دعواتكم لزميلنا المفكر د.الباقر العفيف بالشفاء العاجل
|
|
 عمر الفاروق دا منو؟
|
قصدت و أنا من المقلين للكتابة أن:
1- أن لا أحد يعرف عمر الفاروق أو كثير منا من قبل أن نكتب هنا و قد تكون حدود المعرفة هي سودانيز أو لاين
2- عندما يكتب الآخرين عن مشاعرهم فمن كريم الأخلاق أن نربت على كتفهم و نقوي من الشعور الإيجابي لديهم و ليس السلبي فيكونوا عونا لنا و لأنفسهم في المستقبل السحيق
3- أقرأ لأحلام مستغانمي و أشعر أنها تمتلك شيئين مهمين للكتابة: الحكمة و الأسلوب و كما قال أحد المعلقين فما أن تبدأ بقراءة ما كتبته إلا تجد غير قادر عن الفكاك منه
أحلام بنعيها لبهنس (الذي لم ينعه كثير من هم في شهرتها أو أقل كثيرا من ذلك) مارست شيئا من الأخلاق الكريمة
و يا عمر أنت لم تفعل ذلك في نقد بوحها عن مشاعرها لموت بهنس الذي لم تعرفه إلا بموته (كما الكثيرر منا)
نرجو العفة عن التسلق للأعالي على أكتاف النيل من أناس لم يبادروكم (الشينة) و مهما قيل فأنت تعكس خطلا ما في كيفية مخاطبة أمثال الأستاذة أحلام
فأرجو صادقا أن تعيد كرة المقياس الأخلاقي و تخبرنا عسى و لعل أن نكتشف ضوءا لا تبصره بصيرتنا
-------------------------------
|
|
 
|
|
|
|
|
|
|
|
Re: عمر الفاروق دا منو؟ (Re: درديري كباشي)
|
يا عمر
لا ندعي أننا قرأنا لأحلام و لكننا نعرفها...و كذلك يعرفها الكثيرون ممن لم يقرأو لها حرفا
و لكننا نقرأ ما تكتبه هنا أو جله و بالكاد نعرفك
إن في ذلك لعبرة لأولي الألباب
| |
|
|
|
|
|
|
|
|
|
Re: عمر الفاروق دا منو؟ (Re: malik_aljack)
|
حقيقي يكفينا منها إنسانيتها في كلماتها ..
والإنسانية إحساس وفعل عالمي يربط الإنسان الكريم بأخيه الإنسان في أي منطقة في العالم..
شكرا الأديبة أحلام ...
تحياتي مالك الجاك....
...............
| |
|
|
|
|
|
|
|
|
Re: عمر الفاروق دا منو؟ (Re: malik_aljack)
|
| Quote: نرجو العفة عن التسلق للأعالي على أكتاف النيل من أناس لم يبادروكم (الشينة) و مهما قيل فأنت تعكس خطلا ما في كيفية مخاطبة أمثال الأستاذة أحلام |
الزول ده من زمان قاعد يتسلق بدون عفة وقدر ما نبهناهو ابى ينتبه !
| |
|
|
|
|
|
|
|
|
|
Re: عمر الفاروق دا منو؟ (Re: طلحة عبدالله)
|
الاخ الكريم .....
شكرا لاحلام وكلماتها الرقيقة ومقامها الرفيع في النعي او المدح او الوجدان ....
ولكن يخيل لي عمر ما تحدث عن كتابة احلام عن بهنس وانما اشار لظاهرة (الاحتفاء غير الجميل )..مننا بكتابة الغير ...دي ظاهرة غير جميلة مننا ...ممكن واحد كتب عن نعي او رثاء احلام الزولة الجميلة خلاص لكن كون خمسين زول دا المامقبول ابدا
انا (وبرضو زولة مغموسة وممكن نكرة لا يهم اتضايق من طريقة تهليلنا للكثير الذي لا يستحق ....
احلام كتبت وشكرا ليها ودا شي عادي او اكثر الما عادي نخلي مصيبتنا ونقعد نهلل لاحلام في خمسة سطور او كتاب .....وحقو ما نزعل من عمر لو جاب لينا نصيحة حتى وان لم تكن بقالب الجد
اها انا جد كدا مع ماذهب اليه عمر
وبحب احلام موووت وعندي كل ما كتبت احلام من روايات واكثر بل كل زواياها في كثير من مجلات اقصها واحتفظ بها واتاثر بها كثيرا ...وفرحت بحزنها معنا في فقيدنا بهنس الذي لايقل عنها (عظمة )والعظمة لله
واكيد هي عرفت مقام بهنس ونشكر لها ذلك
وعمر دا لو اتيحت ليهو الفرصة للعالمية حيكون عندو جمهووور يفوق احلام .....بس الله قادر
شكرا لاحلام ولك ولعمر الفارووق ...
ومني محبتي
| |
|
|
|
|
|
|
|
|
|
Re: عمر الفاروق دا منو؟ (Re: Jamal Mustafa)
|
مالك الجاك
طبعاً ح يفتح ليك بوست
من هو مالكـ الجاك ... أو
عاوز تشتهر بأسمــــــــــــــــه .......
ـــــــــــــــــــــــــــــــــــــــــــــــــــــــ
أالأسود يليق بكـ ..
| |
|
|
|
|
|
|
|
|
|
Re: عمر الفاروق دا منو؟ (Re: معروف حمدين)
|
| Quote: ولكن يخيل لي عمر ما تحدث عن كتابة احلام عن بهنس وانما اشار لظاهرة (الاحتفاء غير الجميل )..مننا بكتابة الغير ...دي ظاهرة غير جميلة مننا ...ممكن واحد كتب عن نعي او رثاء احلام الزولة الجميلة خلاص لكن كون خمسين زول دا المامقبول ابدا |
Quote: ياسر يا جميل..
كلامك فيما يتعلق بتعريف مستغانمي وكونها مشهورة ما بيبرر إننا نمجد ما كتبته ..
خصوووصاً وانا مصر إلحاحاً قصة إنها ما بتعرفه وما قرت ليهو ولا سمعته ما بتكون ختتا إعتباطاً ..
ياخ الزولة كان واضح جداً إنها ما ملمة بي أبعاد القضية بتاعت موت بهنس الله يرحمه..
ورغماً عن كده جينا فلفلنا كم سطر وعملنا منهم لوحة ومدرسة في فن الرثاء والتعبير ..
العملتو احلام ده بيشبه للحد البعيد ما يكتبه شعراء الايامات دي للفنانين ..ياخ عليك الله اكتب لي اغنية عن امدرمان..ياخ عايز لي اغنية يكون فيها كلمة بقجلي..
عايز لي قصيدة عن اتنين بحبو بعض وخلتو ..
ويقوم الشاعر يطلع ورقة وقلم ويكتب..
واضح جداً ما كتبته احلام إنه مكتوب بتوصية أو بحكاية إتحكت ليها من واحد من معارف الطرفين ..
ورغماً عن كده جينا هللنا وكبرنا لمجرد إنو روائية مشهورة رثت فنان سوداني لا بتعرفو لا سمعت بيهو لا قرت ليهو !!!!!!!
طيب لييه إختارت بهنس ده تحديدا للتعبير عنو ؟؟؟
ما حكوا ليها عن ماسي مشردين كتااار ماتو تحت الخيران؟؟
ولا موت التلج تعابيره الفلسفية جميلة وبتخليك تكتب سرد قصصي رائع من شاكلة أرقد بسلام فثلجك أبيض كما كفنك ..نم يا صديقي بارداً فالاحتباس الحراري قادم وحينها لن يجد سكان الفاصل المداري سوى أن يحملوا اكفانهم براكين ..
لم تمت يا بهنس ..أنت في قفوة بعدها سيدق المنبه عند الساعة الواحدة إلا كابوساً ..تصحو ثم تطبع قبلة بطعم الخبز على جبين سمراء ..
يا ياسر ياخ نحن عندنا خلل كبير جداً في حتة ما فيما يتعلق بالاخرين من اصحاب اللحوم البيضاء .. |
| |
|
|
|
|
|
|
|
|
|
Re: عمر الفاروق دا منو؟ (Re: HAIDER ALZAIN)
|
| Quote: ولكن يخيل لي عمر ما تحدث عن كتابة احلام عن بهنس |
Quote: لزولة دي حتى لحظة كتابة حروفها لا قرت ليهو لا سمعت بيهو ..
إذن هذه الكتابة مصطنعة ..
طيب نفترض إنها كتابة من القلب للقلب الهيجة شنو ؟؟ والقومة دون القعدة فوق كم؟؟
احلام كتبت..احلام ترثي بهنس ..احلام تخط أروع ما قرأت عن الراحل بهنس..
ياخ اقول ليك حاجة ؟ كدي تعال نفلفل كلامها الهللت بيهو الناس ده وعملتو أجمل وأروع وأصدق ما كتب عن بهنس ..
كلام إنشائي لا أكتر ولا أقل..
أكتب ليك زيو ؟؟ |
| Quote: ولكن يخيل لي عمر ما تحدث عن كتابة احلام عن بهنس |
Quote: لم أسعد بالإحتفاء بكتابة الاخرين لمجرد الاسم اللامع ..
لم أسعد لمجرد أن تكتب وكأنك مجبور على الكتابة أو ملكوز لكزاً ..
اسوأ الكتابات تلك التي تبدو مصطنعة .. |
| Quote: ولكن يخيل لي عمر ما تحدث عن كتابة احلام عن بهنس |
Quote:
ما هبشتني..
كلام حسيت بيهو لغوي أكتر من كونه من الأعماق ..
كتابة إنشائية مثقفاتية روائية أكتر من كونها تعزية .. |
| |
|
|
|
|
|
|
|
|
|
Re: عمر الفاروق دا منو؟ (Re: HAIDER ALZAIN)
|
الأخ حيدر الزين
لك التحية
أعتقد أن عمر الفاروق لم يتحدث عن احلام ولكن هذا الزمان كثيرون يقرأون ولا يتدبرون المعاني ونسأل الله لهم الهداية ، في التأني السلامة.
| |
|
|
|
|
|
|
|
|
|
Re: عمر الفاروق دا منو؟ (Re: معروف حمدين)
|
والله يا باشمهندس الزول ده حيرنا فى صنقورنا .
الناس كتبوا عن مانديلا واحمد فؤاد نجم باعتبار انهم رموز وكان ليهم دور كبير واسهمات فى محيطهم الداخلى والخارجي و تركوا بصمة فى وجدان كل الشعوب .
جا طلعم ليك مواهيم ساكت وقال مفروض ما نمشى لى نا س ما بجونا منو البيعرف حميد ومنو البيعرف منو ووووو.
هسع لما جات احلام البتعرفنا ومحبة لينا كشعب سودانى ومهتمة بشأننا طلعه ليك محرشة من اصدقائها المثفقاتية السودانيين.
| |
|
|
|
|
|
|
|
|
|
Re: عمر الفاروق دا منو؟ (Re: HAIDER ALZAIN)
|
الاخ حيدر الزين .....قريت بوست عمر عن احلام وفهمت انه محتج عن التهليل ...وتوافق ذلك معي ....
اما ما قمت باعادته هنا على لسان عمر فحقا لو فلفل كلام وحروف احلام كل يوم سيكتشف الجمال والعبير والحروف المموسقة ...واحلام كما عرفتها لا تكتب الا بشفافية عالية ولا نختلف عليها ابدا ......
انا في احلام مامعاهو ابدا وبفرح جدا جدا لمن القى (زول ما سوداني يتحدث عن السودان فما بالك (عالية المقام مستغانمي )رثاء او غيرو .....
بس يا ود الجاك عمر دا برضو زول مهم في ساحات النقد (الذاتي )......وانت شكلك اثر فيك لمن خصيتو ببوست كااامل وتداخلو معاك الناس بين معترف وناكر .....
محبتي لكم جميعا ....وخلونا من عمر ....ونمشي نفكر جميعا في (ماوراء موت بهنس )بماذا خرجنا ....احلام كتبت والمصرين كتبوا وناس امونه كتبوا ...ومهنس مات غبن او برد ....النتيجة والخلاصة شنو ......
يا مالك نحن ناس غربة خلونا نحل المشكلة جزريا ....
ومني محبتي
| |
|
|
|
|
|
|
|
|
|
Re: عمر الفاروق دا منو؟ (Re: نعمات حمود)
|
| Quote: عمر الفاروق دا منو؟ |
اعتقد انه من قال فيهم القائل :
البعض يعتقدون ان منتديات الحوار فرصة ذهبية لا تقدر بثمن لشتم الناس والتقليل من شأنهم والبصق علي مبادئهم دون ان تشعر بتانيب الضمير خصوصا وهم يكتبون باسماء مستعارة او اسماء مغمورة.
يا طلحة بالله لو سمحت قليلا من التهذيب في لغتك واوصافك .. وقد اعذر من انذر
| |
|
|
|
|
|
|
|
|
|
Re: عمر الفاروق دا منو؟ (Re: اساسي)
|
طبعا يا أساسي إتا كمتصيد لعثرات نجوم البورد والمنابر الاسفيرية
ستستميت ليظل الناقد المميز عمر الفاروق معلقا بالشبكة التى وقع فيها
بسبب هفوة عابرة هو بالتأكيد ورغم نباهته المشهودة غير منزه عنها.
من المؤسف والله هذا التربص الذي تمارسه للتنقيب عن أخطاء النجوم
من تحت المجهر تدفعك الحسادة والغيرة بعد أن فشلت كل جهودك
ومحاولاتك في الإرتقاء إلى مصافهم .. تماما ككديس الجيران الذي
عندما لم يجد سبيلا إلى ربع كيلو لحمة أم النور المعلقة في المشعليب قال ما قال
تبخيسا وتحقيرا .
تقبل تهنئتي لك كونك لقيت الهواء لتضري عيشك بعد الكتمة الشديدة التى
أبقاك فيها أبوعمير طوال الفترة السابقة.
............
يا المدعو أساسي التهذيب في النص نص واللا الشبشب ؟؟؟ .. هههههه
| |
|
|
|
|
|
|
|
|
|
Re: عمر الفاروق دا منو؟ (Re: اساسي)
|
صدقت والله يا مالك الجاك
كل من كتب حرفاً عن السودان والسودانيين , علا شأنه او دنا فنحن له شاكرون
فما بالك في من يكتب عن احد عباقرة الفن السوداني والذي كانت وفاته على قارعة الطريق
رحمه الله
| |
|
|
|
|
|
|
|
|
|
Re: عمر الفاروق دا منو؟ (Re: نعمات حمود)
|
عمر الفاروق دا منو؟
هههههه
ياحيدر يا سمح يا زين
عمر الفاروق زي ماقالت نعمات احتج على التهليل وضرب مثل ببيت العزاء لما يجى واحد حنفولى واظن فكرتو للبوست كانت ياها دى
لكن بعداك جاهو صديقه اللدود اساسى وانت وكم واحد تانى جهجهتو باكاتو وخليتو يتمادى ويتحمق شوية كدا
وبى شغل السودانيين داك يمشى ابعد من انتقادو للسودانيين ويصل مرحلة انو يخش فى كتابات احلام الحية
ودا ياهو زاتو الشعر الماعندو ليهو رقبة ..
غايتو الكويسة فى الموضوع انو بوستو داك حيكون من ذاكرة الجسد أقصد الارشيف بعد يومين
وحيكون الخور او الارشيف يليق به بعد ساعات قلايل
وحتفضل الاجابة عن عمر الفاروق دا منو ؟ هى :
عمر الفاروق دا زول له فى اوساط سودانيز اونلاين ما لاحلام فى اوساط الكتاب والجمهور العربى
| |
|
|
|
|
|
|
|
|
|
Re: عمر الفاروق دا منو؟ (Re: انور التكينة)
|
العزيز انور التكينة
ليس انتقاصاً من حق الزميل عمر الفاروق وليس دفاعاً عن علم من علماء السودان في الكيمياء مالك محمد الجاك
Quote: شكرا عمر الفاروق فقد اتحت لنا ان لنا زميلا فى البورد اسمه مالك الجاك
و كمان مسجل من 2002 .. و دى براها فايدة |
مالك محمد الجاك هذا يا انور من علماء السودان في الكيمياء
ولكنه قليل الكلام - وبس
| |
|
|
|
|
|
|
|
|
|
Re: عمر الفاروق دا منو؟ (Re: عمر الفاروق)
|
بناءا على ما قال وقيل وسيقال
احتمال عمر دا اختلفت عليه الاحلامات ويكون قاصد احلام بتاعة الخليج وخاصة بعد ظهور صور وجبة الكنتاكي في البوست ..
بالتالي يكون أشر يمين ولف شمال ..
هدوا شوية هو ليس كفرا يستوجب حكم الردة
وبعيدا عن المرحوم بهنس والذي ينتظر منا فقط دعاءا بالعفو والمغفرة ورجاءا من قبول المولى ان يكرمه ويحسن مسواه ..بغض النظر عن هوية الداعي والمترحم .. قد تكون همهمات بكماء بكلام غير مفهوم لدينا اقرب واصدق الى الله من بلاغة وفصاحة احلام ..
اما كتابات احلام ورأي محبيها فيها والمختلفين معها .. تحتاج لبوست منفصل يتيح فرصة اكبر واوسع لتحليل تلك الاعمال الضخمة بكل زخمها والقها ..بعد استثناء رثاءها لبهنس رحمه الله ..
| |
|
|
|
|
|
|
|
|
|
Re: عمر الفاروق دا منو؟ (Re: درديري كباشي)
|
درديري ..
وإنت الصادق أحلامي ما الطقاقة..
احلامي القاصدا ياها القالوا طلعت روائية وكاتبة جزائرية دي!!!
سألت لأني ما بعرفا ..وإستنكرت إبتهاجنا وإحتفالنا بيها ..
أهو انا أسة جبت ليهو واحدة من مطبوعاتي ومجموعتي الشعرية يعني زيي زي أحلام دي ..فمعناها لي الحق أسة أنط ليهو في رقبتو واقول ليهو كيييف ما تعرف عمر الفاروق؟؟؟
نفس المعايير الح يطبقا علي انا في عدم قراءته أو إعجابه بمنتوجي الفني أو حتى عدم معرفته لشاعر ما بعد الحداثة عمر الفاروق شيخ الدين صاحب ديوان التفاحة هي نفس المعايير الطبقتها انا في عدم سمعي بي احلام دي ولا قريت ليها الرواية القالوا إسمها الأسود يليق بك ..
تخريمة :
أحد اصحابي الظرفاء حلف لي قال لي والله كنت قايلا محسية لمن سمعت الإسم ..بعد شوية ركزت في إنو مستغانمي غير مسكاقمي ..
| |
|
|
|
|
|
|
|
|
|
Re: عمر الفاروق دا منو؟ (Re: خالد عبد الله محمود)
|
Quote:
اتلح (سوريز لاعب الليفر ) و قال عنو (اي كلام ) اللاعب الان هداف الدوري الانجليزي ههههههههههههههه و احتمال يطلع نجم الموسم و الهداف و يشيل الكورة الذهبية و الحذاء الذهبي
رد · أعجبني · متابعة المنشور · منذ 4 دقائق |
ما عرفت منو دا البتكلم عن سواريز لاعب ليفربول من أورغواي؟ مع أنني أكره ليفربول وأشجع المانيو منذ أيام جورج بست وسير بوبي شارلتون ولكن الحق لله تمنيت أن يلعب سواريز في يونايتد. أكره حتى سواريز منذ اليوم المسك فيهو الكورة وهي في طريقها للشباك في مباراة غانا وأورغواي في كاس العالم السابق في جنوب أفريقيا وحرم غانا من الصعود لدور الثمانية لأن اللاعب الغاني أضاع ضربة الجزاء. ولكن اقول إنني أشجعه لأنه أفضل مهاجم في دوري البريميه ليق الآن.
البهاجم سواريز ويقول عنه كلام سالب في لعبه وتسجيله للأهداف ندعوه للكتابة عن فشلونة وريالة مدريد ويخلي الدوري الإنجليزي للحرفاء والفاهمين الكورة على أصلها متلي كي هههههه.
تحياتي
كبـّاشي الصـّـافي
| |
|
|
|
|
|
|
|
|
|
Re: عمر الفاروق دا منو؟ (Re: cantona_1)
|
تحياتي لكل المتداخلين و سنرد ببعض التفصيل في زمن لاحق
و لكن هناك بعض التوضيحات التي يجب أن تتركز في ذهن القارئ حتى لا ننحرف إلى مدارك لا نعي كنهها:
1- شكرا صديقي الصادق صديق للمداخلة و لكني أعتقد أنك (لخبط) بيني و بين شخص آخر في الكيمياء ...فآخر عهد لي بها كان مع النجومي في ال OLT
2- لك عاطر التحايا الأستاذ معروف...أنا لست معروفا أو مشهورا و لا أرغب تماما في ذلك...كما أنه ليس بعسير أن يشتهر شخص ما في فلك سودانيز أونلاين!!!
3- هذا البوست ليس للنيل من الزميل عمر الفاروق أكثر من أن نعرفه أكثر
4- الأستاذه نعمات ..هناك بعض التناقض في ما كتبتيه و يحتاج منك لبعض التوضيح..في الأول قلت أن عمر لم يتناول كتابة الأستاذة أحلام بل احتفائية من شجاهم النعي و تعبيرهم صراحة بذلك
ثم أنت (تنفضين طرفك) من رأيه في كتاباتها عندما جاء الأستاذ حيدر بما نقرته أصابع عمر على الكمبيوتر
لكي لا نذهب بعيدا أو نأتي قريبا:
سنأتي بعد قليل
--------
يا أنور التكينة...الكتابة مسؤولية كبيرة و لذلك لا يمكن لي (و أنا لست كاتب راتب) أن أكتب في سودانيز أون لاين ما يمكن أن يعرفني به الناس لمجرد أن يعرفني الناس
و للعلم أنا من قبل 2002 ...في السيرفرات القديمة لما كانت البداية إيميل سيرفيس من بكري على غرار هوتميل...منتصف 1999
| |
|
|
|
|
|
|
|
|
 Re: عمر الفاروق دا منو؟ (Re: malik_aljack)
|
| Quote: أنا لست معروفا أو مشهورا و لا أرغب تماما في ذلك |
صديقي الباشمهندس مالك ..
كونك لا ترغب فى الشهرة هنا ..لأنك تمتعت بالشهرة فى ميادين أخر ..
وصدق من وصفك بأنك عالم من علماء السودان ...ولكنه التواضع ..والإيمان بأن ليس كل ما يلمع ذهبا .
ونفخر بأنك معنا فى حزب الخضر ..ومن أهم أعمدته .
.........
أما عن عمر الفاروق الشهير بالفاروغ :)
فهوايته إثارة الزوابع والأعاصير ...وهذا ما صنع له شهرته فى البورد ..
فهو من أساطين أسلوب (خالف تذكر ) ..والمشاكسة وإثارة الغبار .
وأسلوبه هذا ..إتفقنا أم إختلفنا معه ..يظل أسلوبا جذابا .
وأتفق كثيرا مع نعمات ..فلو أراد عمر ..أو أردت أنت الشهرة فى الكتابة ..
لنلتماها بسهولة ..فأنتما معا تمتلكان ناصية التعبير والتذوق ..
ولكنكما عازفان عن هذه الشهرة ..كمعظم المبدعين والمبدعات السودانيين ..
وهذا هو عين الأمر الذي جعل طحالب الفكر والإبداع والثقافة تتسلق على أكتافنا .
محبتي لكما .
| |
|
|
|
|
|
|
|
|
|
Re: عمر الفاروق دا منو؟ (Re: تبارك شيخ الدين جبريل)
|
غايتو يا طبارك جاييب لي السمعة والكلام فشكراً لتوضيحك بالنفي ..:)
ياخي محل ما أمشي يقولوا لي انت اخو طبارك؟؟؟
غريبة لا بيقولوا لي اخو تماضر لا اخو المغداد..
بي سببك رفضوا لي أكتر من 1432 طلب صداقة في الفيس وتم حظري من 47 مجموعة في الواتس ..
تبارك ياخ يعلم الله انا بحبك سااااي كده بلا شغلة ..:):):)
| |
|
|
|
|
|
|
|
|
|
Re: عمر الفاروق دا منو؟ (Re: عمر الفاروق)
|
| Quote: تبارك ياخ يعلم الله انا بحبك سااااي كده بلا شغلة ..:):):) |
اها قمنا علي شغل النفاق وتحسين العلاقات العامة والمداهنة .. اسع عليك الله دا وقت مناسب في خضم الناس بترش فيك تقعد تبث اشواقك ومحبتك لي تبارك من ( غير داع ) اسع مالك الجاك ذنبو شنو بمشاعرك المبزولة نفاقا لتبارك دي ؟ لو خلااااص مكسر في تبارك دا كدا وما قادر تمسك نفسك وحب تبارك فاض ونضح علي كيبوردك امشي ليهو في الماسنجر ياخ او في الفيسبوك وبثو اشواقك واهاتك دي .. لكن لانك عارف نفسك مزنوق فبديت شغل جبر خواطر وشرا مواقف ببزل المحبة رخيصة بلا شغلة ..كدا سااااي
اسمع في خضم عواطفك الجاشت فجاءة دي ما حاسي باي عاطفة تجاه محمد المشرف ؟
| |
|
|
|
|
|
|
|
|
|
Re: عمر الفاروق دا منو؟ (Re: اساسي)
|
| Quote: اسمع في خضم عواطفك الجاشت فجاءة دي ما حاسي باي عاطفة تجاه محمد المشرف ؟ |
ياخوي تبارك ده جدّو لو خلااااص أكل وحلّى كان بيحلّي بي تمر بي الشاي..المشرف داك ما بنقدر عليهو بي المارتديلا والباسطرمة دي ..
أما فيما يتعلق بحبي لتبارك فهو ليس وليد اللحظة فقد عبّرت له في أكتر من مداخلة وربما أفردت بوستاً لذلك لكن ما متذكرو النصيحة ..
تبارك ده كنز معرفي يمشي على كرعين لكن لأنو بيرميها بب كده فما بتخارج مع متثوقفي قوشرانيز أون لاين ..
أما البضمنو ليك يا اساسي ومتأكد منو فتبارك ما بيلخبت الكيمان ولا يعوس الابري بي الحلو مر ولو عايز يرشني بعد كلامي ده بيواصل في رشو عااادي ..
| |
|
|
|
|
|
|
|
|
|
Re: عمر الفاروق دا منو؟ (Re: عمر الفاروق)
|
| Quote: البهاجم سواريز ويقول عنه كلام سالب في لعبه وتسجيله للأهداف ندعوه للكتابة عن فشلونة وريالة مدريد ويخلي الدوري الإنجليزي للحرفاء والفاهمين الكورة على أصلها متلي كي هههههه. |
كانتونا ..
انا من هاجم سواريز وما اظن تفوت على فطنتك إني انا المقصود ..
بس للضمان كده والتذكير كانت بيناتنا مداخلات في زمن ما ايام الزمن الجميل فيما يتعلق بالكورة الانجليزية لمن انا كنت بكتب عن مانشستر يونايتد وكيف كنت بتحكي لي عن حبك لهذا الفريق ومتابعتك ليهو من سبعينيات ولا ستينيات القرن الماضي ما عارف..
والغريبة كنت مصنفني ممن يفهمون في الدوري الانجليزي تماااماً ..
عموما انا الزول داك زاااتو عمر الفاروق لو ذاكرتك لسة بخيرها فيما يتعلق بي اعضاء الموقع..
بالنسبة لي قصة سواريز هداف الدوري فتعليقي الكتبته في الفيس بوك كتبته وسواريز كان هدافاً للدوري وأزيد كاتب المداخلة الجيابنها من نافذة الفيس إنو سواريز لاعب منقوص 6 مباريات من بداية الموسم وقف منها جزء في السابق..
وسواريز هداف للدوري الهولندي ..
سووو وات؟؟
انا ما قلت الزول ده ما بيعرف يجيب قون ولا قلت الزول بليد .. لكن سواريز مهاجم عادي ولو قعد مليون سنة لي قدام ما ح يصل مرحلة الترشح للكرة الذهبية بين الثلاثة العظام ..
ياخ ديمبا با بتاع نيوكاسل سابقا وشيلسي حاليا كان بينافس على هداف الدوري الانجليزي اها شنو ؟؟
فان بيرسي هداف الارسنال السابق والمانيو الحالي هداف الدوري الانجليزي شنو يعني؟؟
ديل ما بيصنفوا من اللاعبين الظواهر أو الخوارق لاعبين عاديين في زييهم كتااار ..
| |
|
|
|
|
|
|
|
|
|
Re: عمر الفاروق دا منو؟ (Re: تبارك شيخ الدين جبريل)
|
الاخ مالك ....التحية والاحترام ....
لا اتناقض كما فهمت في كلامي ....
فتحت البوست في بداياته وفهمت ما فهمت ان عمر محتج في التهليل ....ووافق هذا رايي .....
ولكن ما قاله مؤخرا كان في سياق مداخلاته لم اتابع البوست .....لذلك عندما اتى الاستاذ حيدر الزين بمداخلة عمر ....نفلفل وما ادراك اوضحت وجهة نظري وهي ثابته لن تتحرك او تتزحزح شبرا ....
احلامنا لايختلف عليها احدا في تقديري ......ومشكورة على حروفها الباذخة في فقيدنا بهنس
عمر زول جميل وبكتب بطرافة في تقديري ونقدو جميل بالنسبة لي .....
ظاهرة تبجيل الغير بصورة كبيرة والاحتفاء بما يفعلونه لنا حقوا نقيف عندو شوية وبلا مكابرة .....
بهنسنا مثلا كان رجل عال المقام بما قدمه للمجتمع فن تشكيلي ورواية وشعر والكثير ...يستحق ان يرثية كل من يقدر هذا الزخم من العطاء ...ومهمة الكاتب تبدو اكثر وضوحا في مثل هذه المواقف ...ومن حق بهنس وامثاله ان يرثية كل من يستوعب ماجرى له لاغيره من الذين يموت بهذا السيناريو والتميز له بما قدم لانه لم يكن شخصا عاديا ...
فلماذا نستغرب ونستكثر هذا علينا كسودانيين .....وكثير من المواقف تحزنني (وقد حدث ذات مره لي ان كتبت اللبنانية يمنى عيد عن الطيب صالح واعماله دراسات نقدية قامت الدنيا ولم تقعد شعرت ان العالم احتفى بيمنى اكثر مما كتب الراحل العظيم الطيب صالح .....احزنني ذلك ساعتها ...)يجب ان نفهم انني نستحق الكثير من كتاب العالم واعلام العالم ونحن شعب عظيم في الكثير ومتميز ...من حقنا عليهم
ومني محبتي
| |
|
|
|
|
|
|
|
|
|
Re: عمر الفاروق دا منو؟ (Re: نعمات حمود)
|
ده الرد الكتبتو لي الاخت نعمات حمود وكان من أول المداخلات ..
مداخلة راقية وواضحة المعالم إتفقت معاي في جزء وخالفتني في جزء ..
تسلمي يا نعمات يا حمود وإن إختلفنا في بعض..
Quote: اخوي عمر .....
مشكلتك الكبيرة الصدق بلا مجاملة في النقد للتظاهرات المصاحبة (لقصصنا السودانية ....موت بهنس رحمة الله تتغشاه مثالا )
احلام مستغانمي ككاتبة روائية بالنسبة لي كانثى ترضيني كثيرا ...بل احبها وقد التقيتها كثيرا في محافل معارض الكتب والثقافة ...انسانيا جزائرية طيبة ومتواضعة جدا ...حكت لي عن السودان بصورة عامة واعجبت بكثير ما قلته لها عن تفاصيلنا
السودانية الغريبة ....عن طريقتنا في العلاقات والتواصل والسلام وكانت تسالني دا بتعرفيه كلما مر احدهم من السودانيين فاقول لها اول مرة فتضحك ...حكيت لها عن طريقة نومنا في الحيشان في حالة تجمع الاسرة ...وعن القراية التي نمارسها بالشيرنق بين (اولاد الاورنيش باعتبارهم طبقة بسيطة في تعاون جميل وفي حب القراية ....حكت لي الكثير عن السودان
الاخ عمر :لم استغرب ان تهتم لموت اي سوداني مبدع او لا ...لانها تشارك دوما هموم الاخرين من العرب في اخر لقائي بها تحدثت عن سوريا حتى ابكت الحاضرين ...
المهم يا صديقي نحن .!!!نحن السودانيين ..وعقدة الاخر غير السوداني حتى وان كان اقل بكثير مننا ...يجب ان نتدارك مكانتنا التي يجب ان ناخذها ...وانا شخصيا ارى ان ما كتبته امنة مختار والموج واخرين كثر اجمل بكثير من مستغانمي ولكن عظمة ك
حروف مستغانمي في كون انها جزائرية عاشت همنا نحن وحزنت على ولدنا بهنسنا السوداني ومعها كثر من المرهفين المبدعين ..عبدالرازق المصري وغيرهم من غير السودانيين ...شاركتنا الحزن والوجع حتى جادت قريحتها بشي من الحروف الجميلة حتى وان لم ترتقي لهز جوانحكم فالهدف هي اعلنت عنه انها حزنت وكتبت وشاركتنا فلها الشكر والتقدير ....
اما ان نحتفي بهالة من الفرح فهذا هو مربط الفرس ...(اكثر من 3000)مداخلة وبلا حدود اللايكات )فهذا يعني الكثير )
بهنس قابلته مرتين عابرات ولا انكر اولهما توجست خيفة ان يكون مجنون او ظننت متشردا ...اخبرني صديقا له به وحزنت وقتها له ....الان اعي تماما موته ...ليس البرد كما قيل ....لكنه الغبن والحزن ...الغبن على ضياح احلامه ...يوم ان لفظه بلده ...وللاسف استجار بالنار القاهرة التي لاتقبل بلا (فلوس احدنا )منذ فرعون وقارون )الدراهم والجنيهات فقط )لذلك ارى انه ذهب للمكان الخطا...
بهنسنا مات حزنا حين طرق كما حكى لي احد كتاب اليوم السابع ان الكثير من اصحابه لم يفتحوا له بيوتهم ولا بيوت الشباب (الشيرنق )والكثيرون الذين تاففوا منه وهو يقتات فتات الطعام بمطاعم ربما سودانية بالقاهرة ....القضية ليست البرد الذي الفه سنينا .....مات لانه مارس كل مواهب الابداع شعر ورواية وفن تشكيلي ....لم يقيم ولم يقدر ولم يجد كيانا من هؤلاء يحمية في كل العالم هناك روابط تساعد وتحمي وتدعم اين الفنانين التشكيلين واين الكتاب واين الشعراء واين واين نحن ...الالاف البهانس ماتت قبله والالاف في طريقهم لنفس السيناريو وبالنسبة للبرد الالف النساء والرجال والاطفال على قارعة شوارعنا بالسودان نفسه وبالعاصمة ...وكل هو فنان ربما في صفة ما ....ولكنها الحياة الغريبة التي تاتينا كل يوم بجديد ....مات بهنسنا بكل ما يحمل ويجسد وبكينا نحن انفسنا فيه ...ولكننا ماذا سنفعل ...ترجل بهنس بعد طبطب علينا هيا اصحو يا ناس ....ماذا فاعلون ...وما هو مغذى كليمات مستغانمي ماذا وراء كتابتنا ...هل هو صورة جديدة للنواح والرثاء فقط ام هي نقطة انطلاق لخطوة يجب ان تحدث الان .....
شكرا لاحلام ....الجزائرية وهي تشاركنا حزننا على اخونا بهنس ....وكل الذين كتبوا وعبروا ....
وللذين لايجيدون الا الحتفاء بالغرباء ...الله يعافيكم ....ويا عمر (دايما اجد ما اريد قولة بقلمك )....ومني حزني |
| |
|
|
|
|
|
|
|
|
|
Re: عمر الفاروق دا منو؟ (Re: عمر الفاروق)
|
يا عمر بدل حملة التملق الشغال فيها دي مفروض يكون عندك ذوق ودم وتعتذر لي نعمات دي علي الورطة السخيفة الورطتها ليها دي لدرجة انها الان بتفتش لي نفسها في مراقات وتبريرات تزود بيها عن الوضع المعقد جدا الوقعت فيهو جراء التضامن معاك .. الكلام دا برجعنا لمربع واحد في انه بوستك المتهافت بتاع مستغانمي جاء فاقد الهوية والمنطق وما عارف نفسه بتكلم عن شنو البوست زاتو .. عشان كدا تداعيات الكلام دا نتايجها بدات تظهر شوية شوية وبانت بجلاء في موقف الاخت نعمات الاخير لما بدت تشبر وتفرز وتشخت حدود جديدة لموقفها المعقد . المهم مفروض تملك الجراة انك تعتذر لمن ساندوك وناصروا موقفك المضعضع بحكم دخولهم الي البوست وفي ذهنهم عمر الفاروغ الود الظريف الكتابته دمها خفيف ونقده الواضح وكونه بيرمي الحاجات بب كدا
فعمر الفاروغ الجو ليهو في ذلك البوست كانت غير ما يعتقدون .. حركته دوافع الشلاقة اكتر من اي منطق يحكم موقفه عشان كدا وجد السخط من الجميع الا من حفظ له ودا زي اختنا حمود
المهم حب تبارك دا انت ماااااااا قدرو يا عمر ما تتشالق ساي ... طبارك دا زول لبرالي لما قادي السلك بهناك .. بيؤمن بحقوق المثليين والسحاقيات والاصل عنده اظهار مفاتن المراة للسابلة
بعدين الزول دا بيجي البورد حسب الفي راسه .. ما تضمن حبه دا بعدين يجيب حقوق مدنية ولا شرعيه ^_^
| |
|
|
|
|
|
|
|
|
|
Re: عمر الفاروق دا منو؟ (Re: اساسي)
|
ماشي كويس يا أساسي ..
باقي ليك تلاتة نقاط وتهرب من منطقة الهبوط وتثبت في الممتاز ..
بعد داك ممكن أجي أرد عليك ..
واصل يا حبوب..
أما فيما يتعلق بتبارك فللضماان كده ما لزم توضحه إنو حبي ليهو لله في لله فما عارف ده وضعو شنو عند تبارك في تصنيفاته ..:):)
| |
|
|
|
|
|
|
|
|
 Re: عمر الفاروق دا منو؟ (Re: اساسي)
|
تسلمي الأخت نعمات حمود ..
وأتفهم حتة الخم المرات بتحصل خاصة مع زول كما قلتي راس مال كتابو الطرافة والظرافة ..
لا عليك وقرضي على حتة :/
| Quote: انا في احلام مامعاهو ابدا وبفرح جدا جدا لمن القى (زول ما سوداني يتحدث عن السودان فما بالك (عالية المقام مستغانمي )رثاء او غيرو ..... |
تحياتي
| |
|
|
|
|
|
|
|
|
|
Re: عمر الفاروق دا منو؟ (Re: HAIDER ALZAIN)
|
يا عمر الفاروق
شكلك قاعد تشتت فى الكورة فى الزمن الباقي للمباراة ( اقصد الربع الاخير )
ولم أراك فى قائمة التسجيلات بألحاق البوست للربع الجديد
( بلاش حركات وسجل البوست سريع )
ــــــــــــــــــــــــــــــــــــــــــــــــــــــــ
بالعدم يعتبر أساسي الفائز بالنتيجة 10/ صفر
| |
|
|
|
|
|
|
|
|
|
Re: عمر الفاروق دا منو؟ (Re: معروف حمدين)
|
معروف يا حمدين ..
انا لاعب نجم ..البيعمل فيهو اساسي ده حركات اللعيبة البيظهروا في اخر كورة في الدوري في هلال مريخ عشان ينجو من مجزرة الشطب يا يرفعوا اسعارهم في التسجيلات ..
| |
|
|
|
|
|
|
|
|
|
Re: عمر الفاروق دا منو؟ (Re: عمر الفاروق)
|
واضح إنو البوست (فتح) في غياهب (لكل حادث حديث) و بالتأكيد لا بأس بذلك
بدون ما نشكر بالاسم ..شكرا ليكم جميعا فمنكم نستفيد
آفة الكتابة هي عدم القراءة...و أعترف بعدم اجادتي لكتابة (جاذب) و لكني أنجذب إلى صدق ما أقرأه
بعض النقاط التي سينحرف إليها البوست شئنا أم أبينا:
1- قدرة الأستاذة الكاتبة أحلام في التعبير بصدق غاص في وحله الكثيرون
2- هناك شيء من االتحسس الذي يجعل استقبال العزاء من من أثروا الساحة العربية عند غالبية من تقوقعوا في نظرية الاستلاب العروبي للهوية السودانية
3- احتفاء السودانيون بمن يكتب عنهم بالخير (في زمن قل من يكتب عنهم بخير أو بشر) هو تقدير إنساني كما ذكرت الأستاذة نعمات لمقابلة الجميل بالجميل
4- قراء الأستاذة أحلام كثر و من كثيرين لا يعلمون الكثير عن السودان. بكتابتها عن بهنس تلفت نظر طائفة (لم يقاتلوكم) بل قد يحملون فرصة (يفيدوا و يستفيدوا)
5- الرد السلبي على الإحتفائية بعزاء أحلام بالتأكيد يجعل الكتاب الآخرين إذا أرادوا أن يكتبوا (بخير) عن السودان أو الشخصية السودانية بما يعد (تسويق) مجاني و ذا انتشار أوسع للاستعداد الجيد الذي قد يأخذ كثيرا من وقتهم الذي يمكن أن يستثمروه في أماكن أخرى
6- ما هي الفائدة التي يمكن أن تتوقعها الكاتبة أحلام من نعيها لبهنس؟
7- ما هي الفائدة التي (حققها) عمر بالهجوم على أحلام و ما كتبته؟ (على الأقل هناك كتيرين هسه (و في سودانيز أو لاين دس) عرفوا إنو عمر له مطبوع يباع و يشترى)
8- أرجو من الأخ عمر أن يدلني كيف أشتري التفاحة (الكتاب) ...يا ريت عن طريق أمازون
9- نرجو ممن امتعض عن احتفاء القراء بالنعي أن (يبثوا هنا) صورة مما (قد) نعوا به بهنس أو غيره و لنحتكم للناحية الجمالية و الصدقية في مضمار (النعي) بصورة أدبية بحتة
----------------------------------------
كفاية ولا أزيدكم؟
| |
|
|
|
|
|
|
|
|
|
Re: عمر الفاروق دا منو؟ (Re: malik_aljack)
|
آمنة مختار السودانية النادرة ذات التفكير النقدي العميق
الظاهر إنك برضو لخبطي بيني و بين واحد تاني زي صديقي الصادق..زفأنا و العلم بييننا بون شاسع
أما عن الشهرة في أماكن أخرى ...فأتمنى أن تكون أماكن (كويسه) و شهرة برضو (كويسه)...غايتو مرات كده غصبا عنك يتتعرف و خاصة لما تفكر إنك ممكن تساهم مساهمة إيجابية (حسب ما تراه) و تقع ليها في جرح.
من خلال الردود المقروؤة و المسموعة اتضح أن هناك نوع من الهزل و عدم الجدية ...و أيضا لا بأس في ذلك إن كان الموضوع غير جادي و ليس له تأثير خارج البوست
و لكن اضطلعت على البوست المعني مرات و مرات و كذلك رد من الأستاذة أحلام مما ينفي الهزلية في تناول الموضوع
و إن تم تناوله بهذه الكيفية فيعني كما ذكرنا في المقام الأول خطلا في تقييم الموقف و خلطا للجد بالهزل في غير موضعه
يا عمر ليس مقامي هنا للنيل من أيي شخص بل محاولة أن نكون ملمين بما نكتب فما تكتبه هنا و يكتبه الآخرون هنا لا يزول إلا بزوال الدنيا..و كما قال حسن موسى..سيدخل في جوف الأسافير دخولا أبديا
------------------------------------------
مسؤولية الكتابة تبدأ من القراءة و لذلك لازلت في إنتظار معرفة كيفية الحصول على نسخة من التفاحة حتى و لو سلف بسعر البيع
| |
|
|
|
|
|
|
|
|
|
Re: عمر الفاروق دا منو؟ (Re: malik_aljack)
|
الاستاذ مالك لو سمحت لي ادلي بدلوي طالما الموضوع اصبح موضوعا للنقاش ..
نحن كسودانيين نتصف بصفتين متناقضتين تماما
الاولى اننا لانؤمن بترك الخبز لخبازة رغما عن انه مثل شائع وكلنا نستخدمه والحمد لله في اننا نملك الجرأة في ذلك مثلا في الرياضة ممكن ننقض كوارديولا في خطة مباراة خسرها بكل ثقة بالرغم من اننا لم نتأهل لكاس العالم حتى الآن وعلى ذلك فقس ..
الصفة الثانية الموضوع اعلاله يقسمنا لفمسين متعارضين وهو وجود تطرف في نقد من تجرأ ولم يترك الخبز لخبازة .. وهذا التطرف ناتج ربما من موروثنا الثقافي الصوفي بل قل حتى الجيني في تقديس الافراد .. من السهولة جدا ان نضع شخص بين قوسي لا يأتيه الباطل بين يديه ولا من خلفه .. واهلنا في الشمال يصفون الشخص من يدخل هذه الدائرة بان ( عرقه وصل الترى ) وهو وصف للنخالة عندما تصل عروقها للمياه الجوفية ولا تحتاج لاحد بعد ذلك أن يسقيها او يعتني بها .. وبالتالي يصبح كل نتاجها هو خير وبركة وبلا مقابل ولا حتى قابل للنقد ..
في موضوع الكاتبة احلام لم يقل عمر الفاروق سوى أن رثاء احلام لبهنس لم يكن بقدر الطموح وخاصة بعد ان دبجته بعبارة انها لم تقرأ له ولم تسمع بها فأصبح الآمر كأنه منا منها ..
وكونه يقول انها لايعرفها ولم يقرأ لها من قبل هذا ليس ذنب او جريمة او تقليل من شأنها لكن هو قاله مقياسا على ضخامة الاحتفال بطرحها .. بصورة جعلت اهمية الراثي تفوق المرثي قيد الموضوع نفسه .. وهذا ليس لوما او عتابا لها في هذه النقطة وانما نقد لذاتنا في تحريك جيننا الذي تربى على تقديس الافراد .. وهي نقطة يجب ان نتوقف عندها جميعا ... لا يوجد بني آدم فوق النقد واللوم والعتاب .. سوى النبي صلى الله عليه وسلم لانه لاينطق عن الهوى ان هو وحي يوحى .. .. علينا ان نعود ونربي ذواتنا على هذا المبدا ولا ننبري دفاعا عن شخص هو قادر ان يدافع عن نفسه ..او على الاقل هو في غنى عن هذا الدفاع ...
| |
|
|
|
|
|
|
|
|
|
Re: عمر الفاروق دا منو؟ (Re: Hani Arabi Mohamed)
|
| Quote: الزول ده من زمان قاعد يتسلق بدون عفة وقدر ما نبهناهو ابى ينتبه ! |
البوست ده كوم والمداخلة أعلاه كوم تانى
هسه عمر الفاروغ ده يتخيلوهو كيف
فى تلكم (التسليقة)
____________
حاجة عجيبة.....
| |
|
|
|
|
|
|
|
|
|
Re: عمر الفاروق دا منو؟ (Re: Hassan Makkawi)
|
شكرا لجميع المتداخلين و شكرا جزيلا درديري على (فلفلة) الموقف و بالتأكيد أحادية النظرة تجعل من السهل تقرير إن كانت النظرة صحيحة أم لا
ما ينقصنا هو ال frame of reference
الذي يجعل القياس على عدة محاور وبما إنو لا يوجد فريم كامل فعلينا أن نتشارك نعا في خلق واحد و تطويره
أعتقد أن النقاش وصل إلى نهايته هنا و لكن إن سهلت الأمور نلتقي في بوست آخر
--------------------------------------------
عليكم ال frame of reference
| |
|
|
|
|
|
|
|
|
|
Re: عمر الفاروق دا منو؟ (Re: malik_aljack)
|
ما يثير حفيظة الجميع ... أنهم ما عرفوا بهنس إلاّ بعد أن مات ... ولا عرفوا قيمة رثاء أحلام مستغانمي له ... إلاّ بعد أن رؤوا اهتمام العالم العربي بمن هو حقيق برثائها ... فأعادتهم ورطتهم الثانية في جهلهم بأحلام مستغانمي إلى ورطتهم الأولى في جهلهم ببهنس ... هذه دورة محكمة من الحرج لا نهاية لها ...
فقدنا بهنس ... ونحتفي برثاء مستغانمي ... ونشكر عمر الفاروق على تحريك هذا الركود ... (مع المحبة طبعًا ) ...
... المهم ....
| |
|
|
|
|
|
|
| |
malik_aljack
Muna Khugali
أيمن محمود
طلحة عبدالله
HAIDER ALZAIN
نعمات حمود
cantona_1
Jamal Mustafa
معروف حمدين
وليد محمد المبارك
بدرالدين الطائف
الصادق صديق سلمان
احمد الأمين على إدريس
بدرالدين بابكر مصطفى
انور التكينة
خالد عبد الله محمود
عمر الفاروق
الامين موسى البشاري
تبارك شيخ الدين جبريل
Hani Arabi Mohamed
Hassan Makkawi
فيس بوك
تويتر
انستقرام
يوتيوب
بنتيريست