|
|
 سامسونج جالكسي اس 4 يوم الجمعة حيكون بي تراب القروش
|
حيكون البيع بي الشوال .
والهبروا ملوا .
غايتو الاشقاء النيجيريين من يوم الخميس قانصين في الناصية .
أخونا كوأشي شيخو أكوما تاجر الشنطة العتيد . عينو الشمال أتقدت في دفسيبة من دفسيبات التنزيلات .
وبرضو السنة دي عندو أصرار يجمع عدد 1000 بلطية من سمك السامسونج .
..
حنتابع
|
|
  
|
|
|
|
|
|
|
|
Re: سامسونج جالكسي اس 4 يوم الجمعة حيكون بي تراب القروش (Re: hamid brgo)
|
عزيزنا حامد
سلامات
والله مافي أي حسادة
بل كمان أخوك يشجع اللعبة الحلوة والحرفنة في فنون البيع وجخانين الدلالات .
يا حامد صاحبك النيجيري زميل كفاح طويل .
شقينا مع بعض أصعب الشوارع في هارلم أيام بيع التجوال .. وهو ربنا فتح عليه في ضربة أوكشن وأحدة .
هسع زولك متجدع في نيجيريا وبجي شهرين يكابس في التنزيلات ويرجع ..
عارفو في الجية دي بعمل كم ؟؟؟؟
| |
|
|
|
|
|
|
|
|
|
Re: سامسونج جالكسي اس 4 يوم الجمعة حيكون بي تراب القروش (Re: Osman Musa)
|
عزيزنا الأخ عمر
سلامات
ومرحب بي مرورك الكريم عبر الفيس بوك .
بس يا أخوي ظنيتك البوست مافهمتو .. الأخوان النيجيريين مشتريين زيهم وزي العالمين المنتظرين
بداية أفتتاح التنزيلات السنوية البتتعمل كل سنة في عموم ولايات أمريكا .
ومعروف البضاعة المصنعة للولايات المتحدة تختلف في الجودة ويمكن ده السبب البخلي الناس تجي لخاطر تنزيلات البلاك فرايدي .
تحياتي وشكري
| |
|
|
|
|
|
|
|
|
|
Re: سامسونج جالكسي اس 4 يوم الجمعة حيكون بي تراب القروش (Re: Osman Musa)
|
انت ياعثمان موسي حكايتك شنو معانا.
يعني مودرنا مودرنا..
مرة جزر السحاحير،،ومرة كنوز الملك سليمان..
انت يازول ما عندك شغلة غير لم القروش ومباراة دروبها.
هسع ولعت لينا نيران لاب توب وجيلاكسس في الصقت ده.
الجماعة انقوا فيني شوف ود عمك ناصح كيفن،،اقعد ات خلي كتبك ديل انفعنك...
ياعثمان اعلن امام رؤوس الاشهاد انك ستتسبب في مصرعي هذا العام..امام صفوف باردة كبلاد الاسكيمو...
اخ من التكنولجيا التي عكننت حياتنا وطرطشت اهالينا..
ساكتب اليوم في وصيتي انك مسؤول بموتي عن.
- اسرتي هنا.
- وترلة في البلد من اسرتي عجزة وارامل ويتامي وخردة.
ولا نامت اعين المحرشين.
| |
|
|
|
|
|
|
|
|
|
Re: سامسونج جالكسي اس 4 يوم الجمعة حيكون بي تراب القروش (Re: Osman Musa)
|
مرحبتين صديقنا عبدالعزيز
علي الزيارة الكريمة عبر الفيس بوك .
ولا يفوتك المولد .
والجالكسي 5 الجديد طويل التيلة .
الحكمة الفيه يا عبدالعزيز ممكن تخت أي نمرة تلفون في سرك وبدون
ما تضرب النمرة تقوم المكالمة تدخل عليك هههههها .
يعني أي حاجة في سرك وما عليك الا تنضم بس
..
تحياتي
| |
|
|
|
|
|
|
|
|
|
Re: سامسونج جالكسي اس 4 يوم الجمعة حيكون بي تراب القروش (Re: Osman Musa)
|
النيجري وزوجتو حبصة بت تيجاني قالوا حيقعوا البلاك بيري في نسختو النهائية .
ود ه المطلوب في سوق الجمعة عندهم هناك . حبصة زولة شديدة التلفونات شدة الككو .
وعندها الة حاسبة أم 44 تضرب الدولار في العملة النيجيرية عشان تطلع الربح بي طريقة سحرية .
ياخ الشباب ديل بكافحوا كفاح مبالغة .
| |
|
|
|
|
|
|
|
|
|
Re: سامسونج جالكسي اس 4 يوم الجمعة حيكون بي تراب القروش (Re: Osman Musa)
|
شاب من سيراليون أسمو أسماعيل
أسماعيل ده كان زمان بشتري الجينز من المحل بتاعنا بالجملة ويبيع .
بعد حال الاقتصاد وقف أسماعيل أشتغل موظف في شركة شحن .
قابلتو قبل يومين الزول لابس ساعة يد رولكس أصلية ومنطلون جينز ماركة 3 مونكي .
سألتو يا سماعين يا أخوي أشتغلت نشال في الطيرات ؟
أتاريهو السراليوني من السنة الفاتت لابد للبلاك فرايدي .
سماعين قال : قالب صنف وأحد ومن مانهاتن وعدل علي سراليون
شغال TOSHIBA S55T-A5
قال : مية حبة بس كفاو لو السعر نزل لي 550 دولار برضو ما كعب .
قال في سراليون بدق في ال ألف دولار .
وبعدين أصحابو كتار ممكن كل وأحد يشتري مرتين
| |
|
|
|
|
|
|
|
|
|
Re: سامسونج جالكسي اس 4 يوم الجمعة حيكون بي تراب القروش (Re: د.نجاة محمود)
|
عزيزتنا د / نجاة محمود
بت أستاذنا الجليل محمود
سلامات
وينك يا بنت الكرام ؟ وكيف حال الباشمهندس أحمد محمود وكيف نسايم عطبرة الحلوات .
أنشاءالله عموم الأسرة بخيرين .
يازولة تدخلي البوست لا سلام ولا مرحب ؟
السبب شنو ؟
ولا زعلانة عشان ماعندكم في بلدكم تنزيلات ولا جالكسات .
تحياتي للعيال
| |
|
|
|
|
|
|
|
|
|
Re: سامسونج جالكسي اس 4 يوم الجمعة حيكون بي تراب القروش (Re: Osman Musa)
|
يا جماعة العالم ده كل عشرة سنوات أحوالو الاقتصادية بتتبدل
وبرضو الناس .. يعني شوف 60 في المية من العرب الكان عندهم بزنس في أمريكا مرقوا من السوق الداخلي .
بعد هبوب الأزمة الشالت الأخضر واليابس .
الليلة نص ال60 في المية ديل وكلهم من لبنان كاسحين تجارة شنطة قوية بين الولايات المتحدة وفنزويلا والارجنتين والبرازيل ودبي .
وكلو علي الواقف والدولار بول جمل .
يوم التنزيلات هو يوم السعد الكبير للجماعة
| |
|
|
|
|
|
|
|
|
|
Re: سامسونج جالكسي اس 4 يوم الجمعة حيكون بي تراب القروش (Re: Osman Musa)
|
Quote:
عزيزتنا د / نجاة محمود
بت أستاذنا الجليل محمود
سلامات
وينك يا بنت الكرام ؟ وكيف حال الباشمهندس أحمد محمود وكيف نسايم عطبرة الحلوات .
أنشاءالله عموم الأسرة بخيرين .
يازولة تدخلي البوست لا سلام ولا مرحب ؟
السبب شنو ؟
ولا زعلانة عشان ماعندكم في بلدكم تنزيلات ولا جالكسات .
تحياتي للعيال |
العزيز عثمان لكن ما هجمتنا بالسيل دا
كيف عامل اتمنى تكون تمام
احمد بخير الحمدلله وان شاء الله نوصل سلامك ليه الذي قطعا سيسعده..
ولك المعذرة حتى تستغيث
مودني
| |
|
|
|
|
|
|
| |
Osman Musa
أمير عثمان
عبدالعزيز عثمان
Abureesh
فيس بوك
تويتر
انستقرام
يوتيوب
بنتيريست