استلام من الصديق سفيان بشير نابري صاحب بوست النسخة السابقة واتمنى مشاركة الجميع ( سفيان - عبير خيري - ودالعباسة - صديق الموج - داليا حافظ - عماد احمد - ابراهيم عبدالحليم - الخير محمد عوض - طارق ميرغني - وليد عبداللطيف - عزيز - شهاب - عاطف عمر ) وكل من شارك في بوست النسخة السابقة وكل من لم يشارك ننتظر مشاركتة في النسخة دي
أغاني واغاني السنة دي فيه تغير كبير علي مستوى الفنانين المشاركين ونتمنى أن يكون هناك تغيير ايضاً في محتوى الحلقات واضافة معلومات للمشاهدين ، والتغيرات التى حدثت علي مستوى المشاركين فقد تم الاستغناء في هذه النسخة عن الحرس القديم ( عاصم البنا وعصام محمد نور وشريف الفحيل وحسين الصادق وريماز ميرغنى وشموس ابراهيم وافراح عصام وصباح عبد الله ومنار صديق ) وتبقى فقط ( جمال فرفور وطه سليمان وفهيمة عبدالله ) وتمت اضافة كل من ( مصطفى السني - معتز صباحي - نادر عثمان جمال الدين - نسرين هندي - احمد المأمون - معاذ صلاح بن البادية - فاطمة عمر - مني - زحل ) .
ايضاً من الاصوات الجديدة ( نادر عثمان جمال الدين ) أبن الفنانة ( حياة طلسم ) والدرامي ( عثمان جمال الدين ) وسبق أن شارك نادر في أغنية ( عافية وشول ) مع الفنانة ( عافية حسن ) والأغنية من كلمات ( محمد حسن السيد ) والحان الفنان ( الهادي حامد ) وتوزيع يوسف الموصلي وهو البؤدى المقطع طلعت النخلة من تبيت وحبيت ريحة التمرة
،،،،،
07-25-2013, 03:18 AM
Elmosley Elmosley
تاريخ التسجيل: 03-14-2002
مجموع المشاركات: 34683
سرقناها من تعليقي في بوست ترهاقا مع التصرف يامعتز ياخ الله يحفظك ما ارتوينا بعد
ياخي انت فلته ومغني مهول والله هسع بعد سمعت الابيض ضميرك شعرة جلدي كل-بت ومسكني الظار عديل ----------
الشاب ده عندما زرت السعودية آوائل التسعينات كان طفلا عرفني به ابوه كعازف موهوب في الاورغ وافتكر الكلام ده كان في جده ومفروض يعمل معاي بروفه ويعزف معاي المهم قام شراني قد يكون لسبب وجيه ثم بعد آن كبر وارتوي من الاداء الخليجي وتعلم منه ذهب للسودان وادهش البلد " عركي كلمني عنه تحديدا" ثم آختفى فجآة وحزنت لذلك وحينما عاد في آغاني وآغاني نق نق بعض اصدقائي وقالو لي انت بتجامل ساكت فعلا معاهم حق في الآول حصلت منو شوية لخابيط ولكنه كلاعب الكره الحريف جدا حلقتين تلاته عادت له الفورمة كآحسن ما تكون فاحرز اهدافا غنائيه لا يفعلها الا بيليه وميسي ومارادونا ونيمار في كرة القدم اقولها لك ان معتز هذا لو حافظ على نفسه فهو في رآيي ياتي في مقدمة الخمسة الاحسن صوتا وغناءا في الاربعين عاما الماضية من فئة الرجال معتز في غنائه للابيض ضميرك آضاف لحنا آخرا للحنها الاصلي هنيئا حبيبنا المبدع الكبير الاستاذ الطيب عبد الله بهذه اللوحة العظيمة التي ابتدعتها فوضعها معتز صباحي في اطار من ذهب ربنا يحفظك ويحفظه ذخرا لنا
07-06-2013, 09:56 PM
عزيز عزيز
تاريخ التسجيل: 04-12-2002
مجموع المشاركات: 3290
كل عام انت والأحباب رفاق بوست اغاني واغاني والأحباب زملاء المنبر والزوار .. بكل الخير ورمضان كريم
اليوم شاهدت الإعلان عن الحلقة وهناك بعض المغنيين لم أعرفهم. سيكون معتز صباحي الحلقة الأضعف في البرنامج وهذا بالمقدمة التي تبث له في الإعلان.
ساحضر هذا العام رمضان بالسودان .. سالتقي طه كثيراً وسنتحدث قطعاً عن الحلقات. أتمنى ان التقي الأخ والصديق مصطفي السني وأتمنى له التوفيق في البرنامج. وساكتب عن انطباعاتهما وتجربتهما ..
اعتقد أصوات البنات جيدة .. وهذا انطباع أولي والحكم التنوع في الغناء ومجاراة الحلقات وضيوف البرنامج وأداء أعمالهم بأصوات وأداء مقنع.
أتمنى ان يكون البرنامج قدر التوقع والنجاح
أمنياتي لكم بصيام مقبول وذنب مغفور
عبدالعزيز خطاب
07-06-2013, 10:25 PM
الليندي الليندي
تاريخ التسجيل: 05-27-2002
مجموع المشاركات: 1188
رمضان كريم واكيد السودان سيكون سعيد بيك بس انشاءاله يستقبلك بخريف بدل السخانة دي يعني حتكون اساسي في البوست ده للاسف لم احضر اعلان الحلقة ويا ريت لو واحد ينزلوا لينا ، غايتو حسب كلام اهل معتز صباحي قالو السر قدور متكيف منو ومعتز لو بعد من الخليجي وطريقة الاداء العجيبة دي صوت جيد وما قادر افتي لاني ما شفت الاعلان لكن اتوقع أنو الحلقة الاضعف تكون ( فرفور - فهيمة - معاذ ) بالترتيب ده زحل ومنى ما سمعت ليهم قبل كده لكن اتوقع أنو ( احمد المامون - نادر عثملن - نسرين هندي ) حيشكلوا اضافة لو اتاح ليهم السر قدور اختيار الاغنيات ومافرض عليهم أغنيات محددة ومتوقع ظهور مميز لمصطفى السني رغم أنو لونيتو الغنائية واحدة فلو اختار كويس حيكون نجم البرنامج وغايتو احمد المامون ده حيقلب الطاولة ، طبعاً طه بقى متمرس فقط يا عزيز خليهو يبعد عن النصوص التعبانة وحيكون مشروع غنائي متكامل واضافة في خارطة الغناء السوداني واجازة سعيد ة عبدالعزيز
،،،
07-06-2013, 10:34 PM
الليندي الليندي
تاريخ التسجيل: 05-27-2002
مجموع المشاركات: 1188
من الاصوات التى تشارك للمرة الاولى ( أحمد المأمون ) أول نجوم الغد دفعة 16 والود ده غناي عديل وعندو صوت مميز وتطريبو عالي لوسابو السر احمد قدور يغني براحتو حيكون اضافة حقيقة ، بالله شوفو بعذب أغنية الجابري وعبدالرحمن الريح ( حكمة ) دي كيف رغم ضعف الفرقة الموسيقية
،،،،،
07-06-2013, 11:05 PM
الليندي الليندي
تاريخ التسجيل: 05-27-2002
مجموع المشاركات: 1188
من الاصوات التى تشارك للمرة الاولى ( معاذ صلاح ابن البادية ) غايتو حسب سمعي ليهو ممكن يشكل ثنائية مع فرفور صوت اكتر من عادي يعني شالو شريف وجابو معاذ الموضوع فيهو مجاملة واضحة وما بتوقع يشكل اي اضافة شوفو بعمل شنو في أغنية الجابري والصادق الياس ( رسائل )
،،،،
07-06-2013, 11:13 PM
محمد عوض السيد محمد عوض السيد
تاريخ التسجيل: 06-17-2011
مجموع المشاركات: 966
كاد برنامج اغاني واغاني ان يفقد مشاهديه لولا هذا التغيير بعد ما طالته الرتابة من نفس الشخوص وتكرير نفس الاغاني لسنوات ليس قليلة والشباب المختار لهذا الموسم بهم اصوات جيدة ونعول علي مصطفي السني في اضافة الجديد والجميل للبرنامج ..
مع ودي واحترامي
07-06-2013, 11:28 PM
الليندي الليندي
تاريخ التسجيل: 05-27-2002
مجموع المشاركات: 1188
حقيقي مللنا من الرتابة والتكرار واتمنى أنو التكرار ما يكون في الأغاني ويكون التغير فقط في الاصوات المشاركة واتفق معك أنو في اصوات مميزة نتمنى أن تشكل إضافة
دمت بخير
07-06-2013, 11:21 PM
الليندي الليندي
تاريخ التسجيل: 05-27-2002
مجموع المشاركات: 1188
من الاصوات التى تشارك أيضاً للمرة الاولى الفنان ( معتز صباحي ) غايتو انا باص عديل لحدي ما يجي البرنامج وبعدين احكم لكن اتوقع يشكلوا ثلاثية مع نسرين هندي ومصطفى السني عموماً شوفوه وهو بغني أغنية الملك ( عثمان حسين ) ومبارك حسن خليفة وعوض احمد خليفة ( ربيع الدنيا )
من الاصوات البتشارك للمرة الاولي و الحتشكل اضافة ( نسرين هندي ) انشاء الله ما تخذلني الغريبة نسرين دي بدت بتقليد ( معتز صباحي ) ابان بدايتها الغنائية من كلية علوم الطيران لكن قدرت تخلق ليها لونية خاصة واتوقع انها تشكل ثنائية مع مصطفى السني في أغنيات ابوداوؤد ومع معتز في أغنيات صلاح محمد عيسى ده لو خلاهم السر قدور ، في الفيديو ده بتغني أغنية ابوداوؤد واسماعيل حسن وبرعى محمد دفع الله بشكل جميل
،،،،،
07-06-2013, 11:48 PM
طارق جبريل طارق جبريل
تاريخ التسجيل: 10-11-2005
مجموع المشاركات: 22556
غايتو اسرار الا نطلقا من راجلا ده عشان تجي وتغني تاني اما عصام فقد اختار الاغتراب بعد أن ضاقت به سبل الغناء الطاعم لكن صدقني عندك ( فاطمة عمر ونسرين هندي ) ديل حيشكلوا اضافة كبيرة و ( مصطفى السني واحمد المامون ) ديل حيكونو فرس رهان أغاني وأغاني السنة دي .
،،،،
07-06-2013, 11:57 PM
الليندي الليندي
تاريخ التسجيل: 05-27-2002
مجموع المشاركات: 1188
احد الاصوات التى ستشارك لاول مرة في البرنامج و فرس رهان لاضافة الكثير للبرنامج ( مصطفى السني ) ومصطفى معروف لدى الكثيرين بالتطريب العالي والاداء المتفرد وله لونيته الخاصة في الاداء فقط اتخوف أن لايتركه السر قدور الحرية في اختيار الاغنيات مثلما ما يفعل مع الكثيرين غير ذلك مافي كلام وبالله شوفو وهو بؤدي أغنية ( محمد سليمان الشبلي و علي المساح ) ( غصن الرياض المايد )
،،،،،
07-07-2013, 01:05 AM
الخير محمد عوض الخير محمد عوض
تاريخ التسجيل: 10-25-2005
مجموع المشاركات: 3547
معتز صباحي: يتخلف الناس او يتفقون حوله فهو صوت مميز ومختلف وله نكهته الخاصة .. احبة جدا واستمتع حينما اسمعة يؤدي في الغناء المعروف لانه بيطفي علي الغناء طعم خاص جدا ويفاجئي الزول بطلعات وخروج من المالوف بصورة مدهشة ...... نسرين هندي برضو بشارة دعوة جيدة لان نستمتع بنسخة البرنامج لهذ العام ...... ارجو ان يترك عمنا قدرو الشباب ديل يغنو براحتهم عشان يطلعو العندهم وما يزنقهم لينا بغناء يكونو مجبورين عليهو ..... اتمنى ان يستمتع الرواد بنكهة مختلفة في هذا العام .... تحيتي مرة اخرى للندي ولكل الضيوف.
07-07-2013, 01:09 AM
الخير محمد عوض الخير محمد عوض
تاريخ التسجيل: 10-25-2005
مجموع المشاركات: 3547
يا سلااااام عليك يا الخير ياخ ..إنت زول أضانك نضيييفة ..ودي شهادة منّا بذلك :) بس لو ما خربتها بي المبدعة نانسي عجاج دي :)
أحمد المأمون صوت واعد لكن ما مميز وشكلو ما نشط فنيّا عشان كده ما مشى كتير..يصلح فنان تسجيلات تلفزيونية فقط .. معتز صباحي ده لونية صوتية ما ساهلة ..مااا سااااهلة ..صدقوني الزول ده عجييب بس يلقى مساحة في الاختيار.. نسرين هندي بت رايقة راااايقة راااايقة وبتعمل حاجاتا براااحة .. بس لو خلّت البيبسي الكتييير البتعملوا في شعرا ده :) :)
معاز وود حياة طلسم ديل البيكونو تموها علاقات مع إنو باقي لي ود طلسم ده خريج كلية الموسيقى.. الباقين كدي لمن نسمع ونشوف أو كما يقول سورج للعماري الجيّد..سف وقارن..
07-07-2013, 07:40 AM
اسلام عبد الرحمن عمر اسلام عبد الرحمن عمر
تاريخ التسجيل: 11-28-2004
مجموع المشاركات: 422
يعجبني أداء طه سليمان وصوته المميز وأحسب أنه آخر الأصوات القوية التي ينتظر أن تقدم جديد، وهو يظلم نفسه بالأغاني الهايفة مع إحترامي لبقية "المغنين" و"المغنيات" وأخص هنا معتز صباحي!
شاهدت خلال زيارتى الاخيرة للسودان ولعدة قنوات فضائية برامج رمضانية قوية ستبث خلال رمضان. المنافسة هذه السنة لاغانى واغانى ستكون كبيرة جدا جدا.
الشروق: ياملك مع صلاح البادية واغنيات مع الشباب التلفزيون القومى: عتيقيات لبشير عتيق and#1638;and#1632; اغنية قناة الخرطوم: بنات طلسم قناة انغام: برنامج قوى جدا للحاج محمد احمد سرور واغنيات شباب ستبث فى نفس مواعيد اغانى واغانى.
ما شاهدته بقناة انغام الجديدة مبالغة وهذه القناة ستحدث مفاجأة يا الليندى.
الصديق الليندي كيف حالك يا عزيزي المتفق عليه أحمد المامون وهو الإضافة الحقيقية بالإضافة للسني اللي ما عليه خلاف
بعدين يا عمر الفاروق أنا قنعت من حكمك مما قلت رأيك في أسرار غايتو بوجود ود صلاح بن البادية ومعتز صباحي موعودين بخرمجة على مستوى والله الرتابة نعمة مقارنة بما سنسمعه من هؤلاء إنتو ود الفنان لازم يكون فنان ؟؟؟
الله يستر
07-07-2013, 05:36 PM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
الخبير اللندي .... سلامات السني فنان كبير طه سليمان نجم قدير المامون شاب خطير واتمنى نجاح صديقنا ابو الفرافير احيانا خرمجات السر قدور في المعلومات وتضليل المشاهد تفقد الحلقة نكهتها . . معتز صباح غناااااااااااااااااااااااي . . دخول بعض الفنانين اذا لم نراهم في اغاني واغاني معناها نحنا ما سودانيين مجاملين من الدرجه الاولى في كل شيء
07-07-2013, 07:40 PM
الليندي الليندي
تاريخ التسجيل: 05-27-2002
مجموع المشاركات: 1188
غايتو صديقك ابوالفرافير ده 8 سنة اعد المفروض يتفضل ، رب الهرجلة قد اضينينا تمانية سنة صريخ فما عدا ذلك اتقف معك تماما السني معلم في الاغاني العتيقة بعتقا ليك زي ما الحصل شيء ن وطه مافيهو كلام بس يا ريت يدرك امكانياتو التطريبية ويأسس ليهو مدرسة مميزة ، لكن شكلوا احمد المأمون كلام عمر فاروق فوقو حيطلع صاح ، الاخير ده اعفيني منو هسه باص عدييييل يا وليد
سلمت من كل شر
07-07-2013, 05:57 PM
الليندي الليندي
تاريخ التسجيل: 05-27-2002
مجموع المشاركات: 1188
شكراً ليك كتير واتمنى أنو البرنامج يلقى الضو علي مبدعين اثروا الساحة الفنية وظلموا ظلم الحسن والحسين ( صالح الضي - ابراهيم موسى ابا - بهاء عبدالرحمن - عبدالمنعم حسيب - وملحنين زي موسى محمد ابراهيم وشعراء كثيرين ) بدل الهرجلة بتاعت عمك قدور واتمنى أنو يكون تم تحضير للبرنامج بشكل جيد وما تكون المسألة نجر من الراس ومسألة مادية بحتة يا ريت يا ريت يا اسلام وياريت نتحل من رائعة جمال فرفور ( المهرجان ) وعمك قدور يدي الكاشف ويدى نفسو حقها
سلمت من كل شر
07-07-2013, 05:48 PM
الليندي الليندي
تاريخ التسجيل: 05-27-2002
مجموع المشاركات: 1188
احمد المأمون صوت مميز وتطريب عالي لكن ما زول بغني من طرف عشان كده ما مشى واحسن يقيف قبلو بدل ما يخرب صوتو زي شريف الفحيل وبدل ما يتجه لأغنيات لاتسمن ولاتغني من جوع حتسمعوا يا عمر انت بس سف وقارن اتفق معاك نسرين حتشكل اضافة واحتمال نادر لكن معاذ ده حيشكل فوضى مع فرفور
سلمت من كل شر
07-07-2013, 05:37 PM
الليندي الليندي
تاريخ التسجيل: 05-27-2002
مجموع المشاركات: 1188
والله معتز صباحي غايتو النشوفو وبعدين نحكم جلوني منو هسه ونسرين حتكون اضافة لكن انا مصر أنو احمد المامون حيعمل ادهاش للناس بالاضافة لفاطمة عمر مع خاص ودي
07-07-2013, 06:26 PM
الليندي الليندي
تاريخ التسجيل: 05-27-2002
مجموع المشاركات: 1188
اها شفنا الاعلان الليلة ولقينا في اليوتوب بس ناقص ( معتز صباحي ) بغني الابيض ضميرك ( الحلنقي والطيب عبدالله ) بنفس طريقتو غايتو منتظرين نشوفو في اغاني تانية لكن بالجد ( نسرين هندي ) الجزء الاستمعت ليهو من ( سيد الاسم ) ( كامل عبدالماجد والجابري ) مبالغة تطريب عالي نسرين دي اضافة اضافة مافي كلام اما احمد المامون في ( رسائل ) ( الصادق الياس والجابري ) خذلني عديل نديهو فرصة غايتو والبت فاطمه الغنت جزء من ( لاجل حبي ) ( الملك عثمان حسين وبازرعة ) دي برضو اضافة ، اضافة وطه طبعاً مافيهو كلام ومصطفى السني عذب أنة المجروح سرور وسيد عبدالعزيز عذاب شديد مصطفى ده يخلوا لي الحقيبة وابوداوؤد ، وود ابن البادية وفرفور زيادة عدد والباقين ديل غايتو ما عرفناهم اول مرة نشوفهم الحكم بعد المداولة والانتهاء نخليكم مع جزء من الاعلان بتاع أغاني وأغاني النسخة التاسعة
07-07-2013, 06:38 PM
داليا حافظ داليا حافظ
تاريخ التسجيل: 06-06-2008
مجموع المشاركات: 5055
والله يا بدرالدين شكلو ( احمد المأمون ) حيخذلنا من كب البيبسي في راسو ده لو لاحظت في الاعلان عمل حركة في الرسائل دي لمن ابت تمش شكلو حيتكلف وحيخرب غناهو لكن نتظر والرتابة والهرجلة في الغناء اديها لفرفور ومعاذ ، ااايييك نسيت ( فخيمة ) شكلها حتكون اغاني دلوكة ساي السنة دي
سلمت من كل شر
07-07-2013, 11:40 PM
Abuzar Omer Abuzar Omer
تاريخ التسجيل: 07-26-2008
مجموع المشاركات: 2109
بصراحة كنت متشائم جداً قبل أشوف البرومو بالذات من أحمد المأمون و و لد هادية طلسم لكن لو كان أدائهم بالمستوي الكان في البرومو فأعتقد أنهم ما بطالين أعتقد أن الحلقة الأضعف ستكون معتز صباحي و فاطمة عمر و لمن يود أن يعرف مستوي فاطمة عمر في الغناء فليحضر جزء من حفلتها في بورتسودان عشان تكره حاجة أسمها غناء نهائي . مصطفي السني معلم و الله و أنا براهن عليهو جداً بالأضافة لنسرين هندي أفضل صوت نسائي موجود حالياً في السودان بعد هاجر كباشي مشكلة هذا البرنامج المجاملات الكتيرة ناس معاذ بن البادية و فرفور و بقية الأسماء غير المعروفة دي. فهيمة دي فنانة كويسة ما عارف الناس زعلانين منها ليه
07-08-2013, 07:23 AM
نافع الكوماوي نافع الكوماوي
تاريخ التسجيل: 02-11-2013
مجموع المشاركات: 278
الأخ الليندي لك التحايا السني حيكون أفضل واحد في الشلة دي حسب ظني الناس الجدد ديل أنا مابعرفهم طبعاً لكن أعتقد إنو صباحي حيشكل الحلقة الأضعف عموماً ننتظر ونشوف البحصل شنو
07-08-2013, 07:37 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
الأخ الليندي والحلوين.. للأمانة البرومو ما فيهو أييي شي ملفت مع إحترامي لي رأي داليا ما لم تكون قاصدة فتحت النفس برؤية وجوه جديدة وليس اداء جديد.. المخييف في الموضوع إنو دايماً في البرومو الزول بيقدم أفضل اللقطات وأجمل الاداء عشان التشويق وكده ..فلو دي أجمل اللقطات واجمل الاداء فوالله دي ح تكون كارثة ..يا كمان المخرج والمعد ذوقهم كعب وما عرفو يختارو البرومو صاح.. ماف ولاااا أغنية أو اداء ملفت في البرومو وماف ولااا صوت كان مميز من خلال البرومو.. كل التوقعات دي نحن باننها من مخيلتنا لكن لو مشينا مع البرومو فالتسجيلات ضعييفة ..
السر قدور انا مصنفو من الناس المستنكحين ..وبقصد الكلمة دي بكل تفاصيلها انا ..بحس بيهو بيتعامل بي نوع من الاستنكاح خصوصا فيما يتعلق بي اختيار فنان الحلقة والموضوع.. وكتيير ما بيجيني إحساس إنو بيجيب فنان كبير ما عشان يعرّف بي فنو بقدر ما عايز يكتل ليهو قلبو عشان يخليهم يغنوا ليهو غناهو .. الاستنكاح الاكبر يكمن في الكلفتة وعدم احترام المشاهد من خلال تجهيز إستديو وإعداد حلقة واضحة المعالم ..كووورجة وجووطة وضحكااات ثم نسسسسمع غنية .. البرومو وللأمانة يا ليندي بيقول إنو معاذ كان بيأدي بي صورة ممتازة وصوت جهووري وواضح المعالم وشخصيته واضحة .. البرومو بيقول إنو مصطفى السني بي الأوركسترا ضعييييف جداً وصوتو بيرووح في جوطة الالات وبالتالي بيفقد بريقه الا من بعض اللمحات .. البرومو بيقول إنو السر قدور غلبو ينفض الغبار عن أغاني ذات وزن ثقيل وكأنو بيقول انا كملت كل الاغاني وبدا يجيب ليهو في اغاني اكتر من عادية .. البرومو بيقول إنو المأمون ده ما طوّر روحو وعاش بي ماضي نجوم الغد .. أراهن على معتز صباحي ونسرين هندي مبدئيا.. مع واحدة من البنات ما فرزتها..
07-08-2013, 07:57 AM
داليا حافظ داليا حافظ
تاريخ التسجيل: 06-06-2008
مجموع المشاركات: 5055
وشكرا على هذا السرد الممتع ... وبرنامج اغاني واغاني ... من البرنامج التي توثق للاغنية السودانية والسر قدور راجل فنان .. ما ساهل .. وذو خبره طويلة في الاعلام .. واعتقد له دور كبير في نجاح هذا البرنامج بقفشاته .. وضحكته المميزه مما يساهم في تلطيف الجو في الاستوديو .. زي ما فهمنا ان هنالك تغيير كبير في شكل وموضمون البرنامج .. وانا ارى ان تكرار نفس الوجوه السابقه يجعل البرنامج رتيباً .. ومملاً لذلك استطاع السر قدور بذكاء شديد تغيير كامل الطاقم الغنائي واستبداله بوجوه جديده ... مع تطعيمه بالنجوم السابقين .. وانا اعول على فرفور .. ومصطفى السني .. وطه سليمان .. وفهيمه على التميز والتطريب .. اما نسرين فارى ان صوتها ضعيف جداً .. ولا يدخل الاذن الا بصعوبه .. المهم .. دعونا نشاهد الحلقات ونستمتع ... وبعدين نحكم ... ومشكلتنا نحنا في السعودية ان هذا البرنامج يذاع في اوقات الصلاة ومافي طريقة الا نشوف الاعاده بعد منتصف الليل .. وبرضو فيه صعوبه لمن لا يعشق السهر . انا ما عارف .. ليه البرنامج دا بالذات يذاع في رمضان ...
مجرد سؤال ... فيه خبث .... مع فائق تقديري ,,, محمد عبد المجيد ...
07-08-2013, 08:22 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
يا دلّو ..ياخ الهدنة شغالة من زمااان :) كلامي ده ما كان هجوم عليك والله بقدر ما هو شوفي للبرومو اللي تابعتو امبارح صدفة وانا بقلب في التلفزيون .. صراااحة الوجوه ما مشجعة وكان ممكن يجيبوا وجوه جتذبة أكتر للبرنامج ..والسر قدور لو بيشاور كان أديناهو لستة اسماء ح تضييف للبرنامج الكتييير ..
07-08-2013, 08:33 AM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
الزول الحاينزل لينا الحلقات هنا ما يقطع منها الحوار وتعليقات السر قدور .. لو البوستات دي للتوثيق فعلا فالحوار أهم من الأغاني وبالذات كلام السر قدور والضيوف ..
واليوتيوب ما قصر معاكم وادى مساحة أكتر من كلفية لتحميل الحلقة كلها ..
في مغنية إشتركت في برنامج "نجوم الغد" من بورتسودان إسمها شذى غنت الطير المهاجر (محمد وردي) صوتها جميل وأداءها كان جيد ينم عن موهبة .. لا أعرف أين إختفت؟ واختفت قبلها عافية حسن .. ضمن "ملابسات" نهاية المواهب في دنيا الغناء في السودان !!!
.
07-08-2013, 10:03 AM
مجاهد محمد الهادي مجاهد محمد الهادي
تاريخ التسجيل: 01-14-2013
مجموع المشاركات: 1665
عارف دي بقت مشكلة حقيقة في الغنا السوداني الات الميلودي بتنطفى تماماً وبتغطي الاورغ موسيقياً وبكون الاساس وصوتو عالي وفعلاً التوظيف الموسيقي ما جيد بالنسبة لاحمد المأمون لوغني عادي ما بتجيهو عوجه لكن لا حاول يتفلسف زي ما عمل في الحتة الجابوها في الاعلان بتبقى مشكلة بالنسبة لنادر ما شفتو قبل كده لكن يبدو هو الغنى الليلة يا سمراء ( وردي واسماعيل حسن وخليل احمد ) والحكم من جزء من أغنية بكون ما منصف لكن الصوت عادي غايتو نشوف ونحكم وعمك السر قدور ده بتمها موية
سلمت من كل شر
07-08-2013, 10:31 PM
الليندي الليندي
تاريخ التسجيل: 05-27-2002
مجموع المشاركات: 1188
بالله فاطمة عمر دي البت الغنت في بورسودان الكان قاديننا بيها في قناة البحر الاحمر لاحولا غايتو ما عارف شتان بين ديك والزولة في الدعاية بتاعت الحنة لكن يا خالد ندي السلام فرصة نشوفا في البرنامج في اغنية كاملة غايتو فخيمة دي ما مقنعة نوهائي بحة صوتا وبتتمايص في الغنا
سلمت من كل شر
07-08-2013, 10:44 PM
الليندي الليندي
تاريخ التسجيل: 05-27-2002
مجموع المشاركات: 1188
صدقني البرومو ده بكون قصو من اول حلقة متين عندنا ثقافة تقديم اجمل الاشياء ، وبعدين أداء نسرين في سيد الاسم كان مميز وملفت ، بتفق معاك وكيفتني بعبارة مستنكح لانو ده الوصف الحقيقي الزول ده بجي بشيل المية مليون ويمشى القاهرة ويجي راجع عشان يسجل البرنامج ويقبض وتاني يرجع ما علينا بس من المفترض أنو يجهز بشكل جيد للمادة الحتتقدم لأنو في أخطأ في كتير من المعلومات البقدما ، هسه لو ما مستنكح ( بلال موسى ) ده غير ( ثلاثة سنة ) وكم أغنية قدم شنو عشان تكون في حلقة عنو معقولة ( ابراهيم موسى ابا ) لحد الآن ما جابو عن شيء ، يا عمر عليك النبي هسه أغنية الجابري ( عليك النبي ) انت ما بتغنيها بشكل كويس اغنية ساهلة وما ممكن نحكم من خلال حتشوف الهرجلة الصاح من معاذ ده ، بالنسبة لمصطفى فصوتو قوي لكن زي ما قال ابوذر في مشكلة في الموسيقى وفي جوطه وهرجلة بتحصل بتطلع الزول الغناي من مود الغنا وبتشيل للما غناي ، الباقى بتفق معاك فيهو
سلمت من كل شر
07-08-2013, 10:45 PM
الخير محمد عوض الخير محمد عوض
تاريخ التسجيل: 10-25-2005
مجموع المشاركات: 3547
اها يا اهلنا من هسي ورونا البقدر يلتزم بتنزيل الاغاني منو لانو بصراحة انا في حتة ما بقدر اشوف البرنامج الا بعد ينزل هنا يعني ما حا اقدر اتابعو لايف وافتكر كتير من الناس زي حلاتنا كدا فعليييكم الله دايرين زول يلتزم عدييييييل ويقول انا دا ...
تحياتي للجميع ورمضان مبارك
07-08-2013, 11:06 PM
الليندي الليندي
تاريخ التسجيل: 05-27-2002
مجموع المشاركات: 1188
سلام مجيدو عمك قدور اعلامي وشاعر لكن بتمها لينا موية فرغ البرنامج من محتواه مافي توثيق جيد وفي أغاني اتكررت في اكتر من نسخة ما عارف ليه يعني هس في البرومو ( مصطفى السني ) بغني آنة المجروح دي المرة الرابعة تتقدم في البرنامج ده من قلة الغنا ، غايتو ما اتفقنا في فرفور وفخيمة نهائي لكن طه والسني مافي كلام وصدقني نسرين دي حتدهشك ، زيك واحد في سعودية السجم دي
سلمت من كل شر
07-08-2013, 11:14 PM
الليندي الليندي
تاريخ التسجيل: 05-27-2002
مجموع المشاركات: 1188
منتظرين عبير خيري وود العابسية وسمبتيكو ، لكن اكيد حننزل الحلقة كاملة لكن بعد منتصف الليل حسب التساهيل زي وزي طارق ميرغني السعودية الشغل في رمضان اكتر من الايام العادية
سلمت من كل شر
07-08-2013, 11:20 PM
الليندي الليندي
تاريخ التسجيل: 05-27-2002
مجموع المشاركات: 1188
ده كلام ( الشفيع عبدالعزيز ) أنهم حاولوا يغوصو مع الرواد ( عبدالحميد يوسف - حسن سليمان الهاوي - التاج مصطفى - الجابري - صلاح محمد عيسى ) ومعاهو البرومو كامل ( معتز ونسرين ) والزمن الحيتقدم فيهو البرنامج بعد 13 دقيقة من اذان المغرب .
07-09-2013, 11:26 PM
الليندي الليندي
تاريخ التسجيل: 05-27-2002
مجموع المشاركات: 1188
اها يا عمر الفاروق الثنائية البين ( طه سليمان ) و ( مصعب محمود عبدالعزيز ) ما كان ممكن تكون لقطة في الترويج ، طبعاً في حلقة عن الراحل ( محمود عبدالعزيز ) حيجيبو فيها جزء من الاغنيات القدمها في النسخة السابعة وحيتغنى باغنياتو جزء من المشاركين في النسخة وباستضافة ابنو ( مصعب ) اها لبكرة نشوف البحصل
07-10-2013, 01:15 AM
سفيان بشير نابرى سفيان بشير نابرى
تاريخ التسجيل: 09-01-2004
مجموع المشاركات: 9574
سلام يا ناصر عز الدين و تحيات طيبة يا صاحبي و رمضان كريم علي الجميع و بالجد الواحد مشتاق للزول الاسمو حاتم يوسف العبيد يا حاتم و الله و حشة جد و رمضانك كريم ... و التبريكات برمضان للجميع .
شوف يا الليندي (امجد حمزة) دا لو بطل القصص الميته دي صدقني شاعر جري جداً و عندو مفردات ذكية خالص و الزول دا بيمنطق ليك الواقع المتدهور و المعاش في السودان بعبارات غاية في البساطة هههههه بس مرات مرات بتكون عجيبة ههههههه.
معتز صباحي زول فنان و أي زول بيقول عكس كدا يراجع نفسو هههههه بس المصيبة انو ما ح يقدر يعمل حاجة في البرنامج دا مع عمنا قدور .
للاسف السنة دي ما متابع شديد بس ح اشارك من فترة لفترة .
Quote: سلام يا ناصر عز الدين و تحيات طيبة يا صاحبي و رمضان كريم علي الجميع و بالجد الواحد مشتاق للزول الاسمو حاتم يوسف العبيد يا حاتم و الله و حشة جد و رمضانك كريم ... و التبريكات برمضان للجميع .
سفيان نابري ياحبيب ... ياخي شوقنا مطر جوبا في شهر يوليو ...وينك ؟؟ سمعت طشاش كده أنك إرتحلت الى بلاد اليانكي في فرجينيا ... معناها ح أشوفك بالتأكيد أن صح الأمر " لاقيني في الخاص" ____
أخونا الليندي ... سلامات ...
لابد من وجود الأخوات (ممكونة ونجوان) الشباب ديل بعملوا شكل وطعم للبوست ... تعليقاتهم خطيرة وفي السلك
الاخ الليندي يا مبدع رمضان كريم وشكراً علي هذا الابداع فهذا البوست عبارة عن سياحة فنية اكتمل جمالها بمداخلات الاخوة اللذين اضافوا الكثير...نحن ننتظر وبلهف شديد ان نستمع ونشاهد اغاني واغاني كما ننتظر صينية الافطار مودتي وتقديري
07-10-2013, 10:21 AM
بدرالدين بابكر مصطفى بدرالدين بابكر مصطفى
تاريخ التسجيل: 06-24-2013
مجموع المشاركات: 1492
Quote: تحياتى يا ليندى يا فنان، و لكل الحضور فى هذه المساحة الأنيقة...
وياخي رمضان كريم وتصومو وتفطرو على خير ..
البرمو بقول كثير يا داليا يا غالية وعمر الفاروق ما قصر ونقده كالعادة لا يخلو من جراءة و س خط .. ناقد حقيقي مطعم بحلو مر .. البرمو بقول استديو اقل في التجهيز العام , اكبر في المساحة , والعقلية ذاتها الرائع قدور و الفنانين حواليه والفرقة بي غادي , ما محشورين شديد زي كل مرة ..
تحية للعازفين جميعا و نخص بالتحية نشيد السودان العازف ( ضباح الكمنجة ) كما ورد في بوست تمبسي مجاور القامة محمدية , وتحية علاقات للصديق باهي الطلة شارب الفن بالوراثة عازف الكمنجة زرياب برعي محمد دفع الله.
البرمو بقول الاستاذ قدور تقدم بيه العمر, وفقد الكثير من وزنه وشاحب الف سلامة ياغالي واعمل حساب صحتك , والدعوة للاهتمام به موصوله لاقربائه ومحبيه .. رجاء اخذو الموضوع جادي ..
واضح البوست في سودانيز هذا العام برعاية عالم مجتهد ودي ظاهرة من العرض البرازيلي في الصفحتين الاوائل ديل .. واتوقع بوستات منافسة تطل مع البرامج الكمية في كل قناة , وللاسف علاقتي بي القنوات جميعا عبر النت فقط لظروف مكانية كوالالمبورية .. فعبر مثل هذه البوستات نتنفس ..
ابن صلاح هو قامة من مدرسة اولاد البيت وال البيت ذات مدرسة طه سليمان ! , وسكينا غنائهم الجماعي في تسعينات القرن الماضي الفنان طه سليمان تالق في رمضان الماضي , وعاد وفجعنا باغنيات خاصة كارثية الكلمة والمعنى , موسيقى تقوم تهز في حفلة بس .. اكثر من كده ما بتقدر ولو عايز تجامله .. مفقول يا طه نقص القادرين عن التمام ده .. محتاج ضاحب او رجل اعمال حقيقي يخبرة انه بقامة وطن , لاداعي للتدني و هبوط الحرف والمعنى ..
البرمو بقول تغيير في الاشخاص , و كثافة في الاعداد واسماء اقل بريقا وبكثير , البرمو بقول تغيير في الاشخاص , والفكرة الاساسية ثابته بلا تطوير , والاخراج بلا جديد .. البرمو بقول تغيير في الاشخاص , وسنفتقد البعض عني ريماز وشموس و عاصم , وسنستمتع او لا نفعل مع طلات باهية جديدة .. التغيير مطلوب , لكن توقعنا ان ياتي اكبر واذكي واقوى من ذلك ..
وتبقى الاغاني والخطوات جديدة وحباب الشباب حبابهم .. السني مصطفى سمعته كثيرا مباشر بالعود , وهنا احسسته شخص اخر .. حباب ولد حوش سودانيز ..
الحلقة الاولى اتوقعها ستكون دموع مرة اخرى مع فقد السودان الفنان الراحل محمود عبدالعزيز .. اللهم اغفر له ولنادر خضر ولاصدقائه في حادث العربة , اللهم اغفر لنا ولموتانا وللمسلمين احيائهم وموتاهم واهدى العالمين ..
يبكون في جنح الظلام صبي .. ان البكاء على الشباب مرير ...
حبابنا سوا ولقدام ..
______________________________________________________ ليتهم يعلمون ان عمر اللحظـه في بعـدك يا خـرطـوم سنين طـوال د شهـاب الفاتح ـ كوالالمبـور
سـلام الليندي والجمـيع، وكل عـام وأنتم بخـير.. نحنا السـودانيين مغـرمين بحكاية أول وأكبر زي أكبر قاعة إجتماعات في أفريقيا، وأول دولة نالت إستقلالها، وأكبر سوق للصمغ في العالم الخ، عـشان كدة للمناسبة: فدي أول مـرة أعلق في بوسـت خاص ببرنامج أغاني وأغاني على الإطـلاق.. طبعاً الشباب ما قصروا في التعليقات ولي حالو دا بلا وضو: قبل بداية الحلقات اليوم (حلقة اليوم وبطبيعة الحال ستكون هي حلقة الراحل محمود وسيبدع طه سليمان بلا شك كما أبدع في حلقة الراحل نادر خضر).. عليه ومن خلال متابعتي القليلة للبروفات من بعيد بقـول ليكم ركزوا مـع طـه ومصطفى السـني وأحمد مامون فأداءهـم هـو فقط ما يمـيز هذه الدورة عن السابقات.
07-10-2013, 11:28 AM
شهاب الفاتح عثمان شهاب الفاتح عثمان
تاريخ التسجيل: 08-28-2006
مجموع المشاركات: 11937
بسم الله نفتتح ليكم بيا طير يا طير ولشئ فى نفس يعقوب فالراحل المقيم خليل احمد عمى فى الحسبة وزوجته عمتى ايضا ومنطقة السجانة لها علاقات كبيرة مع مدينة برى التى انتمى لها. لاخ ربيع ابن العم خليل احمد هو والد تومات شندى المعروفين وهو قد تزوج بدرى فى شندى ورحل اليها. يعنى خليل احمد هو جد تومات شندى.
منطقة السجانة وحى الزهور هى منطقة اشتهرت فى حقبة زمنية معينة نسبة لعثمان حسين وخليل احمد والملحن القدير حسن بابكر
07-10-2013, 06:58 PM
إبراهيم عبد الحليم إبراهيم عبد الحليم
تاريخ التسجيل: 10-31-2008
مجموع المشاركات: 3563
اللندي ... كل سنة وانت طيب بعيدا عن العواطف وبعيدا عن الصداقات غايتو صديقك ابوالفرافير ده 8 سنة اعد المفروض يتفضل ، رب الهرجلة قد اضينينا تمانية سنة صريخ فما عدا ذلك اتقف معك _________________________
جمال اليوم كان في قمة تجليه لاغاني ابراهيم عوض والتي يغنيها كما قال الكتاب اي كما قالت النوته الموسيقة جمال هنا لايغني لنا بل يغني لك ليثبت انه فعلا الملك كما يطلقون عليه الشباب . خرج جمال من رحم اسره فنية ولد على انغام ودندنات خضر بشير وابوداوؤد وميرغني الصبابي وايوب فارس كروان بحري عن نفسي لا اجمال في سماع الغناء ولا كورة القدم ولكن ممكن اقول ليك انت سمح انت انيق اكلك طاعم منطقة بحري لو انت ما فنان فنان لاتستطيع ان تحي لياليها اذا لم تطرب ناس بحري مافي زول تاني يطرب ليك لو منققطها الامثله كثيره في فنانين الشباب الراحل محمود وفرفور وطه سليمان وماقبلهم كلهم كانوا يغنون في منطقة بحري اولا لان منطقة بحري اشبه بالريف ومجتمع صغير واكثرهم بينهم علاقات دم ومصاهره ..
مصطفي السني دا الليله جاب اشياء وحليات جديده من عنده في اغاني ابو داؤود دا مجنون دا ممتع جدا جدا كمان انيق وانيق جدا هنا دي يالندي ما مجامله بل حقيقة ههههههههههههههه يالجماعة البت الكان بتغني لعثمان حسين دي منو دي مسلطه رسمي كان كدي سميره دنيا توشف ليها مكان تغني فيهو لعثمان حسين
ياطير ياطير صراحه البت غنتها بطريقة جميله العيب الوحيد صوت مكرر في الساحه وممكن تحل محل اسرار بابكر
البت الغنت يا طير يا طاير كانت ممتازة جمال فرفور نص نص يعني ياهو جمال زاتو ما أتطور خالص فاطمة عمر يكفيها تقييماً تكشيرة محمدية التي لم تفارقه حتى غني مصطفي السني و أبدع حتى أذهل السر قدور نسرين هندي أتوقعت منها أداء أفضل من كده و لو أن أداءها لم يكن سيئاً
07-10-2013, 07:44 PM
usama Babiker usama Babiker
تاريخ التسجيل: 01-07-2013
مجموع المشاركات: 2285
Quote: بالله شالو رماز .... طيب ما كان يشيلو معاهم السر قدور و المخرج و .... الاستديو كلو !
غايتو انا حضرتا حقلة اليوم الاول والاحبطنى كنتا متوقع الحرص القديم يعملوا لينا مناحة للحوت بعداااااك مخيريييييين --------------- مصطفى السنى زو مبدع ما فى كلام
07-14-2013, 11:16 PM
Hatim Alhwary Hatim Alhwary
تاريخ التسجيل: 01-23-2013
مجموع المشاركات: 2418
العزيز الليندى لك التحية ورمضان كريم فى رايى الخاص ان البرنامج فى اساسو برنامج جيد يستحق المتابعة وهو فكرة القرض منها توصيل وتجديد ما رسخ بالاذهان من غناء راقى الا انه فقد حيويته بعض الشى فى السنوات الماضية وتكرار الاشخاص كان له اثر واضح ولكن هذا العام بعتقد ان البرنامج لبس حله زاهية وهناك اصوات مثل مصطفى السنى وهو صاحب اداء متميز وقدرات فنية عالية وايضاً فاطمة ونسرين الهندى وود المامون و فى رايي هم اضافة حقيقية للبرنامج ودفعة للامام لصالح مشروع الغناء وبهولاء وامثالهم نكون مطمئنين على الفن السودانى من عبث العابثين به شكر الله لك على هذا الجهد والمتابعة والاهنمام حلقة اليوم الجمعة كانت راقية بكل معانى الرقي بجد الشياب بيقنو صح ويستحقو الاشادة.. لك التحية وتعظيم سلام
07-10-2013, 07:59 PM
عبير خيرى عبير خيرى
تاريخ التسجيل: 02-12-2004
مجموع المشاركات: 2442
الليندي وكل اعضاء البوست واعضاء سودانيز اونلاين والقراء رمضان كريم وينعاد عليكم بالخير والفرح
كل سنة وانتم طيبين
شكراً الليندي لفتح البوست وكل التعليقات الجميلة والثرة والمميزة ..
نسخة هذا العام تبشر من البرومو ببعض الجمال ،
مصطفى السنّي إضافة كبيرة لقناة النيل الآزرق بازدياد جمهور مصطفى السنّي وخصوصاً أنه في الفترة الأخيرة كان الناثر الاكبر للفرح والطرب والغناء الاصيل
معتز صباحي في البرومو لم يجد اطلاقاً اغنية الطيب عبد الله رغم اني اعتبره تميز بطريقة ادائه لبعض الاغنيات وله اغنيات خاصة جميلة وصوت مفعم بالحنيه ويحمد له انه لم ينجر كأبناء جيله من الفنانين الى الهبوط الاضطراري.
نسرين الهندي حينما ظهرت في قناة زول لم تلقت نظري ولكن في البرومو رأيت صوتاً معافى .
نتمنى ان يكون هذا العام بداية جديدة لبرنامج اغاني واغاني لأن الحلقة الأخيرة منه كانت في العام الماضي.
07-10-2013, 08:14 PM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
يا جماعة ما دام ما استجبتو لي رجاءنا بإنزال الحلقة كاملة مع الحوار ..
يا ريت لو بس دليتونا الحلقات الكاملة نلقاها وين ..!!
مشكورين أستاذ طارق ميرغني ودكتور شهاب .. لكن صراحة هذه البوستات لم تعد بوستات توثيق لأن أهم ما في بوستات التوثيق هو الحوار .. ولكن بهذه الطريقة فإن البوست سيتحول لانطباعات شخصية بحتة لا تتجاوز شاكلة .. دا غناي وديك غناية !!
رغم اني كل سنة بنبه للنقطة دي !!
07-10-2013, 08:49 PM
saidahmed shami saidahmed shami
تاريخ التسجيل: 01-08-2013
مجموع المشاركات: 2348
Quote: جماعة ما دام ما استجبتو لي رجاءنا بإنزال الحلقة كاملة مع الحوار ..
يا ريت لو بس دليتونا الحلقات الكاملة نلقاها وين ..!!
مشكورين أستاذ طارق ميرغني ودكتور شهاب .. لكن صراحة هذه البوستات لم تعد بوستات توثيق لأن أهم ما في بوستات التوثيق هو الحوار .. ولكن بهذه الطريقة فإن البوست سيتحول لانطباعات شخصية بحتة لا تتجاوز شاكلة .. دا غناي وديك غناية !!
والله بحثت اليوم الحلقة الكاملة فى مواقع مختلفة كالراكوبة ومكتبة المزيكا حتى صفحتهم اغانى واغانى بالفيسبوك ولم اجدها. حتى نجوم الغد انا بتابعها بقت ما بتنزل اليوتيوب باستمرار
من ما عرس ود العباسية ورأسنا اتقطع ياااااخ دلوقت نمسك فى الشامى ده ونفسخ خطوبتوا ولا شنو.
يا قبانى خت لينا فيتو يااخ
07-10-2013, 10:20 PM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
Quote: لكن صراحة هذه البوستات لم تعد بوستات توثيق لأن أهم ما في بوستات التوثيق هو الحوار .. ولكن بهذه الطريقة فإن البوست سيتحول لانطباعات شخصية بحتة لا تتجاوز شاكلة .. دا غناي وديك غناية !!
رغم اني كل سنة بنبه للنقطة دي !!
لو متابع من بداية هذه البوستات كانت ليس للتوثيق لان التويق يختلف وطريقته تختلف تماما عن شكل هذه البوستات كمان كمان لو عايز التويق إلا يمر من هنا عضو المنبر عماد احمد ويوثق القديم والجيد من برنامج اغاني واغاني ياخي كلام الناس هنا زيها وزي اي زول بسمع شريط في ابوجنزير ولا موقف المحطه الاوسطى بحري يعني الوتثيق في شنو وشنو متخيل يكون شكل الحوار كل كلام الناس هنا زي ماقلت انطبعات شخصية واي زول حسب مزاجه يعني الشغله فاقده للتخصصية وبعيدا عن علم الاصوات يعني انا ممكن اقول فرفور غنااااااااااي وانت تقول لالالالالا مابعرف التكتح لان هنا لفهم واحد نحنا الاتنين مجرد سامعين فقط اما النقد الفني كمان له تخصصه وناسه وبحره كبير وغريق وانت زول بتعرف في الامور دي يظهر عشان كدا ياحبيب انا ماشايف هنا في حاجه للتوثيق اصلا يعني مره مره لمن نشوف تعليق الناس المتخصصه بنستمع صراحه ..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
الليندي
Elmosley
عزيز
محمد عوض السيد
طارق جبريل
الخير محمد عوض
عمر الفاروق
داليا حافظ
إبراهيم عبد الحليم
saidahmed shami
بدرالدين بابكر مصطفى
وليد عبد اللطيف
Abuzar Omer
يحي قباني
خالد عبد الله محمود
نافع الكوماوي
أحمد محمد موسى
محمد مجيدو
ناذر محمد الخليفة
مجاهد محمد الهادي
Maawya Hussein
مزمل خيرى
نجلاء قرافي
سفيان بشير نابرى
شهاب الفاتح عثمان
usama Babiker
محمد حمزة الحسين
Hatim Alhwary
عبير خيرى
فيس بوك
تويتر
انستقرام
يوتيوب
بنتيريست