|
Re: بالنسبة لى سلاح النقل والمهمات... ياخ بالنسبة لى ضفاف النيل كلها.. (Re: مدثر صديق)
|
Quote: غايتو يا محمد (بحري ) مظلومة شديد .... |
وعموم السودان يامدثر
فى بيع مُمنهج للأراضى بصورة غير طبيعية
تُهمل المُنشآت لفترة حتى يعتاد الناس على منظرها بصورة رثة
حتى اذا ما أُعيد بناؤها بطريقة جميلة سرت الناظرين
ولكن الصورة القاتمة تكمن فى بيعها الى جهة ما...
ثم اين يذهب المال؟ الله اعلم... لا أرض ولا قروش ياكافى البلا!!
ياخى دا كلام غريب جدآ
| |
|
|
|
|
|
|
Re: بالنسبة لى سلاح النقل والمهمات... ياخ بالنسبة لى ضفاف النيل كلها.. (Re: Mohammed Awad)
|
طيب يا ريت يتم البيع ونستبدل الثكنات العسكرية بابراج سكنية وحدائق عامة الخرطوم محاصرة بثكنات عسكرية وحرام ان تكون الثكنات على ضفاف الانهار سلاح النقل على النيل الازرق المظلات على ................. المهندسين على ..................... حتى الرياضية العسكرية ملخبطة شارع 61 ودا غير بنايات الاسمنت في القيادة ىالعامة وسط البلد لو كانت الانقاذ صادقة وبجبروتها لكانت قدنقلت كل هذه المعسكرات والثكنات إلى فتاشة او على الأقل بعيدا عن ضفاف الانهار والنيل
| |
|
|
|
|
|
|
Re: بالنسبة لى سلاح النقل والمهمات... ياخ بالنسبة لى ضفاف النيل كلها.. (Re: باسط المكي)
|
Quote: كنت في النقل الميكانيكي ونحن جالسين علي طرابيز مكالتب الورش الرئيسية |
وحياتك ياباسط انا جيت قاطع جمب النقل الميكانيكى ودا سبب البوست دا زاتو
يشهد الله اتخلعت... عبارة عن قطعة ارض بس... خلو منها جزء بسيط وهو عبارة عن متحف حربى
والمغسلة بتاعت العربات الفى الكورنر الشرقى دا... انا داير اعرف اجروها ليو كيف زاتو ومنو المستفيد من الموضوع دا
بس بى صفتى سودانى وبعتبر انو دا شبر من بلدى عندى فوقو حق...
وشويتين بس تشوف عمارات بدت تقوم بدون ماتعرف دا شنو الا فى المرحلة الأخيرة
انا عارف انو الحكومة دى ماشة على زوال بس البيهمنى كمان الطريقة الحنسترد بيها الاراضى دى كيف؟
| |
|
|
|
|
|
|
Re: بالنسبة لى سلاح النقل والمهمات... ياخ بالنسبة لى ضفاف النيل كلها.. (Re: Al Sunda)
|
نسأل الله الرحمة لبنت بحري نادية عثمان
الأخوان محمد ومدثر
صدقتو الله بحري مظلومة شديد وخصوصا بحري شرق في نهب فظيع حصل واستحواذ على قطع مخصصة للخدمات ومتنفسات للأحياء تم الاستيلاء عليه
مثلا عندنا في كوبر الواحة كانت في قطعة مخصصة كمتنفس للحي وموقف لعربات البلدية أيام فتح المجاري وكان بنزلو فيها المواسير بتاعت المجاري لتعوزيها على الأحياء
العمارة العليها دائرة حمراء قصتها أنه واحد طلب تصديق فرن صغير في القطعة ديك عمل الفرن اشتغل بعد كم سنة أتهدت واتبنت العمارة تتأجر مفروش للعرسان
المنطقة الصناعية كمان طالها النهب زمان بين المنطقة كان في مساحة لشارع الصناعات في بداية لانه كوبر حي سكني المساحة الكبيرة دي فجاءة تم احتلالها وقامت فيها ورش ومطاعم
المستطيل الراسئ كان ميدان مخطط للمدرسة الصناعية على أساس يتم توسيع المدرسة أو تحويلها إلى كلية يتم بناء قاعات أو معامل في المكان دا في خلال الايام تم تحويله إلى ورش الارض انباعت للناس ديل بدون اعلانا او مزاد
في الجنب التاني كان في مساحة كبيرة بين كوبر والمنطقة الصناعية وكان فيها زريبة الفحم فجاء استولت المحلية ورحلت الزريبة وجابت المنطقة الصناعية للحلة وجابو شنو ميكانيكية شاحنات كبيرة وحداد اليوم كلو كوكو والبطاحات لافات في الحلة
والله يوم قاعد قدا نادي كوبر جا بطاح دبل بط خاشي نص الحلة صوته عالي وملى الحته غبار مشى وقف في نص ميدان الرابطة بعد شوية طلعت موية كتيرة من الواطة اكتشفنا انه المواسير بتاعت الحلة ما بتستحمل حمولة البطاح وانكسرت بي مروره عليها مشينا لبتاع البطاح لقيناه قاعد يتونس مع ست الشاي تخيلو عشان ونسة وكباية شاي حرم الحي من الموية لمدة اربعة يوم بالإضافة للباعوضة والوساخة
يا محمد في حالات كتيرة زي دي لو قعدنا نرصدها حا نكتشف بلاوي محلية بحري شرق كان في شغل عجيب بتاعت اغلب الميادين والمتنفسات مخصصة لأغراض خدمية تانية باعتها بالدس لي ناس جشعين وما اتعرف بي كم ولا كيف وما استفدنا من بيعها اي حاجة
وبرجع ليكم إن شاء الله
| |
|
|
|
|
|
|
Re: بالنسبة لى سلاح النقل والمهمات... ياخ بالنسبة لى ضفاف النيل كلها.. (Re: Al Sunda)
|
Quote: ونستبدل الثكنات العسكرية بابراج سكنية وحدائق عامة |
ياريت... ياخ ولا حدائق عامة.. وليه حدائق عامة وناس بتموت من عدم توفر اسبيرات وماكينات غسيل الكلى؟
ماتكون مستشفيات..... مدارس..... بدل العمارات البتقوم فى خدمة الأمن والحكومة والبلد مُستباحة كل يوم !!
واحد ولدو مات قدامو بعد 5 دقايق من ولادتو بى سب انو مافى كمامة تنفس صناعي يدوية (ولاحظ معاى يدوية.. يعنى ماحاجة كهربائية ولا الكترونية مكلفة)
فسأل سؤال برئ... ياترى سعرها بيعادل سعر كم تاتشر زى البنشوفهم فى الشوارع وعليهم دوشكا..
وياترى سعرها بيعادل كم عمارة من العمارات القايمة اليومين ديل؟؟
سؤال لوالد عرف معنى الابوة لى 5 دقائق فقط ليعيش الم ومرارة هذا السؤال بقية عمره...
ياخ والله كان هنالك وطن اسمه السودان....
| |
|
|
|
|
|
|
|