الفنانون يتقدمون مظاهرة تورونتو

Quote: شكرا يا سر طيقور كان نهارا عظيما و كان الحضور مهيبا تورنتو دائما في الموعد و ليتواصل النضال و مزيدا من الدعم و المساندة لمناضلي الداخل الأبرار

Quote: هلا بالمناضلة الكبت بنزين بالغالي تراجي مصطفى المظاهرة كانت جميلة وحاشدة، ليس من تورونتو ومسيساقا وهاميلتون فقط، ولكن من كل أرجاء أونتاريو الجميلة، قد يكون لغيابك أثرٌ في جمالها ؛) ربما ؛) نشوفك المظاهرة القادمة وحق البنزين علي ؛) قسمتي كندا لكندا الجد وكندا الما جد ؛) بالمناسبة فيك شبه من خلطة البلاك بالنيتيف، كدي فتشي يمكن تلقي ليك بطاقة تعفيك من الضريبة كسائر السكان الأصليين ؛) دي مزايدة تشبه تراجي مصطفى تماماً، فما خذلتينا ؛) الباقر عثمان غلطان يا تراجي، مفروض كان يصورك ويتصوّر معاك وينزلها في بروفايلو ؛) إنت وكت دايرة ليك توثيق لي نضالك مالك ما شلتي كمرتك وإتصورتي ؛) _____ يا تراجي أكبري شوية ؛)

Quote: يا تراجي أكبري شوية ؛) وبطلي المزايدة المفضوحة، إنت الزولة الوحيدة "الإتمصرفت" من نضالها ؛)، فكون إنك تكبي بنزين بالغالي، نحن ما رسلناك، وليه ما دخلتي السفارة يدوك حق البنزين والسندوتشات؟ ما قبل كده أكنتي في ضيافة السفيرة متجدعة في الفندق وماخدة مصاريف يومية. أتوا دي لما كنا بنظاهر فيها كان السودانيين المهتمين بالعمل العام يعدوا بأصابع اليد، وكانت تراجي مصطفى هائمة في نواحي الهلال الخصيب والبحر الميت، فبالله عليك أكبري شوية، لا أحد، وفي أي مكان كان، ومهما كان عطائه بمقدوره أن يزايد علينا.

Quote: يا تراجي أسمعي الكلام وأكبري شوية ؛) لا أحد يزايد عليَّ، كما أنا لا أزايِّد على أحد، حتى وإن كان مفضوح النوايا مثل تراجي مصطفى ؛)، أنا يا تراجي ناشط حر، غير مقيَّد بأي قيود تنظيمية، صحيح انا مؤيِّد للجبهة الثورية تأييداً غير مشروطٍ، ووصلتني دعوة من الرفاق بالجبهة الثورية لحضور مظاهرة أتاوا، لم أتمكن من حضورها، ولكن ليس لي رأي سلبي فيها، بل بالعكس، أنا مؤيد لها تأييداً لا يقبل أي نقصان، كتأييدي لأي عمل معارض في أي مكان على ظهر الأرض، ومظاهرة أتاوا لا يعيبها شيء سواء تراجي مصطفى، ورؤياكم الغالية، والله جد ؛). العمل العام، سموهو عام يا تراجي، عشان مايجي زول يمتلكو ويجيروا لمصالحو الشخصية، وأيضاً عشان أي زول يُسهم فيهو بما يستطيع، ويكون المساهم فيه شريك أصيل. عليه يا تراجي، أنت لا تمثلي غير نفسك، كل المنظمات، المدنية منها والسياسية تبرأت منك وطردتك شر طردة، فلا يُعقل يا تراجي أن يجتمع الناس، كل الناس على خطأ، نضال القطر قام البتعملي فيهو وصلك لهذه العزلة، عزلة من كافة منظمات المجتمع المدني، والمنظومات السياسية. أرجو إنك تاني ما تمتني على الناس بأي عمل تساهمين فيه.