دعواتكم لزميلنا المفكر د.الباقر العفيف بالشفاء العاجل
|
|
 عامل فيها زكي
|
عامل فيها زكي
بعد الحاح من الزوجة في قضاء الاجازة مع اهلها وحضور زواج اخوانها وافق على مضض ولكنه اضمر شرا .. اخذ سلفية من العمل ودبر لها حالها هي وعيالها سفرها للاجازة .ولكن اشر لها في الجواز خروج نهائي .. ومن باب التمويه قطع لها تذاكر ذهاب وعودة ... بعد ما سفرها جاء فرحا يفرك في يديه اول خطوة عملها فك الشقة وباع اثاث البيت ورحل سكن مع اصحابه العزابة وتفرغ للكتشينة تماما . مرة حريق ومرة وست ومرة هارد ..استمتع بانتصاراته وهو مرتاح من تلفونات زمان من نوع ( قوم تعال هسع البت دي عندها حمة .او ولدك دا جرحتو قزازة .. ) تذكر ايام كان يرمي ورق الكتشينة يسب ويسخط .. الآن اتفرقت ليكم يا اولاد الذين (عشرات بالعشرات)..
اما هي بعد ما استمتعت بالاجازة والاعراس والحفلات قررت العودة حضرت الى العاصمة جهاز المغتربين لتؤشر للخروج تفاجأ بأن ناس التأشيرة قالوا لها انها جاية بخروج نهائي و ما لها طريقة للعودة ... عرفت نواياه لم تتصل به او تستفسر منه ولكنها اخذت الجواز وراحت السفارة ( وحنكت الفنصل) اقنعته ان الخطأ من ناس الجوازات بدليل ان زوجها قطع لها ذهاب وعودة وان اولادها بالمدارس .. لان حجتها قوية اقتنع القنصل وعمل لها تأشيرة دخول استثنائية .. عادت واشرت الخروج .. وفي عصر جمعة صاحبنا ماسك ورق كتشينته مستعدا لكسب عشرة الحريق واحد من الزملاء قال له .. انت الواقف في الباب دا ما ولدك وليد يا ابو وليد ..؟؟
- يا راجل العب لعب نزيه خلاص الحريق حرقك عايز نغش كمان عايزني التلفت وتسرق جوكر .
-ياخ عاين وراك بالجد الواقف في الباب دا ما ولدك ؟
-يا راجل العب لعبك ولدي في السودان تلاقيه يلعب بلي في ضل النيمة هسع ..
- ابوي ؟؟
- ابوك ؟؟؟ والتفت .انا اخو الرجال يا ولد الجابك هنا شنو ؟
- جابتني الطيارة والليموزين .
قام مهلوعا تناول جلابيته من مسمار في الحائط لبسها فوق العراقي ..
-يا ابو وليد جلابيتك دي مقلوبة .حاتزررها كيف ؟؟.
نزل اسفل العمارة وجدها تنتظره في الليموزين والشرر يتطاير من عينها وقالت ياولدي الضرب عليك هو المكتوب ..
- يا ولية جيتي كيف ..؟
- هسع دا ما وقته تعال حاسب بتاع الليموزين دا بعدين نتفاهم ..
- الشقة انا فكيتها وكمان بعت العفش ..
- تشوف لينا شقة مفروشة جمب مدارس الاولاد وتدبر حالك وانت عملت خيانة لازم تدفع تمنها .. انت لو عاوزنا ما نجي راجعين ماكان تقول لينا . نحن عا########ا خلقتك دي يعني .. تحرجني مع اهلي ؟ شهر يدبروا لي في حاجات السفر وفي النهاية اجيهم راجعة بعيالي .. انت لو ما عاوزنا نقعد معاك خلينا نكمل سنتنا دي انا بتحملك فيها وحا اوريك يعملوها كيف في الاجازة الجاية ياخاين يا مستهتر يا ما عندك نخوة ولا مروة رجال .. تعال حاسب بتاع الليموزين دا خليه يمشي ...
قصة واقعية بتصرف ..
|
|
 
|
|
|
|
|
|
|
|
Re: الحوافز عدو المواطن والوطن (Re: درديري كباشي)
|
هههههه
أزيك درديري
لكن جيهتو جيهة القبورة الفي القضارف
ياخ الزول بسمع قصص مغتربين تشيب لها الولدان ,, عرس صاحبتها بعد وداها السودان ,, ولقاها مع صاحبو قام طلقها ,, وعرسها صاحبو
عرسها وسافرت ليهو لقتو ديوس وووو
هو في شنو بالضبط كده
| |
|
|
|
|
|
|
|
|
|
Re: الحوافز عدو المواطن والوطن (Re: usama Babiker)
|
| Quote: غايتو يادرديري عندنا واحد طبق نفس القصة دي وبحذافيرها ومعاكم اسي في الرياض ... بس ماعارف ياهو زولك ده ولا قصة اخرى مشابهة لها ... |
والله يا اسامة ما بعيد يكون هو زولك ذاتو انا غايتو جاتني مختصرة وحكيتها بطريقتي وحكتها لي احدى قريباتي الراجل ما بعد ما جاب ليها الجواز قعدت تقلب فيه قالت الرجال ديل مابقى ما عندهم ضمان وراحت حاكية لي القصة ..
| |
|
|
|
|
|
|
|
|
|
Re: الحوافز عدو المواطن والوطن (Re: عبدالحفيظ ابوسن)
|
Quote: هههههه
أزيك درديري
لكن جيهتو جيهة القبورة الفي القضارف
ياخ الزول بسمع قصص مغتربين تشيب لها الولدان ,, عرس صاحبتها بعد وداها السودان ,, ولقاها مع صاحبو قام طلقها ,, وعرسها صاحبو
عرسها وسافرت ليهو لقتو ديوس وووو
هو في شنو بالضبط كده |
والله يا ود ابوسن عندنا درامات تحير اسامة انور عكاشة ذاتو
| |
|
|
|
|
|
|
|
|
|
Re: الحوافز عدو المواطن والوطن (Re: درديري كباشي)
|
Quote: يوه كده ياأبو الدر فك كربة المنبر ده كل أصبح مشاكل وحاجات ماسمحه ، سؤال لزوم الزهايمر وكده ياعندي ولا عندك نزلتها
واقعية قبل كده .تسلم يارائع.. |
تسلم يا اشرف نحن كمان سممنا الجو المكهرب بالحروب وطفشنا نجي مرة مرة في محاولات بائسة لتغيير المود
| |
|
|
|
|
|
|
|
|
|
Re: الحوافز عدو المواطن والوطن (Re: درديري كباشي)
|
Quote: انت لو عاوزنا ما نجي راجعين ماكان تقول لينا . نحن عاجـــــبااااااناااااا خلقتك دي يعني .. تحرجني مع اهلي ؟
شهر يدبروا لي في حاجات السفر وفي النهاية اجيهم راجعة بعيالي .. انت لو ما عاوزنا نقعد معاك خلينا نكمل سنتنا دي
انا بتحملك فيها وحا اوريك يعملوها كيف في الاجازة الجاية ياخاين يا مستهتر يا ما عندك نخوة ولا مروة رجال ..
تعال حاسب بتاع الليموزين دا خليه يمشي ... |
يا دردرة اكيد الكلام الفوق دا التصرف بتاعك إنتا
وبما ان مكرهن عظيم اكيد بتكون قالت الكلام دا فى سرها
وفكرت كيف تضرب تحت الحزام لكنها لن تجروء لتقول ذلك
لى زول راجيا من وراهو رجااااااا 
:
:
:
:
مع التحيات لله الزاكيات
| |
|
|
|
|
|
|
|
|
 Re: الحوافز عدو المواطن والوطن (Re: محمد حمزة الحسين)
|
عبدالحفيظ ابوسن غيرت عنوان البوست ما عارف قاصد و ل خطأ فني و ل رجفة من الكلام اللي في البوست ...
زولك دا قطع شك بكون شايقي زيك كدي يا درديري ......
لكن نحن الجعليين بنقولا ليها عدييييييل في وشها ..............
سلام صاحب البوست و الضيوف
تحياتي و إحترامي
| |
|
|
|
|
|
|
|
|
|
Re: الحوافز عدو المواطن والوطن (Re: ABUHUSSEIN)
|
Quote: عبدالحفيظ ابوسن غيرت عنوان البوست ما عارف قاصد و ل خطأ فني و ل رجفة من الكلام اللي في البوست ...
زولك دا قطع شك بكون شايقي زيك كدي يا درديري ......
لكن نحن الجعليين بنقولا ليها عدييييييل في وشها ..............
سلام صاحب البوست و الضيوف
تحياتي و إحترامي |
انا مش عارف عنوان البوست اتغير كيف بمداخلة عبد الحفيظ
واتحداك يا جعليي آخر زمن (أنت حاتؤلي)
بتنا تفتيحة ما بتشيل ليها جواز مؤشر نهائي وهي ما جايبة خبر ..
حلوة احترامي الفي النهاية دي ..
| |
|
|
|
|
|
|
|
|
|
Re: الحوافز عدو المواطن والوطن (Re: محمد حمزة الحسين)
|
Quote: يا دردرة اكيد الكلام الفوق دا التصرف بتاعك إنتا
وبما ان مكرهن عظيم اكيد بتكون قالت الكلام دا فى سرها
وفكرت كيف تضرب تحت الحزام لكنها لن تجروء لتقول ذلك
لى زول راجيا من وراهو رجااااااا
:
:
:
:
مع التحيات لله الزاكيات |
بعد التحيات الزاكيات برضو
يا محمد حمزة (أفشتها) على راي عادل امام لانه الراجل غايظني فعلا ... والحز في نفسي انها ضغطت على نفسها لتحافظ على كرامتها مع اهلها وهي تعرف انه الشمات راجين الخطوة دي بالكوم .. ( تجي راجعة بدلكتها وطلحها وحنتها التي دفعت فيها الشئ الفلاني)
| |
|
|
|
|
|
|
|
|
|
Re: عامل فيها زكي (Re: درديري كباشي)
|
دريري .. سلام ..
زي القصص دي كتير بتحصل ...
لانو الواحد بيكون زهج من المراة ونقتااا .. وطالباتها ومشاكلها الكتيره
انا بعرف واحد ... ما كان مرتاح مع زوجتو ...
وبعد ما عمل ليها تاشيرة خروج نهائي وقطع ليها تذكره ون واااي ..
جاها .. وقال ليها ابوك اتوفى .. ولازم تسافري حالا ..
المراة اخدت ليها بكيه و بسرعة بسرعة جهزت شنطتاااا ...
وما اخدت بالا .. من التذكرة ولا التاشيرة ....
وما عارفت المقلب دا الا وهي في السودان ....
تحياتي ,,,
| |
|
|
|
|
|
|
|
|
|
Re: عامل فيها زكي (Re: محمد مجيدو)
|
Quote: دريري .. سلام ..
زي القصص دي كتير بتحصل ...
لانو الواحد بيكون زهج من المراة ونقتااا .. وطالباتها ومشاكلها الكتيره
انا بعرف واحد ... ما كان مرتاح مع زوجتو ...
وبعد ما عمل ليها تاشيرة خروج نهائي وقطع ليها تذكره ون واااي ..
جاها .. وقال ليها ابوك اتوفى .. ولازم تسافري حالا ..
المراة اخدت ليها بكيه و بسرعة بسرعة جهزت شنطتاااا ...
وما اخدت بالا .. من التذكرة ولا التاشيرة ....
وما عارفت المقلب دا الا وهي في السودان ....
تحياتي ,,, |
لا زولك كعب تب يا مجيدو اخير زولنا مدمن الكتشينة دا
| |
|
|
|
|
|
|
|
|
|
Re: عامل فيها زكي (Re: درديري كباشي)
|
بعض السودانيين في الغربة ادمنوا لعب الكتشينة بصورة عجيبة وتحير بل بعض دور الجمعيات في الرياض فيها ناس يذهبوا للعمل ويعودوا بين الدوامين يوزعوها وبالليل يعلبوا لقريب الصبح .. وبعضهم عطالة ومتفرقين تماما للكتشينة .. وتجد كراسات مليانة باللارقام ودواير الحريق .. بل بعضهم حتى حديثه العام انصبغ بمصطلحات الكتشينة .. اذكر واحد مرة زارنا في البيت و زميله في عمل سابق جارنا .. سألني بعد ما شاف اطفال الجار يلعبوا مع اطفالنا في الصالة الخارجية ... قال لي انت وين جارك علي دا ؟؟
قلت له نزل السودان ..
قال لي : ونازل بدون جواكر مالو ؟
قلت له : يمكن قافل فوق ...
| |
|
|
|
|
|
|
| |
ملهم كردفان
عبدالحفيظ ابوسن
usama Babiker
محمد حمزة الحسين
ABUHUSSEIN
محمد مجيدو
فيس بوك
تويتر
انستقرام
يوتيوب
بنتيريست