|
|
 دردشة ناعمة
|
دردشة ناعمة
مالك ..
لمان جيتي ..
ما حسيتك زي الطيف ..
الكان من أول ..
بلمس فيني النسمة الحلوة ..
الساكنة تمام جوات أعماق ..
بتشيلك شيل ..
مالك ..
من يوم ما شفتك ..
ما جربت أعيشك يوم ..
ولا حسيت إحساس الناس ..
العاشوا جمالك وسحر دلالك ..
وكتبوا حروف بعبير فواح ..
سطروا فيكي ..
أحلا كلام زي الأنسام ..
مالك ..
من يوم ما جيتي ..
ما حسيتك ..
ولا حسيت إحساس ..
بيدغدغ عفو الخاطر ..
ولا بنقل لي أخباراً منك ..
تسر الخاطر ديمه تقول ..
إنك جوه وأنا جواك ..
أقول لو تسمحي مرة وبس ..
أسافر فيكي وأسرح فيني ..
أشوف من تاني ..
يمكن فيني ..
يمكن فيكي ..
شرود إحساس ..
موسوم في الغيب ..
من الميلاد ..
|
|
 
|
|
|
|
معتصم مكاوي
فيس بوك
تويتر
انستقرام
يوتيوب
بنتيريست