|
|
|
 Re: رجال الحكومات وأنواعهم (أمثله من البورد) أهدا خاص لأبو الحسين ومن (Re: هويدا شرف الدين)
|
نبدا أولا بأكثر الأنواع أنتشارا ثم نتدرج
الراجل الكيس أو (سايق التكسي)
والمصطلح أعلاه دليل علي الخفه
دا تلقاهو بس من ما يلمح توب أو طرحه حائمه يتخافف وتصيبه الحاله ، دا في حالة حب لي أي أنثي يهتم بنفسه غاية الإهتمام ويصيبه الهلع اذا لاحظ بعض الشعيرات البيضاء تلقاهو حائم في المنتديات والفيس اي واحده يقول ليها يا غاليه يا عزيزتي وكلهن عندو غاليات وعزيزات ما برد الا علي بوستات الجكس ويردمك بالماسنجر الداخلي يعمل علي تغيير صوره بإستمرار لجذب الجنس اللطيف ، اذا اداخل في اي موضوع بكون عن المراه وحقوقه وهو دائما ضد الرجال
ومن أمثلته في البورد
يتبع لاحقاً
| |
 
|
|
|
|
|
|
|
|
Re: رجال الحكومات وأنواعهم (أمثله من البورد) أهدا خاص لأبو الحسين ومن (Re: هويدا شرف الدين)
|
طبعا ونحن بنذكر في الأنواع متدرجين من الاكثر للأقل
2/ النوع المهروش
دا طبعا بكون حكومتو في البيت مطلعه عينو ، بتحاشي اي كلام عن النسوان ومن ما يجيبو سيرة هرش النسوان ولا الزواج التاني تلقاهو يقول هسع يا جماعه مع الوضع الراهن دا الزول بقدر يعرس اتنين العندي دي لو لاقي زول يشاركني فيها ما عندي مانع ويقول ليك النسوان ديل ما ضعيفات ناقصات عقل ودين نعمل شنو نستحملن كدي وبكون حافظ كل الاحاديث والمقولات التي توضح ان النساء ضعيفات لو مرتو حمرت ليهو ساي يقول يا جماعه ما عاوز اغلط عليها الاولاد ديل البربيهم منو؟ انا ابقي اعقل منها
غايتو عشان اكون امينه وصادقه ما بعرف لي زول من ناس المنبر كدا بس شاكه في واحد
| |
|
|
|
|
|
|
|
|
 Re: رجال الحكومات وأنواعهم (أمثله من البورد) أهدا خاص لأبو الحسين ومن (Re: صديق الموج)
|
| Quote: ذو القلب الرهيف الحبيب الذي اذا كتبت واحده بوست وقال رائع فردت عليه ما أروعك ذاب حبا وعشقا وولها له في كل اسبوع حبيبه ويضرب قلبه بحق وحقيقي يحب سريعا ويمسح سريعا |
هههههههههههههههههههههههههههههههههههههههههههههههههههههههههههههههههه
ـــــــــــــــــــــــــ
يا جماعة والله مفتقد منال الاستثنائية بهذا البورد ومفتقد جمهور منال الاستثنائية ايضاً 
طبعاً بالتاكيد افتقادي للاستثنائية لا علاقة له بالمقتبس اعلاه :)
| |
|
|
|
|
|
|
|
|
 Re: رجال الحكومات وأنواعهم (أمثله من البورد) أهدا خاص لأبو الحسين ومن (Re: هويدا شرف الدين)
|
Quote: 2/ النوع المهروش
دا طبعا بكون حكومتو في البيت مطلعه عينو ، بتحاشي اي كلام عن النسوان ومن ما يجيبو سيرة هرش النسوان ولا الزواج التاني تلقاهو يقول هسع يا جماعه مع الوضع الراهن دا الزول بقدر يعرس اتنين العندي دي لو لاقي زول يشاركني فيها ما عندي مانع ويقول ليك النسوان ديل ما ضعيفات ناقصات عقل ودين نعمل شنو نستحملن كدي وبكون حافظ كل الاحاديث والمقولات التي توضح ان النساء ضعيفات لو مرتو حمرت ليهو ساي يقول يا جماعه ما عاوز اغلط عليها الاولاد ديل البربيهم منو؟ انا ابقي اعقل منها
غايتو عشان اكون امينه وصادقه ما بعرف لي زول من ناس المنبر كدا بس شاكه في واحد |
والله انتي لذيذة
بنرجع ليك كان يوم رمضان الفينا خلي لينا فرقة نعاود بيها المفترع
| |
|
|
|
|
|
|
|
|
|
Re: رجال الحكومات وأنواعهم (أمثله من البورد) أهدا خاص لأبو الحسين ومن (Re: هويدا شرف الدين)
|
| Quote: يحول الإقتباس لآأعلاه لحكومة عباس (الدسيس) ولجنة الشئون الإجتماعية في الضفة الغربية |
فقري يا وجيه سلام
ياحبيبنا مالك عايز تبقي بتاع مشاكل اقصد بي لذيذة يعني زي العصير او الباسطة والله انت لذيذ ((الاخيره مراقة)).....
الاخت هويدا كلامك فعلا عجبني وسره بالي في نوع تاني ما ذكرتيهو وبدخل ضمن تصنيفك الاقتبستو وهو
المشتري راسو ومريح بالو:
معقولة انتي ما عارفه لو المدام عندها رغبة تنكد عليك من جملة واحده ممكن تفكها ليك ما تنوم 3 ليالي
ياخي عالم المرأة عجيب وغريب غير تربية الاولاد عندها وسائل ضغط رهيبه ممكن تجيب اجل الزول في ثواني وصية لي اي زول عايز ارتاح واشتري راسو يعمل الاتي:
اديها كرت الصراف والفيزا ... مهم شديد
واحد راكب مع حبيبتو في البرادو
قام قال ليها عندي سر داسيه منك من زمااااااااااااان
بجد
خايف اعترف ليك
وجد
ما عارف حاقول ليك شنوو
لكن وبي صراحة كدة انا متزوج
قالت ليه : حرااااااام علييييييييييييييييييك وقفت قلبي اسي قايلاك داير تقول لي البرادو ما حقتك...
طبعا الكلام ده قبل الزواج في زمن الحب حيث تهون الصعاب ثم ماذا بعد الزواج عينك ما تشوف الي النور الزوجة لا تقبل بزوجة اخري عشان تريح بالك وتشتري راسك تبعد من اي تعليق لصديقاتها ولو راكبه معاك في العربية مثلا ما تعاين لي بنات ونسوان الشارع.
التعامل مع المرأة فن وزوق وكلمة تتعامل مع الشيء لغويا ((تخبره او تعرفه او تدارجو)) وبمعني بسيط تسوق الشيء لم اقصد بكلمة سواقه في صياغ جملة ارتباطها بالعربات اعتقد قريبه للفهم دايما بتاعين التاكسي بكتبو ليك السواقه (( فن وزوق)) نرجع للمرأة تحتاج لكلمة حلوة تدغدغ احاسيسها وتتعامل برهافه معاها ياخي الكلام بقروش مافي داعي للعناد.
مثال اخر لمشتري راسو ((أنا ما بحب النوع زي ده)):
واحد صاحبي هارشا المرأة ماسك الفيس علي حسابو كلامو كلو احكام وامثال اخر كتابه ليهو:
الـــمرأة كالشعلة إذا عــرف الــرجل كيف يمسكها أضاءت طــريــقه ، وإذا خـــطأ فى مسكها حـــــرقت يديه. ؟؟؟
طبعا هو عارف المدام عندها حساب رامي ليها واحده من صفحاتو بالامثال دي
وعندو صفحة تانية خاصة بالجكس والبلوم ما عامل ليها اضافة يعني صفحتين واحده وهميه والتانية اساسية (( يخس عليهو اها ده النوع البتعامل بي عدم دبلوماسية وزوق وفن.
ومن امثاله الوهميه :
الذى يعتقد ان الحب سوف يأتى بعد الزواج كمن يحاول ان يشعل السجارة من الخلف
اخر مرة في الصفحة لقيتو منزل التعليق ده
لاتكثر فى حب الشئ!!
حتى لاتكون مثل المزارع الذى احب نباته كثيرآ فسقاه كثيرآ فمات وهو لايزال صغيرآ....
سالتو: يا زول علاقة المثل ده شنو بالمرأة
اجابني: انت ما عارف اليومين دي الزولة دي مضيقاها علينا شديد المثل لفك الضيقة
لو في نفس مع العطش بنجيك راجعين عشان ارجع ليك بي سرعه اعملي اي مداخله بعدي عشان الاسم ما اظهر طوالي في المفترع تحاشيا للمشاكل
| |
|
|
|
|
|
|
|
|
|
Re: رجال الحكومات وأنواعهم (أمثله من البورد) أهدا خاص لأبو الحسين ومن (Re: عباس الدسيس)
|
يا عباس الدسيس
اولا ود فقيري دا خليهو ما تشتغل بيهو
كلامك جميل وممتع وشيق وصاحبك ظريف وشغال بي داري علي شمعتك تقيد كلامك زكرني نكته حائمه في الفيس الايام دي بقولو فيها واحده ادت صاحبتها رقم راجلها قالت ليها اتصلي عليهو وشاغليهو اها الصاحبه ما كضبت لكن الراجل قفلها قال ليها انا متزوج وعندي زوجه لا ابدلها ابدا واتمني لها الرضا ترضي فاندهشت الصديقه واندهشت الزوجه واندهشت الشريحه واندهشت شركة الاتصالات ، واخرج هاتفه الاخر واتصل بصديقة الزوجه قال ليها اها قلتي لي معاي منو؟
| |
|
|
|
|
|
|
|
|
|
Re: رجال الحكومات وأنواعهم (أمثله من البورد) أهدا خاص لأبو الحسين ومن (Re: هويدا شرف الدين)
|
ها عاين ديل... قفلوها قبل يعلنوا انتصارنا ..
هويدا تلخ ودالصايم وتبله في نهار رمضان القائظ بل الخيش ..
حيدر الزين يقيف على الحياد ..
تاني يوم ود الصايم يعتذر لهويدا وهويدا تقبل اعتذاره بقلب كبيــر وطيبة نادرة..
ود الصايم بعد قبلوا اعتذاره يتحرش بالمسكين حيدر الزين..
انا لله ..لكن ما بطال حسنة واجر في هذا الشهر المباركـ...
عموماً عذرك مقبول يا ود الصايم
ـــــــــــــــــــــــ..
للمعلومية بريمة لم يكتب المداخلة الفوق دي لكن تشابه ساي :)
| |
|
|
|
|
|
|
|
|
|
Re: رجال الحكومات وأنواعهم (أمثله من البورد) أهدا خاص لأبو الحسين ومن (Re: هويدا شرف الدين)
|
رمضان كريم هويدا وضيوفها الكرام
هسي بوستيك ده زي بيضة ام كلكلي كان شفتها بموت ابوك وكان خليتها بتموت امك !!!
نخوش تقولوا اها الخوافين جو
نعمل رائحين بكرة نلقي اسمنا في الكشف
غايتو نحن بنساعد في احضار الاشياء منربرة البيت لكن المطبخ فغسيل العدة بشقق الايدين عشان كدة ولا مرة ما جربتو
لكن بنسمع الكلام وبنصحي بدري عشان الشغل وكباية الشاي عالماشي بنسويها
بوست فضائحي وخادش زاتوووووو
| |
|
|
|
|
|
|
|
|
Re: رجال الحكومات وأنواعهم (أمثله من البورد) أهدا خاص لأبو الحسين ومن (Re: ABUHUSSEIN)
|
Quote:
بعد المعايدة وكل سنةوإنتي طيبة
غايتو يا هوديا إنتي العوض واحد من إتنين يا إما عايزة تركبيهو التونسية أو متفقة مع زوجته وصرحت ليك بالكلام دا
لكن في الحالتين الله يعينه عليك
___
........... |
عاصم فقيري كل سنة وانت طيب
غريب امرك تذكر انت واسمك في كثير من البوستات ولم ولن اعلق فكل حر فيما يكتب او يتقبل ورغم ذلك اراك اتخذت من كتابات هويدا واسمي موضوعا لك ..
بالمناسبة في هذا المنبر الكثير الذي لا تعرفه من علاقات الناس وكيفية تواصلهم فبالله عليك هون علي نفسك ولا ترهقها فيما ليس لك به علم
مع كامل التقدير
| |
|
|
|
|
|
|
| |
هويدا شرف الدين
هاشم عبدالله بشير
abas
HAIDER ALZAIN
صديق الموج
عباس الدسيس
Asim Fageary
محمد عبد الماجد الصايم
محمد فضل الله المكى
Mohammed Ibrahim Othman
محمد حمزة الحسين
العوض المسلمي
سليمان القرشي
MOHAMMED ELSHEIKH
اساسي
ABUHUSSEIN
امير طمبل
فيس بوك
تويتر
انستقرام
يوتيوب
بنتيريست