إلى قيقراوي مع التحية..... أو فيما يتعلق بصديقي وأول دفعتي!!!

Quote: واسمي الكامل يا بطل هو: فتح الرحمن خلف الله عبد الكريم حمودي (اقرأ أحمد) .. ويا خيبة امل جدي وجد ابوي فيني!! دا في حال احتجت لمعلومة تقدما للتكفيريين عشان يهدروا دمي بس عليك دلل انك بتحترم قراءك باقتباس دفاعي المزعوم عن الإلحاد .. سمح؟ او حتى عن بروف محمد محمود همسلف!؟ ودا ما خوف منك او من البتغازل فيهم .. سمبلي: لانو دي الحقيقة اصلو التكفيريين ديلاك بقطعوا بعدييييينك بحسبو .. ثم لا يعتذرون ابداً! هوو كيرز!؟

Quote: وأنا بقرا في الكلام الحاصل والورد فيهو إسم كم زول من ضمنهم إسمك:(قيقراوي)، جاتني رغبة أفتش وأشوف الناس (الكُفار) ديل كتبوا شنو..... قبل ما أنفذ رغبتي (حقت الشمشرة دي) دي، قريت إسمك بالكامل، ورجعت للتاريخ القبل 18 سنة ده، تحديداً لسبتمبر 1995، وده أول يوم لاقيت فيهو صديقي ود كوستي وأول دفعتي والحبيب (محمد خلف الله عبد الكريم حمودي) طيب الله ثراه.

Quote: محمد غير تميزو الاكاديمي كان لاعب كرة .. لعب لمريخ كوستي .. وكاد يلعب للعباسية امدرمان .. وبطّل لداعي التفرغ الاكاديمي (دراسة وتدريس بالجامعة الاسلامية)

Quote: رايك شنو تنسى البطل وصاحب البطل والخاين ونجي نتونس بمحمد كنموذج للسوداني المسلم الحقاني البيقول للأعور أعور في عينو؟؟؟

ياخي(ود القيقر) -دا اسمو في كوستي في اوساط المجتمع الكروي- الزول دا في القيقر كان ما نصيح كلو كلو .. كان اسمو (قرود) هناك
تسمع (قرود) دي من بره الحيطة .. وتاني ما تشوف اي حاجة!!
ما بستخدم الباب كلو كلو لا هو لا اصحابو ديل

Quote: ورجعت للتاريخ القبل 18 سنة ده، تحديداً لسبتمبر 1995، وده أول يوم لاقيت فيهو صديقي ود كوستي وأول دفعتي والحبيب (محمد خلف الله عبد الكريم حمودي) طيب الله ثراه.

ما حضرتو .. صادف اياااام امتحاناتي!

Quote: ما عارف لو اتلاقينا في الدنيا ام قدود دي ول لا .. لكن نفس التاريخ انا كنت خريج من الجامعة وكنت مزنوق في القراية .. حتى زواج جنابو (الاول) ما حضرتو .. صادف اياااام امتحاناتي!

Quote: ياخ أرح احكي لينا عن ود القيقر أو عن (فالف الله).. ودي عندها قصة براها

عانينا لفترة من الاهانة الوجهوها للمدير دي
اظنو كل ما يشوف واحد فينا، بتذكرم كان!





















-----------

جيت كتير جداً فرع القضاء العسكري -شارع البلدية/ المك نمر،على ما اذكر .. انا كنت ساكن في ترهاقا وداخلية البنات (سابقاً)، لاحقاً .. شارع الجمهورية
دي برضو كانت عاملة لي (احراج) وسط الزملاء (السابقين) (ايضاً) في جامعة الخرطوم .. وبعضهم يكتب معانا هنا

غفر الله له وتولاه برحمته ..
ياخي يكون بهناااااك يحرجنا .. يقلب*، برضو يحرجنا!

تقاطعات غريبة مش؟
لا ثابت الا المتحول .. والسطحيين .. ومن لا يفكرون


من حسن حظي ما حضرت موقعة الزواج التاني دي ولا زواج الفاتح ..
آي كنت بمالي بي جاي .. لكن ما في الحجاز ذاتها ..
كنت في بلد مسيلمة بهناك .. كان هواي نجدي ؤ كدي

المحيرني في البطل .. مستغرب في شنو هو؟
وكفار قريش ديل كانو مغتربين في تكساس؟
سطحيتو دي محيراني كلو كلو الله
دع الخلق للخالق ياخي
فكلٌ ملاقيه يوم القيامة فرداً

الحجرات

من الاية 14 الى الاية 28


قَالَتِ الْأَعْرَابُ آمَنَّا قُل لَّمْ تُؤْمِنُوا وَلَكِن قُولُوا أَسْلَمْنَا وَلَمَّا يَدْخُلِ الْإِيمَانُ فِي قُلُوبِكُمْ وَإِن تُطِيعُوا اللَّهَ وَرَسُولَهُ لَا يَلِتْكُم مِّنْ أَعْمَالِكُمْ شَيْئاً إِنَّ اللَّهَ غَفُورٌ رَّحِيمٌ (14) إِنَّمَا الْمُؤْمِنُونَ الَّذِينَ آمَنُوا بِاللَّهِ وَرَسُولِهِ ثُمَّ لَمْ يَرْتَابُوا وَجَاهَدُوا بِأَمْوَالِهِمْ وَأَنفُسِهِمْ فِي سَبِيلِ اللَّهِ أُوْلَئِكَ هُمُ الصَّادِقُونَ (15) قُلْ أَتُعَلِّمُونَ اللَّهَ بِدِينِكُمْ وَاللَّهُ يَعْلَمُ مَا فِي السَّمَاوَاتِ وَمَا فِي الْأَرْضِ وَاللَّهُ بِكُلِّ شَيْءٍ عَلِيمٌ (16) يَمُنُّونَ عَلَيْكَ أَنْ أَسْلَمُوا قُل لَّا تَمُنُّوا عَلَيَّ إِسْلَامَكُم بَلِ اللَّهُ يَمُنُّ عَلَيْكُمْ أَنْ هَدَاكُمْ لِلْإِيمَانِ إِن كُنتُمْ صَادِقِينَ (17) إِنَّ اللَّهَ يَعْلَمُ غَيْبَ السَّمَاوَاتِ وَالْأَرْضِ وَاللَّهُ بَصِيرٌ بِمَا تَعْمَلُونَ (18)

(عدل بواسطة ياسر عبدالعزيز الطيب on 03-21-2013, 11:14 AM)

Quote: راجع رسائلك وقول لي

Quote: محمد غير تميزو الاكاديمي كان لاعب كرة .. لعب لمريخ كوستي .. وكاد يلعب للعباسية امدرمان .. وبطّل لداعي التفرغ الاكاديمي (دراسة وتدريس بالجامعة الاسلامية)

Quote: رحم الله محمد وادخله فسيح جناته مع الصديقين والشهداء ... اذكر ان وفاته كانت في نفس يوم زواجي ....

Quote: انا المحيرني اني ما بعرفك يا قيقراوي رغم انك ود حلتي ... ومن التواريخ التي ذكرتها تقريبا دفعة ...

انا برضو اشارك الحيرة .. بعد (بحت) وراك يا قول حسين ومشيت قريت بروفايلك 1971؟
كلنا ذاك الرجل
الشعبية (كوستي الجديدة الثانوية)؟
كلنا ذاك الرجل .. من 1987 - 1990م
كرفست مشاعري كلو كلو ياخي .. اسي انا كنت قايل نفسي مشهور وكتها؟
كان كدي بارك الله في البطل ساي!
لعبت كورة فيها .. طائرة وقدم
وشلتنا (شهاب بابكر، ياسر فتحي كدودة، ايهاب محمد عبدالكريم (برضو كدودة من جهة امه)، جعفر فاروق ... اللخ اللخ)
يا سلام ياااخي
عارف انو استاذ/ ضو البيت (كيمياء) بقى د.ضو البيت .. وشغال في كلية الطب - جامعة الامام؟
وين استاذ/ الطيب رحمة؟
اجمل استاذ ياخي كان "معلم بياض" (انقليزي) .. اقول قولي هذا بعد ما شاكلت كل شعبة الانقليزي وبقيت مطرود من كل الحصص ..
هو كان صليحي الوحيد في بؤرة الشر ديك .. هو ذاتو كان عندهم شغلة ما لغة (كفا ر) ساااي هي .. مفروض مع الاسلمة يشيلوها من المقرر ذاتو!
زول جميل .. نموذج للشرف والاستقامة .. وبياض هذي -بجانب وصف لدواخلو- كانت تمييز لوظيفتي (معلم) التي شغلها بجدارة :
معلم مدرسة كأعلم ما يكون ومنور لعقول طلابه .. ومعلم تبيض بالاسمنت كأعلم ما يكون .. معلم مظهر .. وجوهر!
نعم المعلم .. بياض ونقاء سيرة وسريرة .. فعلاً علمنا ان الحياة جديرة بان نحياها بشرف!

يا عمك من 1991 انا بقيت زول بندر سااااي ..
ولاحقاً عُمدت (ديامي) "بالمصاهرة والانصهار" .. وكسرت ركبة بهناك .. قريييب للمنتزه يا اخوي!
كوستي دي بقت زيارات ساي .. لمن نحب نتفقد الاقاليم ؤ كدي

Quote: عموما سابدا في جمع معلومات عن (الحادك ) من الحلة ... وابدا اتفاوض معاك ومع البطل ونشوف البدفع اكتر منو

لووووووووب
قلنا ليك سجلتنا من 1991 في الخرتوم ..

انا (ملحد) من الوكت داك؟
اصلو شنو هو!؟

دا (الحاد) ول (بهق) اصلو؟

تعرف الالحاد دا عامل زي شنو؟
زي (وجع الضرس ) كدا .. بتاور .. يجيك فجأة كدا .. يصدع بيك .. ويصدع بالبطل طوالي

يا زول في المسائل دي تسألني انا دا، انت من كوستي* .. بتفهم احسن البطل كمان؟

* ما عارف لكن حسيت بزجو لكوستي دي زي القصد ازراءها او ازرائي شخصياً (ان وجدت شخصية)؟

ان كان ذلك كذلك .. والقصد "هجاء المدن"
تعال بالدرب يا بطل
عشان نحكي ليك قصة مدينة .. "كوستي القصة والتاريخ"
المافي شنو؟

Quote: كنت أبحث عن صديقينا المشترك ريس الدين مقبول لأبكي واُعزي فيه محمد خلف الله، كنت احتاج شخصا يعرفه جيدا للننعيه سويا فالرجل كان كبيرا، كان محور تماسكنا في تلك الأيام العصيبة، الاسلامية وبعدها السلمة (العشوائي) قبل أن تفرق بنا سُبل الحياة عام 1995.

--------

* شكراً جزيلاً يا بطل .. ومليون شكراً

ياخي النتيجة دي طالعة ليها شهر ..
وشكراً ياخي ان ذكرتني اني زول تاااافه!
شكراً ياخي والله العظيم


عماد يا عمك ..
موضوع (بيت السلمة العشوائي) دا انا نسيت تفاصيل قصتو بالضبط ..
لكن على ما اذكر انو المرحوم -وامكن انتو معاهو- كنتو عشمانين ليكم في (تعويض) بعد الازالة ..
روى الراوي انو الشغلة دي -الازالة- صادفت امتحانات .. ولو ما كنت ساكن في وقت الازالة .. التعويض تشمو قدحة!
فكر المرحوم وقدر "كيف نعالج هذا التناقض" .. وربك رب الخير الهمو الحل:
انو يمش يبيت في العشوائي .. ويقرأ بنور (الهلال)!
والله صحي

Quote: شكرا الأخ ياسر عبد العزيز

Quote: أعانك الله يا قيقا، تجرع كأس الألم حتى آخره، طالما تبلبلت، واضبط حجم الصورة.

التعديل لتصغير الصورة..

(عدل بواسطة Imad Khalifa on 03-21-2013, 06:15 PM)

Quote: ياخ دا بوست عندو مداليل كتيره خلاص تشهوا الخوة يمين بالله .

Quote: انت جيت ولا لسع؟ لو ما جيت حاول اتصل على اسامة في بداية ابريل.

Quote: و الله يا عماد ربنا يرحم محمد و يتقبله القبول الحسن و اضح انو المحبه البيحملوها ليهو اصاحبه بتدلل عن معدن الانسان و الانسانيه في داخله .

Quote: انت ياعمك 83 مخنفس وداقي شارلس !!!!!!!!!!!!!!!

ودي ليها قصة طريفة جداً

Quote: لا أدري هل طلب الأخ ياسر(عبد العزيز الطيب) من بكري نقل هذا البوست للربع القادم؟

إلى (تبيان، أسيل، آسر، آذر)... الصور دي من النصف الأول للثمانينيات
وهي للفخر ذات مستقبل عامر
عمكم معاوية

Quote: نرجو من ياسر يطلب المرّه دي، وبالمرّه نعرف أخباره شنو