الجو العام في البورد - بدون زعل !!!!!!!!!!!

Quote: وافتح المجال لكل من له اضافه في هذا الموضوع ........

Quote: تفتح شنو ، انت جبت العيد طوالي كلامك ده هو الزبده ويتطابق مع وجهه نظري كل عام وانت بخير يا حبيب

Quote: المجموعه الرابعه والاخيره –

Quote: لالا يا مجيدو .. فى مجموعه خامسه إنت نسيتها . إنه حسين ملاسى ... نعم ملاسى .. فهو مجموعه لوحدها فى هذا البورد ويمكنك أن تسمبها المجموعه الخامسه . فحسين ملاسى إستطاع بحنكه ودرايه وخبث ومكر ... وإقتدار .. إستطاع أن يجعل كل المجموعات التى ذكرتها ( تلهث ) خلفه وخلف ما يكتب . وهذه المداخله ربما .. ربما تكون دليلا على صدق كلامى ,, تحياتى ,,

Quote: هذا هو .. باختصار الجو العام في منبر الاونلاين

Quote: الرماديين أحلي ناس ياااااااااااخ بقيادة المايسترو محمد البشري أصبت أخي محمد في تحليل المجموعات البتكتب في الاون لاين وتقبل تحياتي .......

Quote: قنقا اشواقات كتار نسيت فى مجموعة تانية البتجيك نص اليل وتكون ضاربة القنقليز وتعمل فيها عندها شخصية وبتخوف الناس وتشتمن بالفظ بتاعت شوارع وتتربص بالاخص للنساء ودا طبعا ناتج من انوا عندوا عقدة من زوجتوا او اموا او اختوا لانوا بكون شاعر بنقص فيه او فى شخصيتوا مثلا ما شايل مسؤلتوا فى البيت النوع داك البكون قاعد فى البيت وبتشتغل زوجتوا وتصرف عليه بجى المنتدى راسوا مليان ويبخ سموا وعقدوا للنساء الموجودات بالمنتدى الناجحات والمعروفيين من اصل طيب ومحترمات ومحبوبات من الاعضاء الفى المنتدى وبكون عارف انهم بنات ناس وما بنزلوا لى مستواء التفاهات فا بحاويل يشوه صورتن للناس او يمشى يعمل اسم وهمى فى الفيس ويجى ينبز بالفاظ ######انة لانوا ما بقدر يخش يكتب فى المنتدى باسموا المسجل بيه لانوا بكون معروف للناس هو منو وزى ما يقولوا اهلنا الفيك بدربوا وكل إينا بما فيه ينضح النوع دا المفروض يمنع من دخول المنتدى نهاى لانوا مريض ومحتاج لعلاج نفسي تحياتى

Quote: مع انو ماعارف انتي قاصده منو ..

Quote: أحلف .. لووووووووووووووووووووول

Quote: مجيدو يا صديقي نهارك سعيد يا صاحب البوست ده يخيل لي وصفت فيهو الواقع بالظبط بعدين مصطلح (المنالين) ده خلي حقوق الطبع محفوظة الي العبد لله لو سمحت في مجموعة ودي الأهم نسيتها في كمية كده من كبار السن وديل دائما شغالين بالاغنية الشهيرة عيني ما تبكي و ممكن نسمهيم البكايين ديل الله يسلمك ما يشوفو ليهم طرحة كتبت اي كلام و طوالي يجو ناطين تسلم الانامل يا شفيفة و ما عارف شنو ويجي واحد برضو يكتب كتابة طاااعمه تقول حلو مر و حاجات كده كتيرة جدا و ديل عادة ما يتداخلو الا مع ذوات الثدي . و الامثلة كتيرة و لا تحتاج فشاهدت عدد منهم لا يتداخل الي نون النسوة و لو تلاحظ بعض البوستات تجد نفس الاسماء مربوطة مع من فتح البوست ولكن لا تجده في باقي البوستات وفي ناس مخدوعين جدا في بعض الشخصيات هههههههههه ده خلاف الناس البمدو قرعتهم كما اشيع هنا من قبل ودي عادة بتكون عبر نوافذ أخري . عموما يا صديقي يخيل لي البوست ده حيكون فرصة لاي زول هبشو راس السوط ولي عودة بالمهلة

Quote: الاخ الزميل والكاتب المخضرم .. اساسي

Quote: ااي ياخ عليك الله كل ما تلقي فرقة اطريني , انا بحب ليك الاطراء دا جنس حب الانطباعات دي كانت سلسلة اكتر من اربعة او خمسة بوستات ما كلها في مكتبتي الما عامرة لانه تسعين في المية من بوستاتي ما دخلت مكتبتي لسع شكله بكري راجي يسود لي المنبر بعد داك يلم باقي بوستاتي المشعثرة هنا وهناك بالنسبة للبوست بتاعك بتاع الجو العام دا , الكتبته انت مقدمة بس وما غصت في العمق ودي رؤية عامة فقط لانه في المجموعة الواحدة بتلقي قوله تعالي ( بأسهم بينهم شديد تحسبهم جميعا وقلوبهم شتى ذلك بأنهم قوم لا يعقلون ) كونك ما تستشهد وتستدل بالعينات والاسماء دي حركة بتاعة تكبير لفة منك بوستك دا لو دايره يمشي لي قدام وما يطون راي انطباعي عام يغطس جيب اسماء , غالبا يحصل سبعطاشر صفحة وتبقي بعدها زول مكروه للبعض وفتي احلام البعض وحبيب البعض المافي شنو علي قول قيقا بالقديم

Quote: ومالو ياااخ لو اتداخلو مع الجكس ... ما برضو احسن ما تسمع ليك كلمه فارغة ولا نبيزه طايره ... عليك الله تعال تاااني .. وكب ما عندك من شمارات البورض ...

Quote: نسيت يا مجيدو بعد السلام والمعايدة المجموعة السنية المجموعة الصوفية المجموعة الشيعية ,.. والصراع الديني العقائدي وهذا ليس له علاقة بالسياسة او الرياضة او الفن او الغنا وهو تقريبا افضل انواع الصراع هنا لانه يضخ كم هائل من المعلومات والمراجع والعنف اللفظي فيه مهذب نوعا ما ولكن اخطره التكفير

Quote: مجيدو يا قريبي الونسسة مع الجكس أصلا محتاجة لبعض المقومات مثلا الظرافة و خفة الروح ديل اذا ما إتوفرو يبقي الزول شكلو بيكون بيهدر في وقتو ساكت وقع ليك . بعدين في حاجة ما تفوت عليك لو ملاحظ أن أعمار الجنس اللطيف هنا أغلبيتها من 35 و انت طالع يعني الحنك لو بقي عاضي ما بيلزمهم لأنو طيلة السنوات العدت دي بيكونو سمعن كلام يكفيهن باقي عمرهن في بعض البكايين مرات بيدخلو بمكنة عرس الزين ودي الكارثة الكبري . في بعض البكايين بيعتمدو علي المناظر مثلا واحد يقوم يشتري ليهو أي فون 5 يجي يكتب هنا يقول ليك أخير منو الجلاكسي 4 و في نوع كده مثلا يتصور جوة عربيتو و في نوع كده مثلا بيشرب السيجار الريحتو عفنة داك ديل غالبا بيحاولو يلفتو الانظار نظام الناس مرطبين و كده نظام شوفونا و مافي ليكم .

Quote: مجيدو كلو سنة وات طييب نسيت ناس حملة الاباريق والداقي طارو فرد نغمه وديل فئة فوق طبقة المؤيدين والمتعاطفين مع الحكومة يعني السيل كابي كسر بيوتنا وفرتق ايو شئ اجيك واحد ابريقي يقوليك السيل في امريكا والامطار من الله واللباسات في السوق الشعبي لو عايز نماذج قول ذيع نذيع

Quote: الآخ محمد مجيدو , أحيييك أطيب تحية , بوست ممتاز , كلنا ضد مهاجمة عضوات البورد من النساء لآ نه عيييب ...

Quote: يا مجيدو يا فقري تحياتي وا خوفي من القونقليزيشين هو الدفرك ناحية التصنيف مما وقع لوضاحة في جرح قد لا يكون كبير لكن نحن نظنه هكذا ونرفضه بشدة مع فط سطر نقول القونقليزيشن خلطه سحرية من تصاميم مجيدوا في زمن لا ينتشي حبيبي الغالي : - محمد هاشم ابوزيد هندسة برص حبات الكزبره زي بلوكات الاسمنت سماكة 20 سم الشوق الشوق لخقة إيديك شوق وسلام يا قونقليزيشن صنفت واجدت اها اطلع لقدام لك حبي جوالي كما هو

Quote: الأخ محمد ... تحياتي وكل عام وأنت بخير ... أعتقد بهذا التنوع والإختلاف والتصنيف يكمن سر سودانيز أولان... بوتقة جامعة لكل الناس وبمختلف الفئات العمرية والفكرية والمستويات التعليمية ... بغض النظر عن اللون والجنس والنوع وبدون أي تمييز ضار بين الناس ... وان كان هناك اختلاف نرجو ان لايفسد الود بيننا ... ومحاولة الإلتقاء بهمزات وصل تجمعنا وما أكثرها ... الهم في النهاية الوطن هذه الكلمة الكبيييييييييييرة ... والاهل والاصدقاء والجيران والبسطاء من الناس في بلادي... أكيد إحترامي ،،،

Quote: يا دكتوره ناس القنقليز بجوك اسي بي تحت ههههههههه الباجيرو كيف ههههههههههه

دا قنقا لسة ما صنقوا تحت مجموعة وما لقيى ليه حيروا فى صنقوروا دا هههههههههههههه

Quote: الأخ مجيدو , تحياتى .. الجو العام للبورد إنعكس علينا نحنا المساكين أيضا ( بتحت ) يعنى مرات بجينا ( دراب ) واقع من معارككم ( الدونكيشوتية ) دون أن يكون لنا فيها ناقة أو ( جمل) .! يعنى هسع لازم أغالطك فى كلامك القلتو بطريقة النقد الأدبى الزمان إنو المنبر ( و تضم كوكبه فريده منتقاه من الاعضاء المتميزين .) والكلام ده إنت نفسك ذكرت عكسه (الا ان كتابات البعض الاخر يصيبك بالطمام والاشمئزاز لما تتميز به كتاباتهم من عنصريه او جهويه او فوقيه) يعنى ماقصة ( كوكبة ) ولا منتقاة وصراحة نحن أيضا نصاب بالطمام و( القوباء ) من بعضكم وتأكد نحن الغالبية العظمى وأعنى ( القراء ) .. والشيئ التانى قفزت مباشرة للمجموعة ( الثانية ) دون ذكر المجموعة الأولى فلقد جعلتها ( عائمة ) فلم تذكر صراحة أن المجموعة الأولى هى ( الكيزان ) أو( كوادر) تنظيم الأخوان المسلمين المبثوثين فى الأسافير أو مايسمونه هم ( الجهاد السايبرى ) أو الأليكترونى أنا متأكد بعد كل مداخلة من أحدهم يتصلون به ويهنئؤه ب ( جعله ألله فى ميزان حسناتك ) .. رد · · منذ ‏20‏ ساعة

Quote: يمكن يكون كلامك صااح ... والاخ ملاسي النعم فيه ... الا انني كما اشرت سابقاً .. امتنع عن التطرق للاسماء ... للحرج البالغ فكلهم زملاء .. واخوان ...

Quote: دى مجموعة الرسائل الخاص بكى وجعير ونخجى جد وسفر كمان بالطيارات لدار المحبوبة

Quote: من كده نفهم بأنك تابع للمجموعة الرابعة , ولا برضو ما داير تذكر أسماء؟

Quote: سلام مجيدو التحية ليك و للعضاء و القراء الكرام بوست لذيذ جداً لو لا هذا التنوع في الآراء ، و لو لا المشاكسات و حتى ( الشتائم) لم يكن هذا المنبر ليطاق. أنا متابع (شرس) لهذا المنبر منذ أكثر من 7 سنوات . الأعضاء خليط من كل أصناف البشر و هذا سر نجاحه و شعبيته تقبل ودي

Quote: يا امير طمبل ...... تعال اقراء ... يوجد ايفون فايف .... ( وش خجلان )

Quote: كلك نظر ..... وأهنئيك .. على هذا الذكاء الخارق ..... وخليك على كدا .....

Quote: يا مجيدو وست ظريف ودمو خفيف حبيت مداخلات ولدنا البحراوي امير طمبل وبنتنا وضاحه استمروا

Quote: بالنسبة للبوست بتاعك بتاع الجو العام دا , الكتبته انت مقدمة بس وما غصت في العمق ودي رؤية عامة فقط لانه في المجموعة الواحدة بتلقي قوله تعالي ( بأسهم بينهم شديد تحسبهم جميعا وقلوبهم شتى ذلك بأنهم قوم لا يعقلون ) كونك ما تستشهد وتستدل بالعينات والاسماء دي حركة بتاعة تكبير لفة منك بوستك دا لو دايره يمشي لي قدام وما يطون راي انطباعي عام يغطس جيب اسماء , غالبا يحصل سبعطاشر صفحة وتبقي بعدها زول مكروه للبعض وفتي احلام البعض وحبيب البعض المافي شنو علي قول قيقا بالقديم