|
Re: قطع شك الخميس يوم حار ما بندار سيد البلد بولع نار (Re: أشرف الرحال)
|
Quote: تكريم الرحال واجب كل مريخابي اصيل , سر ونحن من خلفك نشد من ازرك ولا تلتفت لاشاعات المغرضين بروووووووووووووووك يا شباب وان شاء الله نبدأ الاحتفالات من الان .. |
## ياسامى .. ## فى دى إنت الصادق ,,, قناعتى الذاتيه إنو أشرف دا فاكيهو لينا جمال الوالى ,, بس يفتح البوست قبل إى مبارأه وعينك ماتشوف إلا النور يادرون بامضروبين ##
** اشرف .. ** سلام .. ## أرفع رجلك شويه من أبنص الهلال ,, يعنى يبقوا علينا البرير وإنت والمُعز وشماتت الصهاينه ## كتيره علينا مع الضغط والسكرى وماخُفى من الأمراض ## (هلالابى عندو قناعه بالكُج والكجكجه )
| |
|
|
|
|
|
|
Re: قطع شك الخميس يوم حار ما بندار سيد البلد بولع نار (Re: أشرف الرحال)
|
Quote: ## ياسامى .. ## فى دى إنت الصادق ,,, قناعتى الذاتيه إنو أشرف دا فاكيهو لينا جمال الوالى ,, بس يفتح البوست قبل إى مبارأه وعينك ماتشوف إلا النور يادرون بامضروبي |
يا عبد الكريم وتييييييييب درونات المريخ والضربتين دي منو الفتح فيها بوست ممكن يكون هارونا دافر البرير مثلا
ده الفرق اسمو التفاؤل نفتج قبل الكورة بيوم عشان ثقتي في الهلال لكن المريخاب ما بعملوه إلا بعد المباراة
عكســـــة :- ود البشرى كتر من زووووووووووط هي بقروش
مودتي
الرحــــال
| |
|
|
|
|
|
|
Re: قطع شك الخميس يوم حار ما بندار سيد البلد بولع نار (Re: طلحة عبدالله)
|
Quote: Osman Esa · الأكثر تعليقا قطع شك يارحال الهلا ل حايولع نار ان شاء الله نقف معك بشده ونسال الله يرفع منك الك |
عثمان عيسى ،،، تحياتي وشكرا على الكلمات الهادئة اللطيفة وربنا يتقبل دعاك الحكاية وما فيها توقعات وثقة بسيد البلد الناس دي زعلانه ليه اهو امس زي ما قال واحد من المعلقين في البوست دا انو السودان مرشوش بثلاثية مازدا الحصرية عليهو دي انت مازدا دا وصيف مالو كج كده يعني لو الواحد كان كتب عن لسوتو تهزم السودان كان السودان انتصر وللا شنو ؟؟ لكن برضو يطلعو ليك بالوطنية وما ادراك ما الوطنية التنظير دا غايتو بس في السودان
مودتي
الرحـــــال
| |
|
|
|
|
|
|
Re: قطع شك الخميس يوم حار ما بندار سيد البلد بولع نار (Re: سيف الدين محجوب)
|
Quote: خلاص بديتو الجقلبة والحي ووووووب من أسع |
الجقلبة دي عند ناس سامي عبدالمطلب قبل اسبوع مدورين في الحكام وظلمهم للمريخ ووقوفهم مع الهلال تركوا الحكام قبلوا على الاتحاد العام يناصر الهلال وعايزين تعويضات خسارة ستاد المريخ تاني شغالين للمعز وبويا انو الناس ديل عنيفين جدا وخشونتهم زايدة جدا ويجدوا تساهل من الحكام يعني كرتوهم لينا بالله يا حكام
تخيل الكلام ده يطلع من ادارة اللوردات مجلس المريخ
دي نسميها شنو عاد
مودتي
الرحــــال
| |
|
|
|
|
|
|
Re: قطع شك الخميس يوم حار ما بندار سيد البلد بولع نار (Re: أشرف الرحال)
|
Quote: تكريم الرحال واجب كل مريخابي اصيل , سر ونحن من خلفك نشد من ازرك ولا تلتفت لاشاعات المغرضين
مبروووووووووووووووووووووووووك يا شباب وان شاء الله نبدأ الاحتفالات من الان ..... |
سامي عبد المطلب
الفوق ده كلامك
صدقني من قريتو ايقنت ان الهلال فائز مش ود القاضي الاحمر منتصر عديييييييييييييل كده
لانك مبعث تفاؤل الاسياد
بالله سير سير في هذا الاتجاه وندعمك انت فال سمح علينا
عكســـــة :- اخبار الاحتفالات عندكم شنو
سوري مش قصدي الاحتفالات قصدي بيت البكا فراشو برتفع بتين
مع تحيات الثلاثي المعلم الصغير ود بخيت وبويا وبشة المتعود دائما
مودتي
الرحـــــال
| |
|
|
|
|
|
|
Re: قطع شك الخميس يوم حار ما بندار سيد البلد بولع نار (Re: Salah Habib)
|
Quote: Maldiny Myamy · متابعة · الاداره العامه للزراعه محليه عطبره في مهندس زراعي
iههههههههههههههههههههه وقفه لس |
مالدني ... اشرف الرحال ده سرو باتع
كيف معاك الوقفة !!!!!!!!!!!
عتذارك مقبول يا باشا بس هي توقعات تصدف او تخيب ولا نحملها اكثر من ذلك وتندرج تحت بند رفع المعنويات لمن نحبه ونهواه في كل الظروف الموج الازرق
مودتي
الرحـــــال
| |
|
|
|
|
|
|
Re: قطع شك الخميس يوم حار ما بندار سيد البلد بولع نار (Re: أشرف الرحال)
|
* بالرغم من أنني مقتنع تماماً بأن مريخ السعد وفخر البلد سينفش ريش الزبون من (عصراً بدري) ولكن لاعبي المريخ كثيراً ما يثيرون أعصاب جماهيرهم بالاستهتار وعدم حسم المباراة من دقائقها الأولى.
* المقارنة معدومة بين مستوى الفرقة الحمراء ومستوى فرقة زرقان، فالفرقة الحمراء لديها أكثر من عنصر لقلب الطاولة وهجوم المريخ بسم الله ما شاء الله زي الصاقعة يضرب بعنف ويحرز الهدف في كسر من الثانية.
*
ونحن إذ نشد من همة لاعبينا نؤكد لهم أن جماهير المريخ ستتدافع نحو قلعتكم الحمراء للاحتفال بالنصر مثنى وثلاث ورباع.. الكل في انتظار الفوز على الزبون.
* الليلة يوم الاستمتاع، اشهد يا تاريخ كأس الممتاز للمريخ والتاريخ لا يرحم يا فرسان، لن نقبل غير النصر والفوز المؤزر صولوا وجولوا خلوا شبكة المعز تتكلم تحكي عن عظمة المريخ وشموخه ونغني من غيرنا قد أحضر الكؤوس.. من غيرنا أدار الرؤوس
* بالعزيمة والإصرار الليلة يوم الاستمتاع اعزفوا أروع الألحان طبلة الجنيد اليوم لن تسكت, وقرن إسحاق سيصم الآذان بالطول بالعرض مريخنا يهز الأرض.
* يا جماهير المريخ تدافعوا اليوم نحو استادكم لتشهدوا ليلة النصر والفوز المؤزر مريخ العز يناديكم فهلا تكرمتم بمؤازرته في ليلة القبض على النقاط.
* مريخ السودان يناديكم يا عشاق الأحمر الوهاج.
* أنا نفسي الليلة أشوف قوون باسكال لو كان في الطيف
* أنا نفسي أكمل بيه الكيف
* أنا نفسي يا معز أشوفك.. قول لي كيف
* متشربك في الشبكة جايب الكرة زي الطيف
* وأشرب كازوزة أبرّد بيها الصيف
* جيب من جوة يا معز
* يا الله يا رحمان أبو الهل الليلة يطلع زعلان
* ويا جماهير الهلال روحوا نوموا بدري وتابعوا مسلسل طرزان
* لا نخاف من الحملة الهوجاء ولكننا نخاف من أصحاب الياقات السوداء.
* انتصار المريخ مسألة وقت ليس إلا.. وأرجى الراجيييييك يا شجرابي.
* قال إيه عشرين مليون لكل لاعب ..الكاردينال متأكد من أولادو وضامن قروشو.
* يراهن على السراب واللاعبون يقبضوا الهواء.
* خيارات كروجر في التشكيلة واضحة.
* كروجر يحرص على صناعة الفرح.
* أنا المريخ أنا التاريخ أنا البعرف أجيب الكأس أنا السواي وما حداث.
* مع هدف كلتشي الأول سنشاهد النيران.. ألم أقل لكم إن المريخ نار منقد.
* المريخ يدخل اليوم في أفضل حالاته وكنبة سعد الله مرصعة بالنجوم.
* وهزيمة الزبون لا تحتاج لزيطة وزمبريطة متعودة دائماً
* المريخ تعود أن يأكل بيده ولا يرضى الهبات
* انتصار بإذن الله خدمة يمين وعرق جبين
* نجمة نجمة الليل نعدو وأي زول لو فات حدو كلتشي داك براهو بهدو
* رجفة الهلالاب وصلتنا في موية المواسير أثبتوا.
* سنحدد سقف الأهداف بالاتفاق مع إبراهومة لأنو حنين
* المريخ في الأرض بعض من تخيلنا لو لم نجده لاخترعناه
* وكما قال القبطان المريخ بحر والنصر له سحاب
o العصر والتاريخ يشهدان والأرض والسماء يعرفان
o المجد والمريخ توأمان وأنت يا مريخ تصنع التاريخ
o من غيرنا قد لون التاريخ بالذهب ومن غيرنا قد وهب الأفراح ما وهب
o من غيرنا قد هزم التحكيم والتنجيم والألوف
o ومن غيرنا قد أشعل الحماس والهب الكفوف
o يا الحضري ركز معانا وحافظ على نظافة الشباك بعض مرات كده عندك سرحة
o ضفر مطلوب في مكان علي جعفر.. الشاب ده بصراحة كده المباراة كبيرة عليه
o الطاهر الحاج في الجهة اليمنى.
o علاء الدين يراقب الود الجابوه بطيارة ويتحملوا الخسارة.
o البرنس سيدا، سيدا في عوجة تب ما في تمريرة من أبو كديس لكلتشي الاستاد بفضى في ثانية.
o بصراحة كده الكرة غالب ومغلوب المغلوبين يتنحنحوا وعدل لموقف أمبدة.
o ما في داعي للهرج والمرج أنا عارف في ناس بتحصل ليها دوشة، الخروج من البوابات الشرقية.
o قذف القارورات أصبحت موضة قديمة خليكم متحضرين وأثبتوا واطلعوا في هدوء.
o الغلب حااااااااااااااار وما بندار لكن نعمل شنو ده قدركم.
o الملك زار المعسكر وقال وصيته الوصية في الذمة يا هيثم.
o قلبي يحدثني بأن أوليفيه سيفعلها.
o جيب من جوة يا معز.
o مريخنا ده دائماً صعب.
o والغريبة قونو بجيبو رمضان عجب.
o مبروك مقدماً للزعيم سيادة الكفر والكدارة.
o ونحن الفينا ما يتدارى.
o واللييييييييييييييييييييييلا غاندي بالطرشا.
ده بتطلعوهو شنو يا هارونا وسامي وود البشاري وناس الزوووووط من الفيس بوك قال راس ودقن ههههههه على بالايمان بشة مش الراس والدقن ده نتف الابط ذاتو
ي حد شاف هارونا ود دياب كبير الفصيحاب
مودتي
الرحـــــال
| |
|
|
|
|
|
|
|