الزول ابقدومن عسل ده فشفشني ونزل لي ضغتي الفيديو ده وفيديو تاني بتاع واحد عسكري لكن داك سعلوكي مابقدر اجيبو هنا رفع للحكومة كلها والاربعه الفي التربيزه بتاعت الحريق طبعا التربيزه كانت مطعمه هسع بقت تسلية حق الشاي ماف فلسو اولاد ام زقده يامغتربين خففو التحويلات في اضيق نطاق ولو رسلتو ناشف يكون احسن يعني لحم مجفف دقيق زيت لبن جداد صلصة ساكت وشوية فلاجيل ومضادات حيوية الهوت دوق ده برقد بره التلاجه
10-01-2013, 08:39 AM
حامد بدري حامد بدري
تاريخ التسجيل: 03-10-2013
مجموع المشاركات: 2749
زمان ياوزير الاعلام الافكار تكوسا في امهات الكتب لامن لمبات الصوت تحررق هسع مع تويتر والواتساب والفيس بوك وتتش موف جلكسي وجوال بي خمسمية تناغم اوباما حليل زمن الخط الاحمر وتلفون ابو سلك قال قناة العربية والقنوات المقرضه الله يقرض عضنينك
10-01-2013, 03:57 PM
حامد بدري حامد بدري
تاريخ التسجيل: 03-10-2013
مجموع المشاركات: 2749
ههههههههههههههه تحياتي حامد ود البدري ... شكرا لاسلوبك اللطيف في التناول "السهل الممتنع ــــ باص وخانه على طول" والتحية عبرك لصحفي برهام وكل الشرفاء داخل وخارج أرض الوطن.
ذكرتني يا الحبيب ناس فرقة الاصدقاء المسرحيه ... زمان عملو اسكتش كدا بتاع واحد ركب ليهو صف مع انو ما عارفو حق شنو ... لكن كان جاهز لكل الاحتمالات مخلايتو مليانه مواعين ان بقى سكر ولا زيت ولا رغيف ... نفس الدهشه في وش الممثل لامن طلع ليهو الصف حق تطعيم ههههههههههههههه.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
حامد بدري
عثمان جاد الله بخيت
فيس بوك
تويتر
انستقرام
يوتيوب
بنتيريست