دعواتكم لزميلنا المفكر د.الباقر العفيف بالشفاء العاجل
|
|
 مكتبتي.... توثيق لهبة سبتمبر
|
حيث ان التوثيق كما المكتبات خيار وفقوس
اوثق لنفسي براااااااااااااااااااااااااااااي
مـــا بــنـــقــيــــف
ما بنقيف
هجعة وبعدها نهدر تاني
نعبي شوارع كل مدينة
ونخلع عنك توب الزيف
ما بنقيف
وما بنتراجع
نحن خلاص ملينا الكذبة
وكل كلاما ما هو نضيف
من يوم جيت
جيت بي كذبة
قال بالدين
يا الطلعتو نضيف الدين
شعبا كان في دينو عفيف
كضابين
يا فاسدين
يا كل الفعل المنتن لمن شين
وما بنقيف
نحن حقيقة
زي تاريخ النيل الجاري عنيف
يومكم جا
من كل ازقة وكل حوراي المدن
الضاقت ضيم العيش
ومن كل قطاطي الصي الريف
انتو حتمشو
لو برضاكم
او بحكم الشارع الهادر
يمعن فيكم في التخويف
وارجع اقول
نحن مرقنا عشان ما نقيف
عشان اجيالنا تعيش
الجو الصافي نضيف
عشان الحاجة تبقى جميلة
ومن غير زيف
مـــا بــنـــقــيــــف
|
|
 
|
|
|
|
|
|
|
|
Re: مكتبتي.... توثيق لهبة سبتمبر (Re: د.محمد حسن)
|
تـــمــنـــك كـــــم
تمنك كم؟
يا ماسك قلما تشتم شعبك وما بتهتم
تمنك كم
ناس في الشارع
ما بتبالي
ودفعو الدم
وانت تغني
للسلطان البذبح شعبك
ويهرق دم
خلاص اتفرزت دي الكيمان
كوم السلطة
وكم الناس الدشرت دم
كوم القرش النافق و########
وكوم الناس الشايلة الهم
كيف بتنافق
وسيف السلطة بيذبح
كل زهرات البلد اليافعة
ويمكن فيهم
ليك يا ######## ود العم
تمنك بائس
لقمة
وفندق خمسة نجوم
وانت تحوم
يا زبال
تاكل السم
بين كل موائد الناس
الوأتد بلدك
وبرضك اسال تمنك كم؟
كمين عام
وانت تطبل
وناسك بطحن فيها الهم
تصحى تصابح الفقر الجاثم
تمسى وشايلة الهم الكاتم
وانت بتضحك وما مهتم
مرقت من الضاقو الجمرة
وصرخو وقالو
قدام الحاكم وما خيفين
( كذاب يا حاكم)
غوروا
وطيروا
وخلو البلد المنهك يوم ينجم
واسال تاني وعاشر
يا مأجور تمنك كم ؟
http://www.sudaneseonline.com/board/440/msg/1380602960.html
| |
|
|
|
|
|
|
|
|
|
Re: مكتبتي.... توثيق لهبة سبتمبر (Re: د.محمد حسن)
|
هـــذا المـشـــــير
هذا المشير
يغتال اصوات العنادل والزهور
يخاف من صوت الحقيقة
صدح الحناجر بالهتافات الرعود
هذي الحروف الباذات
كالدانات تخرج من صدور
ترعب قلواب الراجفين
الكاذبين
الزائفين
حين تمعن في السفور
تخرج كنور الفجر يشرق بالنقاء
يشق استار الدجور
هاقد تكشف عريكم
اين المفر
كل الدروب مليئة بالحق
يرشح من هتافات
يشع بريقها
وفؤاد كالتنور
يغلي مرجلا
اين المفر
وكل زاية بركن الشارع المقهور
تصرخ
هذا الذي اغتال زغب حواصل
بدم جليد
اليوم بيننا ثار اعوام عجاف
اليوم نوفيها النذور
تبرج النهر العتيق
بدم الشهيد
والضفاف تجرتقت
النخل والجرف الذي
عاش الظمأ
وحنين ساقية تدور
هذا زمان الكلمة الطلقة
هذا اوان حروفنا الجرانيت
صوت صبية
حين شقت بالزغاريد البشارة
حلق السماء
فتفتحت في الروض الاف الزهور
هذا اوان الخصب
والخير الوفير
هـــذا المـشـــــير
| |
|
|
|
|
|
|
|
|
|
Re: مكتبتي.... توثيق لهبة سبتمبر (Re: د.محمد حسن)
|
يوم الحساب
من جوامع ما بتعرف زيف خطاب
تنطلق كل الحناجر في الشوارع
وبنفتح للثورة باب
ما بنقيف
اصلو ما دايرين رغيف
نحن عايزين الكرام ة
مت خشوم اتعلمت فينا السباب
الليلة يوم الحارة جد
والشوارع
هي المساكن
والزانازين
والسجون
ما بنرجع ما البلد صارت يباب
نحن في قلب الشوارع
نحن من عمق المواجع
والحكايات الخراب
جيتو من وين يا لصوص
يالسرقتو عمرنا كله
الليلة حيكون العقاب
رغم اعلامكم بضلل
بس بضلل لي عقولكم
ولي نفوسكم
نحن عارفين الحقيقة
انكم جد ناسا هباب
هسة خايفين
هسة راجفين
وانتو في حالة ارتعاب
ما بحل
هاتو اموال الغلابة
عيشو زي ما كنتو اول
قبل ما تجينا العصابة
كنتوا وين؟
وبقيتو وين
في لحظة من عمر الزمان
طالت عماير في السما
من ناس
كانت بتحلم بالعشا
الليلة ما يوم الحساب
نفتح دفاتر كل زول
ونعد سنين عمره القديمة
وكيف حنبداه الخطاب
ونعد قروشو الليل كم
جابها من وين؟
من نتاج انتاج حقيقي
والا تزييف في الحساب
نحن ما شعبا جهول
او بياكل للحقوق
نحن شعبا فيه عزة
الا ما برضى الحقارة
وبرضو بعرف للحساب
من بيوت زي بيوت كل الاغلابة
الليلة صارو كم عمارة
وناس بتكدح من سنين
جابو القرش فوق القرش
وسوا القروش بي كل جدارة
من جبين نديان حلال
الليلة صارو
يفتشو صارو كايسين دبارة
ما بصح
لازم نعيد تاني الحساب
ونصحح الغلط المبين
ونزيل من الناس كل شين
ونرد لهذا الشعب دين
ونقول كمان لابد من جرد الحساب
عقدين ونيف
اعلام مضلل كله زيف
جيبو الكراريس والدفاتر
ويلا نفتح للكتاب
نقرا الحقايق
والقروش الجاتنا مليارات عديدة
ليه بنقعد نحن ميونيين كتير
ندفع الدين من عرقنا
وناس بتسرق لي عرقنا
عشان كدة
نحن للشارع مرقنا
ما الليلة جد يوم الحساب
يوم الحساب
| |
|
|
|
|
|
|
|
|
|
Re: مكتبتي.... توثيق لهبة سبتمبر (Re: د.محمد حسن)
|
مــيــن الـقــال ما عـندهــا سـيــد؟!!
ما عندها سيد
مين القال ما عندها سيد
سيدها الشعب الكاضم الجوع
وما مد الايد
ما شال من مال الشعب
او قال دي عموله
او فات الحد
سيدها الشعب الهادر وسادر
ومارق للرصاص
الظالم وغادر
الف شهيد
وعهد جديد
يس ياطالم
حاوا تهرب وتعمل ساتر
حقنا منك جد حنشيلو
وعليك بنقيم يا غاشم حد
نحن مرقنا
شان المصو دمانا
وسرقو عرقنا
وما بنتراجع
نمرق نحن نعبي الشارع
نشق الكون بي اعلى هتاف
نحن مرقنا
والعايزنا يجي يلحقنا
جيب من عندك الف مليشايا
واترس كل بيوتك بالفاشلين
والكان صايع
شان يحموك
من ناس مرقت
وما بنتراحع
ناس بتموت بالميات
وانت بترقص في القنوات
ياضليل
20 عام وانت بتمعن في التضليل
بس ياظالم نحن مرقنا
ما تفتكرو الشعب ذليل
مين القال ما عندها سيد
نحن اسياد الوجع الحار
ونحن بنمرق للبمبان
ونحن صدورنا مفتوحات
لي ضرب النار
اضرب
اكتل
بس يا ظالم
يا ابن الهرمة
يومك جا
وبكرة بتلحق كل الخانو
شعوبهم وبادوا
وبكرة بناخد منك تار
ونحن مرقنا
ضد الفجرة
والتتار
مــيــن الـقــال ما عـندهــا سـيــد؟!!
| |
|
|
|
|
|
|
|
|
|
Re: مكتبتي.... توثيق لهبة سبتمبر (Re: د.محمد حسن)
|
ما نفست
هذا البوست اسمه ( مسدار الثورة)
ما نفست
هجعة محارب
فالنضال دربا طويل
خمة نفس
شان المعارك تحتد
لو في النها او دنيا ليل
هدرت جموع الصبية
والشبان
واخوات الرجال
مرقت جموع الغاضبين
تعزف لحون عزة خليل
ياعزة ليك نحن الجبال
ياعزة شايلنك دليل
ما نفست
ما تفرحو
هجعة محارب
فالنضال دربا طويل
ونواصل
ما نفست
| |
|
|
|
|
|
|
|
|
|
Re: مكتبتي.... توثيق لهبة سبتمبر (Re: د.محمد حسن)
|
الــكــنــيـــــف
(ياخرطوم ثوري ثوري
واكنسي كل ال و س خ الفي كافوري )
هتاف يشق حلق السما
من بطون ناسا جياع
عقدين ونيف
وقولا كنيف
قلي بس
ما يثورو كيف؟
وعيون صغار فقدت بريقها والتماهع
لا لاقية جرعات من دوا
لا بيتها يغشاه الحليب
وناسا تكدس في القروش
من عرق ناسا جياع
عقدين ونيف
الدولة مرحاض الكنيف
واقفه لي زي بش بزق تنهب من الجيب
البعاني من العناكب والضياع
وكروش تزيد تسمن من المال الحرام
والناس جياع
ما يثوروا كيف
وكل مرفق في الحكومة انتن من منيف
خليك معاي
والله ما تشعر ضياع
ما تقول حرام
ما اصلو مفهوم الحرام
قلناه للناس الجياع
لكن حقوقهم
في حلوقنا هي الحلال
والفجوة تكبر في اتساع
ناسا قصور
وناسا بتحفر في التراب منه السكن
وفيه القبور
ما يثورو كيف
والنيل نشف
من الكضب الفي السماع
وتاني وعاشر
ثوري ثوري
ضد الناس الفي كافوري
الــكــنــيـــــف
| |
|
|
|
|
|
|
| |
د.محمد حسن
فيس بوك
تويتر
انستقرام
يوتيوب
بنتيريست