في رثاء شهداء الثوره السودانيه شعر(عبد العزيز عثمان)!

حفل دعم الجالية السودانية بمنطقة واشنطن الكبري بالفنان عمر احساس
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 21-09-2018, 10:33 PM الصفحة الرئيسية

مدخل أرشيف الربع الثالث للعام 2013م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
28-09-2013, 07:11 AM

Tragie Mustafa
<aTragie Mustafa
تاريخ التسجيل: 29-03-2005
مجموع المشاركات: 49964

للتواصل معنا

FaceBook
تويتر Twitter
YouTube


في رثاء شهداء الثوره السودانيه شعر(عبد العزيز عثمان)!

    الصوفي المبدع عبد العزيز عثمان يكتب بلغة اهلنا الطيبين عن الشهداء.....ويرثي شباب الوطن....ورصاص الانقاذ يحصدهم....

    وهاهي مرثية اول الشهداء بمدني...مازن سيد احمد...تقبله الله بمحبته وغفرانه وقبل شهادته.

    Quote:

    سجل بحروف النور ضواية
    سجل ياشعب
    في الصفحة الاولي في سير المجد.....
    مازن ود سيد احمد...
    الولد السمح الذي الورد
    معجون برحيق الناس الطيبة
    مسقي بالعز والحمد
    ابواتو العطرو ساحة البلد السمحة بعرق الكد
    ما نبتت لحمه في جسدو الطاهر من السحت
    الولد القام انسان مبروك
    مشروق بالوطن ،الناس
    بتشوف الروح جواهو تضوي
    والقلب الحالم بالوطن الاخدر
    يامازن طالع من بدري وسايقك شوقك
    يامازن عطرك فوح كل ضفاف النيل
    عطر مدني وكل قراها الطيبة
    شايل يومك كلو حلم ونشيد
    وبسمة توزع فيها علي الجيران
    يامازن بدري ماكملت غنيتي معاك
    يامازن بدري كان ميعادنا هناك
    قدام قبة ابونا السني
    عشان ماشين نشيلو نشيدنا قصاد النيل
    ياليل ياحزن ياهم تقيل
    قدامك اسع خته كتابو
    ونادي اصحابو
    وغنو
    وضوو
    نشدو ليك يا نيل
    ياغيم
    ورفرف ماذن
    فارق بس في رمشة عين احبابو
    الا الولد الاخدر سجل اول كلمة عز
    في كتاب المجد
    مازن ود سيد احمد


    له المجد ...ولنا واهله الصبر الجميل.

    (عدل بواسطة Tragie Mustafa on 28-09-2013, 09:30 AM)

                   |Articles |News |مقالات |بيانات

28-09-2013, 07:18 AM

Tragie Mustafa
<aTragie Mustafa
تاريخ التسجيل: 29-03-2005
مجموع المشاركات: 49964

للتواصل معنا

FaceBook
تويتر Twitter
YouTube


Re: في رثاء شهداء الثوره السودانيه شعر(عبد العزيز عثمان)! (Re: Tragie Mustafa)

    وكان هو نفسه قد كتب يرثي الشهيد عمران ....من الجزيره من قرية الشاوراب...الذي ايضا سقط برصاص العسكر...

    Quote:

    الشهيد عمران سيد
    الشاوراب
    عمران ياناس ودحلتي
    يااااااالف كلمة ماتطفي نار حزنك جناي
    لا بد اكون شفتك عصفورا تغني مع الطيور
    تحلم بما خلف البحر
    فجرا وضي
    لابد فانوس القراية للحين مولع في رجاك
    لابد اخواتك عيونن في الطريق
    الحافلة ديك بجيبو عمران من هناك
    شايلي ضحكة وغنوة من حق المدن
    لكن اه
    يا وجعة الام الي كانت في رجاك
    مي عارف ملك الموت هناك
    غاضب يشيل من غير ميعاد
    من كل من ردد هتاف
    شال للنشيد
    دوزن لعزة غنا ونغم....
    لاهلي في الشاوراب العزاء،فهو ان شاء لله في نعيم.

                   |Articles |News |مقالات |بيانات

28-09-2013, 07:21 AM

Tragie Mustafa
<aTragie Mustafa
تاريخ التسجيل: 29-03-2005
مجموع المشاركات: 49964

للتواصل معنا

FaceBook
تويتر Twitter
YouTube


Re: في رثاء شهداء الثوره السودانيه شعر(عبد العزيز عثمان)! (Re: Tragie Mustafa)

    ويكتب عن الشهيد ..... علم الدين هارون.....رحمه الله...

    Quote:
    الشهيد علم الدين هارون
    ما عندي غير حرفي الحزين
    وانا شفت اولاد الصباح
    مارقين صباح
    خاتنو عشقك عزة في جوه القلب
    حلم بضي وفي الجوف غضب
    وغنا ونشيد
    وهتاف مجيد
    صفا انتباه
    حقد السلاح
    يسقط شهيد
    علما شهيد
    يا انت صاح
    وانا في اسي
    مليان جراح
    أعجبني ·
    دالعزيز عثمان يا ليلي من ها الليل
    وياويلي من هالويل
    ياناس يمين الدم
    هداني هدا الحيل
    ياساره اه من ديل
    كتر الحزن والشيل
    دم ساره حار بالحيل
    دمك صعب بالحيل

                   |Articles |News |مقالات |بيانات

28-09-2013, 09:33 AM

Tragie Mustafa
<aTragie Mustafa
تاريخ التسجيل: 29-03-2005
مجموع المشاركات: 49964

للتواصل معنا

FaceBook
تويتر Twitter
YouTube


Re: في رثاء شهداء الثوره السودانيه شعر(عبد العزيز عثمان)! (Re: Tragie Mustafa)

    ويرثي هزاع ابن شمبات الصامده...واول شهدائها...تقبله الله...

    Quote:
    هزاع سماحة الطيبين
    ضيا سطع جوه القلوب
    ما تقولو ووب هداك حي
    فارسا اهدي الخائفين
    نخلا شمخ فوق الضفاف
    تربال معطر بالحنين
    وعشق الوطن
    يا ود مليت كل الفجاج
    عطرك اهبهب في الدروب
    عشقك نضم بيه الغريب قبل القريب
    شايل من الشمس الوضوح
    شايل من القمره البهاء
    شايل من النيل العطاء
    شايل من النخلة الشموخ
    ما بدلك زمن الضلام
    عبيتنا بالشوق والامل
    ما بعت مجدك بالرخيص
    ماخنت شعبك يالسمح
    شالوك رفقاتك نشيد
    وسونلك البنوت غنا
    يا وليدي يا اجدع جنا
    ولد الهنا
    رفرف مع الطير الخضر
    واهمس مع الموج في السفر
    واملا السنابل بالقمح
    عبئ المدن شعاع فرح
    وامرق مع الغيم ياندي
    واحضن للوحك واقرا في
    انثر مدايحك في المسيد
    واقرا كتابك والصحاب
    وحباب حباب
    ولدي السمح
    لاغاب لاعاب
    لابس الوطن
    قلم رصاص
    نشيد
    صفحة كتاب
                   |Articles |News |مقالات |بيانات

28-09-2013, 07:28 AM

حسين نوباتيا
<aحسين نوباتيا
تاريخ التسجيل: 06-06-2008
مجموع المشاركات: 2460

للتواصل معنا

FaceBook
تويتر Twitter
YouTube


Re: في رثاء شهداء الثوره السودانيه شعر(عبد العزيز عثمان)! (Re: Tragie Mustafa)

    شكرا يا تراجي ...

    هذا العبد العزيز له نبع لا ينضب من الشعر الصادق العذب

    اخضع شياطن الشعر فصارت ملائكة تزف الشهداء الشهيد تلو الشهيد

    له منا التحية والتجلة والاحترام...
                   |Articles |News |مقالات |بيانات

28-09-2013, 07:40 AM

Tragie Mustafa
<aTragie Mustafa
تاريخ التسجيل: 29-03-2005
مجموع المشاركات: 49964

للتواصل معنا

FaceBook
تويتر Twitter
YouTube


Re: في رثاء شهداء الثوره السودانيه شعر(عبد العزيز عثمان)! (Re: حسين نوباتيا)

    شكرا اخي حسين نوباتيا

    فعلا الكلمه طيعه لدي المبدع عبد العزيز خاصه ان حزنه صادق علي درر شبابنا وهي تتساقط هكذا....


    Quote:
    شكرا يا تراجي ...

    هذا العبد العزيز له نبع لا ينضب من الشعر الصادق العذب

    اخضع شياطن الشعر فصارت ملائكة تزف الشهداء الشهيد تلو الشهيد

    له منا التحية والتجلة والاحترام...


    لم اطالع شعره من قبل ولكني افعل الان....واجده...فعلا ينشر الدرر.....لهم الله شهداءنا...وانها لثوره حتي النصر.
                   |Articles |News |مقالات |بيانات

28-09-2013, 07:42 AM

Tragie Mustafa
<aTragie Mustafa
تاريخ التسجيل: 29-03-2005
مجموع المشاركات: 49964

للتواصل معنا

FaceBook
تويتر Twitter
YouTube


Re: في رثاء شهداء الثوره السودانيه شعر(عبد العزيز عثمان)! (Re: Tragie Mustafa)

    ويرثي في الشهيد صلاح الدين مدثر السنهوري.....ربنا يتقبل شهادته.... ويصبر اهله....

    Quote:
    يا عفيف...
    كان سنهوري وضيئا،حلو الروح
    جميل البسمات
    كان قنديلا من الضوء
    يحلم بالصباحات
    يداوي للجراحات
    ويعطي
    كان يعطي
    كنبي المعجزات
    غير ان الفجرة
    قد رؤوا النور تلالا في جبينه
    امطروه بالرصاصات
    وظنو انهم سيعيدونا
    لعصر الظلمات
    فاجئتهم الفوانيس
    التي عشقت لسنهوري
    تحاصرهم
    يشرق الصبح في كل الجهات

                   |Articles |News |مقالات |بيانات

28-09-2013, 07:52 AM

بله محمد الفاضل
<aبله محمد الفاضل
تاريخ التسجيل: 27-11-2007
مجموع المشاركات: 8617

للتواصل معنا

FaceBook
تويتر Twitter
YouTube


Re: في رثاء شهداء الثوره السودانيه شعر(عبد العزيز عثمان)! (Re: Tragie Mustafa)

    جعلنا الله جميعاً فداء للوطن



    شكراً تراجي
    شكراً عبد العزيز


    وتقبل الله الشهداء في عليين
                   |Articles |News |مقالات |بيانات

28-09-2013, 08:05 AM

Tragie Mustafa
<aTragie Mustafa
تاريخ التسجيل: 29-03-2005
مجموع المشاركات: 49964

للتواصل معنا

FaceBook
تويتر Twitter
YouTube


Re: في رثاء شهداء الثوره السودانيه شعر(عبد العزيز عثمان)! (Re: بله محمد الفاضل)

    اخي الفاضل بله ربنا ي يتقبل الشهداء جميعا

    Quote:

    جعلنا الله جميعاً فداء للوطن



    شكراً تراجي
    شكراً عبد العزيز


    وتقبل الله الشهداء في عليين


    ويصبر اهلهم....ويغفر لهم ....ويجعل شهادتهم.....فداء للوطن.
                   |Articles |News |مقالات |بيانات

28-09-2013, 08:28 AM

عبدالعزيز عثمان
<aعبدالعزيز عثمان
تاريخ التسجيل: 26-05-2013
مجموع المشاركات: 4037

للتواصل معنا

FaceBook
تويتر Twitter
YouTube


Re: في رثاء شهداء الثوره السودانيه شعر(عبد العزيز عثمان)! (Re: Tragie Mustafa)

    سجل بحروف النور ضواية
    سجل ياشعب
    في الصفحة الاولي في سير المجد.....
    مازن ود سيد احمد...
    الولد السمح الذي الورد
    معجون برحيق الناس الطيبة
    مسقي بالعز والحمد
    ابواتو العطرو ساحة البلد السمحة بعرق الكد
    ما نبتت لحمه في جسدو الطاهر من السحت
    الولد القام انسان مبروك
    مشروق بالوطن ،الناس
    بتشوف الروح جواهو تضوي
    والقلب الحالم بالوطن الاخدر
    يامازن طالع من بدري وسايقك شوقك
    يامازن عطرك فوح كل ضفاف النيل
    عطر مدني وكل قراها الطيبة
    شايل يومك كلو حلم ونشيد
    وبسمة توزع فيها علي الجيران
    يامازن بدري ماكملت غنيتي معاك
    يامازن بدري كان ميعادنا هناك
    قدام قبة ابونا السني
    عشان ماشين نشيلو نشيدنا قصاد النيل
    ياليل ياحزن ياهم تقيل
    قدامك اسع خته كتابو
    ونادي اصحابو
    وغنو
    وضوو
    نشدو ليك يا نيل
    ياغيم
    ورفرف ماذن
    فارق بس في رمشة عين احبابو
    الا الولد الاخدر سجل اول كلمة عز
    في كتاب المجد
                   |Articles |News |مقالات |بيانات

28-09-2013, 09:26 AM

Tragie Mustafa
<aTragie Mustafa
تاريخ التسجيل: 29-03-2005
مجموع المشاركات: 49964

للتواصل معنا

FaceBook
تويتر Twitter
YouTube


Re: في رثاء شهداء الثوره السودانيه شعر(عبد العزيز عثمان)! (Re: عبدالعزيز عثمان)

    شكرا عبد العزيز عثمان علي حضورك بالباب....

    وطالما استعدت الباس ورد بتاعتك.....نقول اتفضل امسك البوست.....وكثر خيرك علي التوثيق للشهداء....وفعلا ساعمل علي تعديل المداخله الاولي لتكون من حق اول الشهداء وهو مازن ود سيد احمد...
    رحمهم الله جميعا وتقبلهم برحمته وغفرانه.
                   |Articles |News |مقالات |بيانات

28-09-2013, 01:32 PM

د. بشار صقر
<aد. بشار صقر
تاريخ التسجيل: 21-06-2015
مجموع المشاركات: 142

للتواصل معنا

FaceBook
تويتر Twitter
YouTube


Re: في رثاء شهداء الثوره السودانيه شعر(عبد العزيز عثمان)! (Re: Tragie Mustafa)

    المجد و الخلود لشهدائنا الابرار
    ....................

    والتحية لهذا الشعب وهو يرسم ثورته بدمه


    والتحية لكي تراجي مصطفى.....................
    كنت دوما متقدة بالثورة................
                   |Articles |News |مقالات |بيانات

28-09-2013, 09:11 PM

Tragie Mustafa
<aTragie Mustafa
تاريخ التسجيل: 29-03-2005
مجموع المشاركات: 49964

للتواصل معنا

FaceBook
تويتر Twitter
YouTube


Re: في رثاء شهداء الثوره السودانيه شعر(عبد العزيز عثمان)! (Re: د. بشار صقر)

    التحيه لك د.بشاره صقر

    و التحيه لكل الثوار.....

    Quote:

    المجد و الخلود لشهدائنا الابرار

    ....................

    والتحية لهذا الشعب وهو يرسم ثورته بدمه


    والتحية لكي تراجي مصطفى.....................

    كنت دوما متقدة بالثورة................


    تسلم اخي وشكرا علي الانصاف.....فقد تطاول البعض علينا كثيرا وزايدوا ي مواقفنا.
                   |Articles |News |مقالات |بيانات

28-09-2013, 09:16 PM

عبدالعزيز عثمان
<aعبدالعزيز عثمان
تاريخ التسجيل: 26-05-2013
مجموع المشاركات: 4037

للتواصل معنا

FaceBook
تويتر Twitter
YouTube


Re: في رثاء شهداء الثوره السودانيه شعر(عبد العزيز عثمان)! (Re: Tragie Mustafa)

    ام الشهيد ولاء الدين الجاك تودع ضناها واصحابه الشهداء......
    يا حلال العقد
    هداي هوام الليل
    لحاق الضعيف
    الحملو هده الحيل
    فراج الكرب
    زاد حملي اضحي تقيل
    وضاق واسع الفضاء
    كتر الاسي والويل
    جود بالجود والطف
    الدم دفر ذي سيل
    جنااااااي...
    كت داخراه للعوجة وزمانه الشين
    وكت راجياه سند لي وضي للعين
    رضعتو السماح الزين جنا الزينين
    وسقيتو الحنين ولدي الشفوق وحنين
    وريتو الصح بي وين
    ووين الكضب والشين
    حبابو الحر جناي
    ما احتار وقف بين بين
    اختار الشعب ابوه
    والشرفاء والطيبين
    وليييييدي....
    ما سويت عوج صدوك يا جنايا
    وما اندسيت جريت اجابنت ياعشايا
    وما كت يوم شليق لقوك بي عصايا
    ولدن زين سمح ماحجت لي وصايا
    سرج خيلك مشيت للشمسو ضوايا
    عافيالك ضناي بلقاك في الجايا
    حاكمنا....
    الراعي الامين بعرف هموم الناس
    مليان بي اساهم مو اصنج عديم احساس
    بحكم بالعدل مي قنبلة ورصاص
    بعد السرقة ليش كتلة ولاد الناس
    ياريس البلد حاكمنا في الخرتوم
    ماضق فقد الضنا وجعوا البيحمي النوم
    ولا حرقة حشا الامات والمظلوم
    لو كت بشر لكت طلقتو حكما شوم
    ومختار الشعب فيك والحي والقيوم
                   |Articles |News |مقالات |بيانات

28-09-2013, 09:21 PM

Bashasha
<aBashasha
تاريخ التسجيل: 08-10-2003
مجموع المشاركات: 18723

للتواصل معنا

FaceBook
تويتر Twitter
YouTube


Re: في رثاء شهداء الثوره السودانيه شعر(عبد العزيز عثمان)! (Re: Tragie Mustafa)

    سلام يا فردة!

    لولا الظروف التاريخية المالثة، لافردنا لك بوست ترحيب حار، صديق الزمن الجميل عبدالعزيز.

    زي ما قتا ليك، كنت لما احب اقرق علي اخونا الحاج وراق دفعتنا، او "شيخك" في الموضوع اياه، كنت كتير بجيب سيرتك!

    مرحب بيك وانا سعيد بوجود واحد زيك هنا، صوفي مترع روحانية.
                   |Articles |News |مقالات |بيانات

28-09-2013, 09:22 PM

وضاحة
<aوضاحة
تاريخ التسجيل: 16-01-2005
مجموع المشاركات: 8799

للتواصل معنا

FaceBook
تويتر Twitter
YouTube


Re: في رثاء شهداء الثوره السودانيه شعر(عبد العزيز عثمان)! (Re: Bashasha)

    يسلم يمينك يا عبد العزيز
                   |Articles |News |مقالات |بيانات

28-09-2013, 10:15 PM

إدريس محمد إبراهيم
<aإدريس محمد إبراهيم
تاريخ التسجيل: 13-03-2006
مجموع المشاركات: 2671

للتواصل معنا

FaceBook
تويتر Twitter
YouTube


Re: في رثاء شهداء الثوره السودانيه شعر(عبد العزيز عثمان)! (Re: وضاحة)





    EmailProfileEditرد على الموضوع يا طالع الشارع
    يلاك نحتج
    نصرخ ونتظاهر
    والكلمة هي الحجة
    .. ... .. ...

    يلاك نقول الحق
    نملا البلد ضجة
    سوداننا فوق الكل
    لا راضي عيشة الذل
    لا طالع أترجى
    طالع أشيل حقي
    وازن كلامي قبيل
    ماجاي أتهجا

    .. ... .. ...

    سلمية سلمية
    و أملاكنا محمية
    وأصواتنا مسموعة
    والراية مرفوعة
    ضد الحرامية

    .. ... .. ...

    يا طالع التاتشر
    ويا ماسك الدوشكا
    يا خوي وود أمي
    يا الداري بي همي
    أنا طالع الشارع
    ومأمنك دمي
    ما تستبيح دمي
    ماتستبيح دمي

    .. ... .. ...

    سلمية سلمية
    والعزة أوطاني
    أحميك وتحميني
    لا ذلة من تاني
    ما إنت سوداني
    وأنا ذاتي سوداني
    سوداني يا غالي
    يا أرض حرية
    تفداك أرواحنا
    وأملاكنا محمية

    .. ... .. ...

    مرقتنا مشروعة
    ثورتنا سلمية
    لا لامة مرتزقة
    لا ديل حرامية
    يا طالع الشارع
    أصرخ بعلو الصوت
    سلمية سلمية
    حرية حرية






    EmailProfileEditرد على الموضوع وئامم كمال الدين
                   |Articles |News |مقالات |بيانات

28-09-2013, 11:59 PM

عبدالعزيز عثمان
<aعبدالعزيز عثمان
تاريخ التسجيل: 26-05-2013
مجموع المشاركات: 4037

للتواصل معنا

FaceBook
تويتر Twitter
YouTube


Re: في رثاء شهداء الثوره السودانيه شعر(عبد العزيز عثمان)! (Re: إدريس محمد إبراهيم)

    الشهداء...
    هم لم يموتو.. نحن من متنا
    فيا وجعي ويا وجع الصحاب
    اكملوا الواجب في الوقت تماما
    جادوا بالروح لحل المعضلات الصعب
    للشجيرات لتنمو في الهضاب
    ليشمخ النخل
    تخضر الحقول
    تعود للساحات بهجتها
    فقد طال الغياب
    ايه يا وجعي وياوجع الحروف
    حرق الدم نداها
    عكس ما قد يكتب الشعراء
    ندخل الان عميقا غيهب الجب
    دماء وعذاب
    يصعد الشهداء
    نحو الله
    قرب سدرة منتهي الاحزان
    حباري من فيوضات الجناب.
                   |Articles |News |مقالات |بيانات

29-09-2013, 07:57 AM

عبدالعزيز عثمان
<aعبدالعزيز عثمان
تاريخ التسجيل: 26-05-2013
مجموع المشاركات: 4037

للتواصل معنا

FaceBook
تويتر Twitter
YouTube


Re: في رثاء شهداء الثوره السودانيه شعر(عبد العزيز عثمان)! (Re: عبدالعزيز عثمان)

    تقدم تقدم
    فما خلفك سوي المتعبين
    وندب الثكالي
    والاسي والانين
    واهة من فقدت ضناها
    فشق بكاها السكون
    تقدم وامرق كما السهم
    صلبا لا تلين
    واصدح بصوتك
    نشيد الحياة
    يزلزل الارض تحت الطغاة
    وامشي نحوه الضوء امشي
    تبادلك الارض حلو الغناء
    يلوح النخل بالكبرياء
    ويهدر الوطن كالسيل
    تشرق الشمس يا سيدي بالبهاء
                   |Articles |News |مقالات |بيانات

29-09-2013, 08:49 PM

عبدالعزيز عثمان
<aعبدالعزيز عثمان
تاريخ التسجيل: 26-05-2013
مجموع المشاركات: 4037

للتواصل معنا

FaceBook
تويتر Twitter
YouTube


Re: في رثاء شهداء الثوره السودانيه شعر(عبد العزيز عثمان)! (Re: عبدالعزيز عثمان)

    ام الشهيد بابكر ،تهديه تميمة للوطن
    بطوي قليبي فوق مري
    وفراقو الحار
    بكفكف يابا دمع العين
    ينوثر بالوجع ذي نار
    بقيف ذي النخل شامخة
    اطمن صحبتو الاخيار
    يمين ما مات
    هداك ضئ البعيد والجار
    قسم شايلاه من الكتاب اية
    تميمة تحرس الثوار
    من الكهنة والاشرار
    مرق نور الصباح ولدي
    وقسم ضيه دار لي دار
    بغنيلو الكلس ولدا
    جعل عشق الوطن دينا
    شريف ما سوي لي العار
    راح في حق الوطن فارس
    معاه الكوكبة الاخيار
    وبقولو ضناي...
    شديت للعزيمة مرقت تارك فرض
    بحلف بيك ماني البفرط في الوطن والعرض
    وضوك ات واخوانك بيشرق في نواحي الارض
                   |Articles |News |مقالات |بيانات

29-09-2013, 09:08 PM

عثمان جاد الله بخيت
<aعثمان جاد الله بخيت
تاريخ التسجيل: 24-06-2013
مجموع المشاركات: 97

للتواصل معنا

FaceBook
تويتر Twitter
YouTube


Re: في رثاء شهداء الثوره السودانيه شعر(عبد العزيز عثمان)! (Re: عبدالعزيز عثمان)

    سلمتي اختي تراجي ست البيت

    سلمت اخي العزيز ود عثمان .... وياها المحريه فيك آآآآ عشا البايتات

    والشهيد ما مات ..... الشهيد بيروي بي دمو ريدة الوطن ... فتخرج الأرض الثبات ... رحم الله الشهداء اللهم أجرنا في مصيبتنا والهمنا الثبات
                   |Articles |News |مقالات |بيانات

30-09-2013, 03:24 AM

Tragie Mustafa
<aTragie Mustafa
تاريخ التسجيل: 29-03-2005
مجموع المشاركات: 49964

للتواصل معنا

FaceBook
تويتر Twitter
YouTube


Re: في رثاء شهداء الثوره السودانيه شعر(عبد العزيز عثمان)! (Re: عثمان جاد الله بخيت)

    المجد للثوار...و المجد للشهداء.
                   |Articles |News |مقالات |بيانات

30-09-2013, 03:31 AM

حسين نوباتيا
<aحسين نوباتيا
تاريخ التسجيل: 06-06-2008
مجموع المشاركات: 2460

للتواصل معنا

FaceBook
تويتر Twitter
YouTube


Re: في رثاء شهداء الثوره السودانيه شعر(عبد العزيز عثمان)! (Re: Tragie Mustafa)

    يمين يا صلاح.......
    شيل ايديك وارمي وحي عليك يا فلاح ...
    صلاح قدّم ونحن وراك يمين يا صلاح ..
    . عقيد الشهدا ما قبّل وقت صوّب عليه سلاح ...
    واتلقاه بصدراً رحب صادق، سلام وكفاح ... .
    .... سلام يا صلاح ... سلام يا مهجة الأرواح ...
    يا رمزاً لدى الأوطان .. يا وطناً لكل صباح ...
    يا فخراً لآل سنهوري .. يا عزاً ورمز نجاح ...
    فكم داويت من الأسقام ... وكم ضمّد يديك جراح ...
    .... أمان يا صلاح ...
    جيت تشاقق الطابور زي أسداً صريح وضّاح ...
    وخاف أب جندب المجنون وفي صدرك ضرب تاح تاح ...
    وشفت أنا جسدك الطاهر فوق أكتاف تشيله ألواح ...
    واتحسرت على نفسي ... وقلت صلاح بطل ما راح ...
    .... يمين يا صلاح ... وعهداً .. الظلام ينزاح ...
    يمين يا صلاح ... ما نترك كلاب السلطة يوم ترتاح ...
    يمين يا صلاح ... جبينك يضوي في سمانا كما المصباح ...
    يمين يا صلاح ... نهار وضّاح ... شعوب ترتاح ...
    وماف أشباح ... ولا باباً بدون مفتاح ..
    . يمين يا صلاح ... يمين يا صلاح ... يمين يا صلاح ...

    أحمد العوض
                   |Articles |News |مقالات |بيانات

30-09-2013, 05:16 AM

د.يوسف محمد طاهر
<aد.يوسف محمد طاهر
تاريخ التسجيل: 13-11-2009
مجموع المشاركات: 5261

للتواصل معنا

FaceBook
تويتر Twitter
YouTube


Re: في رثاء شهداء الثوره السودانيه شعر(عبد العزيز عثمان)! (Re: حسين نوباتيا)

    سلام : تراجي .......... لعلك بخير .

    بعودتك عاد للبورد ألقه ورونقه .....

    المجد لشهداء الوطن الجريح .....

    نسأل الله تعالى أن يتقبلهم قبولاً حسناً .....
                   |Articles |News |مقالات |بيانات

30-09-2013, 01:14 PM

عبدالعزيز عثمان
<aعبدالعزيز عثمان
تاريخ التسجيل: 26-05-2013
مجموع المشاركات: 4037

للتواصل معنا

FaceBook
تويتر Twitter
YouTube


Re: في رثاء شهداء الثوره السودانيه شعر(عبد العزيز عثمان)! (Re: د.يوسف محمد طاهر)

    طيف وفاء عبدالباقي يشع في الافاق
    هي الان طيف شفيف
    يشع سماحة وبهاء
    وهج من كوكب دري
    يزين الافاق بقناديل الضوء
    نفحة ..
    من نور الله الحلو
    طيفها الان حنين وهامس
    يجئ طالعا من بين الندي والغمام
    التسابيح والنشيد
    يجوب افاق وطن حزين
    طارت عصافير اشواقه
    بارت الحقول
    اجدبت المواسم
    تعب العشاق من انتظار افراح تاخرت
    ادرك النيل الغضب
    امتلات الشوارع بالعسس
    ولكن طيفها اشرق
    فغمر الكون البهاء العظيم
    قالت الصبايا..
    غمرنا بالغبطة
    اطفا في دواخلنا الام الهجر
    وهيئنا للحياة
    قال الشيوخ..
    لقد اشرق فينا
    نفض عنا الرتابة والقدم
    فعدنا عصافير تفتش عن الفرح
    قالت الامهات..
    لقد وهبنا السكينة والحبور
    ومضي
    طبف وفاء المقدس
    داوي جدب الحقول
    ######ط المواسم
    هدهد العمال المتعبين
    اهدي النخل النشيد
    فعاد شامخا ممتلئا بالعطاء
    في المدينة ...
    ارعب الجند والعسس
    صدحت الشوارع بالغناء
    وتدفق بحر النور يغمر الظلمة
                   |Articles |News |مقالات |بيانات

30-09-2013, 02:14 PM

محمد كابيلا
<aمحمد كابيلا
تاريخ التسجيل: 15-11-2008
مجموع المشاركات: 3454

للتواصل معنا

FaceBook
تويتر Twitter
YouTube


Re: في رثاء شهداء الثوره السودانيه شعر(عبد العزيز عثمان)! (Re: عبدالعزيز عثمان)

    شكرا تراجى مصطفى

    وشكرا عبدالعزيز عثمان للكلمات الصادقة

    ودائما الشعر هو وقود الثورة ....

    ما جانا عشقك من فراغ ، لا نحنا غنيناكــ عبط

    والليلة يا موت يا حياة وخاتي البيختار الوســــط

    ---------
                   |Articles |News |مقالات |بيانات

30-09-2013, 11:02 PM

عبدالعزيز عثمان
<aعبدالعزيز عثمان
تاريخ التسجيل: 26-05-2013
مجموع المشاركات: 4037

للتواصل معنا

FaceBook
تويتر Twitter
YouTube


Re: في رثاء شهداء الثوره السودانيه شعر(عبد العزيز عثمان)! (Re: محمد كابيلا)

    يا امه،شدي عليك الجرح وانتصبي،هو لم يمت،انه انضر ما في الحياة
                   |Articles |News |مقالات |بيانات

01-10-2013, 05:43 AM

عبدالعزيز عثمان
<aعبدالعزيز عثمان
تاريخ التسجيل: 26-05-2013
مجموع المشاركات: 4037

للتواصل معنا

FaceBook
تويتر Twitter
YouTube


Re: في رثاء شهداء الثوره السودانيه شعر(عبد العزيز عثمان)! (Re: عبدالعزيز عثمان)

    عبدالعزيز عثمان

    منذ ‏36‏ دقيقة

    .



    الشهيدة وفاء عبدالباقي
    يا للبنية ام ذوق
    عفتها صايناها
    ما احتجت اوصيها
    العزة حارساها
    طرق السماح والضي
    من جاهله خابراها
    وانا ما بقول احي
    عند ربي وادعاها
    وعند كل قلبا حي
    شايل لذكراها
                   |Articles |News |مقالات |بيانات

01-10-2013, 07:46 AM

احمد ضحية

تاريخ التسجيل: 24-02-2004
مجموع المشاركات: 1871

للتواصل معنا

FaceBook
تويتر Twitter
YouTube


Re: في رثاء شهداء الثوره السودانيه شعر(عبد العزيز عثمان)! (Re: عبدالعزيز عثمان)

    .
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de