|
|
|
 Re: ملكة جانسي .... والمزاج السوداني ...!!!! (Re: haroon diyab)
|
لكن المفاجأة كانت في السودان...!!!!
فقد اتضح لي ان
حمي
ملكة جانسي
قد اجتاحت السودان منذ مدة طوييييييييييييييييلة
كيف لا.... وانت تجد
كوافير ملكة جانسي
بقالة ملكة جانسي
حلاق ملكة جانسي
مرطبات ملكة جانسي
حتي في المركبات العامة
لاتمر امامك عربة الا وكانت
ملكة جانسي جزء اصيل من الكتابة عليها
خارج النص :
------
طبعا الكتابة علي العربات ( ماركة مسجلة للسودانيين ...!!)
وعلي ذكرها زمان الواحد يشتري باص جديد يكتب فيهو
( اسال العنبة الرامية فوق بيتنا )
( انت مامجبور علينا نحن مجبورين عليك )
( كلميني امرايا )
اول ما الباص يكركب ويبقي خردة
يمسح القديم ويكتب :
( في العجلة الندامة )
( سترك يارب )
( ممنوع التحث مع السائق )
| |
  
|
|
|
|
|
|
|
 Re: ملكة جانسي .... والمزاج السوداني ...!!!! (Re: haroon diyab)
|
ام انها الانطباعية السودانية
والتي غالبا ماتكون متشابهة عند الغالبية العظمي
ام انه المزاج السوداني المتشابه .....؟
مسلسل ملكة جانسي احتل الحيز الاهم في فترة
عرضه علي التلفاز من بقية اهتمامات الناس واولوياتهم
وبالمناسبة مباراة المريخ خط احمر اضطررت الي الخروج
لمتابعتها في الخارج امتثالا لاوامر المدام والوليدات
لانوا مواعيد ملكة جانسي جات 
| |
|
|
|
|
|
|
|
|
 Re: ملكة جانسي .... والمزاج السوداني ...!!!! (Re: haroon diyab)
|
Quote: وملكة جانسي هى ملسلسل هندى تاريخى مأخوذة عن
قصة حياة ملكة جانسي لاكشمى باى وهى المعروفة
تاريخيا بمانو زعيمة الثورة الهندية ضد الاحتلال الانجليزى
وقد تعرضت الملكة لاكشمى باى للعديد
من المواقف الصعبة التى عانت منها كثيرا هى وزوجها جانجيد هراو
ومسلسل ملكة جانسي مسلسل هندى يستحق المشاهدة بالفعل لشدة ا
حداثة وكما لروعه تمثيل الملكة جانسي |
| |
|
|
|
|
|
|
|
|
|
Re: ملكة جانسي .... والمزاج السوداني ...!!!! (Re: Nagat Sid Ahmed Elshiekh)
|
مرحبتين استاذة / نجاة
Quote: سلام يا هارون ما سمعت بهتافات ناس كوستي كانو بقولوا للبشير
ما دايرنك ملكة جانسي أحسن منك ,,,, وانا ما كنت فاهمة الهتافات دى مقصود بيها شنو الا هسع هههههه |
والله لو قالوها لصدقوا
كدي عايني الملكة دي
تحارب بي جيه ... وتحب بي جيهة
وتولد مرة ابوها بي ايد وهي شايله السيف بالايد التانية
شفتي الفرق كيف....؟
تحاياي
| |
|
|
|
|
|
|
|
|
|
Re: ملكة جانسي .... والمزاج السوداني ...!!!! (Re: haroon diyab)
|
هرون ازيك
ملكة جانسي خشت في كل شيء انت عارف في العيد مشيت اخد ملابس للاولاد البنت راسها والف سيف الا تاخد لبسة اسمها مكلة جنسي والولد قال عاوز لبسة الملك
تتصور ناس البوتيكات لمن يشوفوا الشافع معلق في اللبسة برفعوا الدعم طوالي ،، ما شايفين الكلام دا من كبارهم في الرفع
-------------
وسمعت والعهدة على الراوي انو ايام الاحتجاجات الاخيرة ناس كوستي طلعوا مسيرة وبهتفوا (ما دايرنك وما دايرنك ملكة جانسي احسن منك)
طبعا ما دايرنك قاصدين بيها البشير ما صلاح غريبة ههههههه
--------------
تحياتي
| |
|
|
|
|
|
|
|
|
|
Re: ملكة جانسي .... والمزاج السوداني ...!!!! (Re: علي دفع الله)
|
اهلين علي دفع الله
Quote: ملكة جانسي خشت في كل شيء انت عارف في العيد مشيت اخد ملابس للاولاد البنت راسها والف سيف الا تاخد لبسة اسمها مكلة جنسي والولد قال عاوز لبسة الملك
تتصور ناس البوتيكات لمن يشوفوا الشافع معلق في اللبسة برفعوا الدعم طوالي ،، ما شايفين الكلام دا من كبارهم في الرفع |
وها انت تقدم اوضح دليل للانطباعية والمزاجية السودانية
ياخي انا بتي بتدا تحكي الحلقة اول ماتنتهي
وقال شنو ...؟ زعلانة عشان بقاطعوها....!!!!
حقيقة ملكة جانسي بقت موضوع من لا موضوع له .
تسلم
| |
|
|
|
|
|
|
|
|
|
Re: ملكة جانسي .... والمزاج السوداني ...!!!! (Re: walid taha)
|
حبيبنا هارون صباح الخير !
يا اخوي كنداكة شنو و سياسة شنو !! hl الحكاية كلها بكي و كسير ... الملكة سمحة صراحة مع اني اول مرة اسمع عن المسلسل دا في بوستك دا اصلا انا كاره حاجة اسمها ام بي سي بولويوود و شايف الهنود ديل شغاليين اجتياح تقيل في الخليج علي كل المستويات
سلامي
| |
|
|
|
|
|
|
|
|
|
Re: ملكة جانسي .... والمزاج السوداني ...!!!! (Re: haroon diyab)
|
مازن هلال ياجميل
سلامات
Quote: حبيبنا هارون صباح الخير !
يا اخوي كنداكة شنو و سياسة شنو !! hl الحكاية كلها بكي و كسير ...
الملكة سمحة صراحة مع اني اول مرة اسمع عن المسلسل دا في بوستك
دا اصلا انا كاره حاجة اسمها ام بي سي بولويوود و شايف الهنود ديل
شغاليين اجتياح تقيل في الخليج علي كل المستويات
سلامي |
طبعا الحتة بتاعت غزو الهنود دي الله لايويريك ليها
انت عارف انوا الحياة في الخليج صارت حكرا لهم
جميع مناحي الحياة وخصوصا في القطاع الخاص
شكلوا اكبر لوبي لاحتكار كل شي
بس ملكة جانسي بالصح
حلا وحماااااااااااااااااااااااار
تحاياي
| |
|
|
|
|
|
|
|
|
|
Re: ملكة جانسي .... والمزاج السوداني ...!!!! (Re: haroon diyab)
|
من بوست مجاور
Quote: استدعت إدارة مدرسة أساس بضاحية دار السلام، أولياء أمور (100) تلميذ، بسبب «ملكة جانسي»! وقالتأدارة المدرسة إن التلاميذ - الذين يدرسون بصفوف متفاوتة -
كانوا قد حضروا إلى مباني المدرسة وعلى جباههم علامة (ملكة جانسي) الملكة «لاكشمي باي» وقد نحتوها بنواة البلح! وغير أنهم هتافوا بكلام غريب هو
( ما عايزينك ما ماعايزينك ملكة الجانسي أحسن منكم ) و
عليه قامت إدارة المدرسة باستدعاء أولياء أمور التلاميذ الذين حضروا إلى مباني المدرسة، وعقدت إدارة المدرسة اجتماعاً نبهت من خلاله أسر الطلاب
إلى خطورة تأثر أبنائهم بما يشاهدون
على الفضائيات وتطبيقها على أرض الواقع، وقد تجاوب عدد كبير من أسر الطلاب وأيدوا مقاطعة مشاهدة حلقات المسلسل وتشفير القنوات
التي تحرض على العنف. يذكر أن مسلسل ملكة جانسي يبث على قناة ( ZEEألوان) ويتناول تحرير الهند من قبضة الإنجليز |
والقادم مذهل اكثر مع ملكة جانسي
| |
|
|
|
|
|
|
|
|
|
Re: ملكة جانسي .... والمزاج السوداني ...!!!! (Re: haroon diyab)
|
من نافذة الفيسبوك
شكرا للاخ زيزو سودان
Quote: Zizou Sudan · الأكثر تعليقا · منظراتي في شغال والحمد لله
الدراما.. والسينما الهندية.. غزت العالم العربي منذ أن بدأت (زي أفلام- ألوان) بثهما..
بس الشعب السوداني مزودها شويه.. عيد رمضان الفات البنات الصغار كلهم كانو لابسين لبسه
إسمها ملكة جانسي..!!! ((بس بيني وبينكم المفروض قناة زي أفلام وألوان تحترمنا.. وتكتب تاني بتوقيت (السودان) وليس الإمارات والسعودية.. |
| |
|
|
|
|
|
|
|
|
|
Re: ملكة جانسي .... والمزاج السوداني ...!!!! (Re: Hashem Mubarak)
|
مرحبتين ياهاشم
Quote: معقولة اللفة الكبيرة دى و ما داير تقول السبب الحقيقى لمتابعة الملايين للمسلسل
(( انه الهلال على جبين ملكة جانسى )) لكن طبعاَ انت عامل فيها مطشش |
كدي انا راضي ذمتك
حسع اكان شفته الهناي ده
باقيلك بقعد ليهو تاني ....؟
ياخي شوف النجمة وصلي علي نبيك
تحاياي
| |
|
|
|
|
|
|
| |
haroon diyab
سيف الدين محجوب
Nagat Sid Ahmed Elshiekh
علي دفع الله
saidahmed shami
Hashem Mubarak
فيس بوك
تويتر
انستقرام
يوتيوب
بنتيريست