Quote: الجز الأول من يوميات ليمونة المجنونة مررت على الديار ديار ليلى ... وقبال أتمّ البيت البت المجنونة صرخت ليلى منوووووووووووو؟ انا زاتي اتهجمت واتخلعت جنس خلعة مسااافة حتى انتبهت انه ليلى دي حبيبة الشاعر داك. شنو الخلاني اتذكر دا هسه ؟ لا حول ولا قوة إلا بالله أول ما قربت لي كوركت فيها مالك جنيتي تكوني مرتي اللتانية ان شاء الله قالت شنو؟ مرتك التانية !! أريتك كان راجل وبتعملا البركة في الحكومة الخلتكم مفلسين حق كباية الشاي ما عندكم قال مرة تانية ... هسه أنا دي كان ما أخواني ديل عرسو ليك كنت عرست ! يا فاشل يا فاشل ؟ يا مرة هوي ارعي بقيدك ! قيدي؟ شايفني بقرة كدي ! قال مرتي التانية يمر مرورك في نار موقدة اربعة ايام مرتك التانية ! يا جاهل يا زبالة. يا زولة انتي مجنونة؟ دا شعر ساي يا سلام شعر ساي؟ وما لقيت إلا ليلى عشان تذكر شعرها؟ تلقاهها بت خالتك المعولة الاسمها ليلى ديك قايلني ما عارفاك؟ جريت وراها أبو يدوك ليها مرة حتى جيتني
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
مها عبدالمنعم
Hani Arabi Mohamed
فيس بوك
تويتر
انستقرام
يوتيوب
بنتيريست