|
|
 سهرة الخميس مع عباس الدسيس
|
الاخ الصديق عباس الدسيس جمعتنا صداقة ارضية قبل الاسفيرية بعشرة سنوات
كنا قبل عشرة سنوات تقريبا نعمل في شركة مقاولات كان عباس يشغل منصب المدير الاداري وشئون الافراد
له نوادر ومواقف عملية تحير في هذا المنصب واسلوب للمعالجات انا شخصيا لم أالفه في مكان او عند شخص
ساتناول في هذه السهرة ان جازت التسمية بعضا من هذه المواقف
|
|
 
|
|
|
|
|
|
|
|
Re: سهرة الخميس مع عباس الدسيس (Re: درديري كباشي)
|
من ضمن تلك المواقف كان هنالك مهندس هندي هندوسي متلح عباس بالشكوى للمدير العام وصاحب الشركة
يعني مثلا يقابله المدير العام في المكاتب ويسأله ( ليش ياكومار ما رحت الموقع )
يرد ( عباس ما في يعطي سيارة )
وطبعا عباس يتلقى الدش اياه ( ايش لون ما تعطيه سيارة وانا ادفع رواتب مقابل اييه .. عباس يحاول الرد بان سيارته بالورشة .
ليش ما أجرت له سيارة ؟؟ ترى انت تخسرنا بالطريقة هادي ..
عباس ياكل الدش بينما كومار يتبسم مستمتعا بغليان عباس غيظا ..وعباس يسرها في نفسه بل قل يصرها في بقجة .
| |
|
|
|
|
|
|
|
|
|
Re: سهرة الخميس مع عباس الدسيس (Re: درديري كباشي)
|
مرة ثانية كومار ليش ما رحت الموقع ..
تعبان انا شوية ..
طيب ليش ما رحت المستشفى
عباس ما في يعطي تأمين ..
ويتكرر الدش اياه
ويتراكم غيظ عباس مع ترصد الهندي والذي يهز رأسه الهزة اياها طربا وسرورا
| |
|
|
|
|
|
|
|
|
|
Re: سهرة الخميس مع عباس الدسيس (Re: درديري كباشي)
|
في العادة ان مهندسي المواقع الذين تحصل لهم ظروف تمنعهم من الذهاب للموقع لايظهرون في المكاتب امام صاحب العمل .. اما يتصرف الواحد بالذهاب بليموزين في حال عطل سيارته او يركب مع زميل آخر الا ان يحل اشكاله الا انه كومار يبدو انه استمرأ الحكاية واستمتع بالدشوش التي يسببها لعباس ... كما ان صاحب العمل اصبح يعتبر شكوة عباس ضد كومار في اي شئ هي شكوى كيدية انتقامية ..
الا انه احد المهندسين الفسطيين قدم لعباس مشورة بنت لذين ... انا خمنتها منهم لانه نحن طبيعتنا كسودانيين ليس فيها نوع هذا التفكير من الكيديات ..
اذ نصح عباس بأن يعد له ملفا يجمع بها كل اخطائه وخسائره التي يسببها للشركة وتعاون معه مدير المشاريع واعدوا له ملفا اسودا كفيل بقيادة الهندي الى لاهاي فضلا عن الهند ..
جمع الحوادث المرورية فواتير الصيانة فواتير المستشفيات .. الغلطات الفنية في المواقع ..تضخم الفايل وتم رفعه للمدير العام والذي اقتنع تماما انه الهندي كومار لا جدوى من بقائه في الشركة ويجب تسفيره فورا ..
كان يمكن ان تنتهي القصة هنا لولا ان السكرتارية الهنود الذين يعملون مع عباس سربوا الخير لكومار والذي تصرف بسرعة وانقذ الموقف ..
| |
|
|
|
|
|
|
|
|
|
Re: سهرة الخميس مع عباس الدسيس (Re: درديري كباشي)
|
عندما علم كومار بأن كرته قد تم حرقه تماما وانه عباش انتصر فكر في طريقة يحيي بها فرصه في البقاء ويبدوا انها نصيحة من خبير اسيوي .. لانه جرى مسرعا لصاحب العمل وقال له انه اقتنع بالاسلام وقرر ان يسلم ... وهذه الجملة كفيلة بتغيير راي اي سعودي او اي مسلم مائة وثمانين درجة ... سعد صاحب العمل بهذا الخبر واتصل بعباس وطلب منه ان يلغي الخروج النهائي لكومار بل طلب منه ان يعد له خطابات للجهات الرسمية ليشرعوا في اجراءات تغيير الديانة ..
عباس تحجج بأن كومار مستهبل وان الهندوس متعصبين بل يكرهوا الاسلام والمسلمين الفلبينيبين يمكن يسلموا لكن يستحيل ان يسلم هندوسي ... فقال رب العمل نحن علينا بالظاهر وتعامل عباس مكرها مرة اخرى بل اجبر ان يعمل لصالح كوما بأن يعد له الخطابات .. ولكن اسرها عباس في نفسه وقرر ان يزرع لقما لكومار يؤدبه به ..
كومار كان يمشي خلف عباس طربا يتراقص ويهز في راسه ويحكي لاصدقائه كيف استطاع بذكائه ان ينتصر ويجعل عباس يعمل في خدمته مرة ثانية غصبا عنه .
اعد عباس الخطاب لهيئة الامر بالمعروف .. بأن مكفولانا كومار الفلاني قد نوى الدخول في الاسلام نرجو اجراء اللازم حتى يتم تغيير اقامته الى مسلم .
ولكن عباس لم ينسى اللقم اذا اضاف من عنده في آخر الخطاب عبارة من عنده وهي ..
( كما نرجو ختانه)
أخذ كومار الخطاب مزهوا فخورا بنصره ولانه بالطبع لا يعرف يقرا عربي ولا يعرف احد يعرف يقرأ عربي اخذ الخطاب كما هو وذهب به الى الجهة المعنية بالامر والذين امروه بالحضور يوم الثلاثاء لتكملة الاجراءات .. عاد كومار والابتسامة لا تفارق محياه يشرح لاقرانه كيف جرت اجراءات اسلمته بسلاسة وهو لا يدري انها بثلاثة ..
تغيير الاسم وتغيير الاقامة وحاجات اخرى غنية عن التعريف .
| |
|
|
|
|
|
|
|
|
|
Re: سهرة الخميس مع عباس الدسيس (Re: درديري كباشي)
|
في يوم الثلاثاء استعد كومار وتعطر ولم ينسى ان يغشى اصدقائه بمكتب عباس ويقول لهم انه اليوم ذاهب لليوم الموعود ضحك وهز رأسه كثيرا وهو يكاد يقول اياك اعني يا جاره ...
وفي المقر الرسمي شاهد حافلة تقف امام المبنى وبها عدد من الفلبينيين لم يكترث لهم الا ان المسؤل امره ان يركب في الحافلة مع الراكبين ..
توجهت بهم الحافلة الى احد المستوصفات وهو تبع الركب حتى الان لا يدري الاما يساق وفي المستوصف طلبوا منهم الجلوس في كنبة وانتظار نداء الاسم واحدا تلو الآخر ..
وهو لم يكترث لكن فجأة لاحظ ان من سبقه من الفلبيين يدخل ويخرج بمشية مختلفة قتله الفضول وسأل من يجاوره ماذا يجري هنا ..
رد له الفلبيني :
- صديق انت مافي معلوم انت ليش يجي هنا .. هنا في : كذا كذا كذا على طوووووول ..
كومار وقف مزهلالا وخرج من المستوصف يجري حتى وصل الشركة بنفس لاهث وصعد الى الدور الثاني حيث يوجد مكتب المدير العام ..
كان يجلس مع المدير العام شقيقه الاكبر وشريكه وعندما حكى لهم مقلب عباس وهو يكاد يزبد من الغضب لم يملك الاخوين انفسهم من الانفجار في ضحك هستيري ..
| |
|
|
|
|
|
|
|
|
|
Re: سهرة الخميس مع عباس الدسيس (Re: درديري كباشي)
|
هذه المعركة ايضا كسبها كومار
لانه استطاع ان يحتفظ بوظيفته مع احتفاظه بأشيائه كاملة
رغم ان حدة كيده لعباس خفت كثيرا وهو يعلم ان ملف لاهاي لازال عند المدير العام ..
لكن تأدبه وخفة مكايدته لعباس لم تشفي غليل عباس بعد فهو لازال يملؤه الغيظ من الذي مضى .
استمر الى ان استحق كومار اجازته السنوية وطالب بها وهو لازال يتباهى بأن عباس مجبور على خدمته رغما عن الكره الشديد الذي يكنه له ..
انتهز عباس فرصة اجراءات سفر كومار واقنع المدير العام ان يسفره نهائيا اذ لا جدوى من استمراره .. واذا كان قد اسلم حقيقة عليه ان يحتفظ باسلامه في بلده فهو قد تجاوز مرحلة المؤلفة قلوبهم والا سيكون اسلاما نفاقيا لاجل المصلحة .. اقتنع المدير ووافق على تخريجه نهائيا ..
لكن عباس في هذه المره لم يبلغ كومار بنيه تسفيره نهائيا حتى لا يبحث له عن مخرجا جديدا وقطع له تذكره عادية واحتفظ بالجواز حتى موعد السفر . وطلب من المعقب الا يسلمه الجواز الا وهو يتأهب لصالة المغادرة .. حيث لارجعة ولا تراجع بل اقدام ..
حزم كومار حقائبه وسافر وهو لازال في زهوه وفخره ...
بعد شهر او شهرين كنت اجلس مع عباس في مكتبه اذ اتاه اتصال من الهند يقول المتحدث في الطرف الآخر جملتين فقط لا غير ( يا كـــلــب يا هومار يا عباس )
عباس قال لي بالله الهندي دا ما بليد ..
قلت في شنو وماله قال لي دا كومار ..كل يومين يخسر نفسه اتصال عشان يقول لي يا كـلـب يا هومار )
| |
|
|
|
|
|
|
|
|
|
Re: سهرة الخميس مع عباس الدسيس (Re: درديري كباشي)
|
| Quote: انتهز عباس فرصة اجراءات سفر كومار واقنع المدير العام ان يسفره نهائيا اذ لا جدوى من استمراره .. واذا كان قد اسلم حقيقة عليه ان يحتفظ باسلامه في بلده فهو قد تجاوز مرحلة المؤلفة قلوبهم والا سيكون اسلاما نفاقيا لاجل المصلحة .. اقتنع المدير ووافق على تخريجه نهائيا .. |
| Quote: لكن عباس في هذه المره لم يبلغ كومار بنيه تسفيره نهائيا حتى لا يبحث له عن مخرجا جديدا وقطع له تذكره عادية واحتفظ بالجواز حتى موعد السفر . وطلب من المعقب الا يسلمه الجواز الا وهو يتأهب لصالة المغادرة .. حيث لارجعة ولا تراجع بل اقدام .. |
سلام يا حبيب
يعني عباس قطع رزق الراجل .؟
وشكك فى اسلامو ؟
وتسبب فى خروجو النهائي ؟
والمشكلة الكبيره خدع الهندى وما صفوا حسابو ولا ادوهو نهاية خدمة ؟
وقد يكون عندو شقة مأجرة والتزامات وخلافو ؟؟؟؟
والله حيرتني
انت هسع بتشكر فى عباس ولا بتنبذ فيهو 
| |
|
|
|
|
|
|
|
|
|
Re: سهرة الخميس مع عباس الدسيس (Re: وضاح عبدالرحمن جابر)
|
درديري سلام يا صديقي ...
عليك الله باصرلينا حكاية عباس مع المغترب الفي جدة ومفتكر عباس جكسوية،
وما كضب جاء الرياض على امل اللقاء ...
ولصديقي عباس الشريف الدسيس كل السلام والتحايا ...
عبس من اكتر الكتاب الاسفريين كوميديا، له قلم سيال حكاوي وضحكات ...
| |
|
|
|
|
|
|
|
|
|
Re: سهرة الخميس مع عباس الدسيس (Re: وضاح عبدالرحمن جابر)
|
والله حيرتني
انت هسع بتشكر فى عباس ولا بتنبذ فيهو
ـــــــــــــــــــــــــــــــــــــــــــــــــــــ
الاخ وضاح السلام
انا لو لاحظت من البداية قلت ان الدسيس له مواقف ونوادر طريفة في معالجة العواصي
لكن لم اقل اني اريد ان امدحه او ازمه بمعنى نقل التجارب كما هي ولاني رايتها تستحق التأمل
ثانيا عباس لم يشكك في رزق الرجل او يشكك في اسلامه
كل الذي ذكره ان الهندوس يتحيل يسلموا لان لهم عداء تاريخي وحاضر ضد الاسلام واكثر من يعادي المسلمين في الهند هم الهندوس
ولا يحتاج هذا الامر لدليل لان الاخبار والقصص كثيرة ..
لكن يقول ان كومار يريد ان يلبس الاسلام درعا ليحقق به مآرب دنيوية وهذه لم يبتدعها كومار انما هي منهج ثابت ابتدعه عبد الله ابن سبأ في صدر الاسلام ولازالت الى يومنا هذا تنتهجة كثير من الجهات..
ثانيا مسألة المستحقات معروف ان الشركات درجت على تصفية حقوق الموظفين كاملة وخاصة الاسيويين مع كل اجازة واعتقد ان هذا برتوكول متعارف عليه مع سفاراتهم ...لان معظمهم يسافر وتمنعه ظروفه من الرجوع ..
وحتى لو كان له حقوق كان يمكن ان يستردها عن طريق سفاراتهم اذ جميعنا يعرف ان السفارات الاسيوية قوية جدا وتعرف كيف تسترد حقوق مواطنيها دون ادنى انبراش او انبطاح او تطنيش ..
وليس له ايجارات مستحقة لان كل المهندسين والفنيين العزاب يسكنون في مساكن الشركة ..
على العموم هذه النقاط انا تجاوزتها باعتبار انها بديهية وليست من صلب الموضوع ..
ثالثا مسألة قطع الارزاق ..
ان كومار اصلا كان من المفترض ان يكون خارج العمل منذ ان عرض ملفه الذي جمعت به اخطائه وخسائره للشركةانما اطال عمر نظامه بالشركة هو تلبسه بالاسلام كما يزعم وان كان صادقا قد اخذ فرصته ليثبت ويتثبت بالاسلام وان كان اسلامه مرهون باستمراره فهذا يعني انه اصلا لم يسلم .. والاخ عباس بنصيحة ومعاونة زملاؤه لجأ لهذا الحل لانهم لاحظوا ان كومار هو من كان يمشي في هذا الاتجاه بكثرة الشكوى ونسب كل سلبياته وعجزه للمدير الاداري بنظرية الفيك بدر به..
وليس انا وحدي من لاحظ طريقة عباس المختلفة في معالجة الصعاب التي تواجهه بدليل مشاركات الاخوة والذي كل منهم يطالب بقصة مختلفة
| |
|
|
|
|
|
|
|
|
|
Re: سهرة الخميس مع عباس الدسيس (Re: سليمان القرشي)
|
درديري سلام ولعباس مثله
شنو الحكاية يا معلم نجهز شعورنا للمتابعة ينط ليك واحد يقفل بلف استرسالك وحكيك
والله ناس عوض سداد البلوفة كترو كترة
قبل كم يوم متابعين حكاية التفاح جاء واحد وسد الاسترسال بتفاح المحيريبة
هسي برضو جاك وضاح سد استرسالك مع مواقف عباس بقطع الارزاق
------------
يا اخي عليك كمل المواقف
هم الانقطع رزقهم شوية
-----------
يلا يا جميل كمل وسيبك من ناس عوض سدادين البلوفة
منتظرنك
| |
|
|
|
|
|
|
|
|
|
Re: سهرة الخميس مع عباس الدسيس (Re: علي دفع الله)
|
والله أجمل سهرة مع زميلنا عباس الدسيس ويا ريت كل السودانيين بقو بالحصافة والتعامل مع الجنسيات الاخرى زيه
الناس دييل لا يرمش لهم جفن في إيذا السودانيين ، وفي مقدمتهم المصريين طبعا ، فبصراحة نحن محتاجين ناس بحنكة الاخ عباس
في التعامل بالمثل
والله يا عباس إنت تنفع عمدة وخصوصا في قصة (نرجو ختانه )
| |
|
|
|
|
|
|
|
|
Re: سهرة الخميس مع عباس الدسيس (Re: ترهاقا)
|
Quote: هسي برضو جاك وضاح سد استرسالك مع مواقف عباس بقطع الارزاق
|
سلام على
ابدا ياااخى .. ما سديت الاسترسال ولا حاجه
التحية للاخ الدرديري والاخ الدسيس
انا فقط شاركت وعلقت على بعض ما جا فى المداخلة ... كنوع من اثراء النقاش والتعليق على التجربة ايجابياتها وسلبياتها
وبعدين تقريبا زى 80% من الكلام ده مر على انا شخصيا .. وانا شغال فى نفس مجال الدسيس بس مافى شئون الموظفين
ومحتك بى كل الجنسيات فى المواقع والمكاتب .. وبتعامل يوميا مع اكتر من 100 واحد من جنسيات مختلفة
كل واحد بى ثقافة مختلفة واساليب مختلفة .. (وخوابير) مختلفة
اها الخوابير دى بتعني .. مواسير ... مسامير هههههههههههه .... (تاكلها فى حنانك) لو استتهدفوك بيها
والدسيس حاولو معاهو بى خابور هنداوي
ودى احواء العمل هنا .. لوجود اخلاط من البشر واختلاف المصالح .. وضيق فرص العمل ... وسهولة الفصل والتعيييين
كل الحاجت دى بتخلى الكتير من اجواء العمل .. حروب مستمرة .. والقوى ياكل الضعيف فى ظل عدم وجود قوانين عادلة تحمي الموظفين
مره تانية التحية للاخ الدرديري والاخ عباس ..الاتشرفت بمقابلتو (فيس تو فيس) ..
| |
|
|
|
|
|
|
|
|
|
Re: سهرة الخميس مع عباس الدسيس (Re: وضاح عبدالرحمن جابر)
|
Quote: وليس انا وحدي من لاحظ طريقة عباس المختلفة في معالجة الصعاب التي تواجهه بدليل مشاركات الاخوة والذي كل منهم يطالب بقصة مختلفة
|
شكرا يا درديري ياخى على ردك المطول
وياريت تكمل .... اكيد كتير من المغتربين بتمر عليهم زى المشاكل دى
والتحية للاخ عباس
| |
|
|
|
|
|
|
|
|
|
Re: سهرة الخميس مع عباس الدسيس (Re: وضاح عبدالرحمن جابر)
|
الاخ العزيز المتعوزز علينا دريديري كما يحلو لعباس الدسيس بمناداته ياخ انا ضخصيا حكاوي عباس دي عامل فيها ماجستير ودكتوراه كمان لانو ما تنسى اني في يوم من الايام كنت من آل مكتبه بهذه الشركة وحكاوي عباس دي دايره ليها سهرات مش سهرة واحده يا درديري ياخ بس قول واحد (1) مشكلتو مع احمد حسين بتاع الشاي في مكتبو ديك تذكرها ولا نسيتها ,, اها قول اثنين (2) الشكلة بتاعت الامريكي الاتضارب معاه تحت جنب ميد ديك ياخ داك فلم كاوبوي عدييييييييييييييييييييل كده ,, اما بالنسبة للمواقف الطريفة فدي كمان تحتاج لسهرات طويلة ياخ مرة جاء واحد قال لي عايز عباس الدسيس قام عباس كان قاعد معاي ورد ليهو وقال ليهو عباس طلع هههههههههههههههههه تصور .. على العموم تحياتي لشخصك الشفيف وقلمك الرهيف والتحيات مثنى وثلاث ورباع للاخ العزيز عباس الدسيس ولكل الاسطاف في شركة ......................
وزيدنا من دلك شوية وواصل
تحياتي : ياسر العيلفون
| |
|
|
|
|
|
|
|
|
|
Re: سهرة الخميس مع عباس الدسيس (Re: علي دفع الله)
|
Quote:
يلا يا جميل كمل وسيبك من ناس عوض سدادين البلوفة
منتظرنك
|
يآدرديري
سلامات
يآزول يآآآآآآآآآآرائع
..........................
الدسيس زول دسيس
(مصطلح دسيس يعني رهيب... مصطلح سوداني)
........................
وآصل
| |
|
|
|
|
|
|
|
|
|
Re: سهرة الخميس مع عباس الدسيس (Re: درديري كباشي)
|
قصة المدير الامريكي
قبل عدة سنوات وتقريبا بعد فترة كومار بسنتين .. انتقلت الشركة الى مقر جديد
مبنى فخم وواسع وبدأتوظيف اداريين لبنانيين فاكتملت الاناقة والبدل الانيقة .. بمعنى آخر ارتفع الاسكيل جدا .. وحتى يتم تتويج هذا المستوى استعانت الشركة بخبير امريكي ( خواجة عدييييل) يحمل دكتوراة وخبرات عالمية معظمها في الخليج ..
وداوم الامريكي فعلا هو كان شكله ضخم الجثة ويشبه تماما بطل افلام ترنتي الكاوبوي الشهير..
وكان يتمتع بكامل الصلف والتكبر والعنجهية والنرجسية وكل ما يمكن ان تقوله في هذا النوع من الصفات ..
اول تعليماته رفض اي مواظف ان يدخل او يتعامل مباشرة مع رئيس الشركة اي صاحبها الا من خلاله هو شخصيا والشركة كان فيها مدير عام لبناني حوله لشبه سكرتير شخصي لسيادته ..
وكان يرتدي جزمة من النوع التي قعرها به عظم حيث عندما يمر عبر المكاتب تسمع صوت مشيه في كل الردهات والمكاتب ... لم ينقصه سوى مسدسين بالجمبات حتى تكتمل الصورة ..
اذكر في تلك الفترة كنا ندش برنامج محاسبي جديد للشركة وفي فترة التطوير والتعديل .... لكن مستر جيمس لغى كل اجتماعتنا وطلب من الشركة المالكة للبرنامج ان تتعامل وتجتمع معه هو فقط لاغير وهو من يقترح التعديلات وهكذا ..
الطريف في الموضوع انه عباس كان في اجازة في السودان ولم يحضر كل هذا الفلم الامريكي ..
لكن تعالوا نشوف بعد ان عاد وفي اول صدام له به .
| |
|
|
|
|
|
|
|
|
|
Re: سهرة الخميس مع عباس الدسيس (Re: درديري كباشي)
|
بعد ان عاد عباس من الاجازة في اول صباح له بالدوام اخبروه ان الشركة لها مدير تنفيذي جديد امريكي الجنسية لكن طبعا ما اخبروه عن باقي المحاذير .. وعباس كالعادة من الصباح دخل على الشيخ ليسلم عليه بعد عودته .. وكان الشيخ يستظرف عباس وحكاويه فطالت الجلسة والضحكات بينهما ..
لكن فجأة يفتخ الامريكي الباب عليهما ودون استئذان صاحب العمل مخاطبا عباس مباشرة ..
hai you get out from hear
طبعا نطقها بلكنته الغربية ( هاي يو قير اور فوم هيييييييير)
عباس تلفت ناحية صاحب الشركة باندهاش ودون تردد وقف ورد على الخواجة قائلا.
fuk u
صاحب الشركة انفجر بالضحك والامريكي انسحب مسرعا .. وبعدها طبعا نادى عباس واعتذر له وحاول يعقد معه صداقة محاولا ان يحتوي هذا التمرد في مهده قبل ان يستشري ويفقده هيبته ..
وبعد ذلك تكتشف الشركة ان الرجل طلع محتال وشهاداته ومزورة وله سوابق في دول خليجية ..بعد ان تم قصله تولى عباس ملفه ونزع سيارة الشركة الفارهة منه ومطالبته باالمبالغ الضخمة التي اخذها مقابل راتب لايستحقه ..
وقد قيل انه اصطدم معه اسفل مبنى الشركة وكما قال الاخوان ( رشاه بنية) لكن انا لا اذكر هذه الحادثة ..
| |
|
|
|
|
|
|
|
|
|
Re: سهرة الخميس مع عباس الدسيس (Re: درديري كباشي)
|
Quote: درديري سلام يا صديقي ...
عليك الله باصرلينا حكاية عباس مع المغترب الفي جدة ومفتكر عباس جكسوية،
وما كضب جاء الرياض على امل اللقاء ...
ولصديقي عباس الشريف الدسيس كل السلام والتحايا ...
عبس من اكتر الكتاب الاسفريين كوميديا، له قلم سيال حكاوي وضحكات ... |
اضم صوتي لصوت عبد المنعم لسرد هذه الحكاية
النصيحة ليك يا الله الدسيس مسلط وتتوقع منو أي حاجة ياخ
سلام يا دريري
| |
|
|
|
|
|
|
|
|
|
Re: سهرة الخميس مع عباس الدسيس (Re: درديري كباشي)
|
نعود للمواقف
المدير العام بعد ان تم ابعاد الامريكي تنفس الصعداء بدلا ان يشكر من كان السبب في خلو الجو له .. حاول ان يستثمر الاسلوب الوحيد الذي تعلمه من الامريكي فاصبح يعامل الناس بصلف وعنجهية مشابهه ظانا ان هذا الاسلوب سيرضي صاحب الشركة عنه ولن يأتي له بمدير فوقه مرة ثانية ..الا ان وقع في شر اعماله حينما سب احد المهندسين السودانيين بكلمة نابية زميلنا وصديقنا مهندس عمر عضو هذا المنبر والذي هاجر الى كندا ربنا يطراه بالخير وله الف تحايا. فما كان من اخونا عمر الا ان ( رشاه بنية) حتى أطاح به في مكتبه .
بعد ذلك طالب المدير العام من عباس فصل المهندس عمر الا ان عباس وقف الف احمر في وجهه تمت بينهما مساجلات في القوانين واللاوائح وعباس يصر على ان المدير العام هو المبتدئ وعمر لم يتحكم في غضبه ...
في نفس تلك الايام حدث الموقف وهو رحنا انا وعباس نتغدى في مطعم الطازج فجأة اتصل المدير العام على تلفون عباس وفتح عباس الخط وبدأ يرد : الو الو الو ..
اتضح انه المدير متصل بالخطأ ويبدو انه ضغط على التلفون في جيبه .. وعباس عندما عرف الاتصال بالخطأ لم يقطع المكالمة وترك التلفون مفتوح ..قال حتى يخسره انتقاما وغيظا من بجاحته ....
ظل التلفون مفتوحا حتى خلصنا من وجبة الغداء وبعد رجعنا للمكتب بعد ساعاة لاحظت عباس شبك تلفونه في شاحن الكهرباء ..
سألته فقال حتى لا تفصل البطارية وينفصل الخط يعني تلفون الرجل ظل حوالي ساعتين مفتوحا ..
تاني يوم لاقى عباس سأله يا عباس انا امس لقيت حالي متصل عليك بالخطأ ... عباس قال له انا كمان رديت ليك بالخطأ .
(شو هاد يا عباس معئولي .. ؟ انا اتصل عليك بالخطأ كمان انت ترد علي بالخطأ لمدة ساعتين ) وضحك عرف المقلب الانتقامي ..
| |
|
|
|
|
|
|
|
|
|
Re: سهرة الخميس مع عباس الدسيس (Re: حامد الغبشاوي)
|
| Quote: ثانيا عباس لم يشكك في رزق الرجل او يشكك في اسلامه |
مع انو يا درديري كان واضحاً أنه أسلم لشئ في نفسه، والدليل انه هرب من الختان، مع ان الفلبينيين ختنوا انفسهم، وفعلاً واضح انهم أسلموا من أجل الإسلام..
مش كده يا وضاح؟
تحياتي لك درديري
وتحياتي لعباس الدسيس الذي لم يظهر حتى الآن (ليدافع) عن نفسه
| |
|
|
|
|
|
|
|
|
 Re: سهرة الخميس مع عباس الدسيس (Re: Mandingoo)
|
Quote: كومار وقف مزهلالا وخرج من المستوصف يجري حتى وصل
الشركة بنفس لاهث وصعد الى الدور الثاني حيث يوجد مكتب المدير العام .. |
هههههههههههههههههههههه،
الهندي طلع مطرطش. هسّع أخيرلوا الوظيفة واللآ الغلفة ؟؟؟،
أكان يقطع غلفتو بدل ما يقطع عيشتو.
والله صحي,
الآف التحايا ليك يا الدرديري والدسيس،
وخُش لينا في بتاعت الزول الجا الرياض
الله يرضى عليك...
| |
|
|
|
|
|
|
|
|
|
Re: سهرة الخميس مع عباس الدسيس (Re: معاوية المدير)
|
هههههههههههههههههههههه،
الهندي طلع مطرطش. هسّع أخيرلوا الوظيفة واللآ الغلفة ؟؟؟،
أكان يقطع غلفتو بدل ما يقطع عيشتو.
والله صحي,
الآف التحايا ليك يا الدرديري والدسيس،
وخُش لينا في بتاعت الزول الجا الرياض
الله يرضى عليك...
-----------------------------------------------------------
ود المدير مبالغة لو عاوز تضحك على نكته انت مؤلفها احكيها لود المدير
لكن تعرف يا ود المدير الهندي انتصر لانه ظل محتقظا بمكتسباته الفطرية والايدلوجية كاملة بعداسلامه
سمعت بقصة الرئيس الافريقي بوكاسا مع القذاقي ؟
| |
|
|
|
|
|
|
|
|
|
Re: سهرة الخميس مع عباس الدسيس (Re: Mandingoo)
|
تعرف يا ابو عمرة انا لغاية الآن مطمئن من انه عباس راضي لانه لسع ما اتصل علي وكبس
ويبدو انه انا لسع ما غرقت
بس في قصص تحتاج منه لابروفال
منها قصة عشيق جدة التي يطالب بها الجميع
| |
|
|
|
|
|
|
|
|
|
Re: سهرة الخميس مع عباس الدسيس (Re: درديري كباشي)
|
قصة الحادث المروري مع هندي برضو
قترة الظهر راح عباس يحضر ابنه من المدرسة في درجة حرارة عالية جدا
وقف عباس امام المدرسة بسيارته الكوريلا الجديدة والتي لم تنتهي اقساطها بعد .
وهو امام باب المدرسة فجأة يصطدم به احد سواقي العوائل من الخلف
ينزل عباس وينزل السواق لتفقد الضرر ... وعباس مراعاة لحرارة الجو وانه الطفل صغير لايتحمل السخانة قرر يختصر الموضوع وقال للهندي مافي داعي ننتظر المرور لانه سيتأخر انت هات مائتين ريال وانا اتحمل باقي تكلفة الصيانة لكن تفاجأ برد السائق الهندي .
- انا مافي يدفع فلوس انت غلطان انت وقف سيارة غلط في نص تريق .
- كيف انا غلطان انا واقف انت صدمتني انت غلطان 100 100
-انا مافي غلطان خلي مرور يجي ..
-مرور يجي بعد ساعتين وسهخنة شديد هذا بزورة ما في يتحمل سخانة .
-مافي معلوم انا لازم ينتزر مرور انت في سوي غلط ..
وفعلا بعد غيظ وغليان عباس بعد اكثر من ساعة يأتي عسكري المرور ..
- ايش فيكم يازول مين غلطان ..
-انا كنت واقف منتظر الراجل جا دخل فيني بالسيارة من الخلف وقلت له ادفع لي ميتين ريال وانا اتحمل باقي التكلفة رفض قال لي انت غلطان ليش تقيف في نص الطريق ..
الهندي بحدة : ايوا هو غلطان ليش وقف في نس طريق ..
الشرطي : مخبول انت اي حد واقف في نص الطريق من حقك تصدمه ؟؟؟؟؟وليش ما رضيت بالتسوية ؟ اركب هنا يلا اركب في السيارة ..
الهندي مناديا عباس وهو متجها ناحية دورية المرور بعد هزة الراس رمز المسكنة وابتسامة باهته ..
( سديق سديق ماية ريال كيف معاك ؟؟؟ ..)
| |
|
|
|
|
|
|
|
|
|
Re: سهرة الخميس مع عباس الدسيس (Re: درديري كباشي)
|
قصة الحادث المروري مع هندي برضو
قترة الظهر راح عباس يحضر ابنه من المدرسة في درجة حرارة عالية جدا
وقف عباس امام المدرسة بسيارته الكوريلا الجديدة والتي لم تنتهي اقساطها بعد .
وهو امام باب المدرسة فجأة يصطدم به احد سواقي العوائل من الخلف
ينزل عباس وينزل السواق لتفقد الضرر ... وعباس مراعاة لحرارة الجو وانه الطفل صغير لايتحمل السخانة قرر يختصر الموضوع وقال للهندي مافي داعي ننتظر المرور لانه سيتأخر انت هات مائتين ريال وانا اتحمل باقي تكلفة الصيانة لكن تفاجأ برد السائق الهندي .
- انا مافي يدفع فلوس انت غلطان انت وقف سيارة غلط في نص تريق .
- كيف انا غلطان انا واقف انت صدمتني انت غلطان 100 100
-انا مافي غلطان خلي مرور يجي ..
-مرور يجي بعد ساعتين وسهخنة شديد هذا بزورة ما في يتحمل سخانة .
-مافي معلوم انا لازم ينتزر مرور انت في سوي غلط ..
وفعلا بعد غيظ وغليان عباس بعد اكثر من ساعة يأتي عسكري المرور ..
- ايش فيكم يازول مين غلطان ..
-انا كنت واقف منتظر الراجل جا دخل فيني بالسيارة من الخلف وقلت له ادفع لي ميتين ريال وانا اتحمل باقي التكلفة رفض قال لي انت غلطان ليش تقيف في نص الطريق ..
الهندي بحدة : ايوا هو غلطان ليش وقف في نس طريق ..
الشرطي : مخبول انت اي حد واقف في نص الطريق من حقك تصدمه ؟؟؟؟؟وليش ما رضيت بالتسوية ؟ اركب هنا يلا اركب في السيارة ..
الهندي مناديا عباس وهو متجها ناحية دورية المرور بعد هزة الراس رمز المسكنة وابتسامة باهته ..
( سديق سديق ماية ريال كيف معاك ؟؟؟ ..)
| |
|
|
|
|
|
|
|
|
|
Re: سهرة الخميس مع عباس الدسيس (Re: درديري كباشي)
|
عباس والصالح العام
هذه القصة وان كانت هي من باب الكومديا السوداء والتي تخلط الدموع بالابتسامة تعود الى اوائل التسعينات كان عباس الدسيس موظفا مجتهدا بالبنك الزراعي السوداني عمل بالاقاليم وساهم في افتتاح عدة فروع بالمناقل وبزالنجي في الغرب وفي جبل مرة ..
الى ان ظهر شيطان ما عرف بالصالح العام وزف الناس بالعشرات الى عالم العطالة .. عباس وشلته كان اول من طالهم الملف .. هو كان مهيئا لذلك لشغبه الظاهر ونقده للنظام جهرة ..
استلموا خطاباتهم وتهيئوا لاستلام مستحقاتهم وطرق ابواب الرزق في ارض الله الواسعة ..
لكن قيل انه كان معهم موظفا مجتهدا جدا محبا لعمله لايخوض مع زملاؤه اي حديثا جانبيا لايتعلق بالعمل سوى كان سياسيا او رياضيا من الذين يقال لهم التكنوقراط .. اي المهنيين البحتين.. هذا الموظف كان نظيفا في عمله لايكتب شيئا في الدفاتر دون ان يسند يده على منديل من القماش خوفا من التعرق . اي هو موظفا مثاليا من كل النواحي .. وعليه كان مستبعدا في غاية الاستبعاد ان يطاله ملف الصالح العام ..بل يثق في نفسه لدرجة يعتقد ان عجلة البنك ستتوقف اذا فقدت ترسه
لكن للاسف الدفعة التي تلت شلة عباس كان على أول قائمتها .. اصبح القلق سيد الموقف عند زملائه من يمكن ان يقدم الخطاب لهذا الزميل والذي ربما اصيب بانهيارا عصبيا ..
اخيرا اجمع الزملاء على ان عباس له الجرأة الكافية ليقوم بهذا الدور .
حمل عباس الخطاب وعندما وصل عند مكتبه رفع له الظرف الحكومي البني الشهير ربما رؤية الظرف ستجعله مهيئا بالتدريج لكن حدث العكس تماما عندما شاهد الظرف قال ..
- خلاص يا عباس ادوكم خطاباتكم ؟؟؟ كدي ورينا الناس ديل كاتبين ليكم شنو ؟؟
- عباس قال : دا ما خطابي انا انا خطابي استلمته الاسبوع الفات ..
- ومال دا خطاب منو ؟
عباس قدم له الظرف وقال له شوف براك ..
بعد قليل ...
- أنا ؟؟ لييييه ؟؟ انا عملت شنو ؟؟
كل مرة يقرأ في الخطاب واسمه مربعا وتحمر عيونه دفن رأسه في ساعده بكا .. رفع رأسه وبدأ يشتم بطريقة هستيرية .. وفش غله في شتم النظام وقال ما لم يقله طيلة حياته ... اخيرا استسلم خرج حزينا يشكي حاله لبارئه ..
لكن يقول عباس عندما عاد في اجازة بعد اغترابه صادفه في السوق قد تجاوز المحنة الحمد لله ولم يصاب بالجنون وانخرط في عمل تجاري بالسوق ..
كلنا نجمع على ان ما عرف بالصالح العام هو ما ادى لانهيار الخدمة المدنية واقتصاد البلد ولكن انا اقول بصفة خاصة ان ابعاد هؤلاء من عرفوا بالتكنوقراط اي المهنيين يعد ابو الكوارث نفسها ..
| |
|
|
|
|
|
|
|
|
|
Re: سهرة الخميس مع عباس الدسيس (Re: درديري كباشي)
|
ابو الدر سلام وتحية انبهطه لما شوفتا البوست مكتوب بي اسمي ذكرتني حكاية دكتور خليل العدل والمساواة في منتديات الاذاعة
هنالك تقنية في المنتديات الاستايل بتاعا حديث ما زي سودانيز اون لاين عند تنزيل موضوع موجه لجميع الاعضاء في العنوان تكتب في البداية كلمة .. يو بالانجليزي.. ثم بعدها الكلام المراد يظهر اسم العضو كما ان الموضوع موجه له شخصيا نزل موضوع يا ....فلان... المتمرد خليل ابراهيم في منتديات الــ....... وكان هنالك عضو جديد قام بالتسجيل لاول مره بالمنتدي فظهرت له الرسالة ولسؤ حظه كانت اول الصفحه فقام بكتابة رسالة لصاحب البوست نصها
بتاريخ : 16-08-2009 الساعة : 05:40 pm
الاخ ..........لقد ارسلت لك رساله خاصه في بريدك استفسر من وضع اسمي في البوست الخاص بموضوع المتمرد خليل ارجو تفسير وضع اسمي بجواره اذا اختلطت عليك الاسماء فذالك جائز اما غير ذالك فاطلب منك مع الاعتزار حذف اسمي من جوار هذا الشخص واذا كان الموضوع يخصني فاحب ان اعرفك باسمي الحقيقي هو الموجود بهذا المنتدي ولم ازور منه شيئا اقيم في المملكه العربيه السعوديه جده رقم هاتفي ................ورجاء منك ان لاتكتب اسمي بشئ لا يخصني وهذا للعلم فقط وعزرا اذا اطلت علي الاخوه اعضاء المنتدي
وبما أن الرسالة كانت في صفحات المنتدي كمداخله ورقم الجوال بها قمت بالاتصال بالشخص وكان هذا الحوار
انا: الو السلام عليكم الاخ عبدالرحمن...
عبدالرحمن: ايوه نعم انت منو اي خدمه
انا: عايز استفسر منك علاقتك بي خليل ابراهيم بتاع حركة العدل والمساواة شنو
عبدالرحمن: والله الزول ده انا ما بعرفوا خالص ولا عندي بيهو علاقه بعدين انا اول مره اشترك في منتدي واحد صاحبي قال لي اشترك المنتديات دي ظريفه لقيتها ليك طين من اول يوم عايزين اشبكوني في خليل ابراهيم الناس ديل مجانيين تاري الانترنت ده بجيب البلاوي للناس والله انا كان ما ولدي عمل لي الاشتراك كان ذاتي ما عايز....
الناس ديل عايزين اجننوني انا اولادي وقت الضربة كانو في امدرمان عشت ايام عصيبه كل عشره دقائق اتصل بيهم اشوف احوالم.
اها ولدي بعد عمل لي الاشتراك فتح الانترنت دخل الموقع بي اسمي لقي اسمي مع خليل ابراهيم تاني رجعت لينا خوفت ضربت خليل قال لي بابا تعال شوف ناس الانترنت خاتنك مع خليل ابراهيم يا خوي موقعكم ده ذاتو ما عايزنو خلاص الانترنت ده شطبناهو ما عايزنو الجاب لينا فيها خليل ابراهيم يعني الواحد بطريقتو دي معاكم ما انزل اجازة وانسي السودان ولا من المطار ا######شوهو بعدين احنا جينا هنا ناكل عيش عايزين تجيبو اجلنا وتعملو خليل ابراهيم زول صاحبي اعوذ بالله منكم..
انا: انت من وين يا شيخنا في السودان
عبدالرحمن: ياخي انت منو البتسأل فيني كده واتصلته علي
انا: معاك عباس الشريف من السفاره
عبدالرحمن: انا من المحميه ام درمان جعلي صر
انا: ما عندك اهلك من غرب السودان حبوبتك ام جدك ولدك متزوج من هناك بتك متزوجها زول من هناك ...
عبدالرحمن: انا والله جعلي من المحمية غيرها وام درمان وجدة تاني ما مشيت محل خالص بورتسودان ما شفتها ولا جيت بالباخرة في محل بقولو ليها سوبا في الخرطوم بسمع بيها سمع والحكومة غير البشير ما بعرف فيها زول والترابي من فارق البشير نسيت اسم ابوهو منو كمان عايزين تشبكونا في خليل بالله بعد شوية قول لي نقد ود عمك والله ياخي دي شبكه عجيبه الخلتنا نجي الانترنت ده كفاية العلينا ما تجننونا بي الجوالات كرن كرن كرن انا قلته ليكم ما عندي علاقة بي خليل ده..
قلته ما احرق اعصاب الراجل كفاية كده عرفتوا بي نفسي وانا عضو معاه في المنتدي كما شرحته ليهوا تقنية الانترنت كيف تخلي اسمك اظهر مع خليل والحاجه دي عندنا كلنا لما نفتح بظهر اسمنا..
اجابني ضاحكا والله دي حكاية عجيبة قطعتو قلبنا بي منتداكم وتلفوناتكم دي والله كان ما قلته لي كده كان قلبي ماكلني بي حكاية خليل دي كنت عايز امشي القنصلية في جدة اشوف الموضوع ده الظهر فيهو اسمي واصحح فهم الناس.
انا: عشان تتاكد من كلامي ده صاح خش المنتدي تاني ارجع الصفحات الوراء بتلقي في مواضيع كثيره موجهه ليك شخصيا باسمك مصداقية لكلامي.
عبدالرحمن: يا خوي هوي وقت مرقته من دي انا تاني ما بخش بي اسمي لكن بمشي لي الزول القال لي اشترك الله اقطعو....... بخلي ادخل بي اسمو كان ظهرت بي اسمو بصدقك.
اها يا درديري قعدته اغالط نفسي لما شوفتا البوست حتي تذكرت سودانيز ما فيهو الخاصية دي لان سودانيز لو فتحت بوست باسم زول بتلقي ليك مليون لغم انط ليك بـ بما انو وإذا أنو ولو أنو عباس فعل ذلك لما كان ذلك وخاصة لو لميت ليك في واحد من المثقفاتية العكاليت ديلك يا الله حكاية عجيبه..... ابو الدر بحكي ليك حكاية المطوعه معاي خليني افضي شوية
| |
|
|
|
|
|
|
|
|
|
Re: سهرة الخميس مع عباس الدسيس (Re: عباس الدسيس)
|
أوووو عبس دخل المعمعة بنفسه وانا اترك له القلم
وحكاية ضحية جدة انا شاهد عليها واذكر انا من لفت نظر عباس لها وقلت له خلي بالك زولك دا فهم انه البوست باسمه شخصيا
وعباس شرع في نصب فخ كمرته الخفية القاسية .. لكن كانت مفيدة لعمنا بس طفشته من المنتديات ليوم الليلة ..
طيب عباس طالما جيت انا اترك لك الدفة واحكي للناس اولا خازوق العاشق بتاع جدة بنفسك بكل تفاصيلها ..
| |
|
|
|
|
|
|
|
|
|
Re: سهرة الخميس مع عباس الدسيس (Re: درديري كباشي)
|
اااوووه عباس دخل الشبكة ..
خلاص اها يا درديري انا من محلي ده ما زاحي ,,
يا عباس بالله حكاية زول جده وبدون حزف او تعديل يعني بحزافيرها لو سمحت وواصل وبدون فواصل ..يعني ننتقل لاستوديوهات عباس الدسيس بعد كده يا درديري ولا شنو ؟؟؟
تحياتي : ياسر العيلفون
| |
|
|
|
|
|
|
|
|
|
Re: سهرة الخميس مع عباس الدسيس (Re: حامد الغبشاوي)
|
عباس في السفارة
عنوان يصلح لفلم على وزن السفارة في العمارة
سنة 2003 تقريا رحت اجدد جوازي بالسفارة وبالصدفة اكتشفت لجنة مبتعثة من ادارة الضرائب بالسودان .. مهمتها تخفيض الضرائب المتراكمة على المغتربين لانها منعت البعض عن السفر بعضهم ظل خمسة سنوات لايستطيع يشوف اولاده وامهم بسبب تراكم الضرائب .. ابتعث جهاز المغتربين تلك اللجنة .. وانا عندما جيت ادفع الرسوم والضرائب نصحوني الاخوة في السفارة بالمرور على اللجنة ومريت فعلا خفضوا لي 50% وانا بالفرح دفعتها كلها واخليت طرفي ..
بعد رجعت المكتب اخبرت عباس بحكاية اللجنة قال لي انا بكرة من الصباح معاهم ..
ثاني يوم قابلت عباس قال لي ما قلت ليك يا درديري انا عفوني من الضرائب خالص ..
قلت له عملتها كيف يا شقي ..
قال اول شئ من اتحرك من المكتب حوالي الساعة عاشرة ظهرا عز الحرارة اوقف مكيف السيارة .. ونزع الكرفته وفتح زرائر القميص حتى نصف صدره .. وبما ان السفارات بعيدة جدا من وسط المدينة عندما وصل السفارة كان حاله قد اصبح يغني عن سؤاله ..
الغبش التعاني عمال المواني
علي راي حميد الله يرحمه
دخل على اللجنة وجدهم واضعين امامهم اربعة كراسي للزوار كل مرة يدخلوا اربعة وتبدأ دراسة مشاكلهم ..
عباس دخل واختار الركن وجلس عليه وظل فاتحا فمه وينظر الى اعضاء اللجنة بهبل دون ان يتكلم . خلص الثلاثة دفعته واعقبهم ثلاث اخرين ولم يفتح الله على عباس بكلمة واحدة اذ اصبح عباس يشغل الكرسي الرابع بصفة ثابته ..
اخيرا انتبه له واحد من ناس اللجنة وقال ..
- يا زول انت مالك ؟
-انا ما شغال ياخ وعاوز أسافر ..
-طيب طيب هات الجواز بتاعك .... يعفى من الضرائب تماما ... اتفضل يلا خلاص روح ..
عباس استلم جوازه ورجع للكرسي وجلس مرة اخرى ..
واحد من ناس اللجنة : يازول انت مش خلاص خلصت عاوز شنو تاني ما تقوم تروح ..
-انا ما عندي حق التذكره ..
- يازول اطلع بره ... نحن مالنا ومالك . نحن جبناك . يلا امشي من هنا ..
وخرج بجوازه صفر الضرائب ربط كرفتته وشغل المكيف وعاد للمكتب..
اكيد راح يجو ناس ويقولوا تحايل ومش عارف ايه .... لكن لازم نعلم انه واحد من ناس دفعوا ضرائبهم للسودان تغطي باقي اعمارهم عندما عمل في المنطاق النائية الوعرة وتعرض للنهب المسلح اكثر من مرة وكل هذا لم يشفع له ليحتفظ بمنصبه ..
| |
|
|
|
|
|
|
|
|
|
Re: سهرة الخميس مع عباس الدسيس (Re: حامد الغبشاوي)
|
عباس في السفارة
عنوان يصلح لفلم على وزن السفارة في العمارة
سنة 2003 تقريا رحت اجدد جوازي بالسفارة وبالصدفة اكتشفت لجنة مبتعثة من ادارة الضرائب بالسودان .. مهمتها تخفيض الضرائب المتراكمة على المغتربين لانها منعت البعض عن السفر بعضهم ظل خمسة سنوات لايستطيع يشوف اولاده وامهم بسبب تراكم الضرائب .. ابتعث جهاز المغتربين تلك اللجنة .. وانا عندما جيت ادفع الرسوم والضرائب نصحوني الاخوة في السفارة بالمرور على اللجنة ومريت فعلا خفضوا لي 50% وانا بالفرح دفعتها كلها واخليت طرفي ..
بعد رجعت المكتب اخبرت عباس بحكاية اللجنة قال لي انا بكرة من الصباح معاهم ..
ثاني يوم قابلت عباس قال لي ما قلت ليك يا درديري انا عفوني من الضرائب خالص ..
قلت له عملتها كيف يا شقي ..
قال اول شئ من اتحرك من المكتب حوالي الساعة عاشرة ظهرا عز الحرارة اوقف مكيف السيارة .. ونزع الكرفته وفتح زرائر القميص حتى نصف صدره .. وبما ان السفارات بعيدة جدا من وسط المدينة عندما وصل السفارة كان حاله قد اصبح يغني عن سؤاله ..
الغبش التعاني عمال المواني
علي راي حميد الله يرحمه
دخل على اللجنة وجدهم واضعين امامهم اربعة كراسي للزوار كل مرة يدخلوا اربعة وتبدأ دراسة مشاكلهم ..
عباس دخل واختار الركن وجلس عليه وظل فاتحا فمه وينظر الى اعضاء اللجنة بهبل دون ان يتكلم . خلص الثلاثة دفعته واعقبهم ثلاث اخرين ولم يفتح الله على عباس بكلمة واحدة اذ اصبح عباس يشغل الكرسي الرابع بصفة ثابته ..
اخيرا انتبه له واحد من ناس اللجنة وقال ..
- يا زول انت مالك ؟
-انا ما شغال ياخ وعاوز أسافر ..
-طيب طيب هات الجواز بتاعك .... يعفى من الضرائب تماما ... اتفضل يلا خلاص روح ..
عباس استلم جوازه ورجع للكرسي وجلس مرة اخرى ..
واحد من ناس اللجنة : يازول انت مش خلاص خلصت عاوز شنو تاني ما تقوم تروح ..
-انا ما عندي حق التذكره ..
- يازول اطلع بره ... نحن مالنا ومالك . نحن جبناك . يلا امشي من هنا ..
وخرج بجوازه صفر الضرائب ربط كرفتته وشغل المكيف وعاد للمكتب..
اكيد راح يجو ناس ويقولوا تحايل ومش عارف ايه .... لكن لازم نعلم انه واحد من ناس دفعوا ضرائبهم للسودان تغطي باقي اعمارهم عندما عمل في المنطاق النائية الوعرة وتعرض للنهب المسلح اكثر من مرة وكل هذا لم يشفع له ليحتفظ بمنصبه ..
| |
|
|
|
|
|
|
|
|
|
Re: سهرة الخميس مع عباس الدسيس (Re: درديري كباشي)
|
عباس وبنت الجزار
اول قصة غرامية في حياتك وانت مراهق تكون برسالة الى بنت ابوها جزار
ويعاونة في الجزارة ابنائه الثلاثة
سكاكين تجي وسكاكين تروح
وتقع الرسالة في يد الاخوة الثلاثة
والتفاصيل عند الشهيد عباس بعد ان اطال الله عمره بمعجزة
| |
|
|
|
|
|
|
|
|
|
Re: سهرة الخميس مع عباس الدسيس (Re: درديري كباشي)
|
| Quote: والتفاصيل عند الشهيد عباس بعد ان اطال الله عمره بمعجزة |
ابو الدر سلام يا الحبيب
ورطني في المفترع ده شايف ناس ياسر وبقية الجماعة جو كيف
طيب خلينا نتفك من عشيق جدة ونرجع لي بت الجزار واحدة واحده لو الله قسم لينا الزمن
ابدأ ليك الجزء الاول عشيق جدة
خلاس يا منعم والبشاري وود المدير ارتحتو
| |
|
|
|
|
|
|
|
|
|
Re: سهرة الخميس مع عباس الدسيس (Re: Mandingoo)
|
عباس متهور حتى في غرامياته يا عمر
في زول عاقل بيحب ليه بنت جزار؟؟؟؟؟؟؟؟؟
ان كان لابد فاعل تتزوجها وتهاجر بيها كندا تاني يوم العرس
لكن عباس عاوز يحبها في وجود اخوانها مساعدي الجزار
| |
|
|
|
|
|
|
|
|
|
Re: سهرة الخميس مع عباس الدسيس (Re: درديري كباشي)
|
عباس اعمل حسابك البت الجايب صورتها دى ابوها نشنجى فى الجيش (معلم التنشين )وثلاثة من اخوانها
بتاعين امن واخوها الكبير رباطى معروووف ...
اسحب الصورة بسرعة قبل ما يكتشفوك ...
درديرى تحياتنا لك وللاسرة الكريمة
| |
|
|
|
|
|
|
|
|
|
Re: سهرة الخميس مع عباس الدسيس (Re: عباس الدسيس)
|
| Quote: وصحبي من الحادثه ديك اعتقد لي حسي شايل خطابو ازازي بالمزيرة |
Quote: القيمة المادية للخطاب الراجل كان طالبني فطور مرتين سوف انال العفو العام كاجر للخطاب.
|
أها.. نلت العفو العام واللا لهسه ساكيك؟
| |
|
|
|
|
|
|
|
|
|
Re: سهرة الخميس مع عباس الدسيس (Re: Mandingoo)
|
Quote: لا أشبهك بشروق الشمس...
لانها تغيب ،،،،،،
ولا اشبهك بريحه الورد ؛؛؛؛؛؛
لانها تروح !!!!!!
احبك كحب الحمام للسفر،،،،
كحب الأرنب للجزر،،،،
باسم الحب والامل اعشق حبك المجهول ’’’’’’’
من كثرة حبي صرخت ،،،،
اذكريني ان كان للذكرى من خلود !!!!
احفظيني بين طيات قلبك....... |
.....................................
ريكس ..
يآروعه
مع ريكس مش حتقدر تغمض عينبك
وآآآآآآآآآآآصل
والتحية للأخ / الدرديري
| |
|
|
|
|
|
|
|
|
|
Re: سهرة الخميس مع عباس الدسيس (Re: درديري كباشي)
|
ما احلى السهر مع مع عباس والدرديري
ربنا يحلي ايامكم ويحفظكم
بالله يا استاذ عباس جيب لينا واحدة يكون بطلها الدرديري ذاتو
اكيد عندك ليه شيء
___________________________________________________________________________
أخونا شمس خليفة في الفيسبوك طلب واحدة يكون بطلها الدرديري ..
انا اقول انا حقي بحكيه براي ..
لكن طبعا انا ما زي عباس انا كلي حسن نية على راي استاذنا السر دوليب في ( مسامحك يا حبيبي)
| |
|
|
|
|
|
|
|
|
|
Re: سهرة الخميس مع عباس الدسيس (Re: درديري كباشي)
|
في نهاية التسعينات وانا حديث عهد بالغربة في اول وظيفة لي
كان نظام العمل دوامين والسكن بعيد جدا وانا لسع ما سعيت عربية اروح واجي بلموزين خشبتها وقلت اربعة مرات في الشهر اكتشفت انه راتبي ما راح يكفي الليموزين .. اقترح علي اصحاب العمل ان اقضي فترة النهار مع الفنيين الفلبينيين في سكتهم بنفس مبنى الشركة .. وبما انه الفلبينيين جايين من جزر فجل اكلهم سمك .. انا يتخيل لي بيستحموا بالسمك ويشربوا شاي الصباح بالسمك .. يوم يكون الواحد فيهم كسلان من الطبيخ يحضر علبة ساردين ويأكلها بالمعلقة زيها وزي الايسكريم ..
انا اضطريت اقيل في هذا الوضع واتحمل هذا الزخم من القرف حتى اوفر حق الليموزين او قل نص راتبي .. اصبح الدوام طويل جدا اخرج الصباح في الثامنة واعود بالليل في العاشرة مساءا متعطرا بريحة السمك .. كرهت السمك والغربة والساردين وندمت على الاغتراب .
يوم ما في بداية دوام العصر اتصل علي بن عمي تلفونيا وابن عمي هو وكيل اعمالي كما يقول الفنانيين الشباب .. هو من احضر لي الفيزا وبحث لي عن العمل .. وقال لي ( يا درديري اخونا علي دا ابوه اتوفى ياخ ..)
انا بدون ما احس رديت بصوت عالي ( ياخ ما معقولة لاحول ولا قوة الا بالله .. الله يرحمه ياخ)
مع انه انا لااعرف ابو علي هذا ولا شفته في حياتي وكنت صادقا في رد فعلي لاني اصلا معبور من الوضع ..
صاحب العمل سمع رد فعلي وسأل بطبيعة الحال : ايش فيك يا درديري ..؟؟
انا طبعا استحيت اقول واحد صديقنا والده توفى فقلت عندنا عمنا توفى حتى على الاقل ابرر ردة الفعل ..
الشيخ : خلاص قم رح يا درديري ..
-نعم ؟؟؟
-قتلك قم رح ..
طبعا انا ( ماسدأت يا اخوي )على راي عادل امام وجري يا ليموزين والدوام لسع باقي فيه ست ساعات ..
وصلت عند بيت العزاء ووجدت الشباب متجمعين ولكن بادرني بسؤال بن عمي ..
- درديري الجابك شنو ؟؟
-الا .... مش قلتوا علي ابوه مات ..
-علي ابوه مات ؟؟؟؟؟ اذا كان علي ذاتو شغال ما اخذ اجازة ..
طبعا ضجة المعزين بالضحك في بيت البكا لم تترك احدا يسمع تبريراتي التي بديت ابرطم بها من نوع .. والله الشيخ قال لي روح مش عارف اييه ..
كان موقفا محرجا على كل حال ..
| |
|
|
|
|
|
|
|
|
|
Re: سهرة الخميس مع عباس الدسيس (Re: محمد جلال عبدالله)
|
سلام يا شيخنا محمد جلال
اذا كانت المعاناة تولد الابداع كما يقال
فأبشر يا ابداع بالجايي
كبد بعد كبد
يغور الابداع تعبنا عايزيين نرتاح بقى
كسرة على راي استاذنا جبرة
اخبار خط هيثرو شنو يا عباس .. اقصد بنت الجزار
| |
|
|
|
|
|
|
|
|
|
Re: سهرة الخميس مع عباس الدسيس (Re: عباس الدسيس)
|
سلام يا عباس
ماشي حكاية ببنت الجزار الظاهر اتدخل فيها مقص الرقيب ..
يعني الحكاية اصلا ما فيها سكاكين وطعين ؟؟؟؟؟؟؟؟؟؟؟؟؟؟
ولا نحن لافحين موضوع ومدخلنوا في الثاني ..
المهم البيجي منك كله كويس والزيادة ما بناباها ..
| |
|
|
|
|
|
|
| |
طارق عياد
محمد بابكر محمد
Yousuf Taha
usama Babiker
سامى عبد المطلب
وضاح عبدالرحمن جابر
عبدالمنعم الطيب حسن
سليمان القرشي
علي دفع الله
ترهاقا
ياسر السر
حامد الغبشاوي
الامين موسى البشاري
اسامه خليفه
وليد عبد اللطيف
نور الدين عثمان
Mandingoo
معاوية المدير
محمد حمزة الحسين
حسن مهدي
عباس الدسيس
محمد جلال عبدالله
محمد مجيدو
فيس بوك
تويتر
انستقرام
يوتيوب
بنتيريست