حسين خوجلي..ياخ إنت ونااااس !!!

كسلا الوريفة يحاصرها الموت
الوضع في كسلا يحتاج وقفتنا
مواطنة من كسلا توضح حقيقة الوضع في المدينة و اسباب وباء الشكنغونيا حمي الكنكشة - فيديو
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 25-09-2018, 11:47 AM الصفحة الرئيسية

مدخل أرشيف الربع الرابع للعام 2013م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
17-11-2013, 07:04 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


حسين خوجلي..ياخ إنت ونااااس !!!

    بعيد من قصة السياسة ..وبعيد عن قصة فش الغبينة وحسين خوجلي الليلة شات الحكومة وحسين خوجلي ده كوز وحسين خوجلي ده زاااتو ما فاسد و حسين خوجلي بيكون متفق مع ناس الأمن ..
    بعيداً عن قصة ما وصل ليهو حال البلد وبعيداً من قصص كشف الفساد وبعيداً عن فرمالة حزب السودانيين وأقوال الصحف ..
    حسين خوجلي ده زول ونااااس رسسسسمي ..
    زول تستمتع للحكي بتاعو ..
    زول وانت قاعد في التلفزيون قصادو ما بتحس إنك قاعد قصاد التلفزيون ..بتحس إنك قاعد مع شلة العمود في ناصية بيتكم ملمومين بعد المغرب خاتين باقة الموية والكباية مكفية في بوز الباقة واضاءة الحي حافتة والناس ماشة وجاية فيكم ..
    زول اول ما تشوفو وتشوف طلتو بيذكرك بي فترة زمني جميلة في السودان ..
    ياخ حسين خوجلي بيشهيك في الزي السوداني وهيبتو ..
    أناقة منقطعة النظير .. جلاليب مفصلة على كيف كيفك ..شالات مطرزة على أفضل ما يكون ..
    ولازلت عند رأيي حسين خوجلي صاحب أجمل لفة عمة في السودان لا تقول لي ترباس لا ود الجبل لا الجن الأحمر ..
    وده كلللو كوم وهزة اليد والضراع كوم تاني.. :) :)
    حسين خوجلي بي رنامجه مع حسين خوجلي أعاد للأذهان فكرة البرامج التلفزيونة التي يتسمر حولها ناس البيت ..
    حسين اعاد نظرية ضبط الوقت والسؤال عن الزمن عشان الناس تتلم حول التلفزيون كما مسلسل ليالي الحلمية وبيوتي اند ذا بيييست وذا رووتس ..
    صاح حسين خوجلي بيقول في كلام خصوصا فيما يتعلق بالسياسة كلام مكرر وربما معروف للجميع ..لكن مع كده تتلذذ وتستمتع بالحكي..
    حسين خوجلي بيذكرني بي إبراهيم عيسى في دريم في البدايات ..
    فكرة البرنامج مختلفة في السودان ولو إنها كفكرة قديمة في كتير من القنوات ..لكن طريقة حسين خوجلي ادت نكهة وطعم ولون للبرنامج ..
    كل البرامج اللي قدمها حسين خوجلي في القنوات المختلفة هي برامج ثرة غنية ممتعة يعتمد عليها كبرامج توثيقية ..بدء بي ايام لها إيقاع ومرورا بتواشيح النهر الخالد وختاماً بي مع حسين خوجلي..
    يظل حسين خوجلي يطور نفسه ويظهر في قوالب مختلفة دون تكرار نفسه بينما لايزال عمر الجزلي يدور في فلك اسماء في حياتنا !!!
    حسين خوجلي ياخ إنت راجل مقعععد ظهورك أنيق وكلامك لطيف ..
    بإختصار ..إنت راجل ونااااس ...

    تخريمة :
    لو سميت البرنامج مع حسين يخيل لي بتكون أجمل من مع حسين خوجلي..
                   |Articles |News |مقالات |بيانات

17-11-2013, 07:50 AM

ياسر منصور عثمان
<aياسر منصور عثمان
تاريخ التسجيل: 16-01-2013
مجموع المشاركات: 4485

للتواصل معنا

FaceBook
تويتر Twitter
YouTube


Re: حسين خوجلي..ياخ إنت ونااااس !!! (Re: عمر الفاروق)

    تعرف يا عمر...رغم اختلافي مع حسين خوجلي في حاجات كتيرة...ولكني دائماً بقول انه افضل من يقدم برامج حواريه في السودان..

    رغم الانا الكتيرة العندو...واستشهادو دائماً بالمراحيم


    ودي
                   |Articles |News |مقالات |بيانات

17-11-2013, 07:57 AM

Sidig Rahama Elnour
<aSidig Rahama Elnour
تاريخ التسجيل: 01-09-2004
مجموع المشاركات: 3408

للتواصل معنا

FaceBook
تويتر Twitter
YouTube


Re: حسين خوجلي..ياخ إنت ونااااس !!! (Re: عمر الفاروق)

    ياعمر ويا ياسر
    السلام عليكم ورحمة الله وبركاته
    يا أخي والله الواحد يحسدكم في قوة صبركم وجلدكم ، وإستمتاعكم بتعذيب الذات بالإستمتاع بحسين خوجلي ...


    التحية ليكم يا أخ

    حسين خوجلي دا أحد بلوى ومحن السودان التي أبتلانا الله بها ، فنسأل الله ما يخلي عندي قدرة قدر حقتكم دي عشان أحضر لي برنامج كامل لحسين خوجلي ، وكمان أستمتع بيهو



    وناس ؟؟؟ يا عم بتبالغ يا أخ

                   |Articles |News |مقالات |بيانات

17-11-2013, 08:44 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: حسين خوجلي..ياخ إنت ونااااس !!! (Re: Sidig Rahama Elnour)

    والله يا خال صدقت ..
    في اي برنامج حواري شهدته ولو كان حسين خوجلي ضيفاً برضو بتستمتع ..
    العيب الوحيد ضمن سلسلة برامجه الحوارية دي إنو كتيير جداً حاول يظهر صورة حسين خوجلي الشاعر بي قراءة خرمجات كده أسماها هو شعراً ..
    بس واضح إنو طلع (شعراً) ما عندو ليهو رقبة ..
                   |Articles |News |مقالات |بيانات

17-11-2013, 08:46 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: حسين خوجلي..ياخ إنت ونااااس !!! (Re: عمر الفاروق)

    سلمك الله من كل شر يا صديق..
    بالمناسبة معظم الشعب السوداني الايامات دي عندو صبر لي حسين خوجلي واعتقد إنو برامجه تحظى بنسبة مشاهدة عالية خصوصاً الايامات دي..
    كدي الايامات دي أبدا ركز مع اللبس حقو خلي الكلام وشوية شوية الامور بتظبط :) :)
                   |Articles |News |مقالات |بيانات

17-11-2013, 08:59 AM

ismeil abbas
<aismeil abbas
تاريخ التسجيل: 17-02-2007
مجموع المشاركات: 10789

للتواصل معنا

FaceBook
تويتر Twitter
YouTube


Re: حسين خوجلي..ياخ إنت ونااااس !!! (Re: عمر الفاروق)

    أها يا صديق رحمة جاك كلامى...عمر الفاروق وممكن كثر بأيدونى الرأى..

    يا عمر انا أوافقك الرأى مئة بالمئة..والله نفس ألأحساس..أنا وألأيام دى موازرانى شذى بقينا نقعد ننتظر قبل ما يجى البرنامج ونجهز الشاى كمان.وأضرب لمحمد الشيخ أقول ليهو إنت وين أحضر حسين خوجلى..

    بتكلم من الشاشة كأنه خاتى الناس ديل كلهم قدامه ودى دلالة على المهنية وبخرج من موضوع لموضوع بطريقة سلسة تحيرك.

    وطبعاً جديعة اليدين دى ما بتجى إلا لما يكون عايز إتكلم عن نفسه وأيام الجامعة.

    يا أخى إنت فتحت بوست نيابة عنى عموماً أشكرك ...

    سلام وتحية وتقدير.
                   |Articles |News |مقالات |بيانات

17-11-2013, 08:48 AM

Hussein Mallasi
<aHussein Mallasi
تاريخ التسجيل: 28-09-2003
مجموع المشاركات: 26226

للتواصل معنا

FaceBook
تويتر Twitter
YouTube


Re: حسين خوجلي..ياخ إنت ونااااس !!! (Re: عمر الفاروق)

    Quote: وده كلللو كوم وهزة اليد والضراع كوم تاني.. :) :)

    وطرقعة الأصابع .. التي لو لم ترها لسمعتها
                   |Articles |News |مقالات |بيانات

17-11-2013, 09:34 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: حسين خوجلي..ياخ إنت ونااااس !!! (Re: Hussein Mallasi)

    حبيبنا إسماعيل..
    الأجمل اللغة السودانية البحتة البيتكلم بيها حسين خوجلي..أو خليني اقولا بي تعبير اوضح لغة الشارع العام والبيوتات السودانية ..
    حسين خوجلي لمن حكى عن كيفية زراعة القمح وتحويله لي دقيق يتم صناعته بواسطة شباب خواجات حلوين وجييهيين عشان نجي ناكلو نحن الشينين ديل ده كلامنا البنقولوا كل يوم وما قاعدين نسمعو في قنواتنا..
    لمن حسين خوجلي يجي يقول ليك الفاظ زي العرقي والسكر والشراب دي الفاظ نحن بنزووق منها في اعلامنا مع انها حقائق متداولة في كل البيوت والشوارع..
    البرنامج ده لو بعد من العوارض انا اتوقع إنو لي قدام ح يقدم المثير والممتع من حكي ومعلومات ح تبدا تتقاطر من كل فج عميق بمشاركة الكتير من اصحاب القصص غير المعلنة..
                   |Articles |News |مقالات |بيانات

17-11-2013, 09:37 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: حسين خوجلي..ياخ إنت ونااااس !!! (Re: عمر الفاروق)

    عارف يا سحس..
    بفكر كده أول ما شوفت اسم البرنامج قلت حسين خوجلي ده تلقاهو بعد سمى البرنامج مع حسين قام خاف الناس تفتكر إنو حسين ملاسي قام قال هوووي خليها حسين خوجلي :) :) ..
    حسين خوجلي شفت يا ملاسي وعااارف كيف يعذب البني ادمين من الجنسين :) :)
                   |Articles |News |مقالات |بيانات

17-11-2013, 09:45 AM

حمد عبد الغفار عمر
<aحمد عبد الغفار عمر
تاريخ التسجيل: 06-06-2008
مجموع المشاركات: 7478

للتواصل معنا

FaceBook
تويتر Twitter
YouTube


Re: حسين خوجلي..ياخ إنت ونااااس !!! (Re: عمر الفاروق)

    سلام يا فاروق

    وناااس دي بتدينا فرقة نتخلص من العداء السياسي زي ما قلت

    تعرف حسين خوجلي دا زي تكون ما عندك مزاج تسمع غناء ولا أي شيء وفجأة كدا يجيبوا ورد بغني في بناديها

    أصصلك ما بتقدر تعمل ما قاعد تسمع فيها

    حسين زول مرتب جدا وبيعرف يقعد الكلام وبتسلسل وما بتقدر تتجاهلوا لو شفتو في التلفزيون وخصوصا لو لقى ليهو ضيف ونااس ومتحرر لغويا زيو

    أنا شخصيا ما بشرك ليهوا لكن في قعدتي لو جابوهو بسمعو وبشدني


    والحاجات التانية في محلها
                   |Articles |News |مقالات |بيانات

17-11-2013, 10:14 AM

عمر نملة
<aعمر نملة
تاريخ التسجيل: 08-11-2009
مجموع المشاركات: 1667

للتواصل معنا

FaceBook
تويتر Twitter
YouTube


Re: حسين خوجلي..ياخ إنت ونااااس !!! (Re: حمد عبد الغفار عمر)

    سلام فاروق
    (نحنا لازم نعيد الشعب السوداني دا لحالة الزهد القديمه والنظافه القديمه
    والموظف المبروك الذي يخدم الناس والذي يحس انه ثري بخدمة الناس)
    ماعرف ليه بيذكرني John Kumalo في Cry the Beloved Country
    بيرتفع صوته ويلهب مشاعر الجماهير وبدون مقدمات ينخفض صوته خوفا من
    السلطه.
    لكن مبالغه اعاده الشعب السوداني لحالة الزهد القديمه وقال ايه الموظف المبروك
    دا الطيب صالح ولا حسين المبروك
                   |Articles |News |مقالات |بيانات

17-11-2013, 10:28 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: حسين خوجلي..ياخ إنت ونااااس !!! (Re: حمد عبد الغفار عمر)

    يا حمد ياخ ما شوفت لمن حسين خوجلي يجيب في قعدة كمال ترباس والعبايات تطاقش والسهرة تكون بالعود ويقول ليهو كدي يا ترباس أديني نسيم الروض..ويقوووم كده ترباس يديها جرة للعباية ويرجع لي ورا ويبدا يترنم..
                   |Articles |News |مقالات |بيانات

17-11-2013, 10:50 AM

عبدالحفيظ ابوسن
<aعبدالحفيظ ابوسن
تاريخ التسجيل: 24-06-2013
مجموع المشاركات: 19520

للتواصل معنا

FaceBook
تويتر Twitter
YouTube


Re: حسين خوجلي..ياخ إنت ونااااس !!! (Re: عمر الفاروق)

    تحية صاحب البوست وضيوفه
    حسين خوجلي اسوأ مقدم برامج , فهو يتحدث أكثر من ضيفه , ويميل لتفخيم ذاته وتمجيدها والتحدث بأستاذيه ,
    وهو عصي علي الذوق لتشاهده , ويستهلك صبرك لتخرج منه بمعلومة متكامله مفيده
    المهم
    احيك علي صبرك واناءتك
                   |Articles |News |مقالات |بيانات

17-11-2013, 10:55 AM

Hussein Mallasi
<aHussein Mallasi
تاريخ التسجيل: 28-09-2003
مجموع المشاركات: 26226

للتواصل معنا

FaceBook
تويتر Twitter
YouTube


Re: حسين خوجلي..ياخ إنت ونااااس !!! (Re: عبدالحفيظ ابوسن)

    فعلاً يا عمر .. ف(مع حسين) أفضل من (مع حسين خوجلي)
    حتى لو كانت النتيجة مؤداها الخلط
                   |Articles |News |مقالات |بيانات

17-11-2013, 11:11 AM

مني عمسيب
<aمني عمسيب
تاريخ التسجيل: 22-08-2012
مجموع المشاركات: 15494

للتواصل معنا

FaceBook
تويتر Twitter
YouTube


Re: حسين خوجلي..ياخ إنت ونااااس !!! (Re: Hussein Mallasi)

    الأخ الكريم \ الفاروق تحياتي ..

    واستراحة ههههههههههه

    Quote: حسين خوجلي صاحب أجمل لفة عمة في السودان لا تقول لي ترباس لا ود الجبل لا الجن الأحمر


    قريت موضوعك الجميل وبذات ذكرياتنا السودانية ولفت نظري الاقتباس ده قلت اضحكم شوية

    قبال فترة جاتني اسرة عراقية اصدقاي وزوج العراقية رجل في قمة السخرية وحضور الكلام اللذيد . اها كنت فاتحة

    برنامج حسين خوجلي فقام سألني من مقدم البرنامج واسم البرنامج لما رديت عليه سكت مسافة قام قال لي والله الرجل ده

    ما عندو اي مشكلة لو مشي في اي محل عشان انوم ههههههههه حقيقة استغربته في الكلام قلت ليهو ليه ؟ قال لي عشان شائل

    لحافو في رسو محل ما امشي ممكن انوم ههههههههههه اها اسه كل ما اشوف حسين خوجلي بضحك براي هههههههه .

    تسلم علي الموضوع الخلنا عدنا الذكريات . ولي قدام .
                   |Articles |News |مقالات |بيانات

17-11-2013, 11:49 AM

Al Sunda
<aAl Sunda
تاريخ التسجيل: 18-01-2005
مجموع المشاركات: 1631

للتواصل معنا

FaceBook
تويتر Twitter
YouTube


Re: حسين خوجلي..ياخ إنت ونااااس !!! (Re: مني عمسيب)

    Quote: يا عمر انا أوافقك الرأى مئة بالمئة..والله نفس ألأحساس.

    وانا معكم في الاستمتاع بالبرنامج
    اجمل ما في الامر انه ليس هنالك ضيف في الاستديو
    وطبعا أ. حسين دا لو عنده ضيف بيتكلم أكثر من ضيفه في الحلقة
    عليه المتعة في متابعته منفردا
    نسمع حكي
    واككيد ما في حاجة اسمها في الحتة دي نسمع اغنية

    في البرنامج ما في زول عند لقب (ودي ما حلوة) غير البشير
    هوالوحيد المستثنى بضم صفة الرئيس لإسمه
    أما البقية
    فينطق حسين باسماءهم دون القاب وظيفية او حتى علمية
    انت نافع دا
    بكرى دا لو قعد في الشمالية
    حتى على عثمان كان .......................
                   |Articles |News |مقالات |بيانات

17-11-2013, 11:56 AM

مامون عبدالله نور
<aمامون عبدالله نور
تاريخ التسجيل: 22-04-2013
مجموع المشاركات: 44

للتواصل معنا

FaceBook
تويتر Twitter
YouTube


Re: حسين خوجلي..ياخ إنت ونااااس !!! (Re: عمر الفاروق)

    صدقت أخي الفاروق ...
    رغم كل إختلافنا مع هذه الشخصية لكن تجد نفسك مستمتع بحواراته ..
    يعرف إنتقاء ضيوفه ... وهم زاتهم وناسين أكثر منه .....
    عندما يجتمع معه د محمد عبد الله الريح ..تعبئ ثلاجة الشاي وتحرسهم بس
                   |Articles |News |مقالات |بيانات

17-11-2013, 01:35 PM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: حسين خوجلي..ياخ إنت ونااااس !!! (Re: مامون عبدالله نور)

    الحبوب عمر نملة ..
    انا من البداية قلت انو المنظور البعاين بيهو للبرنامج مبني على الونسة أكتر من إنو إلهاب حماس أو كشف فساد أو تعاطي مع أزمة سياسية ..
    وده ما تبخيس للبرنامج بقدر ما هو محاولة لي المعاينة بي زاوية تانية بعيداً عن الضوطات والتصنيفات..
                   |Articles |News |مقالات |بيانات

17-11-2013, 01:39 PM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: حسين خوجلي..ياخ إنت ونااااس !!! (Re: عمر الفاروق)

    حفيظ يا أبو سن..
    واحدة من أهم مميزات البرنامج ده إنو ما فيهو ضيوف..
    ودي واحدة من الحاجات اللي أدت حسين براح كااامل في توصيل فكرته وأخد راحته كاااملة مكملة بدل الشلهتة والمقابضة مع الضيوف في إستعراض عضلات اللغة والحديث والمعلومة ..
    الأجمل والأمتع هي قدرة حسين في إنو يخلي معظم المشاهدين يقعدوا عشان يسمعوا كلام وأكرر كلاااام فقط بدون ما نطلع فاصل ونسمع أغنية من الكنترول ..بدون كمية إعلانات خرافية ..فترة ليس بالقصيرة وإنت بتكون متشوق وتسمع بإستمتاع لي حكي وقصص في الغالب دون ملل..
                   |Articles |News |مقالات |بيانات

17-11-2013, 01:41 PM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: حسين خوجلي..ياخ إنت ونااااس !!! (Re: عمر الفاروق)

    سحس يا ملاسي..
    والله حتى الخلط الناس ما بتكون مشت بعيد ..نفس الملامح والشبه ..
    بس حاول صلح (الضراعات) .. :) :)
                   |Articles |News |مقالات |بيانات

17-11-2013, 02:04 PM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: حسين خوجلي..ياخ إنت ونااااس !!! (Re: عمر الفاروق)

    بت عمسيب ..
    طبعاً المقولة الطلقوها السودانيين في الخليج إنو نحن في قمة الإيمان وندلل بي إنو العمة هي الكفن حقنا بنشيلا في رأسنا وجاهزين للموت ..
    النصيييحة عمم ترباس وحسين خوجلي تنفع لكن العمم أم ربطة ربطتين وبتكمل ديك غايتو إلا يكونو قاصدين بيها كفن الصحابي الجليل مصعب بن عمير ..:)
                   |Articles |News |مقالات |بيانات

17-11-2013, 01:44 PM

Hussein Mallasi
<aHussein Mallasi
تاريخ التسجيل: 28-09-2003
مجموع المشاركات: 26226

للتواصل معنا

FaceBook
تويتر Twitter
YouTube


Re: حسين خوجلي..ياخ إنت ونااااس !!! (Re: عمر الفاروق)

    Quote:
    في البرنامج ما في زول عند لقب (ودي ما حلوة) غير البشير
    هوالوحيد المستثنى بضم صفة الرئيس لإسمه
    أما البقية
    فينطق حسين باسماءهم دون القاب وظيفية او حتى علمية
    انت نافع دا
    بكرى دا لو قعد في الشمالية
    حتى على عثمان كان .......................

    فعلاً .. فكبير الجمل


    _____
    والرئيس .. لحين إشعار أخر!
                   |Articles |News |مقالات |بيانات

17-11-2013, 02:14 PM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: حسين خوجلي..ياخ إنت ونااااس !!! (Re: Hussein Mallasi)

    سوندا يا سوندا..
    صدق انا بختلف معاك في قصة إنو ماف ألقاب دي ما حلوة ؟؟!!!
    بالعكس ياخ دي واحدة من أكبر وهمات السودانيين والعرب عموماً قصة الإلزام بالمناداة بالدرجات العلمية والألقاب دي..!!
    للدرجة اللو لحقت ما قلت لي الزول بي لقبه ممكن يصفك بي القليل أدب وما محترم وربما أكتر من كده ما متربي !!!
    ياخ معقولة أسة الأمريكان ديل ما عندهم دكتوراة ؟؟ خصوصاً الأكاديميين منهم ..
    يعني ما حصل سمعنا في نشراتهم هذا وقد قامت الدكتورة كونداليزا رايز بزيارة للسودان بينما قام الباش مهندس كليمنسون بجولة تفقدية لمباني الدفاع الشعبي بشيكاغو..
    علماً بأنو الواحد من ديل بيكون عامل الدكتوراة من سنة 75 !!
    لكن تعال شوف ناسنا هنا..ياخ فييي البورد ده في زي جغلومية واحد وواحدة خاتين حرف الدال ده قبل إسمهم وبيشوفو إنو لو ناديتهم بي أساميهم حاااف كده زي النبزتهم مع إنو الواحد أو الواحدة فيهم لحدي أسة ما بيعرف كوعو من بوعو ..
                   |Articles |News |مقالات |بيانات

17-11-2013, 02:15 PM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: حسين خوجلي..ياخ إنت ونااااس !!! (Re: عمر الفاروق)

    المأمون ..
    النصيييحة محمد عبد الله الريح بقا يكرر حكاويهو .. :) :)
                   |Articles |News |مقالات |بيانات

17-11-2013, 02:44 PM

وائل فحل

تاريخ التسجيل: 29-11-2007
مجموع المشاركات: 1426

للتواصل معنا

FaceBook
تويتر Twitter
YouTube


Re: حسين خوجلي..ياخ إنت ونااااس !!! (Re: عمر الفاروق)

    سلام يا عمر وضيوف البوست ..
    كالعادة اسلوبك جميل ، طبعا انا متابع ليك خاصة لما تكتب عن محمود ،
    ....
    بحكم عملي في قناة امدرمان ، فانا المنتج ومشرف الاعداد لبرنامج (مع حسين خوجلي) ، وفعلا البرنامج وجد رواج وانتشار كبير جدا في السودان وخارجه ،
    فكرة البرنامج كانت قديمة لدى الاستاذ حسين خوجلي ، ولكن ربما لا تصدق ان البرنامج بصورته الحالية تم اعداده وتصميم شعاره وديكوره وكل شي في خلال يوم واحد ( الحقيقة في خلال ساعات بعد الساعة 12 ظهر اول يوم لبث البرنامج)
    البرنامج تم بثه بعد ان تم ايقاف برنامج (صالة تحرير) بقرار من الامن ...
    وفعلا الاسم الاصلي للبرنامج (مع حسين) ... واسم (مع حسين خوجلي ) اعتقد جاء هكذا ربما في الغرافيك .. المهم الحكاية مشت كدا ...
    ...
    ويكون كويس لو عندك - وضيوف البوست - لينا اي ملاحظات فنية او اقتراحات ...
                   |Articles |News |مقالات |بيانات

17-11-2013, 07:03 PM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: حسين خوجلي..ياخ إنت ونااااس !!! (Re: وائل فحل)

    وائل يا فحل..
    تحياتي يا حبوب..وكويس لقينا زول من اسياد الشي زاتا..
    الحاجة الاولى الما قادر ابلعا قصة بعد ان تم ايقاف برنامج صالة تحرير بواسطة الامن دي.. عدم البلعة جاي من انو ما ممكن يتوقف برنامج الاتقال فيو اقل بكتير من البيقولو حسين خوجلي اسة.. استضافة غازي لو قسناها بي دراب حسين خوجلي انا شايف انها اقل..وده البيخلي نظرية المؤامرة او خلينا نقول المساومات والتراضي قائمة والتشكيك في محله انو الامن علي علم بكل محاور الحلقات رغم نفي حسين خوجلي..
    انا عندي فكرة اتمنى يتم اضافتها بصورة راتبة مع انو حسين خوجلي اشار ليها بي صورة عرضية ومصادفة ..اللي هي يخصص مساحة لي توثيق نقلا عن دي..يجيب رواية او قصة علي لسان شاهد علي العصر تكون بتحكي عن موقف لشخصيات سودانية بارزة سياسية كانت ام اجتماعية ام فنية ام رياضية تحكي عظمة الاجيال السابقة وما شرط جيل الستينات والسبعينات حتتتي التمنينات والتسعينات عشان فعلا قصص زي دي عندها مفعول السحر..واضرب مثال هنا بي تطرقه لي شخصية عبد الخالق ومحمود محمد طه..

    الحاجة المهمة المفروض تلفت نظر حسين خوجلي ليها انو يفرد مساحة يتكلم فيها بشجاعة عن الهمهمات جهرا عن حسين خوجلي نفسه ويحكي بكل جرأة وشجاعة عن قصص منسوبة ليهو ويجي يبررا .. مثلا ناس بتشوف انو حسين نفسه كان فاسد في قضية قروض بنك فيصل فكيف يجي ينصب نفسه قاضي وحاكم لملف الفساد.. ويجاوب علي سؤال نقولوا بي العامية كده شن جد في سووق جدة؟؟ يعني صمت ال25 سنة ده مالو فجاة تحول لجرد حساب..
    حتكون ضربة معلم لو خصص حسين خوجلي حلقة يحكي فيها حسين عن حسين ..
                   |Articles |News |مقالات |بيانات

17-11-2013, 08:59 PM

مهدي صلاح
<aمهدي صلاح
تاريخ التسجيل: 21-08-2012
مجموع المشاركات: 5011

للتواصل معنا

FaceBook
تويتر Twitter
YouTube


Re: حسين خوجلي..ياخ إنت ونااااس !!! (Re: عمر الفاروق)

    تحية وسلام
    النضرة والنداوة التي تعلو محيا حسين خوجلي لا تشبهنا نحن معشر الشعب ضحايا سياسات النظام
                   |Articles |News |مقالات |بيانات

17-11-2013, 09:06 PM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: حسين خوجلي..ياخ إنت ونااااس !!! (Re: مهدي صلاح)

    مهدي ابو صلاح..
    نضرة حسين دي زي ما بنقول نحن ناس الكمبيوتر شكلها " بيلت إن ".. :):)
    مااا شكلها حقت نظام.،:)
                   |Articles |News |مقالات |بيانات

17-11-2013, 09:24 PM

Hussein Mallasi
<aHussein Mallasi
تاريخ التسجيل: 28-09-2003
مجموع المشاركات: 26226

للتواصل معنا

FaceBook
تويتر Twitter
YouTube


Re: حسين خوجلي..ياخ إنت ونااااس !!! (Re: عمر الفاروق)

    Quote: استضافة غازي لو قسناها بي دراب حسين خوجلي انا شايف انها اقل

    أبداً .. فغازي - هذه الأيام - أخطر على تماسك المؤتمر الوطني من الترابي نهايك عن حسين خوجلي!


    _____
    الموضوع دا مبرجلهم برجلة لا يعلم بها إلا الله.
                   |Articles |News |مقالات |بيانات

17-11-2013, 09:41 PM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: حسين خوجلي..ياخ إنت ونااااس !!! (Re: Hussein Mallasi)

    يا سحس..
    اهو غازي في النهاية الموضوع صفوهو علي الاغتسال و يصلي ركعتين ويتوب ..:)
                   |Articles |News |مقالات |بيانات

18-11-2013, 05:20 AM

حمد عبد الغفار عمر
<aحمد عبد الغفار عمر
تاريخ التسجيل: 06-06-2008
مجموع المشاركات: 7478

للتواصل معنا

FaceBook
تويتر Twitter
YouTube


Re: حسين خوجلي..ياخ إنت ونااااس !!! (Re: عمر الفاروق)

    Quote: نضرة حسين دي زي ما بنقول نحن ناس الكمبيوتر شكلها " بيلت إن "..


    بمناسبة النضرة دي

    عندنا عمة بتريد الناس السمحين ديل لله ساي كدا رجال على نسوان
    زمان كانت باكية في ليلى المغربي (لها الرحمة) وأكتر شيء مبكيها في ليلى لما تبتسم وطرف لسانها يطلع بالفلجة، تلقاها مقهية في التلفزيون وتقوم ليلى تبتسم

    تقوم بدون ما تشعر تقول ليك

    ووووووووب علي البت دي يوم بتعمل لي ذبحة صدرية بفلجتها دي

    -----
    بس يا عمر تعرف نحن عندنا آفة إسمها السياسة دي خاربة على الناس حياتهم ومواهبهم ياخ لاعب الكورة سياسي ، الفنان سياسي، التاجر سياسي ، راعي الغنم سياسي وأي زول بيفهم في السياسة أكتر من التاني

    يعني زي حسين خوجلي دا كان ممكن يكون مذيع فلتة بثقافتو وتلقائيتو دي لكن أهو ما بتقدر تسمعوا بمعزل عن خلفيتو السياسية واللي هي دائما بتكون حجر عثرة في إكتمال إعجابك بيهو وتشجيعك ليهو
                   |Articles |News |مقالات |بيانات

18-11-2013, 06:24 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: حسين خوجلي..ياخ إنت ونااااس !!! (Re: حمد عبد الغفار عمر)

    يا حمد ياخ الشعب السوداني ده يقدس الجمال .. :)
    زمان في حي الضباط عندنا واحد صاحبنا كان في مسلسل سوري فيهو بت ممثلة بي اسم ندى .. بت قاااطعة وسماحتا موووت..
    اها في الحلقة الاخيرة الزولة دي راجلا قطع فيها كف ..
    بالليل لمن جينا اتلمينا في الدكان ختينا صحن البوش للعشا ..صاحبنا ده أبا يجي وجااادي قال لينا بي نبرة حزن وعيونو مرقرقة :
    تتعشو كيييف وندى أدوها كف .. :) :) :)

    يا حمد ما السياسة بس نحن كلللنا بنتكلم في أييي شي.. أهو انا وأنت اسة بننضم في الفن وفي الكورة وفي التعليم وفي وفي وفي ..
    والله ياخ انا ما شايفا حاجة كعبة في العموم بس تكون للحد المعقول ..

    تخريمة :

    حسين خوجلي ده ما عندو صورة أيام الشباب بي البنطلون والقميص ؟؟ نشوفو للدنيا والزمان نضافتو دي حقت زمان ولا حقت روقة :):)
                   |Articles |News |مقالات |بيانات

18-11-2013, 06:52 AM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: حسين خوجلي..ياخ إنت ونااااس !!! (Re: عمر الفاروق)

    يبدو يا فاروق انه فكرة برنامج حسين خوجلي
    ماخوذة من برنامج قناة الجزيرة مع هيكل

    والذي استمر لعدة سنوات يتحدث فيها الاعلامي الموسوعة محمد حسنيين هيكل وهو اصبح أشبه بصندوق اسرار فتح بعد عشرات السنين ..

    كنا نتشوق لبرنامج هيكل الذي يعرض كل خميس بعض مرات نترك لاجله اهم المباريات في كرة القدم ..

    لكن الفرق بين الاثنين ان هيكل كان اقراب لمراكز القرار في السلطة ايام عبد الناصر وحتى السادات قبل ما ينقلب عليه ... لذلك كمن التشويق في حديثه للمعلومات الكثيفة التي كان يسمعها الناس لاول مرة مدعومة بالوثائق ..

    لكن خوجلي لم يكن قريبا من مركز القرار فضلا عن انه يتحدث عن حقبه معاصرة ابطالها موجودون ومحاطون بسور أمني ضخم وعنيف ..

    لذلك لن يخرج حديثه عن اطار معلومات يعايشها الناس ويعرف تفاصيلها الصغير قبل الكبير ..

    هو يحاول تغليفها بقدرته الادبية وتنميغ الحديث بالنكهة البلدية المحببة في الونسة ...

    وقد يكون ممتعا في بدايته لان الفكرة جديدة اعلاميا في السودان ..

    لكن ستصبح مملة وكئيبة اذا لم يتداركها بجرأة اكثر ويتعمق اكثر ليأتي بما لايعرفه الناس من قبل ..

    والا عليه الاستعانة بفنان او شاعر ويرجع الى مواضيعه القديمة المألوفة .كما كان.
                   |Articles |News |مقالات |بيانات

18-11-2013, 07:53 AM

ياسر منصور عثمان
<aياسر منصور عثمان
تاريخ التسجيل: 16-01-2013
مجموع المشاركات: 4485

للتواصل معنا

FaceBook
تويتر Twitter
YouTube


Re: حسين خوجلي..ياخ إنت ونااااس !!! (Re: درديري كباشي)

    حسين زي ما قلت ليك يا فارقو...زول بتاع ونسة وشاطر في البرامج الحوارية...

    ولكن برضو ما بننسى ليهو مواقفو السياسية..

    وبرضو دائماً ما يروي عن (اموات)...

    يعني لو اتكلم عن الحزب الشيوعي ...يقول ليك عبدالرحمن الوسيلة قال لي..

    او يقول ليك (واحد صاحبنا) قال لي..

    بس هو وناااااااااااااس زي ما قلت...
                   |Articles |News |مقالات |بيانات

18-11-2013, 07:55 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: حسين خوجلي..ياخ إنت ونااااس !!! (Re: درديري كباشي)

    درديري يا حبوب..
    عن نفسي بشوف برنامج مع حسين قريب جدا من برنامج ابراهيم عيسى تقريبا كان إسمو فنجان قهوة أو حاجة بالشكل ده ما متذكر..
    ما بين فكرة حسين خوجلي وفكرة هيكل فرق كبييير جداً اللهم إلا في قصة إنو البرنامج بيقدمه فرد واحد بدون ضيوف غير كده ما شايف في وجه شبه خصوووصا في المضمون ..
    هيكل بيوثق لي حقب سابقة وحسين بيتونس في العموم بالحاصل في الوضع الراهن مع عقد مقارنات في فترات سابقة متى ما جات السيرة..
    حسين يقرا الوضع الراهن ومانشيتات عريضة ويبدا بي قصة الشئ بالشئ يذكر..
    هيكل في برنامجه كتير من التشكيك في مصداقية أحداث ممكن تكون حساسة و خطورتها في إنو ماف زول ممكن يغالطو لو كان شاهداً على العصر زيو وبالتالي بيبقى كلام هيكل هو المعتمد والمفروض يتصدق.. ودي نفس خطورة برنامج أسماء في حياتنا بتاع عمر الجزلي البيفترض إنو توثيقي وبيقوم يجيب ليهو ضيف يخليهو يحكي براااهو بدون ما يكون في زول ممكن يوقفو أو يعقب على كلامو خاااصة في الاحداث التاريخية ..
                   |Articles |News |مقالات |بيانات

18-11-2013, 08:06 AM

عبيد الطيب
<aعبيد الطيب
تاريخ التسجيل: 31-08-2012
مجموع المشاركات: 1610

للتواصل معنا

FaceBook
تويتر Twitter
YouTube


Re: حسين خوجلي..ياخ إنت ونااااس !!! (Re: عمر الفاروق)

    Quote: ويكون كويس لو عندك - وضيوف البوست - لينا اي ملاحظات فنية او اقتراحات ...

    شكرا يا وائل فحل

    أخي عمر الفاروق سلااام لك ولضيوفك
    أعجبني إستهلال حلقة امس من البرنامج ، حيث مهد الأستاذ حسين خوجلي
    لنعي الشاعر والباحث الضليع في تراث بوادي الشرق الراحل سليمان ود دوقة
    له الرحمة والمغفرة والقبول الحسن ولأسرته وأهله ومحبيه العزاء
    وشكرا أخي استاذ حسين خوجلي للوفاء الذي صار معدوما
                   |Articles |News |مقالات |بيانات

18-11-2013, 09:13 AM

إدريس محمد إبراهيم
<aإدريس محمد إبراهيم
تاريخ التسجيل: 13-03-2006
مجموع المشاركات: 2671

للتواصل معنا

FaceBook
تويتر Twitter
YouTube


Re: حسين خوجلي..ياخ إنت ونااااس !!! (Re: عبيد الطيب)

    يا عمرالفاروق ....سلام يا صحبي ....

    إنت زاتك يا عمر زول وناس ووصاف وكتاب لدرجة قف تأمل .... وحسع عليك السوّاك من ماء وطين ده وصف نصاح :


    Quote: زول وانت قاعد في التلفزيون قصادو ما بتحس إنك قاعد قصاد التلفزيون ..بتحس إنك قاعد مع شلة العمود في ناصية بيتكم ملمومين بعد المغرب خاتين باقة الموية والكباية مكفية في بوز الباقة واضاءة الحي حافتة والناس ماشة وجاية فيكم ..
    زول اول ما تشوفو وتشوف طلتو بيذكرك بي فترة زمنية جميلة في السودان ..
    ياخ حسين خوجلي بيشهيك في الزي السوداني وهيبتو ..



    بلا شك حسين راجل مبدع ... وشاعر متمكن .... ويملك ناصية البيان وسحره.... (وأن من البيان لسحرا) .... ومن زمان أعتبره من الشخصيات (الآسرة) لو صح التعبير .... متحدث لبق لا يشق له غبار ... وحكاي ووناس زي ما تفضلت ياعمر...والآخرين ....وقد أعجبتني كثيراً بحق مداخلة صديقنا الجميل إسماعيل عباس ...فقد أنصف الرجل كثيراً ...وعبر عن إعجابه بأسلوب جميل ....

    ولكني يا عمر عشان ما تقول بجاملك وبكسرليك في التلج أعيب عليك شيء واحد ...وهو المبالغة في وصف صفاته الأخرى وزيّه وجدعة إيده وما إلى ذلك ....(وعفوا للتعبير) ..فقد أوحيت لي .... - وعفوا مرة أخرى - كأنك (زوله) بتوصف في حبيبها الجميل الوسيم وتعدد في صفاته .... كان يكفينا جداً أن تقول رجل في منتهى الآناقة مثلاً .... فمعليش يا عمر ...صديقك من صدقك .... ورحم الله إمريء بادرني بالنصيحة .... وتأكد ياود الفاروق إنها رؤية ونصيحة محب ....

    وإن شاء الله تسلم يا أيها الرجل جميل الدواخل ....وصدقني (يكفيني حبك للهلال العظيم ) ....

    مع فائق ودي وتقديري الذي تعرف ؛؛؛؛
                   |Articles |News |مقالات |بيانات

18-11-2013, 09:22 AM

هشام هباني
<aهشام هباني
تاريخ التسجيل: 31-10-2003
مجموع المشاركات: 47717

للتواصل معنا

FaceBook
تويتر Twitter
YouTube


Re: حسين خوجلي..ياخ إنت ونااااس !!! (Re: إدريس محمد إبراهيم)

    يا عمر الفاروق


    ان مثل هذا الخيط الانصرافي وفي لحظات ينزف فيها الوطن من الظلم والاجرام الرسمي والذي يمثل من تمدحه اي هذا البغل حسين خوجلي واحدا من ابواقه المعلومة وهو لا زال متوهطا في هذا المرفق الاعلامي المشاد باموالنا المسروقة وعلي جماجم الاف من الابرياء حصدهم ارباب هذا البغل الذي تمدح فيه بكامل الارتياح وهذا للاسف ان دل انما يدل علي انك زول تــــــــــــــــــــــــــــــــــــــــــــــــــافه ومتبلد الاحاسيس والمشاعر وناقص الوطنية والمروءة والاخلاق ........ وكأنك بهذا الخيط تسفه وتبصق علي تضحيات هؤلاء الشهداء من حصدهم رصاص ارباب هذا العــــــــــــــــــاهرة حسين خوجلي!

    (عدل بواسطة هشام هباني on 18-11-2013, 09:23 AM)

                   |Articles |News |مقالات |بيانات

18-11-2013, 09:44 AM

ياسر منصور عثمان
<aياسر منصور عثمان
تاريخ التسجيل: 16-01-2013
مجموع المشاركات: 4485

للتواصل معنا

FaceBook
تويتر Twitter
YouTube


Re: حسين خوجلي..ياخ إنت ونااااس !!! (Re: هشام هباني)

    يا هشام قباني.... قف ...

    ما هكذا تورد الابل يا حبيب...
                   |Articles |News |مقالات |بيانات

18-11-2013, 09:58 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: حسين خوجلي..ياخ إنت ونااااس !!! (Re: هشام هباني)

    ادريس يا حبيب..
    ياخي شكرا ليك اولا علي الكلام الطيب والنصح وتانيا علي الضحكة الصباحية دي..:):):)
    اسة لمن جيت اكتب ليك يا حبيب دي لمممن لاوزت وشلت هم..:):)
    يا حبوب الموضوع بتاع الوصف ده ما تركز فيو شديد القصة ابسط من كده:):)
                   |Articles |News |مقالات |بيانات

18-11-2013, 09:51 AM

إدريس محمد إبراهيم
<aإدريس محمد إبراهيم
تاريخ التسجيل: 13-03-2006
مجموع المشاركات: 2671

للتواصل معنا

FaceBook
تويتر Twitter
YouTube


Re: حسين خوجلي..ياخ إنت ونااااس !!! (Re: إدريس محمد إبراهيم)

    Quote: يا حمد ياخ الشعب السوداني ده يقدس الجمال .. :)
    زمان في حي الضباط عندنا واحد صاحبنا كان في مسلسل سوري فيهو بت ممثلة بي اسم ندى .. بت قاااطعة وسماحتا موووت..
    اها في الحلقة الاخيرة الزولة دي راجلا قطع فيها كف ..
    بالليل لمن جينا اتلمينا في الدكان ختينا صحن البوش للعشا ..صاحبنا ده أبا يجي وجااادي قال لينا بي نبرة حزن وعيونو مرقرقة :
    تتعشو كيييف وندى أدوها كف .. :) :) :)



    تعرف ياعمر أخوي ... صاحبك ده زكرني ود خالتي وفردتي للطيش (محمد عابدين) ... كانوا ساكنين الامتداد ...جيران ناس زميلتنا الفاضلة وأختنا العزيزة / منى خوجلي .... والكارثه الطلبه / طارق حبريل ... وكان رفيق دربه (كمال المبارك) ...الطيارالشهير الذي كان قائداُ لطائرة الزبير المنكوبه .... ما علينا .... المهم محمد ده كان بيحب ليهو واحده جارتهم في منتهى الجمال ... زوله من النوع المابتقدرتعاين ليهو مرتين يا عمر ...تبهرك وتجهرك عديييل بما وهبها الله من جمال ما حصل .... أهه من شدة حبه وإعجابه بيها يا ودالفاروق ... محمد ده كان مسميها (واستغفر الله) بت الله !!!!! .....أها شن قولك في الزي ود خالتي وفردتي ده يا عمر

    ياخ بالجد نحنا ناس زي ماتفضلت بنقدس الجمال....


    وبالله قلت لي ندى زوجها قطع فيها كف؟!!!! ... إن شاء الله بضربو الضريب ... وشقاف العناقريب ياخ...


    مع خالص ودي وتقديري ؛؛؛؛
                   |Articles |News |مقالات |بيانات

18-11-2013, 09:46 AM

صلاح شاطر

تاريخ التسجيل: 05-11-2006
مجموع المشاركات: 227

للتواصل معنا

FaceBook
تويتر Twitter
YouTube


Re: حسين خوجلي..ياخ إنت ونااااس !!! (Re: عمر الفاروق)

    الأخ عمر لك التحية والتقدير ولضيوفك الكرام على هذا البوست الهام

    اعتبر البرنامج تحليل سياسي للوضع الراهن ونافذة جديدة للاصلاح ولكشف الفساد والظلم والاستبداد فى الانقاذ وبغض النظر عن مواقف الاستاذ حسين السابقة واختلافنا او اتفاقنا معه فإن متطلبات المرحلة الحالية تستوجب على الجميع مقابلة هذه الجرأة في كشف الفساد بالتشجيع والمؤازرة و بالتحية والتقدير ..

    الونسة والحكاوي والقصص والطرف ماهى إلا منصة ذكية لاطلاق القنابل والراجمات فى اتجاه الفساد والمفسدين.

    متطلبات المرحلة تتطلب وقوف الجميع بغض النظر عن المواقف السياسية السابقة في خندق واحد ضد الفساد والظلم والاستبداد الى حين رحيل هذا النظام وتكوين الحكومة القومية الانتقالية ..


    أهمية البرنامج ( اذا قُدر له الاستمرار) تكمن فى أن حسين خوجلي يعرف الكثير عن اسرار النظام اضافة بأن هذا البرنامج يعتبر منبراً لكشف الفساد والمفسدين وكشف مواقعهم واسماؤهم.

    ـــــــــــــــــــ
    اتوقع ايقاف البرنامج قريبا فهو اخطر على النظام من الانشقاق الاخير
                   |Articles |News |مقالات |بيانات

18-11-2013, 10:23 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: حسين خوجلي..ياخ إنت ونااااس !!! (Re: صلاح شاطر)

    العبيد يا طيب..
    فعلا الاستهلال كان موفق والابيات المنتقاة كانت جميلة ومعبرة واضفت نوع من اللطافة علي البرنامج..
                   |Articles |News |مقالات |بيانات

18-11-2013, 12:30 PM

Al Sunda
<aAl Sunda
تاريخ التسجيل: 18-01-2005
مجموع المشاركات: 1631

للتواصل معنا

FaceBook
تويتر Twitter
YouTube


Re: حسين خوجلي..ياخ إنت ونااااس !!! (Re: عمر الفاروق)

    Quote: اتوقع ايقاف البرنامج قريبا فهو اخطر على النظام من الانشقاق الاخير


    جهاز الامن يتحسر على إيقاف برنامج الظافر
    بعد ظهور برنامج مع حسين

    عنوان جرائد الغد !!!!!!!
                   |Articles |News |مقالات |بيانات

18-11-2013, 02:45 PM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: حسين خوجلي..ياخ إنت ونااااس !!! (Re: Al Sunda)

    Quote: الونسة والحكاوي والقصص والطرف ماهى إلا منصة ذكية لاطلاق القنابل والراجمات فى اتجاه الفساد والمفسدين.


    صلاح يا شاطر..
    تعرف قمة الذكاء إستخدام إسلوب الجد في مكان اللعب ..!!
    حسين خوجلي بعييداً عن نظرية المؤامرة والإتفاق الممكن تحوم حول البرنامج إلا إنو قدر يطووع كل إمكاناته في هذا البرنامج..
    والواضح جداً إنو البرنامج لو إستمر فلي قدام ح يكون مثير ومثير جداً لأنو واضح أسة بيتم بدون إعداد جيد ..
                   |Articles |News |مقالات |بيانات

18-11-2013, 04:35 PM

محمد حمزة الحسين

تاريخ التسجيل: 22-04-2013
مجموع المشاركات: 1869

للتواصل معنا

FaceBook
تويتر Twitter
YouTube


Re: حسين خوجلي..ياخ إنت ونااااس !!! (Re: عمر الفاروق)

    يا عمر الفاروق إنت بتعرف حسين دا شخصياً ?!!
    ياخي الزول دا عالم من المحنة لو وزعتها علي سكان هذا الحوش لكفتهم شر التناحر والتنابز
    ياخي حسين دا لو مطول منو اول ما يلاقيك يقول لك يااااااا حلييلك لا من تنخلع وتقول الله حيّ دا أنا
    او تجيب ليهو سيرة زول مطول منو .
    يا عمر لم اري من يجيد استدعاء السيرة والتاريخ السلس غير هذا الحسين
    والمرحوم محمد طه محمد احمد كتابةً .... ياخي حسين زول مبدع وبتاع كولوا آي والله بتاع كولوا
    ياخي الزول دا مرةً ابتدع ليهو نافذة باسم ايمان محمد الحسن لحدي الان الناس بى تتغالط
    في من يكتب باسم ايمان محمد الحسن الغريبة صديقي السيدح خير من يحكي عن هذا الحسين
    وقد عمل معه لفترة بصحيفته التي هي جزء من مؤسسة دار المساء لكل الاشياء يا ريت السيدح يجي يحكي

    وفي اللاخر
    شكراً علي هذا البوست الذي استدعي حسين ملاسي لينداح باكثر من مشاركة وهو الذي يضن بها علي قراءهـ في بوستاتو التي ينجرها بعضمة كي بوردهـ الشحيح
    :
    :
    :
    :
    :
    :
    :
    مع التحيات لله الزاكيات
                   |Articles |News |مقالات |بيانات

18-11-2013, 05:27 PM

عمر الفاروق عبد الله الشيخ
<aعمر الفاروق عبد الله الشيخ
تاريخ التسجيل: 19-04-2011
مجموع المشاركات: 3442

للتواصل معنا

FaceBook
تويتر Twitter
YouTube


Re: حسين خوجلي..ياخ إنت ونااااس !!! (Re: محمد حمزة الحسين)

    تحياتي عمر

    ليكتسب البرنامج مصداقية لابد من المزيد من الشجاعة ان كان هو بجانب الشعب السوداني

    خلينا نكون واضحين

    مازال حسين خوجلي يختصر الامر في الحركة الاسلامية وكأن السودان مافيه غير الحركة الاسلامية

    حسين خوجلي حركته السياسية في البرنامج محدودة وهي في حدود المرسوم له بمعني هناك خطوط حمرا ممنوع تجاوزها

    مثلا السيد الرئيس قال وقال وانا بقوليه شيلهم كلهم هذا هو الحد المرسوم والتجاوز يعني شيلهم كلهم وامشي معاهم هم طولوا وانت طولت وهذا مكيال بمكيالين

    حكومة قومية برئاسة الرئيس برضه في حدود المطروح .. وهذا لا يخرج عن الحكومة العريضة والحكومة الطويلة وكله في صالح الانقاذ والحركة الاسلامية

    اي لا دور للشباب .. غير المنتمي ولا حظه لكلامه بانه حواء والده في حدود الحركة الاسلامية اي البديل لمن يطلب شيلهم الرديف من الحركة الاسلامية

    لهذا لا يخرج البرنامج عن طور الوناسة اي بتونس بيك وانت معاي بتونس بيك

    وفي هذه فحسين خوجلي فالح
                   |Articles |News |مقالات |بيانات

18-11-2013, 06:36 PM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: حسين خوجلي..ياخ إنت ونااااس !!! (Re: عمر الفاروق عبد الله الشيخ)

    عمر يا فاروق..
    بصراحة محاولة وضع البرنامج في ميزان السياسة بالنسبة لي انا صعب لانو فعلا الرؤيا فيهو ما واضحة وحتي حسين خوجلي نفسو ما عارف يوزنها..
    حسين حاليا ضارب في وتر الفساد وهو وتر حنييين الناس كلها عايزة تسمعو..والوتر ده قد يخلي حسين يكتسب الشجاعة لي قدام ويفتح ملفات تانية بعد ان يرتفع سقف السبق الاعلامي وزيادة مساحة الخط الاحمر..
    البرنامج سلاح ذو حدين.. فان ثبتت مصداقية حسين ملاسي غفر له الناس ما تاخر من ذنبه.. وزادت شعبيته.. ولو ظهر ان حسين خوجلي تلاعب بالناس بمسرحية مطبوخة فقد هدم كل ما بناه من امجاد اعلامية وتاني ما بتقوم ليهو قايمة..
    حسين خت روحو في خانة اليك لكن لانو شفت اتوقع يخارج نفسو بحرفنة..
                   |Articles |News |مقالات |بيانات

18-11-2013, 06:42 PM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: حسين خوجلي..ياخ إنت ونااااس !!! (Re: عمر الفاروق)

    محمد يا حمزة..
    حنية حسين خوجلي ظاهرة في طريقة كلامو وتعابيرو الحركية وانتقاء المفردات البلدية..
    عارف حسين ده ابداعه الحقيقي ظهر لي بتين؟؟ لمن كان في كل تسجيلات كاسيتات الفنانين من شركة المساء كان بيفتتحها بتسجيل صوتي لي الراحلة ليلى المغربي بي كلام حنييين وصوت داافئ..
    اسمع مقدمة شريط خصل شعرك للمرحوم الخالدي بالله..
                   |Articles |News |مقالات |بيانات

18-11-2013, 07:51 PM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube


Re: حسين خوجلي..ياخ إنت ونااااس !!! (Re: عمر الفاروق)

    حسين خوجلي مبدئيا كده الليلة جلطتها وغلطة الشاطر بي الف..
    انتقدت استخدام المزيعين والمزيعات لي مفردة " جميلة " وقلت ده فقر في اللغة و بؤس و و و..
    فاذا بك بعد شويتين وانت بتحكي في قصة طلاق صحبك ما لقيت وصف توصف بيها مرتو غير بي مرا " جميلة "... :):):)
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de