه حياتـه ونحـن إذا متنـا أشـد تغانيـا
Quote: أجمل ما في جنس المرأة أنها تملك القدرة في أن تتشكل وتتحور في أكثر من معنى وفي أكثر من بعد..بمعنى آخر أن المرأة في مخيلة الرجل هي الرمز لأكثر من حالة
نعم ذلك صحيحا استاذى الجليل فضيلى فأنا لم أقرأ القصيدة قط على أساس أنك تتحدث عن امرأة بمعناها المجرد ... اننى منذ أن وقعت عيانى على القصيدة و بدأت مطلعها وأنا أتخيل المدينة التى أحن اليها و أفنيت فيها معظم سنوات شبابى.
الأستاذ الشاعر الكبير الذى تسلق كتف الرياح وجبال الدخاخين. كيف انت يا شاعرى الذى غازل الجمال ولون الحروف واشعل الدفوف. والله انى أراك شاعر فوق النجم. انت من زمان علمتنا الشعر ومعنى الحرف والظرف يا رعاك الله ___ تحياتى اليك فى نوتن هل قيت ( حلة الشعراء) وارجو ان تكون عافيه اخيك عثمان
بارك الله في الوسط العلمك الزرزور . كنت زمان ما بتشوفو الا في الاقفاص الزجاجية . واكيد بقيت تعرف منه اللاقبير والعصفور ود خان عذبات وابو طويقية وابو الملود .
Quote: بارك الله في الوسط العلمك الزرزور . كنت زمان ما بتشوفو الا في الاقفاص الزجاجية . واكيد بقيت تعرف منه اللاقبير والعصفور ود خان عذبات وابو طويقية وابو الملود .
أيها الموشوم فينا وطن ونيلا .. أنت في الحنايا تتشكل كالوان قوس قزح ,تخرج الينا مشعا في عالم خاص بك جميل..رقيق كلماتك زهرات تضوع طيبا وانت تتسلق حواف المدن المستحيلة تبهرنا بالالق فنفرش لك حبنا ظلا وريفا ونتبع خطاك الدهشة..
فأنت الزوابع في داخلي أنت عرس تمنيته قبل أن.. أتعلم في حبك الأبجدية وأحجية انت أحفظها دائما ربماالتقيك مصادفة في محطة حزن ومنفي بعيد, بعيد فأقسم-أني اراك -كماانت- في خاطري أمراة مستحيلة _____________________
جمعتني الصدفة المحض في عطلة نهاية الأسبوع الفائت بشاب سوداني من كردفان الغرة. أدهشني هذا الشاب بحفظه وروايته لأخبار الحقيبة - هذا الكنز الكبير في إرثناالفني. وهو مثلك شديد التواضع والحياء . وقلت أحكي لمحدثي عنك فإذا به يطالعني ببسمة رضا كبيرة ويخبرني بأنكما من أسرة واحدة..أظنك في الحسبة ابن عمته أو ابن خاله ، لا أذكر بالتحديد. صديقنا الذي أعني هو اسماعيل السيد -قريبك.
حفظكما الله أنت وهو. إنني سعيد بصداقتكما. بعث لي اسماعيل بورقة حول غناء الراحل المقيم مصطفى سيد احمد..ورقة مدهشة ووعدني بأخرى عن الحقيبة. لقد اطمأننت الآن أن أمتنا ليست بعاقر.
Quote: يا هندسة كنت ماشي كويس . أول ما جا صاحبك العريبي داخل خلاص بديت في اللخبتة. تمشي دغري وللا نطلع الكرت الأحمر.
اولا انا كنت واقف في مسيرة مع اخوي الكبير قريبي ابراهيم ايوب فقام العرريب جاب سيرة "مسيرة " فقت يمكن بيقصد مسيرة قريبي وانا مع قريبي والعرريب اليطير .. اصلو مما زور الانتخابات وبقي مسعول طائر ما عندنا خبارو .. انت بس واصل مسيرتك !!!
Quote: اولا انا كنت واقف في مسيرة مع اخوي الكبير قريبي ابراهيم ايوب فقام العرريب جاب سيرة "مسيرة " فقت يمكن بيقصد مسيرة قريبي وانا مع قريبي والعرريب اليطير .. اصلو مما زور الانتخابات وبقي مسعول طائر ما عندنا خبارو .. انت بس واصل مسيرتك !!!
انت يا الفضيلي حرم زول جنة سااااااااااااى الزول ده لسع مباريك وما قدرت تنفضه من فوق يقع يتكسر؟
انا بفتش ليهو من زمااااااااااااان حت في بوستات هشام هباني وما لقيتو - ظنيت برضه حلف طلاق يسيب المنبر .
انتو عارفين في ناس يشاكلوك وينبذوك ويهاتروك ويراطنوك وبرضك تكون حابيهيم زى الرطاني ده انا بتقريف ليهو بالحيل تقول عامل لينا كتابة من شيخ كدباس .
واصل يا الفضيلي اخوى وخليهو معاك كفاف عين من ابداعك الحلو ده .
Quote: انتو عارفين في ناس يشاكلوك وينبذوك ويهاتروك ويراطنوك وبرضك تكون حابيهيم زى الرطاني ده انا بتقريف ليهو بالحيل تقول عامل لينا كتابة من شيخ كدباس .
اها ات كنت وين ؟ اها حت وسطيح في الصيف كمان وبعدما ما بقيت مسعول برضو حتات ؟
انا بكتب حجباتي براي .. زمانك كنت بتاووق لشيوخ التجانية البيجو للمرحوم الوالد (كان واحد منهم .. بربري وتجاني ..التجانية اكبر طريقة في افريقيا لعلمك يا حتات) وحفظت الاوراد وذكر يوم الجمعة ( اسهل طريقة في الدنيا ما فيها بروتوكلات صعبة ) اها يعني تجاني بالميلاد واخوي برضو مسمينواحمدا لتجاني ... فابعد مني والا اقوم اكتفك بحجاب يخليك زي بندول الساعة تهاتي معانا يوم الجمعة في ذكر الضهرية ؟
Quote: انا بكتب حجباتي براي .. زمانك كنت بتاووق لشيوخ التجانية البيجو للمرحوم الوالد (كان واحد منهم .. بربري وتجاني ..التجانية اكبر طريقة في افريقيا لعلمك يا حتات) وحفظت الاوراد وذكر يوم الجمعة ( اسهل طريقة في الدنيا ما فيها بروتوكلات صعبة ) اها يعني تجاني بالميلاد واخوي برضو مسمينواحمدا لتجاني ... فابعد مني والا اقوم اكتفك بحجاب يخليك زي بندول الساعة تهاتي معانا يوم الجمعة في ذكر الضهرية ؟
انت عارف يا بكوري السمحة ام ولدى سافرت البلد ليها اسبوع وقطع شك وصلت الفكي قونى عشان تعميني من بنات الغربة - هى ما بتشيل موبايل لما تمشى البلد عشان ما يقولوا اتبندرت - اها انا افتش ليها بموبايلات الناس وكل مرة يقولوا لى معزومة عند ناس فلانة وكملت فلوسي كلها لحدى هسع ما لقيتها وغلبني النوم بقيت زى ام احمد مع ود المحرب الا اعمل ليها بوست ادعّي البيعزموها ديل زى عفاف دعت احمد وود النعيم .
يعني قصيدتي دي الوكت مش الموضوع؟ الموضوع أوراد التجانية اللي آخر الزمن بكتبوها رطانة. نسيب موضوع التجانية نقع في حريمكم السافرن بدون موبايل وحالفات يكتفنكم من بنات البندر عند شيوخنا في البادية. والكلام في قصيدتي عييييييييييك !!!!!!
Quote: هسع الرطاني ده بيكون لابس حجباتو وشايل ال GPS وحايم بيهو اتفرج يا شيخ العرب . انت ذاتك بتكون تصنع في الشعر الحلو ده وسكينك تكون في ضراعك -
ضحكتني يا شيخ العرب وأنا الكنت ماخد الحكاية جد. شعر ينكتب والسكين في الضراع ..دا ياهو فعلا البسموه "شعر مقاومة" ..وللا يبقى شنو؟ الله ينطيك العافية يا ود شيقوق!
Quote: يعني قصيدتي دي الوكت مش الموضوع؟ الموضوع أوراد التجانية اللي آخر الزمن بكتبوها رطانة. نسيب موضوع التجانية نقع في حريمكم السافرن بدون موبايل وحالفات يكتفنكم من بنات البندر عند شيوخنا في البادية. والكلام في قصيدتي عييييييييييك !!!!!!
يا فضيلي اخوي اها شيخ ابراهيم البرناوي والبرنو الفي نيجيريا وناس النيجر والكاميرون وغانا دييل قالو ليك من قبيلة امرؤ القيس ما رطانة ؟ واللا بس رطانتنااحنا كلام ابليس ؟
بعديين قصيدتك دة مش عايزة فواصل اعلانية زي السي ان ان وبرامج اوبرا وينفري وتايرا وراشييل راي ؟ انت بس اصبر علينا شوية كان ما سوينا ليك انا والعرريب قناة فضائية ؟
تعرف يا فضيلي أنا بحب الناس اللي بكتبوا ما لاتتوقع من جمال ، الشاعر أو الكاتب اللي بيأشر شمال ويلف يمين ويضيف الى قاموسك خيالات لا مفردات الشاعر الذي يجفلَ ليلٌ يضيِّق المكانْ! في خط سيره ليلقى الحبيبة الإمرأة من لهيب لحما و (وشما) ، ثم يقرر أن المهر لها دمعة أم أو أخت. بئس الشعر إن لم يحتشد بالخيالات والجنون ، كنت في أيام صباي أحفل بنزار الشاعر حتى قرأت نثره (الكتابة عمل انقلابي) فعرفت كيف يكون الشعور بالزلازل وكيف تميد الأرض وكيف يكون التحليق للنظر الى البراكين من علِِ ، أتذكر تلك اللحظة وأخي أحمد هاشم يقرأ عليك قصيدتك النوويه (شارع في حي القبة) التي ظل يحفظها منذ عقدين من الحسان ولما التقاك بعد الكدر الطويل أسمعك إياها كاملة الدسم وكأنه يقول لك أنا أحد أمناء وجدانك وليلتها كاد يدس صواع الملك في راحلتك لتبقى معنا لأيام أُخَر. الكلام الجميل ما بتنسي يا فضيلي.
طلبت منك قبل كدة تنقل تحياتي وإعجابي الشديد بالشبان (الثلاثي الجميل): احمد القرشي واحمد هاشم وعصام عيسى..إن شاالله يا رب ما أكون لخبت في إسم واحد فيهم. في واحدة من تجليات بيتك المضياف حظيت أنا شخصيا تلك الليلة بصحبة أولئك الشباب الأماجد. كلامك الكتبتو دا أحلى منه مافي . ورغم إني ما عندي البقولو عن القصيدة لكن أزكي كلامك وأبصم عليه فيما يتعلق بحالة الجنون الجميل في الفنون كلها وفي الشعر بصفة خاصة. أيوة كتابة الشعر هي خروج على النمط والرتابة. وعشان كدة قانون الحركة زي ما اتكرمت إنت ما خاضع للمنطق..لكنه معقول في لا معقوله.
احمد هاشم وهو يقرأ مطولة (شارع في حي القبة) كان حيرني لأني أنا الكتبتها ما حافظها. ما تتخيل كنت فرحان بالمسالة دي كيف. شكرا على تنشيط الذاكرة أيها القانوني الأديب.
عن التوحد والتلاق عن شيء مستحيل وعن الفراق... عن قلب مسكون بالحلم القريب كما الشهيق كل شيء في عرف الخيال الى إتساق وكل شيء عنك مضطرب يضيع في الخطى وفي حنين الاقتراب كم في الدرب الى عينيك غربة كبرى احزان وأوجاع كم نتكبد في العشق هل في هذا المستحيل مشروع مقترح للعناق أفر إليك وكل العصافير تفر نحو طقس يلون ريشها... و حواجز الموت تمتد كما الشباك أنحتاط ؟؟؟ كم هذا المستحيل مستفز و حمل لا يطاق... لك أدخر الغناء والطبول أدخر في برد الحقائب شمسا صغيرة وخواطر عنك في ضمائر الرفاق أنتوي في عرسك أن أفسر غيب رؤيتي من بعد أن يتسع المكان وأن أعطي لي إسما ينتمي إليك ليس كخيط من دخان إسم يبقى بعد أن أنحر ما يكفي لأجلك من أشواق......
فضيلي جماع أتابع حرفك البهي دائما القريب المشرع شكرا لك
Quote: أول مرة أشوف فصاحة العجم. الزول دا كان تابعناه وطاتنا صبحت
لالالالالالالالا الزول ده يا شيخ العرب متابعني انا كده عشان يتعلم اللغة العربية وتعلم كويس . اكان حضر ايام تعريب المناهج في جامعة الخرطوم اكان ورلو صنقع .
Quote: لالالالالالالالا الزول ده يا شيخ العرب متابعني انا كده عشان يتعلم اللغة العربية وتعلم كويس . اكان حضر ايام تعريب المناهج في جامعة الخرطوم اكان ورلو صنقع
.
اها الزول يتابعوك في حت ! في تسطيح هبابي بعد حفلة كاربة ! مفهوم ! بس في تعليم لغة عربية كيفن ؟؟ هنا في عربي نصاح خلي الملكة حروفا جفلت ؟ اها انت متيين تسويلك حروف اول ؟؟ عرريب تايوني مب اصلي ؟
Quote: اها الزول يتابعوك في حت ! في تسطيح هبابي بعد حفلة كاربة ! مفهوم ! بس في تعليم لغة عربية كيفن ؟؟ هنا في عربي نصاح خلي الملكة حروفا جفلت ؟ اها انت متيين تسويلك حروف اول ؟؟ عرريب تايوني مب اصلي ؟
انت عارف لو تابعت شيخ العرب ده حتغني كما غنى الخليل (في الضواحي وطرف المدائن) وحتعرف النال والخزام والشيح والبراح
لو كل الرطانة زي خليل فرح وجمال محمد احمد وجيلي عبدالرحمن وشيوخنا العظام حمد ود ام مريوم وخوجلي ابوالجاز وادريس ود الأرباب ، كان دنيانا أجمل بكتير يا هندسة من السجم الحاصل في السودان اليوم.
معاك حق..تسحب "عازة" خليل فرح أو "في الضواحي وطرف المداين" أو "تم دورو ودور" يبقى طعم الغنا مسيخ ويكون الفن بلا رائحة.
Quote: هسع عزة دي البتخليكم تقيفو زنهار نقوم نسحبا ونخليكم في الهوا ؟
يا ابوى نحن استطعنا تكوين احتياطيي استراتيجي بفضل استنساخنا من عزتكم مجموعة عزات ( شيخ العرب جمع عزة شنو؟ الحقنى الرطاني بيكشف حالي ) والان صارت عندنا الاناشيد الوطنية (يا عزة قومي) ويا عازة الفراق بي طال وسال سيل الدمع هطال - وكمان ناس معزتنا ما بنشوف غيرهم رحلوا خلونا يا حليهم - الرحلوا ديل ناس الفاروق ود حامد ومنى خوجلي يا شيخ العرب ناديهم لينا خليهم يحتوا لينا هنا .
يا ريت يجينا ناذر ويسمعنا حاجة.
شيخ العرب طول بالك شوية خليني اتفسح في الرطاني ده حبة انا متقريف ليهو اسبوع كااااااامل .
(عدل بواسطة الطيب شيقوق on 21-04-2007, 09:42 AM) (عدل بواسطة الطيب شيقوق on 21-04-2007, 09:45 AM) (عدل بواسطة الطيب شيقوق on 22-04-2007, 09:58 AM)
Quote: شيخ العرب طول بالك شوية خليني اتفسح في الرطاني ده حبة انا متقريف ليهو اسبوع كااااااامل .
اها تتفسح في منو وفي شنو ؟ في عربيكم؟ ما الرطان بقي شاعر ..قررت ان اصير شاعرا .. مش علي كيفي .. مش عربيكم دة بتاع" جدادي يلقط الحبا "" ونامي نامي يا تيتاني عندي زهر زي الواني " زي دة بيغلب رطان واللا حتي بوتين الروسي اها استمتع بشعر الرطان "الرصيين" في مداخلة جنابنا هنا:
شعر من اجود الاشعار .. يعني شعبان وعدوية شعرهم عربي وحق الرطان كخ ...وانتو شعراكم موقفيين العالم من الفيين سنة عشان يبكو " قفا نبك ".. دة كلام بالله توقفو خلق الله الفيين سنة بشان يبكو .. انا قررت مؤخر تقديم اقتراح لسلطة الطرق والجسور في دبي بتغيير كل اشارات المرور في دبي بتاعة "قف" الي " قفا نبك" فالحال يستوجب البكاء وكم من غلابا داخت وهي واقفة في صف لا ينته واطفال رات الشمس في زحمة السير وواحديين توكلو وهم في الصف واها بعد الفيين سنة لقينا لشعركم فايدة ...
الشاعر الفطحل الرطان
(عدل بواسطة abubakr on 21-04-2007, 10:47 AM) (عدل بواسطة abubakr on 21-04-2007, 10:49 AM)
Quote: بلد فيها الجمال الوان .. مدفون تحت الوسخ والضيق ... بلد اروع ما فيها الناس ... بس ما كل الناس .. لانو في ناس ... اسوا من خلق رب الناس ...
لله درك اختى سناء جعفر
انت الفضيلي من الليلة دى ده طرفنا منك امشى على الرطانة - وحرم اكان مشيت لاهلو زيارة البونسك الا ياجروه ليك بفلوس او يرسلوا الوليد الصغير يركب حماره يجيبو ليك الونيس من الحلال المجاورة .
يا شيخ العرب طول بالك..عازة خليل فرح دي نفوتها نمشي وين؟ في الوكت الفيهو شعراك العرب كان ببكوا على الحريم ( يا عازة الفراق بي طال ..وسال سيل الدمع هطال) كان الرطان خليل فرح بقول ليهم: في الضواحي وطرف المداين..يلا ننظر شفق الصباح !! يعني هم ببكوا على النسوان والرطاني بقول ليهم شوفوا شمس الحرية طالعة كيف؟
Quote: انت الفضيلي من الليلة دى ده طرفنا منك امشى على الرطانة - وحرم اكان مشيت لاهلو زيارة البونسك الا ياجروه ليك بفلوس او يرسلوا الوليد الصغير يركب حماره يجيبو ليك الونيس من الحلال المجاورة
.
اها دي عشرة العرريب يا فضيلي ؟؟ بشان كدة خليك مع الرطان ..صاحبنا نسي انو "سناء" تبع الرطان .. بجييك راجع بعدين شوتو ضفاري ؟
لا يا استاذي ارجو ان تناى بنا ، ما استطعت ، عن شمولية القرار فانت مؤسسة مملوكة لجميع اهلنا و ينبغي ان يكون القرار في مثل هذه ال Issues قرار مؤسسي Institutional ولا بد من استطلاع وجهات نظر الهنا وهناااااك.
Quote: لا يا استاذي ارجو ان تناى بنا ، ما استطعت ، عن شمولية القرار فانت مؤسسة مملوكة لجميع اهلنا و ينبغي ان يكون القرار في مثل هذه ال Issues قرار مؤسسي Institutional ولا بد من استطلاع وجهات نظر الهنا وهناااااك.
دة فرانكو اراب بشان تتفرب للفضيلي ؟؟ هو الانجليزي ما رطانة واللا الا الواحد يحكمكم ويشكم العررايب ؟؟
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة