ابقى مارق نحن ما لاهاي نحن شعبا جاك مارق لا بترهبنا المليشيات والرصاص لا بتخوفنا البنادق ابقى مارق كان سكاتنا عن صبر كنا عشمانين ولو لحظة ترجع فيها لو عندك ضمير لكن حقيقة انت عدمان الضمير تحرق حشا الامات بعدما اتحرقت اسنين كباد رجال ورينا بس لي وين تسير مشوار مسيرك انتهى وبس ابقى مارق للمصير غضب الشعوب ما لحظة بتعدي وتفوت غضب الشعوب امهاره دم وشهيد وموت ناس بتعشق للمشانق بس ابقى مارق الليلة عرضتنا ونحاسنا ما هي دلوكة ونفاق الليلة يوم الحارة يوم مرقو الرجال من غير سلااح شايلينهتفهم في الحناجر اقوى دانة دانة تفزع للايادي الراجفة من خلف البنادق والقلوب الواجفة من تحت المشانق هتافنا دوشكا جايانا من رب العباد اللينا خالق ابقى مارق وجيب معاك كل البيهتفو يلا سير خلينا نعرف مين بيركز للبطان ومين بصير زي العوين يتضارى بي تحت الحيط وليك يفارق ابقى مارق خلينا من شغل الكضب الفي الورق او من قناة كل من فيها دجالا منافق وابقى مارق للبطان نحاسنا حار ما هي دلوكة منافق
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
د.محمد حسن
احمد حمودى
فيس بوك
تويتر
انستقرام
يوتيوب
بنتيريست