|
ياشيوعى السودان إتحدوا، لاتتركوا أطفالكم يلعبون مع أطفال الامركان الافارقة ولا اللاتينيين !
|
ياشيوعى السودان إتحدوا، لاتتركوا أطفالكم يلعبون مع أطفال الامركان الافارقة ولا اللاتينيين
أو عن :
عنصرية الشيوعى بدرالدين موسى وعار الشيوعيين فى سودانيزانلاين للتواطؤ أو التبرير أوالصمت.
هذا البوست مواصلة للحوار الدار فى بوست الاخ دينق هذا:
شيوعين أخر الزمن. يوجد نموذج غير جيد.
ففى هذا البوست :
في بيتنا ( بوي فريند سغنتوتي) ما الحل؟!
كتب الشيوعى بدر الدين احمد موسى الاتى:
( هشام هبانى ازيك? موضوع حساس و مخيف جدا وهاجس يمنعنا النوم! حلي انا للموضوع: اطلاقا لم اجعل زيتنا في بيتنا مع اي جيران, و بناتي لا يلعبن اطلاقا مع اطفال الجيران و عادة ما اخذهن انا او امهن الي اي حديقة للعب ليلعبن, وهناك فرص تلاقي مع الاطفال السودانيين او المسلمين في المسجد. بعدين ابدا الكلام معهم من الان في المسموح و غير المسموح به, و انهم مختلفون بحكم الدين و المنشا,انا بناتي يعرفن تماما انهن سود, لكن ايضا يعرفن انهن مختلفات عن السود الامريكان. وانصح بالبعد عن اطفال اللاتينو و السود, لان مستوى التربية لديهم زيرو و لغتهم كعبة. ابعد ريتشارد من بتك لانه لو بقت تلاتاشر حايرحل عندك و خشمك يبقى ملح ملح.)
لم يعتذر بدر الدين عن ماكتبه أعلاه ، بل وللأسف ودافع عن ماكتبه هذا بطريقة أو باخرى عدد من زملاءه الشيوعيين ، كما برر عدد آخر من زملاء بدر الدين الشيوعيين بالمنبر ماخطه بدر الدين أحمد موسى أعلاه !
و آخرين قدموا مرافعات لمحاولة التحايل على ماكتب عضو الشيوعى السودانى بدر الدين وإعادوا صياغته و شرحه على (الناطقين بغير العربية) فى المنبر -.. على عديمى أو محدودى الفهم طبعا طبعا !!
عدد أكبر من الشيوعيين لم يبتوا بحرف - صمتوا وغضوا البصر عن ماكتبه الشيوعى بدر الدين أحمد موسى . العار عليهم جميعا دون إستثناء، الفقرة أعلاه تدعو الى ال (Racial segregation) صراحة.
وبلدنا تحتقن بمشاعر العنصرية التى تطفح فى الصفحات الاولى من هذا المنبر وغيره ، ياتينا شيوعى بالدعوة الى الفصل العنصرى بين الاطفال ، الدعوة الى تكريس تداعيات تاريخ الرق الذى عاشته الولايات المتحدة الامريكية وعاشته بلادنا ولازلت تداعياته ماثله أمامنا يعيشها الناس يوما بعد يوم .
العار على الحزب الشيوعى السودانى من أعلى قمته الى (أخمص) عضويته فى هذا المنبر وغيره لأن يكون فى عضويته مثل بدر الدين احمد موسى هذا ، العار عليهم أن يقبلوا به رفيقا وزميلا لهم، أن يشاركونه المنطلقات ويتفقون معه على الغايات وفى الطريق لايريدون أطفالهم لأن يلعبوا مع أطفال الامركان الافارقة متى ماجبرتهم الظروف على الهجرة الى موطن الامبريالية ... وياللفشل !
بدر الدين احمد موسى يجب أن يوبخ و يدان ثم يحاسب ويعاد تأهيله لما كتب اعلاه من رفاقه الشيوعيين ومن حزبه الشيوعى قبل أن يدآن من الاخرين، وفى هذا البوست سنثبت لماذا.
|
|
|
|
|
|
|
|
Re: ياشيوعى السودان إتحدوا، لاتتركوا أطفالكم يلعبون مع أطفال الامركان الافارقة ولا اللاتينيين ! (Re: Khalid Kodi)
|
فالأامر هنا ليس كما قال الزميل أخونا خالد العبيد، - كل واحد حر يربى ابناءه بالطربقة العايزه (هو حر ) ... (ويالخيبتى فيك وأسفى عليك ياخالد العبيد )... فالأمر أمر دعوى مباشرة وصريحة الى ال segregation الى الفصل والتفرقة.
والفصل العنصرى لديه تاريخ موثق فى أمريكا ياخالد العبيد يمكن الرجوع إليه ، و يدرس اليوم من فى كل المراحل التعليمية بدون إستثناء ، من الابتدائية الى مافوق الجامعة ... فالناس لايزالوا يحضرون درجات الدكتوراه و فى أعرق مؤسسات العالم التعليمية ... فى نفس ماقاله الشيوعى السودانى بدر الدين احمد موسى .. انه لايريد لأبناءه أن يلعبوا مع أبناء السود والبنيين / اللاتينيين !
والامر يتعدى المرافق العامة وملاعب الاطفال والمدارس، اليوم الزعامات السياسية من أعلى رئاسة الدولة يعتذروا على أنهم يوما ما كانوا أعضاء فى نادى خاص من شروطه التفرقة العنصرية كما فعل الرئيس الامريكى الاسبف بيل كلنتون وغيره من السياسيين وقادة الرأى . فكل وحد ليس على كيفو ياخالد العبيد وغيره ...
موقف الناس من ال segregation أصبح ثيرموميتر وبوصلة للتاريخ ياشيوعييى السودان المغلوب على أمركم، وفى سياق السودان الامر يهمنا لأننا نعانى من تاريخ جعلنا أما فصل عنصرى لاهوادة فيه .
| |
|
|
|
|
|
|
Re: ياشيوعى السودان إتحدوا، لاتتركوا أطفالكم يلعبون مع أطفال الامركان الافارقة ولا اللاتينيين ! (Re: Khalid Kodi)
|
ماخطه الشيوعى بدر الدين أحمد موسى هو قول عنصرى لايمكن التحايل عليه . ومن دافع عنه وبرر أوصمت عنه خاصة من من يعيشون فى الولايات المتحدة الامريكية لايعبروا بمواقفهم هذه عن جهل عميق بتاريخ نضال السود خاصة والمهاجرين عامة وحسب، بل يعبروا عن حجود ونكران لأمتيازات ماكانوا ليجدوها لولاء نضال وتضحيات نفس الامركان السود واللاتينو، نفس الذين لايريدون لأطفالهم الاختلاط معهم ! فقد دفع الامركان الافارقة والمهاجرين من المكسيك وغيرها من دول أمريكا اللاتينية... ولازالوا يدفعون ثمنا باهظا لأجل المساواه ودمج المرافق والمؤسسات العامة والخاصة التى كان الفصل فيها على خطوط العرق .
| |
|
|
|
|
|
|
Re: ياشيوعى السودان إتحدوا، لاتتركوا أطفالكم يلعبون مع أطفال الامركان الافارقة ولا اللاتينيين ! (Re: Khalid Kodi)
|
من سخرية القدر أن أول ما نسترجع فى هذا الصدد نسترجع سيرة اعظم الكتاب الامركان والامركان الافارقة (Richard wright)
http://www.spartacus.schoolnet.co.uk/USAwrightR.htm
ريتشارد رايتس الاسود – والشيوعى لبعضا من الوقت، الذى عالج مثل جهل هذا العنصرى الصقير منذ حوالى ثمانى عقود مضت فى الكثير من الاعمال أهمهما !
Black Boy
http://www.sparknotes.com/lit/blackboy/ و Native Son
http://www.sparknotes.com/lit/nativeson/
وكتب ايضا مايجب على الشيوعى العنصرى بدر الدين احمد موسى وكل شيوعى المنبر تواطأ معه أو صمت عليه يجب عليهم قراءته ودارسته كتابا بعنوان (أطفال العم توم) 1936 .
Uncle Toms children
هنا دليل علكم تدركوا دلالات ماكتبه رفيقكم العنصرى بدر الدين أحمد موسى .
http://www.bookrags.com/studyguide-uncle-toms-children/
والمعلومات عن هذا الكتاب تملأ الاسافير فى غير الموقع أعلاه . وقد عالج هذا الكتاب في أهم أجزاءه أن يلعب الاطفال من إثنيات وثقافات مختلفة مع بعضهم البعض فى وضع التفرقة الاثنية – وضع جيم كرو- نفس مايدعوا إليه الشيوعى بدر الدين احمد موسى وتواطأ معه زملاءه بالمنبر أما بالدفاع أو التبرير أو الصمت ... ولد ريتشارد رايتس فى العام في العام 1927 بولاية ميسيسيبي ، وتوفي فى 28 نوفمبر العام 1960 في باريس فرنسا . هاجر ريتشارد رايتس في سن التاسعة عشرة الى إلى شيكاغو، وحصل على وظيفة كموظف للبريد وعمل على تثقيف نفسه . أبد رايتس إهتماما كبيرا بالماركسية وأدبياتها وإنضم الى الحزب الشيوعى الامريكة فى العام 1933 (ياللطرافه) !
و بعد إستقراره فى نيويرك أصبح محررا لصحيفة عمال هارلم اليومية كما شارك فى تحرير مجلة التحدى الجديد اليساريتين وغيرهما. وهاهى سخرية القدر تجعل من شيوعى سودانى قد يكون يعيش فى امريكا لايود لأطفاله أن (يلعبوا) مع اطفال أمثال ريتشارد رايتس (وليريتشارد رايتش حكابات مع هذا الوضع سنأتى إلى حادثة منها) !
فى العام 1940 كتب ريتشارد رايتس واحدة من أعظم الاعمال الدبية الامريكية بعنوان Native Son وقد حشد فى شخص Bigger Thomas زخم من ماقد يتوقعه مثل العنصرى الشيوعى من (الامريكى الاسود) !
فالامر مع بدر الدين أحمد موسى هذا ليس جديدا ، و المحزن أن الكثير من السودانيين فى هذا الوقت يكررون تجارب العنصريين من القرون الماضية !! فوض التفريق بين الاطفال فى أماكن اللعب لسبب إثنياتهم تمت معالجته بقوانين صارمة منذ العام 1940 . ..(إلا نقول شنو) ... شيوعى سودانى قد يكون يعيش فى امريكا و لايريد لأطفاله ان يلعبوا مع أطفال الامركان الافارقه ! وكما قال فرانس فانون فى "The Fact of Blackness". "In the end," writes Fanon, "Bigger Thomas acts. To put an end to his tension, he acts, he responds to the world's anticipation."
| |
|
|
|
|
|
|
Re: ياشيوعى السودان إتحدوا، لاتتركوا أطفالكم يلعبون مع أطفال الامركان الافارقة ولا اللاتينيين ! (Re: Khalid Kodi)
|
فالامر هو أن تاريخ الاستعباد خلف تاريخ عنصرى أبارتائدى تعارف عليه ب حقبة (جيم كرو) فى امريكا الشمالية Jim Crow وسنرجع لهذا فيما بعد.
والأمر هنا أن بعض (المهاجرين الى امريكا يريدون ان يحلوا مكان البيض ويمارسوا نفس عنصرية الامركان البيض العنصريين على الامركان الافارقة .. والمفارقة هى أن بعض هؤلاء المهاجرين هم ليس بيض – وقد يكونوا افارقة مثل حالة شيوعينا المسكين بدر الدين احمد موسى ومؤيديه والصامتين عنه من السودانيين الشيوعيين فيما خط ... ولكنهم دائما ينتفعون من الفرص المتاحة للأمركان الافارقة – دائما يجدوا طريقا لهذه الفرص ... وسنرجع لهذا ايضا اثناء الحوار. !
| |
|
|
|
|
|
|
Re: ياشيوعى السودان إتحدوا، لاتتركوا أطفالكم يلعبون مع أطفال الامركان الافارقة ولا اللاتينيين ! (Re: Khalid Kodi)
|
سؤال:
كيف إتفق وأن المرأة الافروأمريكية قامت على تربية ورعاية أطفال الامركان البيض لأجل لقمة العيش الكريم، فإعتنت بنظافتهم، وتهذيبهم وتشذيب شعرهم وضمان غذاءهم الجيد وملبسهم الانيق النظيف وحرصت ايضا على ضمان مقدرتهم على الاتصال والتخاطب مع الغير بأخلاق راقية وسلوك (قويم) .. كيف وأن المرأه الافروأمريكية فعلت كل هذا مع أطفال الامركان البيض وأطفالها (يطلعوا) قليلى أدب على حد تعبير الشيوعى بدر الدين احمد موسى مما يدفع يهذا البدر الدين الى عدم رغبته فى أن يتداخل أطفاله مع أطفال الامركان الافارقة ويلعبوا معهم ... وليس الامر يقف هنا، بل يذهب بدر الدين الى مرحلة إسداء النصح كمان الى السودانيين الذين هاجروا بمحض إرادتهم الى امريكا ، ينصحهم بعدم السماح لأبناءهم باللعب – مجرد اللعب مع أطفال الامركان السود وكذلك (اللاتينو) المكسيكيين وبقية الناطقين بالاسبانية ...
فى أماكن تجمع أطفال الشيوعيين السودانيين نحن موعودين بمثل هذه اللافتتات :
وربما نرى صبية الشيوعيين السودانيين فى امريكا يحملون مثل هذه اللافتتات :
أى .. والله !
| |
|
|
|
|
|
|
Re: ياشيوعى السودان إتحدوا، لاتتركوا أطفالكم يلعبون مع أطفال الامركان الافارقة ولا اللاتينيين ! (Re: Khalid Kodi)
|
والصورة أعلاه تعبر عن مالم يقله الشيوعى السودانى بدر الدين أحمد موسى صراحة و هو : هل يمكن لأطفاله أن يذهبوا الى المدارس مع اطفال الامركان الافارقة والأطفال اللاتينيين أم أن الامر مقصورا على اللعب فقط ؟
هل يمكن لأطفال الشيوعى بدر الدين احمد موسى ان يستخدموا الحمامات التى يستخدمها أطفال الامركان الافارقة ام أن الامر مقصورا على اللعب فقط؟
ماذا عن أحواض السباحة ؟ ماذا عن البصات وماذا عن مبردات شرب الماء وماذا عن المطاعم ؟؟؟
أن الشيوعى السودانى بدر الدين احمد موسى يدعوا الى التفرقة العنصرية. يدعوا الى التفرقة بين الناس بناء على إثنيتهم ودينهم وموطنهم الاصلى ، ويبدأ بالاطفال، يدعوا الى ماعرفته امريكا ب (Racial segregation)
وللأمركان الافارقة تاريخ نضالى طويل ثرى وقوى وملهم مع أهم ماعرف ثقافة الحقبة المظلمة المسماء ب ( جيم كرو) Jim Crow
ورغم أن اى مواطن فى أمريكا اليوم أى كانت إثنيته أو موطنه الاصلى يعرف انه لولاء نضال الأمركان الافرقة ضد التفرقة العنصرية فى بلدهم لم كان أمثال الشيوعى السودانى بدر الدين أحمد موسى ليطأؤا ارض امريكا بأوهام إمتيازات غير مستحقة ! وعلى هذه الاوهام، بأنه أفضل من الامركان الافارقة فالرجل جاحدا ، جدا !
| |
|
|
|
|
|
|
Re: ياشيوعى السودان إتحدوا، لاتتركوا أطفالكم يلعبون مع أطفال الامركان الافارقة ولا اللاتينيين ! (Re: أيمن الفاضل)
|
فالأامر هنا ليس كما قال الزميل أخونا خالد العبيد، - كل واحد حر يربى ابناءه بالطربقة العايزه (هو حر ) ... ------------------------------------- صديقنا خالد كودي سلام احكي ليك حكاية!! بعد سنتين من وصولنا استراليا المدرسة اختارت ابني اياس لامتحان الـ Selected schools لانو بالجد شاطر وذكي ويستحق يدرس في مدرسة تختارها الدولة لانو مقولة - ناس حكومة وناس اهالي - بتطبق هنا بي عقلك ومؤهلاتك مش بي لونك واسمك !! صديق الاسرة الجلاد كان فرحا جدا مثلنا لهذا الاختيار الذي صادف ابني واصر ان يذهب معي لتوصيل اياس للامتحان ذهابا وايابا عندما رجعنا لارجاعه البيت بعد ان ادى امتحان عظيم طلب مني الجلاد ان ننتظر حتى يذهب آخر طالب وطالبة ممتحن استغربت وسألته عن السبب ... فاجابني بعد ان انصرف جميع الطلاب الممتحنون سألني ما لاحظت حاجة؟ اجبت بالنفي ثم قال : الاولاد والبنات المختارين ديل ما اختاروهم ساكت كدي شوف اشكالهم شايف ليك فيهم ولد ولا بت مضفر شعرو ولا قادي اضانو او راسم ليه تاتو في جسمو ؟!! ثم ثانيا لاحظنا ان حوالي اكثر من سبعين من البنات والاولاد الممتحنين ذوي سحنات صينية واسيوية ثم شرق اوربا اياس ابني بالرغم انو لونو فاتح الا انو كان زي الشامة في وجه ابيض .... او قشة الشاي في الحليب الذكاء والفهم والشطارة ما عندها بلد او جنسية او لون يا خالد .... وانا مدرس وعن تجربة بقول الكلام ده لذا اكون في غاية الانتباه ان رايت ابني يصادق منو ويصاحب منو ويمشي مع منو ابدا لا اسمح لابني ان يصادق كل منةهب ودب من أي لون او جنسية في بلاد المهجر ان كان استراليا او امريكا او كندا في جنسيات معروفة لدى السلطات الامنية ببعض المشاكل وهذا ليس تعميم ابدا مثلا في منطقة في سيدني لا اذكر اسمها الفيتناميين مشهورون بتجارة المخدرات اللبنانيين في بعض المناطق مشهورون بالعنف هذه نماذج بدون تعميم وبالتاكيد ان منهم من هم في غاية التهذيب والادب
| |
|
|
|
|
|
|
Re: ياشيوعى السودان إتحدوا، لاتتركوا أطفالكم يلعبون مع أطفال الامركان الافارقة ولا اللاتينيين ! (Re: خالد العبيد)
|
يا خالد كودي .. كلام بدر الدين أحمد موسى ده:
Quote: طلاقا لم اجعل زيتنا في بيتنا مع اي جيران, و بناتي لا يلعبن اطلاقا مع اطفال الجيران و عادة ما اخذهن انا او امهن الي اي حديقة للعب ليلعبن, وهناك فرص تلاقي مع الاطفال السودانيين او المسلمين في المسجد. |
الكلام القالوا بدر الدين ده بسموهو الشيوعيين مسألة اختلاف ثقافات (cultural) والمحافظة على الثقافة الأم وبنسميهو نحنا الإسلاميين (الفطرة السليمة) .. شوف يا كودي .. الزول مهما بقى مثقف وللا شيوعي وللا علماني الحكاية لمن تبقى في اللحم الحي (الدين-العرض-الشرف) بتستيقظ فيهو الفطرة السليمة وبدافع عن الأشياء دي ده طبعا لو كانت لسة فيهو باقي فطرة سليمة .. وده حال كثير من الشيوعيين والعلمانيين والليبراليين ..أيوه بجعجعوا زي ما دايرين في الحريات وفي اللذي منو لاكين برضو لمن تجي حتة الدين والعرض والشرف ... ده خط أحمر
وده بوريك إنو في النهاية أي زول بينزعه نداء عميق للفطرة مستقر ربما يكون في حتة مظلمة أو بعيدة في نفسه لكن لا بد يوم من الأيام تستيقظ هذه الفطرة نسأل الله الهداية للجميع
* كسرة: يقال أن خروتشوف وللا برجينيف ما عارف لمن كان في سكرات الموت غشي عليه وقال: يا الله بأعلى صوته ولما فتح عيونه لقى ناس مجلس السوفيت الأعلى محيطين بيهو .. فقال لهم: معذرة يا رفاق ولكنها بعض بقايا (البرجوازية) في نفسي وللا ما عارف قال ليهو مصطلح كده من مصطلحات الشيوعيين
| |
|
|
|
|
|
|
Re: ياشيوعى السودان إتحدوا، لاتتركوا أطفالكم يلعبون مع أطفال الامركان الافارقة ولا اللاتينيين ! (Re: محمد جلال عبدالله)
|
بسم الله الرحمن الرحيم خالد كودى ما كتبته انت فى بوست دينق عن محمد حمزة اسوأ الف مرة مما كتبه بدرالدين ففى حديث بدرالدين تخصيص .. وفى حديثك تعميم مخل اصاب اى سودانى مسلم شمالى .. والتمييز ليس عن لون وشكل فقط .. فالاديان تدخل فى نفس التصنيف ... ولو حصرت حديثك فى الكيزان فلا لوم عليك فمثل حديثك ذاك ينطبق عليهم .. اما ان تشمل من هم تحتهم كما تفضلت فهو اساءة لكل مسلم شمالى سودانى ( وهذى تشمما تبقى من السودان ) وعندما سألت انت داخل البوست مناهضة للعنصرية .. ولا لممارسة العنصرية لاننى لم افهم غرضك رددت على بكل استعلاء ( دى مشكلتك ) .. وهى فى واقع الامر مشكلتك انت بحكم انك دخلت بوست دعواه ومسبباته مناهضة العنصرية ومارست فيه عنصرية ضد مسلمى الشمال وبدون تخصيص وباوصاف لم توفر منها حتى تشبيههم بالحيونات ... اذا كان غرض هذا البوست ادانة لبدرالدين عن سلوك تراه انت عنصرى .. وبالتالى مطالبة له بالاعتذار فيجب عليك بادى ذى بدء الاعتذار عن سلوكك المماثل فى ذاك البوست .. اما كان هذا البوست لاغراض اخرى .. فيمكنك المواصله به بدون اعتذار
محمد حمزة الحسين، بئس التدين الذي تدعيه أيها العنصري.
ارتيقا
| |
|
|
|
|
|
|
Re: ياشيوعى السودان إتحدوا، لاتتركوا أطفالكم يلعبون مع أطفال الامركان الافارقة ولا اللاتينيين ! (Re: Khalid Kodi)
|
سلام يا اخ خالد كودي، ياخي للاسف بوستك دا ما موضوعي و دوافعه صراعات و الاعيب صغيرة كنت اظنك اكبر منها بكثير. كلام بدر الدين ليس عنصرية ربما فى اقصى حد يكون غير مضبوط يعني ما وضح فكرته كلها لكن ليس كلام عنصري هو الواعي المفتخر بانتمائه لافرقيا الزنجية. حكاية منع الاطفال او تقيد اخطلاتهم بالاطفال الاخرين دي موجودة فى كل مكان من العالم، فى السودان اسرنا منعتنا فى بعض الاحيان من مباراة انداد اخرين ليس بدعاوي عنصرية ... بل ناس ممكن يكون اقاربك بعد لفة طويلة شوية، لكن بدعاوي الادب و الانضباط، الناس بتختلف فى طريقتها فى تربية اطفالها حتى داخل المجتمع الواحد فما بالك بين مجتمعات تفصلها البحار!
فى السويد مثلا السويديين عندهم حركة بعملوها، لو الحى اتملئ بالاجانب ناس البلد برحلوا منو لامكان اخرى. الحركة دي خلقت احياء فى العاصمة السويدية حكر على الاجانب و المهاجرين. لكن مع دا ممكن تلقى اجانب بسيطين فى كل الاحياء الاخرى. السويديين ليسوا عنصريين فى الغالب، يعنى ما بتحس بعنصرية فى البلد فى التعامل اليومي لكن عندهم نمط حياة بحاولوا المحافظة عليهو، ممكن يكون عندهم صادقات مع اجانب فى فيها علاقات اسرية عادي -انا و اسرتني تزورنا أكثر من اسرة سويدية كل فترة و اخري و نزورهم- يعنى علاقات اختيارية لكن ما بيكون دايرين يعيشوا فى محيط اجتماعي مع ناس من ثقافة اخرى عشان الــ compatability، مما ممكن تحاولوا كسر رقبة تلفق كلام بدر الدين على انه فصل عنصري، الفصل العنصري تفرضه الدولة بالقانون دي الحاجة المرفوضة، لكن الانسان الفرد حر فى خياراته الشخصية. يصاحب من يصاحب و يفارق من يفارق.
ما عارف شنو حكاية اٍستهداف بدر الدين أحمد موسى دي؟ دينق، كوستاوي و الان خالد كودي لماذا؟
| |
|
|
|
|
|
|
Re: ياشيوعى السودان إتحدوا، لاتتركوا أطفالكم يلعبون مع أطفال الامركان الافارقة ولا اللاتينيين ! (Re: Khalid Kodi)
|
حاجة اضافية يا بروف، الكلام القالوا بدر الدين ما ياهوا البتقولوا الاحصائيات الامريكية الرسمية، اٍحصائيات الجريمة و السجون و معدلات الدخل و التعليم و الرفاهية. كل هذه الاحصائيات تظهر الانقسام العرقي و التباين فى الاوضاع الاقتصادية و الاجتماعية داخل المجتمع الامريكي. خطا بدر الدين الوحيد انه كتب على عجل بحيث ظهر كلامه فيه تعميم، لكن من ينظر بحسن نيه لن يفوته اٍدراك المقصود، الا من تربّص ساكت فلن يعدم حيله. الاحصائيات الامريكية تقوله انه ليس على خطأ ابداً فى تقديراته اذا اخد الموضوع كــ likelihood. و طبعاً دي ما لانو الافريكان امريكان او الاسبان ناس سيئين بطبيعتهم، لكنهم ضحايا الدولة الراسمالية و المتوحشة و ضحايا تاريخ طويل من الاستبعاد من فرص الحياة الكريمة.
| |
|
|
|
|
|
|
Re: ياشيوعى السودان إتحدوا، لاتتركوا أطفالكم يلعبون مع أطفال الامركان الافارقة ولا اللاتينيين ! (Re: Khalid Kodi)
|
حاجة اضافية يا بروف، الكلام القالوا بدر الدين ما ياهوا البتقولوا الاحصائيات الامريكية الرسمية، اٍحصائيات الجريمة و السجون و معدلات الدخل و التعليم و الرفاهية. كل هذه الاحصائيات تظهر الانقسام العرقي و التباين فى الاوضاع الاقتصادية و الاجتماعية داخل المجتمع الامريكي. خطا بدر الدين الوحيد انه كتب على عجل بحيث ظهر كلامه فيه تعميم، لكن من ينظر بحسن نيه لن يفوته اٍدراك المقصود، الا من تربّص ساكت فلن يعدم حيله. الاحصائيات الامريكية تقوله انه ليس على خطأ ابداً فى تقديراته اذا اخد الموضوع كــ likelihood. و طبعاً دي ما لانو الافريكان امريكان او الاسبان ناس سيئين بطبيعتهم، لكنهم ضحايا الدولة الراسمالية و المتوحشة و ضحايا تاريخ طويل من الاستبعاد من فرص الحياة الكريمة.
| |
|
|
|
|
|
|
Re: ياشيوعى السودان إتحدوا، لاتتركوا أطفالكم يلعبون مع أطفال الامركان الافارقة ولا اللاتينيين ! (Re: abubakr salih)
|
قال بدر{ وانصح بالبعد عن اطفال اللاتينو و السود, لان مستوى التربية لديهم زيرو و لغتهم كعبة.}
شيء مؤسف جداً، انه سوداني اسود، في أمريكا يكون شايف انه أطفال الاتينو و السود ( بربطة المعلم) مستوي تربيتهم زيرو و لغتهم كعبة!!!!
اما خالد العبيد فمصيبتي فيه اكبر!! قال خالد العبيد :{ في بلاد المهجر ان كان استراليا او امريكا او كندا في جنسيات معروفة لدى السلطات الامنية ببعض المشاكل وهذا ليس تعميم ابدا }
معقولة بس!!! اذا ده ما racial profiling يكون شنو؟ طيب ما المسلمين معروفين بأنهم إرهابيين( بذي فهمك الفوق ده). أتوقع ان ناس الحلة ما يخلوا أطفالهم يلعبوا مع أطفالي.
ممكن افهم ان زول يختار انه ما يخلي أطفاله يختلطوا باي أطفال تانيين لأسباب معينة. لكن لما الاختيار ده يكون علي أساس القبيلة او اللون، بتبقي دي عنصرية. و بتبقي رجعية و تخلف.
أستاذة طفلي في المدرسة افركان أمريكان. و أستاذة اخري لاتينو. الاثنين عندهم أطفال في عمر طفلي و في نفس مدرسته. الاثنين انا حريصة جداً ان طفلي يمشي أعياد ميلادهم و يلعب معاهم. انا عارفة ان الأستاذتين مهتمات جداً باطفالهم. بمناشطهم ( كورة قدم، دروس الموسيقي). و بسلوكهم( يحترموا اي زول مهما كان كبير ام صغير، يقولوا "شكرًا" و " إسفين"). و ان اللاتينو بتتكلم مع طفلها إسباني. ده مهم بالنسبة لي ليه؟ عاوزة طفلي يعرف انه في ناس ( ذيه) عندها لغات اخري، و ما عيب او مُخجل اننا نتكلم لغاتنا. و لأننا في بلد الأغلبية بيض، عاوزاه يشوف ناس سود، ذينا. الاختلاط بالجماعة ديل أحسن لي مليون مرة من الاختلاط بأطفال سودانيين( او غيرهم) محبوسين في البيت طوال اليوم بيحضروا في التلفزيون او يلعبوا بالألعاب الالكترونية. انا - الحمد لله- في منطقة كل السودانيين مهتمين جداً باطفالهم و مناشطهم و ثقافتهم، لكن ده ما بيمنع أني اخلي طفلي يعرف ناس من ثقافات و أصول اخري. و يعرف انه ما أحسن من اي واحد فيهم.
| |
|
|
|
|
|
|
Re: ياشيوعى السودان إتحدوا، لاتتركوا أطفالكم يلعبون مع أطفال الامركان الافارقة ولا اللاتينيين ! (Re: Khalid Kodi)
|
الأخ ابوبكر صالح،
تحية ـ
كتبت:
(سلام يا اخ خالد كودي، ياخي للاسف بوستك دا ما موضوعي و دوافعه صراعات و الاعيب صغيرة كنت اظنك اكبر منها بكثير. كلام بدر الدين ليس عنصرية ربما فى اقصى حد يكون غير مضبوط يعني ما وضح فكرته كلها لكن ليس كلام عنصري هو الواعي المفتخر بانتمائه لافرقيا الزنجية. حكاية منع الاطفال او تقيد اخطلاتهم بالاطفال الاخرين دي موجودة فى كل مكان من العالم، فى السودان اسرنا منعتنا فى بعض الاحيان من مباراة انداد اخرين ليس بدعاوي عنصرية ... بل ناس ممكن يكون اقاربك بعد لفة طويلة شوية، لكن بدعاوي الادب و الانضباط، الناس بتختلف فى طريقتها فى تربية اطفالها حتى داخل المجتمع الواحد فما بالك بين مجتمعات تفصلها البحار! فى السويد مثلا السويديين عندهم حركة بعملوها، لو الحى اتملئ بالاجانب ناس البلد برحلوا منو لامكان اخرى. الحركة دي خلقت احياء فى العاصمة السويدية حكر على الاجانب و المهاجرين. لكن مع دا ممكن تلقى اجانب بسيطين فى كل الاحياء الاخرى. السويديين ليسوا عنصريين فى الغالب، يعنى ما بتحس بعنصرية فى البلد فى التعامل اليومي لكن عندهم نمط حياة بحاولوا المحافظة عليهو، ممكن يكون عندهم صادقات مع اجانب فى فيها علاقات اسرية عادي -انا و اسرتني تزورنا أكثر من اسرة سويدية كل فترة و اخري و نزورهم- يعنى علاقات اختيارية لكن ما بيكون دايرين يعيشوا فى محيط اجتماعي مع ناس من ثقافة اخرى عشان الــ compatability، مما ممكن تحاولوا كسر رقبة تلفق كلام بدر الدين على انه فصل عنصري، الفصل العنصري تفرضه الدولة بالقانون دي الحاجة المرفوضة، لكن الانسان الفرد حر فى خياراته الشخصية. يصاحب من يصاحب و يفارق من يفارق. ما عارف شنو حكاية اٍستهداف بدر الدين أحمد موسى دي؟ دينق، كوستاوي و الان خالد كودي لماذا؟)
1/ آسف ان كنت لاترى موضوعية لمثل هذا البوست - فالعنصرية والتعابير العنصرية اصبحت سلوك مسلم به وممارسة عادية تمر بين السطور وكانما شيئا لم يكن. هذه الثقافه يجب أن نتصدى لها.
2/ ليس من شىء شخصى مع بدر الدين احمد موسى (يدر الدين شنو كمان البينكون تجاهه ماهو شخصى) ؟ نحن نتحدث مع مايكتب ومايكنب وحده.
3/ فى سياقنا السودانى نحن نعرف أن الكثير جدا من المسلمين الشماليين ينمطون أهل السودان من غير المسلمين الشماليين بانهم صانعى خمر وسكيرين .. وغير هذا - بنى آدميين بدون ارواح ! والمنبر أمامك تصفح الصفحة الاولى. نحن نرى الكثيريم من المسلمين الشماليين فى هذا الوقت يرددون نفس ماردده بدر الدين أحمد موسى يرددوا أن على اطفالهم ان لايلعبوا مع الجنوبيين والان مع اطفال النوبة او الدارفوريين .. ويتم ترديد هذا بدم بارد وكمأنما شيئا لم يكن .. يجب أن ترتفع درجة حساسيتنا الى أن مثل هذا السلوك العنصرى غير مقبول ويجب ان نتصدى له متى ماقابلناه أو مررنا عليه.
4/ اتفق مع دينق فى أن الحزب الشيوعى مطالب بأعضاء أفضل من أمثال بدر الدين احمد موسى هذا ومطالب بمواقف أفضل من مواقفه الحالية ...
مع التحية
| |
|
|
|
|
|
|
Re: ياشيوعى السودان إتحدوا، لاتتركوا أطفالكم يلعبون مع أطفال الامركان الافارقة ولا اللاتينيين ! (Re: خالد العبيد)
|
وأنت تدافع به عن ما قاله بدر الدين وهو يقع تحت نفس التصنيف -------------------------------------- يا باقر انت بالتحديد يا باقر تعرفني جيدا من ايام قطية المجلس ! نعم انا ادافع عن بدرالدين لانه ليس هنالك سبب واحد يجعله عنصري بدر اسود مثلك ومثلي ومثل خالد كودي فلا المكان الذي يعيش فيه ولا برنامج حزبه يسمح له ان يكون عنصريا ابدا هنالك شئ ما غير كلام بدر عن السود او اللاتين امريكان وهذا الشئ لن يظهر وحده وسنبينه للجميع وقريبا جدا احترامي الذي تعرف
| |
|
|
|
|
|
|
Re: ياشيوعى السودان إتحدوا، لاتتركوا أطفالكم يلعبون مع أطفال الامركان الافارقة ولا اللاتينيين ! (Re: خالد العبيد)
|
بالجد اسمعو دا وبطلو دا
بدر الدين يرى ان يربي اطفاله بعيدا عن تاثيرات الفئات التي ذكرها من حقو
غالبية المهاجرين يعيشون تحت خط الفقر وبعضهم يسكن في البروجكت هاوسس حيث الجريمة والانحرافات والتفكك الاسري سمة اساسية في تلك المجتمعات..
غالبية الذين نجحوا في تربية اطفالهم في الغرب هم من ربطوا اطفالهم بالمسلمين المهاجرين.. وغالبية ناس الهروب والموت بالافور دوز والجريمة والحمل وكل امراض المجتمعات من اسر الذين انشغلوا عن اطفالهم ولم يراعوا الوسط الذي يعيش فيه اطفالهم فكان مثل من يلقى في اليم ويقال له لا تبتل
كلنا بنهاجر من اجل حياة افضل لاطفالنا وهذه الحياة لا تقتصر على اكل الماكدونالد والبتزا والهوت دوق ولبس الشورتات تضاعف مسؤلياتنا في هذه المهاجر في تخير من بختلط بهم اطفالنا..والا الطامة الكبرى ذهبنا لنفسح لهم املا وفرصا ينتهوا من حثالة المجتمعات... خالد كودي بتلوي في الحقائق عشان تلقى فرصة تنزل معرض الصور.
وكلام بدر الين صاح ويجب ان يشجع اختلاط اطفاله مع المسلمين خاصة الباكستانين ..ويبعدهم ممن لا يراهم مناسبين..
لانه من واجباته الاساسية ان يحافظ على اطفاله...
التحية لخالد الاب الذي يريد ان يتيح الفرص لاطفاله بان استفاد من القصص التي يقرأها
وناس العنصرية والريشال بروفايلنق خلو القرضمة الما عندها معنى دي
عيالكم امانة في رقبابكمومنهم تستمدوا الفرح والسعادة وايضا الوجع والالم..
| |
|
|
|
|
|
|
Re: ياشيوعى السودان إتحدوا، لاتتركوا أطفالكم يلعبون مع أطفال الامركان الافارقة ولا اللاتينيين ! (Re: Khalid Kodi)
|
غايتو يالشيوعيين وزيتونا كتاب في الغلات الفاضي
بدر الدين قال
Quote: وانصح بالبعد عن اطفال اللاتينو و السود, لان مستوى التربية لديهم زيرو و لغتهم كعبة. |
الكلام دا واضح وغير قابل للتأويل مطلقاً
من غير استثناء كل اطفال اللاتينوز و السود مستوى تربيتهم زيرو و لغتهم كعبة و بناءً عليه نصح بالإبتعاد عنهم
يعني حسب نصيحة بدرالدين إنك اول ما تشوف ليك لاتيني او اسود تبعد منو طوالي و إذا في زول سألك عن إنك بعدت منهم ليه تقول ليهو الناس ديل ما مربين و لغتهم كعبة و إذا قال ليك عرفتهم كيف طوالي تقول ليهو عرفتهم ما مربين من لونهم و من شكلهم و ما بعيد تقول ليهو هسه عليك الله دي خلق ناس مربيين
هي العنصرية دي إذا ما كدا تكون كيف؟
غايتو أنا من قرايتي لآراء بعض الشيوعيين في البوست دا و البوست التاني ما بستبغد ابداً إنو إذا بدر الدين و خالد العبيد إتلمو في حلة واحدة إنهم يكونوا جمعية للفصل بين السود و اللاتينوز و بقية الإثنيات في الملاعب و المدارس و المواصلات و غيرها
عشان ما اقع في خطأ التعميم أنا غايتو بعرف شيوعين افضل من كدا بكتير جداً و فكرتي عن الحزب الشيوعي السوداني افضل بكثير من ما يعكسه بعضهم هنا
| |
|
|
|
|
|
|
Re: ياشيوعى السودان إتحدوا، لاتتركوا أطفالكم يلعبون مع أطفال الامركان الافارقة ولا اللاتينيين ! (Re: Hafiz Bashir)
|
عن عنصرية الشيوعيين كاتبي المفضل هو : الدومة ادريس حنظل ونديكم لمحة ونموذج ممتاز حين كتب حنظل عن محمد ابراهيم نقد عشية رحيله فماذا قال:
وجل كتبه ,لا تخلوا في جوهرها , من العنصرية البغيضة, والجهوية, بل إمتازت مؤلفاته ,بعدم الامانة العلمية ! وهو شيئ مؤسف حقاً ,وعلي سبيل المثال لا الحصر, فقد لاحظنا في كتابه (علاقة الرق فى المجتمع السوداني) الذي تناول فيها مسالة تجارة الرق ,وتاريخ الرق في السودان فقد ذكر اسماء كل القبائل السودانية ,التي تعرضت للإسترقاق, من قبل الاتراك والمصريين ! ما عدا قبائل الشايقية والجعليين ! وأكد في كتابه ,بانهم أي قبائل (الجعليين والشايقية) قد إسترقوا بقية القبائل في السودان !
------------------------------------------ التقويس وعلامات التعجب من عند الكاتب !
| |
|
|
|
|
|
|
Re: ياشيوعى السودان إتحدوا، لاتتركوا أطفالكم يلعبون مع أطفال الامركان الافارقة ولا اللاتينيين ! (Re: خالد العبيد)
|
سكرتير الحزب الشيوعي الذي عاش طوال الوقت في الحفر ولاندري إن كان عيشه في تلك الحفر ,من أجل قضية أهل الهامش و الطبقة البروتارية في السودان ؛ أم كان ذلك من اجل الحفاظ علي سلامته الشخصية فالسيد سكرتير الحزب الشيوعيي لا نعرف له أي مواقف وطنية من قضايا الحرب والسلام منذ إستقلال السودان المزيف أو الصوري وحتي يومنا هذا! كما لا نعرف عنه أي إنجازات وطنية قومية شامخة يُحسب للرجل ولم نسمع يوماً بانه قد كان وراء تشييد مدرسة لتعليم أبناء البروتارية,في القري والبوادي النائية ,من الاقاليم المهمشة في السودان
الدومة ادريس حنظل كاتبي المفضل عن عنصرية الشيوعيين
------------------------------------------- راجع ليكم لي تقرير الجرائم الشرق اوسطية
| |
|
|
|
|
|
|
Re: ياشيوعى السودان إتحدوا، لاتتركوا أطفالكم يلعبون مع أطفال الامركان الافارقة ولا اللاتينيين ! (Re: خالد العبيد)
|
أنا لا شيوعي...ولا بعرف بدرالدين معرفة شخصية لكن شايف كلام بدرالدين محملنه أكثر مما يحتمل... أنا دا هسي القدامكم دا...ما بمشي أودي عربتي لي لبناني وللا عربي تلني للتصليح لو إنطبقت السما مع الأرض...لأنو لدغت منهم كم مرة و سمعتهم إنهم حبرتجية و مستهبلين!..دا معناتو راشيال بروفايلينج؟؟ كل ما أشتري لي معلبات من محل عرب..بقرا تاريخ الصلاحية..لأنو لا يمكن الثقة بهم..و كم مرة جبت حاجات صلاحياتها منتهية!! دا معناتو عنصرية مني؟؟ إبن اقربائي هنا دا معانا...لمن كان صغير كان مصاحب ليهو واحد من ناس الجزر...قلت ليهو (ناس الجزر ديل أختاهم..ديل ناس بتاعين مشاكل و عصابات)..قال لي لأ..دا صاحبي زول كويس! أها...مر الزمن و صاحبو قبضوهو ناس البوليس لعلاقته بعصابة سطو مسلح!...والله ستر ولدنا كشف الموضوع قبلها و فارقو..و إلا كان يكون في شبك مع ناس البوليس لي يوم الليلة!!..نصيحتي ليهو كانت عنصرية و راشيال بروفايلنج!! كلام بدرالدين كلام عادي و أي زول ممكن يقولوا...و الخواجات زاتم بقولوه
Quote: طيب ما المسلمين معروفين بأنهم إرهابيين( بذي فهمك الفوق ده). أتوقع ان ناس الحلة ما يخلوا أطفالهم يلعبوا مع أطفالي. |
و منو القال ليك يا سمارت إنو الكلام دا ما كدا؟؟؟ نحنا كمسلمين مصنفين إرهابيين لدي الغالبية لعظمى من الخواجات - بسبب بن لادن و بقية المهاويس - و يكون هذا تصنيفك مما يعرفوك مسلم حتى تثبت العكس...و الكلام دا برضو في أمريكا في إعتقادي
| |
|
|
|
|
|
|
Re: ياشيوعى السودان إتحدوا، لاتتركوا أطفالكم يلعبون مع أطفال الامركان الافارقة ولا اللاتينيين ! (Re: زياد جعفر عبدالله)
|
كلام القالوا بدر الدين ده بسموهو الشيوعيين مسألة اختلاف ثقافات (cultural) والمحافظة على الثقافة الأم وبنسميهو نحنا الإسلاميين (الفطرة السليمة) .. شوف يا كودي .. الزول مهما بقى مثقف وللا شيوعي وللا علماني الحكاية لمن تبقى في اللحم الحي (الدين-العرض-الشرف) بتستيقظ فيهو الفطرة السليمة وبدافع عن الأشياء دي ده طبعا لو كانت لسة فيهو باقي فطرة سليمة .. وده حال كثير من الشيوعيين والعلمانيين والليبراليين ..أيوه بجعجعوا زي ما دايرين في الحريات وفي اللذي منو لاكين برضو لمن تجي حتة الدين والعرض والشرف ... ده خط أحمر
وده بوريك إنو في النهاية أي زول بينزعه نداء عميق للفطرة مستقر ربما يكون في حتة مظلمة أو بعيدة في نفسه لكن لا بد يوم من الأيام تستيقظ هذه الفطرة نسأل الله الهداية للجميع ---------------------------------------------------------------------------------------------------------
حسنا ما قلت يا محمد جلال...... استغرب جدا من الذين يحاولون محاربة الفطرة السليمة ... و يدعون العقلانية و سلامة الفطرة!!
| |
|
|
|
|
|
|
Re: ياشيوعى السودان إتحدوا، لاتتركوا أطفالكم يلعبون مع أطفال الامركان الافارقة ولا اللاتينيين ! (Re: مازن فيصل هلال)
|
كتبت سمارت أنا:
Quote: طيب ما المسلمين معروفين بأنهم إرهابيين( بذي فهمك الفوق ده). أتوقع ان ناس الحلة ما يخلوا أطفالهم يلعبوا مع أطفالي. |
كتب زياد جعفر: Quote: و منو القال ليك يا سمارت إنو الكلام دا ما كدا؟؟؟ نحنا كمسلمين مصنفين إرهابيين لدي الغالبية لعظمى من الخواجات - بسبب بن لادن و بقية المهاويس - و يكون هذا تصنيفك مما يعرفوك مسلم حتى تثبت العكس...و الكلام دا برضو في أمريكا في إعتقادي |
يا زياد جعفر.
أعتقد أن سمارت أنا، بتعمل مقارنة بين فهم بدر الدين وفهم الذين يتهمون جميع المسلمين ويصنفونهم بأنهم إرهابيين، وهي بتدين هذا الفهم الخاطئ أرجو أن تراجع ما كتبته سمارت أنا ، خصوصا ما وضعته بين القوسين( بذي فهمك الفوق ده ).
| |
|
|
|
|
|
|
Re: ياشيوعى السودان إتحدوا، لاتتركوا أطفالكم يلعبون مع أطفال الامركان الافارقة ولا اللاتينيين ! (Re: Deng)
|
Quote: أعتقد أن سمارت أنا، بتعمل مقارنة بين فهم بدر الدين وفهم الذين يتهمون جميع المسلمين ويصنفونهم بأنهم إرهابيين، وهي بتدين هذا الفهم الخاطئ أرجو أن تراجع ما كتبته سمارت أنا ، خصوصا ما وضعته بين القوسين( بذي فهمك الفوق ده ). |
ممكن يا دينق يكون كلامك صحيح و أنا كون فهمت سمارت غلط...لأنو أنا فهمت من كلامها زي إنو المسلمين (أوردي ) ما مصنفين لدي العالم الغربي! على كل حال يا دينق التعميم دا حالنا كلنا كبشر...مافي زول فينا ملاك...يعني أنا لمن قلت لي ود قريبنا ما يمشي مع ناس الجزر ما معناتو إنو كل الصنف دا من البشر هو مجرم و كتال كتلا! لكن سمعتهم للغالبية منهم هي ما تدفع الناس للتعميم! ولمن قلتا ليهو نصيحتي دي..لا كنت عنصري ولا حاجة...ولا عندي شيء ضد الناس ديل...كل ما هنالك من المشاهدات بأم عيني و من السمعة العامة صار عند الناس هذا الإنطباع! و التعميم دا موجود عندنا في السودان و في أي حتة في العالم....كان صاح كان غلط هو شي موجود فينا كلنا طالما نحن بشر وما ملائكة!
| |
|
|
|
|
|
|
|