استشارة لأخصائيي الاطفال والفائدة للجميع

مرحبا Guest
اخر زيارك لك: 03-29-2024, 11:15 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف الربع الرابع للعام 2013م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
11-24-2013, 08:01 AM

نادر النور آدم
<aنادر النور آدم
تاريخ التسجيل: 04-29-2010
مجموع المشاركات: 1126

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
استشارة لأخصائيي الاطفال والفائدة للجميع

    السلام عليكم ورحمة الله
    يا جماعة عندنا الشاب أحمد نادر النور (ربنا يخلي ليكم عيالكم جميعا)
    مولود يوم 29/11/2011م
    عندو مشكلة نقص في فيتامين دال بسبب عدم التعرض للشمس والمشكلة دي معروفة لي أغلب ناس السعودية
    يلا عملنا التحليل الأثبت انو نسبة الفيتامين منخفضة جدا
    ادونا شراب كالسيوم والدكتورة كتبت لينا حقنة فيتامين دال
    سؤالي عن الحقنة دي واسمها Sterogyl 600.000
    هل هي آمنة .. وهل هي مناسبة
    وهل لها مضار أو آثار جانبية حاضرا أو مستقبلاً
    مع العلم انو الشاب صحته تمام وحركته طبيعية الحمد لله.. بس الرجول (الأقدام) مفتولة للداخل حبتين
    ما عدا ذلك المشي والوقفة والجري كلو طبيعي الحمد لله وحجمه هو طبيعي
    ...........
    ولكم جزيل الشكر
                  

11-24-2013, 09:32 AM

حمد عبد الغفار عمر
<aحمد عبد الغفار عمر
تاريخ التسجيل: 06-06-2008
مجموع المشاركات: 7662

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: استشارة لأخصائيي الاطفال والفائدة للجميع (Re: نادر النور آدم)

    سلام يا نادر

    ربنا يكتب الشفاء

    ياخ الكلوجة دي عند الأطفال مرات عادية خصوصا في السنين الأولى (الشقق دي مصيبة)

    ولحدي ما يجوا أهل الإختصاص

    من تجربتي :

    في فيتامين د نقط بالفم كويس جدا

    حاجة تانية تقوم في أيام دفء

    تسوق الولد دا وتمشي محل رمل وتدفن أرجلو في الرمل لمدة نصف ساعة (قابلة للنقصان) لو ما ركز

    كرر العملية دي كم مرة مفيدة جدا ( تأكد إنو الرمل داخل الأرض ما بارد)
                  

11-24-2013, 10:17 AM

نادر النور آدم
<aنادر النور آدم
تاريخ التسجيل: 04-29-2010
مجموع المشاركات: 1126

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: استشارة لأخصائيي الاطفال والفائدة للجميع (Re: حمد عبد الغفار عمر)

    تسلم يا حاج حمد

    عدم الشمس والله فعلا مشكلة

    والدوامات مشكلة تانية كمان

    ربنا يعين بس
                  

11-24-2013, 02:31 PM

خالد عبد الله محمود
<aخالد عبد الله محمود
تاريخ التسجيل: 11-28-2004
مجموع المشاركات: 5393

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: استشارة لأخصائيي الاطفال والفائدة للجميع (Re: نادر النور آدم)


    معليش يا نادر نستغل بوستكـ ده و نسال سؤال تاني :
    بالنسبة للأوميجا 3 الدواء بتاعا غير مستساغ نهائي و الولد حلف بدينو ما يجي جنبو زاتو ..
    هل في منتج للأوميجا 3 في شكل حقن ؟ لأنو الحبوب كبيرة و ما ببيقدر يبلعها
                  

11-24-2013, 02:35 PM

د.نجاة محمود


للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: استشارة لأخصائيي الاطفال والفائدة للجميع (Re: خالد عبد الله محمود)

    Quote: ]البامبرز كمان ليه اثر كبييير . اعملو ليه دلك طبيعي على الدوام بمعني خلي امو تعمل ليها خلطة من الفازلين وزيت الزيتون في علبة وتمدد الولد على ضهرو وتساوي بين ساقينو الاتنين وتدلك من اعلى الساق ليين الكعب ., وتكرر العملية دي كتير بالاخص الصباح وووقت النوم في المساء في اقل من 10 ايام حيصير يمشي سييييييييييييدا . الكلام دا عن تجربة . وفي مشاويركم ما تشيلوه في عربيتو خلوه يمشي بي كرعينو برضو بيقوي ليه الساقين .. وربنا يحظو من كل شر ..


    سلامات ياام مؤيد
    شكرا ليك كثيرا للنصيحة دي طبعا بقينا في سنة اولى تاني

    بالجد البامبرز بيخلي الكرعين يتقوسو
                  

11-24-2013, 02:43 PM

د.نجاة محمود


للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: استشارة لأخصائيي الاطفال والفائدة للجميع (Re: خالد عبد الله محمود)

    Quote: ]البامبرز كمان ليه اثر كبييير . اعملو ليه دلك طبيعي على الدوام بمعني خلي امو تعمل ليها خلطة من الفازلين وزيت الزيتون في علبة وتمدد الولد على ضهرو وتساوي بين ساقينو الاتنين وتدلك من اعلى الساق ليين الكعب ., وتكرر العملية دي كتير بالاخص الصباح وووقت النوم في المساء في اقل من 10 ايام حيصير يمشي سييييييييييييدا . الكلام دا عن تجربة . وفي مشاويركم ما تشيلوه في عربيتو خلوه يمشي بي كرعينو برضو بيقوي ليه الساقين .. وربنا يحظو من كل شر ..


    سلامات ياام مؤيد
    شكرا ليك كثيرا للنصيحة دي طبعا بقينا في سنة اولى تاني

    بالجد البامبرز بيخلي الكرعين يتقوسو
                  

11-24-2013, 02:49 PM

عبدالحفيظ ابوسن
<aعبدالحفيظ ابوسن
تاريخ التسجيل: 06-24-2013
مجموع المشاركات: 22319

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: استشارة لأخصائيي الاطفال والفائدة للجميع (Re: خالد عبد الله محمود)

    سلام
    أخت زوجتي ,,, بتها حصلت ليها نفس المشكلة في السعودية ,,, بقت يوميا الصباح تطلع بيها في سطوح العمارة لحدي الواطة تسخن
    البت الآن طبيبة , بدون أي علاج
    الأفضل الحصول علي الفيتامين من المصدر الطبيعي
                  

11-25-2013, 05:46 AM

نادر النور آدم
<aنادر النور آدم
تاريخ التسجيل: 04-29-2010
مجموع المشاركات: 1126

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: استشارة لأخصائيي الاطفال والفائدة للجميع (Re: عبدالحفيظ ابوسن)

    شكرا لكم جميعا وشكر خاص لأم مؤيد وجاري التنفيذ ان شاء الله
    واستاذ عبد الحفيظ أويدك بشدة.. مفترض الفايتمينات من المصادر الطبيعية افضل عشان كدة حبيت اطمئن على موضوع الحقنة دي لو هي آمنة ولا ممكن يجي من وراها مشاكل
                  

11-25-2013, 06:49 AM

Mayada
<aMayada
تاريخ التسجيل: 08-21-2002
مجموع المشاركات: 1817

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: استشارة لأخصائيي الاطفال والفائدة للجميع (Re: نادر النور آدم)

    السلام عليكم ورحمة الله وبركاته...

    يا سيد نادر، انا شخصيا وعن تجربة بتي حصل ليها نفس الشي وادونا فايتامين لمدة سنة ونص علي اساس اني اعيد الفحص كل 6 شهور، انا اديتها الدواء الـ 3 شهور الاولى وبعد داك بقيت بمرقها في الشمس والحمدلله لما مشينا بعد الستة شهور الاولى قال لي اتصلح الوضع شوية وواصلي في الدواء علما باني كنت اديتها الدواء لمدة الـ3 شهور الاولى فقط...

    انا ماعايزة افتي ليك لكن بفتكر انو الشمس اهم شي، وماتقول فات الفوات...

    والله اعلم، وربنا يدي اولادكم كهم الصحة والعافية انشالله...


    إيمان

                  

11-25-2013, 07:05 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: استشارة لأخصائيي الاطفال والفائدة للجميع (Re: Mayada)

    ياخ ربنا يدي كل الأطفال لاصحة والعافية ..
    لكن النصيييحة شيلتوني هم واديتوني إحساس إنو زول أبو ساااي كده :) :)..
    اولادي ديل الله يديهم الصحة والعافية انا طلعت خاميهم ساااي ..:) :) .. ياخ جنس نضمكم ده انا لا سويتو ليهم لا شتين .. ما بعرف اساكك الدكاترة في الامور اللي زي دي ولمن اسمع ليك الناس بتنضم في حاجات كده من نوع الفاتامينات واسامي ادوية كده حقت متابعة طفل لمممن بشيل هم واقول لي محمد وصلاح يااا حليلكم يا الابوكم طلع عمر الفاروق :) :) :)..
    غايتو انا الحاجة الوحيدة البعرفا إنو أيييي إجازة جات في البلد دي إن شاء الله خميس وجمعة توووشك برسل الاولاد السودان .. ولااا بتلفت .. السودان برغم البعوض واصحاح البيئة لكن والله سرو باااتع في قصة الاطفال دي .. بيحلحل ليك كميية من المشاكل عند الاطفال قضاء وقدر كده ومن حيث لا تدري .. ولدك لسانو يفك.. كرعينو تنطلق .. وتشرط فاتورة البامبرس وحليب الاطفال داك في أول إجازة ..
    ياخ الإختراع الإسمو الحبوبة ده حاجة عجيييبة ياخ .. الله يديهم العافية ياخ.. ترسل الطفل لي أمك بالله في اسبوع بس الولد تلقاهو بيمشي الحمام براااهو لا بامابرس لا كورنفلكس ويجيك يقول لي يا ابوي عايزين نتغدا كسرة وهو براااهو البيذكرك مواعيد الاكل ويقول ليك انا جيعان .. يصحى ليك بدددري يكابس المطبخ عايز شاي بي عيشة ومن تجي الساعة ستة تلقاهو براااهو ورررجلب مشى السرير نام من التعب حق الجري والمساككة في الحوش يا عند الجيران ..
    ياخ حتى الموية والبعوض بيضغطوا عليهو أول يومين بس لكن بعد داك الحمد لله بيركب الموجة ..

    تخريمة :
    صلاح ولدي الصغير (3 سنوات ونص) قبل كم يوم شاف ليهو صرصور (صراصار - قرمبع :)..) بعدها بي شوية جاني يتكرش قرصتو بعوضة أها قال لي يا بابا شوفت لي صرصور وأسة عضتني بعوضة ..طييب ما نرجع السودان كان كده ؟؟..
    غايتو ما فضّل ليهو إلا يقول يديني ضربة في كنكوجي كده ويقول لي طيب المغتربين ليها شنو ؟؟ :)
                  

11-25-2013, 07:18 AM

د.نجاة محمود


للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: استشارة لأخصائيي الاطفال والفائدة للجميع (Re: عمر الفاروق)

    الاوميقا دي كبد الحوت يا خالد؟
                  

11-26-2013, 05:52 AM

نادر النور آدم
<aنادر النور آدم
تاريخ التسجيل: 04-29-2010
مجموع المشاركات: 1126

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: استشارة لأخصائيي الاطفال والفائدة للجميع (Re: د.نجاة محمود)

    UP
                  

11-26-2013, 06:54 AM

خالد عبد الله محمود
<aخالد عبد الله محمود
تاريخ التسجيل: 11-28-2004
مجموع المشاركات: 5393

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: استشارة لأخصائيي الاطفال والفائدة للجميع (Re: د.نجاة محمود)



    Quote: الاوميقا دي كبد الحوت يا خالد؟


    أيوة يا دكتورة لكن ريحة الدواء عبارة عن سمكـ رغم إنو مخلوط بالفواكهة لكن الريحة قوية شديد و ما مستساغة نهائي .
    الزول الكبير بتجبر يشرب لكن الصغار ديل و لا بجاملو زاتو
    عبودي ده بعد ندخل ليهو الدواء جوة حلقو بالحقنة برجع بطلعها تاني
    و ما لقينا ليهو حل كلو كلو
    طبعاً فوائد الأوميجا 3 لا تحصي و لا تعد زي ما عارفة
                  

12-06-2013, 05:25 AM

د.نجاة محمود


للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: استشارة لأخصائيي الاطفال والفائدة للجميع (Re: خالد عبد الله محمود)

    وصلت هذه المشاركة عبر الايميل
    الشكر للدكتور لهذه المعلومات الهامة
    ورينا يجعلها في يمزان الحسنات


    مشكلة نقص فيتامين دى مشكلة كبيرة تكثر عند الناس سُمُر البشرة أكثر من ذوى البشرة البيضاء و إن كانت هناك زيادة مُضطردة فى أعداد ذوى البشرة البيضاء المُصابين بنقص فيتامين دى فى السنين الأخيرة



    الأسباب الأساسية لنقص فيتامين دى هي عدم التعرض الكافى لأشعة الشمس ( بسبب نوعية اللبس أو بسبب الطقس) و عدم تناول كيات كافية من المشروبات أو الأطعمة المُحتوية على فيتامين دى



    مع مُراعاة أن هناك أسباب أُخرى لنقص فيتامين دى (كبعض أمراض الكُلى و الجهاز الهضمى و الغدد

    الصماء) يجب إستبعادها قبل البدء فى العلاج و غالبيتها يتم إستبعاده بفحص الدم



    .............................................................



    تقوس أرجل إبنكم قد يكون طبيعى ضمن تطور نموهِ الطبيعى كطفل و قد يكون بسبب النقص حاد ليفيتامين دى و هذه الحالة تُعرف بالكساح و عليه أنصح بمراجعة طبيب أطفال متخصص بمثل هذه الأمراض





    .....................................................



    لا توجد آثار جانبية كبيرة لدواء فيتامين دى المُتناول للوقاية من أو علاج نقص فيتامين دى (نقص فيتامين دى أشد خطورة) ما لم يُسبب الدواء زيادة كبيرة فى نسبة فيتامين دى بالدم و هذا يتم تجنبه بالقياس المُستمر لنسبة فيتامين دى بالدم



    ...........................................................



    حسب توصية مستشفيين من اكبر المستشفيات فى لندن (و حسب تجربة مع مريض بنفس المشكلة قبل 3 أعوام) و هما

    Royal London Hospital and Hammersmith Hospital

    يحتاج العلاج للنقص الشديد لفيتامين دى جرعات عالية من الدواء ( حقن للكبار و شراب للأطفال) ثم قياس المستوى مرة أخرى بعد 3 أشهر لتحديد إما الإستمرار أو زيادة أو نقصان تلك الجرعة





    هذا مع التوصية بالتعرض بصورة منتظمة لاشعة الشمس وتناول المشروبات الغنية بفيتامين دى مثل اللبن و الزبادى و الأطعمة المُضاف لها فيتامين دى





    بعض الشركات العالمية مثل كيلوقز المُصنعة للكورن فليكس قررت و منذ حوالي عامين إضافة فيتامين دى لمنتجاتها



    ...........................................................



    STEROGYL 600.000 IU/1.5 ml Injection


    هذه الجرعة من فيتامين دى تُستعمل اللكبار و نسبة للتركيز العالى لفيتامين دى بالجرعة و حسبما تنصح به الشركة المصنعة للدواء فهي غير مناسبة للأطفال



    Check section 4: DOSAGE AND ADMINISTRATION on:



    http://www.db-pharma.com/fiche-uk.cfm?id=23



    .............................................................



    STEROGYL 2.000.000 IU/100ml Oral Solution



    الدواء المُصرح به لدى الأطفال هو

    STEROGYL 2.000.000ul/100ml, Ergocalciferol Oral solution

    و تختلف الجرعة من حالة لأخرى حسب مستوى نقص فيتامين دى و حسب عُمر المريض





    معلومات عن هذا الدواء من موقع الشركة المصنعة للدواء



    http://www.db-pharma.com/fiche-uk.cfm?id=25






    .............................................................





    أتمنى أن تجد أعلاه مُفيداً



    مع مُراعاة أننى لست طبيب أطفال لذا أنصح بمراجعة طبيب أطفال متخصص بمثل هذه الأمراض لأنه فى بعض الأحيان تُستعمل بعض الأدوية أو الجرعات ( حسب خبرة الطبيب المُعالج و تجربته فى علاج بعض الأمراض) خارج النطاق المُصرح به من قِبل الشركة المُصنعة و جهات الإختصاص



    مثلاً الجرعة للكبار التى تُوصى بها الشركة المُصنعة للداوء للمرضى المُصابين بنقص شديد لفيتامين دى هي 300 ألف - 600 ألف وحدة سنوياً بينما توصية المستشفيين أعلاه


    Royal London Hospital and Hammersmith Hospital

    هى 300 ألف وحدة كل ثلاثة أشهر مما يعنى ضعف إلى ضِعفي الجرعة التى توصى بها الشركة المُصنعة للدواء

    ..........................................................



    و شفى الله إبنكم



    محمد أبوبكر

    طبيب
                  

12-06-2013, 11:45 AM

عبدالله ود البوش
<aعبدالله ود البوش
تاريخ التسجيل: 08-12-2009
مجموع المشاركات: 6700

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: استشارة لأخصائيي الاطفال والفائدة للجميع (Re: د.نجاة محمود)

    علي بالطلاق يا نادر ولدي امحمد وليدك دا تضربو شمش السواجير ديك
    حرم شهر واحد كان تقبضو من جنب لفة المستشفى جاري علي سوق الربع
    قال بنبرس قال
    هو برا العولق دا البكوجل شفعكم شنو ؟
    والله يا نادر اولادي لمن كانو صغار معاي هنا
    شوفتي للعولاق دا الاسمو البنبرس طوالي املصو منو وافننو كان اشوف ليك الشافع انبسط وجررررابول في السراميك
    ان شاء الله اخرا ذاتو السراميك ولا الموكيت طاير
    نادر ولدي الكلس
    امحمد الله اديهو الصحة والعافية وما تخاف عليهو بنعدل براهو
    تحياتي
                  

12-06-2013, 04:32 PM

عبدالله محمد احمد بلة
<aعبدالله محمد احمد بلة
تاريخ التسجيل: 01-21-2010
مجموع المشاركات: 944

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: استشارة لأخصائيي الاطفال والفائدة للجميع (Re: عبدالله ود البوش)

    امنياتي بالشفاء العاجل لكل الاطفال
    انتهز فرصة البوست واسال
    عندي طفل عمره سنة وخمسة شهور وما زال يحبو ولم يمشي بعد .... الكلام ده طبيعي ؟
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de