ضحكات فنانيين... ياسر العيلفون نموذجا

حفل دعم الجالية السودانية بمنطقة واشنطن الكبري بالفنان عمر احساس
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 21-09-2018, 06:19 AM الصفحة الرئيسية

مدخل أرشيف الربع الثالث للعام 2013م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
03-07-2013, 08:16 AM

عباس الدسيس
<aعباس الدسيس
تاريخ التسجيل: 11-10-2012
مجموع المشاركات: 3363

للتواصل معنا

FaceBook
تويتر Twitter
YouTube


ضحكات فنانيين... ياسر العيلفون نموذجا

    الله قسم لي صحبة الفنانيين من ياسر العيلفون – ايهاب – عصام محمد نور .... الخ والقائمة تطول.
    تزاملنا مع الصديق ياسر العيلفون في شركة وإحنا برالمة في السعودية قبل ما نخش في ياسر واخوانو الفنانين


    اول وظيفة عملت بها جاي جيد كرت كان زميل لينا سوداني قبطي الله اطراهو بالخير راجل طيب وقت الفراغ بمشي مكتبو اتونس معاهو من اقعد في الكرسي واجب الضيافة اقول لي ((عباس شاي و ل قهوة)) ارد بي سرعة لا لا شكرا كان عندي حساسية مفرطه مع الشاي والقهوة وبي السبب ده كرهت المراسله الهندي اول يوم عمل دخل علي... سديق شاي ، كوفي- بسرع رديت ...شكرا أنا ما إشرب شاي كوفي ، وعلي هذا الحال اكثر من ثلاثة اربعة شهور.
    مرة كنت قاعد مع القبطي اصر علي اشرب شاي اخضر وبما انو ما متوفر كثير في السودان قبلت علي مضض شربت الكباية لما تصبب العرق من جبهتي وبسرعة فائقة مع رشفات كبيرة حتي احتار صديقي القبطي ولما انتهيت ختيت الكباية معاها دقة ...كع ... في التربيزة الراجل عاين لي بي اندهاشة ثم قال:
    يازول مالك مستعجل قول بسم الله البلد دي غير الشاي بانواعو والقهوة فيها شنو الحاجة الوحيدة البلاش هنا.
    نطط عيوني كيف بلاش هنا يعني ما بقروش الله اقطعت يا عباس ضيعت اربعة شهور الهندي من اول يوم خش علي اتخذت قرار ما اشرب مكيفات عشان الحساب ما إجيني نهاية الشهر كثير... اصلو كانت عندي عقدة من الشاي بي الدين حاجة عشة كانت زمان في البنك بتبيع لينا الشاي بالشهر بتزيد ليك الحساب اكثر من الشربتو.

    ثانيا:
    مشوار الشغل كان جبدة وهنا مافي مواصلات وضاربني السلك قرش ما عندي اول ايام كنت بقوم مع الصبح عشان امشي كداري مشاشقة بي نص الحي يومين وتلاتة فترته.
    قلت اجرب يا عم اول طلعتي الشارع العام قابلت باكستاني اشر لي بي راسو في معناه ماشي قدام اشرت أنا بي راسي ايضا بالايجاب ظيييييييييط جره فرمله.
    يا سديق أنا امشي في طريق هذا قريب صناعية.
    يلا يلا إركب !!!!
    خلفته يدي لحسن حظي الراجل جابني قدام باب الشركة. بس بس هنا يا سديق....
    نزلته شكرا يا سديق !!!
    الراجل .. شكرا ايش وين فلوس جيب 20 ريال هذا مسجد انت شوف أنا مطوع يبقي حسنه ايش هذا
    أنا: فلوس ايش أنا مافي وقف انت ليش انت وقف بعدين كلام بي راسك انت روح قدام أنا اركب.
    الراجل: ايش هذا انت اي نفر كلام روح قدام اركب بدون فلوس هذا ليموزين أنا مافي شوف سوداني حرامي.
    أنا: سديق انت مافي كلام ما كويس والله أنا اضرب حمار
    الراجل نزل من العربية وقعد اكورك.... بالله شوف هذا نفر حرامي وقرقر كثير يبقي يضرب ليش مافي شرطة.
    الناس اتلمت قلت جابت ليها شرطة عندي خمسة ريال طلعتها ليهو .... طيب هاك سديق يلا روح.
    الرجل لو ما حلاني منو صاحبي القبطي كان حسي كنت بي هناك اخيرا عرفته بتاع ليموزين لو اشر ليك بي راسو عايز اورطك.
    أنا ضارب الكداري عربات الليموزين تجي ماشة فيني وقت تقرب مني الراجل ياخذ ليهو سنده وإشر لي بي راسو ومن زعلتي من الباكستاني اقول ليهو بصوت عالي....
    روح يا حمار.
    اللولح راسو ايش هذا نفر مجنون !!!!!!!!!!!!

    ياسر العيلفون .... نواصل
                   |Articles |News |مقالات |بيانات

03-07-2013, 08:35 AM

ياسر السر
<aياسر السر
تاريخ التسجيل: 06-08-2010
مجموع المشاركات: 2752

للتواصل معنا

FaceBook
تويتر Twitter
YouTube


Re: ضحكات فنانيين... ياسر العيلفون نموذجا (Re: عباس الدسيس)

    عبس الحبيب صباح الخير يا سديق ،،، يا سلاااام يا عباس ياخ الايام الخوالي ديك تاني ما بترجع ،، وكانت ايام سعيده وربي مناي تعيدا نسعد فيها تاني ونعيد فيها الاماني ،،، كان الواحد يقوم من الصباح معندو هم غير يصل المكتب ويخلف كراع في كراع ويتم باقي يومو في النت ,, لكن هسة وييين والواحد يقوم من النوم وعايز يوصل البنت المدرسة ويديها حق الحلاوة ويوصلها ويمسكها الزمزمية والشنطة والفطور وبعد كده يقول يا حي يا دائم على الدوام والدوام لله يا خوي .. كدي خليني استرجع ماضي الذكريات وارجع ليك .. بالمناسبة ويييييييين اخونا درديري ..


    تحياتي : ياسر العيلفون
                   |Articles |News |مقالات |بيانات

03-07-2013, 08:53 AM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: ضحكات فنانيين... ياسر العيلفون نموذجا (Re: ياسر السر)

    ياسر بما انك فنان ابعد عن عباس وغنيلو


    يكون احسن لو بالتلفون كمان عشان تحصل على افضل النتائج

    والا الليلة حتكون شهيد العيلفون
                   |Articles |News |مقالات |بيانات

03-07-2013, 09:15 AM

عباس الدسيس
<aعباس الدسيس
تاريخ التسجيل: 11-10-2012
مجموع المشاركات: 3363

للتواصل معنا

FaceBook
تويتر Twitter
YouTube


Re: ضحكات فنانيين... ياسر العيلفون نموذجا (Re: درديري كباشي)

    امس قابلت ياسر في مطعم العباسية كان معاي الاشتراكي الاصل طارق الحسن والناس شابكين ليك ياسر ازيك يا استاذ ازيك يا استاذ كرهونا اكل الفته .
    دائما احن لي ايام زمان الانسان العزيز علي بدل اقدم ليهو عيزومة في النافورة او كنتاكي بسوقو غبيرة ناكل الفته او كما يقول ولدي (( بابا مشي ياكل خبز بي موية غبيرا)) قلته ليهو يا ولد موية غبيرا اصلو موية زمزم ما تنجهنا المشكله النسوان هنا لو عزمته زول في البيت بستعينو بي اتصل نصل والاولاد ربنا ادينا خيرهم....
    قريب من الصباح صحيت من النوم لقيت الوالد صحي ماشي الحمام سألتو:
    يا ولد المصحيك قريب الصباح شنو من النوم ؟؟؟؟
    قال صحيت عشان انوم تاني!!!!
    يا ولد رد كويس أنا اسأل فيك ترد علي بصورة غريبه ؟؟؟
    بالله يا بابا ما تطير النوم من عيناحسي الغريب فينا منو شايفني ماشي الحمام تقول لي المصحيك شنو يعني ارد عليك كيف !!!!!!

    ياسر العيلفون بحب السكر (( بضم السين)) بجد والله ...
    السكر المربعات عندو ليهو طريقة تعامل والسكر الفلت عندو ليهو طريقة تعامل.
    مهندس معانا فلبيني ما بعرف السلام عليكم بالعربي جاني فاتح خشمو من الدهشة قال لي انت وياسر سودانيين صاح قلت ليهو ايوه جراني من يدي علي غرفة الشاي والراجل مصر وملح بسرعة نلقي ليك ياسر رافع راسو فوق وبكشح في السكر جوه خشمو بي قبضة اصابعيهو الخمسة والفلبيني مندهش اولا ما كنت مستوعب الموقف بعد فترة اكتشفت الراجل مستغرب في ناس بسفو السكر وكمان بطريقة الكتحه في الخشم عندهم حاجة غريبه.
    أها مرة لقيت ياسر خاتي ليهو سكر مربعات في مكتبو اقرش فيهو قرش زي حلاوة دربس شلته منو واحده صادف الفلبيني براقب ياسر بي الزجاج وياسر شغال قرش كر كرم كرم كر كرم كرم طلعت من المكتب اتوجهت للفلبيني وشايل في يدي اليمين قطعة السكر يدي الشمال حاولت اختها في كتفو واتكلم معاهو لما مشت يدي لي جسمو الظاهر كانت فيها كهرباء ساكنه والراجل مركز علي قطعة السكر مع الضربة بتاعت الكهرباء شح الراجل نطه ثلاثة امتار لي حسي ما بقرب مني .....كلو من ياسر..... كل ما اقلبلني بنطط عيونو.


    ياسر كان جديد في البلد كرت وتعبان من المواصلات ....نواصل
                   |Articles |News |مقالات |بيانات

03-07-2013, 09:43 AM

أيمن الطيب
<aأيمن الطيب
تاريخ التسجيل: 19-09-2003
مجموع المشاركات: 5845

للتواصل معنا

FaceBook
تويتر Twitter
YouTube


Re: ضحكات فنانيين... ياسر العيلفون نموذجا (Re: عباس الدسيس)

    Quote: لما مشت يدي لي جسمو الظاهر كانت فيها كهرباء ساكنه
    ساكنة وين؟؟؟

    نحن هينين كدى أقنع الفلبينى دا,,

    تحياتى يا دسيس ليك ولياسر,,,,
                   |Articles |News |مقالات |بيانات

03-07-2013, 10:03 AM

عباس الدسيس
<aعباس الدسيس
تاريخ التسجيل: 11-10-2012
مجموع المشاركات: 3363

للتواصل معنا

FaceBook
تويتر Twitter
YouTube


Re: ضحكات فنانيين... ياسر العيلفون نموذجا (Re: أيمن الطيب)

    ياسر كان جديد في البلد كرت وتعبان من المواصلات .... وبحكم الصداقة الراجل كان بشاور فيني احل مشكلة المواصلات كيف ؟؟؟
    قلته ليهو يا حبيبنا قوي قلبك زينا وكلنا في البلد جديدين اشتري ليك عربية قرمبع ما تفوت ال1500 ريال اتوصل بيها بس الوصية ليك:
    انت ماشي في الشارع لازم تفتح عينك قابلت دورية تفتيش شرطة اول لفه تنقطع فيها .
    نفترض ما لقيت لفه اقرب حيطه توقف فيها العربية قبل ما تصل دورية الشرطة والتفتيش تركب ليموزين تجيها تاني يوم.
    قال لي لو ماشي مثلا في طريق الملك عبدالعزيز بي جوة المرور السريع وطبيت في الناس ديل اطير ؟؟؟؟
    قلت ليهو انت مالك مصعبه علي نفسك خليك في الخدمة دايما عربية ما عندها ورق وعايز تعمل فيها منقطا بعد ده بديك الرد يا حبيبنا...
    وقف السيارة في نص الشارع أعمل زي خسرت اخذ جكه لي اقرب لفه وراقب الناس ديل يا فاتو بعد التفتيش وما اشتغلو بي سيارتك أو لزوها مرقوها بره الشارع بطفقوها ليك بي وراء وهي ذاتا ما بمبلغ.
    الولد عامل فيها بحيرني بالاسئلة .......
    طيب لو عملته حادث لا قدر الله اعمل شنوووووووووو؟؟؟؟؟؟؟؟؟؟؟؟؟؟
    في الحالة دي يا الحبيب طوالي تنسي السيارة وتقنع منها واعوضك الله اقرب ليموزين وشتت بيتكم.
    واهم وصية ولازم تعمل بيها من المكتب للبيت فقط وتقرش العربية اي مشوار تركب مع ناس تانيين ممنوع التوصيل ورفقة سايق العربية انت وبس فيها.
    ياسر اتوكل علي الله واشتري السيارة وفي امانة الله مبسوط مشكلة المواصلات اتحلت.
    يوم من الايام عمل حادث مع لكزس اخر موديل الغلط عليهو 100% ضارب من وراء من الخلعة نسي الوصايا القلتها ليهو كلها الجماعه مسكو مافي طريقة زوقه الناس عايزين اتصلو بي الشرطة قال ليهم يا شباب ما في داعي للمشاكل أنا مستعد لأي حل ، خلوني اتصل علي اخوي ... راح اتصل علي.
    شوف ياسر اوع الناس تعرف السيارة ما عندها ورق وانا جايك في الطريق.
    وصلت لهو الشفقة ماسكاهو وعايز اتخارج بسرعة دخل في مساومات الجماعة قالو عايزين 8000 ريال!!!!
    حق الله بق الله وصلناها ليهم 1800 اديناهم 800 كاش والالف ما عارف ياسر اداها ليهم ولا ما اداها ليهم المهم في الموضوع الحادث خلاني اتابع ياسر مرات اتصل عليهو انت وين وماشي كيف وصلت و ل لسع وهكذا دواليك......
    ياسر راح صاحب ليهو مهندس اردني ولد صغير وجيه من مواليد السعودية تم تعينه جديد وعامل فيها عايز اوصلو .
    عربية ياسر لما تجي تتحرك بتاخذ ليها نقذة لي فوق زي حصان الكارو الجيعان الولد ركب مع ياسر يلا كرب رب نقذت العربية الولد ما تعود علي ركوب عربيات زي دي.
    الولد: يااااااااسر ايش السيارة فيها؟؟؟
    ياسر عايز اغطي علي الموضوع مسك ليك الولد في ونسة تانية عن سواقة العربات والولد مقددها ....
    لو اتصلت علي ياسر في العربية وهو سايق ما برد عليك لو زول عزيز عليهو بفتح الاسبيكر عشان اكون منتبه مع الشارع وهو ماشي اتصلت عليهو الظاهر فتح الاسبيكر ....
    ياسر انا كنت شايفك ركبته معاك زول توصلو اعمل حسابك العربية ما عندها ورق ما تعمل ليك حادث ونبقي في العربية العملته معاها الحادث والزول الراكب معاك.
    الولد الوجيه الصغيروني قلبو قعد ادق ....
    ياسر ليش تسوق سيارة مش بتاعتك ليه تخاطر يا حبيبي اكيد السيارة ما عندها تأمين.
    ياسر قال ليهو: يازول تامين شنو انا ذاتي ما عندي رخصة سواقة
    الولد الوجيه: ياااسر نزلني هون وقف وقف وقف لو ما وقفت أنا بفتح الباب وبصيح ولو ما وقفت أنا بفتح الباب وبطيح جسمي برة السيارة.
    في مرو سريع ياسر نزلو في نص الشارع...... بجد والله

    (عدل بواسطة عباس الدسيس on 03-07-2013, 10:15 AM)

                   |Articles |News |مقالات |بيانات

03-07-2013, 11:22 AM

عباس الدسيس
<aعباس الدسيس
تاريخ التسجيل: 11-10-2012
مجموع المشاركات: 3363

للتواصل معنا

FaceBook
تويتر Twitter
YouTube


Re: ضحكات فنانيين... ياسر العيلفون نموذجا (Re: عباس الدسيس)

    Quote: عبس الحبيب صباح الخير يا سديق ،،، يا سلاااام يا عباس ياخ الايام الخوالي ديك تاني ما بترجع ،، وكانت ايام سعيده وربي مناي تعيدا نسعد فيها تاني ونعيد فيها الاماني ،،، كان الواحد يقوم من الصباح معندو هم غير يصل المكتب ويخلف كراع في كراع ويتم باقي يومو في النت ,, لكن هسة وييين والواحد يقوم من النوم وعايز يوصل البنت المدرسة ويديها حق الحلاوة ويوصلها ويمسكها الزمزمية والشنطة والفطور وبعد كده يقول يا حي يا دائم على الدوام والدوام لله يا خوي .. كدي خليني استرجع ماضي الذكريات وارجع ليك .. بالمناسبة ويييييييين اخونا درديري ..


    تحياتي : ياسر العيلفون


    حبيب الشعب ياسر العيلفون
    مشتاقين والله
    ايام كانت جميلة سعدنا فيها بصحبتك ياسر الفنان المجامل الطيب البشوش انشاءالله يوم شكرك ما يجي فعلا المشاغل تغلب الناس امس بعد فارقتك ومعاي صديقي حصل موقف طريف يا ريت لو كنت حاضر:

    قلته اصلو الواحد احتمال ما امر بي شارع غبيرا اشيل لي زيت سمسم الفول هناك قريب لينا استاذنت من صاحبي امشي البقالة واجيهو دخلت بقالتين ما لقيت مشيت محل الباسطه لقيت عندو لسؤ حظي قابلنب شحاد سعودي عندو مشكله في يدو الراجل ما عايز كرامة شحدني طلب غريب.....
    بكل تهذيب يا زول ممكن تعد لي القروش ديل ؟؟؟
    أنا في بالي ما اتاخر علي صاحبي قعدته اعد ليهو القروش بي سرعة طلعت 198 ريال ضربتها طوالي بي السوداني طلعت 360000 بالقديم ارزاق سألتو بي كل جرأة. اسمع يا عم شغلك ده من الصباح???
    قال لي لا يا ولدي بتاع العصر والليل بالله عد القروش تاني امكن اكثر من 198 احتمال اصلو 200 ريال.
    زهجت منو قلت ليهو يا حاج بالله امسك قروشك عليك انت عندك Target و ل شنو عايز اوصل ليك القروش 200 ريال.

    الموقف ذكرني بتاعين المديح في السودان البفرشو في السوق والناس تنقط ليهم:
    اثنين واحد معوق في رجلو والثاني ما عندو مشكله بمدحو في شارعنا البودينا للموقف كانت بتمشي معاي زميله ساكنه في فريقنا كرهوها المشي بي شارع الموقف من بعيد اشوفوني جاي معاها إدخلو في نص المدحه :
    يا الافندي اغشانا
    يا الافندي خت معانا
    الله اقسم ليك الماشة معاك حلوة زمانا
    البت اتعقدت بقت تقولي نمشي بي شارع تاني ولفه طويله.
    مرة جيت ماشي سنقل ما معاي زول وناس المديح بتاعين السوق متعودين اشيلو منهم الفكه الجماعه شبكوني ليك من بعيد
    يا الافندي اغشانا
    يا الافندي خت معانا
    طلعت لي جنيه وفجيت الناس الواقفين ودنقرت رميت الجنيه وخمشت لي ورقة كبيرة من ابو عشرينات نفضها عشان اشوفوها الواقف علي حيلو ما انتبه المعوق وقاعد في الكرسي كحلني قعد امدح بالطار
    الافندي طلع حرامي
    خمش القريشات
    كان ما لحقتو الرماد كالني.....
    بالله الراجل رمي الطار وجاء جاري ...القي ليك ماسك في لياقة القميص .....

    السودان كان لذيذ زمان والايام الماضية الذ يا حبيبنا ياسر.
                   |Articles |News |مقالات |بيانات

03-07-2013, 11:38 AM

أيمن دياب

تاريخ التسجيل: 03-07-2008
مجموع المشاركات: 3411

للتواصل معنا

FaceBook
تويتر Twitter
YouTube


Re: ضحكات فنانيين... ياسر العيلفون نموذجا (Re: عباس الدسيس)

    سلام يا دسيس ورمضان كريم.. (خلعتك مش كده)..
    لسه عندك اسبوع اتفسح زي ما عايز..

    ياسر السر ده عندي معاهو فيلم جميل جدا جدا السنة الفاتت..
    الخلاصة بتاعتو (حلة بتاعت كوارع) في الدائري الشرقي..
    بدون أي شعور كل ما آكل كوارع أو أمشي مطعم بورتسودان في شارع الفرزدق
    أقوم أتذكر صاحبنا ياسر العيلفون وأضحك بدون سبب..

    زولك ده بتاع بلاوي من زمااااااان..
                   |Articles |News |مقالات |بيانات

03-07-2013, 12:12 PM

سليمان القرشي
<aسليمان القرشي
تاريخ التسجيل: 12-01-2013
مجموع المشاركات: 1485

للتواصل معنا

FaceBook
تويتر Twitter
YouTube


Re: ضحكات فنانيين... ياسر العيلفون نموذجا (Re: أيمن دياب)

    حبيبنا الدسيس
    مافي كلام اقولو الا ربنا يديك
    الصحة والعافية انت والاولاد ويحقق
    كل امانيك لانو بجد بوستاتك تحفة
    ومهما كان الزول مدبرس يفتح
    ليك بوست المود بتاعو اتغير 180
    درجة
    تسلم ياحبيب
                   |Articles |News |مقالات |بيانات

03-07-2013, 12:07 PM

ياسر السر
<aياسر السر
تاريخ التسجيل: 06-08-2010
مجموع المشاركات: 2752

للتواصل معنا

FaceBook
تويتر Twitter
YouTube


Re: ضحكات فنانيين... ياسر العيلفون نموذجا (Re: عباس الدسيس)

    اولا لك الشكر الجزيل حبيبنا عباس الدسيس على كل كلمات الاطراء والمدح التي ذكرتها في هذا البوست الجميل الخفيف ...
    يجازي محنك يا عبس بالرغم من انو شورتك كانت مهببه والعربية القرنبع لسه انا محتفظ بيها كتذكار عزيز موقفها ليك في زقاق كده في الحي ولا اجي ماشي بقيف ليها تعظيم سلام علديل كده ياخ ما قصرت معاي والله خدمتني خدمة جليلة وطويلة وكانت مثال جميل لرفقه غير آمنه يعني يا عديت من الشرطة ولا اتقبضته يا سلاام والله الواحد كل ما يتذكر الايام ديك يسرح بي خيالو ..
    غايتو يا عباس ناس الحادث داك اخوك لسه متذكرهم وكل مرة اقول ان شاء الله قروشي ما تنفعهم ,, وكل ما اجي بالاشارة اقول للعيال الاشارة دي حصل لي فيها اول حادث لكن بعدو استعدلت وفهمت ليك اللعب صاح ،،،
    اما عن المهندس الاردني الله يطراه بالخير الراجل غايتو الخلعة الدخلها فيني من اليوم داك ما مرقت لانو فتح الباب وحاول ينط من العربية وده كلو علشان خايف يلا قينا تفتيش وتحصل مشكلة ... ياخ والله زوبة ديك كانت عجيبة خلاص ولنا معها ذكريات مريرة وجميلة الاثنين معاً .. ياخ عربيتي ديك شدة ما كانت عجيبة مرة وقفتها ليك جنب ميد في الشارع العام وفجاة نسمع ليك صوت حادث المهم لما عاينه من الشباك الفي المكتب لقيت ليك واحد سايق جمس امريكي وقام صدم لك كل العربات الواقفة جنب ميد ما خلا واحده وعربيتي اولهم طبعا المهم وفي النهاية زاغ .. بالله شوف الحظ ده كيف ،،
    لي عودة بس اخلص الشغل الما بخلص ده وارجع ليك ....

    تحياتي : ياسر العيلفون
                   |Articles |News |مقالات |بيانات

03-07-2013, 12:14 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: ضحكات فنانيين... ياسر العيلفون نموذجا (Re: ياسر السر)

    الافندي طلع حرامي يا عباس قلبت فيها الهوبة عديل

    مش عارف انت ولا المداح

    انت بقيت ليهم زي تيس عبد الرحيم ( الانقاذ سابقا لامن غنم كان فيها لبن)
                   |Articles |News |مقالات |بيانات

03-07-2013, 12:28 PM

ياسر السر
<aياسر السر
تاريخ التسجيل: 06-08-2010
مجموع المشاركات: 2752

للتواصل معنا

FaceBook
تويتر Twitter
YouTube


Re: ضحكات فنانيين... ياسر العيلفون نموذجا (Re: درديري كباشي)

    الحبيب الأديب درديري كباشي وين الحي بيك ياخي عساك طيب ,,
    ياخ عباس ده التقول عامل لي عمل كل ما ابعد منو الاقي نفسي بادي من الالف ,,, ههههههههههه

    له ولك تحياتي : ياسر العيلفون
                   |Articles |News |مقالات |بيانات

03-07-2013, 12:34 PM

ياسر السر
<aياسر السر
تاريخ التسجيل: 06-08-2010
مجموع المشاركات: 2752

للتواصل معنا

FaceBook
تويتر Twitter
YouTube


Re: ضحكات فنانيين... ياسر العيلفون نموذجا (Re: ياسر السر)

    حبيبنا الراجل الكلس ايمن دياب ياخ والله مشتاااقين ,, ذي ما قال الدكتور عثمان مصطفى
    غايتو يا ايمن الفلم داك كان فلم هندي بس ,, وكل ما اجي بشارع الفرزدق والله اموت من الضحك واقول كلمتك القلتها لي بعد ما مرقنا من الراجل (( بالله شوف ال......... ده بتمنى فينا منى كمان )) ههههههههههههه فعلا محن والله لكن بيني وبينك كوارع مطعم بورتسودان حلوة وطاعمة ... لكن ال........... بالغ معانا .. ههههههههههه

    تحياتي ليك يا شفيف
    ياسر العيلفون
                   |Articles |News |مقالات |بيانات

03-07-2013, 12:33 PM

عباس الدسيس
<aعباس الدسيس
تاريخ التسجيل: 11-10-2012
مجموع المشاركات: 3363

للتواصل معنا

FaceBook
تويتر Twitter
YouTube


Re: ضحكات فنانيين... ياسر العيلفون نموذجا (Re: درديري كباشي)

    ندخل في الفنانيين الما عندنا بيهم علاقة ولا صداقة:

    ايام حكومة البشير شغالة جهاد وصالح عام في وقت واحد وبما أننا من المرشحين كنا بنشتغل بدون نفس مشيت لي اجتماع في مشروع الجزيرة بعد ما بدأت حملة التشليع من النظام وخراب المشروع. حايم في المكاتب بعد الاجتماع شايف ليك الفنان بلال موسي الظاهر عندو عداد عند ناس المشروع كانت في زيارة بتاعت البشير وبلال احي ليهم الليلة الجهادية ..... غايتو حاجة عجيبه.
    طلعت من المشروع ماشي علي البنك وبما ان المواصلات في بركات صعبه لي مدني متعودين اي زول نقابلو نشيلو معانا .
    اها من بعيد اشوف ليك بلال موسي واقف علي طرف الشارع قلته يا ولد ما بضرك شيء وما تشيل من الراجل في قلبك من ناحية غناهو مع الانقاذ إمكن الراجل بياكل عيش واصلو انت ماشي وصلو معاك وقفت ليهو ركب معاي.
    العربية ماشة مسافة غير رديت ليهو السلام اصلو ما قلته ليهو حاجة بعد فترة حاول اتونس معاي بظرافة.
    بلال: اسمع الظاهر انت ما عرفتني كدي خلي معاينة الشارع عاين علي وشي عرفتني و ل لا ؟؟
    عاينت ليهو شديد وهو كان لابس لبسه سفاري بتاعت ناس الامن قلته ليهو:
    يا الاخو ما أعتقد اتقابلنا لكن الوش ما غريب علي انت شغال محولجي في السكه حديد؟؟؟
    بلال: ياخ بتبالغ انت ما من ناس مدني والجزيرة اذكر بالله عندي ليك جائزة لو عرفتني
    أنا: يا سلاااااااام الكبر حصل اسمع يا انت يا عندك اخوك شغال في سوق الخضار الملجة
    الراجل برضو اكلا في حنانو وعشان الكلام احتمال اجر لي حاجات ممكن ما تكون في صالحو طوالي خش لي بي عمر البشير.
    بلال: ياخ بتبالغ الريس كان هنا قبل ثلاثة يوم ما جيت للاستقبال بتاعو
    أنا: والله لمحتو في التلفزيون اصلو كنت مشغول
    بلال: أهااااااااااا بعد اللقاء انتهي الرقصو منو (( بجد والله))
    أنا : ياخ ريسنا ده عايز ليهو زول ارقصو تقول رايحه ليهو رقصة مزيقة نشرت الاخبار كان دقت ارقص
    بلال: يا خينا انت ما من ناس الحكومة غريبه انت عايش وين طيب بتعرف من الفنانين منو؟؟
    أنا: وردي ومايكل جاكسون ....
    بلال: ياخ والله بتبالغ انا الفنان بلال موسي
    أنا: ايواااااااااااا بالله شوف مخنا مشغول كيف انت بتاع ((ستة ستة جوني من النوم صحوني)).
    الوقت داك وصلنا بداية مدني مع مدخل حي الدرجة والراجل خلاس المسالة سخنت معاهو مع انو المشوار لسع طويل لي داخل المدينة قال لي بي نهره ((اسمع ياخ نزلني هنا)) طاخ ضرب الباب ومشي.
                   |Articles |News |مقالات |بيانات

03-07-2013, 01:08 PM

عباس الدسيس
<aعباس الدسيس
تاريخ التسجيل: 11-10-2012
مجموع المشاركات: 3363

للتواصل معنا

FaceBook
تويتر Twitter
YouTube


Re: ضحكات فنانيين... ياسر العيلفون نموذجا (Re: عباس الدسيس)

    Quote: ياسر بما انك فنان ابعد عن عباس وغنيلو


    يكون احسن لو بالتلفون كمان عشان تحصل على افضل النتائج

    والا الليلة حتكون شهيد العيلفون


    ابو الدر يا صديق
    اخبارك والعيال
    ياسر حبيب الشعب الحاجات التحت ما بنهبشا ما تخاف
    حسي انا كنت عايز ايمن دياب اقول لينا بتاعت الكوارع فيها ابداع رهيب
                   |Articles |News |مقالات |بيانات

03-07-2013, 01:21 PM

عباس الدسيس
<aعباس الدسيس
تاريخ التسجيل: 11-10-2012
مجموع المشاركات: 3363

للتواصل معنا

FaceBook
تويتر Twitter
YouTube


Re: ضحكات فنانيين... ياسر العيلفون نموذجا (Re: عباس الدسيس)

    Quote: ساكنة وين؟؟؟

    نحن هينين كدى أقنع الفلبينى دا,,

    تحياتى يا دسيس ليك ولياسر,,,,



    ايمن الطيب يا وجيه
    سلام اخبارك يا حبيبنا
    والله ضحكتني رميت لي قدام واشتغلت بي نظرية ما يخفي بين السطور.
    تحياتي وتقديري
                   |Articles |News |مقالات |بيانات

03-07-2013, 01:34 PM

عباس الدسيس
<aعباس الدسيس
تاريخ التسجيل: 11-10-2012
مجموع المشاركات: 3363

للتواصل معنا

FaceBook
تويتر Twitter
YouTube


Re: ضحكات فنانيين... ياسر العيلفون نموذجا (Re: عباس الدسيس)

    Quote: سلام يا دسيس ورمضان كريم.. (خلعتك مش كده)..
    لسه عندك اسبوع اتفسح زي ما عايز..

    ياسر السر ده عندي معاهو فيلم جميل جدا جدا السنة الفاتت..
    الخلاصة بتاعتو (حلة بتاعت كوارع) في الدائري الشرقي..
    بدون أي شعور كل ما آكل كوارع أو أمشي مطعم بورتسودان في شارع الفرزدق
    أقوم أتذكر صاحبنا ياسر العيلفون وأضحك بدون سبب..

    زولك ده بتاع بلاوي من زمااااااان..

    أووووووووووو حبيبنا ايمن دياب
    سلام وتحايا
    اشهد الله مشتاق لي ونستك الحلوة وحكايتك الجلكسي ورسائل الببسي
    غايتو ود البشاري كان باريناهو بصيعنا مع الاولاد.
    طلبتك بي النبي يا ايمن تقول لينا حكاية الكوارع والزول البتشهي فيكم
    الفلم حكي لي ياسر من الضحك جاني ابو الشهيق
    ياسر عندو محن وعجائب
                   |Articles |News |مقالات |بيانات

04-07-2013, 07:24 AM

عباس الدسيس
<aعباس الدسيس
تاريخ التسجيل: 11-10-2012
مجموع المشاركات: 3363

للتواصل معنا

FaceBook
تويتر Twitter
YouTube


Re: ضحكات فنانيين... ياسر العيلفون نموذجا (Re: عباس الدسيس)

    Quote: حبيبنا الدسيس
    مافي كلام اقولو الا ربنا يديك
    الصحة والعافية انت والاولاد ويحقق
    كل امانيك لانو بجد بوستاتك تحفة
    ومهما كان الزول مدبرس يفتح
    ليك بوست المود بتاعو اتغير 180
    درجة
    تسلم ياحبيب


    سليمان القرشي يا حبيبنا
    سلام وتحية
    الله اديك العافية انت يا حبيبنا وطولة العمر والحياة السعيدة
    أسعد جدا عندما اجد مساهمتك في المفترع
    وهي محل تقدير واحترام
    واتمني دايما اكون عند حسن ظنك
    مع خالص تقديري
                   |Articles |News |مقالات |بيانات

04-07-2013, 10:50 AM

ياسر السر
<aياسر السر
تاريخ التسجيل: 06-08-2010
مجموع المشاركات: 2752

للتواصل معنا

FaceBook
تويتر Twitter
YouTube


Re: ضحكات فنانيين... ياسر العيلفون نموذجا (Re: عباس الدسيس)

    حبيبنا ايمن دياب حاول لبي طلب عباس واحكي ليه القصة لكن ما بي حزافيرها لانو البليلة فيها حصحاص هههههههههههههههه

    تحياتي : ياسر العيلفون
                   |Articles |News |مقالات |بيانات

06-07-2013, 10:57 AM

ياسر السر
<aياسر السر
تاريخ التسجيل: 06-08-2010
مجموع المشاركات: 2752

للتواصل معنا

FaceBook
تويتر Twitter
YouTube


Re: ضحكات فنانيين... ياسر العيلفون نموذجا (Re: ياسر السر)

    اظهر وبان عليك الامان يا ايمن دياب علشان تحكي لي عباس قصة شارع الفرزدق بالله عليك .. نحن في الانتظار

    تحياتي : ياسر العيلفون
                   |Articles |News |مقالات |بيانات

06-07-2013, 11:47 AM

أيمن دياب

تاريخ التسجيل: 03-07-2008
مجموع المشاركات: 3411

للتواصل معنا

FaceBook
تويتر Twitter
YouTube


Re: ضحكات فنانيين... ياسر العيلفون نموذجا (Re: ياسر السر)

    Quote: اظهر وبان عليك الامان يا ايمن دياب علشان تحكي لي عباس قصة شارع الفرزدق بالله عليك .. نحن في الانتظار
    تحياتي : ياسر العيلفون

    يا دسيس طبعا قصتي مع ياسر بدت بنداء عملوا في سودانيز أون لاين.. بخصوص زول مزنوق في ورطة..
    وعايزين وساطات وشخصية كبيرة عشان تحلوا من الحتة الصعبة الوقع فيها..
    اتبرعت وقلت لي ياسر ياخي بعرف (شخصية لها وزنها واعتبارها) وبنحاول نساهم في حل الموضوع ده..
    عشان نصل (للشخصية المهمة) ما كان عندي تلفون ليهو مباشر.. لكن بعرف وسيط ممكن يوصلنا ليهو..
    اتواعدنا أنا وياسر في الدائري الشرقي مخرج 12 عشان نمشي نقابل الوسيط يوصلنا للمسؤول الكبير..
    الوسيط قال مافي مشكلة وموضوعكم محلول.. لكن يا سوادنة أنا بحب الكوارع شديد.. تجيبوا لي بكرة كوارع مصلحة..
    ياسر السر شال الحلة الكبيرة من البيت.. ومشى شارع الفرزدق.. مطعم بورتسودان..
    وقال لبتاع المطعم اديني سبعة طلبات كوارع (طبعا الطلبات دي ماشة لشخص واحد فقط)..
    وياسر ما كضب ومشى للراجل لما (قهموا) ليك بالكوارع الكتيرة والحلة الكبيرة..
    قام تاني قال لي ياسر عايز رصيد عشان نتصل على الراجل..
    والشغلانية بقى استغلالية.. مرة كوارع ومرة رصيد.. وود السر محتاج ومضطر..
    ناس مطعم الفرزدق ذااااتم استغربوا في الزول الأنيق البجي شايل الحلة الكبيرة ويطلب كوارع كتيرة..
    المهم في الأمر انو الموضوع اتحل بطريقة تانية ومن غير ما نحتاج للوسيط ولا الشخصية المهمة..
    وبقت مسألة الكوارع دي ذكرى من الذكريات..
                   |Articles |News |مقالات |بيانات

06-07-2013, 01:54 PM

سليمان القرشي
<aسليمان القرشي
تاريخ التسجيل: 12-01-2013
مجموع المشاركات: 1485

للتواصل معنا

FaceBook
تويتر Twitter
YouTube


Re: ضحكات فنانيين... ياسر العيلفون نموذجا (Re: أيمن دياب)

    ايمن دياب كيفك ياحبيب
    تعرف ناس المطعم بيكون يتهامسو
    في بعضهم الزول الظريف الانيق
    دا موصفين ليهو الكوارع دي علاج
    ولاشنو وهي اصلها الكوارع سمعتها
    سيئة للغاية هههههههههه
    عليك الله واصلو في البوست
    التحفة دا
    تسلم
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de