|
|
|
 Re: للجادين فقط / غناء سوداني ، اداء خليجي ورقص إثيوبي (Re: الطيب شيقوق)
|
أحد اعمدة الغناء السوداني وصاحب المدرسة المتفردة الراحل الفنان عبد العظيم عبد الله الشهير «بحركة» ولد عبد العظيم حركة عام 1946م بمدينة كسلا وبدأ نشاطه الفني لاعباً لكرة القدم بنادي الميرغني كسلا ولقبه الاذاعي الراحل الوزير محمد خوجلي صالحين «بحركة» لحبه «للمحاورة» عندما شاهده يلعب لفريق التحرير البحراوي «أستاك» سابقاً.
بدايته الغنائية كانت في المدرسة المصرية الثانوية بالخرطوم وحيث تخرج فيها وعمل موظفاً بوزارة الصحة ثم الامدادات الطبية والمناطق الحارة ثم مستشفى التجاني الماحي حيث قدم الفواصل الموسيقية للمرضى وعاون الاطباء في فقرة العلاج بالموسيقى وتدرج في الوظائف حتى وصل الي مراقب اول بالمستشفى.
ثم التحق الفقيد بسلاح النقل بالقوات المسلحة في وظيفة رئيس الفرقة الموسيقية للسلاح وذهب لاداء العمرة ووافاه الاجل المحتوم بالسعودية في 2/4/1993م خلال مسيرته الفتية غنى للشعراء، احمد حميد، عبد الوهاب هلاوي، عبد الله معاطي، حسن الزبير، اسحق الحلنقي، مختار دفع الله، وآخرين.
ولحن له احمد حميد، بشير عباس، عبد الرحمن عمر وأغلب اغنياته لحنها هو.
من الاغنيات على سبيل المثال: ارض الحبايب، يا قلبي توب، قلبي ما بيعرف يعادي، القليب الراسمو حنة، زهرة الياسمين، عشان خاطرنا ترجع، أنا غنيت ليك أغاني انتو يا ناس كسلا، مالو الزمن
منقول وارض الحبايب يا قلب المحنة .
المصدر :http://www.elrwaad.com/vb/archive/index.php/t-4445.html
| |
  
|
|
|
|
|
|
|
|
Re: للجادين فقط / غناء سوداني ، اداء خليجي ورقص إثيوبي (Re: الطيب شيقوق)
|
الطيب
يعني خالك ربنا مرقو من اسمرا قبال مايصل ابواب جهنم .. تقوم ترجعوا ليها دفر كده ؟
حسع انا اسوي شنو ..
ياخي انا ساكن هنا وبالكماشه مابتقلعني
وبلاش حفلة راس السنه .. وآدي الكرفته قلعناها
وكان لقيتني الصباح راكب الطيارة ما تسالني ماشي وين
ده شي صعب ياخي .. الله يريحك ويبرد حشاك ..
واحسن اصلي وارجع ليك .. اصلو كنيسة اسمرا الفي الفيديو ذكرتني الصلاه
عمر علي حسن
| |
|
|
|
|
|
|
|
|
|
Re: للجادين فقط / غناء سوداني ، اداء خليجي ورقص إثيوبي (Re: عمر علي حسن)
|
يعني خالك ربنا مرقو من اسمرا قبال مايصل ابواب جهنم .. تقوم ترجعوا ليها دفر كده ؟
حسع انا اسوي شنو ..
ياخي انا ساكن هنا وبالكماشه مابتقلعني
وبلاش حفلة راس السنه .. وآدي الكرفته قلعناها
وكان لقيتني الصباح راكب الطيارة ما تسالني ماشي وين
ده شي صعب ياخي .. الله يريحك ويبرد حشاك ..
واحسن اصلي وارجع ليك .. اصلو كنيسة اسمرا الفي الفيديو ذكرتني الصلاه
الله يا خال - هسه انا قلت اروس بعيد منك بالدس جيت لاحق خالك ؟
غايتو الزمن دا الواحد اكان ماشي الحجاز الناس لاحقنو واكان ماشي ناس نقستي برضو لاحقنو
خشمك ما يقول بغم يا خال سمح؟
| |
|
|
|
|
|
|
|
|
|
Re: للجادين فقط / غناء سوداني ، اداء خليجي ورقص إثيوبي (Re: أحمد ابن عوف)
|
ابن عوف
تحياتي وكل سنة وناس نمرة 2 كلهم بخير
تموت وين يا ود شيقوق؟؟
نمرة 2
انت قايله هاااااملة كده نمرة 2
_________
تشكر على الفرح والمرح يا استاذ الطيب
تحياتي وكل سنة وانت طيب
تابع اخوك بالو في صناء ذاتا خلى نمرة 2 القريبة دي
انت ماك سمعت بالرسول (ص) قال ( لو تعلق قلب احدكم بالثريا لنالها؟)
| |
|
|
|
|
|
|
|
|
|
Re: للجادين فقط / غناء سوداني ، اداء خليجي ورقص إثيوبي (Re: عمر علي حسن)
|
يازول مالك علينا .. انت مسلط
قبال ما أرسل مداخلتي الفوق القاك مليت البحر دم ؟..
انت شفت حاجة يا خال ؟ اركز بس
انا لو جاتني سكته .. الجماعه حيفتحو الكمبيوتر ويعرفوا الكتلني شنو .. وانت شيل شيلتك ..
جيناتكم دى وراثية - يا خال - البجي بتاوق منهم كلهم بلحق امات طه معاك وشهادتهم تروح شيح في ريح
انت فاكر ساي ؟
| |
|
|
|
|
|
|
|
|
|
Re: للجادين فقط / غناء سوداني ، اداء خليجي ورقص إثيوبي (Re: الطيب شيقوق)
|
Quote: جيناتكم دى وراثية - يا خال - البجي بتاوق منهم كلهم بلحق امات طه معاك وشهادتهم تروح شيح في ريح
|
خلاص .. سلمنا الامر لصاحب الامر
الجارم قال من لم يمت بالسيف مات بغيره
والزول المطرطش داك قال اموت ركن
انا اموت ليكم وين حسع .. قال حيدر بورسودان قال
احيييي يا عمي بطرس
عمر علي حسن
| |
|
|
|
|
|
|
|
|
|
Re: للجادين فقط / غناء سوداني ، اداء خليجي ورقص إثيوبي (Re: الطيب شيقوق)
|
Quote: كل عام وانت بالف خير يا المنسي
يا خسارة الفديو ما بفتح عندي في المكتب |
هييييييييييييييييييع
من كد وجد
من الشدرة للمكتب وكمان فاتح اللابتوب
البلقى الهوا بضري
أرتع بلدا مافيها التمساح بقدل فيها الورل بعباية
الحق علي ناس المرتضى واحمد القرشي الطالقين قيدك تمرح يا عررريب
| |
|
|
|
|
|
|
|
|
|
Re: للجادين فقط / غناء سوداني ، اداء خليجي ورقص إثيوبي (Re: الطيب شيقوق)
|
Quote: هووووووووى احسن ليك تملأ إيدك بالرجال
متلهم ليك واحدة مسنوحة مركبة مكنتين انجليزية وسودانية وربما قطرية كمان |
هيييييييع .. هههههههههههههههههه.. واااااااااااااااك
حلاتك لما يغلب الكلام يا السغيرون الماك كبير
تعرف الاصالة في الحتة دي بتكون اجود ومعروف عن الانجليز ناس صناعة متينة
ويكفي البنسون واللاندروفر والعنكوليب الزرعوا ليكم في الدندر
دبي ريسنق بدت ؟ الحبش بدو ؟ ناشنوال جوغرفي بدت ظ
طيب لما يبدو ناديني
ههههههههههههههههههه
| |
|
|
|
|
|
|
|
|
|
Re: للجادين فقط / غناء سوداني ، اداء خليجي ورقص إثيوبي (Re: خالد علي محجوب المنسي)
|
Quote: هيييييييع .. هههههههههههههههههه.. واااااااااااااااك
حلاتك لما يغلب الكلام يا السغيرون الماك كبير
تعرف الاصالة في الحتة دي بتكون اجود ومعروف عن الانجليز ناس صناعة متينة
ويكفي البنسون واللاندروفر والعنكوليب الزرعوا ليكم في الدندر
دبي ريسنق بدت ؟ الحبش بدو ؟ ناشنوال جوغرفي بدت ظ
طيب لما يبدو ناديني
ههههههههههههههههههه |
هههههههها هسه اكان جيناكم بتدونا ولا بتقولوا عرب صعيد ما بشبهونا؟
| |
|
|
|
|
|
|
|
|
|
Re: للجادين فقط / غناء سوداني ، اداء خليجي ورقص إثيوبي (Re: خالد علي محجوب المنسي)
|
ياود شيقوق
الله يجازى محنـك ياخ!
أخوى اللواء عمر دا راجلا رصين ... جيت جهجتو لـينا
أى نعم هو راجل جميل وذواق لروائع الشعر والمغنى والموسيقى والطرب
وبيشجع اللعبة الحلوة لكين ماقدر جهجة الباكات و الجرسة دى:
Quote:
يعني خالك ربنا مرقو من اسمرا قبال مايصل ابواب جهنم .. تقوم ترجعوا ليها دفر كده ؟
حسع انا اسوي شنو ..
ياخي انا ساكن هنا وبالكماشه مابتقلعني
وبلاش حفلة راس السنه .. وآدي الكرفته قلعناها
وكان لقيتني الصباح راكب الطيارة ما تسالني ماشي وين
ده شي صعب ياخي .. الله يريحك ويبرد حشاك ..
واحسن اصلي وارجع ليك .. اصلو كنيسة اسمرا الفي الفيديو ذكرتني الصلاه
|
أنت فى اللواء عمر واللا الدكتورة وضاحة
والله أول مرة أشوفها كدى لامن ظنيت إنه حسابها مهكر
مش كدا وبس؛ لكين بالأمارة، قلت الهاكر دا أكيد يكون
صاحبنا المستشار ود المرتضى ولا الراجل الفنان سفيان نابرى
Quote:
ارح أرح جب جب سااااااااااااااااى
اخر يوم فى السنة
محل الرهيفة التنقد
|
غايتو يامولانا جنس غايتو!
طلعت لينا المخفى كله والداسنه كمان!
حتى أخوى قبانى جاك قابض مالى يدو.
بس قبانى حالتة بسيطة عشان هو دايما جاهـز
فى مسألة الفـن والموالعواطف دى.
مافضل إلا تجيب لينا صاحبى ود السـنى!
كل سـنة وإنتو طيبين ياود شيقوق وضيوفه
والسنة الجاية كلكم فى الحج يارب!
| |
|
|
|
|
|
|
|
|
|
Re: للجادين فقط / غناء سوداني ، اداء خليجي ورقص إثيوبي (Re: عبدالرحمن إبراهيم محمد)
|
| Quote: وبيشجع اللعبة الحلوة لكين ماقدر جهجة الباكات و الجرسة دى: |
يا بروف
الجابك يوم سعيد وعام جديد .. انت اجمل بشايره
ناس الطيب ديل يغطسو كده ويجوك مارقين شايلين بلاوي .. زي الطوطحانية الركبوني فيها دي بقيت لا عارف
اقيف لا عارف اقعد .. وكان قلت اخ يقولوا ليك اركز ..
البارح انا طلّعت ثلاثه سنين في اسمرا .. وعملت ليها فرش متاع كامل .. حسبت الدقائق والثواني الضاعن من الثلاثه
سنين وقلت اعوض بالجابوه ناس الطيب .. لقيت القصه ما بتتلاحق .. وكان ما مسكوني كنت راجع اكملهم اربعة
سنين ..
بيني وبينك وزارة الخارجيه ظالمة .. لو اذّنت مايخلوك تقعد اكثر من ثلاثه سنين .. اها انا بمشي براي خليهم
يرجعوني ..
ياخي ريحتك في البوست دعاش ومطر خريف
يروي الناشفه والعطشانه يسقي البحر والقيف
بالله يابروف عبد الرحمن لاتغيب عننا ولا تقيف
انا في حواك ماتفكّ لي شيقوق يملاني خوف
ويرُج مفاصلي حَتيت ويسطل مخي كيف
اخوك لا قدرو لاقدر الذنوب وباكر يبقي كيف؟
كن بالف خير
عمر علي حسن
| |
|
|
|
|
|
|
|
|
|
Re: للجادين فقط / غناء سوداني ، اداء خليجي ورقص إثيوبي (Re: الطيب شيقوق)
|
Quote: معذرة فقد كنت في رحلة خارج العاصمة مسقط مع موظفي بورصة مسقط وقد كلفت طبيبة النساء والتوليد وضاحة محمد زين لتتولي ادارة شؤون البوست في غيابي وما قصرت طاب
جاييكم غدا ان شاء الله
|
محمد زين دا منو!!!!!!
وحات الله انت خرفت تب هههههههههههههههه
يزينوك بموس ميتة بركة جدى اب عصا ههههههههههههههههههه
| |
|
|
|
|
|
|
|
|
|
Re: للجادين فقط / غناء سوداني ، اداء خليجي ورقص إثيوبي (Re: عبدالرحمن إبراهيم محمد)
|
بروف عبد الرحمن ابراهيم
كل عام وانت والاولاد بالف خير
ياخ طمئنا على صحتك اول
Quote: الله يجازى محنـك ياخ!
أخوى اللواء عمر دا راجلا رصين ... جيت جهجتو لـينا
أى نعم هو راجل جميل وذواق لروائع الشعر والمغنى والموسيقى والطرب
وبيشجع اللعبة الحلوة لكين ماقدر جهجة الباكات و الجرسة دى: |
في بوست عن أغنية مرية للشاعر صلاح احمد ابراهيم اذكر صاحبك ود المرتضى خت يدو في ناضرو ودنقر يبكي ، يبدو السايبة أنكأت بعض الجراحات القديمة . تداخل في ذلك البوست احد الاعضاء معلقا عن الحالة التي تلبست الاخ مرتضى ، وقد قالها بالحرف الواحد ( الرجل الدموعو قريبة اقطع الشك انه من اكرم وافرس الرجال وان البكاء هو تفريغ لشحنات النخوة التي يتميز بها هولاء الصناديد .
الخال ابو امير بكااااااااااااااااااى - وهسه بجيك بقول ليك ( هذه تهمة لا انكرها وشرف لا ادعيه )
هيييييييييييع كسار قلم مكميك
Quote: أنت فى اللواء عمر واللا الدكتورة وضاحة
والله أول مرة أشوفها كدى لامن ظنيت إنه حسابها مهكر
مش كدا وبس؛ لكين بالأمارة، قلت الهاكر دا أكيد يكون
صاحبنا المستشار ود المرتضى ولا الراجل الفنان سفيان نابرى |
ههههههها وضاحة دي يا خالي البروف برمائية في البحر عوامة وفي الارض كان ترترت ما بتتلحق
وضاحة - يا بروف - زي الحوار البدلي ( بضم الباء وفتح الدال وكسر اللام ) وقت حلبة البوست تسخن بتجيها هوشة نامن سنونها تسكسك وما بتعاين الا فووق للنجم بس ، وتاني لا عندها في بروف ولا خالي عمر .
Quote: غايتو يامولانا جنس غايتو!
طلعت لينا المخفى كله والداسنه كمان!
حتى أخوى قبانى جاك قابض مالى يدو.
بس قبانى حالتة بسيطة عشان هو دايما جاهـز
فى مسألة الفـن والموالعواطف دى. |
يا خال القباناب ديل الشغلانية عندهم جينات وراثية ، اكان كشكشت للواحد كبريتة ساي بقوم بحتو في الصقيعة .
| Quote: مافضل إلا تجيب لينا صاحبى ود السـنى! |
ما تفتكر ود السنى بعيد مننا - دا هسه بيكون فاتح البوست وبسكسك مع بت وهبي دكاكينية ساااااااااااى
| |
|
|
|
|
|
|
|
|
|
Re: للجادين فقط / غناء سوداني ، اداء خليجي ورقص إثيوبي (Re: الطيب شيقوق)
|
ســعادة اللواء عمر سـلام
ونور الله أيامك وأسـعد أوقاتك ووهبك السعادة وراحة البال
Quote:
يا بروف
الجابك يوم سعيد وعام جديد .. انت اجمل بشايره
ناس الطيب ديل يغطسو كده ويجوك مارقين شايلين بلاوي .. زي الطوطحانية الركبوني فيها دي بقيت لا عارف
اقيف لا عارف اقعد .. وكان قلت اخ يقولوا ليك اركز ..
البارح انا طلّعت ثلاثه سنين في اسمرا .. وعملت ليها فرش متاع كامل .. حسبت الدقائق والثواني الضاعن من الثلاثه
سنين وقلت اعوض بالجابوه ناس الطيب .. لقيت القصه ما بتتلاحق .. وكان ما مسكوني كنت راجع اكملهم اربعة
سنين ..
بيني وبينك وزارة الخارجيه ظالمة .. لو اذّنت مايخلوك تقعد اكثر من ثلاثه سنين .. اها انا بمشي براي خليهم
يرجعوني ..
ياخي ريحتك في البوست دعاش ومطر خريف
يروي الناشفه والعطشانه يسقي البحر والقيف
بالله يابروف عبد الرحمن لاتغيب عننا ولا تقيف
انا في حواك ماتفكّ لي شيقوق يملاني خوف
ويرُج مفاصلي حَتيت ويسطل مخي كيف
اخوك لا قدرو لاقدر الذنوب وباكر يبقي كيف؟
كن بالف خير |
الخـير منك وفيك ياخوى:
أخوى سعادة اللوا ناضم الحروف فنان حريف
راكز القلب صنديد، وصافى النفس مافيه زيف
لكنه وكتين سحر النغم يرقص، حساس رهيف
ووكت المشاعر لهلبت وانبهل الطرب والكيف
لمانا خوه ومدالنا من فيض الكرم ضلا وريف
وشوفوا الليله من فرح الوداد بقى حالنا كيف
| |
|
|
|
|
|
|
|
|
|
Re: للجادين فقط / غناء سوداني ، اداء خليجي ورقص إثيوبي (Re: عبدالرحمن إبراهيم محمد)
|
Quote: ووكت المشاعر لهلبت وانبهل الطرب والكيف
لمانا خوه ومدالنا من فيض الكرم ضلا وريف
وشوفوا الليله من فرح الوداد بقى حالنا كيف
|
البروف
عاملتني كما عامل الملك فيصل الشاعر الذي جاءه مادحا .. يريد (حق القهوة) .. فقال له عد غدا ان شاء الله .. وفي الغد اخرج
الملك قرطاسا ملفوفا .. وفرَدَه .. وقرا رده للشاعر بقصيده اطول واجمل من قصيدته .. ولم يصرفه خائبا ..
انا لااريدك ان تطرب معهم وترقص معي .. فالرقص من حيث هو لايناسب ركبنا ومخاريقنا البالية .. لكن والله الجماعه (هبدوني)
فيديوهات .. جعلت كمبيوتري يتمايل طربا .. وانا احاول تثبيته .. فاميل معه .. غير عابئ بما يوصف به هذا التمايل (البرئ) ..
ولابد ان ذلك صحبته (بعض) الصرخات الهستيرية التي لا بد بعدها ان تأخذ الواحد عزة بالاثم فيفكر في اكمال (انتدابه) بديار
الحبشان .. وكلها تذكرة وكم دولار ..
يا سيدي .. وعندما رأيتك ثاب رشدي وطار شيطاني .. فالفرح بك اغلي وابقي من الطرب بمن كسرن ضلع المرتضي .. وكسرن
فيّ 96 ضلعا نصفها ليس ملكي ..
فاذا بقيت لي طاقة وعمر فساقضيها هنا معك .. فاتراقص معهم .. واعود اليك طربا .. باكيا وتائبا ..
وقد قال ربي نبئ عبادي اني انا الغفور الرحيم .. ولا انكر الباقي ابدا.
عمر علي حسن
| |
|
|
|
|
|
|
|
|
|
Re: للجادين فقط / غناء سوداني ، اداء خليجي ورقص إثيوبي (Re: الطيب شيقوق)
|
أبوي الطيب حبابك ؤحباب ضيوفك ؤ حباب طيور الجنّة....!
تاريها النار شايطي عندكم وأني ماني جايب خبر
ديل مرّه جونا في حمرة الشيخ نان ما قلبو الوطا ؤولعوا الحرايق عليك امان الله حتي السعية هملت
عيل ربك حلاهن مننا ؤنطونا في عدلهم مشوا بانقي والكفرة لكن خلوني لي يوم الليلة رقبتي عوجة
ؤبتلفت مغرِّب الكترااااااابل ديل بسموهن أهل (الشَّلهوب) يعني طعامهن كلُّو دافي ما عندهم شي بايت
لكن دكتور المنسي خطَّالنا واحدة مُرباع في اخر البوست قولو شيلها ؤجيبلنا بَكرة عانس والله حِقَّه
اها تري إتّا يا أبوي الطيب ؤسماحة اللِّواء ومعاكم كتيرين تاني عيل شلاقة منكم السَّارح بيكم ما بخسر لحاية ولا بفتلُّو........!
كيف حالة صاحبي بله التورو فارق البقرات
يا أُم ديساً مِكْربِل طارد العسَّاف
ؤ جوزاً ليكي من تالايا تَب ما يخاف
الشّوف قلَّ والراس لاف
والتّور فارق البقرات سدر في صِداف
ماتشرح ليهن الغنوة يا ابوي الطيب
محبتي لكم جميعا
امشي شوف ابو زيد الهلالي وأُم نفل العناق في سودانايل خربو الدنيا كيفن
| |
|
|
|
|
|
|
|
|
|
Re: للجادين فقط / غناء سوداني ، اداء خليجي ورقص إثيوبي (Re: عبيد الطيب)
|
العبيد ود ابوي الطيب
Quote: أبوي الطيب حبابك ؤحباب ضيوفك ؤ حباب طيور الجنّة....!
تاريها النار شايطي عندكم وأني ماني جايب خبر
ديل مرّه جونا في حمرة الشيخ نان ما قلبو الوطا ؤولعوا الحرايق عليك امان الله حتي السعية هملت |
ديل بهملوا السعية وبس يا العبيد؟
ديل بنفروك من عولك يا العشاء
| Quote: لكن دكتور المنسي خطَّالنا واحدة مُرباع في اخر البوست قولو شيلها |
المنسي نعمتو كترت نامن رفلت يا العبيد - عاد نسوي ليهو شنو ؟ اتسلط على البوست فتلو فتلة حبل عاشميق
| Quote: السَّارح بيكم ما بخسر لحاية ولا بفتلُّو........! |
هههها يا زول طفرت ام عروض مننا - منو البعرف ليك لحاية هنا؟
Quote:
امشي شوف ابو زيد الهلالي وأُم نفل العناق في سودانايل خربو الدنيا كيفن |
كتر خيرك من دربي دا متلهم سودانيايل
| |
|
|
|
|
|
|
|
|
|
Re: للجادين فقط / غناء سوداني ، اداء خليجي ورقص إثيوبي (Re: الطيب شيقوق)
|
بقت علينا حكاية الخير مصوبر فى محل والخيل تجقلب فى محل
ود شيقوق شايفكم متجدعين انت وسعادة اللواء عمر ياخى انتو ما عارفين
نحن فينا اللولية؟ كان ناديتونا اتبخرنا ساكت الله كان بحاسبكم؟
هسه الواحد ما يستنفر ليكم طارق جبريل وحبيب نورة عشان يخورو ليكم البوست ده!!
يعنى الزول لامن يلحقكم بالقريحه ساكت فى الصفحة خمسة بالغتو،،،
| |
|
|
|
|
|
|
|
|
|
Re: للجادين فقط / غناء سوداني ، اداء خليجي ورقص إثيوبي (Re: صديق الموج)
|
ود الموج
Quote: بقت علينا حكاية الخير مصوبر فى محل والخيل تجقلب فى محل
ود شيقوق شايفكم متجدعين انت وسعادة اللواء عمر ياخى انتو ما عارفين
نحن فينا اللولية؟ كان ناديتونا اتبخرنا ساكت الله كان بحاسبكم؟
هسه الواحد ما يستنفر ليكم طارق جبريل وحبيب نورة عشان يخورو ليكم البوست ده!!
يعنى الزول لامن يلحقكم بالقريحه ساكت فى الصفحة خمسة بالغتو،،، |
لا بس جانا خبير قالوا الايام دي ود الموج بقى حوار لود المحرب وكدا ، وقالوا تابعو شايل ابريقو محل ماش - وقالوا تلقط في البياض ساااااي وتكب في مخاليك .
| |
|
|
|
|
|
|
|
|
|
Re: للجادين فقط / غناء سوداني ، اداء خليجي ورقص إثيوبي (Re: الطيب شيقوق)
|
أهـا يا سـعادة اللوا
أنا الرقيص دا مالى فيه نصيب. أخوك أشـتر بس ... وبخاف أضحك على الناس:
Quote:
انا لااريدك ان تطرب معهم وترقص معي .. فالرقص من حيث هو لايناسب ركبنا ومخاريقنا البالية .. لكن والله الجماعه (هبدوني)
فيديوهات .. جعلت كمبيوتري يتمايل طربا .. وانا احاول تثبيته .. فاميل معه .. غير عابئ بما يوصف به هذا التمايل (البرئ) ..
ولابد ان ذلك صحبته (بعض) الصرخات الهستيرية التي لا بد بعدها ان تأخذ الواحد عزة بالاثم فيفكر في اكمال (انتدابه) بديار
الحبشان .. وكلها تذكرة وكم دولار ..
يا سيدي .. وعندما رأيتك ثاب رشدي وطار شيطاني .. فالفرح بك اغلي وابقي من الطرب بمن كسرن ضلع المرتضي .. وكسرن
فيّ 96 ضلعا نصفها ليس ملكي ..
فاذا بقيت لي طاقة وعمر فساقضيها هنا معك .. فاتراقص معهم .. واعود اليك طربا .. باكيا وتائبا ..
وقد قال ربي نبئ عبادي اني انا الغفور الرحيم .. ولا انكر الباقي ابدا
|
أما فيما يتعلق بـقولك
Quote:
انا وانت والبروف والزول اللابد تحت السرير داك ..
يمرقوا سيدي القاعد في تسني ..
عمر علي حسن
|
أهـا أنا عندى صور لى أسمرا وتسنى ومصوع وأكسوم وعدوة أيام الشباب والرياضة
لامن تجى مناسبتها بمرقها. بس حسع بجيب ليك مكان ماكنا ساكنين لامن مشـينا فى
فريق جامعة الخرطوم لكرة السلة. فدا فندق كابرى جوار محطة البصات وحى قزاماندا
طليان وكان جديد يادوبه فاتحنه.
وهـنا أمام قصر الحاكم فى إنتظار مقابلته وصاحبك سيد شريف كان القنصل
أنا لامن الله يهون بجى أعمـل ليك تكتيكات إنصرافية زى دى، رأفـة بالعواطف
الجياشـة والقلوب الخفاقة؛ ولكنها تحمل المألوف من مهيجات الذكريات. والله
الناس ديل زى ماقال سعادة المستشار بحبونا جد!
تصور فى كل المباريات كاانت الجماهير بتشـجعنا، إلا فى مباراة الكلية البحرية
كلهم كانوا ضدنا. بس ربك يوريك العجب لامن لعبنا ضد الإميريكان فى قاعـدة
الكانيو ستيشـن. البشر ديك كلهم كانوا بيشجعونا. ولامن لعبنا ضد أمبيقليانو
كولج، الطلبة كانوا غالبيتهم بيشجعوا ضدنا، أما الجماهير فكانت مية فى المية
معانا. ودا بيذكرنى لامن فى فريقنا بتاع كرة القدم لعبنا ضد حماسين.
والله ياسعادتك ديك كانت أيام مابتتنسى. أنا مالقيت معاملة زى معاملتهم لينا
إلا فى الصومال. ديك برضوا بيحبونا ياخ.
دمت ودام الود أبدا
| |
|
|
|
|
|
|
|
|
|
Re: للجادين فقط / غناء سوداني ، اداء خليجي ورقص إثيوبي (Re: عبدالرحمن إبراهيم محمد)
|
Quote: أهـا أنا عندى صور لى أسمرا وتسنى ومصوع وأكسوم وعدوة أيام الشباب والرياضة
لامن تجى مناسبتها بمرقها. |
يا بروف ..
(الان جئت بالحق) .. وفتحت الحنفية التي ظلت عازفة عن (التنقيط) رغم محاولات الزول القاعد تحت السرير داك .. حتي كاد ان (يحلجها) ..
فاذا كانت قلوب قوم موسي قد قست من بعد ذلك فإن قلبي سيرق ليس فقط لما امر به الرسول من مخالفتهم .. ولكن لان الصور ونسيم الصبا
ورائحة الاماكن قد ضربت انفي فكادت تخلع قلبي من مكانه
وانت ابسم لي وانا ابسم ليك .. فكلما جئت بصوره فتحنا لك الحنفيه .. وتوقد نار وتصبح رماد
فندق ومطعم كابري يا بروف انشأه طلياني يعمل في بيع الاثاثات .. واشتراه منه يمانية اصحابي يملكون فندقا آخر بجوار القنصلية (القديمه)
وصاحبه سالم باعقيل واسرته اصدقائي واصدقاء اسرتي .. لا ننقطع عنهم ولا ينقطعوا عنا ونتجمع كل ليلة في مطعم كابري الذي كان
يعتبر افخر مطاعم اسمرا .. وتتوسطه طاولتان .. تجمع احداهما كبار الجالية الايطاليه .. والثانيه لسنيور كونسول والعدنيين وبعض
السودانيين .. ويتوزع علي باقي الطاولات وجهاء المدينه والسواح ومن لهم مناسبات
شهدت هذه الصالة ادارة احداث لها اثر علي المنطقه لعل اهمها الثورة علي النظام الاشتراكي في عدن والنظام القومي العربي في صنعاء
وحركة التحرير في جيبوتي .. ولكنها في ذات الوقت كانت تشهد ازهي عروض الجمال بالمدينه وكانت مديرة الصالة صوفيا (صفيه علي)
العدنية وهي ملكة جمال المدينة وسليلة احي اسرها العريقة تجتذب بكفاءتها الاسر وتخلق بين نسائها وبناتها تنافسا في اللبس والزينة
والعطور والمصاغ بعلاقاتها التسويقيه الوثيقة مع المحلات الراقية . وكانت تقرّب بين الفينة والاخري احدي تلك الاسر الي احدي
الطاولتين الرئيسيتين حسب المناسبة .. وكان الحساب كل يوم علي واحد بالدور ..
كانت تلك الجلسات تضج بالصخب في الاعياد والمناسبت واعياد الزواج والميلاد .. وتخفت فيها الاصوات الي درجة الهمس كلما كان
في الساحه احد او جماعة من ثوار عدن او صنعاء او جيبوتي .. وعندها تعرف من من رجال المخابرات الاثيوبية او المصرية او
الامريكيه يتحلق بالمكان .. مهما كان حرصه وتخفيه ..
اما الراحل سيد شريف فقد سبقنا للعمل بالقنصلية باسمراوكان احد اعلامها بما له من قبول وشخصية محبوبة .. وكان كل السودانيين
باريتريا يتفقون علي حسن معاملته وصدق وده وهمته العاليه في حل مشاكلهم فاورثنا علاقة سلسه بالسودانيين وجعل القنصلية بيتا
لهم .. وكذلك اورثنا علاقة رفيعة المستوي مع القصر والخارجية الاثيوبية باسمرا ومع الجيش والشرطة والقضاء والهيئة الشرعية
الاسلامية فكانت حوائجنا لديهم تقضي مباشرة وباقل جهد
اما حب (الناس ديل) للسودانيين فبس انت جيب وانا بتم ليك ... قالت لي مره احدي الحسان Mr. Consul, I like (it) your car
فقلت لها ..? Don't you like (it) me also
حتي انجليزيتهم كانت ظريفه وخفيفة علي القلب ...
عمر علي حسن
| |
|
|
|
|
|
|
|
|
|
Re: للجادين فقط / غناء سوداني ، اداء خليجي ورقص إثيوبي (Re: عمر علي حسن)
|
Quote: اما حب (الناس ديل) للسودانيين فبس انت جيب وانا بتم ليك ... قالت لي مره احدي الحسان Mr. Consul, I like (it) your car
فقلت لها ..? Don't you like (it) me also |
قطع شك تكون سمعت كم وكم شهقة يا الخال
غايتو خالك اكان لّم ليهو في شهيقة بسويها نغمة للجلكسي الجديد دا
| Quote: حتي انجليزيتهم كانت ظريفه وخفيفة علي القلب ... |
الحكي اكيد كان هجين من الانجليزية والامهرا والعربية احيانا
| |
|
|
|
|
|
|
| |
الطيب شيقوق
فيصل محمد خليل
وضاحة
خالد حامد الجزولي
الامين جبارة الله التوم
mekki
أحمد ابن عوف
Muna Khugali
خالد علي محجوب المنسي
مجاهد محمد الهادي
د. ياسر عبد القادر
يحي قباني
حسن طه محمد
محمد عوض السيد
عبدالرحمن إبراهيم محمد
عبيد الطيب
صديق الموج
فيس بوك
تويتر
انستقرام
يوتيوب
بنتيريست