|
|
 شرف الثورة _ قصيدة للصديق حسين شنقراى
|
التحية والرحمة لشهداء ثورة 23 سبتمبر الأبطال ولازالت الثورة مستمرة حتي النصر المؤكد بإذن الله
شرف الثورة
كلمات: حسين شنقراي
______________________
يا القاعدين
في بيوت
شرف الثورة
عليك ح يفوت
الناس في الشارع
بتموت
لي تاريخ
بالدم منحوت
أمرق وسَمِع
صوت
-------
صارع خوفك
أطلع
أمرق واجه
المدفع
غذي لهيب
الثورة الولع
دي الحرية
بريقها بيلمع
شعلة وماليها
خفوت
أطلع ما تخلي
الفرصة عليكا
تفوت
------
أطرد خوفك
قاوم
ضد الناس
الفيها تكاوم
مطلب واحد
ليهو نداوم
الحرية خيارنا
وما بنساوم
إما نجيبها
وإما نموت
أطلع شرف
الثورة عليك
ح يفوت
------
يا القاعدين
جوه نُصاح
أمرقوا ما تهابوا
سلاح
حيوا شهيد الثورة
صلاح
قاوم وقال
الصاح
كيف أرضي
سكوت
ما دام الزول
في يوم
ح تموت
يا القاعدين
في بيوت
أمرق
شرف الثورة
عليك ح يفوت
|
|
 
|
|
|
|
إحسان عبد العزيز
فيس بوك
تويتر
انستقرام
يوتيوب
بنتيريست