|
|
 رشا سالم ... في عبور جوي للأطلنطي ... فكم تفرح كندا
|
بين ظهراينا أسرة كريمة, في كندا البعيدة, فقد أولت رشا شطرها غربا بعد غرب, فمرحبا بهم في مهجر آخر, عسا أن يجدوا ما يرومون. ربما خسرت بريطانيا هذا الفئ الدفئ المستقطر من لدن أسرة علمية إجتماعية, وربما تكسب كندا لاعبين مهر في ماريثون الهجرة المتعاقبة, لكن الخاسر الأعظم هو سوداننا الكريم ... وعسا ... ليهو عودة وقعدة في حيوشه الوسيعة وأمانه الإجتماعي المبذول لعفو الخاطر
|
|
  
|
|
|
|
|
|
|
|
Re: رشا سالم ... في عبور جوي للأطلنطي ... فكم تفرح كندا (Re: HAYDER GASIM)
|
الأستاذ والأخ المحترم حيدر قاسم
حقيقة تعجز كلماتي عن شكرك لمتابعتك اللصيقة للرحلة العجيبة دي
والشكر الجزيل للأخ المحترم يحي قباني الاخدنا في جولة استكشافية عشان نشوف بيت مناسب للاستقرار
وما درى ان ريل وجمال فضلوا الاستقرار في السيارة الفارهة هههههههه
Welcome to canada دا حيكون عنوان لبوست طويل حاكتب فيهو تفاصيل الهجرة والممكن تساعد ناس تانين
في المشوار..
| |
|
|
|
|
|
|
|
|
|
Re: رشا سالم ... في عبور جوي للأطلنطي ... فكم تفرح كندا (Re: رشا سالم)
|
Quote: الأستاذ والأخ المحترم حيدر قاسم
حقيقة تعجز كلماتي عن شكرك لمتابعتك اللصيقة للرحلة العجيبة دي
والشكر الجزيل للأخ المحترم يحي قباني الاخدنا في جولة استكشافية عشان نشوف بيت مناسب للاستقرار
وما درى ان ريل وجمال فضلوا الاستقرار في السيارة الفارهة هههههههه
Welcome to canada دا حيكون عنوان لبوست طويل حاكتب فيهو تفاصيل الهجرة والممكن تساعد ناس تانين
في المشوار.. |
رشا ... حمدالله على سلامة الوصول, وعلى قول تلك النكتة
السودانية المحضة { إن شاء الله تكون البلد عجبتكم ههههههه}
في إعتقادي أنك حضرت إلى النت في زمن قياسي, خاصة مع
العيال والعالم الجديد وكل صنوف الدهشة وما يوازيها من إلتزامات.
فالله يخدر ضراعك ويبشرك بالخير وإنتم له مستحقون.
أما أخونا يحي قباني ... فده حالو ... ومن زمن ... يشي بأن هذا
طبعه ولازمة أخلاقه ومجرى صرفه في حضور الأكرمين ... فأبشروا
بخير طالما أن بينكم يحي ... زول ما يخلص . ثم خليك من ريل
وجمال العيلين ديل, أنا زااااااتي إن لقيت فرقة في سيارة فارهة, فحا
أتنطع فيها للآخر.
welcome to Canada
وننتظر مكتوبك الضافي حول تلك التجربة, بس ... براحتك. فالفورة
في بلادنا هذه ... مليون ... ولي قدام
| |
|
|
|
|
|
|
|
|
|
Re: رشا سالم ... في عبور جوي للأطلنطي ... فكم تفرح كندا (Re: HAYDER GASIM)
|
| Quote: وزي ما عارفين كندا بلد كبيرة وما تقنعوا بس ببلد ناس حيدر دي:). |
العوض ... تسلم,
وأقدر {عزلتكم} المجيدة في ساسكاتشوان,
وترقبكم لمن يفرج عنكم قضبان تلك العزلة,
لكن آخر تقرير {فيدرالي} حول إستوظافات
جديدة يصب في خانة أونتاريو, فقد كان لها
نصيب الأسد {مش بتاع سوريا طبعا}
وموضوع {الدكترة} وما أدراك ما الترخيص, فأخاله
يبدأ من أونتاريو لجهة تجميع وتمحيص المعلومات
والتجارب ... وبعد داك ممكن يكون في أكثر من خيار.
فأمنع الخم والخج يا العوض ... وخلي رشا تقضي إجازتا
في حبور ... لن يكون إلا في أونتاريو ... قال ساسكاتش
... إيه ما عارف ... بلد صقيعة ... يحل فيها الثلج محل
الثلج في كل العام إلا شهرا في صيف باااارد
| |
|
|
|
|
|
|
|
|
|
Re: رشا سالم ... في عبور جوي للأطلنطي ... فكم تفرح كندا (Re: HAYDER GASIM)
|
Quote: فأمنع الخم والخج يا العوض ... وخلي رشا تقضي إجازتا
في حبور ... لن يكون إلا في أونتاريو ... قال ساسكاتش
... إيه ما عارف ... بلد صقيعة ... يحل فيها الثلج محل
الثلج في كل العام إلا شهرا في صيف باااارد |
حيدر يا جميل ...
تسلم علي الاطراء ... ربنا يقدرنا انشالله ...
ذكرتني بي كلامك صديق عزيز لي مشي Winnipeg - Manitoba سنة 1994
يومداك حلف لي ... قال انا مش لي قريب 20 سنة في ونيبيج ؟؟؟
قلت ليهو اها !!!
قال لي وحياتك لي يوم الليله ... كل ما افتح باب بيتي ... الجو و البرد يخلعوني !!!
| |
|
|
|
|
|
|
|
|
|
Re: رشا سالم ... في عبور جوي للأطلنطي ... فكم تفرح كندا (Re: HAYDER GASIM)
|
Quote: تحياتي لك ولأسرتك الكريمة دكتورتنا العزيزة رشا سالم وتمنياتي لكم بالتوفيق
غايتو إنتو محظوظين لأنكم ح تجاورو أجمل و أروع ناس وهم الأساتذه حيدر قاسم ويحيي قباني والعوض وعلى ما أعتقد ود المدير
تحياتي وتقديري للجميع |
عزيزي ... أمير محمد إدريس ... تسلم,
أشكرك على حسن الظن, وأتمنى أن أكون كما تعتقد, أما باقي
الأساتذه فما فيهم كلام ... وتثنى على هذا الحضور الوارف
| |
|
|
|
|
|
|
|
|
|
Re: رشا سالم ... في عبور جوي للأطلنطي ... فكم تفرح كندا (Re: HAYDER GASIM)
|
| Quote: مرحبا يا رشا سالم منوره انت وطارق و الصغار كندا |
وشكرا تراجي مصطفى ... من زاوية الفيسبوك,
تسلمي وشبليك من كل مكروه,
وربما هي سانحة للإعتذار لك عن غيابي عن ندوتك الأخيرة في تورنتو,
وليس لسبب غير أن الوقت لم يكن مناسبا, لي زول يقوم فجرا بحكم العمل,
فمن جاي ولي غادي أختي يوم الأحد ده . ثم ... لم أنت موقوفة عن الكتابة
في سودانيزأولاين فيما أنت من الأولين الباثقين؟؟؟
المهم ... بيننا رشا سالم ... فليكن زمنا جميلا يقد عين الظلام ... ولي قدام
| |
|
|
|
|
|
|
|
|
|
Re: رشا سالم ... في عبور جوي للأطلنطي ... فكم تفرح كندا (Re: رشا سالم)
|
الأخ أمير
شكرا ليك ياخي والله خجلتني عديل كدا بحسن الظن وكمان ختيتني مع ناس ما هينين.
الأخ حيدر
ياخي عزلة وين؟ دا كان زمان... الواحد كان لمن يشوف ليه زول أسود ساي يفرح ويرجع يحكي بيه في البيت. هسع بقينا لمن نمشي السوق نستغرب من البلد الاتملت مهاجرين دي :). لكن بالجد ساسكاتشوان الآن فيها فرص واسعة وفيها ميزات على الولايات الكبيرة إنه بعض الحاجات فيها أسهل كبداية على سبيل المثال رخص السواقة. البرد دا طبعا حاجة مشتركة ونعترف بإنه نصيبنا فيه أكبر من غيرنا لكن عندنا صيف عديل ياخي ويمتد لشهور كمان والأسبوع الفات درجة الحرارة كانت كم وتلاتين.
الأخت رشا
بالنسبة لموضوع الأطباء وترخيصهم ما عندي معلومات مفصلة. لكن معانا أطباء سودانيين هنا ممكن أوصلك بيهم ويفيدوك. عندنا أخصائي أمراض نفسية ودا ممكن يديك معلومات عامة لكن قد ما يفيدك كتير لأنه حسب علمي ما احتاج لامتحانات ولا حاجة لأنه اتخصص في بريطانيا. وفي طبيبة سودانية دي حيكون عندها معلومات كتيرة ومفيدة جدا لأنها مرت بكل الخطوات اللازمة. هي الآن في السودان وحترجع خلال الأسبوع دا فممكن أوصلك بيها إن شاء الله. بالنسبة للبشاشة والترحيب بالجد ساسكاتشوان ما بتتحصل ومعليش يا حيدر لكن أنا شفت تورونتو وعشت في ساسكاتشوان ومافي مقارنة إطلاقا.
شكرا ليك يا يحيى وما بتقصر والله. المساعدات البلقاها الزول في أيامة الأولى أصلا ما بتتنسي.
| |
|
|
|
|
|
|
|
|
 Re: رشا سالم ... في عبور جوي للأطلنطي ... فكم تفرح كندا (Re: Elawad)
|
الأخ عوض كيف الأخبار ؟
| Quote: نستغرب من البلد الاتملت مهاجرين دي |
ملوا علينا البلد .. صاح هههههههه
زولك المتخصص نفسيات دا انا محتاجة ليهو جداً الأيام دي.. عندي مشكلة زمن فارق معاي خاليني اصحى
كل يوم الساعة أربعة صباحا ومرهقة وزي كأني عيانة.. غايتو لما نصل مرحلة الدبرشن بنفتش تلفونو
وساسكاتشوان في لستة الخيارات وربنا يسهل الفيها الخير
| |
|
|
|
|
|
|
|
|
|
|
Re: رشا سالم ... في عبور جوي للأطلنطي ... فكم تفرح كندا (Re: كمال عباس)
|
| Quote: قال لي وحياتك لي يوم الليله ... كل ما افتح باب بيتي ... الجو و البرد يخلعوني !!! |
يحي قباني ... ياخ متاوقة ساكت في برد أونتاريو ... تتخلع, خلى ساسكاتشوان.
ثم ... أول مرة أشوف لي {خلعة} تستمر عشرين سنة ... حولاااااا
العوض ... ياخ أمرق من لحافك وواجه واقعكم البارد ده, صحي ممكن
إكون عندكم فرص افضل, بس لأنكم {مناطق شدة} ودي ضريبة دفعناها
مما كنا في السودان. فدايرين في كندا نتجدع ونخلف كراع على ورك ...
مالو ... هو العمر أصلو قدر شنو عشان نقضيهو كلو شدة ... ولا حتى ... كبك
.....هههههههه
ياخ بهظر ... وساسكاتشوان في قائمة الإختيارات ... ورشا هي لجنة الإختيار
... لي قدام
| |
|
|
|
|
|
|
|
|
|
Re: رشا سالم ... في عبور جوي للأطلنطي ... فكم تفرح كندا (Re: HAYDER GASIM)
|
Quote: تحية اخى حيدر و مرحبا بدكتورة رشا و اسرتها الكريمة بكندا
ان شاء الله كندا تعجبكم و الطب يتسهل ليكم هنا..
ده ايميلى لو اقدر افيد باى معلومة بخصوص رخصة ممارسة الطب باونتاريو...انا مقيمة بمدينة اوتاوا و اعمل بمجال طب الاسرة
[email protected]
مودتى |
يا سلام عليك يا جواهر, بت حلال والله, فحتى لو ما عملت أي شئ
كلامك الفوق كفاية ... وفي رواية أخرى ... إدخلك الجنة كمان
... بالجد كده.
أبقى طيبة ... ورائعة ... كما أنت
| |
|
|
|
|
|
|
|
|
|
Re: رشا سالم ... في عبور جوي للأطلنطي ... فكم تفرح كندا (Re: HAYDER GASIM)
|
الأخ حيدر
شكرا علي هذه اللفتة التي تشبهك
وشكرا لأستاذنا قباني
وقبل ذلك
مرحب بدكتورة رشا وطارق
وريل وجمال
ترحيب خاص بوصولكم لكندا ونتمني لكم
حياة موفقة
ودعوة خاصة مني والأسرة لزيارة مونتريال
وحتما سنسعد بمقدمكم
مرة تانية
حبابكن عشرة برا كشرة
* قرأت لك في المنبر أنك عملت مع دكتور محي الدين
فهو صديق عزيز ومشرّف مدينتنا ورافع قدرنا بعمله هنا
في مستشفي فكتوريا الملكي
ـ إذا رغبتي في التواصل معه لا مانع عندي من مدك بتلفوناته وإيميلاته
_______
الحليلة
| |
|
|
|
|
|
|
|
|
|
Re: رشا سالم ... في عبور جوي للأطلنطي ... فكم تفرح كندا (Re: HAYDER GASIM)
|
Quote: تمنى لرشا وطارق وأطفالهما إقامة سعيدة وناجحة في كندا.[/QUOTE ]
شكرا أخ حيدر قاسم مع أمنياتي للأخت رشا وأسرتها بتجربة منتجة في مهجرها الجديد وبكامل التوفيق والتفوق- |
كمال عباس ... تسلم يابا,
ياخ تشكرعلى حضورك الوارف ... وفي كل الأحوال كن بخير
مع {بوسة} على خد المولود الجديد ... يربى في عزكم ويرفد من حضنكم
| |
|
|
|
|
|
|
|
|
|
Re: رشا سالم ... في عبور جوي للأطلنطي ... فكم تفرح كندا (Re: HAYDER GASIM)
|
Quote: جعل الله التوفيق حليفكم
وحقق الأماني
وخفف عنكم وطأة الاغتراب
تحياتي حيدر واحترامي |
تسلم عزيزي بله الفاضل,
وربنا يحقق أماني الجميع, لكن تخفيف وطأة الغربة دي
ماااااا بتحصل بالساهل, فالوطن المستعار عمرو ما ببقى
وطن ... زي مساعد الياي ... عمرو ما ببقى ياي ... ول
كيف؟
شكرا على المرور يا حبيب, وكن بخير
| |
|
|
|
|
|
|
|
|
|
Re: رشا سالم ... في عبور جوي للأطلنطي ... فكم تفرح كندا (Re: HAYDER GASIM)
|
| Quote: شوفو لينا طريقه في كندا دي يادكتوره مع الناس الحلوه دي ..حيدر ويحي قباني انشاءالله حتي جمهورية ساسكواتشا مستعدين ننزل فيها ...البرد ده زاااتو الانا بفتش ليهو من زمان...ههههههه ...تحياتي ود الحوري الانسه ريل وجيمي الصغير |
جمال سالم ... تسلم,
ياخ الحكاية بالدور ... كدي أكبر وإتخرج وشم ريحة أباطك, بعد داك
حا تلقى رشا عمدة مدينة تحت سماء كندا. أما إن كنت هاوي حقيقي
للبرد فتعال بي بطاطينك على ناس العوض, حا إضايروك كويس
المهم ... أبوستة ... ما قبل أبوعشرين ... طبعا دي لغة مزارعي
الجزيرة وأنا من تربهم
تشكر على مرورك الضافي من زاوية الفيسبوك ... وننتظر منك المزيد
| |
|
|
|
|
|
|
|
|
|
Re: رشا سالم ... في عبور جوي للأطلنطي ... فكم تفرح كندا (Re: رشا سالم)
|
Quote: يا حيدر انت بتعرف جمال سالم ؟ جمال أخوي كان عنده باسورد هنا في سودانيز وقام اتلخبت في واحدة من الهجمات الهكرية
كدي خش ليهو واسطة للباس وورد وبعدين واسطة لكندا |
إسلم جمال سالم ... وحا أتفاهم مع بكري حول موضوعه ... ونقول خير.
بطء جهاز الكمبيوتر عندي ما يزال مشكلة تحرمني من الإستفاضة. لكن ربما
الصباح أوضأ ... فلي قدام
| |
|
|
|
|
|
|
|
| |
HAYDER GASIM
Deng
رشا سالم
Elawad
أمير محمد ادريس
يحي قباني
جواهر ابراهيم
Mahjob Abdalla
بله محمد الفاضل
كمال عباس
elhilayla
الباقر ابوبكر ابراهيم
فيس بوك
تويتر
انستقرام
يوتيوب
بنتيريست