|
|
 حوار حول دول الجوار
|
سمعتي يا بت امي بالخبر
خير انشالله خير؟؟
قالو ليك البشير حلف طلاق تلاتة علا يطلع من جامعة الدول العربية
خبار و؟؟ مالو سقط في اللمتحانات
لا لا يالمهبوشة... دي مافيها امتحانات
خبرتا كلامك، علا مالو
انتي ماسمعتي بالعملتو معاهو السعودية
مالوم ؟!!
اسكتي اسكتي... منعو طيارتو ما تجيهم
اجي اجي السعوديين ديل جنو؟؟!! في زول بمنعوهو من بيت الله ؟!!
لالا هو ما كان ماشي لبيت الله، هو كان ماشي لبلدن تاني .. يعني زيما تقولي جايي فوق ليهم ساكت
أها، ما تقولي لي البشير الجعلي الجدو العباس سكت ليهم..
لا لا حاشا.. من حينتو قال لرئيس الجامعة البلود العربية ماني داير معاكم ومن يوم الليلي انا افريقي بس، ديل اخير لي وبحبوني.. اها يا ست الأمنتي ليك قوم يا رئيس الحبشة سمع بالكلام دا وزعل شديد من السعودية عشان رعت طيارة البشير....
اها وسوا شنو الحبشي دا كمان
امانة ماهو راجل ودقبائل.. طوالي ضرب تلفون للبشير وقاو ولا يهمك الشهر دا نحنا عندنا احتفال بعيد موت رئيسنا الفات تعالنا طوالي نحن نعمل ليك احتفال فاعل تارك..
لاكين يا بت امي يخربني ما سمعت احتفال بموت زول
انتي يالمهبوشة اسع نحنا ما قاعدين نعمل كسر التربا؟
آي بالحيّل
بس ياهو ذاتو كسر التربا الليلنا بس الخواجات بسوو لحاجاتم هلولة..
لاكين انتي يابت امي الرجال بقو يمشو لكسر التربا
نان يعمل شنو ؟؟ مش اخير ليهو من يقعد يصاقرالبلد النصا غررقان والتاني يكتلو فوق بعض في
شان بقر واريتن كان بقر فريزان، ايها بق المجوك وكلهن قرون ديل
|
|
 
|
|
|
|
فيس بوك
تويتر
انستقرام
يوتيوب
بنتيريست