|
دعواتكم لزميلنا المفكر د.الباقر العفيف بالشفاء العاجل
|
|
 Re: بـيـنـي ومـحـمـد بـادي الـعـكـودابـي،،، حـال هـذا الـبـلد ... فـيـديـو ... (Re: معاوية المدير)
|
حال هذا البلد...
حال هذا البلد بكاني ما سراني
ريدتاً فيهو كيف مالكاني
جد كاتلآني
شوقاً ليهو بالدمع السخين بكاني
إلا تراني في الغربة البعيدة اعاني
والناس في البلد تركتني
إلا تراني نار الغربة يوّت شاوياني
ما خلتني في جوف الهجيرة رمتني
والغربة ام برد هدتني
قلت اباصر ألحق خوتي وجيراني
قفلت بابا في بحر الشقاوة رمتني
ولآ طيف عازة، آخرت
إيدي في الدنيا ام بُناياً هش
فارق دربي في ظُلمات سماها دقش
مُرادي يزورني يغسل حُزني
هوّد مِني في خِليات سرابها طفش
قعدت اساسِق امشي واجي
ناشد من خبار احوالآ
قالوا ليّ حُكم الجِن خليناهو يفتل
من نخيلآ حُبال،
وخليناها فاقدا صوابا
ومن يوم جوها هادي الحالة !.
إتوسد همومي دقس، ولهيب الحسرة
حرق احشاي هلكني هلآك،
والحُمى ام برد شدتني
في هضربتي طيفها كبسني
قالت ليّ نحن قنعنا من تالآك
زمنك كُلو تاكل باردة ما ضُق حارة
زمنك كُلو نحن نعاني وإنت مجافي
في زِيّف المُدُن تِضارا
السيل الجا دآفر فوقنا دمّر لعمارنا دمار،
والبرق الزمان عبادي يقدح في قلوبنا النار،
وخاوي السيل ضرب فُرقانا ما خلآلو فيها عمار
والناس الزمان راكزين، وآقفين للإعانة جِهار،
وحكومة الجِن دي، لا شايفانا لا سامعانا
فوق مِحنتنا دآقة الطار
وحاكم الوجعة سيد الشبعة مادي كرُشو
يرقص فيها ليل ونهار
في الحفلآت وفي المليانة والفارغات
فضّل لينا دق الظآر
ونحن زهجنا نحن قرفنا
من تالآهو هادي طرفنا دمنا فار
البلد الزمان طرباً نغني ليها
بقينا الليلة نبكي عليها
بعد ما زرعوا بِذر الفرقة في واديها
شربوا ودشروا من بِكريها
شقوا خِمارا، كشفوا وشيها
فوق فُرش الحرير طرحوها
متجاهلين وقارا وصرختا وثكليها
عازة تنادي في الولد البِشق التيّهة
عازة تنادي في الولد البعرف الجيّهة
الليلة يا ريح الغلآبة العاتية
فيك رآحة ووجع
والليله كُل شُدراً كُبار وحشاهو
ناخرو السوس بيقع
الليلة حق الناس بِبيّن
والليلة بنشوف البِدع
وِكتين يثوروا الكاتمين وجع السنين
الصابرين الكاظمين غيظاً دفين
وِكتين يخوض الحارة فوج الكادحين
ويهدروا زي بحر الدمير ة
الفار طمح في الضفتين
ويهتفوا زيّن
ويغنوا زيّن
ويرقصوا زيّن
ويعرضوا زيّن
وبسمة فرحهم تضوي حد
المشرقين والمغربين
اليومدآك يا ظالمين يا مُفترين
بتروحوا ويّن ؟؟؟
وِكتين تفوّر ساحة الوطن بالكادحين
العابدين، الزاهدين، الصابرين
وينُفضوا من رآية الوطن صقر السنين
الساعة ديّك بتروحوا ويّن ؟؟؟
وِكتين يبيّن الحق جلي
وسُوّح الوطن بالصابرين ست تِتملي
اطفالنا والناس الكُبار
أُماتنا واللآكُوا الصبُر
ويلمع مع وهج الشمس سيف النصُر
ورآية الفخار
مرفوعة فوق أُم دُر جِهار
وتملأ الزغاريد البلد
وتسمع هُتافنا المُو خمج
احداً احد، احداً احد
الساعة دِيّك بتروحوا ويّن ؟؟؟
يا ظالمين يا غادرين، يا فاجرين
الحق، لا بُدَّ ان يبين
والظُلم لا بُد يستكين
والناس تهلل تنبسط
يِنقصّ جنزير الحِصار
والأُمّة تنهض للعمار
دُخُن المصانع والمكن
وطوريّة تدلِق في ضفاف النيل خدآر
رآية العلم مرفوعة فوّق
ونشيد علم واطفال صغار
ونغني عهد الظلم زال
وطيف الخليل في سمانا جال
ونغني في حضرة وطنا
تردد اصواتنا المزارع والتِلآل
يا عازة قسماً في هواك نحن الجبال
ويا عازة للبيخون صفاك نحن النِبال...
.
.
.
ود المدير..
| |
 
|
|
|
|
|
|
|
 Re: بـيـنـي ومـحـمـد بـادي الـعـكـودابـي،،، حـال هـذا الـبـلد ... فـيـديـو ... (Re: munswor almophtah)
|
Quote: في زِيّف المُدُن تِضارا
السيل الجا دآفر فوقنا دمّر لعمارنا دمار،
والبرق الزمان عبادي يقدح في قلوبنا النار،
وخاوي السيل ضرب فُرقانا ما خلآلو فيها عمار
والناس الزمان راكزين، وآقفين للإعانة جِهار،
وحكومة الجِن دي، لا شايفانا لا سامعانا
فوق مِحنتنا دآقة الطار
وحاكم الوجعة سيد الشبعة مادي كرُشو
يرقص فيها ليل ونهار
في الحفلآت وفي المليانة والفارغات
فضّل لينا دق الظآر
ونحن زهجنا نحن قرفنا
من تالآهو هادي طرفنا دمنا فار |
رائع يا ود المدير
| |
|
|
|
|
|
|
| |
معاوية المدير
Yasir Elsharif
أمير محمد ادريس
munswor almophtah
عبيد الطيب
saidahmed shami
فيس بوك
تويتر
انستقرام
يوتيوب
بنتيريست