هل الاستدلال بالمثل فى الكاركاتير اعلاه صحيح ؟

Quote: يمكن ينطبق عليه مثل تاني. نحاول نتذكرو.

Quote: سلام ياسامي ماصحيح طبعا كان ممكن يكون صحيح لو رسم الريس وهو ماشي علي المحكمة الجنائية لكن كدا خطاء تسلم

Quote: ليس فيه غلط (صحيح ما صحيح كل ذول حسب قراءته للمشهد) فهو (سعادة الرئيس)...يحدث نفسو وبالكلام الكتير حقنا دي ما طريقة دي....الواحد اخير يكتلوهو ... بدل البهدله دي انا هسه بقدر علي الجري دا ........... والفنان محمد الحلو... رسم "واقع"...حاجة حصلت وليس حل ....يعني يمشي المحكمة ويحل روحو من الجهجهة الهو فيها واقع يحدده الفنان ... بالسهم الي أبوجا والاخر الي الخرطوم ................ والمحكمة الجنائية لا تقتل (تسجن بس)...وفطن لذلك الفنان الحلو ولكن ممكن ان يتمني البشير الموت مقتولا ...من أي جهه بس ما بتجهجه كدا....أو يسلم نفسو

Quote: عكس المعنى!

Quote: انا اعتقد ان استخدام المثل غير صحيح او معكوس كما قال الاخوة لان كتلوك ولا جوك جوك يقولها الشخص المستسلم اليائس الموت عنده افضل من انتظاره ..... اما الهارب فهو متمسك بالحياة ..

Quote: الصيغة الأنسب كما ذكر الأخوة هي .. جوك جوك ... ولا كتلوك

Quote: بعد الدعوات التي انطلقت في نيجيريا لاعتقال البشير الريس بقى مجهجه: يا ربي ح يعتقلوني ولّا ما ح يعتقلوني؟ ح يعتقلوني ولّا ما ح يعتقلوني؟ وهكذا حسم الأمر وفكّ البيرق. ربما يكون دا فهم الرسام، لكنه لا يستقيم مع معنى هذا المثل. يمكن ينطبق عليه مثل تاني. نحاول نتذكرو. رمضان كريم يا سامي

Quote: يمكن ينطبق عليه مثل تاني. نحاول نتذكرو.

Quote: سامي ...ازيك لاحظت خطأ الاستدال واقترحت في داخلي ( يا روح ما بعدك روح) ولو تركت بدون تعليق اصلا كان افضل شكرا للتنبيه وارجو ان يعدل الاخ الحلو

Quote: ملاحظة ممتازة يا باشمهندس... لعله يقصد المثل الذي يقول:"الجري قبل الشُوف قَدلَة"!!

Quote: الجري بعد الشوف رجالة ... الخواف ربى عيالو... الجري نص الجدعنه

Quote: لمثل كان بيكون مية المية، لو لم يكن المستهد به البشير، لانه في حالة جري واضح.. لو محمد الحلو أضاف شخصية ثانية متابعة لجري البشير، وهي التي تردد المثل .. الملاحظة في كاريكتيرات محمد الحلو في تكلُف في الرسم يطغي على الفكرة، أنا ذائقتي لهذا النوع من الفن هي تبسيط الرسم وتجويد الفكرة، والفنان حينما يتمتع بسينس أوف هيومر عالي، بكون العمل جميل..

Quote: (البدّر بالح مار مرق)

Quote: سلام يا سامي ورمضان كريم الكاريكاتير المثالي هو ما لا يحتاج للكتابة أصلاً لتكملة معناه !

Quote: طالما جات مناسبة الرسام الحلو ، أنا يا أخوانا عندي سؤال محيرني السر شنو في كتير من رسوماتو بيرسم ( الصُرة ) بارزة كدا ؟ و رمضان كريم عليكم جميعاً

Quote: كتلوك يا وطنى ....

Quote: الجري بعد الشوف رجالة ... الخواف ربى عيالو... الجري نص الجدعنه ..

...!

Quote: اتفق مع مُجمل ما قيل عن مفارقة المثل لحال البشير. لو رأينا البشير رافعاً يديه في استسلام، صاعداً إلى طائرة متجهة إلى لاهاي، أو جالساً باستسلام في ظل شجرة ... لانطبق عليه المثل "كتلوك ... ولا جوك جوك". أخونا محمد الحلو مغرم بالتفاصيل وبارع فيها أيضاً. ربما كان يحاول تعويض ضعف الفكرة أو غياب روح النكتة كما قال حبيبنا ياسر، لذلك تأتي أعماله (المنشورة هنا) أقرب للرسوم التوضيحية منها للكاريكاتور. وليته اكتفى بالرسم، فهو يبالغ في ذكر التفاصيل بصورة تقدح في ذكاء المتلقي، وإلا فما مغزى عبارة "خوفاً من الملاحقة القضائية" التي تتصدر اللوحة؟ ولماذا هناك ـ دائماً ـ علامات استفهام وتعجب؟ ملاحظة أخيرة: في معظم أعمال محمد الحلو (المنشورة هنا) تكتسي الوجوه سحنة باردة ومحايدة تجعلها أقرب إلى المومياوات، فتأتي الوجوه بلا انفعالات أو تعابير وكأنها ـ في الأصل ـ جزء من بورتريهات (رسمية) تمّ اقحامها، بالقوة، في عمل كاريكاتوري.

Quote: يخيل لي برضو يا هندسة في أغنية بتقول يا أخواني ولا ياخواتي ما متاكد الجري ده ما حقي حق المشنقة و المدفع اب سكلي ولا شنو كده ما عارف الأخ سامي عبد المطلب رمضان كريم و تصوم و تفطر علي خير و كل سنة و انت طيب

Quote: امثالك دى يا الامين ما بقولا زولاً جعلى شوف ليك زولاً تانى قولها ليهو ...!

Quote: امثالك دى يا الامين ما بقولا زولاً جعلى شوف ليك زولاً تانى قولها ليهو ...! ٍٍQuit

Quote: الله يرضى عليك يا الامين اخوى الوش الضاحك وين فى اقتباسك ده ...... كدى اقرأ المداخله دى تانى احتمال كبير اكون ما قدرت اوضح الانا قاصدو كويس .... لكن العباره تهكميه ومقصود بيها الرئيس احترامى وتقديرى الذى تعرف ..

Quote: ها يا سامي حتة القبلية دي بقت حساسة والحكومة قاعدة تلعب بيها دي كل الحكاية ... وبعدين البشير دا لا جعلي ولا حاجة بشهادة اخيه وشهادته هو وشهادة كثير من اخواننا الجعليين ..... فدحين خلينا في البشير الذي هرب بدون أي خلفيات قبلية ياخ

Quote: شكرا يا سامي. اعجبتني ملاحظتك عن المثل من اساسه. ثم انك من العشرة الأوائل الذين رحبوا بوجودي في هذا المكان الذي ما فتئت اتحسس مجلسي فيه منذ قدومي في ابريل الماضي وانا انظر الي الباب ! علي ان المساهمة بالرأي مهما بدت متواضعة فهي قطرة هامة في مسيرة ينبوع المعرفة ولذا فانا هنا. برلوم لنج مثلك دفعة 2013 بالرغم من اني اكبرك بزهاء العقدين! المثل الذي اوردته انا ربما احتاج لبعض الشرح. وليعذرني من يري ان لا لزوم لشرحه لأنه واضح لهم.

Quote: الكاريكتير فن رفيع الفكره فيهو انو يكون لماح ولا يخلو من فكاهة لكن الكاريكتير البكتبو ذى المقال دا ... دا ببقى حاجة تانيه دمها تقييل وما فيهو اى ابداع ،، فوق فيهو عنوان عشرين سطر وتحت اى زول بشرح