دعواتكم لزميلنا المفكر د.الباقر العفيف بالشفاء العاجل
|
|
 بكري أبو بكر أنا أطلب عليك 5,000 جنيه إسترليني!
|
الأخ الكريم بكري أبو بكر بعد السلام وكل عام وأنتم بخير.
بهذا البوست أكون قد أكملت كتابة 5,000 بوست ومداخلة ومشاترة وهلم جرا.
عليه وبناء على أن فاطمة شاش وأمثالها يتقاضون ألوفات على الغث الذي يكتبونه في صحف الخرتوم الصفراء، فإنني أطلب من سيادتكم التصديق لنا بمبلغ 5,000 جنيه إسترليني أي بما يعادل جنيه إسترليني عن كل بوست. نرجو تحويل هذا المبلغ بالويسترن يونيون أو ال PayPal .
بقية الإخوة الطوربيد معاوية وصلاح جادات + ود الباوقة يمنحون المكافآت التالية:
1- الطوربيد: هلله على كل مداخلة أو بوست أورده في المنبر.
2- صلاح جادات: فلس على كل مداخلة أو بوست أو صورة علقها في البورد.
3- ود الباوقة وعلاء الدين محمد يوسف: يدفع لكم كل منهما عشرة ريالات على كل بوست أو مداخلة.
4- بقية الإخوة في دول العالم التالت – يعني العالم المخستك- شكر الله سعيهم. يكفيهم ما وجدوا من مساحة من الديمقراطية ليحكوا عن مآسي وطنهم وحلالالهم وبلداتهم.
5- الإخوة في أوروبا خاصة ناس مساعد وفرانكلي دول تبعنا مع حكومة صاحبة الجلالة ويشكرون على مداخلاتهم ولكن لا تدفع لهم.
6- الإخوة في استراليا وعلى رأسهم صديقي خالد العبيد يكفيهم أنهم في أم طرقاً عراض وقد أوصلناهم مع الناس عشان يبثوا أشواقهم للوطن والديمقراطية عبر سودانيزأونلاين.
7- طبعاً الإخوة في كندا وأميركا وعلى رأسهم إبن عمي بريمة وكوستاوي، لا يدفع لهم لأنهم لايتعبون مثلنا في توصيل بوستاتهم لكم. فنحن نحمل بوستاتنا عبر بحر المحيط وهم منكم جدعة فجزاهم الله خير.
ونتمنى لكم ولسودانيزأونلاين كل التقدم والسؤدد في عالم الصحافة الإليكترونية، بس سرِّع لينا التحويل.
تحياتي
كبـّاشي الصـّـافي
|
|
  
|
|
|
|
|
|
|
|
Re: بكري أبو بكر أنا أطلب عليك 5,000 جنيه إسترليني! (Re: معاوية عبيد الصائم)
|
ياخي ماتنسي اخوانك المزارعية، القمح تعيش انت،نصبت علينا جماعة الحيكومة،،السعية داقة الدلجة،تودي بهيمتك السوق تجي بيها بي عجاجتا،احترنا في السنة دي نمرق منها كيفن....اها جيت انت يالعشا بلبن شوف عمك بكري ده،،وما تنسي رفاقتك مزارعية ورواعيه...
اظن انه بوست لطيف،،لو ما تكون فيه نصيبه ما عارفنها.
تحتفي بي ال10000 بوست ان شا ء الله.
| |
|
|
|
|
|
|
|
|
|
Re: بكري أبو بكر أنا أطلب عليك 5,000 جنيه إسترليني! (Re: عبدالعزيز عثمان)
|
سلام أخ عبد العزيز
بكل جدية لو الحيكومة دي فاهمة شئ تركِّز على الثروتين الحيوانية والزراعية. لكن الثروتين دول ما فيهم كومشنات لأصحاب التلج وعليه أصبحت كم مهمل!
بالله لو تمّ مد المزارعين من تندلتي وحتى غرب كردفان بتقاوي محلي للفول السوداني – مش مستورد عشان ما يكون فيهو إنة- وبسعر السوق على أن يسدد المزارع من المحصول المنتج، هل سنحتاج لاستيراد زيت الفول من مصر وعُمان والسعودية؟ لكن مين يسمع ويخاف الله في الناس؟
بثروة حيوانية تفوق المائة مليون رأس كان الممكن أن نغطي حتى أسواق أوروبا بلحوم الأبقار والتي هي أغلى من لحوم الضان والدجاج والسمك ولكن يهتمون فقط بالجباية زكاة وضرائب وهلم جرا. ربنا يولي من يصلح.
تحياتي
كبـّاشي الصـّـافي
| |
|
|
|
|
|
|
|
|
|
Re: بكري أبو بكر أنا أطلب عليك 5,000 جنيه إسترليني! (Re: cantona_1)
|
غايتو يا كونتانا بي مداخلاتي دي القريب التلتين الف رغم اني بحسابك دا مفروض أكون أغنى من صلاح ادريس لكن لقيت نفسي في قائمة العالم الثالث والمخستك ولقيت عوضي عند الله !!
غايتو زي ما بيقولوا أخوانا الشيوعيين (اعطيتكم الوعي) ..
أما موضوع الاسترلينيهات منو العوض وعليهو العوض !!
| |
|
|
|
|
|
|
|
|
|
Re: بكري أبو بكر أنا أطلب عليك 5,000 جنيه إسترليني! (Re: cantona_1)
|
Quote: Mujtaba Ahmed · Khartoum, Sudan
يعني عامل فيها ظريف؟؟؟؟؟؟؟؟ |
يا بتاع الفيسبوك الاسمك مجتبى .. من ناحية الظرافة أنا ظريف رغم أنفك. لكن عرفت السبب ليش بكري ما أداك باسويرد لأنك أشتر وما بتعرف تكتب يعني أُمِّي خلف مونيتر وكيبورد. موت بغيظك.
تحياتي
كبـّاشي الصـّـافي
| |
|
|
|
|
|
|
|
|
|
Re: بكري أبو بكر أنا أطلب عليك 5,000 جنيه إسترليني! (Re: cantona_1)
|
Quote: Awad H. Abdalla
هههه -- قول 5000 جنيه سوداني بالقديم -- الإسترليني فلوس والجنيه السوداني فلوس.
|
عوض عبد الله من الفيسبوك .. لوحاولت تعرض الجنيه القديم هنا في بلاط صاحبة الجلالة البوليس بقبضك بقول عليك مزوِّر حاجة تشبه العملة لكنها ما عملة. عشان كدا طلبنا الدفع بالإسترليني. تصدق الجنيه الإسترليني دا ما فيهو جديد وقديم ليش السوداني فيهو قديم وجديد؟
تحياتي
كبـّاشي الصـّـافي
| |
|
|
|
|
|
|
|
|
|
Re: بكري أبو بكر أنا أطلب عليك 5,000 جنيه إسترليني! (Re: cantona_1)
|
Quote: .
وكمان ما تنسو ناس الهامش ... أقصد ناس الفيسبوك برضو ما قصروا ... مع تحياتي للجميع وكل سنة وانتو طيبين |
نزار مبارك أحمد .. من الفيسبوك، المهمشين ديل رفع عنهم القلم وبالتالي مافي داعي نتعب معاهم .. وسنة وإنت طيب وعيالك ومن حولك من الأحباب.
تحياتي
كبـّاشي الصـّـافي
| |
|
|
|
|
|
|
| |
cantona_1
معاوية عبيد الصائم
عبدالعزيز عثمان
سامى عبد المطلب
ناذر محمد الخليفة
فيس بوك
تويتر
انستقرام
يوتيوب
بنتيريست