|
دعواتكم لزميلنا المفكر د.الباقر العفيف بالشفاء العاجل
|
|
 Re: تاني مافي زول يعطس ---- خطير (Re: حمد عبد الغفار عمر)
|
ههههه صدق عمنا عبد السيد
زمان كنا بنلعب في بيته الكان ببنوا فيه جديد وبنطلع في ضهر البيت نتلب من البيت للمنافع يوم لقانا طالعين وبنتلب مسكنا دقانا قال لينا هسي الواحد فيكم كان تلب وهو ناطي في الهواء جاتو عطسة
غايتو اخدنا دقتنا و فهمنا انو قاصد لمن نعطس لازم نغمض عيونا لكن ما قايلين الشغلانة فيها توقف أجهزة
تحياتي حمد
| |
 
|
|
|
|
|
|
|
 Re: تاني مافي زول يعطس ---- خطير (Re: حمد عبد الغفار عمر)
|
يا زول الله يكرمك الشهر الفات ده دخلت فى (نوبه) عطس كده .. خلتى انا والقبر جيران
يمين الله بقيت لما اجى اعطس .. اتكرفس وامسك صدرى واضغط الضلوع دى عشان ما توديني التوج
لا اله الا الله
العطس !!! الله لا ابتلى بيهو زول
ياخى بقيت لما اجى اعطس اسد نخرتى وخشمى .. واديها جكه كمان وان قاعد اقوم .. وان واقف اقعد كلو عشان اطفشها قبل تمرق
وكمان فيها جنس (فليته) .. امسح فيها بالفكس اسبوع كامل
العطس !!!
لا اله الا الله
تانى ما تجيب سيرتو ياااخى
| |
|
|
|
|
|
|
|
|
 Re: تاني مافي زول يعطس ---- خطير (Re: وضاح عبدالرحمن جابر)
|
وضاح جابر
مراحب
تعرف العطس المستمر دا مشكلة كبيرة أنا كانت عندي حساسية مبالغة جيت بيها من السودان اتعبتني في القصيم تعب ما ببتصوروا اليوم كلو عطس وسيلان انف
الغريبة (والحمد لله) من جيت الرياض اختفت نهائي ما عدا المعدل الطبيعي البحصل للناس كلهم مع تقلبلت الجو عشان كدا لما تعلق فيك غيّر الجو أطلع برة المحل الانت فيهو دا لفترة طويلة
Quote: ياخى بقيت لما اجى اعطس اسد نخرتى وخشمى .. واديها جكه كمان وان قاعد اقوم .. وان واقف اقعد كلو عشان اطفشها قبل تمرق
وكمان فيها جنس (فليته) .. امسح فيها بالفكس اسبوع كامل |
ياخ في ناس حريفين في العطس دا بمجرد ما يحسوا بيها بمرحلوها الواحد تلقى شغال يقسم
أت أووفوف أتت أتس لحدي ما يطلعها هاتش خفيفة
ويطلع باقل الخسائر
| |
|
|
|
|
|
|
|
|
|
Re: تاني مافي زول يعطس ---- خطير (Re: وضاح عبدالرحمن جابر)
|
سلام حمد
وكل سنة وانت طيب
العطس يبدأ باحساس دغدغة في النهايات العصبيسة التى تقوم بارسال إشارة للدماغ إنه يحتاج للتخلص من جسم مزعج ببطانة الأنف ( غبار ن حبوب الطلع... الخ )
اولاً : هناك شهيق طويل وعميق ثم الاحتفاظ بهذا النفس ن مما يشد عضلات الصدر و يزداد ضغط الهواء في رئتيك ن عيناك تغمضان ويلامس لسانك سقف تجويف فمك ، ثم يكون هناك زفير مفاجئ قوى
أو ما نسمية بالعطسة بسرعة 150 كيلومترا بالساعة .
الضغط المتغير على مستوى الصدر قبل وأثناء العطس يغير من سرعة الدورة الدموية الامر الذي يمكنه ان يسرع نمط ضربات القلب ز تو يقلل ضربات القلب او احتمال توقف القلب لحجزء لمدة ثانية
وهذا لا يوثر على تدفق القلب وعمل القلب هذا فى الحالات الطبيعية هنالك حلات مرضية وهنا بختلف الوضع تمر هذه الظاهرة على معظم الناس مرور الكرام من دون ان يلحظوها ، ولكن في بعض الحالات النادرة للغاية
قد يؤدى العطس إلى ابطاء معدل خفقات القلب او انخفاض ضغط الدم بصورة قد يفقد معها الشخص الوعي وهو ما يعرف في الأدبيات الطبية ب ( إغماءءة العطس ) Sneeze syncope
نيويورك: أناهاد أوكونور
* شهيق قبل العطس
* يأخذ معظم الناس شهيقا عميقا قبل العطس مباشرة، وهو ما يزيد من الضغط في الصدر ويمنع تدفق الدم إلى القلب لفترة وجيزة، الأمر الذي قد يؤدي إلى انخفاض ضغط الدم وزيادة معدل ضربات القلب.
ولكن عندما يقوم الناس بإخراج الزفير، يزداد ضغط الدم، مما يؤدي بدوره إلى انخفاض معدل ضربات القلب.
وفي الوقت نفسه، يقوم العطس بتحفيز العصب المبهم (vagus nerve)، الذي يمتد من الدماغ حتى المعدة. وبوجه عام، في كل مرة يتم فيها تحفيز العصب المبهم، تكون استجابة الجسم هي تخفيض معدل ضربات القلب
وهو ما يؤدي إلى تأثير طفيف للغاية يتمثل في تباطؤ معدل ضربات القلب ربما بضربة واحدة فقط.
يقول الدكتور كريستوفر ماجوفيرن، وهو جراح قلب في «مركز موريستاون الطبي» في نيوجيرسي، إن هذه الظاهرة لا تحدث عند العطس فقط، فقد يكون للسعال ومحاولة تكميم أفواه الأشخاص وغيرهما تأثير مماثل على العصب المبهم.
ويضيف ماجوفيرن:
«لا يوجد جانب مميز في العطس، فهو يشبه تقريبا السعال ولكن عن طريق الأنف، إذ يزيد العطس من تحفيز العصب المبهم، وهو ما يؤدي إلى قيام المخ بإصدار أوامره للقلب بتخفيض معدل الخفقان.
ويمكن أن يتسبب ذلك في خفض معدل ضربات القلب بضربة واحدة أو توقف القلب بصورة مؤقتة، ولكنه يستأنف الخفقان بعد ذلك».
تمر هذه الظاهرة على معظم الناس مرور الكرام من دون حتى أن يلحظوها، ولكن في بعض الحالات النادرة للغاية قد يؤدي العطس إلى إبطاء معدل خفقات القلب أو انخفاض ضغط الدم بصورة قد يفقد معها الشخص الوعي
وهو ما يعرف في الأدبيات الطبية بـ«إغماءة العطس» (sneeze syncope).
ويؤكد ماجوفيرن أيضا أن بعض الأشخاص قد يعانون من آثار أشد خطورة للعطس أو السعال إذا كانوا يعانون من وجود عيوب خلقية في القلب أو إذا كانوا يتناولون أدوية تؤثر على ضربات القلب، مثل «حاصرات بيتا».
* خدمة «نيويورك تايمز»
تحياتى
http://www.aawsat.com/details.asp?section=15andarticle=693133and...o=12330#.UryCC9JDvSg
| |
|
|
|
|
|
|
|
|
|
Re: تاني مافي زول يعطس ---- خطير (Re: وضاحة)
|
سلامات يادكاترة
ياخي انا لمن اجي اعطس بكتم العطسة!
ماعارف اوصف الحركة دي كيف، المهم يعني بقفل خشمي واسد نفسي واكتم الهواء اثناء العطسة جوة صدري، ومابيطلع لا هوا لا صوت ، بيطلع صوت في شكل قنتة خفيفة كده :)
الحركة دي صحيا كيف؟ عشان لو مضرة شديد ابطلها
علما باني بستمتع جدا بالعطسة لمن اكون براي، وبعطسها بقدر ما الله اداني، افتح خشمي كبييييير وباعلى صوتي
آآآآآآآتشششششششششاااااااااااااععععععع :)
| |
|
|
|
|
|
|
|
|
|
Re: تاني مافي زول يعطس ---- خطير (Re: العوض المسلمي)
|
سلام للجميع,
( إن الله يحب العطس ويكره التئاءب) , حديث شريف.
والعطس علميا ظاهرة صحية عن طريقها تخرج كثير من الجراثيم التي لا سبيل للتخلص منها الآ بالعطس كذلك اطلاق الريح. والتجشوء !فجميعها صحية ولم تخلق عبثا !!
وقد يتسبب عطس الإنسان وعيناه مفتوحتان إلى خروجهما وقذفهما خارج المحجرين. وهنالك أناس يكتمون العطسة فتخرج مكتومة ضعيفة وتفقد السبب الأساسي الذي جعلها الخالق من اجله فيتسببون في تركيز الجراثيم في أجسادهم ظانين انه سلوك غير اجتماعي !
أما التثاءب فهو من علامات نقص كمية الأكسجين في الدم مما يؤدي الى الخمول والكسل.
والله اعلم .
ست البنات.
| |
|
|
|
|
|
| |
حمد عبد الغفار عمر
سامى عبد المطلب
وضاح عبدالرحمن جابر
وضاحة
العوض المسلمي
ست البنات
فيس بوك
تويتر
انستقرام
يوتيوب
بنتيريست