|
Re: ملامح النوبيين وقبائل شرق السودان أقرب للعرب .. وملامح الجعليين أقرب للأفارقة (Re: Frankly)
|
Rsheed Elsir · متابعة · UofK News توهاننا عن تاريخنا كسودانيين عن تاريخنا هو السبب في الفوضي الحالية: لو عرفنا تاريخنا الحقيقي في وادي النيل ببساطة كان عرفنا ان: الوان السودانيين الحالية (قمحية.سمراء وسوداء) دي الواننا طوال الالاف السنين الفاتت. وما نتاج أي اختلاط. و هي ذاتا معاها اختلاف ملامحنا النسبي كانت التبرير البناءا عليه المركزية الاوروبية و مصريي اليوم قالوا ان قدماء وادي النيل في مصر كانوا ما زنوح. الحقيقة اننا نمثل بالواننا وملامحنا الحالية في السودان الشمالي نمثل الاحفاد المباشرين لي قدماء وادي النيل في كوش و مصر القديمة. جعليين شوايقة دناقلة محس بجا كلهم جنس واحد. واصولهم كوشية. بخصوص ادعاء العروبة دة منتشر شديد و ما عند الجعليين بس. معظم السودانيين لديهم انساب عربية . بل في انحاء أخري من افريقيا. في السودان تجد: الكواهلة زبير بن العوام. شكرية جهينة رفاعيين ودناقلة أشراف محس انصار اوس وحررج. زغاوة من سوريا حسب الطيناوي. مساليت ابوجهل عمرو بن هشام حسب يحي هارون. بقارة و غيرهم. فلاتة عبابسة و من عقبة بن نافع و قرعان ايضا. بجا اشراف و غيره. فونج امويين.و هم أول من انتسب الي العرب في 1505 .لتدعيم حقهم في السلطة.
مشاركة رشيد السر ...شحمانه ومنطلق لنقاش كبير ... !!! ........................................ احلى التحايا ياصبرى
| |
|
|
|
|
|
|
Re: ملامح النوبيين وقبائل شرق السودان أقرب للعرب .. وملامح الجعليين أقرب للأفارقة (Re: محمد حيدر المشرف)
|
Quote: احلى التحايا ياصبرى |
ولك أحلى التحايا يا مُلهم كُردفان .. وتشكر للمناولة .. وسأقوم بالرد عليه بإذن الله ...
Quote: الا النخرة يا صبري .. الا النخره :) |
نخرتك الخايف عليها .. دي مُش أغنية ؟ إلاّ النخرة يا صبري دي ذكرتني ليك مُداخلة بخصوص الراحل مُصطفى سيد أحمد قلت لي فيها برضو إلاّ مصطفى يا صبري .. مُش كدا ؟
ــــــــ إلاّ دي يا ود المُشرف عند أهل الخليج بتعني "نعم" فإنت هنا قاصد شنو باعتبارك اتخولجت وكدا ؟
| |
|
|
|
|
|
|
Re: ملامح النوبيين وقبائل شرق السودان أقرب للعرب .. وملامح الجعليين أقرب للأفارقة (Re: ملهم كردفان)
|
الاخ الكريم صبرى سلام من الله و رحمة و كل عام و انت و الاسرة بالف خير للاسف اخى الكريم مصدر يحتاج الى اسانيد اقوى من النظر ساكت ، لعل ما
رايتهم او عاشرتهم لا ينتسبون فعلا لتلك القبائل .
قبل كل شى صدق المصطفى عليه افضل الصلاة و السلام حين قال ، ( العرق
دساس) و هذه الجملة تحمل العديد من المضامين . وهذا الامر جلى وواضح فى
كل قبائل السودان ، وخاصة فى الشمال عمموما و بعض مناطق الوسط ، فتجد
فى البيت الواحد الاختلاف فى ، الالوان و الشعر و الانوف و غيرها مما
اعتبرته انت مقياس للتحديد و لتميز الاجناس . و التميز هنا قصد به الجنس.
الثانية لما المقارنة بالجعليين دون سواهم ، حتى و إن كانت و الدتك لها الصحة
و العافية جعلية. لا اعلم السرائر و لكن هذه الجملة حاولت ان يجد لك بها الغير
عذر.
ثالثا ما هى الفائدة المرجوة من مثل هذه البوستات ، العبد الله جعلى مسلمابى لا
ارى اى شىء يميزنى عن خلق الله من اهل السودان ، و شعارى بل و شعار كل اهلنا
الجعلين ، إن اكرمكم عند الله اتقاكم
| |
|
|
|
|
|
|
Re: ملامح النوبيين وقبائل شرق السودان أقرب للعرب .. وملامح الجعليين أقرب للأفارقة (Re: ناصر المحسى)
|
قبل خمسة آلاف عام مِن ميلاد السَيِد المسيح كان النوبِيون في البِقعة الجُغرافِية المُمتدة شِمالاً مِن أسوان إلى سوبا جنوبًا ، هذا ما تُفيد بِهِ مراجِع التاريخ التي أغفلتها عمدًا كُتب التعليم الحكومِية -كان حتى عام 1994م يبدأ مُقرر مادة التاريخ لِصف الثالِث الثانوي العام مِن الباب الثاني وهو بِعِنوان " دخول العرب السودان " والباب الأول يتحدث عن الحضارة النوبِية، لم يكُن مِن ضمن المُقرر) هذا الإغفال هو ما تسبب في أن إنسان السودان غَير مُتصالِح مع نفسِهِ.. فالتاريخ الذي يرضَعهُ النوبي.. بسيط جِدًا.. فحواهُ: كان النوبِيين بَين النيل والصحراء.. فجاءت العرب لِفتح البِلاد النوبِية بعد أن سقطت بِأيدَيهُم مِصر، لم يفلحوا في ذلِك، طُوال عهد الخليفة الراشِد عُمر بِن الخطاب، ثُم إستمرت المُحاولة في عهد الخليفة الراشِد عُثمان بِن عفان، فلم تُفلِح مُحاولاتِهِم أيضًا، فكانت إتفاقِية البقط عام (652م) عم السلام، فدخل العرب بِلاد النوبِيين بِموجِب هذِهِ الإتِفاقِية، وظل النوبِيون على الدين المسيحي (600) عام بعد إتفاقِية البقط، ثُم دخل النوبِيون في الدين الإسلامي عام (1252م) فتصاهروا، فأنتج التصاهُر النوبي/العربي عن هجين اليَوم الذي خرج منهُ كُل السودان الشِمالي النيلي.
أي جُزئِية في هذِهِ الفقرة غَير مفهومة لِشعب السود(ان) الشِمالي الذي يدعي صفاء عِرقِه العربي.. هذِهِ الفِقرة أكدها عُلماء فطاحِلة وأساتِذة كِبار ...
أكدها مُدير وأُستاذ مادة التاريخ في جامِعة الخُرطوم (سابِقًا) الدكتور/ يوسُف فضل (الجعلي المُشلخ H) في كِتابِهِ [ تاريخ السودان القديم ] وقال مِثل هذا القَول نعوم شُقير في كِتابِهِ [ تاريخ السودان ] الذي حققهُ الدِكتور/ مُحمد إبراهيم أبوسليم وقال بِذلِك أستاذ مادة التاريخ بِجامعة الخُرطوم الدكتور مكي شِبيكة في كِتابِهِ [ السودان عبر القُرون ] وقال بِذلِك الأب الإيطالي الدِكتور/ فانتيني في كِتابِهِ [ تاريخ المسيحِية في الممالك النوبِية القديمة ... ] وقال بِذلِك العلامة البروفسور/ ويليام آدامز صاحِب الكِتاب الوثيقة [ النوبة رُواق إفريقيا ] وقال بِذلِك الدِكتور/ مُحمد إبراهيم بكر في كِتابِهِ [ تاريخ السودان القديم ]
ثُم تحالُف الفونج مع العبدلاب وخربوا آخِر معاقِل مملكة النوبِيين وأنشأوا أول مملكة إسلامِية في السودان ... مملكة سِنار ...
إن تشبُثِ سود(انِيين) الشِمال في عِقال العرب لأمرٌ يدعو لِلعجب.. فكما قال دكتور منصور خالِد فيما ما معناه في كِتابهِ [ السودان أهوال الحرب ... قِصة بلدَين ] (فتجِد السوداني أسَود مِن حبة البركة ويُصِر على عُروبِيتِهِ) (إنتهى)
سادتي .. يؤسِفُني أن أقول : إنكُم تكْذِبون عِندما تتحدثون عن العِرق ... نعم تكْذِبون
| |
|
|
|
|
|
|
Re: ملامح النوبيين وقبائل شرق السودان أقرب للعرب .. وملامح الجعليين أقرب للأفارقة (Re: عزام حسن فرح)
|
لِذا تجِدهُم قد تآمروا بِلَيّل على اللَون " الأسَود " وإذا إضطروا إلى وصف أسَوَدٍ مِنهُم ، قالوا: الـ" أخدر " وإن لم تُسْعِفهُم هذِهِ " الخُدْره " في تحديد " زولُمْ " لقموه بِالـ" أخدر بِالحيل " وإذا بان كذِبهُم وبعض النِفاق إسْتدركوا الأمر " ياخ " الزول " الأخدر شديييييد " داك.. أها عاد بتمشو وين مِن " الأسَود " وبِتين بتصلو " لين " ذلِك اللَون؟.. الشئ تقول عمى ألوان.. كبندول الساعة.. تتأرجحون.. تتأرجحون لِشطٍ لن تبلغوه أبدا.. التناقُض الذي يعيشه البعض فاضِح.. واضِح.. يعيشون الخيال واقِع..
لأن الكذِب يُمارس في أمورٍ تغيب علَيك لِحينٌ حقائِقُها.. فإذا جاء وقتٌ إنكشف لك الأمر وعلِمت إن الكذِب قد مورِس.. أما ما يحدُث في بِلادِنا شئٌ آخر.. شئ غَير الكذِب.. فأنت ترى رجُل أسود فاحِم.. يا زول كُحْلي عديل وبرغم ذلِك يظل مُصنف " عربي حُررر بس أخدر بِالحيل " هذا إبداع سَيِدي ولَيس كذِب...
ـــــــــــــــــــــــــــــــــــــ جينات الغابة والصحراء تتحدث
(1) بَيت سَيِدي الإمام مُحمد أحمد المهدي : أ . تزَوج الإمام المهدي مِن السَيِدة / مقبولة بنت البآسي نورين مُحمد بِن الفضل - سُلطان الفور فرع الكنجارا – بِن عبدالرحمن بِن أحمد بِن بكر بِن موسى بِن سُلَيمان سولونج أول سلاطين الكيرا ومؤسِس سلطنة الفور . أنجبت لهُ الإمام / عبدالرحمن المهدي الذي أنجب السَيِد / الصِديق الذي أنجب السَيِد / الصادِق المهدي (رئيس حِزب الأمة وأمام الأنصار). السَيِدة / مقبولة بِنت مُحمد بِن الفضل إبنة عم السلطان على دينار ود البآسي زكريا.
ب . تزَوج الإمام المهدي بِالسَيِدة / عائِشة بِنت إدريس الفلاتِية وأنجبت لهُ السَيِدة / زهراء والسَيِدة قمر التي أنجبت السَيِدة سارة الفاضِل محمود عبدالكريم زَوجة السَيِد الصادِق المهدي (رئيس حِزب الأمة وأمام الأنصار). ومِن حفيدات السَيِدة / عائِشة بِنت إدريس الفلاتِية : - السَيِدة / آمنة ، زَوجة بابو نِمر علي الجُلة ناظِر عموم المِسيرِية. - السَيِدة / هُدى ، أم السَيِدة رشيدة وزيرة دَولة بِوِزارة التربِية والتعليم بعد إنتِفاضة إبريل 1958م. - السَيدة / زهراء الفاضِل محمود عبدالكريم ، زَوجة سِرالختِم الخليفة ، رئيس الحكومة الإنتِقالِية عام 1964م. - السَيدة / مرضِية ، زَوجة حماد بقادي ، ناظِر عموم الحوازمة. وتزَوج الشيخ إدريس الفلاتي مِن السَيدة / زينب بِنت الإمام المهدي ولم تنجِب مِنهُ وخلفهُ علَيها بعد وفاتِهِ الخليفة شريف حامِد مُحمد إبن عم الإمام المهدي وأنجب مِنها. ـــــــــــ المراجع : - الإعلام بِالأعلام – البروفسير (شيخ العُلماء) / عبدالله عبدالماجِد إبراهيم. - طبقات ود ضيف الله. - مَوسوعة القبائِل والأنساب في السودان – دكتور / عَون الشريف قاسِم. - صُور مِن حياة السَيِد عبدالرحمن المهدي – جراهام وإزماي توماس.
| |
|
|
|
|
|
|
Re: ملامح النوبيين وقبائل شرق السودان أقرب للعرب .. وملامح الجعليين أقرب للأفارقة (Re: هجو الأقرع)
|
وعليكم السلام ورحمة الله وبركاته أخي هجو الأقرع .. وكل عام وأنتم بخير يا حبيب ...
Quote: الاخ الكريم صبرى سلام من الله و رحمة و كل عام و انت و الاسرة بالف خير
للاسف اخى الكريم مصدر يحتاج الى اسانيد اقوى من النظر ساكت ، لعل ما
رايتهم او عاشرتهم لا ينتسبون فعلا لتلك القبائل .
قبل كل شى صدق المصطفى عليه افضل الصلاة و السلام حين قال ، ( العرق
دساس) و هذه الجملة تحمل العديد من المضامين . وهذا الامر جلى وواضح فى
كل قبائل السودان ، وخاصة فى الشمال عمموما و بعض مناطق الوسط ، فتجد
فى البيت الواحد الاختلاف فى ، الالوان و الشعر و الانوف و غيرها مما
اعتبرته انت مقياس للتحديد و لتميز الاجناس . و التميز هنا قصد به الجنس.
الثانية لما المقارنة بالجعليين دون سواهم ، حتى و إن كانت و الدتك لها الصحة
و العافية جعلية. لا اعلم السرائر و لكن هذه الجملة حاولت ان يجد لك بها الغير
عذر.
ثالثا ما هى الفائدة المرجوة من مثل هذه البوستات ، العبد الله جعلى مسلمابى لا
ارى اى شىء يميزنى عن خلق الله من اهل السودان ، و شعارى بل و شعار كل اهلنا
الجعلين ، إن اكرمكم عند الله اتقاكم |
يا هجو ياخي أنا بشكل شبه يومي وفي رياض السعودية دي بلاقي سودانيين من قبائل مُختلفة ... وأقرّب ليك أكتر بفطر يومي في بوفيه سوداني شغالين فيهو محس ...
لاحظت لعمّال البوفيه + مُرتادي البوفيه من المحس أقرب في ملامحهم للعرب (لاحظ المُقارنة هنا بتكون قدّامك مُباشرة بين محسي قاعد جنبك وخليجي برضو قاعد جنبك) وبعد شوية ماشي أفطر في نفس البوفيه .. ممكن تتفضّل معاي فطور وندخل في نقاش مُباشر من داخل البوفيه
ــــــــ مثال البوفيه دا ما تعتبرو كل القصة فهو مثال بسيط من قاعدة استنباط كبيرة في السودان وفي الغربة ... فنادر جداً تلاقي ليك محسي أنفه إفريقي .. أو شعره يدل على أنّه إفريقي ...
| |
|
|
|
|
|
|
Re: ملامح النوبيين وقبائل شرق السودان أقرب للعرب .. وملامح الجعليين أقرب للأفارقة (Re: Frankly)
|
يا فرانكلي أنا وين قُلت دي دراسة ؟ أرجع لموضوع البوست وحتلقى بالنظر كدا ساي .. وفي عرفنا الاجتماعي الحالي شكل الأنف الإفريقية معروفة وشكل الأنف العربية أيضاً معروفة ... الأنف الأفطس كبير الأرنبتين والمفنقل والقصير والشنو ما عارف دي الأنف الإفريقية .. الأنف المستقيمة الحادّة الشنو ما عارف دي شكل الأنف العربية على حسب المُشاهدات القدامنا في زمنّا الحاضر .. عايز ترجع للتاريخ لي وراء دي حاجة .. عايز تاخد بما يصفه الناس في وقتنا الحاضر دي حاجة تانية .. أنا قلت بالنظر وطالما قُلت كدا يبقى أخدت بمعايير هسّي دي ...
Quote: نقطة نظام
لو سمحت يا صبري طه
عشان نشارك معاك في النظرية دي
مطلوب منّك توضح لينا
ما هي ملامح العربي التي تستند عليها الدراسة؟
ما هي الدولة التي يمثّل قاطنوها نموذجاً لملامح العربي؟؟
ونفس الشيء عن ملامح الإفريقي
ممكن تورينا الإستاندرد بتاع ملامح الإفريقي شنو؟؟ وما هي الدولة التي يمثّل قاطنوها نموذجاً لملامح الإفريقي؟؟؟
ينوبك ثواب |
ثمّ ياخي دول الخليج العربي كمثال للعرب عبارة عن خليط ولكن غالبيتهم أنوفهم على حسب وصف الأنف العربي الكتبتو ليك فوق الاقتباس (أتتفق معي في ذلك ؟) الدول الإفريقية غالبيتهم أنوفهم شكلها على حسب وصف الأنف الإفريقي الكتبتو ليك فوق الاقتباس (أتتفق معي في ذلك ؟) ودا كلّو بمعايير اليوم وفي عُرفنا الاجتماعي السائد ...
عايز ترجع لي لما قبل التاريخ جيب لي ناس قبل التاريخ ديل عشان يورونا عُرفهم السائد كان شنو ذاتو ...
| |
|
|
|
|
|
|
Re: ملامح النوبيين وقبائل شرق السودان أقرب للعرب .. وملامح الجعليين أقرب للأفارقة (Re: Frankly)
|
يا فرانكلي ياخي إنت بتاع لولوة ...
هسّي سؤالك دة عشان أطلع بيهو بي شنو مثلاً ؟
Quote: طلب بسيط
في الصورة أدناه اعطني أي صورة هي الصورة الأصل للفتاة ولماذا??
|
مُش ممكن أجيب ليك زول لونو أسود زي اللستك وأنفو عربي ؟
في حاجة اسمها قاعدة عامة وفي حاجة اسمها حالات خاصة أو شواذ وهكذا ... مثال: أغلب الجعليين لونهم البقولوا عليهو "أخدر" سواءً كان داكناً أو فاتحاً .. مُش كدا ؟ فعلى ضوء المثال دا يعني حتجيب لي صورة جعلي أبيض وتقعد تعتدّ بيها عشان تلغي كلامي الفوق دا ولاّ الفهم شنو ؟
Quote: هات صورة لإفريقي وقول دي صورة معيارية وعليها قمت بقياس الأجناس السودانية موضوع البوست عليها؟؟
فقط لنعرف كيف بنيت نظرتك أو ملاحظتك أو دراستك أو نظريتك |
مثال لأنف عربي
المثال الإفريقي وركّز فيهو يا فرانكلي
| |
|
|
|
|
|
|
Re: ملامح النوبيين وقبائل شرق السودان أقرب للعرب .. وملامح الجعليين أقرب للأفارقة (Re: صبري طه)
|
هناك خلط كبير للمفاهيم
النسب
الهوية
الموطن
الملامح
اللغة
بخصوص النسب هو ذلك الإنتساب من أب إلى جد إلى أخر السلسلة
النسب يأتي من جهة الأب فقط غض النظر عن نسب الأم وجنسها ولونها ولغتها
إذا تزوج الأب بيضاء رومية سينجب أطفالاً في الغالب بين لونه ولون زوجته الرومية
وإذا تزوج الأب زنجية غانية سينجب أطفالاً في الغالب بين لونه ولون زوجته الغانية
ولون الأطفال سواء من بيضاء أو زنجية لا يطعن في نسب الأبناء لآبائهم
صورة سعد العبد الله السالم الصباح (1930 - 13 مايو2008)، أمير الكويت الرابع عشر رحمه الله
الهوية عندي هي تلك الثقافة التي يكتسبها المرء من محيطه التي تشكل مفهوم الشخص ويعبر بها عن فرديته وعلاقته مع المجتمع فقد تكون هوية دينية أو هوية لغوية أو هوية قبلية قد تتلاقى مع النسب ولكن ليس بالضرورة
الموطن هو تلك البقعة التي ولد وترعرع فيها المرء ويحس بالإنتماء إليها أو يفرض عليه الواقع الإنتماء إليها
فالمصري إفريقي سواء كان أبيض أو اسود والأمازيغي إفريقي سواء كان أبيض أو أسود والإريتري إفريقي سواء كان أبيض أو أسود كما يجتمع كل قاطني بلد بمسمى وطنهم دون تحديد لون أو سمات أو لغات أو ديانات أو هويات
ليس هناك ملامح محددة للجنسيات ولا للأنساب ولا للمواطنة بل هناك تلاقح اجتماعي على مد عمر البشرية لا يوجد نقاء لوني أو عرقي في العالم ومن يظن ذلك فهو واهم
حتى لون البشرة الأبيض في أوروبا درجات وألوان العيون والشعر درجات والملامح درجات وقسمات الوجه درجات والطول والقصر درجات بكل هذه الإختلافات تجدها في بلد صغير مثل بلجيكا
اللغة هو تلك الأية التي يتخذها الإنسان أداة للتواصل وقد ينسب المرء للغته وقد يترادف الإنتساب للغة والموطن إذا كانت اللغة خاصة بذلك الموطن
لذلك جاء في الحديث "يا أيها الناس إن ربكم واحد ألا لا فضل لعربي على عجمي و لا لعجمي على عربي و لا لأحمر على أسود و لا لأسود على أحمر إلا بالتقوى إن أكرمكم عند الله أتقاكم "
فالرسول صلى الله عليه وسلم وضع العربي هنا كلسان وليس جنساً أو قبيلة ومقابلها العجمية وهي النطق بغير العربية بينما في المقابل وضع لون البشرة الحمراء (البيضاء) ومقابلها السوداء
ولم يصدر منه إطلاقاً قولة العرق دساس كما جاؤ به الأخ هجو فهذا حديث لا يصح عن الرسول الكريم
عليه
انتساب بعض القبائل لقوميات قادمة من الجزيرة العربية لا يتنافى مع لونهم أو ملامحهم ويرجع ذلك لتلاقحهم مع مواطني البلد الذي هم فيه أو قدوم أخرون إليهم
كمال فرانكلي
| |
|
|
|
|
|
|
Re: ملامح النوبيين وقبائل شرق السودان أقرب للعرب .. وملامح الجعليين أقرب للأفارقة (Re: منتصر عبد الباسط)
|
وإن كان ربط العروبة بالبياض غريب لسمرة جل العرب في جزيرة العرب ...فأيضاَ عزو السواد للنسب فقط غير صحيح فانظر لابن خلدون ماذا يقول ويقصد ب(تجاه مكة )سوداننا هذا يقول بن خلدون في مقدمته : >>>و في السودان أسماء مترادفة على الأمم المتغيرة بالسواد و إن كان اسم الحبشة مختصاً منهم بمن تجاه مكة و اليمن و الزنج بمن تجاه بحر الهند و ليست هذه الأسماء لهم من أجل انتسابهم إلى آدمي أسود لا حام و لا غيره و قد نجد من السودان أهل الجنوب من يسكن الربع المعتدل أو السابع المنحرف إلى البياض فتبيض ألوان أعقابهم على التدريج مع الأيام و بالعكس فيمن يسكن من أهل الشمال أو الرابع بالجنوب فتسود ألوان أعقابهم و في ذلك دليل على أن اللون تابع لمزاج الهواء ...قال ابن سينا في أرجوزته في الطب بالزنج حر غير الأجسادا حتى كسا جلودها سوادا و الصقلب اكتسبت البياضا حتى غدت جلودها بضاضا و أما أهل الشمال فلم يسموا باعتبار ألوانهم لأن البياض كان لوناً لأهل تلك اللغة الواضعة للأسماء فلم يكن فيه غرابة تحمل على اعتباره في التسمية <<<<
| |
|
|
|
|
|
|
Re: ملامح النوبيين وقبائل شرق السودان أقرب للعرب .. وملامح الجعليين أقرب للأفارقة (Re: منتصر عبد الباسط)
|
صبري سلام لا يمكنك اصلا التمييز بين ملامح النوبيين وقبائل الشمال الاخرى بواسطة الشكل او السمات الفيزيقية بشكل عام ، مثلا في عطبرة وشندي ودي اكتر مدن سودانية يغلب على سكانها الجعليين والشوايقة والمحس والدناقلة وغيرهم من قبائل الشمال ، ما ممكن يعني تجر كرسي وتقعد قدام البيت واي زول جاي ماشي فوقك تقدر ترجعوا لاصولو بدون سابق معرفة ، مستحيل طبعا .. ويشترك معهم في هذه المميزات غالبية قبائل الجزيرة والوسط ايضا .. وهذا كله مرده الى الاختلاط خلال قرون عديدة وبعض المؤثرات البيئية ، ولذا كان الناس يميزون بعضهم بالشلوخ كما هو معلوم .
| |
|
|
|
|
|
|
Re: ملامح النوبيين وقبائل شرق السودان أقرب للعرب .. وملامح الجعليين أقرب للأفارقة (Re: الصادق صديق سلمان)
|
Quote: ثمّ أنّ كل الدراسات العلمية تعتمد على العينات العشوائية لو كانت عشرة أو مليون .. وحتى الدراسات المُرتبطة بفحص الحمض النووي DNA تعتمد على عينات عشوائية . |
هسي وينو فحص DNA العملتو لعاصم فقيري ده ولا الطيب مصطفى يا صبري الله يهديك ما تتهجم على شغلات عندها اسيادها وعندها ادواتها ومناهجها التي استقرت لسنين عددا فما تجي تشطبا لينا بجرة كيبورد ساي نحكي ليك القصة دي : استاذنا في الجامعة يس البريقدار زول متخصص في الرسم الهندسي متخصص شنو ده علم الرسم الهندسي في السودان مرة زميلنا رسم ليهو صامولة (سداسية الاضلاع ) وجابها ليهو النصحية الرسمة ما فيها اي عيب من ناحية رسم لكن اداهوفيها صفر لما زميلنا احتج استاذ يس وهو مشهور بسخريته قال ليهو ( تشيل صاملوتك دي وتمشي تسجل ليها براءة اختراع وتمرعلى المجلس الهندسي يقبلها ليك وانت جاي على هنا تمر على المنطقة الصناعية تعمل ليها مفتاح تعمل ده كلو وانا بعد ده كلو يمكن اديك فيها 50%) العلوم عموما نظرية اوتجريبية لها اصول مستقرة وفي حال انك عايز تعدل اي شي في الاصول برضو في طرق مستقرة لتعديل الاصول فشنو الله يهديك قوم لف
وقبل ما تلف جاوب على اسئلة كمال فرانكلي دي فهي مهمة جدا وفي ام راس الموضوع
| |
|
|
|
|
|
|
|